الرئيسيةس .و .جبحـثالتسجيلدخول




مواضيع مماثلة
  • » ام سي كيو الأطفال بالإجابات : د. محمد هشام : Pediatrics MCQ with Answers : Dr. M.Hisham
  • شاطر | 
     

     الحالت الشائعة في الأطفال و علاجها

    استعرض الموضوع السابق استعرض الموضوع التالي اذهب الى الأسفل 
    كاتب الموضوعرسالة
    kingmax1001
    عضو فعال
    عضو فعال


    عدد الرسائل: 206
    العمر: 26
    محل الاقامة: في أخر بلاد المسلمين
    الوظيفة: Hyperactive non productive white coated ascending descending organism
    تاريخ التسجيل: 28/05/2009

    مُساهمةموضوع: الحالت الشائعة في الأطفال و علاجها   الخميس 10 مارس 2011, 6:52 pm


    هذا الموضوع منقول من احد المنتديات الطبية
    ومميز ومفيد كثيرا للاطباء وخاصة في مرحلتي الامتياز والتكليف
    للتعامل مع الحالات الشائعة ف الاطفال

    نتمني للجميع الافادة


    و اليكم الموضوع على شكل ملفات وورد للطباعة من تحميل دكتور كريم جزاه الله كل خير

    للتحميل




    باسوورد الملف هو
    WWW.md4arab.com

    ولا تنسونا من صالح دعائكم


    إن شاء الله نكمل موضعنا بعد توقف طويل حبتين
    و حلقة اليوم إن شاء الله عن علاج الديدان فى الأطفال



    و ده اللى توصلتله بعد بحث طوييييل
    و اللى عنده معلومات جديدة يتفضل يضيفها


    Amebiasis

    vegetative form



    metronidazole
    الاسم التجارى
    Flagyl syrup
    Amrizole syrup
    Entophar syrup
    Dumozol syrup

    التركيز
    125 mg / 5 ml

    الجرعة
    50 mg / kg / day

    المعادلة
    5 فى 50 فى الوزن

    على 125
    للتبسيط
    الجرعة فى اليوم = الوزن فى 2

    مثال
    طفله وزنه 15 كيلو

    الجرعة فى اليوم = 15 فى 2 = 30 سم
    يبقه هنكتبله على 10 سم كل 8 ساعات

    تقسم الجرعة على 3 مرات فى اليوم
    لمدة 7- 10 أيام


    ملحوظة
    البعض بيقول إن ال metronidazole

    ممنوع قبل سنتين و الكلام ده مقرتهوش فى أى كتاب و الراجح إن الكلام ده غير صحيح
    و إنه يجوز استعماله من أول يوم فى حياة الطفل




    cystic form




    Diloxanide Metronidazole

    الاسم التجارى
    Furazol susp.
    Dimetrol susp.
    Dilozole susp.

    التركيز
    diloxanide 100mg

    metronidazole 200mg
    الجرعة
    diloxanide 20 mg / kg
    metronidazole 40 mg / kg

    المعادلة
    لو حسبت على أى واحد فيهم هتلاقى إن

    الجرعة فى اليوم = الوزن

    تقسم على 3 مرات فى اليوم
    و تعطى لمدة 7- 10 أيام
    ملحوظة :
    ممنوع استخدام diloxanide قبل سنتين

    كما هو مذكور فى نيلسون




    Giardiasis




    1-metronidazole

    2- diloxanide metronidazole
    كما سبق
    باستثناء
    المدة 5-7أيام
    3- nitazoxanide
    الاسم التجارى
    nitazode sus.
    الجرعة
    1- 4 سنين
    5 سم كل 12 ساعة
    و البعض بيقول كل 8 ساعات
    لمدة 3 أيام
    أكبر من 4 سنين
    10 سم كل 12 ساعة
    أو كل 8 ساعات
    لمدة 3 أيام
    البدائل الحديثة لل metronidazole
    أكيد كلنا عارفين زى ما اخدنا كتير إن ال metronidazole هوا العلاج الكلاسيكى للأميبا و الجارديا
    بس هوا عيبه إنه متعب بالذات بسبب ال metallic taste
    فصعب إن حد يستحمل ياخده لمدة 10 أيام أصلا
    عشان كده ظهرت أدوية ليها نفس ال effect بس تتميز إن آثارها الجانبية أقل و إن الكورس بتاعها أقصر
    اللى موجود منهم فى السوق المصرى اتنين
    tinidazole
    الاسم التجارى
    Fasigyn
    Protozole


    secnidazole
    الاسم التجارى
    Flagentyl
    Fladazole tab.
    Fladazole sachets
    Secnidazole


    بس المشكلة إن مش موجود منهم أدوية شرب
    باستثناء النوع اللى فيه منه sachets
    و بالتالى مش هنقدر نستخدمهم كتير فى الأطفال
    غير إن حتى لو طفل بيبعرف يبلع
    الأقراص كلها 500 فازاى برده هندى للطفل الجرعة اللى احنا عايزينها ؟؟
    عموما أنا اتكلمت عنهم عشان ممكن نستخدمهم فى ال *****
    و tinidazole أفضل و هوا خلاص أخد
    FDA approval
    فى علاج الاميبا و الجارديا
    و جرعته كالتالى
    الاميبا
    ped.

    50 mg / kg / day once daily
    for 3 days
    *****
    2 g once daily
    for 3 days

    الجارديا
    ped.
    50 mg / kg / day once daily
    *****
    2 g once daily
    ملحوظة
    tinidazole لا يجوز استخدامه قبل سنتين



    Enterobius Vermicularis



    1-mebendazole
    الاسم التجارى

    Antiver sus.
    Vermin sus.
    التركيز
    100 mg / 5ml

    معلقة صغيرة 5 سم
    قبل الفطار بساعة
    و تكرر بعد أسبوعين
    يُقال إنه الوحيد اللى safe قبل سنتين
    2-flubendazole
    الاسم التجارى

    fluvermal sus.
    fluver sus.

    التركيز
    100 mg / 5 ml
    3-albendazole
    الاسم التجارى

    alzental sus.
    bendax sus.

    التركيز
    100 mg / 5 ml
    Vermizole
    التركيز
    200 mg / 5 ml
    الجرعة
    400 مجم
    20 سم alzental / bendax
    10 سم vermizole
    تعاد بعد أسبوعين
    ملحوظة
    الجرعة لا خلاف عليها

    إنما نقطة الإعادة دى عليها خلاف كبير
    فالبعض بيقول تعيد الجرعة بعدها ب 3 أيام
    و البعض بيقول بعدها بأسبوعين
    و البعض بيقول تعيدها بعد أسبوع مرتين
    يعنى ياخد معلقة يوم السبت
    و يكمل سبت ثم سبت
    و عموما كلها اجتهادات و أنا اخترت الإعادة
    بعد أسبوعين عشان دى اللى مكتوبة فى نيلسون
    و الله أعلم


    Family treatment
    مستحب هنا إن العيلة كلها تتعالج مع الطفل
    Frequent changing of underclothes & bedclothes
    تنصح الأم تغير كتير ملايات السرير و ملابس الطفل
    و تغليهم
    White percipitate oint.
    أو أى مرهم فيه مواد ملطفة زى baby cream
    عشان يقلل
    perianal itching





    Ascariasis



    1- mebendazole
    5 سم كل 12 ساعة
    لمدة 3 أيام
    يفضل on empty stomach
    قبل الإفطار بساعة
    2-albendazole
    نفس الجرعة
    أو
    400 مجم once
    و البعض بيقول نكرر الكورس بعد أسبوعين من العلاج





    Ancylostoma
    كما سبق
    فى ال ascaris



    Strongyloidiasis

    albendazole
    400 mg / day
    for 7 days
    or
    praziquantel
    25 mg / kg
    single dose




    Taeniasis




    1-Niclosamide

    الاسم التجارى
    Niclosan
    Yomesan
    الجرعة

    أكثر من 34 كجم
    أول يوم 4 حبوب
    و بعدين حبيتين فى اليوم لمدة 6 أيام
    11-34 كجم
    أول يوم حبيتين و بعدين حبة فى اليوم لمدة 6 أيام
    أقل من 11 كجم
    حبة واحدة تطحن و تذاب فى كوب ماء


    2-praziquantel
    5-10 mg / kg

    single dose

    مش برجح استخدامه لأسباب
    أولا مفيش منه شرب لو طفل مبيعرفش يبلع مش هنعرف نستخدمه
    ثانيا الأقراص كلها 500 عشان نستخدمه
    هنعد نحسب الجرعة و نكسر فى الأقراص و قصة كبيرة
    ثالثا ليه آثار جانبية بعكس ال niclosamide
    اللى مش بيمتص منه غير جزء قليل جدا
    عشان كده تقريبا مالوش تأثير systemic


    3-albendazole
    فيه أبحاث بتقول إن ليه تأثير على ال taenia برده

    بس لسه كلام مش أكيد





    Hymenolepiasis




    كما سبق باستثناء واحد

    praziqantel
    25 mg / kg
    single dose


    عدل سابقا من قبل kingmax1001 في الخميس 10 مارس 2011, 7:26 pm عدل 1 مرات
    الرجوع الى أعلى الصفحة اذهب الى الأسفل
    kingmax1001
    عضو فعال
    عضو فعال


    عدد الرسائل: 206
    العمر: 26
    محل الاقامة: في أخر بلاد المسلمين
    الوظيفة: Hyperactive non productive white coated ascending descending organism
    تاريخ التسجيل: 28/05/2009

    مُساهمةموضوع: رد: الحالت الشائعة في الأطفال و علاجها   الخميس 10 مارس 2011, 7:19 pm






    النزلة المعوية
    Gastroentertitis



    التعريف بأهمية الموضوع
    من أهم أمراض الأطفال
    لإنه كان تقريبا أكثر سبب شائع لوفاة الأطفال
    بالإضافة لكده لحد دلوقتى الحالات اللى بتيجى الاستقبال
    80 % منها بيكون الطفل عنده إسهال أو بيكح
    التعريف بالموضوع
    يعنى ايه إسهال ؟
    يقولك يعنى ال stools يزيد فى
    fluidity
    أو
    Volume
    أو
    Number of motion
    طبعا كل الكلام ده بالنسبة لل Normal habits
    طيب ايه يا ترى أهم حاجة فى التلاتة ؟
    صح
    fluidity
    أغلب الدكاترة بتقول
    لو الطفل جاب و لمو مرة واحدة stools
    liquid or semi liquid
    تبقه دى خلاص diarrhea
    إنما لو جاب عدد مرات كتير بس well formed
    تبقه لأ متعتبرش diarrhea
    هتسأل الأم ازاى ؟
    تقولها عرفتى منين إن عنده إسهال ؟
    يعنى ال stools بتاعه ماسك نفسه و لا زى الميه كده ؟
    مع ملاحظة إن الطفل اللى بيرضع لبن الأم exclusive
    ممكن يجيب stools عدد كبير من المرات
    بعد كل رضعة
    و ممكن يكون semi liquid
    و ده كله طبيعى و ميعتبرش diarrhea
    بالنسبة لل volume
    ليه أرقام معينة كده حسب الوزن
    بس معتقدتش فيه أم هتعرف فى الكلام ده
    بالنسبة لل number
    فى دكاترة بتقول لازم تكون أكتر من 8مرات فى اليوم
    بس زى ما قلنا أهم حاجة ال fluidity
    الأسباب
    طبعا إحنا هنا بنتكم عن ال infectious diarrhea
    و دى أسبابها
    viral
    60 %
    .زى rota virus
    bacterial
    20%
    shigella
    E cloli
    parasitic
    15%
    زى E histolytica
    parentral
    يعنى طفل عنده إسهال بسبب infection فى مكان تانى
    tonsillitis مثلا
    otitis media
    التاريخ المرضى
    لما تشوف الأم هتسألها على ايه
    1-هل الطفل فعلا عنده إسهال
    حسب التعريف اللى قولناه
    فتسأل على عدد ال motions
    و ال fluidity
    2-الإسهال ده من امتى
    عشان تاخد فكرة عن درجة ال dehydration
    ,و لو اكتر من 14 يوم هيبقه اسمها persistent
    3-هل فيه دم فى ال stools
    عشان لو فيه هيبقه اسمها dysentery
    و العلاج هيختلف
    4-الطفل بيرضع ازاى
    عشان زى ما قلنا لو بيرضع لبن أمه بس بيكون طبيعى
    إنه يجيب عدد كبير من ال motions
    5- الأعراض المصاحبة
    غالبا بتكون السخونية و الترجيع
    عشان لو فيه هنكتب ليهم علاج
    و عشان الترجيع هيزود ال dehydation
    6- روحتى لدكاترة و ادوكى أدوية و لا لأ
    و لو كانت راحت
    هنخليها تورينا الروشتة أو الأدوية
    و نسألها على درجة استجابة الطفل ليها
    و عادة أغلب الدكاترة بتكتب أدوية ملهاش لازمة
    فهنقول للأم أول ما تروح البيت ترميهم
    فى صندوق الزبالة
    الكشف الطبى
    أهم حاجة هنشوف درجة ال dehydration
    و لو مفيش زحمة و عايز تكشف بسرعة general
    و تسمع صدره و كده عادى
    بس عادة مش بنعمل كده
    الأول ملحوظة مهمة
    إن ال dehydration بيدأ مع أول
    watery stools
    إنما العلامات فى الكشف مش هتظهر إلا لما الطفل
    يفقد أكتر من 5 % من وزنه
    يعنى ايه ؟
    يعنى لو كشفت عليه
    ملقتش أى حاجة
    برده هنعتبره عنده
    dehydration
    أولا هتبص فى عينيه
    تشوفها داخلة لجوه
    sunken eyes
    و ممكن تسأل الأم
    ثانيا هتسحب حتة من الجلد
    بالضبط بين ال umlicus
    و ال anterior superior iliac spine
    و تشوفها بترجع فى اد ايه
    slowly
    و لا very slowly
    بصراحة ده بس اللى بنعمله
    إنما لو عايز الصح طبعا
    هتشوف كمان ال general conditin
    هل هوا irritable
    و لا
    lethargic
    و تجيبله محلول يشربه و تشوف هيعمل ايه
    و على أساس الحاجات دى هتقيم ال dehydration
    severe
    moderate
    mild
    و زى ما قلت أكتر حاجة بنعتمد عليها كلنا ال
    skin pinch
    مع ملاحظة إن فيه بعض الحاجات التانية زى ال fontanel
    بعض الدكاترة بتحبها أوى
    و البعض بينكرها خالص و يقول إنها اتلغت
    العلاج
    طبعا بيكون حسب درجة ال dehydration
    المفروض فى الكتاب إن No dehydration
    نكتبله علاج فى البيت
    إنما إحنا عادة بنعامله زى ال some dehydration
    العلاج فى المستشفى
    أولا :
    أى طفل قبل ما بنكشف عليه
    بيعدى على الممرضات
    بيقيسوا الوزن و درجة الحرارة و يكتبوهم
    فى التذكرة
    فإحنا مينغعش ندى المحلول أو جلسة النفس أو أى حاجة
    و الطفل سخن
    فإذا كانت درجة حرارته مرتفعة
    هنكتبله الأول بابرامول 5 سم
    أو ماركوفين لبوس
    الاتنين موجودين عندنا فى المستشفى
    و إذا كانت درجة حرارته فوق ال 38 يفضل كمان
    تكتب كمادات ماء بار
    لإن بيقال إن البارامول مش بيشتغل إذا كانت درجة الحرارة
    فوق ال 38
    الحاجات دى كلها هتكتبها فى التذكرة
    و تخلى أم الطفل تروح للممرضات و تديهم التذكرة
    و بعد ما يخلص العلاج
    يستنى شوية و يقيس درجة حرارته تانى
    و بعدين يرجعلك
    ثانيا :
    هنكتب محلول منع الجفاف
    تكتب فى التذكرة
    محلول إشباع مائى على مدار الساعة
    الأم هتقولك اديتله فى البيت
    و مرضاش ياخده و رجعه
    هتقولها
    معلش يا ماما حاولى تانى أدامى
    و لازم تديهوله بشويش عشان ميرجعهوش
    يعنى معلقة كل 5 دقايق
    بحيث إن المحلول يخلص على مدار الساعة
    هتقولك و الله عارفة و بعمل كده و برده بيرجعه
    قولها معلش برده جربى تانى ادامى
    ثالثا :
    بعد ساعة هترجعلك
    فى احتمالين
    الحالة الأولى
    ايوه يا دكتور عملت زى ما قولتلى و برده رجعه
    فى الحالة دى هتكتبلها حقنة كورتيجين فى العضل
    ( دى حقنة لوقف الترجيع موجودة عندنا فى المستشفى
    و هتكلم عنها بالتفصيل فيما يأتى إن شاء الله )
    و لو أقل من 4 شهور بياخد نصف الأمبول فقط
    و تكتب فى التذكرة
    و بعدها بنصف ساعة محلول إشباع مائى
    و تفهم الأم إن الحقنة دى عشان توقف الترجيع
    و تجرب بعدها بنصف ساعة تديله المحلول تانى
    و بعد كده يإما الطفل هياخد المحلول و مش هيرجع
    يعامل كما سيأتى فى الحالة الثانية
    أو إنه يرجع برده ( نادرا ما يحدث )
    و فى الحالة دى تستشير النايب
    و غالبا هيحتاج تعليق محلول فى الوريد
    و هوضح بعد كده إن شاء الله ليه الترجيع بيستمر
    و دور المحاليل فيه
    الحالة الثانية
    ايوه يا دكتور خلصت المحلول
    و الطفل مرجعش و لا حاجة ؟
    لأ الحمد لله أخده كله
    فى الحالة دى هنعمل reasses
    يعنى نشوف درجة ال dehydration تانى
    إذا لقينها لسه some
    يفضل تخليها تديه المحلول مرة تانية فى المستشفى
    إذا لقينها no
    يبقه خلاص
    هنروح الأم و نكتبلها روشتة تديها للطفل فى البيت
    ملاحظات مهمة
    أولا
    لازم تعرف و تفهم الأم
    إن الرضاعة زى محلول منع الجفاف زى المحلول
    اللى فى الوريد
    كله هيؤدى لنفس النتيجة
    المهم نمنع الجفاف
    ثانيا
    إحنا طول ما الطفل بيرجع
    مش هنسيبه يطلع من المستشفى
    الحالة الوحيدة اللى هنطلعه فيها
    لو رضع أو أخد المحلول و بعدين مرجعش
    ليه ؟
    لإن الأم مش ساحر
    و طول ما الطفل بيرجع مش هينفع ياخد أى أدوية
    و لو انتا سيبته يمشى هيجيلك تانى يوم فى
    severe dehydration

    طيب حالات ال severe dehydration
    و حالات
    some dehydration
    اللى فشلنا نوقف الترجيع فيها
    دى هتاخد محاليل فى الويد
    بنستخد عندنا pansol
    و ينفع كمان ال saline
    إنما الجلوكوز مينفعش
    بتحسب الجرعة كالآتى
    فى حالات ال some
    30 ml / kg in 1 hour
    مثال طفل 10 كيلو
    هياخد 300 مل
    و تكتبها كده فى التذكرة
    300 مل محلول وريدى
    على مدار الساعة
    و يفضل قبل ما تكتب المحاليل تستشير النايب
    و بعد الساعة هنقيم العيان
    و ممكن نجرب نديله ال ORS
    لإن المحلول الوريدى بيساهم فى وقف الترجيع ازاى ؟؟
    لإن الإسهال و الجفاف بيعمل
    Metabolic acidosis
    و دى بتعمل Vomiting
    فإنتا لما تعالج ال dehydration
    هتكون عالجت الترجيع بس بطريق غير مباشر
    طيب الحالات ال severe
    بتاخد
    30 ml / kg in 1 hour
    40 ml/kg in 2 hours
    30 ml / kg in 1 hour
    و طبعا الحالات دى لازم تعرضها على النايب الأول
    متكتبش لوحدك المحاليل دى
    العلاج فى البيت
    هتكتب ايه فى الروشتة ؟؟

    أولا : محلول منع الجفاف
    و ده مع إنه العلاج الأساسى
    إنما سبحان الله قليل جدا لما تلاقى دكتور كاتبه
    ليه أسماء كتيرة فى السوق
    بيقولوا إن أفضلهم Hydrosafe
    لإنه بطعم البرتقال



    و ممكن تدى للأم أكياس من المستشفى من عندنا
    و تفهمها إنها لازم تدى للطفل كيس
    بعد كل Motion
    أو Vomiting
    و تفهمها كمان لو الإسهال استمر
    و الطفل مرضاش ياخد المحلول لازم يرجعلك تانى
    و تفهمها ازاى تحضره
    تدوبه فى كوباية مية 200 مل
    و ممنوع تحليه بسكر أو أى حاجة تانية
    و ازاى تديه
    معلقة كل 5 دقايق
    بحيث يخلص فى ساعة
    ثانيا : خوافض الحرارة
    يجوز استعمال نوعين فى الأطفال
    paracetamol &
    Ibuprofen
    الاسم التجارى Paramol
    الجرعة الواحدة
    الوزن فى 15 فى 5
    على 125
    و بيتاخد كل 8 ساعات
    و ممكن كل ساعات
    و ممكن فى الحالات ال severe
    تكتب
    Marcofen supp.
    لبوس عند اللزوم
    ثالثا : أدوية الترجيع
    Domperidone
    أكتر حاجة بتتكتب
    اسمه التجارى
    Motelium
    Motinorm
    Farcotilium



    الجرعة فى اليوم = الوزن
    مثال :
    طفل وزنه 12 كيلو
    هياخد فى اليوم 12 سم
    على 3 جرعات
    يبقه 4 سم
    كل 8 ساعات
    و تقول للأم و تكتب فى الروشتة
    إنه بيتاخد قبل الرضاعة بربع ساعة
    و البعض بيقول قبلها بنصف ساعة
    و البعض بيقول تقسم
    الجرعة على 4 مرات فى اليوم
    نبذة عن أدوية الترجيع الأخرى
    -محلول منع الجفاف و المحاليل فى الوريد
    زى ما قلنا قبل كده بتوقف الترجيع
    بطريق غير مباشر
    - حقنة الكورتيجين
    حقنة تركيبها كورتيزون و معاه vitamin B6
    بعض الدكاترة ضدها بشدة
    بيقولوا ملهاش أى أساس علمى و مش موجودة
    إلا فى مصر
    إنما الأغلبية بتستخدمها
    و أنا على حسب ما شفت إنها بتجيب نتيجة فعلا
    بس نتيجة وقتية
    -Metoclopramide
    الشهير باسم البرمبيران
    اوعى تكتبه
    ممنوع فى الأطفال
    لإنه بيعمل extrapyramidal manfestaions
    يعنى ايه ؟؟
    يعنى الطفل هيتشنج
    و للأمانة فى بعض الدكاترة بتكتبه
    خاصة الدكاترة الكبيرة فى السن
    وجهة نظرهم يقولك و ايه يعنى
    ما هوا لو حصل كده هنديله ال antidote
    و فيه نايب قالى الأهل هيتقبلوا ده من الأستاذ
    إنما مش هيتقبلوه منك
    فالخلاصة ابعد عنه و متكتبهوش
    و الدكتور سامح قال كده فى محاضراته
    رابعا : النصائح الغذائية
    تفهم الأم متوقفش الرضاعة
    و لو كان الطفل عدى ال 6 شهور
    ممكن تديله الحاجات الأتية
    مية رز
    رز مسلوق
    مكرونة مسلوقة
    بطاطس مسلوقة
    تفاح
    موز
    جوافة
    جزر
    و تتجنب الكوسة
    و تتجنب كمان الحلويات
    و الحاجات اللى فيها سكر كتير
    خامسا : أدوية النصب و الاحتيال
    Aquaream Zn
    ده عندنا بيموتوا فيه
    و كل النواب بتكتبه
    ايه بقه يا سيدى الدوا ده ؟
    بيقولك قال ايه اكتشفوا إن الزنك
    بيساعد على نمو ال villi مرة تانية
    و إنه بيقلل الإسهال و بيمنع إنه يتكرر تانى لمدة شهر
    و المندوبين بتوعه فرحانين أوى
    و يقولك الشراب الوحيد الذى يحتوى على الزنك فى مصر
    ماشى يا سيدى
    و جرعته لو أقل من 6 شهور
    اتنين و نصف سم 3 مرات فى اليوم
    لو أكتر من 6 شهور
    خمسة سم 3 مرات فى اليوم
    و فيه طبعا دكاترة بيقولوا إنه مالوش لازمة
    و إن الأبحاث اللى بتقول الكلام ده معمولة فى الهند
    و الدكتور سامح قال كده فى المحاضرات بتاعته
    إنما ده الوحيد اللى بحترمه شوية فى القائمة السوداء دى
    Antinal



    أيام ما كنت واقف فى الصيدلية قبل الامتياز
    كان لما يجيلنا طفل عنده إسهال
    على طول الصيدلانية اللى معايا تديله الانتينال ده
    هتقولى ايه بقه البتاع ده ؟
    ده يا سيدى دوا تركيبه مادة اسمها
    Nifuroxazide
    و مكتوب على العلبة إنه مطهر معوى
    نيجى مثلا نسأل الدكتور اللى بكتبه
    ها يا سيدى بتكتب البتاع ده ليه ؟
    يقولك عشان ده مطهر معوى
    يا عم الحاج متقولش كلام الناس العبيطة
    هيا فيه حاجة اسمها مطهر معوى
    أنا أعرف دوا تقولى ده ال spectrum
    بتاعه كذا
    و أنا عندى مرض متوقع إن ال organsim كذا
    عشان كده بكتبه
    و بعدين دلوقتى فرضا
    الإسهال أغلب الحالاتviral
    الانتينال هيأثر عليها
    لأ طبعا
    طيب الحالات ال bacterial
    الانتينال هيأثر على ال shigella و الحاجات دى
    الإجابة آه بس تأثير ضعيف جداا
    و هل إنتا لو فتحت أى كتاب أطفال أو حتى ميكرو
    هتلاقى فى علاج ال shigella
    حاجة اسمها nifuroxazide
    لأ طبعا
    ال shigella ليها أدوية معينة كما سيأتى إن شاء الله
    و بالعكس كمان بيقولوا إنه بيموت ال Normal flora
    و ده هيزود ال course بتاع المرض
    و الكلام ده
    كلام الكتب
    و كلام النواب عندنا
    و كلام الدكتور سامح فى المحاضرات بتاعته
    Smecta
    Kapect



    دى أدوية فيها مواد زى
    Kaolin
    Pectin
    بتوقف الإسهال
    طيب و انتا عايز توقف الإسهال ليه يا عم الحاج
    يا عم ده infection
    و الإسهال هيعمل drainage للفايروس
    و كام يوم و الواد هيخف إن شاء الله
    إنتا كده بتكتم الإسهال و بتزود ال infection
    برده ملهاش أى لازمة
    حسب نفس المصادر السابقة
    Imodium
    Lomotil
    دى بقه اللى هيا
    antimotility drugs
    ممنوعة نهائيا فى الأطفال
    لإنها بتعمل
    paralytic ileus
    Acute urine retention
    الحمد لله مشوفتش حد بيكتبها

    سادسا : علاج ال dysentery
    إذا كان فيه دم فى ال stools
    تبقه دى غالبا bacterial/parasitic
    infection
    و هتحتاج علاج إضافى
    يبقه الأول لازم تعمل
    stools analysis
    و المفروض طبعا إن كل حالات الإسهال
    نعمل كده حتى لو مفيش blood
    Shigella
    - مركبات السلفا
    Sutrim
    Septrin
    Septazole



    الجرعة فى اليوم = الوزن
    و بيتاخد على مرتين فى اليوم
    -ceftriaxone
    الجرعة فى اليوم 50 مجم لكل كيلو
    حقن فقط
    Rocephin
    Cefaxone
    Ceftriaxone
    -cefotaxime
    الجرعة كما سبق
    Cefotax
    Claforan



    Entamoeba histolytica
    vegetataive forms
    Flagyl
    Amrizole
    Intophar



    الجرعة 25 - 50
    ملجم لكل كيلو فى اليوم
    على 3 مرات فى اليوم
    لمدة أسبوع كام
    Cystic form
    Furazol
    Dilozole
    Dimetrol
    الجرعة كما سبق




    عدل سابقا من قبل kingmax1001 في الخميس 10 مارس 2011, 7:27 pm عدل 1 مرات
    الرجوع الى أعلى الصفحة اذهب الى الأسفل
    kingmax1001
    عضو فعال
    عضو فعال


    عدد الرسائل: 206
    العمر: 26
    محل الاقامة: في أخر بلاد المسلمين
    الوظيفة: Hyperactive non productive white coated ascending descending organism
    تاريخ التسجيل: 28/05/2009

    مُساهمةموضوع: رد: الحالت الشائعة في الأطفال و علاجها   الخميس 10 مارس 2011, 7:23 pm



    Common cold



    الشكوى
    running nose
    nasal obstruction
    low grade fever
    sneezing
    mild cough
    disturbed feeding
    الأم هتقولك عنده رشح و سخن و بيكح
    و ممكن لو الطفل كبير يقولك إنه حاسس
    إن جسمه كله بيوجعه و عنده صداع
    الكشف
    فى الأساس هيكون chest examination
    المفروض يكون free
    هتسمع فقط transmitted sound
    لو الطفل أنفه مسدودة
    ملحوظة
    لو كان البرد ده بيتكرر كتير للطفل ممكن يكون
    Allergic rhinitis
    خاصة لو كان فيه
    No fever
    Itching
    +ve FH
    العلاج
    1-Nasal decongestants
    فيه منها نوعين
    نوع عبارة عن محلول ملح فقط
    و ده آمن و ممكن الطفل ياخده لفترات طويلة
    مثال
    Lyse drops
    Otrivin babay saline drops
    و نوع فيه مواد vasoconstrictor
    ده بيجيب نتايج أحسن
    إنما لو كتبته لازم تنبه على الأم متسخدمهوش
    أكتر من 5 أيام
    لإنه ممكن يعمل نزيف
    ممكن الطفل يتعود عليه
    و يعمل atrophy of nasal mucosa
    مثال
    otrivin ped. drops
    Balkis ped. drops
    Afrin ped. drops
    Oxymet ped. drops



    ملحوظة :
    النوع الثانى ممنوع قبل 3 شهور
    2-systemic decongestants
    مجموعة من الأدوية بيكون داخل فى تركبيها
    vasoconstrictor
    as pseudoephedrine
    + paracetamol
    + antihistaminic
    أمثلة
    فيه drops
    Triaminic drops
    1 drop / kg
    Rhinostop drops
    البعض بيقول إنها مش كويسة
    ممكن تعمل irritability
    و فيه syrup
    Sine-up
    Actifed
    Congestal
    Sudophine
    Balkis
    الجرعة
    لو أقل من سنتين
    نصف معلقة شاى كل 12 ساعة
    أكتر من سنتين
    معلقة شاى كل 12 ساعة
    تجنب الأدوية اللى فيها مادة
    propyphenazone
    بيقولوا إنها ممكن تعمل
    intracranial hge
    زى
    Rhinomol
    Pararhinol
    Vegaskine
    البعض بيقول المجموعة دى كلها
    لا تستخدم قبل سنة
    و بيفضل يستخدم الأدوية ال herbal
    مثال
    Guava
    Herbal Bronch
    Balsm
    Broncare
    و المجموعة دى ليها ميزة و عيب
    الميزة إنها من أعشاب طبيعية عشان كده
    بتكون آمنة جداا
    و الجرعة empirical
    و العيب إن تأثيرها ضعيف جداا
    عشان كده بتتكتب فى الأمراض
    اللى كده كده هتخف لوحدها
    3- Antipyretics
    paracetamol
    ممكن يستخدم من أول يوم فى حياة الطفل
    الجرعة
    من 10 إلى 15 مجم لكل كجم فى الجرعة الواحدة
    و أغلب الأنواع فيها 125 مجم فى كل 5 مل
    و ممكن يتاخد 3 إلى 4 مرات فى اليوم
    يعنى كل 8 أو 6 ساعات
    فتكون المعادلة
    الوزن فى 5 فى 10 أو 15
    على 125
    مثال
    Paramol syrup
    Cetal syrup
    مع ملاحظة إن ال cetal
    ضعف الparamol فى التركيز
    فالجرعة هتكون النصف
    و فيه منه نقط
    Cetal drops
    Pyral drops
    2 drops / kg / dose
    3- 4 مرات فى اليوم

    Ibuprofen
    لا يستخدم فى أول 6 شهور
    الجرعة
    تقريبا زى البارامول
    10 mg / kg / dose
    و تركيز العلبة
    100 mg /5 ml
    فتكون المعادلة
    الوزن فى 10 فى 5
    على 100
    مثال
    Brufen syrup
    Ultrafen
    Marcofen
    و فيه منه كمان لبوس
    بنفس الأسماء
    Marcofen supp.
    كويس جداا
    و بيجيب نتايج أسرع من الأدوية الشرب
    و فيه بعض الأدوية عبارة عن combination
    بين الاتنين
    Megafen
    Cetafen
    ا
    Diclofenac
    لا تستخدم فى أقل من سنة
    مثال
    Cataflam drops
    2 drops / kg / dose
    3 مرات فى اليوم
    عادة بتستخدم هذه المجموعة فى صورة لبوس
    و جرعتها الصحيحة
    1-3 mg / kg / day
    مثال
    Dolphin supp.
    Baby relief supp.
    فى منهم 12و نصف
    و 25
    للأسف فيه إسراف شديد فى استخدامهم
    و تخلى بالك إن المجموعة دى بالذات استخدمها كتير
    لفترات طويلة ممكن يدخل الطفل فى
    chronic renal failure
    لما يكبر
    فيتحسن تبعد عنها
    ملاحظة مهمة جداا
    خوافض الحرارة مش بتشتغل فى درجات الحرارة العالية
    عشان كده لازم فى أول العلاج
    تستخدم معاها كمادات
    بتتعمل بماء فاتر
    على رأس الطفل و صدره
    و فيه حديث معناه كده
    عن الرسول صلى الله عليه و سلم
    الخلاصة
    ممكن تكتب
    paramol syrup
    معلقة صغيرة كل 6 ساعات
    و لو الطفل أقل من سنيتن يبقه لازم تحسب
    Marcofen supp.
    عند اللزوم
    و تقول للأم على الكمادات كمان
    ملحوظة هامة
    ممنوع منعا باتا كتابة أى دواء
    يحتوى على ال acetyl salicylic acid
    زى ال vegaskine ped supp
    وزى حقن الاسبيجيك
    عشان ال Reye syndrome
    و ممنوع منعا باتا كتابة أى دواء
    يحتوى على نوفالجين
    ( سواء فى الأطفال أو الكبار )
    عشان ال hypersensitivity reactions
    ملحوظة أخيرة
    متكتبش antibiotic
    لإن طبعا دى viral infection

    Tonsillitis



    الشكوى
    fever
    sore throat
    cough
    dysphagia
    و ممكن كمان
    abdominal pain
    vomiting

    ملحوظة 1
    مع العلم إن فى حالات كتير بتيجى
    ب fever بس
    خاصة لو كان الطفل صغير مش هيقول طبعا
    أى شكاوى تانية
    ملحوظة 2
    التهاب اللوز مش common
    فى اول سنتين من العمر
    و لو حصل و جه بيكون غالبا
    viral
    يعنى مش محتاج antibiotic
    أما المشكلة الكبرى
    ال streptococcal
    فده سنه من بعد 5 سنين
    الكشف
    هتسمع ال chest
    المفروض يكون free
    و بعدين تحاول تحس
    cervical lymph nodes
    ممكن تلاقيهم
    enlarged tender
    و بعدين
    mouth examination
    هتبص على ال tonsils
    هتلاقيها كبيرة و محتقنة
    enlarged congested
    و ممكن كمان تلاقى فيها صديد
    pus
    ازاى نعرف نوع ال tonsillitis دى ؟
    يعنى streptoccoal و لا لأ ؟
    بإجماع جميع الأطباء
    لا توجد أى طريقة إكلينيكلة أكيدة للتفرقة
    بنسبة 100 %
    و الطريقة الوحيدة للتفرقة
    هيا throat swab
    و طبعا ده مش بنعمله
    فاحنا بنعتم على وجود ال pus
    لو فيها صديد بنعتبرها
    streptoccal suppurative
    و لو مفيهاش بنعتبرها
    congestive
    العلاج
    1- علاج الأعراض
    حسب الطفل بيشتكى من ايه
    لو فيه حرارة مثلا
    هتدى أدوية للحرارة
    أو لو فيه ترجيع
    و هكذا
    2- المضاد الحيوى
    Congestive Tonsillitis
    1- amoxicllin
    ده المفروض يكون خيارنا الأول
    إنما ده محدش بيكتبه
    و الدكاترة عندنا بيقوله إنه زى الميه بالضبط
    و السبب فى كده
    antibiotic abuse
    أى واحد بيجيله شوية برد هيروح الصيدلية
    بيدوا قرصين
    ampicillin
    amoxicllin
    عشان كده الحاجات دى
    زادت ال resistance ليها
    عموما لو عايز تبدأ بيها
    الأسماء التجارية
    Hiconcil 250 sus.
    Ibiamox 250 sus.
    Biomox 250 sus.
    Amoxil 250 sus.
    2- amoxicillin-clavulanic acid
    الشهير فى السوق باسم
    Augmentin



    ده كويس جداا و بيتاخد فى حالات كتييرة جداا
    لدرجة إن فيه دكاترة بتقول إنه ينفع
    فى حالات ال suppurative
    و بتستخدمه لمدة 10 أيام
    بدل حقنة البنسيليين
    إنما عيبه إنه غالى جداااا
    و هوا مستورد من إنجلترا
    يعنى التركيز 312
    ب 28 جنيه
    و أرجو إن محدش يكتبه خالص لإن الدوا ده بالذااات
    عاملى مشكلة كبيرة جداا
    كل ما أمشى فى المستشفى أم تيجى تشتكيلى
    إن دكتورة كاتبالها دوا و معهاش فلوس تجيبه
    أبص فى الروشتة
    ألاقيه الأوجمنتين ده
    البدائل
    Magna-Biotic 312 sus.
    Curam 312 sus.
    Hibiotic 312 sus.
    دى البدائل الكويسة
    تأثيرها طبعا أضعف من الأوجمنتين
    إنما بتجيب نتيجة
    باقى البدائل كلها رخيصة بس تأثيرها ضعيف جداا
    نصيحة متكتبهاش
    أنا عن نفسى بكتب ال Magna Biotic
    لإنه أرخصهم
    و بطعم الموز
    و الوحيد اللى علبته 80 مل مش 60
    3-Cephalosporines
    دى كويسة جداا و رخيصة
    و بتجيب نتيجة
    أمثلة
    Velosef 250 sus.
    Duricef 250 sus.
    Curisafe 250 sus.
    Ceporex 250 sus.
    1ملحوظة
    فيه دكاترة بتمشى بطريقة تانية
    إنها تبدأ مثلا أول يومين العلاج بحقن
    زى ال cefotax
    و بعدين تكمل oral
    على حاجة first generation
    زى ceporex
    و بيقولوا إن ده يخلى الطفل يتحسن أسرع
    إنما ده غلط
    أولا لإنه مالوش داعى
    ليه تدى injection
    و انتا ممكن تدى oral
    ثانيا
    بيعمل resistance
    ملحوظة 2
    المضاد الحيوى مش سحر
    كده كده هياخد يومين لما يشتغل على الأقل
    فلو جاتلك أم كاشفة امبارح عند دكتور
    و مديها علاج
    متغيرهوش انتا
    قوليها ده كويس بس كملى عليه
    هوا لسه ملحقش يشتغل
    و نفس الكلام لو الست سألت الصيدلى
    و اداها مضاد حيوى
    بس الصيدلى بيقول الجرعة غلط
    فانتا تضبطها بس
    عشان حرام تخليها تشترى تانى
    ملحوظة 3
    لازم تفهم الأم تمشى على المضاد
    لمدة أسبوع على الأقل
    حتى لو الطفل اتحسن
    الخلاصة
    لو الحالة بسيطة
    هنكتب حاجة بسيطة و رخيصة
    زى ال curisafe
    لو الحالة severe
    و جرب مضادات حيوية تانية و مجبتش نتيجة
    هندى حاجة من بدائل الأوجمنتين
    زى Magna Biotic
    Suppurative tonsillitis
    هنا بقه هندى حقنة البنسيليين طويل المفعول
    عشان نحمى الطفل من
    Rheumatic fever
    هتكتب للأم روشتة كالآتى
    Pencitard Vial
    أو Retarpen



    علبة ماء مقطر
    سرنجة 5 سم
    سرنجة انسولين 100 وحدة
    ملحوظة 1
    ممكن توفر على العيان و متطلبش
    علبة ماء مقطر
    و تخفف الحقنة بال saline
    عموما هوا بنصف جنيه
    ملحوظة 2
    ممكن تطلب سرنجتين
    على أساس تستخدم واحدة فى التخفيف و كده
    و التانية تدى بيها الطفل
    عشان يكون السن لسه جديد
    و بالتالى متوجعش أوى
    بعد ما الأم ترجع
    هتعمل ايه ؟؟
    هنعمل اختبار الحساسية
    و لازم يتعمل كل مرة قبل الحقنة
    هنحل الحقنة فى 5 سم
    و بعدين بسرنجة الانسلوين
    هنسحب 10 وحدات
    بنسيليين
    و 90 وحدة
    ماء مقطر أو saline
    ,و بعدين نحقنها فى ال forearm
    intradermal
    يعنى موازى للجلد بالضبط
    و تحقن 10 وحدات بس
    و تعمل دايرة حول مكان الحقن
    و تستنى ربع ساعة
    لازم طول الربع ساعة تدى البنسيللين للأم
    عشان تفضل ترج العلبة
    عشان هوا عامل زى الجبس
    و لو سيبته هيتجمد
    بعد الربع ساعة هتشوف دراع الطفل
    لو كان indurated
    معنى كده إن عنده حساسية
    طبعا ال induration
    معناه إنك تحس إن حاجة ليها جذور كده
    ده يحتلف عن ال redness
    لو طلع مش حساس هنديها
    هنحسب الجرعة ازاى ؟
    البعض بيقول
    50 ألف وحدة لكل كيلو
    و البعض بيقول لو الطفل أقل من 27 كيلو
    اديله نصف الأمبول
    لو أكتر
    اديله الأمبول كله
    طيب لو طلع حساس
    هنديله erythromycin
    الاسم التجارى
    erythrocin 200 sus.
    برده جرعته على 50 مل لكل كيلو
    و تقسمها على 3 مرات

    الرجوع الى أعلى الصفحة اذهب الى الأسفل
    kingmax1001
    عضو فعال
    عضو فعال


    عدد الرسائل: 206
    العمر: 26
    محل الاقامة: في أخر بلاد المسلمين
    الوظيفة: Hyperactive non productive white coated ascending descending organism
    تاريخ التسجيل: 28/05/2009

    مُساهمةموضوع: رد: الحالت الشائعة في الأطفال و علاجها   الخميس 10 مارس 2011, 7:30 pm



    chest examination
    طبعا الكلام اللى فى الكتاب ده
    مفيش حد بيعمله كاملا خااالص
    بس برده مينفعش كل حالة يبقه
    chest examination
    بتاعنا هوا انك
    تقول للأم سمعينى صدره و تحط السماعة
    و خلاص كده و كل سنة و أنتا طيب
    فيه حاجات مهمة تانية
    لازم نعملها فى كل حالة chest


    Inspection
    لازم تنيم الطفل و تشوف صدره
    عشان تحدد فيه
    chest indrawing و لا لأ
    و تبص كمان
    على
    intercostal retractions
    و على
    suprasternal retractions
    لازم تبص على الحاجات دى
    فى كل حالة
    و لازم تبص و الطفل ساكت مش بيعيط
    لإن ساعات كتير بيجى أطفال من وحدات
    صحية و الدكتور اللى محويلهم كاتبلك تقرير
    إن الطفل pneumonia
    و عنده chest indrawing
    فى حين إن الطفل معندوش حاجة من الحاجات دى

    و كقاعدة عامة أى طفل يجى بتقرير
    من دكتور تانى
    كده كده هنبدأ من الأول
    History
    Examination
    Investigations

    إلا طبعا إذا كان جاى بورقة
    من أستاذ عندنا ...

    تانى حاجة
    لااااازم نعد ال respiratory rate
    مهم جدااا
    و تعدوا برده و الطفل هادى
    و لاااازم فى دقيقة مينفعش فى نصف و تضرب فى 2
    لإن الأطفال عندهم حاجة اسمها
    periodic breathing
    يعنى التنفس بيشتغل شوية ورا بعضه و بعدين
    يقف حبه
    و هكذا
    فلازم فى دقيقة كاملة عشان نقلل نسبة الخطأ
    و لازم تكون عارف ال cut off point
    بتاعة كل سن
    أول شهرين 60
    بعد كده فى أول سنة 50
    بعد أول سنة 40

    و أخير بقه هنسمع
    فيه 3 حاجات مهمين بنسمعهم
    أولا

    transmitted sound
    ده بيكون سببه إن الطفل مناخيره مسدودة
    صوت زى ما يكون واحد بيشخر كده
    و لو عايز تتأكد
    تحط السماعة قدام أنف الطفل هتسمع نفس الصوت
    إذا سمعناه
    هنكتب للطفل نقط محلول ملح بالأنف
    بياخدها عندنا فى المستشفى
    و بعدين نسمعه تانى
    ثانيا
    wheeses
    دى عبارة عن صوت فى ال expiration
    لما بيكون عالى بيكون زى صوت الزمارة كده
    و لما بيكون واطى بيكون زى صوت
    عارف كده لما تكون فى صحراااء
    و يجى شوية هوا و يعملوا صوت كده
    أهو حاجة شبه كده
    ثالثا
    crepitations
    ده صوت بيكون فى آخر ال inspiration
    و عادة بيتسمع basal
    شبه صوت الفشار على النار و هوا بيتعمل
    و شيه صوت الشيشية و هيا بتتشرب
    و شبه صوت الجزمة الكوتش و هيا بتتفتح

    آخر حاجة نصيحة منى برده
    فى أى حالة chest
    خللى عندك ضمير و اسمع ال heart كمان
    عشان ممكن يكون الطفل عنده أى حاجة
    congenital
    زى ال VSD
    و دى اللى عاملله
    recurrent chest infection

    Bronchial Asthma
    الشكوى
    هيقولوك مش عارف ياخد نفسه
    أو بيكح كحة جافة عادة

    أسئلة مهمة لتأكيد التشخيص
    1- فيه حد فى العيلة عنده حساسية
    سواء فى صدره أو أى حساسية تانية ؟

    2- الطفل تعب قبل كده و جاتله النوبات دى ؟
    3- قبل كده الطفل تعب و دخل أى مستشفى
    و أخد جلسات نفس ؟

    4- الأعراض اللى عنده دى بتزيد امتى ؟
    أعراض الحساسية بتزيد الفجر

    5- النوبات دى بتجيلى كام مرة فى الشهر ؟
    6- ماشى على علاج مستمر بين النوبات دى ؟
    7- صدره بيزيىء
    أو بتحسى و انتى بترضعيه ان فيه زى خروشة فى صدره ؟

    8- النوبات دى بتجيله لما يشم ريحة معينة
    أو يجيله برد مثلا ؟

    من خلال الأسئلة دى
    هنقدر نتأكد من التشخيص
    إذا كانت النوبات دى بتجيله على طول
    و بيجى المستشفى ياخد جلسات نفس
    تبقه دى حساسية
    أما إذا كانت أول مرة تحصله
    فهنكون مش متأكدين أوى من التشخيص
    إلا إذا كان فيه مؤشرات تانية قوية

    ملاحظاااات هااامة
    1
    مفيش حاجة اسمها asthama
    قبل 6 شهور
    ليه ؟؟
    لإنها بتكون شبه ال bronchiolitis
    بالضبط
    و مفيش أى وسيلة لتفرققهم من بعض
    فإحنا بنفترض إن أى
    attacks of wheesy chest
    فى أول 6 شهور
    bronchiolitis
    و بنقول للأهل احتمال يكون عنده حساسية
    بس هيبان لما يكبر

    2
    الطفل اللى عنده حساسية
    و جاى دلوقتى مثلا يشتكى إنه بيكح و سخن
    مش شرط تكون دى acute attack
    و برده تديله جلسات نفس
    ممكن تكون chest infection عادية
    فلازم تقيمه كويس
    حتى لو هوا متعود إن عنده حساسية
    و بيجى على طول المستشفى ياخد جلسات
    الكشف
    هتعمل chest examination
    بس زى ما قلنا فوق
    غالبا هتلاقى tachypnea
    ممكن تلاقى retractions
    لو الحالة severe أوى
    و طبعا هتسمع
    wheeses
    إن شاء الله

    العلاج
    معروف جداا
    معتقدتش إن فيه خلاف عليه
    بياخد جلسة نفس
    Nebuliser
    2 سم سالين
    نصف سم فاركولين
    نصف سم أتروفنت



    و تفهم الأم
    بعد الجلسة تعد بالطفل ربع ساعة فى الهوا
    و بعدين تجيبهولك تسمعه تانى
    لو لقيت wheeses
    لسه موجودة

    هتفضل تعيد الجلسات
    مسموح ليك لحد 3 مرات

    بعد المرة التالتة
    أغلب الحالات بتكون فكيت
    اللى لسه مفكتش بقه
    بتاخد حقنة كورتيزون
    اسمها
    solucortef
    فى الوريد
    الجرعة
    الوزن على خمسة بالسم
    أو
    الوزن فى اتنين بالشرط

    بعد كده لو لسه مفكتش
    بتاخد
    aminophylline
    بس طبعا ده بيتاخد برااحة جداا
    لإنه ممكن يعمل arrhytmia
    و طبعا ده النايب اللى هيكتبه

    و فيه حالات بتاخد كل الحاجات دى و مش بتفك
    دى بقه بتتحجز فى المستشفى
    و ممكن تحتاج تتحط على ventilator

    طيب و لو الأزمة فكت
    هنكتب للعيان علاج فى البيت
    عادة بنكتب

    كورتيزون
    orazone syrup
    لمدة 5 أيام
    3 مرات فى اليوم

    و لازم تنبه على الأم تستخدم الدوا 5 أيام فقط
    و بعدين توقفه
    عشان فيه أمهات بتكمل و تدخل الطفل فى
    2ry Cushing

    و ممكن واحد يعترض و يقولى ده كورتيزون
    ازاى تبطله فجأة ؟
    و ممكن يقولى زى ما مكتوب فى كتاب ال Medical Guide
    احنا نديه يومين 3 مرات
    و بعدين يومين مرتين
    و بعدين يوم مرة

    فنقول و بالله التوفيق
    إن الكلام ده غلط
    لإن ثبت طالما بتدى كوريتزون أقل من أسبوعين
    يبقه ممكن تبطله فجأة

    و بنكتب كمان
    Mucophylline
    ده عبارة عن طارد للبلغم
    و موسع للشعب
    و الجرعة بتاعته
    empirical

    لحد هنا انتا عملت دورك تمام التماام
    بس لازم تنبه على الأم
    إذا كان عدد الأزمات أكتر من 2 فى الشهر
    تيجى تتابع فى عيادة الحساسية
    عشان تاخد علاج طويل تمشى عليه على طول
    بين الأزمات
    عشان زى ما انتوا عارفين تقسيمة الأزمة
    4 درجات
    و كلهم فيهم chronic treament
    ما عدا
    Mild intermittent

    عادة العلاج اللى بيكتبوه
    بيكون بخاخة كورتيزون
    Fixotide inhaler
    كل يوم
    و بخاخة موسع للشعب لما الطفل يتعب
    Ventolin



    و لو الأم جات و معاها البخاخات
    هتسألها بتدى الطفل كل يوم
    أغلبهم بيقولوا بصراحة
    لما بلاقيه كويس مش بديله

    فتفهمها بقه إن الكلام ده مينفعش
    و لازم تديهاله كل يوم سواء كويس أو لأ
    عشان تقلل عدد النوبات اللى بتجيله
    و حتى لو جات تكون خفيفة
    و تفهمها إن البخاخات دى كويسة
    و أحسن من الأدوية الشرب
    لإنها مش بتمتص فمش بيكون ليها آثار جانبية
    الرجوع الى أعلى الصفحة اذهب الى الأسفل
    kingmax1001
    عضو فعال
    عضو فعال


    عدد الرسائل: 206
    العمر: 26
    محل الاقامة: في أخر بلاد المسلمين
    الوظيفة: Hyperactive non productive white coated ascending descending organism
    تاريخ التسجيل: 28/05/2009

    مُساهمةموضوع: رد: الحالت الشائعة في الأطفال و علاجها   الخميس 10 مارس 2011, 7:32 pm



    Bronchiolitis
    دى عبارة عن viral infection
    بسبب RSV
    منتشرة جدا
    بتيجى فى السن الصغير
    فى أول سنتين من حياة الطفل
    بالذات من الشهر الثالث للسادس

    الشكوى
    الطفل نفسه سريع
    مش عارف يرضع
    سخن

    بتتميز إن قبل ما الطفل يتعب غالبا هتلاقيه
    فيه واحد من أهله اللى قاعدين معاه على طول
    كان عنده برد مثلا
    و الطفل بدأ يتعب الأول برشح و كحة بس
    يومين تلاتة كده و بعدين بقه بدأ
    نفسه يتعب زى ما قلنا

    الكشف

    المرض ده يتميز بإن ال respiratory distress
    فيه بيكون severe
    لدرجة إن العيان ممكن يخش فى respiratory failure
    و يموووت

    عشان كده هنلاقى
    tachypnea
    chest indrawing
    intercostal retractions
    wheeses

    ازاى نعرف إنها مش Asthama ?
    عموما زى ما قلنا مفيش طريقة أكيدة للتفرقة بينهم
    يعنى لما الطفل بيجيبلوا attack
    بنقول دى كده هنعتبرها bronchiolitis
    و لو فضلت تجيله recurrent attacks
    بعد ما أول سنة تبقه دى asthma
    بس فيه عوامل مرجحة

    عيان ال asthma
    مبيكونش معاه fever

    عيان ال asthma
    عادة بيكون معاه
    family hostory

    عيان ال asthma لما بياخد جلسات النفس
    بيفك و يتحسن كتير و ممكن ال wheeses
    يختفى خالص
    إنما عيان ال bronchiloitis
    بيتحسن بدرجة أقل

    عيان ال ashma بيجى فجأة
    bronchiloitis
    بتبدأ الأول فى صورة البرد
    زى ما قلنا

    ازاى نعرف إنها مش pneumonia ?
    عيان الpneumonia
    زى ما هنتكلم إن شاء الله
    بيكون
    toxic
    high fever
    crepitations

    و ساعات فعلا بنكون مش عارفين
    و نعمل للحالة
    chest x-ray
    عشان نتأكد إن مفيش pneumonia

    فى حالة ال bronchiolitis
    هنلاقى CXR
    lung hyperinflated
    شوية يعنى
    و ممكن نلاقيها normal

    العلاج
    لو ال respiratory distress mild
    هنكتبلها علاج فى البيت
    حاجات bronchodilators
    زى ال ventolin
    و باقى العلاج symptomatic

    أما لو ال respiratory distress severe
    بتتحجز
    و تتعالج فى المستشفى
    بتاخد جلسات نفس كل 4 ساعات
    و حقن سوليو
    و نتابعها بقه


    Pneumonia
    الشكوى
    مش هتساعدنا كتير
    الطفل سخن
    مش بيرضع كويس
    بيكح كحة ببلغم
    نفسه سريع
    الكشف
    هنلاقى signs of respiratory distress
    أهم حاجة chest indrawing
    عشان كده حسب ال IMCI
    لو فيه chest indrawing
    بنعتبرها pneumonia
    بس خللى بالك لازم يكون الطفل
    مبيعيطش طبعا
    و كمان تشوف
    gurnting
    acting ala nasei
    و كل الحاجات دى مش شرط تحصل
    مع ال pneumonia بس
    إنما كل ما تلاقى منها أكتر
    تعتبر قرائن قوية


    هنلاقى كمان high fever
    بس دى للأسف مش هنقدر نعتمد عليها
    عشان الأم كده كده هتكون اديت الطفل
    أى حاجة للسخونية
    بس ممكن تسأل عليها


    هتلاقى الطفل toxic
    و خللى بالك دى نقطة مهمة أوى
    toxic ازاى يعنى
    يعنى باين فى وشه إنه زعلان و مش طايق نفسه
    و مهما تحاول تكلمه أو تلاعبه
    تلاقيه مقريف كده و ميردش عليك
    لدرجة إن هما مثلا فى العنبر النواب بيحكولنا لو فيه
    طفل كل يوم يمروا عليه و بيلعب معاهم و يتكلم
    و بعدين فى يوم لقوه عصبى و مزاجه متغير
    يبقه غالبا جاتله infection

    هنسمع كمان crepitations
    دى مميزة أوى
    بتتسمع أكتر فى ال back
    bilateral & basal
    و ساعات بيكون فيه secretions كتير
    و مش عارف تسمع كويس
    فتدى الطفل جلسة نفس
    و تحطله نقط سالين
    و بعدين تسمعه تانى

    آخر حاجة عشان تتأكد

    هتعمل CXR
    هتلاقى white patches

    العلاج
    لازم تتحجز فى مستشفى
    بتاخد مضادات حيوية طبعا
    أشهرها الأوجمنتين و الروسيفن
    فى الوريد
    بس بتكون الجرعة على 100 مل لكل كجم
    و لو مفيش استجابة
    بيعتبروا إنها fungal
    و يبدأوا ال diflucan
    و بتاخد كمان جلسات نفس
    و corticosteroids


    URTI
    خللى بالك كويس من الحالة دى
    فى حالات كتير هتجيلك الاستقبال
    ها الطفل بيشتكى من ايه ؟
    بيكح و سخن
    و الأم راحت مستشفى تانية
    قالولها الواد عنده التهاب رئوى
    و ادولها ورقة صغيرة كده
    مكتوب فيها حقن cefotax
    بعدين تيجى تشوف الطفل
    مفيهوش ولا
    tachypneal
    و لا
    retractions
    و لا سامع عليه أى حاجة

    فى الحالة دى تعمل ايه ؟؟
    إذا كانت الأم لسه مشترش الحقن اللى فى الورقة
    تنصحها أن الورقة دى
    هتبلها و تشرب ميتها
    و لو كانت الأم خلاص اشتريت الحقن
    تنصحها إنها أول ما تروح
    ترميهم فى صندوق الزبالة

    الحالة دى ايه بقه ؟
    دى upper respiratory tract infection
    أو بالكتير
    bronchitis
    مش pneumonia خالص
    و عموما لو شاكك هنعمل
    CXR

    العلاج
    1-antipyretics
    اتكلمنا عنهم قبل كده
    2-antibiotics
    و البعض بيقول إنها غالبا viral
    فالمفروض متاخدش
    و لو اديت هتدى حاجة oral
    زى curisafe
    3-أدوية الكحة
    فيه عندنا منهم 4 مجموعات
    Mucolytic
    و دى أفضل مجموعة
    بتعمتد إنها بتدوب ال secretions
    فبيكون سهل إن الطفل يطلعها
    و لو حد سألك ايه هوا أفضل mucolytic
    قوله الميه
    عشان كده المفروض ننصح الطفل يشرب ميه كتير
    أمثلة
    لل neonate
    Ambroxol drops
    Bisolvon drops
    Bronchopro drops
    Solvin drops
    الجرعة
    1 drop / kg / dose t.d.s
    للأطفال الأكبر
    Mucosol syrup
    Bisolvon syrup
    Bronchopro syrup
    Solvin syrup
    Ambroxol syrup
    Mucofar syrup
    الجرعة
    أقل من سنتين
    نصف معلقة صغيرة 3 مرات فى اليوم
    أكتر من سنتين
    معلقة صغيرة 3 مرات فى اليوم

    Cough expectorant
    الأدوية الطاردة للبلغم
    البعض بيقول المفروض متتكتبش فى أول سنتين
    عشان cough reflex
    بتكون لسه immature
    أمثلة
    Toplexil syrup
    All-Vent syrup
    Bronchophane syrup
    Avipect syrup
    Bronex drops

    antitussive
    أدوية بتعمل suppresion
    لل cough center
    بتستخدم فى الكحة الجافة
    أنا عن نفسى مش بحبها و عمرى ما كتبتها
    أمثلة
    Tussilar
    Silomat
    Selgon

    Natural
    و دى اتكلمنا عنها قبل كده


    stridor

    الشكوى
    هيجى الأهل يقولولك الطفل بيتخنق و مش عارف
    ياخد نفسه
    عادة الحالة تيجى بتيجى فى أوقات سخيفة
    يعنى الساعة 3 الصبح
    و الأم بقه بتبقه قاعدة بتعيط
    و العيلة كلها جاية
    و فاكرين الطفل خلاص هيموت يعنى

    الكشف
    أهم حاجة تقرب ودنك من الطفل
    و تسمعه و هوا بيتنفس
    هتسمع صوت زى ما يكون واحد بيتخنق كده
    و إن شاء الله لو سمعته مرة
    هتعرفه بعد كده لوحدك يعنى

    العلاج
    نصائح مهمة
    حاول و انتا بتكشف على الطفل
    متخلهوش يعيط كتير
    متستخدمش خافض اللسان عشان تشوف اللوز
    متخليش الطفل ينام على ظهره
    العلاج فى المستشفى
    جلسات نفس
    2 سم سالين
    نصف سم أدرينالين

    حقنة سوليو
    الوزن على خمسة بالسم
    أو
    الوزن فى اتنين بالشرط

    و كان فيه حاجة اسمها mist therapy
    عبارة عن بخار و الطفل بيتنفسه
    بس مش موجودة عندنا
    و لما سألت عليها النواب قالوا إنها كانت موجودة
    و بطلوها
    بيقولوا بتعمل
    hypersensitivity reactions
    العلاج فى البيت

    orazone
    الوزن على 3 فى الجرعة الواحدة
    لمدة 5






    الرجوع الى أعلى الصفحة اذهب الى الأسفل
    ضياء الروح
    عضو جديد
    عضو جديد


    عدد الرسائل: 45
    العمر: 27
    الوظيفة: ???????
    تاريخ التسجيل: 20/11/2009

    مُساهمةموضوع: رد: الحالت الشائعة في الأطفال و علاجها   الجمعة 25 مارس 2011, 1:53 pm

    جزاكم الله خيرا
    الرجوع الى أعلى الصفحة اذهب الى الأسفل
    @اسيا
    عضو فعال
    عضو فعال


    عدد الرسائل: 320
    العمر: 27
    الوظيفة: طبيبة امتياز
    تاريخ التسجيل: 03/01/2008

    مُساهمةموضوع: رد: الحالت الشائعة في الأطفال و علاجها   السبت 26 مارس 2011, 2:35 am

    وكالعادة لازم في النهاية نشكرك جدا
    جزاك الله خيرا جزاك الله الجنة
    الرجوع الى أعلى الصفحة اذهب الى الأسفل
    The pioneer
    عضو ذهبي
    عضو ذهبي


    عدد الرسائل: 1354
    العمر: 27
    محل الاقامة: زوير- م شبين الكوم- م المنوفيه
    الوظيفة: هذا من فضل ربي
    تاريخ التسجيل: 18/09/2008

    مُساهمةموضوع: رد: الحالت الشائعة في الأطفال و علاجها   الأحد 27 مارس 2011, 8:15 pm

    جزيتم عنا كل خير



    والله يابرنس انت عامل شغل جااااااااااامد... TSK
    الرجوع الى أعلى الصفحة اذهب الى الأسفل
    http://WWW.ALRAHMH.TV
    HEBA SALAMA
    |مشرف|
    |مشرف|


    عدد الرسائل: 9331
    العمر: 27
    محل الاقامة: فى بيتى
    الوظيفة: باذن الله دكتورة
    تاريخ التسجيل: 04/12/2006

    مُساهمةموضوع: رد: الحالت الشائعة في الأطفال و علاجها   السبت 02 أبريل 2011, 4:39 am

    جزاكم الله خيرا
    الرجوع الى أعلى الصفحة اذهب الى الأسفل
    رحمة
    عضو جديد
    عضو جديد


    عدد الرسائل: 3
    العمر: 49
    الوظيفة: طبيبة
    تاريخ التسجيل: 25/04/2011

    مُساهمةموضوع: رد: الحالت الشائعة في الأطفال و علاجها   الثلاثاء 26 أبريل 2011, 12:09 am

    مجهود رائع
    جزاك الله خيرا
    الرجوع الى أعلى الصفحة اذهب الى الأسفل
     

    الحالت الشائعة في الأطفال و علاجها

    استعرض الموضوع السابق استعرض الموضوع التالي الرجوع الى أعلى الصفحة 
    صفحة 1 من اصل 1

     مواضيع مماثلة

    -
    » طب الأطفال Pediatrics

    صلاحيات هذا المنتدى:لاتستطيع الرد على المواضيع في هذا المنتدى
    Kollia Online Forums ::  :: -