البوابةالرئيسيةس .و .جبحـثالتسجيلدخول





شاطر | 
 

 مستشفانا ..إيد في إيد هنغيرها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الصيدلية الخيرية
عضو فعال
عضو فعال


عدد الرسائل : 256
العمر : 35
محل الاقامة : فى عقل وقلب الكثير
الوظيفة : مساعدة المرضى المحتاجين
تاريخ التسجيل : 26/07/2007

مُساهمةموضوع: مستشفانا ..إيد في إيد هنغيرها    الأربعاء 16 فبراير 2011, 2:07 am

السلام عليكم ورحمة الله

أهلا بيكم في العهد الجديد عصر ما بعد الثورة

وزي ما الشباب غير حاجات كتير
لازم إحنا كمان نتغير لازم نغير من نفسنا
ونحاول نغير كل حاجة حوالينا للأفضل
عشان فعلا نثبت إننا شباب مصر بجد
الشباب اللي بيعمر مش بيخرب اللي بيبني مش بيهد
اللي فعلا هدفه الإصلاح هدفه التعميير ونفسة يغير بجد
لو كل حد عمل حاجة صغيرة في المكان الموجود فيه بلدنا هتتغير بجد
وإحنا مش هدفنا طلب علم وبس لأ إحنا دورنا أكبر من كدة بكتير
cheers cheers cheers


_________________



عدل سابقا من قبل الصيدلية الخيرية في الأربعاء 16 فبراير 2011, 4:01 am عدل 1 مرات
الرجوع الى أعلى الصفحة اذهب الى الأسفل
الصيدلية الخيرية
عضو فعال
عضو فعال


عدد الرسائل : 256
العمر : 35
محل الاقامة : فى عقل وقلب الكثير
الوظيفة : مساعدة المرضى المحتاجين
تاريخ التسجيل : 26/07/2007

مُساهمةموضوع: رد: مستشفانا ..إيد في إيد هنغيرها    الأربعاء 16 فبراير 2011, 2:09 am


زي كل سنة
بنبتدى حملتنا "حملة الأجهزة"
وكلنا عارفين قد إيه الموضوع دا بيخفف عن ناس كتير
وقدإيه فعلا هم محتاجينه
كام مريض بيفقد حياتة عشان جهاز
كام مريض محتاجنا ومحتاج مساعدتنا
بس السنة دي مختلفة وهتبقي غير كل سنة
السنة دي لازم نغير ونتغير كلنا نبقي إيد واحدة
وعلشان كده السنادى ..حملتنا مش هتكون بس مساعده المرضى فى المستشفى بالاجهزه الطبيه
السنادى جتلنا الفرصه اننا نصلح بلدنا والأجهزة جزء من الأصلاح وجزء من التغيير

إحنا شفنا ناس كتير متحمسة مثال موضوع دكتورة مريم
http://medicalclub.bb-fr.com/t26896-topic

وناس كتير عايزة تغير
ولازم نبقي جزء منهم لأننا كلنا في قارب واحد




_________________



عدل سابقا من قبل الصيدلية الخيرية في الأربعاء 16 فبراير 2011, 4:16 am عدل 1 مرات
الرجوع الى أعلى الصفحة اذهب الى الأسفل
الصيدلية الخيرية
عضو فعال
عضو فعال


عدد الرسائل : 256
العمر : 35
محل الاقامة : فى عقل وقلب الكثير
الوظيفة : مساعدة المرضى المحتاجين
تاريخ التسجيل : 26/07/2007

مُساهمةموضوع: رد: مستشفانا ..إيد في إيد هنغيرها    الأربعاء 16 فبراير 2011, 2:28 am


السنه دى حملتنا مش زى كل سنة حملة الاجهزه وبس
السنه دى حملتنا هتبقى
حمله مستشفانا

حمله هنساعد بعض فيها إننا نغير سلبيات كتير
كنا دايما شايفين إنها غلط ..بس مكنش فى أيدينا نعمل حاجة
دلوقتى الموضوع اختلف
وبقى فى ايدينا نحقق ...مادام جوانا النية الصادقة
علشان كده محتاجيين كلنا نبقي إيد واحدة


ياما مرضى كتير عانوا بسبب الروتين والإهمال وقلة الامكانيات
ياما دكاتره كتير اتفرض عليهم يعالجوا الناس بأجهزة قديمة وبايظة
وياما طلبة كتير مننا عانوا وهمه بيشوفوا ده
وهمه حاسين أنهم فى يوم من الأيام هيتخرجوا ويبقوا كده
ويعيشوا الحياه دى

بس دلوقتى الأمر اختلف
من حق كل مريض يتعامل كويس وهوه فى المستشفى
ومن حقه يبقى عارف اللى ليه واللى عليه
مش يتعامل كأنه رقم فى مستند وله اسم بينضاف للتذاكر
ونسجله كام دوا يتصرفوله ومع السلامه
ياما اتأذينا واحنا بنشوف المعامله دى
واكيد ده لازم يتغير

واحنا كلنا محتاجين نساعد فى ده ..لان دى هتكون حياتنا بعد كده
عايزين نشيل كل السلبيات من حولينا
ونحس بقى ولو لمره ان بلدنا بتتقدم فعلا بينا


_________________



عدل سابقا من قبل الصيدلية الخيرية في الأربعاء 16 فبراير 2011, 4:05 am عدل 1 مرات
الرجوع الى أعلى الصفحة اذهب الى الأسفل
الصيدلية الخيرية
عضو فعال
عضو فعال


عدد الرسائل : 256
العمر : 35
محل الاقامة : فى عقل وقلب الكثير
الوظيفة : مساعدة المرضى المحتاجين
تاريخ التسجيل : 26/07/2007

مُساهمةموضوع: رد: مستشفانا ..إيد في إيد هنغيرها    الأربعاء 16 فبراير 2011, 2:57 am



السنه دى نفسنا ..مش بس نوفر الاجهزه الضروريه للمرضى

نفسنا نعمل حملات توعيه للمرضى
نفسنا تبقى مستشفانا اجمل مستشفى على حق
عايزنها تبقى نضيفه ..وكل عامل او ممرض او دكتور ..
يأدى دوره صح

عايزين يبقى فى خريطه للمستشفى تساعد المرضى وهمه بيتنقلوا مش يتوهوا وسط الاقسام والمكاتب
محتاجين نوعى الناس ..ازاى يراعوا كونهم فى مستشفى وحق المال العام عليهم
ويبقوا فاهمين حقوقهم فيه هتكون ايه
ونوعى نفسنا كطلبه ودكاتره بعد كده ..
ايه حق المريض ده علينا ..ونمنع اى واحد بيحاول يستغل جهله انوا يعمل ده

عايزيين نتكاتف كلنا مش بس الصيدلية الخيرية
مش شرط إنتماء لأسرة أو كيان معين لإن كلنا بنتتمي لبلدنا وعايزيين نصلحها
كل الأسر أو حتي ناس من برة الأسر خالص ونفسها تساعد
كل فرد فينا نفسه يغير
عشان كدا لازم نبقي كلنا إيد واحدة


ونشارك بالجهد والأفكار

_________________



عدل سابقا من قبل الصيدلية الخيرية في الأربعاء 16 فبراير 2011, 4:31 am عدل 1 مرات
الرجوع الى أعلى الصفحة اذهب الى الأسفل
الصيدلية الخيرية
عضو فعال
عضو فعال


عدد الرسائل : 256
العمر : 35
محل الاقامة : فى عقل وقلب الكثير
الوظيفة : مساعدة المرضى المحتاجين
تاريخ التسجيل : 26/07/2007

مُساهمةموضوع: رد: مستشفانا ..إيد في إيد هنغيرها    الأربعاء 16 فبراير 2011, 4:25 am


بسم الله
دلوقتي هنبدأ حملتنا للإصلاح بأولي خطواتنا

بإذن الله

بحملة الأجهزة
ومحتاجين مساعده كل الطلبة والناس معانا


الأجهزة دورنا مش نجمع تبرعات بس
عايزين ناس تكلم الدكاترة
عايزين ناس تكلم الطلبة
محتاجين نوصل الفكرة لأكبر عدد من الناس اللى حولينا
ولو ناس تحب تكمل المشوار وتساعد في تسليم الأجهزة ومتابعتها

لسه فى أجهزة كتير المستشفى محتاجها

وفى فرص إننا نساهم بفلوسنا فى صدقة جارية
هيفضل ثوابها معنا لآخرالعمر بإذنالله
لأننا أكيد كلنا بنشوف قد إيه المرضي محتاجيين الأجهزة
وقد إيه بتفيدهم كتيير ودورها في تخفيف آلامهم

"
إذا مات العبد انقطع عنه عمله إلامن ثلاث :
صدقة جارية،أوعلم ينتفع به أو ولد صالح يدعوله "

عايزيين كلنا نكون إيد واحدة

للمشاركة في
حملة مستشفانا
1) حملة الأجهزة
و
الإستفسار
إرسل رسالة
علي
أكونت الصيدلية الخيرية






_________________

الرجوع الى أعلى الصفحة اذهب الى الأسفل
 
مستشفانا ..إيد في إيد هنغيرها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: