البوابةالرئيسيةس .و .جبحـثالتسجيلدخول





شاطر | 
 

 لماذا نعم ..ولماذا لا .. للتعديلات الدستوريه

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
Invicible
عضو جديد
عضو جديد


عدد الرسائل : 21
العمر : 28
الوظيفة : 123
تاريخ التسجيل : 01/06/2010

مُساهمةموضوع: لماذا نعم ..ولماذا لا .. للتعديلات الدستوريه   الأربعاء 16 مارس 2011, 1:01 am

[center]
لية هنزل ارفض التعديلات يوم 19

1.قانونيا فالدستور السابق سقط فعليا بتخلى حسنى مبارك عن سلطاتة للجيش و دعوة الجيش لتعديل الدستور هيا دعوة غير دستورية تبعا لدستور 1971 و بكدة تكون مصر بلا دستور حاليا و لا يمكن ان نعدل شىء غير موجود فعلا

2.من غير المتصور او المنطقى ان يقوم رئيس جمهورية قادم بالدعوة لدستور جديد يتم فية تقليص صلاحياتة بشكل كبير و هو ما اتفق كل المصريين على وجوبة و الاكثر منطقية ان يتم تعديل الدستور قبل تولى الرئيس القادم مسئولياتة خصوصا فى وجود الجيش كحاكم للبلاد وهو ما يستريح لة الاغلبية بشكل مؤقت بالاضافة لما يؤكدة الجيش دائما لعدم وجود اى اطماع لة فى السلطة

3.من غير المنطقى ان يتم انتخاب مجلس الشعب القادم اللى هيختار اللجنة التأسيسية لوضع الدستور الجديد بناءا على الدستور القديم بكل ما فية من ثغرات و اهمها نسبة الخمسين بالمائة عمال و فلاحين الغير موجودة فى العالم كلة

4.من غير المنطقى ان يعاقب اى انسان مصرى على حمل والدة او والدتة لجنسية اجنبية اخرى فى يوم من الايام قد يكون قبل ميلاد المرشح نفسة و يتم حرمانة من حقوقة السياسية بناءا على قرار لم يكن لة يدا فية حتى لو تنازل الاب او الام عن تلك الجنسية

5.من غير المنطقى ان تسند الطعون فى الانتخابات للمحكمة الدستورية العليا و هيا نفسها الجهة المشرفة على الانتخابات و كأنها هيا الخصم و الحكم فى وقت واحد و كان من الاولى اسناد تلك الطعون لمحكمة النقض حتى يمكن توفير درجتين من التقاضى( الطعن على النتيجة امام محكمة النقض ثم الطعن على حكم النقض امام الدستورية العليا)

6.تحصين قرارات اللجنة العليا للانتخابات من اى مراجعة او طعن او رفض تعديل لا يقبلة اى منطق او عقل

7.عدم تحديد الدستور لصلاحيات نائب رئيس الجمهورية و تركها لرئيس الجمهورية يجعل هذا المنصب بلا صلاحيات جدية و يجعلة اقرب للمنصب الشرفى

8.حالة الانفلات الامنى الموجودة حاليا فى البلد لا تتفق مع الجو المستقر المفروض وجودة منطقيا قبل حدوث الاستفتاء اللى من الممكن ان يحدث اثناء وقوعة العديد من الحوادث المدبرة من فلول النظام او الخارجين عن القانون بغرض ترويع المستفتين

9.اغفلت التعديلات الدستورية الحق الاصيل للمصريين المقيمين بالخارج فى التصويت و هو ما يحدث فى كل بلاد العالم مع امكانية عقد لجنة انتخابية فى سفارات مصر فى كل انحاء العالم

10.الاصرار على الاستفتاء على مواد الدستور بشكل جماعى بدلا من الاستفتاء على المواد منفردة كما يقتضى المنطق

السيناريو البديل

يدعو المجلس العسكرى لجنة من كل اساتذة القانون الدستورى فى الجامعات المصرية بالاضافة لرؤساء محاكم النقض و رئيس المحكمة الدستورية العليا و نوابة لوضع دستور مصرى جديد و تمنح تلك اللجنة مدة ستة اشهر لوضع الدستور تنتهى فى 30 سبتمبر

يستفتى الشعب على الدستور الجديد فى مدة اقصاها 20 اكتوبر

تجرى انتخابات رئاسية عامة فى تاريخ اقصاة 15 ديسمبر و يسلم الرئيس المنتخب السلطة من المجلس العسكرى فى تاريخ اقصاة 31 ديسمبر

يلتزم الرئيس الجديد بدعوة الشعب لعقد انتخابات برلمانية جديدة قبل تاريخ 1 مارس 2012 و ينص دستوريا على منع ترشيح اى من اعضاء السلطة التنفيذية اى الوزراء فى تلك الانتخابات


------------------------------------------------------

لماذا نعم للتعديلات الدستورية المؤقتة؟


أولا: لأنها مؤقتة حيث تلك التعديلات لن تكون دائمة هي فقط تمهد لبناء مؤسسات منتخبة تقوم بإدارة عملية الانتقال السلمي للسلطة حيث تنص المادة 189 مكرر علي إلزام مجلسي الشعب والشوري التاليين لهذا الاستفتاء في خلال ستة أشهر من انتخاب المجلسين بتشكيل جمعية تأسيسية لوضع دستور جديد للبلاد



ثانيا : ضرورة إنهاء الوضع الاستثنائي القائم حالياً متمثلا في استمرار المجلس العسكري في السلطة تاركاً مهامه الاصلية معطلة ومحملاً عبئاً ثقيلا علي اخواننا ضباط وصف وجنود القوات المسلحة ، وكذلك يحمل مؤشراً ولو نفسياً لحالة من عدم الاستقرار في البلاد



ثالثا : ان تسليم السلطة الي حكومة مدنية منتخبة في أسرع وقت ممكن هو أهم الأولويات العاجلة لحماية الثورة من مآل يوليو 1952 عندما تكرر مشهد مماثل حيث كان قادة الحركة من ضباط الجيش يصرون علي اجراء انتخابات في غضون ستة أشهر وكان رئيس الحكومة المدنية علي ماهر يرغب في التأجيل لعامين وكان وقتها هو وسليمان حافظ والسنهوري وأخرون يتخوفون من أن إجراء انتخابات سريعه سوف يأتي بحزب الوفد !! وتعلمون أنه بعد ذلك أجلت الانتخابات النزيهه ستون عاما



رابعاً : هناك تخوف موهوم من أن تفرز الانتخابات القادمة تيارات غير ديمقراطية ويذكر عادة بالاسم الحزب الوطني أو جماعة الاخوان المسلمين ، أما عن الحزب الوطني فلا يمكن بمنطق عقلي بسيط أن يفوز في انتخابات حرة نزيهه فعلي مدي عقود كان فيها هذا الحزب يملك السلطة كاملة ويحتل البلاد شرقها وغربها أرضها وماءها لم يقنع الناس بانتخابه ولجأ الي التزوير الكامل لارادتهم فمن غير المعقول أن نتوهم انه من الممكن أن يحصل علي حصة أقلية معتبرة من المقاعد فضلا عن حصوله علي أغلبية بافتراض أنه نجا من الحل في القضية المنظورة حاليا أمام القضاء الاداري ، أما الإخوان فبالاضافة الي اعترافهم في كل أدبياتهم السياسية بقبول الالية الديمقراطية في العمل السياسي أوضحوا علي مستويات مختلفة أنهم سوف ينافسون علي ثلاثين في المائه فقط من المقاعد وذلك حسب اسبابهم انهم يرون ان السلطة في الوقت الحالي مغرم لا مغنم وكذلك يريدون ان يوجهوا رسالة طمأنينة للأخر في الداخل والخارج وأنهم يحتاجون الي وقت لتحسين صورتهم المشوهة علي مدي الستين عاما الماضية



خامساً : البعض يتحدث عن سقوط الدستور الحالي وعمليات ترقيع وأوضاع غير دستورية وتلك مقولات تشبه العناوين البراقة ولا ترقي الي أي تطبيق عملي فنحن نقر بأن الدستور الحالي ساقط ويجب وضع دستور جديد وهذا ما نفعله الان كما أوضحت في البند أولا ، حيث تلك الطريقة التي من خلالها نضع دستوراً جديدا يحتاج الي وقت للجدل حوله ليعبر عن صراع وتوافق القوي السياسية في مجتمع مغلق منذ ستين عاما ولا أحد يعرف علي وجه الترجيح الأوزان المختلفة لمختلف التيارات السياسية فيه.



سادساً : البعض يتحدث عن عدم جاهزية والقوي السياسية التي تشكلت مع الثورة لخوض انتخابات الآن ، وهذا تخوف غريب حقا حيث الآن والآن فقط تملك هذه القوي الوطنية زخم لا نظير له ربما يذبل بعد عام او اثنين بعد ان تتمكن قوي النظام السابق من جمع شتاتها وتجميل حروقها ، ولكم ان تتخيلوا أن صفحة كلنا خالد سعيد أحد مفجري الثورة عدد مشتركيها تجاوز المليون ، ولنا أن نقول ان هناك أحزاب قائمة منذ ما يقرب من أربعين عاماً لم تكن يوما جاهزة للمنافسة ولن تكون جاهزة ابدا وإذا اردنا انتظارهم سوف ننتظر قرون وليس عقود



سابعاً : هذه التعديلات سوف تمكننا من اجراء انتخابات برلمانية ورئاسية نزيهه تحت اشراف قضائي كامل وتمكن القضاء من الفصل في طعون الانتخابات باحكام ملزمة وتفتح فرص الترشح لمنصب رئيس الجمهورية والذي كان حكرا علي الحزب الحاكم وتقصر فترة رئيس الجمهورية علي أربع سنوات ويعاد انتخابه مرة واحدة فقط ثم تلزم المجلسين بالعمل علي وضع دستور جديد للبلاد وهذه التعديلات كلها ضمن المطالب الوطنية لسنوات مضت



إن المسألة تحتاج فقط الي كثير من الثقة بالنفس في أننا عندما نختار سوف نختار بطريقة صحيحة لنا أن نسترجع تلك الأوهام التي سقطت تحت اقدام الثوار من تخاذل الشعب ومواته وانعدام وعيه وعدم قدرته علي تنظيم صفوفه كما سقطت تلك الاوهام والتي كانت مسلمات سوف تسقط امام صناديق الاقتراع الشفافة كل أوهام الخائفين من قرار الشعب



إننا اذا رفضنا تلك التعديلات فإنما بذلك نطيل أمد الخطوة الاولي لبناء دولتنا ونعرض ثورتنا لتغيرات في النفوس والصفوف ولعل ما تابعناه من فتن ومؤامرات خلال الايام الماضيه ينبهنا الي ذللك الخطر الكامن في عنصر الوقت



فلنقل نعم للتعديلات الدستورية ليس كدستور نهائي ينهي الحالة الثورية بل كخطوة علي طريق بناء مصر الجديدة في ظل بقاء هذه الحالة الثورية رقيباً وضابطاً علي المؤسسات ولنتحمل مسؤليتنا في التوعية بها والدعوة اليها

الرجوع الى أعلى الصفحة اذهب الى الأسفل
Spirit
عضو سوبر
عضو سوبر


عدد الرسائل : 448
الوظيفة : على باب الله
تاريخ التسجيل : 01/10/2008

مُساهمةموضوع: رد: لماذا نعم ..ولماذا لا .. للتعديلات الدستوريه   الأربعاء 16 مارس 2011, 2:51 am

اقتباس :
.الاصرار على الاستفتاء على مواد الدستور بشكل جماعى بدلا من الاستفتاء على المواد منفردة كما يقتضى المنطق
نفسي افهم ليه

وبردو اخطاء الفقه الدستوري اللي قالوا عليها في الندوة انهاردة

ازاي شخصيات قانونية عملاقة زي الناس المسئولة عن لجنة التعديلات دي تكون مش واخدة بالها منها مثلا ؟؟

و طالما الناس لفتت انتباههم ليها
و لبعض الاضافات اللي كانت هتضفي قبول اكثر لقبول التعديلات الدستورية حتى من الجهات المعارضة لكدا

ليه منعدلش الحاجات دي
مانا في ايدي زي ما غيرت مواد معينة اغير غيرها
و انا اصلا معطل الدستور اللي ممكن يقيدني بمواعيد و جلسات و غيره .. و قراراتي في ايدي ؟؟

و اساسا ليه لخبطة للدستور مرة تعديله في شهر
و مرة تكوينه تاني في 6 شهور

يعني كل مشكلتنا في الخمس شهور ..
لأ نصبرهم احسن ..
و بلاها روحتك جيتك و حيرة كل شوية على قرار شكل
و نبتدي على نضيف بدستور جديد مضمون ...


و بالنسبة لمخاوف الحكم العسكري و امتداده

طالما هنشكل مجلس رئاسي ائتلاف من مدنيين و عسكريين زاهدين في الحكم

يبقى ليه الخوف من امتداد للحكم العسكري زي ما حصل في 54 في وجود اغلبية مدنية في المجلس الرئاسي
هيا الصلاحيات مش هتبقى منساوية بين افراد المجلس دا زي بعضهم ؟؟

و طالما انا خلااص اصلا صحيت و نويت افهم و المفروض اني اتعلمت من تجربة سابقة

ولا احنا لسه سهل ينضحك علينا ؟؟

معلش لو احنا بعد دا كله لسه سهل ينضحك علينا .. يبقي كل اللي حصل دا كان تهريج
لما عاوزين كل حاجة تتغير حوالينا و احنا لسه
و لو انا شايف اننا لسه سهل ينضحك عليا لخلل ما سواء جهل او غيره ..
يبقى ارفض و ارفض و ارفض التعديلات
لحد ما ابني قاعدة سليمة ابني عليها قراراتي و مينضحكش عليا تاني


سؤال لحد فاهم :
المجلس الرئاسي المقترح لتداول السلطة في حال رفض التعديلات الدستورية في المرحلة القادمة
هتكون طريقة شغله ازاي ؟؟؟؟؟

يعني هيكون اختصاصاته ايه .. و استنادا على ايه ؟؟

الرجوع الى أعلى الصفحة اذهب الى الأسفل
د.عبدالرحمن خليفة
: Staff :
: Staff :


عدد الرسائل : 1390
العمر : 38
الوظيفة : Pathologist ,assistant lecturer
تاريخ التسجيل : 27/11/2006

مُساهمةموضوع: رد: لماذا نعم ..ولماذا لا .. للتعديلات الدستوريه   الأربعاء 16 مارس 2011, 12:27 pm

[quote="Wake Up"]
اقتباس :
[color=blue]

سؤال لحد فاهم :
المجلس الرئاسي المقترح لتداول السلطة في حال رفض التعديلات الدستورية في المرحلة القادمة
هتكون طريقة شغله ازاي ؟؟؟؟؟

يعني هيكون اختصاصاته ايه .. و استنادا على ايه ؟؟


الاختصاصات الخاصة برئيس الجمهورية الي كانت بتديله صلاحيات امبراطورية لم يتم تعديلها في التعديلات الدستورية الجديدة !!...بس المواد الي بتحدد اختصاصات الرئيس معطلة في الدستور ولن يتم العمل بيها لو الشعب قال نعم للتعديلات والمجلس العسكري طلع بيان دستوري يمشي البلد بال 9 مواد دول بس!!
ويبقى السؤال قائما : اختصاصات رئيس الجمهورية هتبقى ايه ؟؟!!

_________________
---------------------------------------------------
:: Dr. A b d e l r a h m a n K h a l i f a ::
---------------------------------------------------
Assistant Lecturer of Pathology
الرجوع الى أعلى الصفحة اذهب الى الأسفل
http://www.easypathology.nett
Spirit
عضو سوبر
عضو سوبر


عدد الرسائل : 448
الوظيفة : على باب الله
تاريخ التسجيل : 01/10/2008

مُساهمةموضوع: رد: لماذا نعم ..ولماذا لا .. للتعديلات الدستوريه   الجمعة 18 مارس 2011, 9:45 am

قرأت اعلان امبارح من بتاع " نعم " للتعديلات
بيقول سؤال : ما معناه عشان مش فاكره
لو رفضنا التعديلات يوم 19 , هيحصل ايه ؟؟

و ردوا و قالوا ان المجلس العسكري ساعتها هيظل يحكمنا بدستور 71 المعيب
و مش هتتغير حاجة

معلش الكلام ضبابي بس عشان كنت مستعجلة وانا بقرأه

بس ايه الكلام دا يعني ؟؟

هل دا كلام يتصدق اصلا ؟


الرجوع الى أعلى الصفحة اذهب الى الأسفل
اعقلها وتوكل
:: عضو مثقف ::
:: عضو مثقف ::


عدد الرسائل : 4488
العمر : 28
الوظيفة : سبحان الله وبحمده سبحان الله العظيم
تاريخ التسجيل : 18/07/2009

مُساهمةموضوع: رد: لماذا نعم ..ولماذا لا .. للتعديلات الدستوريه   الجمعة 18 مارس 2011, 1:16 pm

سأقول لا للتعديلات الدستورية ليس خوفا ولاتوجسا من الاخوان فهم لا يخيفون ولا يجب أن يخيفوا فازوا أو فشلوا،غلبوا أو تراجعوا ، لكننى أقول لا للتعديلات لأن ثورة خمسة وعشرين يناير لاتقبل ولا يجب ان تقبل أنصاف الحلول ولا الحد الأدنى ولا الإصلاح ا......لتدريجى ولا الدستور حتة حتة ولا تلك النغمة البغيضة الثقيلة الرخمة بتاعة واحنا كنا نحلم بهذه التعديلات !
فلا يجب أن نرضى بالترميم ولا بالترتيش
بل كل ما نريده الآن وحالا ! Laughing
الرجوع الى أعلى الصفحة اذهب الى الأسفل
Spirit
عضو سوبر
عضو سوبر


عدد الرسائل : 448
الوظيفة : على باب الله
تاريخ التسجيل : 01/10/2008

مُساهمةموضوع: رد: لماذا نعم ..ولماذا لا .. للتعديلات الدستوريه   الجمعة 18 مارس 2011, 2:17 pm

اول سبب ممكن يخليني اقول لأ :

ان لي اعتراض على كل نقطة بتقول نعم

و مش كافية لاقناعي الصراحة

بعيد عن كلام الثورات .. بتاع من يرضى بأنصاف الحلول دا ..
لانه معقدني
و كلمة منه اتقالتلي مرة
" من يرضى بأنصاف الثورات .. فليحفر لنفسه قبره " Laughing
حاجة زي كدا يعني
الرجوع الى أعلى الصفحة اذهب الى الأسفل
اعقلها وتوكل
:: عضو مثقف ::
:: عضو مثقف ::


عدد الرسائل : 4488
العمر : 28
الوظيفة : سبحان الله وبحمده سبحان الله العظيم
تاريخ التسجيل : 18/07/2009

مُساهمةموضوع: رد: لماذا نعم ..ولماذا لا .. للتعديلات الدستوريه   الجمعة 18 مارس 2011, 4:37 pm

نصف ثوره ان تحفر قبرك بيدك .. Smile
الرجوع الى أعلى الصفحة اذهب الى الأسفل
SUN SHINE
|مشرف|
|مشرف|


عدد الرسائل : 2937
العمر : 28
محل الاقامة : واقف على بابك ماتردنيش يارب(يارب سامحنى )
الوظيفة : اللهم أعنا على ذكرك وشكرك وحسن عبادتك
تاريخ التسجيل : 18/06/2007

مُساهمةموضوع: رد: لماذا نعم ..ولماذا لا .. للتعديلات الدستوريه   الجمعة 18 مارس 2011, 10:36 pm

هو لو قلنا نعم يبقى تم تفعيل قانون 71 تانى ولا لا؟
الرجوع الى أعلى الصفحة اذهب الى الأسفل
Ahmed Adel
|مشرف|
|مشرف|


عدد الرسائل : 3698
العمر : 27
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: لماذا نعم ..ولماذا لا .. للتعديلات الدستوريه   الجمعة 18 مارس 2011, 10:36 pm

Wake Up كتب:
قرأت اعلان امبارح من بتاع " نعم " للتعديلات
بيقول سؤال : ما معناه عشان مش فاكره
لو رفضنا التعديلات يوم 19 , هيحصل ايه ؟؟

و ردوا و قالوا ان المجلس العسكري ساعتها هيظل يحكمنا بدستور 71 المعيب
و مش هتتغير حاجة

معلش الكلام ضبابي بس عشان كنت مستعجلة وانا بقرأه

بس ايه الكلام دا يعني ؟؟

هل دا كلام يتصدق اصلا ؟



لو رفضنا التعديلات المجلس العسكرى هينزل اعلان دستورى يحكم البلاد بيه لحد وضع دستور جديد

والاعلان ده من غير استفتاء

الجديد بقى انه فى مصر النهاردة واحد من المجلس العسكرى

قال انه سواء نعم او لا .... لن يتم العمل بدستور 71 مرة اخرى لانه معطل !

يعنى دى نقطة تغير حاجات كتير

ده المصدر

http://www.boswtol.com/politics/news/11/march/18/29257

_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
Spirit
عضو سوبر
عضو سوبر


عدد الرسائل : 448
الوظيفة : على باب الله
تاريخ التسجيل : 01/10/2008

مُساهمةموضوع: رد: لماذا نعم ..ولماذا لا .. للتعديلات الدستوريه   الجمعة 18 مارس 2011, 10:58 pm

و الله حتى لو مكانش المجلس العسكري قال كدا

هوا بالمنطق كدا يعني الدستور القديم لازم يقع

سواء قلنا نعم او لا

و الا كانت الاحداث اللي فاتت دي كلها من اول 25 يناير .. تهريج و تسالي مش اكتر Laughing
و يبقى احنا و القوات المسلحة داخلين آفية مع بعض

محدش يصدق الكلام دا اصلا
_________

اقتباس :
نصف ثوره ان تحفر قبرك بيدك .. Smile


بردو لا زلت مش فاهمة معناها بردو .. سبحان الله
بس هيا اتقالتي زي مانا قولتها كدا
الرجوع الى أعلى الصفحة اذهب الى الأسفل
SUN SHINE
|مشرف|
|مشرف|


عدد الرسائل : 2937
العمر : 28
محل الاقامة : واقف على بابك ماتردنيش يارب(يارب سامحنى )
الوظيفة : اللهم أعنا على ذكرك وشكرك وحسن عبادتك
تاريخ التسجيل : 18/06/2007

مُساهمةموضوع: رد: لماذا نعم ..ولماذا لا .. للتعديلات الدستوريه   الجمعة 18 مارس 2011, 11:03 pm

http://www.almasry-alyoum.com/article2.aspx?ArticleID=290763

طيب اقرأوا ده كده وحد يفهمنى بقى
الرجوع الى أعلى الصفحة اذهب الى الأسفل
Tawfi2
عضو ذهبي
عضو ذهبي


عدد الرسائل : 1119
العمر : 28
محل الاقامة : مصر أم الدنيا
الوظيفة : student
تاريخ التسجيل : 11/03/2008

مُساهمةموضوع: رد: لماذا نعم ..ولماذا لا .. للتعديلات الدستوريه   الجمعة 18 مارس 2011, 11:31 pm


هو بصراحة المشكلة اللى لسة انا مش فاهمها لحد دلوقتى وفاضل 10 ساعات بس
على بداية الاستفتاء هى ايه اللى هيحصل لو كانت النتيجة (لا)؟؟

هل سيقوم المجلس العسكرى بتشكيل لجنة لصياغة دستور جديد؟؟ ودة يبقى تمام
ولا هيكتفى باعلان دستورى ؟؟
طب ولو طلع البيان الدسورى امتى هينحط دستور جديد ومين اللى هيقوم بوضعه؟؟

أنا كنت رايح اقول 100% نعم انما قريت وسمعت ناس اكتر بقيت دلوقتى 50%
نعم و50% لا

المهم ان ما اتمناه ان نسبة المشاركة المرة دى تكون عالية مش زى كل مرة 17%
والكلام الفاضى دة

الرجوع الى أعلى الصفحة اذهب الى الأسفل
princess
عضو ماسي
عضو ماسي


عدد الرسائل : 1570
العمر : 27
الوظيفة : need to support
تاريخ التسجيل : 27/11/2008

مُساهمةموضوع: رد: لماذا نعم ..ولماذا لا .. للتعديلات الدستوريه   الجمعة 18 مارس 2011, 11:33 pm

شكرا يا دكتورة واك اب على الدعوة للموضوع دا جدا

بس انا هقول بكرا ان شاء الله نعم
لان الكلام الرافض انا مش مقتنعه بولا نقطه فيه ماعدا نقطة صلحيات رئيس الجمهوريه
فى مقابل حاجات تانيه كتير ايجابيه انا شيفاها فى الموافقه

كل واحد حر فى رايه تماما المهم الكل ينزل بكرا ان شاء الله
انا اسفة يا دكتورة ان الرد غير لائق بس بجد اليوم كان متعب ولسه داخله من بره حالا وعد ان شاء الله ابين لحضرتك وجهة نظرى لو لحقت قبل الصبح
بس بجد كل واحد شايف وجهة نظره صح وكلنا هنحترم الاغلبيه مهما كانت
وربنا يكتنب الخير يارب




بس يا جماعة فى نقطة كل الناس بترددها قدامى وانا عارفها العكس
يا جماعة الدستور مش ساقط
الدستور معطل فقط ليه كل الناس بتقول انه ساقط
؟؟
الرجوع الى أعلى الصفحة اذهب الى الأسفل
princess
عضو ماسي
عضو ماسي


عدد الرسائل : 1570
العمر : 27
الوظيفة : need to support
تاريخ التسجيل : 27/11/2008

مُساهمةموضوع: رد: لماذا نعم ..ولماذا لا .. للتعديلات الدستوريه   الجمعة 18 مارس 2011, 11:40 pm

Tawfi2 كتب:

هو بصراحة المشكلة اللى لسة انا مش فاهمها لحد دلوقتى وفاضل 10 ساعات بس
على بداية الاستفتاء هى ايه اللى هيحصل لو كانت النتيجة (لا)؟؟

هل سيقوم المجلس العسكرى بتشكيل لجنة لصياغة دستور جديد؟؟ ودة يبقى تمام
ولا هيكتفى باعلان دستورى ؟؟
طب ولو طلع البيان الدسورى امتى هينحط دستور جديد ومين اللى هيقوم بوضعه؟؟

أنا كنت رايح اقول 100% نعم انما قريت وسمعت ناس اكتر بقيت دلوقتى 50%
نعم و50% لا

المهم ان ما اتمناه ان نسبة المشاركة المرة دى تكون عالية مش زى كل مرة 17%
والكلام الفاضى دة

انا كنت سمعت اجابة السؤال دا قبل كدا
لو حضرتك والاغلبية قالوا نعم التعديلات هتم تنفذها وهيتم انتخابات مجلس شعب وبعدها رئاسة
والسلطة تتنقل للى الشعب هيختاره

ولو الاغلبية قالت لا
هتبدا القوات المسلحة فى حاجه من اتنين
اولا انها تشكل لجنة تانى وتعدل الثغرات اللى فى التعديلات دى اللى الناس رفضتها وترجعها للناس تانى تستفتى عليها فى نفس المواد المعدلة

تانيا
ان تشكل لجنه لوضع قانون جديد
والناس اللى طالبة كده تحت شعار لا لترقيع الدستور بيقولوا احنا مستعجلين ليه؟
براحتنا اوى على الاخر جدا ست شهور سنة اتنين
المهم الدستور يجى مرضى




وانا بقى بقول اول استفتاء يا ريس نضطر ننزل فيه واحنا محتارين كده
كنت مدلعنا ومريح بالنا
انت ادتنا البلد بس اخدت الكتالوج يا ريس
نلتقى بعد الفاصل بقى

الرجوع الى أعلى الصفحة اذهب الى الأسفل
Ahmed Adel
|مشرف|
|مشرف|


عدد الرسائل : 3698
العمر : 27
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: لماذا نعم ..ولماذا لا .. للتعديلات الدستوريه   السبت 19 مارس 2011, 12:04 am

SUN SHINE(ايد واحده) كتب:
http://www.almasry-alyoum.com/article2.aspx?ArticleID=290763

طيب اقرأوا ده كده وحد يفهمنى بقى

ايه اللخبطة دى بقى !!!

يمكن هيختاروا مواد ومواد لأ من الدستور! Smile


....

اقتباس :
يا جماعة الدستور مش ساقط
الدستور معطل فقط ليه كل الناس بتقول انه ساقط
؟؟

هوة معطل بقرار القوات المسلحة

بس ساقط من حيث الشرعية .. لان كان فى المطالب تغيير الدستور ووضع دستور جديد

من حيث ان فى اى ثورة لما بتحصل بتلغى الدستور وتعمل دستور جديد

بيتهيألى ده المقصود يعنى

.........

أيا ماكان

ربنا يسترها بكرة


_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
الجنة بلادي
عضو نشيط
عضو نشيط


عدد الرسائل : 59
العمر : 28
محل الاقامة : وطني الغالي مصر
الوظيفة : من طبيبات المستقبل
تاريخ التسجيل : 10/06/2010

مُساهمةموضوع: رد: لماذا نعم ..ولماذا لا .. للتعديلات الدستوريه   السبت 19 مارس 2011, 12:06 am



سوف اشارك برأيي وسأقول لا للتعديلات الدستورية

والسبب:

1-قامت ثورة في مصر اذن سقط الدستور والرئيس والحكومة ولا ارى اي داعي لتعديل دستور تسبب في تخريب مصر على مدى 40 سنة ويعطي الرئيس صلاحيات فرعونية حيث انه رئيس كل شيئ في مصر

2-لا ارضى بانصاف الحلول حيث انه بعد الثورة المفروض نكون اتعلمنا من اخطاء الماضي ومصر دلوقتي احنا بنبنيها ولو تسرعنا في البناء بدون وضع قواعد واساسات قوية فسينهار البناء سريعا يبقى ننتظر قليلا ونتأنى وبرضه احنا متأكدين ان المجلس الاعلى اذا استمر في السلطة لن يطمع فيها

3-الاحزاب الجديدة والشباب الذي فجر الثورة لم يأخذ فرصة حقيقية للعمل السياسي واثبات وجوده


وبالنسبة لنقطة اذا النتيجة طلعت ب لا -حسب ما فهمت من كلام عضو المجلس الاعلى- سيتم وضع اعلان دستوري جديد بعيدا عن دستور 1971 -وده المهم طبعا- وتتحدد فيه ملامح المرحلة الانتقالية ومن بعدها ملامح الانتقال لسلطة مدنية منتخبة



الرجوع الى أعلى الصفحة اذهب الى الأسفل
http://www.amrkhaled.net
Spirit
عضو سوبر
عضو سوبر


عدد الرسائل : 448
الوظيفة : على باب الله
تاريخ التسجيل : 01/10/2008

مُساهمةموضوع: رد: لماذا نعم ..ولماذا لا .. للتعديلات الدستوريه   السبت 19 مارس 2011, 12:07 am

اقتباس :
فى كلتا الحالتين سيتم إعلان دستورى، ولكن مع
اختلاف الإجراءات، فإذا ما جاءت النتيجة بـ«نعم»، ستكون المواد محل
الاستفتاء هى أساس العمل

، وإذا ما جاءت النتيجة بـ«لا» سيتم إعلان دستورى
يتضمن أحكامًا عامة خلال فترة انتقالية وليس دستورًا جديدًا، فمثلا فى عام
١٩٥٢ تم عمل إعلان دستورى أول، ثم إعلان دستورى ثان، وتم فيهما وضع بعض
النقاط، والعمل بها من عام ١٩٥٣ إلى ١٩٥٦، حتى تم عمل دستور جديد، وهو ما
يسمى «الفترة الانتقالية».

يـــــــــا حلاوة
ازاي يعني ؟؟؟

الرجوع الى أعلى الصفحة اذهب الى الأسفل
Spirit
عضو سوبر
عضو سوبر


عدد الرسائل : 448
الوظيفة : على باب الله
تاريخ التسجيل : 01/10/2008

مُساهمةموضوع: رد: لماذا نعم ..ولماذا لا .. للتعديلات الدستوريه   السبت 19 مارس 2011, 12:16 am

اقتباس :
يا جماعة الدستور مش ساقط
الدستور معطل فقط ليه كل الناس بتقول انه ساقط
؟؟

هوة معطل بقرار القوات المسلحة

بس ساقط من حيث الشرعية .. لان كان فى المطالب تغيير الدستور ووضع دستور جديد

من حيث ان فى اى ثورة لما بتحصل بتلغى الدستور وتعمل دستور جديد

بيتهيألى ده المقصود يعنى

ده رقم واحد في الاجابة
بعد قيام الثورات .. يسقط الدستور .. دا سياسيا يعني
و اساسا الناس اللي طلعوا في الثورة طالعين عشان كدا

ثانيا بقى و الاهم بالنسبة لي :

ان الدستور القديم .. سوري يعني في الكلمة
بقى هـفــأ و ميحكمشي

لان الرئيس السابق اول واحد ضربه في مقتل
لما تنحى
و سلم الراية للمجلس الاعلى للقوات المسلحة و دا شئ لا بنص عليه الدستور
و من ساعة ما وقع الوقعة دي و هوا متعطل و غير معمول بيه

يعني لو مشيت بيه الفترة الجاية هيبقى قابل للتنطيط عليه من أي حد

واللي خلا حاميه اول واحد يطلع عليه و يديه بالجزمة
مش هيخلي اي انسان تاني يحترم شرعيته
و ينساق لقراراته

الرجوع الى أعلى الصفحة اذهب الى الأسفل
Spirit
عضو سوبر
عضو سوبر


عدد الرسائل : 448
الوظيفة : على باب الله
تاريخ التسجيل : 01/10/2008

مُساهمةموضوع: رد: لماذا نعم ..ولماذا لا .. للتعديلات الدستوريه   السبت 19 مارس 2011, 2:27 am

اقتباس :
سأقول لا. لأننى أؤمن بأنه فى حالة
إجماع الإرادة الشعبية على كلمة «نعم» سأكون أول من يحترم ويبارك اختيارها
على أن أبذل أقصى جهد فى دعم إيجابيات هذا الاختيار ومحاربة سلبياته..
سأقول لا.
اقتباس :
أننى مقتنع بنظرية «وجع ساعة ولا كل ساعة» ..

و ربنا يقدم اللي فيه الخير
و يحفظ مصر للجميع

و مننساش كلنا ان شاء الله نصلي استخارة
و ربنا يوفق الجميع
الرجوع الى أعلى الصفحة اذهب الى الأسفل
princess
عضو ماسي
عضو ماسي


عدد الرسائل : 1570
العمر : 27
الوظيفة : need to support
تاريخ التسجيل : 27/11/2008

مُساهمةموضوع: رد: لماذا نعم ..ولماذا لا .. للتعديلات الدستوريه   السبت 19 مارس 2011, 7:47 am

Wake Up كتب:
اقتباس :
يا جماعة الدستور مش ساقط
الدستور معطل فقط ليه كل الناس بتقول انه ساقط
؟؟

هوة معطل بقرار القوات المسلحة

بس ساقط من حيث الشرعية .. لان كان فى المطالب تغيير الدستور ووضع دستور جديد

من حيث ان فى اى ثورة لما بتحصل بتلغى الدستور وتعمل دستور جديد

بيتهيألى ده المقصود يعنى

ده رقم واحد في الاجابة
بعد قيام الثورات .. يسقط الدستور .. دا سياسيا يعني
و اساسا الناس اللي طلعوا في الثورة طالعين عشان كدا

ثانيا بقى و الاهم بالنسبة لي :

ان الدستور القديم .. سوري يعني في الكلمة
بقى هـفــأ و ميحكمشي

لان الرئيس السابق اول واحد ضربه في مقتل
لما تنحى
و سلم الراية للمجلس الاعلى للقوات المسلحة و دا شئ لا بنص عليه الدستور
و من ساعة ما وقع الوقعة دي و هوا متعطل و غير معمول بيه

يعني لو مشيت بيه الفترة الجاية هيبقى قابل للتنطيط عليه من أي حد

واللي خلا حاميه اول واحد يطلع عليه و يديه بالجزمة
مش هيخلي اي انسان تاني يحترم شرعيته
و ينساق لقراراته



والله يا دكتورة كلام جميل وهو اللى كان فى بالى فعلا قبل ما اشارك بس بصيغة تانيه
ان الدستور الجديد مش هو اللى هيمنع حاجات كل الناس اللى كلمتوهم خايفين منها دلوقتى
بدليل زى ما حضرتك قولتى ان لقينا حاجات مش فى الدستور وبتتعمل(دا بفرض ان تسليم البلد للجيش مش فى الدستور)
يبقى هقول نعم للتعديلات لحكم البلد دلوقتى وانهاء الفوضى ووجود رئيسس فعلى لمصر
وخوفا من حدوث فتن كتيييييييييييييييييييييييييييييييييييييييييييييييير فى 6 شهور او السنه اللى الناس هتحط فيهم دستور جديد

يعنى هيطلع واحد مسيحى يقول لا انا مصرى متحكمش بمادة اتنين
ويطلع سلفى يقول بالدم هدافع عن مادة اتنين

ويطلع حزب يقول لا دى تركة ولازم اخد حقى منها حطولى حاجة فى الدستور
الناس اللى ظهرت علشان تركب الموجة فى اول الثورة هتظهر تانى على مبدا دى ورث ورثه مبارك للشعب بعد 30 سنه ولازم كل واحد ياخد منه حاجه

هقول نعم لوجود ثورة نار اللى ماتوا فيها لسه مبردتش يعنى الناس اللى خايفة يجى اخوانى صريح او متخفى يمسك البلد ويستغل صلحيات الرئيس يبقوا بيحلموا لان اعتقد ان عمر دا ما يحصل

هقول نعم لانى لو قولت لا خايفه من نار فتنة ممكن تكره الناس فى الثورة واللى عملوها
ويمنوا يوم من ايام مبارك


يا جماعة كل واحد يقو اللى هو مقتنع بيه بس الله يخليكوا اتقوا الله فى صوتكوا دا
لان دى اول مره اللى هيقول نعم واللى هيقول لا هينزلوا
قبل كده لو مكنتش هتقول نعم مكنتش تنزل من بيتك

وراى الاغلبية الكل هيتقبله
الرجوع الى أعلى الصفحة اذهب الى الأسفل
princess
عضو ماسي
عضو ماسي


عدد الرسائل : 1570
العمر : 27
الوظيفة : need to support
تاريخ التسجيل : 27/11/2008

مُساهمةموضوع: رد: لماذا نعم ..ولماذا لا .. للتعديلات الدستوريه   السبت 19 مارس 2011, 8:06 am



يا جماعة بعيدا عن نعم او لا
فى نقطة لما بسمعها بضايق بجد وهى الجنسية

الناس بتقول ذنبه ايه ان ابوه او امه مش مصرى
او ذنبه ايه انه حب واحده مش مصريه واتجوزها قبل ما يقرر انه يترشح رئيس جمهوريه
وناس تقول يعنى هو دستورى يسمحلى انى احمل جنسيتين وفى الاخر يقلى مينفعش تترشح بيهم؟؟؟؟؟


بجد بحس ان اللى بيقول كده غير مسؤل عن كلامة تماما ولا بيفكر فى الكلام اللى بيقوله
دلوقتى لو ابوه او امه او اى حد من العيلو الكريمى دى وقع فى مشكلة او عمل مصيبة هيتحاسب ولا هنمشى بقانون الواسطة تانى ودا اصل خال الريس يا عم انت بتقول ايه؟ وبلده كلها على رسنا ونعمله اللى هو عاوزه

لو هو شايل جنسية تانيه هيبقى انتماؤه لمين ولا بلاش انتماؤه دى اصل اسمع عليها كلام مش كويس
لو واحد شايل جنسية تانيه يا دكاتره هيعمل اللى هو عاوزه فى الشعب يارب حتى يدبحه كله ولما ياقى نفسه واقع هيجرى يهرب على بلده التانيه اللى طبعا بلد اوربيه او امريكا ويبقى حد يتشددله بقى

يا جماعه حرام حرام تنشروا الفكر دا لمصلحة شخصيه لدرجة انى اكلم حد يقلى ما احنا جبنا المصرى عملنا اييه؟ احنا نجيب اسرائيلى يحكمنا بس ميظلمناش
الرجوع الى أعلى الصفحة اذهب الى الأسفل
Larmes
|مشرف|
|مشرف|


عدد الرسائل : 6223
العمر : 26
الوظيفة : إنسانة
تاريخ التسجيل : 08/05/2008

مُساهمةموضوع: رد: لماذا نعم ..ولماذا لا .. للتعديلات الدستوريه   السبت 19 مارس 2011, 11:57 am

للأسف مش مقتنعة إقتناع تام بأي رأي ؟؟؟
.
دلوقتي
هل الأفضل إن أروح أحط صوتي وأنا مش مقتنعة إقتناع تام بيه؟؟؟
ولا الأفضل إني ما اروحش ؟؟؟
.
هل الأول دا عدم أمانة
وهل التاني دا سلبيه وبيضيع حقي
حاجة تحير جداااااااا

ربنا يهدينا للحق
الرجوع الى أعلى الصفحة اذهب الى الأسفل
princess
عضو ماسي
عضو ماسي


عدد الرسائل : 1570
العمر : 27
الوظيفة : need to support
تاريخ التسجيل : 27/11/2008

مُساهمةموضوع: رد: لماذا نعم ..ولماذا لا .. للتعديلات الدستوريه   السبت 19 مارس 2011, 12:05 pm


دكتورة دلوقتى مفيش حاجه هيجتمع عليها كل الناس
حضرتك فكرى بالعقل فى القرار الاول والتانى بس اهم حاجه حضرتك تنزلى تدى صوتك مهما كان
لو حضرتك شايفه عيوب ومزايا لكل راى شوفى مين مزاياه اكتر
بس بلاش انك متنزليش

حتى يا جماعه الناس اللى عاوزه تقول لا تنزل يمكن فى رايها خير للبلد دى اول مره يا جماعهالصوت بالرفض او القبول هيفرق
الرجوع الى أعلى الصفحة اذهب الى الأسفل
Tawfi2
عضو ذهبي
عضو ذهبي


عدد الرسائل : 1119
العمر : 28
محل الاقامة : مصر أم الدنيا
الوظيفة : student
تاريخ التسجيل : 11/03/2008

مُساهمةموضوع: رد: لماذا نعم ..ولماذا لا .. للتعديلات الدستوريه   السبت 19 مارس 2011, 1:21 pm


أنا النهاردة ولأول مرة فى حياتى رحت لجنة الاستفتاء
وكنت فرحان أوى لما لقيت ناس عادية ومش متعلمين كمان
واقفين من الساعة 8
الحكاية سهلة جدا .. اسمك يتسجل فى دقيقة وتوقع
تاخد الورقة وتختار بحرية وتحط صابعك فى الحبر الفوسفورى
الحكاية كلها خدت حوالى دقيقتين
أنا رحت الساعة 9 وكان حوالى 300 صوت قبلى ..حاجة تفرح

الشعب هو اللى هيحكم ولاول مرة فى تاريخ مصر
نعم أو لا مش مشكلة .. المهم اننا بدانا عصر الديمقراطية

الرجوع الى أعلى الصفحة اذهب الى الأسفل
Tawfi2
عضو ذهبي
عضو ذهبي


عدد الرسائل : 1119
العمر : 28
محل الاقامة : مصر أم الدنيا
الوظيفة : student
تاريخ التسجيل : 11/03/2008

مُساهمةموضوع: رد: لماذا نعم ..ولماذا لا .. للتعديلات الدستوريه   السبت 19 مارس 2011, 1:30 pm


طرد محافظ القاهرة لرفضه الوقوف فى الطابور

قام الناخبون فى لجنة الدوبارة بقصر النيل بطرد محافظ القاهرة عبد العظيم وزير
من اللجنة بسبب إصراره على الدخول للإدلاء بصوته وعدم الوقوف فى الطابور.

وثار المواطنون على المحافظ وهتفوا ضده وقالوا له «زمنك خلاص راح»
ولم يعد هناك فارق بين مواطن عادى ومسؤول.

وقارن الناخبون بين موقف المحافظ الذى رفض الانتظار فى الطابور وبين موقف
رئيس الوزراء الدكتور عصام شرف الذى وقف فى الطابور مع المواطنين عند الإدلاء
بصوته أمام مدرسة جمال عبد الناصر فى الدقى.
الرجوع الى أعلى الصفحة اذهب الى الأسفل
 
لماذا نعم ..ولماذا لا .. للتعديلات الدستوريه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: