البوابةالرئيسيةس .و .جبحـثالتسجيلدخول





شاطر | 
 

 Practical Mistakes Series..

اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: Practical Mistakes Series..    الإثنين 13 ديسمبر 2010, 4:02 am





اهلا في سلسلة الاخطاء الشائعة في الممارسات الطبية
في هذه السلسلة هنعرض الاخطاء اللي انت ممكن تتعرض لها وانت واقف في الاستقبال ..
او في اي مكان بتمارس فيه المهنة!

بس غالبا ف الاستقبال يعني لأن الاخطاء فيه بتبقى كتير شوية



الاخطاء

الحلقة الاولى


Episode 1

1: السرنجة / الدوا ... مفتووووووووووحين

النظام في الاستقبال ... انت بتكشف ع العيان ... ثم بتجهز الدوا وتديهوله
المفروض ان الممرضة بتدي الحقن والكلام دا ...
بس خلونا دلوقتي نتكلم عن واحد عاوز يتعلم الحقن فبيجهز الدواء بنفسه ويديه للعيان ...
الممرضة مش هتقف على ايدك لو قلت لها "انا هجهز الدوا يا مس .. متشكرين ليكي"
ولو وقفت على ايدك ابقى هشها ...
Very Happy

انت تكشف ع العيان .. ثم تطلع تجيب الأمبووووولة من الدولاب ... وتجيب السرنجة مع الامبول وتراعي انك تدخل على العيان بكل الحاجات دي لسة متفتحتش
ثم تفتح السرنجة قدامه من ورقتها ...
وتفتح الامبول "تكسرها" .. وطبعا تكسرها بشااااااااااشة او بالبالطو أو بالورقة او بأي حاجة مش بصباعك عشان متتعورش + عشان دمك ميدخلش جواها

لو اتعورت منها ... أو لو نقطة دم من دمك دخلت جواها المفروض ترميها ... لأن
No body can be sure he's clean

واحنا هيلث بروفيشنالز ... بنشتغل كل شغلنا في الدم .. فبلاش تجازف

ثم تسحب الدواء بالسرنجة ... وتعطيها للعيان ... ثم تغطيها وترميها ...


وكذلك في ابرة المخدر الموضعي لما تكون هتاخد ستتش (خياطة)
وفي فتح الجوانتي "في حالة وجود جوانتي يعني" ..

المهم اي حاجة هتخش جوة المريض ... ياريت تتفتح قدامه عشان ميتضايقش


المشكلة:
انك لو دخلت ع العيان بالسرنجة عريانة او بالامبولة مفتوحة .. العيان هيخاف منك .. وهيحس بسووء الرعاية الصحية في مصر ..
و بكدة نبقى بنظلم مصر .. لان مصر فيها افضل رعاية صحية في العالم
ولا حد عنده اعتراض ؟ Very Happy Very Happy


عدل سابقا من قبل Medico-Philic Mind في الأربعاء 22 ديسمبر 2010, 8:41 pm عدل 2 مرات
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الإثنين 13 ديسمبر 2010, 4:09 am


Episode 2


حدود الكلام بالعنجليزي قدام البيشنت !

طبعا .. في حدود للكلام بالعربي ... وحدود للانجليش ..
وعامة ريح دماغك .. مفيش حد هيفهم الانجلش بتاعك لأنه لو كان بيفهم انجليزي مش هيفهم الانجليزي الميديكال
ولو كان بيفهم انجليزي ميديكال مش هيفهمنا لأن النطق بتاعنا وحش جدا

فإن شاء الله مش هيحصل مشاكل ..

ولكن المشكلة بتكمن في الموقف ده
امتياز واقف ... وجمبه نايب .... قدام الحالة ..
والامتياز عمال يسأل النايب بالانجلش .. والنايب عمال يجاوبه انجلش ..
ولما العيان يسال هو في ايه ؟؟؟ الاتنين يبصوله بقرف ويقولوله "مفيش حاجة" ...

وبعد شوية بتبتدي الحركات الرخمة .
الامتياز يسأل النايب " كان آآآآي أسسيس ذا بلص؟"
Can I assess the pulse ?

فالنايب يقول له آه يو كان ... ويقوموا ماسكين ايد العيان ويحسوا يحسوا يحسوا ثم يكملوا كلام بالانجليزي !
حركة مستفزة جدا بصراحة ...

ثم العيان يسأل "هو في ايه"
يبصوله بنفس النظرة ويقولوله مفيش يا حاج اهدة انت بس احنا عارفين شغلنا ..


لأ ..
BIG NO

انت شغلك انك تعالج العيان آه
انما العيان من حقه انه يعرف هوة عنده ايه .. ومن حقه يعرف انت شاكك في ايه .. و من حقه يعرف انت هتطلب له ايه ومن حقه يعرف الدوا المكتوب له ده بيعمل ايه ..
لان هوة اللي "هيتعمل فيه" الكلام دا كله مش انت ...
ودي من حقوق الانسان ...

ولكن..
Within Limits
بمعنى !
ان مينفعش تمسك العيان وتشرح له كل خطوة بالتفصيل الممل ...
آه مينفعش ... مش كل العيانين بينفع معاهم الحكاية دي
لأن مش كل العيانين اصلا الاتتيوووووود بتاعهم مناسب ..

في بعض العيانين واقفين قدامك و حاسسين انهم واقفين قدام "الحكومة" ..
وأي تصرف انت هتعمله ... أو ناوي تعمله .. أو بتفكر تعمله .. أو مبتفكرش تعمله ولكن جمبك واحد بيفكر يعمله ... كل التصرفات دي هوة حاطط في الاعتبار مسبقاً انها "اهمال طبي" ..
و محسس نفسه انه لو خرج م المستشفى ع العاشرة مساءً هيعمل سبق صحفي محصلش ..

ممكن تقول له نفسك مكروش وهنعمل لك جلسة يقول لك لأ انا نفسي ده الطبيعي بتاعه !
يعم الحاج صدرك بيزيق وبتكح اهو ...
آه بيزيق كدة طبيعي ... والكحة دي دي عندي ييجي من تلاتين سنة !
أومال انت عاوزنا نعمل لك ايه ؟
معرفش ! مش انتوا الدكاترة ؟

وهكذا الحال ...

فالحل .. انك تخليك حسيس شوية ... تراعي انك تقول للعيان على الخطوة القادمة .. حتى لو كانت غريبة .. زي مثلا واحد داخل بيكح وانت عاوز تعمل له رسم قلب ...
لازم تقول له علشان ميلاقيش ممرضة بتاخده على كرسي متحرك إلى مكان مجهول وراء ستارة مجهولة وبتوصل صدره بأسلاك ملونة هههههههه


ولكن .. لنا هنا وقفة .. وهمسة عتاب ...

لو عاوز تعمل
Consultation
يعني كشفت ع العيان ... ثم عاوز تتأكد من حاجة من واحد صاحبك .. او امتياز الاكبر منك .. او نايب ..
يستحسن تتعمل ورا الستارة ... مش قدام العيان
تكشف ع العيان .. ثم تقول له "ثواني كدا يا حاج" .... ثم تخرج برة الستارة ... وتاخد زميلك وتسأله
عربي بأة انجليزي تايواني .. اسأله بأي لغة تعجبك ... بس مش قدام العيان ...

في ناس بتخاف من شكلها وهي بتعمل الحركة دي .. وبتحط في دماغها كتير قوي ان العيان هيفقد الثقة فيك لو عملتها ..
بس للأسف بيحاولوا يتحايلوا على الموقف ده بأنهم يسألوا زمايلهم قدام العيان وكانها حاجة روتينية عادية ...
ولكن ساعتها الموقف لو قفش .. مش هيفك خاااااااااااالص ..
هتلاقي العيان بيقول لك "انتوا بتسألوا بعض؟ هوة انتوا مش عارفين؟؟" و ابقى قابلني بأة لو صدقكو بعد ذلك


لذلك خلي في بالك
الكلام قدام العيان يكون انجلش وفي حدووووووووووووووووود ضيقة جدا
زي مثلا عيان ايده بتنزف جامد .. انت تنادي صاحبك وتقول له
Call the general surgery resident

ولو كان العيان هيفهم او هيتلامض او كانت حاجة ماتستاهلش .. ممكن تقولها عربي عادي خالص ..
(هنعمل للحاج جودة جلسة يا محمود ان شاء الله .. وبعدين نسمع صدره بعد الجلسة)

والاستشارة الطبية تكون بعييييييييييييييييييييد عن العيان وخارج الستارة مش جواها
لو عاوز شخص اكبر منك يعلمك حاجة معينة .. يفضل تتفق معاه قبل ما العيان يدخل "لو سمحت يا دكتور فلان انا عاوز اتعلم اقيس النبض. ممكن اقيس النبض مع أول عيان يخش؟"

تتفقوا مسبقاً يعني.
وكذلك طبعا اي تعليمات منه ليك قدام العيان لازم تكون انجلش

تخيل انت واقف تدي حقنة وريد لأول مرة .. ومعاك واحد اكبر منك .. والعيان باصصلك في وشك
و اللي بيعلمك ده بيقول لك "لأ اعوج ايدك يا محمد شوية .. يخرب بيتك ... اعوجها شوية يلا ... يخرب بيتك هتبوووظ الوريد ... الوريد هينفجر منك اهو !!"
تخيل منظر العيان ساعتها .. ومنظرك بعد خمس دقايق من الضرب هيبقى عامل ازاي هههههههههههه

[u]
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الإثنين 13 ديسمبر 2010, 4:12 am



Episode 3

Unknown Drug


طيب.
ممكن يبقى في دوا انت مش عارفه .. وهذا وارد جدا لانك بتتعامل في الاستقبال
مع اشكال متنوعه جدا من جميع الامراض وجميع الاعمار

وبتتقسم هنا الدوا ده .. هل انت هتكتبه ولا انت شايفو قدامك

أولا: دواء هتكتبه او هتديه.
الموقف: ,,, عم جودة دخل الاستقبال ... و عنده كذا وكذا ..
رحت انت متصل بالنايب مبلغه .. فقال لك اديلو امينوفللين في الوريد
النايب ميعرفش انك جاهل بالامينوفللين..
لانه كان لسة رادد على صاحبك من شوية وقايل له نفس الكلام والموضوع عدى بسلام ..
(هذا ليس دفاعاً عن اي نايب لأن النايب اصلا المفروض هو اللي يعالج بنفسه)

المهم .. رحت انت مدي امينوفللين للعيان في الوريد ... العيان مات !

المشكلة دلوقتي فين؟
انت اديت العيان ليه الدوا ده؟
هل انت عارف الدوا ده بتاع ايه؟
او بيتاخد ازاي ؟
او ايه اعراضه الجانبية؟
هل انت اعطيت الدوا ده قبل كدة بنفس الطريقة دي ؟
هل انت تعرف الامينوفللين المفروض ايه الفارماكولوجي بتاعته ؟
هل اخدت هستوري كامل للعيان يتيح لك انك تدي او متديش الدواء الفلاني ؟
Contraindications of aminophylline !

ده كله محصلش !
اومال اديت الدواء على اساس ايه ؟

طيب ممكن تسألني تقوللي يعني هوة اي دوا في الدنيا ماهو اكيد هيكون له
First time
اديه فيها ...


اقول لك مين اللي عمل القاعدة دي؟
انت المفروض تتفرررررررررررررج ع النايب وهوة بيدي الدوا وتتعلم منه بيتاخد ازاي.
عشان لما تيجي تديه بعد كدة تديه بنفس الطريقة وتبقى متوقع نفس النتيجة.
انما كونك اعطيت الاتروفنت و الاسبرين و النوفالجين والكورتيزون
من نفسك مش معناه ابداً انك تطبق دا على كل الادوية ...

من الآخر ..
الدوا اللي متعرفهوش .. ماتديهوش .. وما تكتبهوش ...
ولكن خليك حريص على انك تعرفه. عشان متفضلش طول عمرك متعرفوش

"العيان ده مات عشان الامينوفللين مبيتاخدش زي باقي الادوية ..
بيتاخد في الوريد ببطء شديد جدا. و مش بيتاخد مع بعضه.
انت بتقعد جمب العيان وبتديه في الكانيولا على مدار تلت ساااااااعة بحالها."

طيب.
النقطة التانية: دوا انت شايفه قدامك مع العيان ومش عارف هو ايه.

كثيراً ما يحدث ان العيان يدخل لك بكوححة مثلا ...
ومعاه شنطة هاند باج فيها 7000 دوا ..
ويقول لك "والدكتور مجدي عبد الموجود بتاع مرصفا -
دكتور مخ واعصاب وكوححة وصدرية وحميات هوة ...
مشاني على الدوايين دول ..ورحت باة لعبد الصبور احمد مختار متولي بتاع ميت الحوفيين - اطفال و سل وصدرية وحميات و سعال و بلهارسيا هوة ... ومشاني على التلاتة دوكها ..
وبعدين رحت لأحمد السيد سابق عبد العظيم منصور السيد من عزبة الرمل - دكتور هوة ف التأمين الصحي في مستشفى بنها العام .. واستشاري كمان ... ومشاني على الاتنين دوكاهومما"

وانت لا تعرف الاتنين دول .. ولا دوكها .. ولا دوكاهومما ...

فاللي ممكن تعمله ايه ..؟
الموقف العبيط: ,,, انك تنادي على محمود صاحبك وترفع له علبة الدوا من بعيد وتسأله تقول له "يا محمود ... هوة التوبلكسيل ده بتاع الكوححة ؟؟؟؟؟"
وكأنك رافع علبة جبنة دومتي في سوبر ماركت وبتسأل "المعلم" عن سعرها قدام الزبون !

محمود: آه باين كدة ... بايننو بتاع الكوححة باين
انت : "طب ماتشوفو كدة ف كتاب الادوية اتأكد"
محمود : حاضر ..

ساعتها تضمن 100 في المية ان العيان فقد الثقة فيك !
والعيان لو سحب الثقة فيك هيبقى سحب الثقة ف الحكومة كلها ...
ترضى ان حد يسحب الثقة من الحكومة ؟

الطريقة التانية: انك تروح بالدوا لمحمود .. ورا الستارة بردو .. وتسأله بالعنجليزي
Mahmoud: is "chlorpheneramine maleate" effective in this case ?
yes, It is best treated by this kind of drug
or: I'm not so sure but consult a senior staff

وبذلك تبقى رفعت الحرج
لو مش عارف بردو .. سيب الدوا مع الراجل بس خليك فاكر اسمه .. وروح اسأل اي حد عنه او دور عليه ف اي مكان من غير ما العيان يشوفك.

وممكن تستعمل الكلمات الرخمة زي "خليك هنا يا حاج عشان اجهزلك الدوا واجي" . عشان تثبت العيان في مكانه وميعقدش يلف وراك


المهم يعني .. ماتسألش عن الدواء قدام العيان لأن العيان مش ناقص يفقد الثقة فيك...


وبالمناسبة في خطأ محرج يستحسن ماتقعش فيه ابدا ...
لما تشوف الدوا مع العيان .. حتى لو كان دواء هفأ ..
وانت عارف انه مبيعملش حاجة .. يستحسن ما تعملش كومنت عليه غير في الآخر خالص

لان الدوا ده ممكن يكون هفأ من وجهة نظرك انت فقط.
تخيل انت شفت عم جودة بالدوا ... وقلت له الدوا ده هفأ يا عم جودة ومش هيجيب اي نتيجة
وتلاقي النايب نزل شاف الحالة ... وقال له "الف سلامة يا عم جودة ...
يا عم جودة لازم تمشي ع الدوا ده عشان هيضيع لك الكوححة"

هيبقى منظرك ايه دلوقتي قدام الامم المتحدة ؟
Very Happy Very Happy [u]
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الإثنين 13 ديسمبر 2010, 4:17 am


Episode 3

The Dilemma of 2


مين جودة ؟ ومين حودة ؟


ساعات في بعض حالات ضغط الشغل الشديدة ..
بيبقى انت كمان عليك لووود كتير


الموقف الأول : اتنين عيانين ..
واحياناً بتضطر تاخد اتنين عيانين في نفس الوقت - للأسف وهذا خطا فادح

واللي بيزود فداحة الخطأ هو ان بيانات الحالات مش بتتسجل ... مفيش جمب كل عيان كراسة متعلقة على سريره زي مابنشوف في جرايز اناتومي كدة !!

بس دي يمكن مقدور عليها .. ممكن تبقى ترجع تاني للحالات تسألها ..
غير ان بعض الحالات بتبقى واضحة انهي واحدة حالة القلب وانهي واحدة حالة الصدر ... ساعات بتبقى واضحة

الموقف التاني: اتنين اكس راي !
ساعات المشكلة بتبقى اكبر ...
بيدخل لك اتنين عيانين في حادثة مثلا ... والاتنين يعملوا آشعات على رجليهم اليمين ... او على صدرهم !!

وانت تمسك الآشعتين والمفروض تطلع بيهم للنايب الفلاني او توديهم للنايب في المكان الفلاني !!
طيب ..

انهي فيهم آشعة عم جودة وانهي فيهم آشعة عم حودة ؟

أن أن أن آآآآآآآآآآآآه !!
الأشعتين اتلخبطوا في ايدي !

وترجع بيهم تاني للعيان .. تلاقي مفيش اي وجه شبه بين الآشعة وبين العيان لانها اشعة سوداء مش مبينه اي حاجة !

واللي يزيد الطين بله .. لما تكون واحدة فيهم فيها باثولوجي والتانية لأ ...
يعني واحدة فيهم هتحتاج ان صاحبها يتحجز ويتعالج والتانية لأ !!

الموقف التالت: اتنين تحليل دم .. أو اتنين تحليل يورين او اتنين تحليل فصيلة الدم !
الموقف الرابع : كيسين دم .. كل كيس فصيلة غير التاني هيروح لعيان حادث غير التاني ...
الموقف الخامس: انت شايل في جيبك حقنة مسكن عشان عيان الرينال كوليلك .. وحقنة تانية ادرينالين عشان تحسبأ للعيان اللي هيأرست في اوضة الانعاش !!


وتتوالى المواقف ..
المهم ان العمل واحد ..

يا اما تقفش في اقرب زميل ليك وتسلمه الحالة التانية - التحليل التاني - السرنجة التانية - الاكس راي التانية

او يا اما تميز الاتنين كل واحدة بحاجة
تتني طرف الاشعة .. او تطبقها .. وتقول "المتطبقة بتاعت عم جودة"
او تحط تحليل في جيبك والتاني في ايدك وتقول "اللي في جيبي بتاع عم جودة"
وهكذا ..

وتخلي بالك .. لا تعتمد على ذاكرتك ابداااااااااا في الاستقبال بالذات لان هيحصل لك
interruption
كتير قوي بكذا حاجة في كل شوية ..


ربنا معاكو
وربنا يشفي عم جودة وعم حودة يااااااارب
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الإثنين 13 ديسمبر 2010, 4:18 am


Episode 5

my dad in the car

بتحصل بشكل متكرر .. تقريبا كل يوم ..
اتنين يدخلوا الاستقبال بسرعة بسرعة ..
ويجروا عليك يقولولك .. دوكتور .. تعالى بسرعة شوف ابونا ف العربية

أبوهم ده .. بتطلع تلاقيه في عربية سوزوكي ومغمى عليه..

المشكلة هنا تكمن في حاجتين:
الأولانية مش فاكرها qwerty
بس التانية هي ان كتير قوي من الناس بتقعد تجادل مع اهل العيان ..
ويقولوله "لو سمحت هات ابوك هنا .. مينفعش حد يطلع له برة .. لو سمحتم مينفعش نطلع برة"
فاهل العيان يتجننوا !! بنقوووووووووووول لكو الحقوا الحاج ف العربية تقولولنا اطلعوا هاتوه من برة ؟ انتوا كفرة ؟؟ هو انتوا فسقة ؟ هوة انتوا فجرة ؟ هوة انتوا مش ملايكة رحمة ؟ ولا عشان احنا معندناش قرايب وزرا ولا مهمين !؟

وتبتدي النظرة الي مستشفاك الجامعي انها "المخروبة الوحيدة على سطح المعمورة" !!

فساد الضمائر .. وانعدام الاخلاق .. وتفشي المصلحة والمحسوبية ... ازاي الدكتور ميطلعش يشوف العيان يعني ؟

فين مصر ايام سعد زغلول ...
فين مصر ايام سعد الصغير ؟؟
باة هي دي مصر اللي داليدا غنت لها ؟؟

Very Happy Very Happy Very Happy Very Happy Very Happy Very Happy

المهم عشان تخلع نفسك من القرف ده .. حط في دماغك ان الحاج غالبا هيكون يا اما مغمى عليه يا اما ميت ..
بلاش تعمل زي واحد اعرفه خرج وشاف الراجل في العربية طلع لقاه ميت ..
فقال لاهل العيان "بصوا .. هوة مات .. بس لو عاوزين نرجعه دخلوه الاستقبال"

المهم انت لو لقيت اهل العيان عصلجوا كدة .. اطلع برة .. بص ع العيان ف العربية - بس ما تدخلش عشان محدش يخطفك - واول ماتشوف العيان قول لهم "دخلوه الاستقبال بسرعة" ... وكأنك هتلحقه على آخر لحظة ..

بالطريقة دي انت بتحمي نفسك .. وتبقى قدامهم عملت اللي عليك ..
حتى لو كان العيان خلاص مات خلي في بالك انك مش انت اللي بتدي قرار الوفاة ...
وتشخيص الوفاة صعب ماهواش سهل ..
ومينفعش يتعمل في عربية ضلمة الساعة 3 قبل الفجر في الشارع ..
لأنك لا هتشوف البيوبل ولا هتعرف تحس الحرارة ولا البلس ولا تسمع القلب ولا أي حاجة !!
دة غير ان الراجل ده لو كان بيأرست - على مشارف الموت -
انت مش هتعرف ترجعه للحياه في العربية .. لا عندك اجهزة ولا امكانيات ولا حد يساعدك ...

لذلك فأنت دلوقتي متاكد 100 في المية انك مش هتعرف تعمل اي حاجة في العربية
وفي نفس الوقت مش كل عيان هيدخل لك هتقعد تفهمه الكلام دا ..
خاصة وزي ما قلنا ان في عيانين كتير فاكرين ان "المستشفى الحكومة"
يعني رعاية صحية صفر في المية .. وفاكرين انهم دخلوا بؤرة فساد متنقلة

فانت تقول لهم بالراحة كدة الاول "لأ هاتوا الحاج هنا نشوفه"
لو لقيت الموضوع مشي بسلام خلاص ..
ممشيش بسلام اطلع بسرعة بص عليه وقول لهم نفس الكلام بردو "دخلوه جوة بسرعة نشوفه"

وتكمل معاه كل حاجة جوة ...
وان شاء الله خير
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
hope to be
عضو فضي
عضو فضي
avatar

عدد الرسائل : 555
العمر : 28
محل الاقامة : la vie
الوظيفة : may be ...............?
تاريخ التسجيل : 27/08/2010

مُساهمةموضوع: رد: Practical Mistakes Series..    الإثنين 13 ديسمبر 2010, 8:31 am

موضوع جميل جدا واسلوب شرح ممتاز
الرجوع الى أعلى الصفحة اذهب الى الأسفل
سلسـبيل
عضو فضي
عضو فضي
avatar

عدد الرسائل : 611
العمر : 29
محل الاقامة : مصرُ الكنانه
الوظيفة : طالبه
تاريخ التسجيل : 05/07/2008

مُساهمةموضوع: رد: Practical Mistakes Series..    الإثنين 13 ديسمبر 2010, 8:46 pm



جزاكم الله خيرااااا

معلومات قيمه وأخطاء أكيد كلنا معرضين لها

نرجو ألا تتوقف إن شاء الله.
الرجوع الى أعلى الصفحة اذهب الى الأسفل
دكتور شاطر
|مشرف|
|مشرف|
avatar

عدد الرسائل : 6294
العمر : 30
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: Practical Mistakes Series..    الإثنين 13 ديسمبر 2010, 10:32 pm

انا هقرأ الموضوع لسه يا محمد

وبجد ..... بحب مواضيعك والله جدا

لكن كان رأيى انك تعمله زى حلقة كل يوم

هيبقى أجمل وأكثر تشويق ........ خصوصا ان اسلوبك لذيذ

ده رأيى

ولى عودة بإذن الله على ما اقرأ اللى انت كتبته

ربنا يكرمك
الرجوع الى أعلى الصفحة اذهب الى الأسفل
http://www.islamweb.net
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الإثنين 13 ديسمبر 2010, 10:58 pm

جزانا الله خيرا واياكم... Smile

الموضوع ده جزء من منظومه عامه بحاول اكونها... تخلق من كل واحد فينا دكتور

على مستوى علمى لائق... Smile

_______

الحلقات كان لازم تكون متتاليه عشان تكون مركزه..ونقراها على بعض...

لان الردود هتشتت القارىء... Smile

___________

ربنا يوفقنا جميعا لما يحب ويرضى..
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
Not all lub-dubs R alike
الريشة الفضية للمنتدى
الريشة الفضية للمنتدى
avatar

عدد الرسائل : 3034
العمر : 28
الوظيفة : -
تاريخ التسجيل : 26/12/2009

مُساهمةموضوع: رد: Practical Mistakes Series..    الإثنين 13 ديسمبر 2010, 10:59 pm



TSK TSK TSK TSK TSK TSK TSK TSK TSK
موضوع جمييييييييل جدا يا دكتور واسلوب حضرتك رااااااااائع

وبالرغم من انى لسة ف رابعة بس حاسة انى استفدت جداااااااااا

ياريت حضرتك تكمل وان شاء الله متابعين معاك

الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الإثنين 13 ديسمبر 2010, 11:24 pm


Episode 6

Arrest



وبتحصل كتير !
شفت بأة ؟

بتحصل كثيراً حالات الارست ف الاستقبال ..
سواء كان "جاي من برة مأرست"
او "أرست معاك وانت شغال ف الباطنة"
أو "دخل ف حادثة ثم مالبث ان ارست"

في كل الحالات المهم ان الراجل زي ما قلنا في درس الأرست انه "ابتدى يموت"
وطبعا ملناش دعوة روحه طلعت ولا لسة .. انت بتشتغل شغل فيزيكال بحت.

طيب!
المشكلة فين بأة؟

الموقف بيكون عدد 4 طلبة امتياز + عدد 1 نايب + عدد 2 ممرضة
+ عدد 114 شهود عيان واقارب المرضى وذويهم واللي يتشددلهم
(متعرفوش دخلوا ازاي وامتا بس هم جوة يعني)
عدد صفر حارس امن
عدد صفر عمال وفلاحين
عدد صفر بتاع التروللي

المشكلة فين بردو ؟

اول ما يتم الاعلان عن وجود ارست ...
(بيفرق شوية عن هاوس و جرايز اناتومي في ان اعلان الارست عندنا بيكون يدوي شوية...
ممرضة تقف وتقول "آرست" .. مش زرار في الحيطة و كوووود بلوووو و الكلام بتاع المسلسلات دا)

المفروض انك في دماغك 4 حاجات
(في خطوات اكتر في موضوع الارست روح شوفها احسن)
الضغطات - الكانيولا - الدكاترة - الدي سي

المفروض ان كل واحد في الامتياز - او الطلبة الموجودين .. كل واحد هيقوم بوظيفة غير التاني

يعني متلاقيش الاربعة امتياز جريوا يجيبوا دكتور التخدير هذا هو الخطأ هنا ... ..
وسابوا العيان مع اتنين ممرضات مفستكين مبيعرفوش يعملوا سي بي آر ...
وما كانوا ليفعلوا بردو لو كانوا بادي بيلدنج

المهم انت طالما "عالم بالامر" ... يبقى تجري انت ع العيان ..
وتجيب الكرسي وتطلع تشتغل سي بي آر ... وتأمر الممرضة تركب كانيولا و تطلع لك جهاز الدي سي
وتقول لواحد صاحبك يجيب الكارديو و التخدير

يعني يدخل اوضة الباطنة يأمر واحد يتصل له بدكتور الكارديو النبطشي ...
ثم يجري على قسم التخدير يجيب دكتور من فووق ...

وتكون انت في الفترة دي اشتغلت حوالي 3 دقايق سي بي آر مع العيان ..
التلت دقايق دول انقذوا له حوالي مثلا 70 في المية من مخه !!
على اعتبار ان المخ بالكامل بيموت بعد 4 لست دقايق !

يعني تشتغل ولا مش تشتغل ؟

اول ما تسمع ارست ... روح اطلع فوق العيان واشتغل
وانتظر الزمن يبعت لك نايب الكاردو والتخدير والامبووووو باج
والدي سي والكانيولا والعك دا كله ..

بس المهم تشتغل
وملكش دعوة بالنفس ... دوس بس على صدر العيان بالطريقة الصحيحة
وسيب النفس دلوقتي لما يبقى يجيلك حد يساعدك نبقى نتصرف

وروح شوف درس الأرست عشان فيه التفاصيل المملة كلها .. عشان مش نضيع وقتنا هنا فيها

بس طبعا حقوق الانسان تكفل لك انك تلبس جوانتي الاول قبل ماتحط ايدك في الدم ...
عشان متبقاش المضحي من أجل المجتمع .. وتاخد انفكشن بسبب انقاذ شخص قلبه واقف اصلا
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الإثنين 13 ديسمبر 2010, 11:25 pm


Episode 7

متكنيل ( كانيولا )على عينو


في عيانين .. مينفعش يتشافوا ويمر الموضوع مرور الكرام ..
في سنس كدة .. هتاخده بالتدريب .. انهم لازم يتركب لهم كانيولا .. تحسباً لأي ظرف طارئ

الكانيولا مش انت اللي بتركبها .. فمش هتضيع وقتك فيها ..
انت اشتغل عادي خالص مع العيان وخد الهستوري و اعمل الاكزامينيشن ..
في نفس الوقت اللي الممرضة هتكون بتركب فيه الكانيولا

وامثلة العيانين دول
APE بلموناري اديما ... الهارت فيليار عموما
حتى لو كنت لسة ما شخصتهوش بالكامل .. Chest pain
Coma
Polytrauma
DKA
Hypotension
Dehydration
Allergy/HS reaction
Hema. & Melena
Convulsions

وفي حالات كمان هتعرفها وانت ماشي كدة .. بس اكيد انا مش فاكر كل حاجة دلوقتي ..

اهمية الموضوع ده في حاجتين ..
الاولاني: العيان ممكن يحتاج ياخد ادوية كتيرة على كذا مرة ...
فمفيش داعي انه كل شوية يتشك شكة جديدة بابرة جديدة
الثاني والاهم: ان العيان ممكن يدخل في كومبليكيشنز ..
زي الشووووك أو الأرست .. وفي الحالتين مش هتعرف تجيب له اوردة ..
فيبقى من الضروري انك تحافظ له على مسار وريدي مفتوح عشان لو الأوردة رااااحت
بعد كدة تبقى انت عندك وريد مفتوح تعرف تدي فيه الادوية


يعني من الاخر .. لما تشوف عيان من دول ... قبل ما تنادي النايب
لازم العيان يكون متكنيل على عينو ...
خلاص؟


عدل سابقا من قبل BRAVE SURGEON في الإثنين 13 ديسمبر 2010, 11:56 pm عدل 1 مرات
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الإثنين 13 ديسمبر 2010, 11:29 pm



Episode 8

The Crazy Girl


الموقف:
بنت داخلة من برة مسندينها
ومعاها ناس كتيرة

والبنت عمالة تهز دماغها بالراحة .. وتتقل جسمها قوي وعاملة نفسها دايخة وبتاع
وقد تكون البنت كانت بتتمشى ف الفلل .. وقد تكون بنت عادية جاية من بيتهم
وممكن تبقى مغمى عليها فعلا

وخمسين واحد امتياز قاعدين ع الزوحليقة برة و جوة وبيبصولها وبيقولوا الجملة الخالدة

Psychic Psychic

أي "إنها فتاة مجنونة حقاً"

معامل انيس عبيد القاهرة d7k

وامتياز كبير ... قاعد جمب امتياز لسة مستلم ..
وبيقول له بحرفنة مهنية شديدة وكأنه مجدي يعقوب ..
"أهي دي بأة حالة سايكك يا فوزي ..
وداخلة تتدلع علينا وعاملة فيها البت المسهوكة الإيتيكا الديليكا السمباتيكا ...

ثم يسدي إليه النصائح المتوارثة .. أساطير الأولين بمعنى ادق ..
اهي دي يا فوزي بأة لازم تعذبها وتموتها وتلسعها وتقرصها وتخنقها
وترشها مبيد في مناخيرها وتقطع ايديها وتحرق قلب ابوها وامها عليها
وتقتل النساء والاطفال في شارعهم وتأتي ع الاخضر واليابس
ولا ترقب فيها إلا ولا ذمة عشان تبطل تعمل كدة تاني"

ويتقدم الامتياز في بطء شديد .. بين أنات ابوها واخوها وفرحة خطيبها وحماها وشماتة أبلة ظاظا فيهم

ويدخل ع الدولاب

يجيب البخاخة "ايثايل كلورايد"
ثم يهجم على البنت .. ويرشلها بختين في مناخيرها ...
ويلف كدة في ثقة يبص لأهلها .. "انا اللي هفوقهالكو ولا سحر ولا شعوذة"

وينتظر النتيجة ..


الايثايل كلورايد ده مخدر موضعي
فيبوكووولانت
Vapocoolant
بيترش زي البخار كدة .. سبراي .. يديك احساس بالسووووقوووووعية في مكان الرش ..
زي متكون حاطط تلجاية على ايدك ...
لو شكيت نفسك بعدها هتلاقي الشكة ضعيفة جووووووووووددان

ووظيفته انه بيترش قبل الحقنة عشان يقلل الاحساس بالألم
او قبل اخذ العينة
ساعات بيترش ف الملاعب في اصابة الملاعب - بس ضعيف
ساعات بيترش قبل ما تفتح ابسيس صغير اوكدة

ولكن لما بيترش جوة الأنف ..
بيعمل استثارة رهييييييييييبة جوددان للنيزال ميوكوزا .. شبه عود الكبريت كدة
المفروض اساسا ميترشش لأنه خطير .. وممكن يوصل للدم ..
وممكن يعمل دوخة للعيان لأنه مخدر .. وممكن يعمل أرست كما قريت عنه ع النت.

فالكتكوتة هتحس انها اتلسعت بالنار ... فلو كانت بتتدلع ..
هتقفز فوراً وتقول "انا فقت الحمد لله" .. "انا مش مغمى عليا ولا حاجة .. برئ يا بيه" ..

ودي بتحصل كتير ..


الموقف ده بيتكرر كتير !

ولكن لسوء الحظ هذا الفعل خاطئ تماما.

أولاً : انت ايش عرفك ان البنت دي مش مغمى عليها بجد؟
ثانيا: ايش عرفك انها بتتدلع ؟ مش ممكن تكون "مريضة نفسياً" بجد ؟
ثالثا: ايش ضمنك ان البخاخة مش هتجيب سايد افكت؟

ولا اكمن اهل العيانة مش هيسألوا عليها؟

زمان ..
لما كنت في رابعة

حصل قدامي موقف.
الامتياز رش البنت رشة .. أتاااااااااااااااري البنت عندها برونكيال ازمة ..
وكانت ليلة بنت أزمة قديمة ههههههههه
وجالها كرشة نفس .. وحطوها ع الاكسجين وهكذا والليلة طولت قوي قوي ..
والبنت ازرقت .. واحمرت ... واخضرت ... ومبقتش عارفة تاخد نفسها بتااااتا


طيب..
مطلوب منك ايه لما تدخل حالة زي دي؟

أولا اكسكلووود اسباب الدوخة

وتشوف الايه بي سي سليم ولا لأ
ABC's
(هنشرحو بعدين...)

تاخد هستوري وانت شغال ..
وتسأل هل اتخبطت ولا لا ؟ "يعني اللي حصل ده نتيجة حادثة ولا هي لوحدها كدة"

فايتال ساينز (ضغط نبض حرارة رسبيريشن)
لو ضغطها واطي هيحصل الكلام دا
لو نبضها سريع ممكن يبقى علامة على شوك .. أو أريزميا ..
وتخلي بالك م الرسبيريشن عشان لو كانت بتاخد نفسها بسرعة "بتتشحتف" ممكن تدخل في مشكلة كبيرة .. فلازم تتنفس ساعتها في كيس ..

السكر (ماتنساهووووووووووووووش بتاتا) لأنه كومون قوي
يكون واطي حتى لو الشخص مش مريض سكر
وده مش انت اللي هتقيسو .. انت هتقول للممرضة من بدري هاتي السكر وقيسيه يا مس ..
وتشتغل براحتك على ماهي تيجي

تشوف هل بتتشنج ولا لأ؟ او عندها هستوري صرع ولا لأ؟

كلت حاجة او شربت حاجة ؟ (ممكن يكون تسمم)
هل اخدت ادوية ؟ او ماشية اصلا على ادوية (ممكن تكون انتحرت والحمد لله بأي دوا من المنزل)

ثم تسأل هل بتتعالج من امراض اصلا ؟ أزمة الصدر او السكر
او الضغط او الكبد او الكلى او حتى المرئ هههههه

خمس حاجات بحرف الألف وهي داخلة قدامك ع التروللي :::

ايه بي سي
ABC

إتخبطت ؟
Excludre trauma

أدوية
History of drug intake ?

أكل
Food, Drink, Poisons ?

أمراض
History of previous diseases or chronic illness

ثم 3 حاجات مينفعش ميتعملوش :
هستوري -
Brief history

فايتال -
Vital signs

سكر
Level in blood


ثم بأة لو كل الليلة دي مفهاش مشاكل ..

تبتدي بأة تعيش دور المصلح الاجتماعي وتشوف مين اللي مزعلها ؟
ومزعلها ليه ؟
لأ لأ ميصحش .. وازاي بردو دي زي بنتكو ...
يا ما في مشاكل بس مش للدرجادي يا رجالة ...
متزعلهاش يا خطيبها
الخ الخ الخ ..

بس متطولش كتير عشان احنا عاوزين السرير .. في عيانين اهم هيدخلوا بعد شوية
استمر فقط في الاصلاح الاجتماعي لغاية ما البنت تبتدي تعيط وتشاور
على خطيبها وتقول ان هوة اللي مزعلها ..
وبعدين ابوها يزعق له ويتخانقوا شوية ..
وابلة ظاظا تشمت فيهم شوية عشان تبقى استفادت من النزووولة للمستشفى

بس كدة

طيب و البخاخة ؟
لو سمحت .. لو الدنيا هتمشي من غير بخاخة .. يبقى ايه الضرورة ليها دلوقتي؟
ايه الحلاوة في اني اشوف العيان قدامي حاسس بالنار في مناخيرو ؟
وبعدين انت تحاول تعمل حاجة تغنيك عن البخاخة تماما ...
لأن اصلا مش ده دور البخاخة في المجتمع ..
انت المفروض توفر البخاخة دي للاستعمال الاصلي بتاعها


ملحوظة
من بعض وسائل التعذيب خاصة للبنات السمباتيكا ...
سنتي محلول ملح تحت الجلد!
وبيقول لك عشان ما استعملش البخاخة .. يبقى احقنها محلول ملح تحت الجلد
عشان بيعمل احساس بحرقان شديد جداااا ويخلي العيانة تقوم ..

وهذا خاطئ جوددان
..

بصراحة. انت المفروض تحاول تتجنب أي حاجة انفييييييزيف قدر الامكان
الحقنة يعني شكة
والشكة عاوزة نيييييديل
needle
والنيدل ممكن تشكك خاصة وان البنت عمالة تتقلب وتتحرك والحقنة بتوجعها !!
وعمالة تتخانق مع خطيبها وبتشوح له

ولو اتشكيت انت ... ايش ضمنك ان العيان نظيف ؟

طيب ليه تاخد شكة من عيان انت مش ضامنه خاصة وان الشكة دي مش ضرورية اساسا !؟


أسلم طريقة من الآخر .. عشان العيان يفوق ...
Pinching
تقرص العيان.

ولا تبقى اديت له حاجة تهيج له أزمة الصدر زي البخاخة
ولا عملت حاجة فيها شكشكة وتشك نفسك زي الابرة ..

والدرس المستفاد من الرغي ده

اولا: ما تستعجلش وتشخص الحالة انها سايكك وانها بتتدلع لأنها
ممكن يكون عندها مشكلة كبيرة جدا زي الهيبوجلايسيميا وانت اللي مستعجل ..

ثانيا: متعملش حاجة تضر العيان (زي البخاخة) ولا تضرك (. خاصة لو كانت شكة بالابرة !)

ثالثا: لو الحالة طلعت محتاجة استشارة "الطب النفسي"
يفضل تقول لأهلها يعرضوها على طبيب نفسي في العيادة الخارجية أو اي طبيب خاص ..
لأن في ناس بتكون عيانة نفسياً بجد. مش مجرد خناقة مع الأقارب ..


عدل سابقا من قبل BRAVE SURGEON في الثلاثاء 14 ديسمبر 2010, 12:00 am عدل 1 مرات
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
Not all lub-dubs R alike
الريشة الفضية للمنتدى
الريشة الفضية للمنتدى
avatar

عدد الرسائل : 3034
العمر : 28
الوظيفة : -
تاريخ التسجيل : 26/12/2009

مُساهمةموضوع: رد: Practical Mistakes Series..    الإثنين 13 ديسمبر 2010, 11:46 pm


جمييييييل جداااااااااااااا يا دكتور

بس ياريت بالراحة شوية عشان نعرف نتابع مع حضرتك

وسؤال يعنى بما انى لسة فى رابعة

يعنى ايه DKA ?????
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الإثنين 13 ديسمبر 2010, 11:51 pm

DKA : diabetic keto acidosis
= hyper osmolar hyper glycemic coma

الحلقات لازم تنزل كلها مره واحده... وانتم بقى تقرو كل يوم واحده ... Smile

الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
دكتور شاطر
|مشرف|
|مشرف|
avatar

عدد الرسائل : 6294
العمر : 30
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: Practical Mistakes Series..    الثلاثاء 14 ديسمبر 2010, 12:15 am

تمام يا شعلان

طب اسمح لى بإستفسار كمان

ما مدى صحة الكلام ده؟؟

المصدر ؟؟

رديت سواء انه كلامك او له مصدر ..... فبإذن الله متابع الموضوع معاك لأنه اسلوبه جميل بجد

الرجوع الى أعلى الصفحة اذهب الى الأسفل
http://www.islamweb.net
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الثلاثاء 14 ديسمبر 2010, 12:21 am

بامر الله صحيح... الكلام ده يا اخى سرور... مش موجود ف الكتب.. ده بييجى من الممارسه..
ومن خبرات النواب...ودكاتره الطوارىء...

اعتبر الموضوع وكأننا بنحكى حدوته... مش مطلوب تحظها...بس مجرد تاخد بالك.. من الاخطاء

Smile

بعدين شفتنا يعنى جبنا حاجه طبيه ؟؟ ماهى حكاوى حلوه خالص اهى... Smile

روق كدا واشرب ميرندا \ او بيريل .!.. Smile
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الثلاثاء 14 ديسمبر 2010, 5:22 pm





Episode 9

"Reactions

داحنا هنشوف أيام !

كثيرا ما يحدث انك تدخل على عيان في السبتيك "غرفة الافاقة" .. "أكثر الغرف تلوثا في تاريخ جزيرة بنها"
الغرفة اللي المفروض يتعمل فيها كل مايتعلق بالعمليات "المعقمة"
المهم ..

تدخل السبتيك .. تلاقي شاب في مقتبل العمر .. بيقول لك
دوووكتور .. التوكتوك قفل على ايدي
cycle 1

طبعاً بغض النظر التوكتوك فيه باب ولا مفهوش ..
مش مهم التوكتوك دلوقتي لأن التوكتوك اكيد مش قصده يقفل على ايده

المهم ايد العيان
تلاقيه لافف ايدو بسوبوعتوميت فوطة وسيبوعتالاف رباط شاش

وتبتدي مرحلة "نقشر ونعرف"
تفضل تكرررررررر ف الشاش .. تكررررررررر ف الشاش
لغاية ماتشوف ايد العيان

السؤال هنا: انت متوقع تشوف
1- وردة
2- نجفة
3- قطة
4- كوباية نسكافيه
5- دم
6- كل ماسبق؟


طبعا انت متوقع تشوف دم
اوكيه؟

ومتوقع تشوف دم شكله مش حلو .. ايد انسان مجروحة ..
وتوكتوك بحاله قافل عليها متعرفش ازاي بس المهم انها متعورة
والدم بقالو فترة .. يعني شوية متجلطين وشوية بينزفوا ..
منظر زي العسل ممكن تشوفه في اي وقت على القناة المهببة Top movies
على النايل سات ... محدش يجيبها أرجوكو

طيب.

يبقى انت تعمل حسابك وانت بتقشششششششر الشاش .... انك هتشوف منظر مهبب
يبقى تظبط ريأكشنات وشك ...

بلاش تراعي الحالة النفسية للمريض ... راعي يا أخي الحالة النفسية لزمايلك !!

في ناس كنا بنشوفهم - الله يمسيهم بالخير - . اول مايشوفوا الجرح .. يقولوا "يالهوي"!
واحيانا "يا خراشتي!" .. ويحطوا اديهم على بوققهم !

طب دلوقتي العيان ايه موقفه ؟ ماهو انت اللي كمان عشر دقايق
هتيجي تساعده وتخيط الجرح !! ازاي تبقى اعصابك مفكوكة كدة اول
ماشفت الجرح ! اومال لما تمسك خيط وتخيطه هتعمل ايه بأة ؟

نفس الكلام بيحصل مع قراءة الريبورت بتاع الأشعة ..
والتحويل (يعني جاي من برة معاه ورقة بتقول انه عيان بكذا ومحتاج مكان في العناية مثلا)
والتحليل (يعني جاي من برة معاه تحليل وظايف كلية مثلا)

لما تشوف حاجة زي دي .. وتلاقي فيها
The patient has general failure in all systems and will die within 3 seconds

بلاش تشهق وتقول يا عين امك يا بني ... بدري عليك يابني ... الفاتحة على روحو يا رجالة !

لأ ..
The patient is worried enough about his case
don't increase his fears.

وخاصة لو كان العيان طفل مثلا ومعاه امه ..
او بنت ومعاها اخوها ..
أو شاب ومعاه توكتوك
Very Happy

وهكذا يعني

الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
Not all lub-dubs R alike
الريشة الفضية للمنتدى
الريشة الفضية للمنتدى
avatar

عدد الرسائل : 3034
العمر : 28
الوظيفة : -
تاريخ التسجيل : 26/12/2009

مُساهمةموضوع: رد: Practical Mistakes Series..    الثلاثاء 14 ديسمبر 2010, 5:59 pm


اقتباس :
The patient has general failure in all systems and will die within 3 seconds

دى تريقة ........صح؟؟؟؟

معلش استحملونى بس هو ممكن نشوف ريبورت زى ده بغض النظر عن will die within 3
seconds
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الثلاثاء 14 ديسمبر 2010, 6:06 pm

لأ طبعااااااا...دى تريقه Smile

يعنى لازم نحللى الموضوع شويه... Very Happy
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
Not all lub-dubs R alike
الريشة الفضية للمنتدى
الريشة الفضية للمنتدى
avatar

عدد الرسائل : 3034
العمر : 28
الوظيفة : -
تاريخ التسجيل : 26/12/2009

مُساهمةموضوع: رد: Practical Mistakes Series..    الثلاثاء 14 ديسمبر 2010, 6:31 pm


معلش يا دكتور بس انا معرفش حاجة لسة عن الباطنة فبحب اتاكد عشان ميحصلش سوء فهم
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الثلاثاء 14 ديسمبر 2010, 6:39 pm

الحاجات دى ملهاش علاقه بالباطنه نوهاااااااااااااائى Smile

نورتو الموضوع ويارب يكون استفادتم...
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
marym
|مشرف|
|مشرف|
avatar

عدد الرسائل : 2333
العمر : 28
الوظيفة :
تاريخ التسجيل : 27/12/2007

مُساهمةموضوع: رد: Practical Mistakes Series..    الثلاثاء 14 ديسمبر 2010, 10:50 pm

اقتباس :
موضوع جميل جدا واسلوب شرح ممتاز

_________________
تـــأكــــد حين تنكســـر ... لن يرممك ســوى نفسك ...
وحيــن تنهـــزم ... لــن ينصرك... سوى إرادتك .....
فقدرتك على الوقــوف مــرة أخـــرى ... لا يملكهــاســـواك ...
فكــن أقـــوى من الدنيــا و ظروفــهـــا ...و مهما حدث لك لاتبــكي ولكن إبتسم...
ودع الــدنيـا تبــكي من جبــــروت إبتســـامتـــك!.
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: Practical Mistakes Series..    الأربعاء 15 ديسمبر 2010, 9:59 pm



Episode 10

Irritability

كتير بردو .. من زحمة الشغل والضغط الشديدين

احيانا الواحد بيحس انه هينفجر في عيان ملهوش ذنب إلا انه جه آخر واحد في النبطشية

الموقف: الساعة 7 الصبح .. اخر ساعتين في النبطشية

دخل الراجل .. وابوه معاه مخبوط في دماغو .. والمفروض هيعمل آشعة مقطعية

وانا بوصف للراجل يعمل ايه

"وتجيب وصل اشعة وتروح تدفعه في وحدة التحصيل"
وحدة التحصيل دي المفروض بيندفع فيها الفلوس يعني

الريلاتيف: هي فين يا دكتور وحدة التحصيل

انا: امشي مع الطرقة .. هتلاقي الاوضة على يمينك

الريلاتيف: يعني ع اليمين ؟

انا: اه .. مكتوب عليها وحدة التحصيل في يافطة كدة

الريلاتيف: لون اليافطة ايه؟

انا: احمر ..

الريلاتيف: هي الاوضة رقم كام في الطرقة !؟

انا (ابتديت اتنرفز) : وانا ايش عرفني ؟ انا معدتهمش قبل كدة ..
يعم الحاج امشي مع الطرقة هتلاقي الاوضة مكتوب عليها وحدة التحصيل في
يافطة حمرا ... بغض النظر هي رقم كام بأة !

الريلاتيف: طب في اوض جمبها هتبقى فاتحة ولا هي الاوضة الوحيدة اللي فاتحة !!!!

انا: بص ... في عيانين كتير وانا مش فاضي ..
انت ايه مشكلتك في انك تروح اوضة التحصيل ؟ ليه كل الأمارات دي محتاجها يعني ؟؟؟

راح واخدني برة الاوضة .. وقال لي بصوت واطي :يا دكتور انا مبعرفش أقرا !!

لذلك ... لازم تعمل حسابك انك بتتعامل مع مختلف اصناف البشر ...
ولازم تعامل الناس على قدر عقولهم ...
و الناس مش هتقول لك "احنا مبنعرفش نقرا" بالساهل كدة ...

لذلك .. كل عيان مختلف عن التاني ...
وكل عيان "خايف ومتشحتف" على قرايبه واهله ..
واحيانا في عيانين بتكون دي اول مرة يدخلوا فيها المستشفى ..
واحيانا اول مرة يدخلوا المستشفى بتاعتك دي ..

ومش كل الناس تعرف النظام ... وعندهم حق .. لأنهم مش شغالين ف المستشفى زيك ..

فخليك حليييييييييييييييييييييييييييم شوية ع العيان واهله .. Smile
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
Larmes
|مشرف|
|مشرف|
avatar

عدد الرسائل : 6223
العمر : 28
الوظيفة : إنسانة
تاريخ التسجيل : 08/05/2008

مُساهمةموضوع: رد: Practical Mistakes Series..    الأربعاء 15 ديسمبر 2010, 10:18 pm

موضوع رااااااااااااائع بجد
جزاكم الله خيرااااااا

متابعة بإذن الله

الرجوع الى أعلى الصفحة اذهب الى الأسفل
 
Practical Mistakes Series..
الرجوع الى أعلى الصفحة 
صفحة 1 من اصل 4انتقل الى الصفحة : 1, 2, 3, 4  الصفحة التالية
 مواضيع مماثلة
-
» لفتح الرقم السرى لاى جهاز نوكيا !!!!
» ER اضخم انتاج درامي عالمي

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums ::   :: المنتدي الطبي العام-
انتقل الى: