البوابةالرئيسيةس .و .جبحـثالتسجيلدخول




مواضيع مماثلة

شاطر | 
 

 Cardiac Arrest - ER series

اذهب الى الأسفل 
كاتب الموضوعرسالة
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: Cardiac Arrest - ER series   الإثنين 13 ديسمبر 2010, 11:44 pm




الموقف:
وانت واقف ف الاستقبال .. هتسمع

آآآآآآآآآآآآآآآآآآآآآرست


والممرضات بتجري
و الامتياز بيجري
ويشدوا العيان على غرفة الافاقة "السبتيك"
وواحد بيجر الكرسي الخشب وبيحطه جمب سرير العيان
والتاني بيدور على سماعة سبيريت او ليتمان عشان يسمع كويس
وواحد من امتياز طلع ع الكرسي وبيعمل كاردياك ماساج كما هو واضح في الصورة
وبتاع الأمن قفل باب الاوضة
والممرضات ركبوا كانيولا للعيان ثم
فتحوا دولاب صغير طلعوا منه
منظار وتيوووب + جهاز الصدمات + امبولات الادرينالين والاتروبين والباي كارب
ثم طلعوا الأمبوووووو باج بتاعت التنفيخ
ثم شغلوا جهاز الاكسوجين و قد يشغلوا الشفاط كمان
و في 3 دقايق هتلاقي دكتور تخدير ودكتور قلب نازلين


طيب ..

اعضاء المسرحية:

الأمبو باااااج


جهاز الدي سي شوك





منظار دكتور التخدير

لارنجيو سكوب




التيوووووووووووووووب
اندوتراكيال تيوووب





دكتور التخدير وهو بيركب الانبوبة مستعملاً المنظار




تعالوا بأة نعرف يعني ايه أرست
وانواعه ايه
ونتعامل معاه ازاي

وبيتعمل فيه ايه لغاية ما العيان يموت .. أو الدكتور يموت .. او الفيلم يخلص بنهاية مفتوحة

زعلان زعلان زعلان

الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Cardiac Arrest - ER series   الإثنين 13 ديسمبر 2010, 11:48 pm



Cardiac arrest:

Cessation of normal circulation of the blood due to failure of the heart to contract effectively

.. ممكن يكون آسستول .. وممكن يكون حاجات تانية

الفكرة هنا ان القلب مش عارف يقوم بوظيفته كمضخة للدم .. وتوقف عن ضخ الدم

بغض النظر هل القلب وقف خالص

Asystole

ولا حصل في القلب آريزميا شديدة زي ال

VF

فأصبح غير قادر على ضخ الدم

لأن في الحالات دي كلها عمل القلب كمضخة توقف

والموضوع ده اهميته في ان الكاردياك ارست بيتقسم تقسيمة كدة ..

كل صورة منهم بيكون لها علاج مختلف غير التاني

طيب
Sudden cardiac arrest
يعني ارست حصل وماكناش متوقعينه

ولو الأرست ده أدى إلى الوفاه ..
هتتسمى الوفاه
Sudden cardiac death


طيب لما العيان يأرست ..
يعني لما القلب يتوقف عن ضخ الدم ...
مفيش دم هيوصل المخ صح ؟
يبقى العيان هيفقد الوعي

ومفيش دم واصل لأي مركز في المخ كدة
فالعيان هيفقد التنفس

طيب لو المخ مفهوش دم .. ولا فيه اكسجين ..
يبقى كدة المخ هيموت من اربع إلى ست دقايق بعد بداية توقف القلب
يبقى لازم نتصرف بسرعة

يعني اللي جاب الكرسي ده .. ووقف عليه ..
وفضل يعمل كاردياك ماساج زي ماهو باين في الصورة ..
هذا شخص تصرف تصرفاً لائقاً لغاية ما دكتور القلب ينزل ودكتور التخدير ينزل



طيب احنا نشخص ازاي حالة كاردياك ارست؟

العيان قاعد قدامي ... و بيتنفس .. و ممكن يكون بيتكلم عادي
وفجأة

فقد الوعي
ووقف التنفس
و بحط ايدي على الكاروتيد .. لم أجد بلس
جربت اسمع قلبه بالسماعة لم أجد هارت ساوند

يستحسن طبعا تحس البلس في الكاروتيد
ليه ؟

لانك لو مسكت ايد العيان .. وحسيت فيها البلس في الراديال آرتيري ..
ممكن يكون العيان عنده خمستلاف حاجة مخلية البلس ضعيف في الراديال ارتري !
ممكن يكون العيان شوك
Shocked
وفاقد الوعي .. والتنفس بتاعه ضعيف

بس العيان مش ميت .. مش مأرست يعني
تيجي انت بأة تحس البلس في الراديال ارتري تلاقي نفسك مش حاسه
تقوم قايل ان العيان أرست
ييجي واحد يحط ايده ع الكاروتيد .. يحس البلس ... يقوم مزعقلك


يبقى ليه بأة وجع القلب ؟؟
ماتحس انت البلس على طول من الاول في الكاروتيد ونخلص يعم الحاج

وكذلك على فكرة أي عيان يقع قدامك ع الارض

لو عاوز تعرف هو "مات" ولا "مغمى عليه" .. يستحسن تحس البلس في كاروتيد
بس لو هتحط ايدك ع الكاروتيد تحطها على ناحية واحدة فقط مش على الناحيتين مع بعض


طيب وانت ليه هتحمل على عاتقك هم تشخيص الأرست ؟

علشان سلسلة النجاة
Chain of survival

اللي بيقولوا ان هي السبب في زيادة اعداد الناجين من الأرست

بتعتمد على


Early recognition ---

Early CPR ---

Early defibrillation ---

Early advanced care

كل حاجة بدري بدري
يبقى انت لازم تشخص الأرست بدري
ولازم تجري بالعيان عالاوضة
وتجر الكرسي
و تقول أرست بصوت عالي
وترن على دكتور الكارديو
وتبعت واحد يجيب دكتور التخدير
والممرضة تفتح الدولاب بسرعة وتجيب التيوب والمنظار الخ الخ الخ

المرة الجاية هناخد انواع الارست
وكل أرست بيتعاملوا معاه ازاي
وكيف نعمل سي بي آر من الأول للآخر ان شاء الله
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 3:46 am

ده الألجوريزم "شجرة التصرفات" بتاعت الأرست

وفيه انواع الارست والتصرف في كل نوع

ياريت تقراها الاول بتمعن كدة ..
وبعد كدة هنشرح كل كلمة فيها معناها ايه ان شاء الله

بس اهم حاجة
تلاحظ ان الأسستول في حتة

و VF في حتة تانية

وكل واحدة فيهم لها تصرف غير التاني

علشان كنا كنت بأكد في الاول ان الأرست لا يعني بالضرورة أسستول فقط ولكن ممكن يكون أريزميا




ملحوظة شنيعة رقم واحد:
قد يحدث ان يدخل عليك راجل في الاستقبال ...
وشايل حد من قرايبه على كتفه او على التروللي ...

وبيقول لك "الحق ابويا يا دكتور ... فجأة كدا قطع النفس"

ساعتها ببساطة شديدة ... تحط ايدك ع الكاروتيد ...
لو ملقتش بلس ... دخله اوضة الافاقة على طول ...
وشوف التنفس بتاعه بسرعة .. لو ملقتش تنفس .. ابتدي اشتغل معاه ..
هات الكرسي واطلع عليه واعمل كاردياك ماساج من غير ماتاخد هستوري ..

وابقى خد الهستوري من اهل العيان وانت شغال ...
قول لهم "بيتعالج من حاجة؟" "اتكهرب؟" "واخد ادوية"؟ " عمل حادثة " ؟ الخ الخ


هناخد الكلام دا بالتفصيل بعدين ..
بس حبيت اوضح الاول بس ان ممكن الشخص "الميت"
يدخل عليك من برة وهو مأرست .. مش لازم يأرست قدام عنيك

______________

ملحوظة شنيعة رقم اتنين:

هل الشخص الذي هو في أرست ... هل هو شخص ميت؟
أم هو شخص على مشارف الموت؟ أم هو شخص عايش؟

الاجابة:
أولا: ملكش دعوة روحه طلعت ولا لأ..
انت بتشتغل طبقاً للفيزيكال ساينز Physical signs اللي قدامك.
والروح محدش يعرف ماهيتها اساسا.
ثانيا: هو كدة يعتبر "ابتدى الموت" .. ولو ما لحقتهوش ..
في خلال 4 إلى 6 دقايق مخه هيموت ..
و انت عندك قلب واقف وتنفس واقف ..
وكمان شوية الدم مش واصل للكلية ولا للعضلات
ولا للكبد فكل واحد فيهم هيموت بعد عدد من الدقائق
ثالثا: انت ليك انك تشتغل .. مات مات .. رجع رجع ..
في كلتا الحالتين الحمد لله أولا واخيرا اللي مقدره ربنا سبحانه وتعالى هيكون ...
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 5:22 pm



تعالوا نمسك الألجوريزم كدة ونفهمو سوا

من الأول لغاية الآخر ان شاء الله

الحدوتة بأة بتقول ايه ؟

شخص داخل عليك من برة .. شايلينو
أو انت داخل على شخص ولقيت شكله كدة ميطمنش

يبقى الاول تجرب تفتح ممره التنفسي ... يعني تشوف فمه من جوة فيه حاجة ولا لا ؟



وتمسك راسه و تشدها شوية كدة عشان تفتح الممر الهوائي "عشان تفدر تحكم بعد كدا اذا كان بيتنفس ولا لأ"


تجربة (1) فتح ممر هوائي لبني آدم لابس تي شيرت اخضر ونايم على ضهره


بعد كدا بتشوف علامات الحياة
لقيت للأسف

لا هارت مسموع
ولا بلس محسوس في كاروتيد منهم "متحطش ايدك عليهما معاً"
ولا حركات تنفس
و بصيت في عنيه لقيت انسان العين مفتوح ومش بيستجيب للنور

فتصرخ وتقول

يا سااااااااااااااااااااااااااابعي

بس طبعاً لأنك دكتور .. ميصحش تقول الكلمة دي ..
والمفروض تقول بدالها "حد يتصل بالاسعاف بسرعة .. مية تلاتة وعشرين"

ولو كنت في المستشفى .. تقول بصوت عالي

آآآآآآررسسسسسسسسسسسسست

واوعاااااااااااااااااااا ثم اوعااااااااااااااا ثم اوعاااااااااااااا تسيب العيان

انت دلوقتي شخصت الأرست مش كدا؟

طيب .. مطلوب منك باة تدي الأوامر ..
لأنك دلوقتي الليدر بتاع التييييييييييييييييم

كالتالي

1- محمود ... هات الكرسي بسرعة (عشان تطلع عليه تعمل سي بي آر)

2- روح على اخف واحد في الوزن وقول له "اجري نادي التخدير"
ويفضل يكون شاب سمباتيك ورفيع وسريع عشان نخلص...
بلاش تنقي الواد الوزّة وتقول له اجري عشان هيفتكرك بتتريق عليه

3- خش اوضة الباطنة لنوبتشيين الباطنة وقول لهم "ارست .. اتصلوا بنايب الكارديو"

4- يا مس (التمريض) كانيووووولا .. وهاتي الأمبووووووووووو باج
وجهزي الدي سي شوك والمنظار والتيوب (عشان لما التخدير ينزل يلاقي يعرف يشتغل)

هيكون محمود جاب لك الكرسي ...

اطلع عليه بدون تفاهم .. (اطلع على الكرسي .. مش على محمود)

وابتدي دوس على القلب كاردياك ماساج

بدوووووووووون تفاهم

يعني ماتستناش تاخد قرار ادوس ولا ما ادوسش
وماتستناش حد تاني غيرك يدوس
ومتقعدش تدور على حد يساعدك
ومتقعدش تشكر محمود انه جابلك الكرسي
ولا تقعد تقول ياترى كوعي هيوجعني ولا مش هيوجعني ؟ ..
انت كوعك هيتدمر .. ووسطك هيتدمر .. اتطمن

اطلع الأول وبعدين ابقى دور على حد يساعدك
اهم حاجة تطلع ع الكرسي وتدوس ايه ؟

وتدوس ايييييييييه ؟

بدووووووووووووووووووووون تفاهم

تلااااااااااااتين دوسة .. ثم نفسين بالأمبوووو
ثم تلاتين دوسة .. ثم نفسين بالأمبوووووو
ثم تلاتين دوسة .. ثم نفسين بالأمبووووو
وتستمر ...

ملحوظة: لو كنت لوحدك .. او مفيش امبو ..
او انت متخانق مع الامبو .. او الامبو اتخرم ..
او اتحرق .. أو ضاع في غزو الكويت ..
المهم يعني ملقتش جمبك امبو ... فلا تضيع وقتك سدى ..
ولا تبحث عن أمبو وتترك العيان ...
بل دوس بسسسسسسسسسسسسسس من غير ماتدي أنفاس

يعني تدوس ... وتكمل دوس .. و ماتستناش حاجة ..

ودي هناخدها بالتفصيل كمان شوية
حاجة اسمها
CPR without Ventilation

عشان متفضلش تفكر في "قبلة الحياة" وتقعد تقول هو انا المفروض انفخ للعيان في بقه ؟
طب هو انا انفخ له ازاي ف بقه ؟

يعم الحاج .. دوس وخلاص .. مش لازم تنفخ دلوقتي
لسة التننفيخ جاي ف السكة


وتفضل شغال كدة زي المكنة ...
لغاية ما الممرضة تجهز جهاز الدي سي ..

هي الممرضة هتجهز جهاز الدي سي ليه ؟

هذا ما سوف نعرفه في "حديث المدينة"

Very Happy Very Happy





الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 6:08 pm

امسك الالجوريزم الشجرة دي واحفظها صم

وركز كدة

دلوقتي قلنا العيان ارستد وهنفضل ندوس عالقلب بدون تفاهم
لغاية ما الممرضة تجيب جهاز الدي سي شوك

قشطة ؟


طيب
هي الممرضة هتجيب الجهاز ليه ؟
طبعا الاجابة: جهاز الدي سي شوك بيصدم القلب صدمات كهربية

هذه اجابة مش مظبوطة قوي
جهاز الدي سي شوك بيعمل حاجتين مبدئيا كدة

ممكن يستعمل كمونيتور ... يورينا "كهرباء القلب شكلها عامل ازاي"
مما يعطينا دليلا قشطة عليه على شكل القلب شغال ولا لأ
والوظيفة التانية انه بيعمل شووووك يعني صدمة كهربية

ولكن لايمكن ان نغفل الوظيفة الاولانية ..
لان الممرضة اصلا بتطلع الجهاز من الدولاب عشان الوظيفة الاولانية دي مش التانية
ألا وهو : اننا بنحط الباديلز بتاعت الجهاز على صدر العيان
عشان نشوف هو العيان أرست بأنهي صورة من الصور ؟

الكلمة دي مكتوبة في الالجوريزم واسمها

ASSES RYTHM

يعني احنا بنجيب جهاز الدي سي عشان نشوووووووووووووووووف الريزم بتاع القلب ...
وليس بالضرورة اننا هنكهرب العيان

لان مش كل انواع الارست بتاخد كهربا زي ماهو باين عندك في الالجوريزم

الناحية اللي على يمينك دي كلها في الالجوريزم مش بنديها كهربا ... احنا بندي ادوية فقط

عشان كدا مهم جدا نعرف العيان هيمشي في انهي سكة بالضبط ..
سكة الأسستول والحاجات اللي شبهها ؟ ولا سكة الفيبريلليشن و التاكي كارديا و الكلام دا


فمن هنا تأتي الحاجة إلى وضع الباديلز على القلب ..




هتلاقي واحدة مكتوب عليها "ايبكس" والتانية "ستيرنام"

apex - sternum

حط الاولانية على الايبكس بتاعت القلب
والتانية على الاسترنام
وخليك ماسكهم . وضاغط عليهما بإيدك ...
متخفش .. مش بيطلعوا كهربة .. هتعرف دلوقتي ازاي تخلي الجهاز يطلع كهربة ..
فمش تخاف .. بس خليك دايس عليهم جامد لانهم لو اتحركو هيدووك صورة خاطئة للوييييفز على الشاشة

وبص على شاشة المونيتور بتاع الجهاز "الشاشة بتاعت جهاز الدي سي"

وشوف هيطلع لك انهي صورة من دول عشان تعرف هتتصرف ازاي
asystole
VF (fine VF or Coarse VF)
VT






الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 6:09 pm



حنا دلوقتي حطينا الباديلز بتاعت الجهاز

واحدة على الايبكس والتانية على الاسترنام

ودوسنا جاااااااااااااااااااااااامد عليهم وثبتنا ادينا عشان نشوف الريزم

عشان نشوف الريزم على المونيتور بتاعت الجهاز


شوفوا باة الفيديوهات دي كدا











وده فيديو مجمع لشخص .. كان عادي ..
ثم دخل في فنتريكولار تاكي كارديا ... ثم فيبرلليشن ..
ثم فاين فيبرليشن (ذبذبات قريبة من الخط المستقيم) ... ثم أسستول




طب تمام اوووى .. نشوف الكلمتين دوول بقى عملى



الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 6:13 pm

دلوقتي ... هينزل دكتور الكارديو ..

ويشوف المونيتور ويمشي تبع الالجوريزم
إن كان VF or pulseless V هياخد كهرباء ..
ولو كان آسستول هياخد ادوية ...

تفاصيل الكهربا و الادوية ليست ضرورية بالنسبة لامتياز ..
كفاية انهم يعرفوا المبادئ بتاعتها ..
لأنها من تخصص دكتور الكارديو او العناية ..
وليست مطلوبة مننا اننا نديها بنفسنا للعيان لأن اكيد هيكون الدكتور نزل ..

ولكن التفاصيل المطلوب مننا نعرفها هي تفاصيل الأكشنز
اللي احنا بنفسنا بنعملها .. عشان نبقى بيرفكت ان شاء الله
في شغل معين ومحدد بنقوم بيه ..
بدل ما نتوسع في قراءة التفاصيل بتاعت كل شئ
ونلاقي مستوانا ضعيف في كل شئ ...



التفاصيل اللي نايب الكارديو بيعملها .. اللي يحب يقرا ..
ممكن ينزل الملف ده .. فيه توصيات مجلس الانعاش الاوروبي للانعاش القلبي الرئوي ..

http://www.erc.edu/download_gl.php?d=5&direct=yes
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
Not all lub-dubs R alike
الريشة الفضية للمنتدى
الريشة الفضية للمنتدى
avatar

عدد الرسائل : 3034
العمر : 28
الوظيفة : -
تاريخ التسجيل : 26/12/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 6:23 pm

BRAVE SURGEON كتب:

[color=red]لو عاوز تعرف هو "مات" ولا "مغمى عليه" .. يستحسن تحس البلس في كاروتيد
بس

لو هتحط ايدك ع الكاروتيد تحطها على ناحية واحدة فقط مش على الناحيتين مع بعض

why????
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 6:30 pm

ممكن نعمل اثاره للكاروتد بوديز سواا.. ع الناحيتين.. ويكون عنده حساسيه فيهم..ف يقع ضغطه خالص منى..كمان مش حلو نضغط ع الشريانين المغذيين للمخ سوااا..ف حين العيان محتاج ترويه للمخ..

هتاخدوها ف الباطنه... Smile
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 6:35 pm

مش باقى غير حاله خاصه وهى الاطفااااااااااااال
نونو

طبعا وف الأول العيل اللي ف حادثة
يليها والاكثر شيوعا العيل اللي شرق
وبعدها علي طول العيل اللي بيتشنج


هتيجي لك الام تقوللك العيل دا ما بيردش يا دكتور بنهزه مش بيرد
أو انت تيجي تكشف تقوللي شوف لي الواد دا تعبان
أول ما تبتبص تشوف لون الطفل
ف الغالب لو بيأريست اما هيبقي أزرق
( ودا ف الغالب في توقف ف نفسه وصله للأريست) أو باااااااااااااااااهت
( ودا ممكن يكون مات فعلا)


معاك سمااااااااااااااااااعة حطها علي الهارت ..
مفيش هارت
نفس الكلام اللي قاله نادر
تصرخ وتقول أرييييييييييييييييييييست

هنعمل سي بي آر
بس العيل الصغير الاكسجين مهم له

انت ف مكان مش ماهل ومش معاك تركب تيوب
اعمل سي بي آر وتدليك للقلب بايدك .. ومعاها ادي نفس
( ف الطفل الصغير بيبقي النفس للأنف والفم معا) عشان المنطقة عنده صغيرة

نعمل سي بي آر للعيل الصغير ازاي؟
احنا عندنا بالسن
يعني
النيونيت بيبقي تدليك عضلة القلب باحدي الطريقتين
اما تلف ايديك حوالين صدر الطفل وتعمل سي بي آر
بصباعين الابهاااااااام في كل يد ) بتحطهم تحت خط بين
النيبيل بصباع والضغط يبقي من مفصل الصباعين بتوعك
أو تحط من بين النيبيل 3 أصابع السبابة والوسطي والخنسر
وترفع السبابة ( هتبقي تحت المستوي بصباع برضو)
وتدوس بالوسطي والخنسر والعزم فيها بيبقي من الايد ..
( انت بتتعامل مع جسم ضعيف قوي ف ما تقواش عليه لا يتكسر )
بتعمل 4:1
يعني 4 ضغطات ونفس
خاصة لو عندك تيوب او امبو ..


ف الطفل اللي أكبر شوية
يتعمل السي بي آر براحة ايد واااااااااااااااااااااحدة بتحطها
علي التلت الأخير من الاستيرنام وتعمل برضو 4:1
( وممكن النفس يبقي للفم لو الطفل كبير)

لحد بقي 13 سنة لو حجم جسمه كبير بتعمل تدليك عادي زي الكبار
________________
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
Not all lub-dubs R alike
الريشة الفضية للمنتدى
الريشة الفضية للمنتدى
avatar

عدد الرسائل : 3034
العمر : 28
الوظيفة : -
تاريخ التسجيل : 26/12/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 6:36 pm

THANK YOU
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 6:37 pm



life support لايف سببورت .. عندنا اتنين... :

بيزيك لايف سببورت
BLS
يعني اللي بيعمله الانسان العادي - أو المسعف - في الشارع للشخص المصاب ..
ودي بتببقى اغلبها حاجات اولية شوية ...
بس ممكن - في بعض الدول المتقدمة - يتدخل فيها جهاز زي جهاز الصدمات
لأن الناس العاديين هناك بيتعلموا يستعملوه .. والمسعفين بيعملوه بردو

وثم

ALS

Advanced life support

وهي لما الشخص يدخل المستشفى ..
والاجهزة والادوية والحاجات دي نستعملها معاه ..
واغلب الكلام هنا في هذا المووضع عن الادفانسيد لايف سببورت
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
Not all lub-dubs R alike
الريشة الفضية للمنتدى
الريشة الفضية للمنتدى
avatar

عدد الرسائل : 3034
العمر : 28
الوظيفة : -
تاريخ التسجيل : 26/12/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 6:41 pm


طيب يا دكتور مفيش فيديو يوضح ال CPR فى الاطفال عشان حاسة انى مش عارفة اتخيل

الموضوع اوى؟؟؟؟؟؟؟؟
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 6:44 pm




الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
دكتور شاطر
|مشرف|
|مشرف|
avatar

عدد الرسائل : 6294
العمر : 30
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: Cardiac Arrest - ER series   الثلاثاء 14 ديسمبر 2010, 9:53 pm

جزاك الله خيرا
الرجوع الى أعلى الصفحة اذهب الى الأسفل
http://www.islamweb.net
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Cardiac Arrest - ER series   الجمعة 15 أبريل 2011, 11:22 pm

.................
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
 
Cardiac Arrest - ER series
الرجوع الى أعلى الصفحة 
صفحة 1 من اصل 1
 مواضيع مماثلة
-
» لفتح الرقم السرى لاى جهاز نوكيا !!!!

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums ::   :: المنتدي الطبي العام-
انتقل الى: