البوابةالرئيسيةس .و .جبحـثالتسجيلدخول





شاطر | 
 

 هل وجدت الطب كما كنت تتمنى؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
Yota Ahmed
|مشرف|
|مشرف|
avatar

عدد الرسائل : 3735
العمر : 27
الوظيفة : .
تاريخ التسجيل : 11/06/2008

مُساهمةموضوع: رد: هل وجدت الطب كما كنت تتمنى؟   الأربعاء 18 أغسطس 2010, 1:00 am

ان شاء الله فى امل
لو اتكلمنا ومسكتناش لان ده حقنا
لو بره بيتعلموا صح ليه منطبقش الى بيعملوه هنا
مش كل حاجه بس لو بدأنا بحاجه صغيره هيبقى كويس اوى
وال
basics
نطلع عارفينها واحنا مش اقل من طلبه بره فى مستوى الذكاء بحاجه
والله ان شاء الله فيه امل طول ما فينا نفس وعاوزين نتغير بجد
نفسى مره الواحد يروح امتحان وهو حابب الى هيروحله وحاسس انه هيفيده بجد مش مجرد عاوز يلم شويه درجات وخلاص

ونسألكم اخلاص النيه لله
ولو حد عنده مقترحات او خطوات مفيده لا يبخل علينا بيها
او يشارك برأيه
الرجوع الى أعلى الصفحة اذهب الى الأسفل
دكتور شاطر
|مشرف|
|مشرف|
avatar

عدد الرسائل : 6294
العمر : 28
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: هل وجدت الطب كما كنت تتمنى؟   الأربعاء 18 أغسطس 2010, 4:08 am

الهدف فى كلية الطب

انشاء رجل آلى مش انسان بشرى

رجل آلى محمل بكميات معلومات........ حتى ان لم يكن لها قيمة

سنة ورا سنة


ناخد حاجات مش بنسمع عنها تانى فى حياتنا

بناخد حاجات........بيقولوا......هتبقى اساس لكم.......وهم عارفين ان الطالب بمجرد ما يطلع من الامتحان....بينسى اسمه......يبقى مش هينسى اللى ذاكره


طب يا سيدى طالما هو قاعدة واساس لى لما بعد ....... حدد الحاجة اللى عاوز تدرسها لى.....وعارف انها هتنفعنى...ولما آجى اتخصص يا سيدى.....لك حق تطلب منى اعرف اغلب الحاجات عن التخصص

الاناتومى بيدهولنا عشان نعرف تركيب الجسم كله........عظيم جدا جدا......ياترى مين فاكر الاناتومى لحد دلوقتى؟؟........خلو بالكم ( تحذير هام ) هتحتاجوه تانى فى سنة سادسة ( يا فرحتى... عفوا ) والمفروض انا بقى أظل فاكره لحد دلوقتى؟؟!!!.......مش معنى كلامى اننا مش ناخد تشريح......بس شوف انت عاوز منى ايه فى اولى.....بدل ما تعطينى التشريح فى سنتين....كفاية سنة ......هتكفينا طالما عرفنا ايه اللى علينا

وكذلك البايو.......... اللى مش هنسمع عنها الا فى الاحلام.......يا ترى كم واحد حلم بالبايو؟؟......يقولك يا عم ممكن تتخصص فى التحاليل........آه وبعدين؟؟......مطلوب منى بقى افتكر بايو اخر مرة اخدتها فى سنة تانيه......افتكرها بعد سنة سادسة وتكليف....ساعة تخصصى بقى......اقسم بالله ده كلام هزار وما هو تعليم......كفاية البايو سنة حلو اوى اوى اوى اوى

وكذلك الهستولوجى.....طالب فى الفرقة الاولى والتانيه.....لما تبقى فى امتياز هتقعد على ميكرسكوب......تبقى قابلنى.......مش لما تقعد على كرسى الاول........هستفيد منها فى ايه؟؟....فى الباثولوجى؟؟.....اه والباثولوجى هستفيد منه فى ايه؟؟.....لما مريض ييجى يكشف عندى هقطعه واخد حته منه واحللها تحت اللمبة الجاز ؟؟.......حاجة تجيب شلل أطفال.......وبرده مش معنى كلامى اننا مش ناخد العلوم دى لأننا لازم نكون عارفين اساس لها.....بقول اساااااااااااااااااااااس........مش هتخصص فيها........ولو هتخصص فيها يا عاااااااااالم.....هتخصص فيها بعد الامتياز والتكليف.....يعنى لما اجى ادرسها.....هيكون اللى فى دماغى نوادر لها.....متقنعنيش انها هظل فاكرها.......

الفسيولوجى ....... لفهم الية عمل الأعضاء......عنوان جميل......ممكن دى المادة الوحيدة اللى تستحق تدريس شوية.....لأنها اساس حاجات بعد كده مهمة ......لكن برده ياترى سنة مش تكفى؟؟

منستغربشى من حكاية سنة دى؟؟..........ما هو لو عرفوا طالب الطب عاوز ايه من الطب هيعرفوا يعلمونا

ومش لازم بقى اقول كل مادة

يبقى احساسك بالطب بيبدأ من سنة رابعة و خامسة وسادسة.........لكن للأسف ........عليك تحفظ بس.....لكن تطبق.....بعيد شوية .......كفاية بس انك بتتعامل مع المريض بفلوس......كفاية انك بتتعامل مع مريض عارف حاجات اكتر منك ويصلح لك.......سبحان الله

اقول ايه ولا ايه؟؟

هو لو أولى و ثانية فى سنة واحدة فيها ايه؟؟

فيه ايه لو أًصبحت الاسعافات مادة اساسية طول السنين.....بدال السلوكية والكمبيوتر........بنعلم الطبيب الكومبيوتر وسلوكية.....ومش بنعمله ازاى يبقى طبيب بأبسط الحاجات!!

فيها ايه لو كل دكتور عامل الطالب كإبنه....... وكفاية بقى حكاية العناد بين الطالب والدكتور دى.....الدكتور زعلان يجيب امتحان صعب يذل به الطالب....الدكتور مبسوط....يجيب امتحان سهل ( قلما لما بتحصل ).... فين بقى مقاييس الامتحان؟؟....... هو فيه امتحان يتعلق بالحالة النفسية.؟؟.....لازم يكون فيه مقاييس محددة للأمتحانات

وكفاية بقى طب القرن الخامس ده .......اللى كله حاجة يقولولنا.... كنا بنعمل مش عارف ايه وبقينا نعمل كذا.......ونقعد 6 سنين نحفظ فى كنا بنعمل ايه؟؟.......يا عالم خليكوا فى الحاجات الجديدة......عندك حق انك تعرفى كنا بنعمل ايه زمان ( جهاز قديم معين مثلا ) لكن اتكلم عنه وقت محدود وبلاش تطلب مننا تعمق فيه......واستغل الوقت الزيادة فى الحاجات الجديدة....لكن احنا نقعد نحفظ فى الحاجات القديمة زى ما نكون فراعنة!!


كفاية كده دلوقتى.....ولى عودة ان شاء الله

الرجوع الى أعلى الصفحة اذهب الى الأسفل
http://www.islamweb.net
Yota Ahmed
|مشرف|
|مشرف|
avatar

عدد الرسائل : 3735
العمر : 27
الوظيفة : .
تاريخ التسجيل : 11/06/2008

مُساهمةموضوع: رد: هل وجدت الطب كما كنت تتمنى؟   الخميس 19 أغسطس 2010, 3:02 am

الله اكبر
دا الكل متضايق اوى من الكليه

وبالنسبه للبايو دى انا لو مسكت الكليه هحذف الماده دى لان من الاخر ملهاش اى لازمه

والله اعلم مش ممكن فى يوم من الايام حد مننا يبقى له سلطه ما فى الكليه ويقدر يغير حاجه
مفيش حاجه بعيده على ربنا
عاوزين الكل يقول رأيه وبمنتهى الصراحه فى كل حاجه فى الكليه

الرجوع الى أعلى الصفحة اذهب الى الأسفل
Dr_Elshenawy
عضو فضي
عضو فضي
avatar

عدد الرسائل : 588
العمر : 27
الوظيفة : _
تاريخ التسجيل : 11/07/2009

مُساهمةموضوع: رد: هل وجدت الطب كما كنت تتمنى؟   السبت 21 أغسطس 2010, 5:05 pm

أكيد طبعا الكل هيقول لا لم نجده كما تمنينا
أن أحنا لحد دلوقتى مدرسناش طب ولا حاجة
أنا نعاهم فى الكلام ده
وعزائى هوه المستقبل
يبقى أحسن
يعنى لما ندرس كلينيكل أطيد هتعرف أكتر
وأكيد هنبقى فى الاخر بنعرف نشخص
ونكتب رشتات أخر حلاوه
ونبقى دكترة لوكس
وده مش هييجى بالساهل طبعا
لازم نتعب نفسنا شوية
ونتفائل ونشرح صدرنا للى جاى
أه احنا عندنا عيوب
لكن ان شاء الله الى الاحسن
وربنا يكرم كل طلاب كليتنا وكل الكليات ويبقو ان شاء الله أحسن دكاترة
الرجوع الى أعلى الصفحة اذهب الى الأسفل
Yota Ahmed
|مشرف|
|مشرف|
avatar

عدد الرسائل : 3735
العمر : 27
الوظيفة : .
تاريخ التسجيل : 11/06/2008

مُساهمةموضوع: رد: هل وجدت الطب كما كنت تتمنى؟   السبت 21 أغسطس 2010, 5:49 pm

هو اللى درس كلينيكال بردو مستفدش
يعنى احنا طلعنا من رابعه معندناش skills كفايه
واللى فى خامسه دلوقتى بردو لهم نفس الردود تقريبا

اللهم اصلح لنا الحال
الرجوع الى أعلى الصفحة اذهب الى الأسفل
closed
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3894
العمر : 30
الوظيفة : بداية حياة
تاريخ التسجيل : 02/11/2008

مُساهمةموضوع: رد: هل وجدت الطب كما كنت تتمنى؟   الإثنين 23 أغسطس 2010, 11:39 pm

اقتباس :
هو اللى درس كلينيكال بردو مستفدش
يعنى احنا طلعنا من رابعه معندناش skills كفايه
واللى فى خامسه دلوقتى بردو لهم نفس الردود تقريبا



skills
بردو مش كل حاجه
لو على كده ال
skillsهتتعلميها كويس ان شاء الله


بالنسبه للسؤال

انا لم اتمنى الطب كشكل معين قبل دخولى للكليه
ولكن كان ظنى انى سأكون دكتوره اول ما اتخرج

بالنسبه لطريقه التدريس المُتبعه الان
فهى من وجهه نظرى
كأن ادامهم طفل صغير حطوا ادامه طبق مليان اكل
الطفل جعان وكل حاجه
والاكل لذيذ
بس طريقه الاكل نفسها
لا خلت الطفل يستفيد من الاكل ولا حاجه
اما هيجيله تلبك معوى ويعمل
vomiting
لكل الاكل
او لا قدر الله يروح فيها

الدكتور هدفه كلمتين الطالب ياخدهم
والطالب ياحرام نفسه يفهم بالراحه ويتعلم ازاى يشخص مرض

هو فى وادى والدكتور فى وادى تانى
كل حد فيهم بيفكر فى اتجاه عمرهم ما هيتقابلوا
زى الحكومه بتاعتنا كده لاهى عارفه الشعب عاوز ايه
ولا حتى عارفه تعمل اللى نفسها فيه

وبعدين يجى يقولك طب نحاول نطور التدريس وكدا
يقوموا يعملوا ابحاث وكمان مشاريع الطلبه تعملها
وياحبذا لو امتحانات كل يومين عشان المعلومات تثبت

زى بالظبط اللى بيرمم بناء من الخارج وهو اساسا مهدوم من الداخل
فالبناء مهدوم من الداخل يا اخى ..فما الفائده من الترميم الخارجى

اما عن الصوره اللى بتمناه الان
وهى بالفعل مُتبعه فى بعض الاماكن -يعنى مش فكره مُفتكسه ولا حاجه -
اول سنتين
تكون فى فكره عامه عن الطب بصفه عااااامه من جميع التخصصات
زى سنه اوى ثانوى كده -وهم قادرين على انهم يدمجوا المواد دى فى سنتين - زى ما هم قادرين يعملوا اكتر من كدا

بعد كدا

يبدأ التخصص
اربع سنين
فرضا انا متخصص دكتور قلب
كفايه الحاله النفسيه لى اكون عارف انا رايح فين وجاى منين
وفى خلال الاربع سنين دول اخد بقى التشريح والفسيولوجى والهستولوجى والباثولوجى وكل حاجه متعلقه بالتخصص دا
كده هتكون الفايده المقدمه اكتر
وكمان بعد التخرج لو عاوز يكمل دراسات عليا لزيده المعرفه خير وبركه مش عاوز خلاص

هم مش ملاحظين اساسا ان الطالب خارج من الكليه عنده
23 سنه
يعنى بدايه لمرحله جديده من حياته

لكن لو اخدت العلم ده وهو فى ريعان شبابه الاستيعاب هيبقى افضل

وكمان انا شايفه انى الخمس سنين بتوع الدراسات العليا غير كافيين لان دكتور يشتغل على طول
وكمان فى دكاتره يبدأوا الشغل بعد الماجسير وخلاص
طب ليه ما انت كان قدامك سبع سنين كليه


هتبقى المشكله فى الحكايه دى ان احنا هنخرج انصاف متعلمين زى ما بيقولوا
بس كمان النظام المتبع الان بيخرج كده فعلا

دكتور القلب مش بيعرف يعمل نظاره ودكتور العيون مش بيعرف يشخص مرض فى القلب



ولو مصممين ترفعوا شعار
يبقى

انا هكون دكتور شاطر رغم انف المعتدين
بعون الله
الرجوع الى أعلى الصفحة اذهب الى الأسفل
عاشـ المستحيل ـقة
:: المشرف العام للمنتدي الدراسي ::
avatar

عدد الرسائل : 3067
العمر : 27
محل الاقامة : Brain
الوظيفة : مجند على ارض المعارك
تاريخ التسجيل : 29/03/2007

مُساهمةموضوع: رد: هل وجدت الطب كما كنت تتمنى؟   الإثنين 23 أغسطس 2010, 11:55 pm

ياااااااااا واضح ان سنة خامسة ....... sword

بس والله عندكوا حق

مصر تتبع سياسة اساسية فى التعليم

سياسة "صُب وكوب" ...

بس لسه فى أمل والله ،،، ان شاء الله الخير هيكون موجود ...


_________________
وظنى فيــــك يا سنـــدى جميـــــــــــــــل




عذراً ... لن أتحدث عنها ...
مُجند على أرض المعارك ...
مازال هناااااااااااااك أمل ...
الرجوع الى أعلى الصفحة اذهب الى الأسفل
http://www.islamway.com/index.php
دكتور شاطر
|مشرف|
|مشرف|
avatar

عدد الرسائل : 6294
العمر : 28
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: هل وجدت الطب كما كنت تتمنى؟   الثلاثاء 24 أغسطس 2010, 1:26 am

هقول بس جملتين اتقالوا لنا لما كنا فى روند معين

كنا رايحين متأخرين شوية

الدكتورة زعقت فينا وقالت ( كنتوا فين؟؟.......)ح
قولنا سبب التأخير
الدكتورة قالت مليش دعوة..(وكملت كلمها...ان عندها عيال فى الحضانة ووراها زوج فى البيت و مصالح تانيه....مش احنا بس اللى وراها )

طب ايه دخل ده ب ده؟؟

يعنى لما الدكتورة حاطه فى دماغها انها جايه تشحتنا كلمتين وتجرى للعيال

طب ليه كل ده؟؟

علما بأن الوقت كان لسه

وده حال معظم المدرسين ( خصوصا المساعدين) تلاقيه جاى يجرى....ووراه مريض بيسفسر عن حاجة.....ويقوله انتظرنى بس على ما اخلص

فين بقى المؤسسة التعليمية اللى مبنيه للطالب؟؟

مش كل حاجة يتقال لنا ( لو الطلبة انتم مش موجودين.....مش هيبقى فيه دكاترة ومش هيبقى فيه جامعة وكلنا فى خدمتكم )

فين الكلام ده على الواقع؟؟؟

تروح تلف على الدكتور هنا و هنا .......تلاقيه او مش تلاقيه

الطالب اخر اولويات الدكاترة

لازم فعلا تتفصل الجامعة عن المستشفى خالص

لأن مطلوب من الدكتور انه يتابع ده ويتابع ده.....وفى نفس الوقت مطلوب منه يعطى الروند للطلبة

اقول ايه بس

خيييييييير

الرجوع الى أعلى الصفحة اذهب الى الأسفل
http://www.islamweb.net
Yota Ahmed
|مشرف|
|مشرف|
avatar

عدد الرسائل : 3735
العمر : 27
الوظيفة : .
تاريخ التسجيل : 11/06/2008

مُساهمةموضوع: رد: هل وجدت الطب كما كنت تتمنى؟   الجمعة 27 أغسطس 2010, 2:16 am

[quote][center][b][quote="M.H.S.I.SH.A"][center][b][quote][b]هو اللى درس كلينيكال بردو مستفدش[/b]
[b]يعنى احنا طلعنا من رابعه معندناش skills كفايه[/b]
[b]واللى فى خامسه دلوقتى بردو لهم نفس الردود تقريبا [/b][/b]

[b][/quote][/b][/b]
[b][b]skills[/b][/b]
[b][b]بردو مش كل حاجه[/b][/b]
[b][b]لو على كده ال[/b][/b]
[b][b]skillsهتتعلميها كويس ان شاء الله[/b][/b]
[/center]
[/quote]
[center][color=red][b][b][/b][/color]
[color=red][b]انا الى اقصده انى لما ابقى ماشيه فى الشارع وشوفت حد محتاج مساعده طبيه مترددش انى اقدمها[/b][/color]
[color=red][b]مش اقعد ادرس كميات معلومات هائله مبعرفش اطبقها صح من كترها وانى اصلا لما بدرسها الهدف مش انها تثبث عشان تخليها معايا لا ده بس عشان الامتحان لان فى مواد غيرها كمان محتاجه تتذاكر[/b][/color]

[color=red][b]انا مع انهم يخلونا ندرس المجال الى احنا عاوزينه من بدرى يعنى يعملوا سنه اعدادى تعتبر فتره تأهيليه نفهم نظام الكليه ونبذه عن كل مجال وكل واحد يختار الى هيتخصص فيه ويدرسه صح بقى [/b][/color]

[color=red][b]ومش معنى الكلام انه باقى المواد مش مهمه اكيد كله بيخدم كله بس ادرس الباقى مش بتعمق ادرس ما يفيدنى فى مجالى وبس[/b][/color]

[color=red][b]مش لازم نتع دماغنا بحاجات مش هتفيدنا بعد كده [/b][/b][/color][/center]
الرجوع الى أعلى الصفحة اذهب الى الأسفل
Yota Ahmed
|مشرف|
|مشرف|
avatar

عدد الرسائل : 3735
العمر : 27
الوظيفة : .
تاريخ التسجيل : 11/06/2008

مُساهمةموضوع: رد: هل وجدت الطب كما كنت تتمنى؟   الجمعة 27 أغسطس 2010, 2:23 am

لا بجد التنسيق الجديد ده مبوظ الكلام مش عارفه اتعامل معاه خالص
حتى الكومنتات بتظهر عندى كلام غريب كده مش صور او الكلام بيس

الرجوع الى أعلى الصفحة اذهب الى الأسفل
Larmes
|مشرف|
|مشرف|
avatar

عدد الرسائل : 6223
العمر : 26
الوظيفة : إنسانة
تاريخ التسجيل : 08/05/2008

مُساهمةموضوع: رد: هل وجدت الطب كما كنت تتمنى؟   الجمعة 27 أغسطس 2010, 2:34 am

اقتباس :
هل وجدت الطب كما كنت تتمنى؟

أنا مش هقول غير حاجة واحدة بجد
كفاية اللي تقال ويزيد
لحد دلوقتي مش حاسة إني دخلت كليه أصلا
طول عمري نفسي أكون دكتورة
دلوقتي مش مصدقة إني بدرس طب
اللي بندرسة أقرب للتاريخ من الطب
شويه صم وحفظ وخلاص
يعني أكتر حاجة مش بحبها لقيتها
وممكن تلاقي الدكتور بيقولك السؤال دا مهم للإمتحان بس
لكن إحنا مش بنشتغل كدة أو ملهاش لازمة المعلومة الطب اتغير عن كدة
بعد ما تتخرجوا كلام تاني خالص
طيب حد يقولي حاجة مش تهمنا بندرسها ليه عشان نتمتحن عليها؟؟؟؟؟؟؟
بقي الهدف نعدي السنة وشويه دش يترموا في الورق
والشاطر اللي بيحفظ يبقي زي الفل
الرجوع الى أعلى الصفحة اذهب الى الأسفل
Yota Ahmed
|مشرف|
|مشرف|
avatar

عدد الرسائل : 3735
العمر : 27
الوظيفة : .
تاريخ التسجيل : 11/06/2008

مُساهمةموضوع: رد: هل وجدت الطب كما كنت تتمنى؟   الجمعة 27 أغسطس 2010, 2:39 am


فعلا يا دكتوره كنت عاوزه اتكلم على حته اننا بندرس حاجات قديمه
مش
updated
مفيش غير دكاتره يتعدوا على الصوابع الى بيهتموا يقدموا الجديد جنب القديم بردو
!
الرجوع الى أعلى الصفحة اذهب الى الأسفل
Dr/M.D
عضو جديد
عضو جديد
avatar

عدد الرسائل : 24
العمر : 27
الوظيفة : طالبة
تاريخ التسجيل : 20/06/2010

مُساهمةموضوع: رد: هل وجدت الطب كما كنت تتمنى؟   الجمعة 27 أغسطس 2010, 3:43 am

أنا شايفه ان احنا لازم نأخد كلينيكال وعملي بزياده ويهتموا بيه اكتر من كده لان احنا دلوقتي مش بنفرق عن الكليات النظريه في حاجه بل بالعكس احنا
أسواء
وباريت الدكاتره رؤساء الاقسام يطورا الكتب بتاعتنا دي لانها سيئه جدا ونظامها قديم قوي وكلها دش فاضي .....ولازم يبقى عندنا أمل وعزيمه علشان نقدر نغير بكره للاحسن......
الرجوع الى أعلى الصفحة اذهب الى الأسفل
Yota Ahmed
|مشرف|
|مشرف|
avatar

عدد الرسائل : 3735
العمر : 27
الوظيفة : .
تاريخ التسجيل : 11/06/2008

مُساهمةموضوع: رد: هل وجدت الطب كما كنت تتمنى؟   الجمعة 27 أغسطس 2010, 3:55 am

حاجه تضحك وتكسف والله
مش ملاحظين ان فى كتب بتنزل كل سنه بنفس اخطائها وبتبقى اخطاء فى المعلومه مش فى حروف الكلمه مثلا او حرف ناقص وتعدى
لا دى المعلومه بتبقى غلط

ومسخسرين يصلحوها وبيطبعوا الكتب بالغلطات الى فيها

وفى كمان كتب مبتتفتحش وبيكون الشرح من كتب تانيه اسهل طيب ما ينزلولنا الكتب دى فى الكليه وخلاص

وفى مواد معتمده على الورق الى بنصوره وبنسيب الكتب مبنذاكرش منها

!!!!!!!
الرجوع الى أعلى الصفحة اذهب الى الأسفل
AL- H A K I M
عضو سوبر
عضو سوبر
avatar

عدد الرسائل : 362
العمر : 26
الوظيفة : مجاهد في سبيل "الله"
تاريخ التسجيل : 23/05/2008

مُساهمةموضوع: "ساحة النقاش الرسمية للجنة الطلابية للجودة ع المنتدى"   الأحد 29 أغسطس 2010, 4:00 pm

السلام عليكم و رحمة الله و بركاته

في البداية لازم أقدم شكر حار جدا للدكتورة/ قلبى وقف لله تعالى
حضرتك فعلا من أكتر الأعضاء اللي شوفتهم رافضة لحال التعليم في كليتنا
سواء من خلال الموضوع ده أو الشرارة اللي حضرتك أطلقتيها في موضوع نظام سنة رابعة من فترة

و أنا مصمم أسمي الموضوع القديم بالشرارة لأن دايما "أكبر النار من مستصغر الشرر"
و الحمد لله بعد مناقشات و اجتماعات
تم الاتفاق إن الموضوع ده يبقى هو النار
النار اللي هتنور الظلام التعليمي اللي إحنا بقينا فيه

و يمكن الصورة دي هتعبر عن اللي جواكوا (هم يضحك ... و هم يبكي)



و عشان كلامي يبقى محدد و مش شعارات بس

اعتبروا الموضوع ده هو
"ساحة النقاش الرسمية للجنة الطلابية للجودة ع المنتدى"

من زماااااااااااااااان أوي كنا مستنيين موضوع زي ده
أنا حتى ع الأقل جوايا كبت كتير م الكلية عايز أخرجه
و متهيألي مش أنا لوحدي

مش عايزكم تخذلونا ... لازم نبقى أد المسئولية
لازم تبقوا عارفين إن من سنين قليلة كان فيه طلبة زينا كده
متضايقين من نظام التعليم .... و كان نفسهم يغيروا
بس الطلبة دول -ربنا يكرمهم- ما كانوش بيقولوا شعارات بس
لأ ... الطلبة دول هما اللي قدروا بعد عناء ينشئوا لينا لجنة اسمها
"اللجنة الطلابية للجودة"

شكلنا هيبقى عامل إزاي لما نضيع كل المجهود اللي عملوه اخواتنا الكبار ... و اللي للأسف ما لحقوش يستفيدوا منوا
لما هما يعملوا ده كله و إحنا نسيب الكمامة على فمنا و نغمي عنينا و نسد ودننا

لازم نعرّف كل الناس إحنا مين و نقدر نعمل إيه
لازم نثبت لاخواتنا الكبار إن إحنا أد المسئولية و نكمل مشوارهم بجدارة

أنا بس عايز أقولكم إنه بالرغم من سوء الوضع و ظلمته
فطول ما إحنا مع بعض ... أي حاجة عايزينها هتحصل
بس بأكد ... لو افترقنا و كل واحد قال طنش و كبر ... يبقى ولا كأننا عملنا حاجة
ع الأقل خالص كفاية إن الموضوع ده غرضه الوحيد هو مصلحتنا

يلا يا جماعة ... سمعوهم صوتكم
و الله دي مسئولية هنتحاسب عليها قصاد ربنا يوم القيامة

للمرة التانية بشكر الدكتورة/ قلبى وقف لله تعالى
و بشكر كل اللي ساهموا و اللي هيساهموا

و لي عودة بإذن الله
الرجوع الى أعلى الصفحة اذهب الى الأسفل
http://gigapedia.com/
Yota Ahmed
|مشرف|
|مشرف|
avatar

عدد الرسائل : 3735
العمر : 27
الوظيفة : .
تاريخ التسجيل : 11/06/2008

مُساهمةموضوع: رد: هل وجدت الطب كما كنت تتمنى؟   الأحد 29 أغسطس 2010, 4:23 pm


الشكر لله
ويا رب بجد نقدر نعمل حاجه

وبالنسبه للكاريكاتير ده انا كنت رسمت واحد شبهه بس وريته لماما يعنى وكان عاجبها
بجد ده يمكن بنسبه 90% حال الناس الى بتتخرج
!!!!

الرجوع الى أعلى الصفحة اذهب الى الأسفل
princess
عضو ماسي
عضو ماسي
avatar

عدد الرسائل : 1570
العمر : 27
الوظيفة : need to support
تاريخ التسجيل : 27/11/2008

مُساهمةموضوع: رد: هل وجدت الطب كما كنت تتمنى؟   الأحد 29 أغسطس 2010, 5:33 pm

هو لو اتغير العنوان ويبقى

هل وجدت الطب كما كنت تظن او تعتقد؟؟؟؟؟؟؟؟؟؟؟؟؟؟

هقول لحضرتك اه فعلا وجدته كده

وجدته تعليم مهنه راقيه محتاجه مجهود جامد جدا
مش بساط سهل هعديه وانا مغمضه

لقيت الكليه زى ما انا اعرف عنها انها كليه بتدينى اساسيات المهنه بس
ودى اللى حضراتكوا بتقولوا عليها تراث ومفيهاش ابديت
وانا عليا طول الوقت انى اعرف بنفسى اكتر واقرا اكتر

ودا طبعا مش معناه انى مؤيده تماما لطريقه كل الدكاتره بس دا عنصر بشرى
والعنصر البشرى وارد فيه دايما الخطا
بس متهيالى الكليه فيها عناصر بشريه كتييييير ممتازه بس تقريبا محدش بيحب يذكرهم

اما بالنسبه للمواد فانا مش متفقه مع الدكتور سرور المنتدى مع احترامى لرايه
بس متهيالى يادكتور ان شاء الله يوم ما تتخرج وتشتغل هتعرف قيمه الحاجات دى اوى
هتعرف لما حاله تجيلك ايه قيمه انك درست اناتومى وتعرف انت ايه اللى قدامك وانت بتكشف على ايه
هتعرف قيمته لما تمسك فى ايدك تقرير باثولجى لمرض وتبقى فاهم انت بتقرا ايه
دكتور القلب مش بيعرف يعمل نظاره
بس عيب اوى فى حقه لو مسك كشف نظاره ومعرفش يفسره

انا عنفسى مؤمنه ومقتنعه بكل كلمه بدرسه مع انى مش من الناس الدحيحه ولا من الناس الموفقه فى تقديرها اوى
بس بحاول فعلا ان اكمل فى الطب زى ما انا تدخلته
دخلته بفكره معينه وبهدف محدد

اما بالنسبه لمسال التجديد و الاب ديت دى بجد بقت معاناه
لما الدكتور لمجرد انه عاوز يتقال انه نزل احدث حاجه
ينزل حبه ورق انا عن نفسى اقدر اراهن اذا كان هو عارف فيهم حاجه الا العنوان
لانهم من النت طبعا

لما نطلب منطلبش مدينه فاضله
بس نحدد حاجات محدده وفى قدرة الناس تغيرها ونقول احنا عاوزين كذا وكذا وكذا



وانا بجد لو هطلب تغير شىء فى الكليه يبقى اول حاجه اطلبها هو اتحاد كليه قوى
لان لو فيه اتحاد طلاب قوى متهيالى هيفرق اوى
هيفرق لما صوتك يبقى مسموع
هيفرق لما تحس انك تقدر تغير
واكيد طبعا انا مش محتاجه اتكلم عن انتخابات الاتحاد مش لان بصراحه كل اللى اعرفه عنها تخيلات فقط وسمع من بعيد

لكن عمرى ما عرفت ميعادها ولا مكانها ولا اديت صوتى فيها بس دايما بتفاجىء- بس مش اوىيعنى- بالناس اللى نجحت وموقفهم تجاه اى شىء وابسط الاشياء هو جدول الامتحانات
الرجوع الى أعلى الصفحة اذهب الى الأسفل
دكتور شاطر
|مشرف|
|مشرف|
avatar

عدد الرسائل : 6294
العمر : 28
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: هل وجدت الطب كما كنت تتمنى؟   الأحد 29 أغسطس 2010, 6:13 pm

أولا:- جزاكم الله خيرا على التعليق....وأكيد ممكن كل شخص مننا يقول صواب......وممكن يقول خطأ


princess كتب:
هو لو اتغير العنوان ويبقى

هل وجدت الطب كما كنت تظن او تعتقد؟؟؟؟؟؟؟؟؟؟؟؟؟؟

هقول لحضرتك اه فعلا وجدته كده

وجدته تعليم مهنه راقيه محتاجه مجهود جامد جدا
مش بساط سهل هعديه وانا مغمضه
عند حضرتك حق


لقيت الكليه زى ما انا اعرف عنها انها كليه بتدينى اساسيات المهنه بس
ودى اللى حضراتكوا بتقولوا عليها تراث ومفيهاش ابديت
وانا عليا طول الوقت انى اعرف بنفسى اكتر واقرا اكتر
ده مش أساسيات يا دكتورة
ده علم كبير اوى اوى.........
أعتقد انه يتعدى كلمة أساسيات بمراحل
اما تعليقنا عن اننا ساعات الدكاترة بيقولوا حاجات قديمة.....فطبعا تعليقا على حاجات معينة....ومقلناش اننا كل حاجة قديمة.....لالا
احنا بنقول فيه حاجات ملهاش لازمه اننا نعرفها مادام انقرضت خلاص.......ليه نضيع وقت فيها؟؟
يعنى يا دكتورة لو فيه عملية كانت بتتعمل...واصبحت ممنوع عملها لضررها.....وفيه عمليه جديدة.....ليه يبقى الدكتور وظيفته انه يقعد يشرحلى العملية القديمة اللى مش بنستخدمها؟؟......ويقولى ابحث انت بقى عن الجديد؟؟......ليه مش يبقى العكس؟؟


ودا طبعا مش معناه انى مؤيده تماما لطريقه كل الدكاتره بس دا عنصر بشرى
والعنصر البشرى وارد فيه دايما الخطا
بس متهيالى الكليه فيها عناصر بشريه كتييييير ممتازه بس تقريبا محدش بيحب يذكرهم
عند حضرتك حق.......... فيه دكاترة فعلا هم اللى مصبرين الواحد......وطبعا اى مكان فيه الجيد وفيه السىء
لكن الاهم ان السىء يحاول يحسن من نفسه.....مش يتمادى فيه...

اما بالنسبه للمواد فانا مش متفقه مع الدكتور سرور المنتدى مع احترامى لرايه
واحترامى لرأيى حضرتك طبعا
بس متهيالى يادكتور ان شاء الله يوم ما تتخرج وتشتغل هتعرف قيمه الحاجات دى اوى
هتعرف لما حاله تجيلك ايه قيمه انك درست اناتومى وتعرف انت ايه اللى قدامك وانت بتكشف على ايه
هتعرف قيمته لما تمسك فى ايدك تقرير باثولجى لمرض وتبقى فاهم انت بتقرا ايه
دكتور القلب مش بيعرف يعمل نظاره
بس عيب اوى فى حقه لو مسك كشف نظاره ومعرفش يفسره
انا قولت فى كلامى.......لازم نأخد المواد دى......عشان لو مأخدناش المواد دى....ياترى لما اروح الباطنة ويقول الدكتور بنعمل كذا فى الغدة الدرقية.......هعرف منين الغدة دى؟؟
لكن كلامى على طريقة تقديم المنهج والكمية اللى فيه........ كمية عاوزه جبل يحملها......
ليه مش المطلوب مننا مثلا نعرف اسم المرض بس؟؟......ليه لازم نقلد اللى فى الخارج....ونعرف ميت اسم للمرض زى ال Syndrome وغيره
يا دكتورة......احنا بندخل للدكتور فى الشفوى.....يقول لنا عاوز الكلمة اللى بحبها.......ده نظام تعليم ده؟؟
هو فيه طب الدكتور(فلان) وطب الدكتور (فلان)
كل دكتور بيدرس المنهج من وجهة نظره
ياترى فين الطب اللى ممكن ننافس به الناس اللى بره؟؟
اما عن تقرير الباثولوجى......حضرتك امسكى تقرير ووزعيه على مدرج رابعة وخامسة وسادسة......وشوفى نسبة اللى هيعرفوا فيه؟؟
واعملى حضرتك نسبة وتناسب بين مدى اجابة الناس على التقرير..... والوقت اللى اخدناه عشان نعرف اللى فى التقرير......ومتأكد ان شاء الله ان المعظم لا يفقه شىء فى التقرير لأنه بكل بساطة عمره ما شافه قبل كده
حتى احنا فى الكلينيكال باثولوجى السنة دى.....المفروض نعمل زى مثلا القاهرة وعين شمس.....يجيبوا مثلا تقرير ويشرحوا لنا عليه....ونمتحن عليه
لكن امتحان عبارة......عن ...احفظ الكلمتين النظرى.....روح الامتحان اكتبهم
وكذلك كشف النظارة.....حضرتك وزعى كشف نظارة......وشوفى كم واحد هيعرف يقراه......ونعمل نسبة وتناسب
يا دكتورة لو كان الهدف ان اخد 600 صفحة.....يطلع بهم 20 دكتور امتياز(اقصد مهنة وعمل وليس فقط تقدير دراسى)......ليه مش يبقى 200 صفحة يطلع بهم 200 دكتور جيد جدا ؟؟
مناهجنا معظمها حشو يا دكتورة
يا دكتورة لما تيجى تحضرى......هتعرفى انك نسيتى الحاجات اللى ذاكرتيها تماما
هو انا لما يكون عندى مادة 600 صفحة..... وارجع اذاكرها فى التحضير الافى نفسى فاكر 50 ولا 100 صفحة منها......يبقى كده انا كويس.....ويبقى كده انا استفدت من المادة اللى ضيعت سنة كاملة فيها؟؟
ليه مش يبقى التخصص من الاول.....يبقى زى ما قالوا الدكاترة سنة مثلا اعدادى
وبعدين تخصص
يبقى انا هدرس مثلا تخصص اطفال
اخد اللى يهمنى من التشريح لها......ومفيش مانع اطلاقا اننا ناخد باقى التشريح......بس مش بنفس المستوى والكمية
واخد اللى يهمنى من الباطنة
والفارما
والبارا
وهكذا؟؟
ليه ميتعملشى نظام زى ده؟؟
يمكن انا او حضرتك منقدرشى نتصور كيفية تطبيق النظام ده......لكن المفروض فيه هيئات تعليمية واحصائية شغلها هو الحاجات دى

انا عن فسى مؤمنه ومقتنعه بكل كلمه بدرسه مع انى مش من الناس الدحيحه ولا من الناس الموفقه فى تقديرها اوى
بس بحاول فعلا ان اكمل فى الطب زى ما انا تدخلته
دخلته بفكره معينه وبهدف محدد
لو حد فينا مش مقتنع باللى بيدرسه.........يبقى يطلع من الطب احسن
عندك حق طبعا يا دكتورة
وبكرر كلامى
مش معنى كلامى اننا لو قللنا المناهج.....انها مش مهمه.....اطلاقا.......ولكن كل حاجة فى وقتها
ما هو يا دكتور كل كلمة مهمة فى الطب.....والله العظيم كل كلمة
لكن لو طبقنا ده.......يبقى كل حاجة بقى لازم ياخدها طالب الطب...ومش يبقى فيه ولا ماجيستير ولا دكتوراة
هو احنا يا دكتورة لما بناخد الجمع والطرح فى اولى وتانيه ابتدائى.....هل ده معناه ان جدول الضرب اللى فى ثالثة ورابعة مش مهم؟؟......ولكن ترتيب اوليات وخطة موضوعه


اما بالنسبه لمسال التجديد و الاب ديت دى بجد بقت معاناه
لما الدكتور لمجرد انه عاوز يتقال انه نزل احدث حاجه
ينزل حبه ورق انا عن نفسى اقدر اراهن اذا كان هو عارف فيهم حاجه الا العنوان
لانهم من النت طبعا
وازاى حضرتك بقى بتقولى نبحث احنا كمان.....اذا كان الورق نازل وحضرتك بتقولى عليه صعب؟؟
( وده علينا كلنا على فكرة .....مش حضرتك بس)
ماهو ده اللى بقول عليه.....الدكتور مش عاوز يجدد من نفسه......ولكن عاوز يجدد من الطلبه فقط وبيرمى كل الحمل عليهم.......وده خطأ........لازم الدكتور يكون مثل لى فى الحاجات دى......على الاقل اكون عارف انه عارف المعلومة اللى انا هذاكرها دى.....مش ابقى حاسس انى احسن منه....وده بيضيع الثقة فى الدكتور اللى امامى

لما نطلب منطلبش مدينه فاضله
بس نحدد حاجات محدده وفى قدرة الناس تغيرها ونقول احنا عاوزين كذا وكذا وكذا
هو احنا يا دكتورة بكده بنطلب مدينة فاضلة؟؟

والله يا دكتورة احنا ماشيين بالبركة
المفروض يتعمل كل سنة استفتاءات واحصائيات وتجديد....لكن احنا ماشين كده.......اللى جاى يهد اللى عمله اللى قبله.....والجديد يخترع حاجة يجعل دفعه بأكلمها تندم انها دخلت طب
حتى فى تطبيق الجديد......معندناش استعداد اننا نتقبل الاخطاء او التجديد......بنطبق الحاجة الجديدة قبل دراستها.....وقبل معرفه هل هى تتوافق مع المكان ده ولا لأ؟؟




وانا بجد لو هطلب تغير شىء فى الكليه يبقى اول حاجه اطلبها هو اتحاد كليه قوى
لان لو فيه اتحاد طلاب قوى متهيالى هيفرق اوى
هيفرق لما صوتك يبقى مسموع
هيفرق لما تحس انك تقدر تغير
واكيد طبعا انا مش محتاجه اتكلم عن انتخابات الاتحاد مش لان بصراحه كل اللى اعرفه عنها تخيلات فقط وسمع من بعيد
ربنا يسهلهم


لكن عمرى ما عرفت ميعادها ولا مكانها ولا اديت صوتى فيها بس دايما بتفاجىء- بس مش اوىيعنى- بالناس اللى
نجحت وموقفهم تجاه اى شىء وابسط الاشياء هو جدول الامتحانات
هو ده اللى عاوز يتصلح بس؟؟
عارفه حضرتك لو ده بس اللى عاوز يتصلح.........يبقى احنا كده فى مدينة فاضلة فعلا


اسعدنى تعليق حضرتك
ويارب تكون وجهة نظرى وصلت
وانا مجرد بقول وجهة نظرى.....مش حكاية انى لازم افرضها على حد
وممكن تكون صح......وممكن تكون غلط......وممكن تكون صح وعاوز تعديل بسيط
ويارب يجعل كلامنا خفيف عليهم

الرجوع الى أعلى الصفحة اذهب الى الأسفل
http://www.islamweb.net
princess
عضو ماسي
عضو ماسي
avatar

عدد الرسائل : 1570
العمر : 27
الوظيفة : need to support
تاريخ التسجيل : 27/11/2008

مُساهمةموضوع: رد: هل وجدت الطب كما كنت تتمنى؟   الأحد 29 أغسطس 2010, 9:27 pm

اكيد وجهة نظر حضرتك يا دكتور سرور المنتدى وصلت
وانا متشكرا جدا لاهتمام حضرتك وردك

بس برده اقتبس من كلام حضرتك
انهم لما علمونا الجمع والطرح فى ابتدائى دا اكان اساس وكان لحكمه
دى برده وجهة نظرى فى الدراسه رغم انها فى حاجات قديمه


يعنى انا لما كنت فى ثانوى لما كنت بقف فى مساله ومش معايا اله حاسبه
كنت بضطر غصب عنى ابدا العمليات الحسابيه من الاول(دا كان الشائع بحكم انا بيتنا حسابى بحت ومن اعداء الاله الحاسبه Very Happy )
لما كنت اقف فى مساله فزيا كنت اجيب القانون من الاول

دا اللى انا اقصده
ان احنا بناخد الاساس دلوقتى ومحدش يقدر يقول انه حشو او ملوش لزمه
لان بعد كده لو حضرتك وقعت فى مشكله تشخيص هتلاقى نفسك بتجيب الحكايه من الاول
انتومى وباثولجى وبطنه وكل حاجه
هتلاقى نفسه عايز تعرف اساس الفكره ايه علشان تعرف تبنى عليه
علشان تعرف تبتكر على اساسه
وعادى جدا يا دكتور ان حضرتك تنسى احنا بشر
بس المهم بقى انك لما تزاكر المعلومه كويس لما ترجعلها تفتكرها بسرعه
فهو احنا لازم نرجع للمعلومات دى
مش عاوزين نزاكرها ونرميها وطول العمر ونحاسب الناس ونقول اننا بننسى
مهى لو معلومه واحد وحضرتك مرجعتهاش هتنساها
ا

دا قصدى ويارب يكون وصل



اما بقى بالنسبه لحكايه ان حضرتك بتقول ان معظم الناس متعرفش تقرا تقرير بثولجى او كشف نظاره
مع احترامى الكامل لحضرتك المعلومه دى مش صح اوى يعنى
كلنا بنعرف نقرا تقارير
وكلنا اتعلمنا ازاى نعرف نقرا كشف نظاره

مع العلم ان الدراسه فى الكليه دى عند ناس كتير اولويات
يعنى ناس اولوياتها الحفظ والتقدير فقط وناس اولوياتها العملى فقط وناس ما شاء الله عليهم وربنا يبارك فيهم بتجمع بين الاتنين

بس والله انا قابلت فى الكليه دى ناس بجد بكنلها كل احترام
واكيد بردوا الواحد تحت ضغط الدراسه لازم يذم ويقول انه مش طايق الكليه ولا نفسه اصلا
Very Happy


وبالنسبه للاتحاد هو اول حاجه جت على دماغى لان لو حضرتك بصتلها هتلاقى ان لو طلبه الاتحاد كويسين
هيبقوا صوتى وصوت حضرتك وصوتنا كلنا عند الناس الكبيره
هتلاقى انك لما تقول كلمه وانت مكانك تبقى الكلمه دى مسموعه مش بتكلم نفسك
تلاقى ان رايك بجد بيغير ولو مش بيغير هو على الاقل بيتسمع

دى كانت وجهة نظرى وبرده ممكن تحتمل الصواب
واحتمال كبيييير تحتمل الغلط
الرجوع الى أعلى الصفحة اذهب الى الأسفل
دكتور شاطر
|مشرف|
|مشرف|
avatar

عدد الرسائل : 6294
العمر : 28
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: هل وجدت الطب كما كنت تتمنى؟   الإثنين 30 أغسطس 2010, 1:08 am

princess كتب:


بس برده اقتبس من كلام حضرتك
انهم لما علمونا الجمع والطرح فى ابتدائى دا اكان اساس وكان لحكمه
دى برده وجهة نظرى فى الدراسه رغم انها فى حاجات قديمه
لا دى مش حاجات قديمة يا دكتورة.....دى اساس وثابت
انا قولت القديم....ان عملية كانت بتتعمل ومش بقينا نعملها....يعنى لم تعد تستخدم
لكن الجمع والطرح هل مبقاش حد يستخدمه؟؟.......لا طبعا
ده مش شكل ده خالص


يعنى انا لما كنت فى ثانوى لما كنت بقف فى مساله ومش معايا اله حاسبه
كنت بضطر غصب عنى ابدا العمليات الحسابيه من الاول(دا كان الشائع بحكم انا بيتنا حسابى بحت ومن اعداء الاله الحاسبه Very Happy )
لما كنت اقف فى مساله فزيا كنت اجيب القانون من الاول
طب وهو ده ايه علاقته باللى بنقوله؟؟
هو انا لما عملية تقف قدامى.....هفتكر العملية القديمة كانوا بيعملوا فيها ايه؟؟....طب ما هو خلاص منعوها عشان ضررها.....تمام يا دكتورة؟؟



دا اللى انا اقصده
ان احنا بناخد الاساس دلوقتى ومحدش يقدر يقول انه حشو او ملوش لزمه
لان بعد كده لو حضرتك وقعت فى مشكله تشخيص هتلاقى نفسك بتجيب الحكايه من الاول
انتومى وباثولجى وبطنه وكل حاجه
هتلاقى نفسه عايز تعرف اساس الفكره ايه علشان تعرف تبنى عليه
علشان تعرف تبتكر على اساسه
وعادى جدا يا دكتور ان حضرتك تنسى احنا بشر
بس المهم بقى انك لما تزاكر المعلومه كويس لما ترجعلها تفتكرها بسرعه
فهو احنا لازم نرجع للمعلومات دى
مش عاوزين نزاكرها ونرميها وطول العمر ونحاسب الناس ونقول اننا بننسى
مهى لو معلومه واحد وحضرتك مرجعتهاش هتنساها
دا قصدى ويارب يكون وصل
من واقع تجربتى وتجربة ناس كتير.......اننا مثلا لو أخدنا فى مذاكرة معلومة فى اول سنة 10 دقائق...بنرجع نذاكرها لو تركناها لآخر السنة 10 دقائق برده...او ممكن 8 دقائق عشان هنكون رتبنا امورنا وخططنا الكتاب
ما بال حضرتك بقى.....ب باثولوجى خلصتيه فى سنة ثالثة.....وهتحضريه بعد التكليف ( يعنى مر عليه ما لا يقل عن 6 او 7 سنوات)...ده مثال لمادة....مش لازم الباثولوجى يعنى



اما بقى بالنسبه لحكايه ان حضرتك بتقول ان معظم الناس متعرفش تقرا تقرير بثولجى او كشف نظاره
مع احترامى الكامل لحضرتك المعلومه دى مش صح اوى يعنى
كلنا بنعرف نقرا تقارير
وكلنا اتعلمنا ازاى نعرف نقرا كشف نظاره
حضرتك شايفه كده؟؟
كلنا بنعرف نقرا تقارير؟؟
ممممم
يبقى انا لوحدى بقى اللى مش بعرف اقرا

يمكن كلام حضرتك صحيح وانا مش حاسس به
هقولك حاجة يا دكتورة.......كنت واقف مرة فى استقبال القصر......واقفين شوية مع الدكاترة اللى هناك......لقينا رسم قلب كده محطوط على الطرابيزة......قولنا نقراه....لقينا الدكتور بيقول مبقناش نعتمد عليه وكده ولا مديله اى اهتمام.....وتقريبا مش عارف يقراه
ياترى ده الطب اللى بنتعلمه؟؟
انا مع حضرتك ان الخطأ الاول على الدكتور اللى مذاكرشى ال اى سى جى
لكن برده الغلط على الدكتور اللى علمه....ومش قاله له ...انت مطلوب منك دلوقتى كذا وكذا...
عشان كده هتلاقى دكتور طالع عارف عملية مش عارف ايه......ومش بيعرف يعطى حقنه او مش بيعرف يقرأ اى سى جى...مع انها اساسيات
هو كان كل همه فى الدراسة.......ان الدكتور الفلانى شرح لنا كذا وركز على كذا.....يبقى ده المهم
وزى ما قولت المسئوليه مشتركة
لكن بنعاتب المؤسسة التعليمية لأنها هى صاحبة القرار والتغير
لما تعرفى ايه الحد الادنى لى....للمعرفة فى سنة اولى وتانيه وهكذا
هبقى خارج من السنة الدراسية وعارف انا حققت قد ايه من الواجب عليا
مش هبقى خارج بشوية معلومات على ورق....يا عالم اشوفهم امتى تانى

وبرده ارجع واقول.............كم واحد هيعرف يقرأ تقرير الباثولوجى وكشف النظارة؟؟...على فكرة ده كمثال يا دكتورة.......لكن فيها اساسيات كتيييييييييييييرة غايبة عننا
دا احنا يا دكتورة عشان نشعر اننا دكاترة...بنروح ناخد دورة اسعافات....ولما بناخدها بنحس اننا فعلا اتعملنا حاجة....رغم اننا طول السنين قاعدين نحفظ......لكن فرحى انى اعرف ادى حقنة واحس انى ممكن اساعد واحد.....اكبر كتييييييييييييييييييييير من فرحى انى حافظ كتاب القسم


مع العلم ان الدراسه فى الكليه دى عند ناس كتير اولويات
يعنى ناس اولوياتها الحفظ والتقدير فقط وناس اولوياتها العملى فقط وناس ما شاء الله عليهم وربنا يبارك فيهم بتجمع بين الاتنين
وفيه ناس والله ما عندها اولويات..... وداخلين كده تقضية وقت......وربنا يستر علينا كلنا من الناس دى فى المستقبل



بس والله انا قابلت فى الكليه دى ناس بجد بكنلها كل احترام
واكيد بردوا الواحد تحت ضغط الدراسه لازم يذم ويقول انه مش طايق الكليه ولا نفسه اصلا
Very Happy
خير ان شاء الله
الكلية دى من احسن الاماكن بجد اللى الواحد بيحب يروح لها
سواء تعليم او اصحاب او انشطة
مش معنى ان الواحد زهقان من طريقة التعليم.......يبقى زهقان من التعليم نفسه.....التعليم ده حاجة جميلة بجد
اليوم اللى بيعدى على الواحد من غير ما يذاكر.......يفرق كتيييييييييير اوى عن اليوم اللى يعدى على الواحد وهو بيذاكر


وبالنسبه للاتحاد هو اول حاجه جت على دماغى لان لو حضرتك بصتلها هتلاقى ان لو طلبه الاتحاد كويسين
هيبقوا صوتى وصوت حضرتك وصوتنا كلنا عند الناس الكبيره
هتلاقى انك لما تقول كلمه وانت مكانك تبقى الكلمه دى مسموعه مش بتكلم نفسك
تلاقى ان رايك بجد بيغير ولو مش بيغير هو على الاقل بيتسمع
دى كانت وجهة نظرى وبرده ممكن تحتمل الصواب
واحتمال كبيييير تحتمل الغلط

بلاش اعلق بقى........أحسن زمايلنا برده فى الاتحاد
والله فيه ناس محترمة جدا جدا فى الاتحاد
وناس كتيرة فيهم عاوزة تغير
وناس برده يهمها مصلحتها
لكن كله له حدود



الواحد بيكتب كتير عشان فاضى بقى ويعتبر خلص امتحانات
وربنا يبارك فيكم جميعا......ونشوفكم (ونشوف نفسنا برده) دكاترة رافعين راس بلادنا(لو كان لها راس) والاسلام
سلام عليكم
الرجوع الى أعلى الصفحة اذهب الى الأسفل
http://www.islamweb.net
AL- H A K I M
عضو سوبر
عضو سوبر
avatar

عدد الرسائل : 362
العمر : 26
الوظيفة : مجاهد في سبيل "الله"
تاريخ التسجيل : 23/05/2008

مُساهمةموضوع: رد: هل وجدت الطب كما كنت تتمنى؟   الإثنين 30 أغسطس 2010, 4:54 am

AL- H A K I M كتب:


لازم تبقوا عارفين إن من سنين قليلة كان فيه طلبة زينا كده
متضايقين من نظام التعليم .... و كان نفسهم يغيروا
بس الطلبة دول -ربنا يكرمهم- ما كانوش بيقولوا شعارات بس
لأ ... الطلبة دول هما اللي قدروا بعد عناء ينشئوا لينا لجنة اسمها

"اللجنة الطلابية للجودة"


ما كانش ينفع أقول الكلمتين دول من غير ما أقول أسماء هؤلاء الرواد
اللي أنشئوا القلعة العظيمة دي ... و لسه بيدافعوا لغاية دلوقتي
و أنا قاصد إني أحط أسماءهم في رد لوحده ... و دي أقل حاجة
حيوا معايا الأسماء الخالدة الكبيرة دي:


محمد أبوشادي

محمد قورة

أحمد أبوعياد


للمرة التانية ... لا تخذلوهم
الرجوع الى أعلى الصفحة اذهب الى الأسفل
http://gigapedia.com/
Yota Ahmed
|مشرف|
|مشرف|
avatar

عدد الرسائل : 3735
العمر : 27
الوظيفة : .
تاريخ التسجيل : 11/06/2008

مُساهمةموضوع: رد: هل وجدت الطب كما كنت تتمنى؟   الأحد 05 سبتمبر 2010, 1:01 am

طيب ايه الخطوات الى المفروض تتعمل بعد كده ان شاء الله؟
الرجوع الى أعلى الصفحة اذهب الى الأسفل
ابنه الصيدليه70
عضو فعال
عضو فعال
avatar

عدد الرسائل : 296
العمر : 26
محل الاقامة : علي ارض الكنانه
الوظيفة : doctor ISA
تاريخ التسجيل : 21/05/2010

مُساهمةموضوع: رد: هل وجدت الطب كما كنت تتمنى؟   الأربعاء 08 سبتمبر 2010, 1:10 am

قلبى وقف لله تعالى كتب:
الطب كان حلم
ومحدش غصبنى انى ادخله
بس كنت فاكراه حاجه تانيه
للاسف فعلا ملقيتوش زى ما كنت بحلم بيه وزى ما كنت فاكراه
بس عندى امل فى التغيير
واهم حاجه نتحول من طلبه هدفنا الحفظ والدرجات لدكاتره نشعر بالمسؤليه تجاه انفسنا وتجاه المريض الى قدامنا ونتعلم skills صح بحيث نقدر نفيد الناس بابسط المهارات الى المفروض تبقى عندنا
وان شاء الله خير
الرجوع الى أعلى الصفحة اذهب الى الأسفل
 
هل وجدت الطب كما كنت تتمنى؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: