البوابةالرئيسيةس .و .جبحـثالتسجيلدخول





شاطر | 
 

 أمى ملهاش فى السياسة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دكتور شاطر
|مشرف|
|مشرف|


عدد الرسائل : 6294
العمر : 28
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: أمى ملهاش فى السياسة   الأربعاء 09 فبراير 2011, 10:55 am

سلام عليكم

قصيدة عامية

منقولة


..................................................
شايفة يامة الغلب والشقى اللي مالي الوشوش؟؟

واللي قاعدين على القهاوي وطلع علامهم على فشوش؟؟

قالتلي امي ماتبعد وكفاية حكاوي في السكة دي .....

مالك انت ومال اللي على القهاوي ومالك بغلب الفواعلية

وانت مالك بالبلد يعني كلها بقت حريم وانت بس اللي ولد ؟؟

ولا انت عايز تتشد وتتجلد؟؟

شفتي يامة حرقة دمي على ابويا يوم ممات ؟؟

اهو اللي انا فيه ده كله من كتر السكات !!!

عايز اصرخ في الميدان ....... نفسي اصرخ بعلو صوتي واقول تعبـــــــــــــان

والله تعببببببببببببببببببببببان

كلمة على لساني


واعمل ايه في كتماني خايف وعاجز اعدي السور

زرعو الشوك في بستاني وبكو الورد احزاني وخلونا ياما كسور

سرقو مني احلامي ومبقتش شايف قدامي .....

ومبقتش شايف في الضلمة نور


مبقتش شايف في الضلمة نور


يعني هو مكتوب عليا قلة نومي؟؟؟

يعني من عدل الدنيا دي هما ياكلو وانتي تصومي؟؟؟؟؟؟

شايفة الشقا يامة والعجز على وشي؟؟

شايل همي جوة هدومي من تعب مش عارف امشي.......

من خوفي عليكي بداري همومي


صعبت عليكي يامة ودلوقتي نزلت دموعك ؟؟؟

ضميني يامة وخديني بين ضلوعك..... خديني بين حضنك

مفيش أآمن منه لولا ان الرجولة مانعة البكا

بس الواحد غصب عنه مهو انا لو مصرختش ممكن اموت ....

مهو لو مقلتش هينطق السكوت


سالونا من ايه الوجع...

قلنا الوجع منهم


ميين اللي عاش اتخدع وداق الزل من ويلهم


مين اللي انزل وخضع

ميين اللي شاف ليلهم


احنا اللي وطينا سنيين ونستاهل اللي يجرالنا

بس احنا بني ادمين


وهو ده حالنا


حالنا ياما دلوقتي ...... المية مصفرة وطيرنا فيه فرة والكهربا ومقطوعة

واللي بيهج برة واللي مش مفرة يتعالج من امراض ممنوعة


غير الزحمة في كل الشوارع غير اعتصامات المصانع

وده تحت مسمى الخصخصة

وسيادته في البيع بارع قليل الاصل واطي ومخادع ومعاه دناوة مترخصة

والله لو يحسو بكلامنا مرة ..... و يشوفوا قد ايه العيشة مرة ....

اكيد قلبهم هيأن


بس ده من رابع المستحيلات

طب ده انا ليا مرة واحد صحبي قال في مرة الحق مااااااااااااااااات

طب انا بقى مش قادر اصبر على السكات في اللي جاي وفي اللي عدى وفي اللي فات

كل يوم بيقتلني السكات .........

كل يوم بحلم بصاحبي اللي مات

كل يوم بحلم بذل اخويا وصاحبي اللي مات

نفسي انزل في الميدان


نفسي اصرخ واقول تعبـــــان


نفسي اصرخ من الجنااااااااااااان

عارفة يامه ؟؟


زي ما يكون نسيت اصلي واسمي

زي ما يكون الكيماوي عشش جوة جسمي

عارفة يامة؟؟


الخوف حاضني ومن بين حيطان السكوت ساجني

عايزة تبكي يامة على حالي ؟؟

هتبكى لما تشوفي اللي جرالي

ابكي على حالي وشوفي ملامحي حسي جرحي في كسر قمحي

ابكي على حالي وانا جندي مقتول برصاص الصهاينة على الحدود

ابكي على حالي لما هان عليهم دمي وتعب جدود الجدود

ابكي على حالي لما مدو ايدهم لليهود

ابكي على حالي في وضعي الحالي

يعني مش هقولك غزة وفلسطين ........ لأاااااااا ...

ولا هقولك ميين اللي نهبو وميين اللي سرقو وميين اللي حرقو

ومش هقولك ميين اللي طلعو كمان واطيين

بس هحكيلك على اللي في المستشفى مرميين واللي ياخد بالغلط كيماوي

واللي جسمه مليان بلاوي والي قاعدين على القهاوي مستنيين الدور يدور

غير اللي بيتراضى بقرشين عشان يمشي مصلحة

وان فهم انه مش هيدفع يحلف مكنش المصلحة

واللي من الحر اتخنق واللي مش لاقي يجيب مروحة

واللي في الزحمة اتسلق و الزحمة حلفت ماهي مروحة

واللي واللي كتيييير كتيييييييير شاربين في قُلة

واللي ليهم الف بيير واللي في بطنه فلوس حرام تحت البلاطة وتحت السرير

واللي خد فلوسه وجلا ........ وخصخص وباع غزل المحلة

وعمال غلابة شايفيين مزلة مصر غابة ده اسم لمجلة


كل ما ابص في المراية يامة الاقيني مطحون في الرحايا وشعري شاب بدري

بحس ان جوايا خيبة امل عايشة معايا بتقولي لسة على الجواز بدري


عارفة ياما لو اللي جاي على قد اللي رايح ؟؟؟

كنا اكلنا كل شهر لحمة بلدي

كنت هاخد مع الفرح وأدي


كنت هبيع الخوف وهمومي واعيش راضي وعلى قدي

بس ياريت اللي جاي مكفي اللي رايح !!

رايح حقي وعرقي فيها

دول حرامية وقعدو عليها

معلش ياما دوشتك


عارف ملكيش في السياسة

بس اعمل ايه في ناس مفيهاش ريحة الحساسة

ناس ياما لزقت وعششت في الرياسة


وخلونا نسف التراب واتهمونا بالنجاسة

وانا وامي مش بناكل حرام ولا بنبيع خساسة

انا بس بقول الحق في كلام


وامي ملهاش في السياسة

وامي ملهاش في السياسة


وامي ملهاش في السياسة


وامي ملهاش في السياسة

............................................

انتهت


الرجوع الى أعلى الصفحة اذهب الى الأسفل
http://www.islamweb.net
SaLmA
فرسان الميديكال
فرسان الميديكال


عدد الرسائل : 2171
العمر : 25
محل الاقامة : ....
الوظيفة : ....
تاريخ التسجيل : 17/07/2008

مُساهمةموضوع: رد: أمى ملهاش فى السياسة   الأربعاء 09 فبراير 2011, 12:28 pm

em0

سمعتها قبل كدة فظيعة توجع القلب

وللاسف بتوصف اوجاع الشعب دة اللي ظلموه كتيــــــر
بس بيتهيالي كل دة هيتغير ان شاء الله

وبيتهيالي دلوقتي امه بقت ليها ف السياسة كل الناس دلوقتي بقت سياسيةبعد 25
Smile
الرجوع الى أعلى الصفحة اذهب الى الأسفل
رحماك..يا الله
:: عضو مثقف ::
:: عضو مثقف ::


عدد الرسائل : 896
العمر : 26
محل الاقامة : في رعاية الله
الوظيفة : وظني فيك يا سندي جميل
تاريخ التسجيل : 28/09/2009

مُساهمةموضوع: رد: أمى ملهاش فى السياسة   الأربعاء 09 فبراير 2011, 8:04 pm

em0 em0
انا لله وانا اليه راجعون
الرجوع الى أعلى الصفحة اذهب الى الأسفل
Emy...Cheesecake
|مشرف|
|مشرف|


عدد الرسائل : 2498
العمر : 27
محل الاقامة : منتدى القوارير
الوظيفة : ..
تاريخ التسجيل : 14/03/2007

مُساهمةموضوع: رد: أمى ملهاش فى السياسة   الأربعاء 09 فبراير 2011, 8:12 pm

رائعة بجد...........

وفعلا زى ما سلمى قالت الناس بعد 25 بقى لها ف السياسة ودى حاجة كويسة لان ما ينفعش حد يعيش وما يبقاش له دور فى بلده
خلاص انتهى زمن امشى جنب الحيط
الرجوع الى أعلى الصفحة اذهب الى الأسفل
hope to be
عضو فضي
عضو فضي


عدد الرسائل : 555
العمر : 26
محل الاقامة : la vie
الوظيفة : may be ...............?
تاريخ التسجيل : 27/08/2010

مُساهمةموضوع: رد: أمى ملهاش فى السياسة   الأربعاء 09 فبراير 2011, 8:38 pm

em0
الرجوع الى أعلى الصفحة اذهب الى الأسفل
mona meki
عضو ذهبي
عضو ذهبي


عدد الرسائل : 922
العمر : 26
الوظيفة : nooo
تاريخ التسجيل : 28/03/2008

مُساهمةموضوع: رد: أمى ملهاش فى السياسة   الأربعاء 09 فبراير 2011, 8:50 pm

والله انه لكلام يحزن له القلب وتدمع له العين
ولكنه للاسف هو الحقيقة
ولكن ان شاء الله هيتغير هيتغير باذن الله وهيتصلح حال البلد دى بأيادي شبابها الواعى
اللى قام بالثورة والانتفاضة وعرفوهم ازاى تكون ثورة الشباب وازاى يعملولهم الف حساب ومايقلوش عليهم شوية عيال ويعرفوا اد ايه هما كانوا رجاله
الرجوع الى أعلى الصفحة اذهب الى الأسفل
 
أمى ملهاش فى السياسة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: