البوابةالرئيسيةس .و .جبحـثالتسجيلدخول





شاطر | 
 

 انا واخويا على ابن عمي ..!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ضـــي
|مشرف|
|مشرف|


عدد الرسائل : 4078
العمر : 29
الوظيفة : خليها على الله
تاريخ التسجيل : 01/12/2006

مُساهمةموضوع: انا واخويا على ابن عمي ..!!   الأربعاء 22 أغسطس 2007, 3:25 am

بسم الله الرحمن الرحيم
انا واخويا على ابن عمي
وانا وابن عمي على الغريب ..
واحد من الامثال الشعبيه اللي اغلبيه الشعب المصري واخدها زي اللبانه في بقه ...
كل كبيره وصغيره تلاقيهم يجيبوا فيها مثل ...
طبعا يا رجاله ..احنا كلنا عارفين ..ان الامثال الشعبيه ليها معاني جميله وغالبا ما بتوجه الناس لسلوك صح ..
ما علينا مش موضوعنا نتعمق في قوي ..
بس نظرا لما يمر بيه شعبنا المصري من تجدد ورقي في الثقافات وطرق التفكير ..
فا كان لازم معاه يتطور طريقه فهمنا للامور ..
والمعاني ..يعني بمعنى اصح ..
بنعملها نيو عك ..- مش نيو لوك-
واحد من الامثال دي اخينا اللي فوق ..
افهمكوا ازاي ...
بعد كل اللي قولته ...
ممكن نوضح ده بالتطبيقع العملي على المثل بتاعنا ...
تبدأ القصه يا اخواني من ميعاد ما هاقولكوا كده بالظبط ..
ركزووا بقى ...
..
في يوم من ذوات الايام ...خير اللهم اجعله خير ....
اتغدينا والحمد لله ...
وطبعا كالعاده ..- واحده من العادات الي احنا عارفين بلاويها وبردو بنصر ان احنا نعملها -..
لا زم نشرب الشاي بعد الغدا ...
بما ان انا دكتوره البيت بقى ....فا كان لازم يكونلي بصمتي الخاصه ..
فا قررت اني ابطل اشرب شاي ..
ما علينا ...
وتكمله لسيناريو العادات الصحيه بردو ...
كل واحد يبص لكوبايه الشاي .اخلصي بقى عاوز انام ..بعد الاكل عدل ..
عااادي ...
ما علينا .........
واحنا قاعدين مستنيين الشاي يخلص ...........
مره واحده ...
يالهوي ........ يا خرابي ...
لا مش انا ده في الشارع .........
وطبعا ستات المنطقه كلهم يخرجوا شايفين شغلهم صح ...
رغم انهم ميعرفوش الموضوع ايه ...
بس اديهم بيعملوا حاجه لحد ما الليله تنفض ويفهموا ايه اللي بيحصل ..
- الصبر يا رب ..معلش المراره بتنقح عليا ...-
وطبعا واحده من الحاجات اللي انا بعتبرها من الايجابيات النادره اللي تلاقيها وسط الناس اليومين دول ..
هيا الشهامه والرجوله ........
او بقاياها يعني ....ما علينا بردو ....
تيجي الرجاله ينزلوا كلهم عشان يساعدوا في اللي حصل ...
والله لو حريقه ..جردلين ميه ويطفوها ..
بيت بيقع ..يشيلوا قالبين طوب ولا بتاع ...
وهكذا دواليب ..
اللي ربنا يقدرهم عليه ...
وطبعا الموسيقى التصويريه شغاله ...- يا دهوتي ..-
ده كله وانا قاعده زي الهبله بضحك ع المنظر ومش فاهمه ايه اللي بيحصل ...
ماهي البلكونه اتزحمت وانا مستنيه حد صف اول يشوف مين البطل وييجي يحكيلي احداث الفيلم ...
- ماهو الطول هيبه يا جدعان .-
المهم ..لحد ما ربنا كرمني وشوفت مسرح الجريمه ...
ويا ريتني ما شوفت ...
اقدر اقول اني بطلت اضحك ولا حتى ابتسم لاخر اليوم ...
اتاري ..
الحكايه ايه .....!!!
كان في اتنين اخوات ....
واحد مات ..و التاني والحمد لله نجي من الموت يومها ...
الاخوه الاعزاء دول كان بينهم بيزنس ...
الاول منهم .. الناصح وده اللي مات ...
والتاني منهم ..الطيب - ده اللي بيقولوا عليه اهبل -..
طبعا لا ورقه ولا قلم ولا حتى كتب كتاب ...
يعني الراجل ...في الباي باي ..
ماهو واثق .اخويا يا جدعان ازاي يكتبلي ايصال ولا عقود ولا الكلام الفاضي ده ...
لحد ما خد الغالي وخلع ...
المهم .انه بعد شهاده الشهود على انه والنعمه كان في بينهم بيزنس ...
الراجل والحمد لله استطاع انه يفلت بالشقه اللي هيقعد فيها ..اللي هيا نص البيت ..
يبقى الاتنين دلوقتي ..عايشين في بيت واحد ..
بدأت المناقشات الهادفه والحوارات الجاده ...بين ولاد الاول - المرحوم -..
والتاني وولاده ...
لانه مينفعش راجل ملوش عندهم حاجه ..يستولي على حته من حقه كده ..
ازااااااااي ..!!
وكانت نتيجه الحوار الحضاري ..ومؤتمرات القمه ..
يومها ...- فاكرين بعد الشاي علطول ..-..
التالي .......
واااااااحد ::::
اجهاض مرات ابن عمهم ودخولها بنزيف للمستشفى ...
.اللي نورتها وعمرتها لمده كام اسبوع كده ...في غرفه الانعاش ...
اتنييييييييييين :::
فقع عين بنت عمهم ...بس بيقولوا لحقوها غالبا ..اه ماهو العين عليها حارس ...
بس تقريبا كانوا بيحبوها شويه زياده ...فا كان في كمان كسر في الفك السفلي ..
بالنسبه لابن عمهم ....
فا كان باقي الاخوه مكتفينه عشان ميدافعش عن حد من الستات اللي بتنضرب .. ولا عن ابوه ...
ابووووووووووووووووووووه ...
محدش عاوز يسأل ماله ابوه ..
عمهم ..سخصيا ....كان راجل مثابر ..
مسك الشومه ووقف لابن اخوه ...
وكان اسي لدرجه انه مقدرش ينشه بيها على دماغه حتى يفوقه ...
قعد يهوشه من بعيد بعيد ..قال ايه خايف لا الشومه تخبطه ...
وطبعا طبعا ..ابن اخوه اللي كان رايحله معاه السكينه اول ما شاف عمه كده ...
....اترمى في حضنه وقعد يعيط .. يعيط ...
- كركركركركركر.......
عشم ابليس ...-
هوه صراحه اترمى في حضنه .بس مش ابن اخوه ..
.عصايه حديد ...كده .. بنت ناس يعني ..
قد المسؤليه ..
بس اكمن الراجل كان متعود ع البهدله .. فا هيا يدوب وقعته بس ...
لا مات ولا حاجه ..لحد ما الناس شالوه وخبوه .. بعيد عن السكينه اللي كانت جايه تصفيه ..
حلو قوي ........
المهم .........بعد ما المجزره . خلصت وضحايا الحرب اتنقلوا ع المستشفى ...
الاحساس بالذنب كان هيقتل ولاد المرحوم ....
ماستنوش لما عمهم ييجي من المستشفى ..
طلعوا جري على شقه عمهم ..-اللي محتاس بعيلته في المستشفى ..
وما شاء الله .....
مسابوش فيها ولا حته سليمه .........
اومال عمهم ييجي كده يلاقي عفش وحاجات تقرف كده في السكه ...لازم ينضفوها ...!!
. بصوا .كفايه كده .عشان بس الضغط ......
واخيرا ..
انا لله وانا اليه راجعون ...
لله الامر من قبل ومن بعد ...
ملحوظه بقى ..:::
محدش يفهم بلدنا غلط .....
احنا عمر الحاجات دي ما حصلت عندنا قبل كده ..
انا طول عمري وانا عايشه بقول القرى دي هيا رمز الامن والامان ...
بس واضح ..اني هضطر اغير تفكيري مؤخرا ....
لان التطور وصل عندنا اخيرا والحمد لله .....
حمد الله ع السلامه ...
الرجوع الى أعلى الصفحة اذهب الى الأسفل
*.* عَـقـلٌ سَـاجِـدٌ *.*
" مشرف تكنولوجيا "

avatar

عدد الرسائل : 4362
العمر : 29
محل الاقامة : معـارك.الحـيــاة
الوظيفة : A.Free.Man...I.Am
تاريخ التسجيل : 27/11/2006

مُساهمةموضوع: رد: انا واخويا على ابن عمي ..!!   الأربعاء 22 أغسطس 2007, 3:47 am

لا إله إلا الله
ده اللى ملوش كبير
بيشتري له كبير
العيلة دى ملهاش كبير ولا إيه ؟؟؟


ضي القمر كتب:
بنعملها نيو عك ..- مش نيو لوك-

هههههههههههههههه
حلوة قووووووووووووى الجملة دى
******************
بس لسة الدنيا بخير على فكرة
يعنى انا كنت جاى من شبين فى سرفيس خط تلاتة
واكيد انتوا عارفين ان المسافة من اول الكبري الجديد لحد موقف الباجور بتتاخد على السريع
السواق واخدها كالمعتاد
وفجأة طلع له من الشارع اللى قبل البنزينة
راجل كبير سايق عجلة وواخد الشارع بالعرض
وانا زى الباشا (( متعود اركب جنب السواق ))
حاسب ........ حاسب
كان فات الأوان
affraid affraid affraid
الراجل طاااااااااااااااااااااااااااااار هو والعجلة ييجي خمستاشر متر
والعربية فرملت بغباوة خلت الناس تخبط فى بعض
الرجالة يزعقوا :: فيه إيه يا عم الحج ::
والحريم يصرخوا :: يا لهوي ويا خرابي ::
وبعدين
اربع خمس ثوانى صممممممممت
مروا كأنهم أربع خمس سنين
*****
لحد دلوقتي ما حدش لسة مستوعب الموقف
والسواق قاعد جنبي فاتح بقة
شوية ناس من الشارع جريوا يشوفوا الراجل الكبير ايو عجلة
وانا نزلت جرى من العربية ومعايا اتنين أصحابي ( محمود ومصطفى )
****
والسواق نازل يطمن على الراجل
جاله تلاتة بشوات من بتوع البنزينة
مسكوه
*************
المهم نرجع فلاش باك للراجل العجوز
احنا واقفين :: قوم يا حج قوم يا حج
قعد يتلوى فى الأرض شوية
وبعدين قومناه انا ومحمود
الراجل فام ركب العجلة ومشي بيها زى العفريت
واحنا عمالين نضحك وننق عليه
**********
بنلتفت للعربية اللى هتودينا الموقف بقى
*-***********
لقينا التلاتة بتوع البنزينة
ماسكين السواق الغلبان مروقينه
ولقينا مناخيره بتنزف
طرنا على هناك
وقفنا الضرب
وفيه إيه يا جماعة
الراجل الكبير قام وحصل خير وهو اللى كان غلطان
وبنحوش
روحت واخد لى خبطة حلوة على دراعي
روحت شادد محمود ومصطفى
وقلبناها مجزرة
واتنين كمان من الراكب جم يكملوا معانا
التلاتة البشوات بتوع النزينة اما لقوها كده
جروا ناعم وخلصوها على خير
وركبنا العربية
وروحنا
**************
المهم بقى نطلع بإيه من القصة دى ؟؟؟
بتوع البنزينة :: شافوا راجل كبير ( لا اخوهم ولا ابن عمهم ) اتخبط بالعربية
الشهامة نقحت عليهم ومن غير ما يعرفوا الغلطان مسكوا السواق روقوووووه
احنا :: شفنا الراجل الكبير انضرب ( لا أخونا ولا ابن عمنا ) روحنا معاه لحد ما قام
وشفنا السواق بينظلم ( لا أخونا ولا ابن عمنا ) خليتنا معاه لحد الآخر
الحكاية مش مسألة أخ وابن عم
الحكاية مسألة ظالم ومظلووووووووووم

_________________




يا مـُضَـيّعَ الأوقاتِ جهلا بحُرمتها .. أفِقْ و احذر بَواركْ

فـسوف تفارقُ اللذاتِ قـسْرا، ويُخلي الموتُ كرها منك داركْ

تدارك ما استطعتَ من الخطايا بـتوبة مُخـلِصٍ .. واجعل مداركْ

على طـلب السلامة من جحيمٍ ...
فـ *.* خـَيْـرُ ذوي الجرائمِ مَنْ تداركْ *.*

***
**
*




الرجوع الى أعلى الصفحة اذهب الى الأسفل
http://medicalclub.bb-fr.com/index.htm
ضـــي
|مشرف|
|مشرف|


عدد الرسائل : 4078
العمر : 29
الوظيفة : خليها على الله
تاريخ التسجيل : 01/12/2006

مُساهمةموضوع: رد: انا واخويا على ابن عمي ..!!   الأربعاء 22 أغسطس 2007, 4:05 am

ماهو ايوه يا دكتور لا اخ ولا ابن عم ..............زي ما بتقول .........
بس الموضوع بيوجع قوي .............لما تبقى جايه في دم واحد ...
وعيشه واحد وعلى حاجه هبله متستاهلش ..
ماحنا ....كده كده كلنا هنسيبها ....
ملحوطه بقى يا الراجل يا العجله ..حد فيهم مش هيوصل سليم ...بسبب نقكوا ...
...............انت ومصطفى ومحمود ...!!
الرجوع الى أعلى الصفحة اذهب الى الأسفل
*.* عَـقـلٌ سَـاجِـدٌ *.*
" مشرف تكنولوجيا "

avatar

عدد الرسائل : 4362
العمر : 29
محل الاقامة : معـارك.الحـيــاة
الوظيفة : A.Free.Man...I.Am
تاريخ التسجيل : 27/11/2006

مُساهمةموضوع: رد: انا واخويا على ابن عمي ..!!   الأربعاء 22 أغسطس 2007, 4:35 am

ههههههههههههههههه
زمانه مات صحيح
ههههههههههههههه
ولا يمكن يكون لسة عمال يخبط العربيات
المفتري ده

_________________




يا مـُضَـيّعَ الأوقاتِ جهلا بحُرمتها .. أفِقْ و احذر بَواركْ

فـسوف تفارقُ اللذاتِ قـسْرا، ويُخلي الموتُ كرها منك داركْ

تدارك ما استطعتَ من الخطايا بـتوبة مُخـلِصٍ .. واجعل مداركْ

على طـلب السلامة من جحيمٍ ...
فـ *.* خـَيْـرُ ذوي الجرائمِ مَنْ تداركْ *.*

***
**
*




الرجوع الى أعلى الصفحة اذهب الى الأسفل
http://medicalclub.bb-fr.com/index.htm
medicala
زائر



مُساهمةموضوع: رد: انا واخويا على ابن عمي ..!!   الأربعاء 22 أغسطس 2007, 5:48 am

اقتباس :
وقلبناها مجزرة

هههههههههههههههههههههه طول عمرك يا أبو حميد بتحب الأكشن

مين مصطفى مين محمود ؟؟!!!

أمال أنا كنت فين ؟؟؟ ههههههههه نصيحه متقعدش جمب السواق بعد كده !!


::::::::::::::::::::::::::::::::::::::::::::::::::::::::::::

بالنسبه للموضوع هو فعلا فيه حاجة اسمها ظالم ومظلوم واللى غلطان يتحاسب

حتى لو الشخص نفسه مش أبوة ولا أبن عمه بس موضوع جميل

وطريقه عرض جامدة خاصه الموسيقى التصويرية ؟؟!Very Happy Very Happy
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: انا واخويا على ابن عمي ..!!   الأربعاء 22 أغسطس 2007, 11:24 am

شكرا يا فارس على القصه عاوز انام بعد الحدوته
الرجوع الى أعلى الصفحة اذهب الى الأسفل
Lieutenant
عضو فضي
عضو فضي
avatar

عدد الرسائل : 555
العمر : 26
محل الاقامة : My Desktop
الوظيفة : cHATMASTEr
تاريخ التسجيل : 26/01/2007

مُساهمةموضوع: رد: انا واخويا على ابن عمي ..!!   الأربعاء 22 أغسطس 2007, 12:51 pm

thanks
الرجوع الى أعلى الصفحة اذهب الى الأسفل
ضـــي
|مشرف|
|مشرف|


عدد الرسائل : 4078
العمر : 29
الوظيفة : خليها على الله
تاريخ التسجيل : 01/12/2006

مُساهمةموضوع: رد: انا واخويا على ابن عمي ..!!   الإثنين 27 أغسطس 2007, 11:39 pm

Medicalawy Free كتب:
اقتباس :
وقلبناها مجزرة



::::::::::::::::::::::::::::::::::::::::::::::::::::::::::::

بالنسبه للموضوع هو فعلا فيه حاجة اسمها ظالم ومظلوم واللى غلطان يتحاسب

حتى لو الشخص نفسه مش أبوة ولا أبن عمه بس موضوع جميل

وطريقه عرض جامدة خاصه الموسيقى التصويرية ؟؟!Very Happy Very Happy

ولسه ده انا لسه هعمل تتر للمسلسل بدايه ونهايه وحقوق الطبع والنشر محفوطه ليا .........
وللمنتدى عشان محدش يزعل .......
الرجوع الى أعلى الصفحة اذهب الى الأسفل
Bahaa
|مشرف|
|مشرف|


عدد الرسائل : 8109
العمر : 29
محل الاقامة : My Dreams
الوظيفة : .....
تاريخ التسجيل : 08/02/2007

مُساهمةموضوع: رد: انا واخويا على ابن عمي ..!!   الإثنين 22 فبراير 2010, 8:11 am

لا حول ولا قوه الا بالله



اكنى بتفرج على فيلم هندى اللى بدور احداثه طول التلات ساعات ضرب ضرب مفيش شتيمه

فعلا

هو ده بقى حال الناس


الطمع والجشع وحب النفس

ولله الامر من قبل ومن بعد


الرجوع الى أعلى الصفحة اذهب الى الأسفل
http://www.mosshaf.com/web/
 
انا واخويا على ابن عمي ..!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: