البوابةالرئيسيةس .و .جبحـثالتسجيلدخول





شاطر | 
 

 على فكرة:بحب مصر وبحب حسني مبارك

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5  الصفحة التالية
كاتب الموضوعرسالة
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: على فكرة:بحب مصر وبحب حسني مبارك   الإثنين 29 مارس 2010, 12:58 am

السلام عليكم ورحمة الله و بركاته
سيدي الرئيس حمد لله على سلامة حضرتك ، أمي قالتلي إمبارح إنك رجعت بالسلامة ، كانت بتدعيلك و قالتلي انك فكرتها بباباها الله يرحمه .
المهم مش هطول عليك ، ماما قلتلي إنك روحت شرم الشيخ عشان فترة النقاهة .
أنا كمان روحت قضيت إجازة في فيرجن أيلاندز ،، كانت حلوة أوي يا ريس ، طبعاً شرم الشيخ أحلى ، بس صراحة فيرجن أرخص .. أصل يا ريس شرم غالية أوي على المصريين ، يللا معلش كله فدا السياحة .
أنا قلت لماما إن الصحافة الأمريكية مش عاجبها إنك مروحتش القمة العربية ، قلتلي دول مفتريين هو قادر خالص ، ده لسة عيان وخارج من المستشفى ، وبعدين ماهو نظيف راح ،، قلتلها والله ما فارقة .
أصل أمي بتحبك أوي يا ريس بتقول إنك عشرة بردو والعشرة متهونش إلا على الناس الوحشين .
إوعى تكون زعلت مننا عشان عايزين ريس مش من العيلة ، ما أهو أصل إحنا يا ريس نفسنا ربنا يساعدنا و أنت كمان تساعدنا و نتعلم يعني إيه تداول سلطة ، زي بلاد برة كده يا ريس .
ماخبيش عليك يا ريس أنا نفسي الناس اللي بالي بالك ياخدوا حالهم ومالهم كدة ويرحلوا في اليخت بتاعهم زي الملك فاروق الله يرحمه.

أنا عارفة يا ريس إن أنت زينا مش عارف جمال ناوي يرشح نفسه ولا لأ ، بس أحملك أمانة يا ريس لو هيرشح نفسه إحكيلو عن حالنا . أصل ساعات بحس إنه مش زينا كدة ، بحس إنه فعلاً إبن ريس من الأكابر، دة مش عيب بس لازم برضو يحس بينا . مش إحنا كمان عشرة يا ريس ؟!!
و أنت أكيد عارف إن المشاكل لما بتتقري غير لما تتحس و تتعاش يا ريس ، يعني قراية تقارير مياه الشرب الملوثة المختلطة بمياه المجاري مش زي شربها . ربنا يعافينا و يعافيك .
بقول لسيادتك إيه يا ريس ، ما تكسب فينا ثواب و تعدلنا الدستور ، أنا طبعا فاهمة ومدركة إن دة مش تغيير سهل ، بس والله نقطة تتحسبلك لو عملتها ، وهتجيب جون في المعارضة، وهتقطع لسان الناس كلها .
مش هطول عليك بقى ، أصل أنا عندي امتحانات و أنت أكيد مش قادر تقرى كل الدش بتاعي ،، خالي بالك من نفسك .
بالمناسبة أمي بتقلك إنها عيطت لما شافتك عيان ، وبتقوللي إنك قلت للدكتور نظيف إنها كانت علقة سخنة ، وبتقوللي أدعيلك ، أنا هدعيلك يا ريس و ده وعد مني .. هيا قالتلي ده الواحد عنده بنتين ومبينامش الليل أومال اللي عنده ٨٠ مليون بيعمل إيه !! . أنا مش هرد، رد أنت عليها يا ريس .
و تحياتي لماما سوزان ..
سلام
آه قبل ما أمشي مبروك على فريدة ،، تتربى في عز الشعب ..
سلمى بنت الناس الطيبين



عدل سابقا من قبل Mahmoud Ramzy في الأربعاء 07 أبريل 2010, 1:48 am عدل 6 مرات
الرجوع الى أعلى الصفحة اذهب الى الأسفل
اعقلها وتوكل
:: عضو مثقف ::
:: عضو مثقف ::
avatar

عدد الرسائل : 4488
العمر : 29
الوظيفة : سبحان الله وبحمده سبحان الله العظيم
تاريخ التسجيل : 18/07/2009

مُساهمةموضوع: رد: على فكرة:بحب مصر وبحب حسني مبارك   الإثنين 29 مارس 2010, 2:10 am

سلمي دي هيعتقلوها اول ما ترجع مصر ..
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: على فكرة:بحب مصر وبحب حسني مبارك   الإثنين 29 مارس 2010, 2:32 am

واحنا اول منرجع مصر ان شاء الله
هنبقا اخر انبساط
صدقوني
بجد محدش فيكو نفسو يرجع معانا مصر
الرجوع الى أعلى الصفحة اذهب الى الأسفل
Not all lub-dubs R alike
الريشة الفضية للمنتدى
الريشة الفضية للمنتدى
avatar

عدد الرسائل : 3034
العمر : 26
الوظيفة : -
تاريخ التسجيل : 26/12/2009

مُساهمةموضوع: رد: على فكرة:بحب مصر وبحب حسني مبارك   الإثنين 29 مارس 2010, 8:15 pm

احم احم


هو الكلام ده بجد

اصلى مش مصدقة ان جراتها توصل للدرجة دى

شكلها كده مش ناوية ترجع مصر
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: على فكرة:بحب مصر وبحب حسني مبارك   الإثنين 29 مارس 2010, 11:08 pm

يرحمنا ويرحمكم الله
طبعا الكلام دا بجد
وشكلنا احنا كمان مش ناويين نرجع مصر
ولا ايه؟
حد راجع مصر معانا؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: على فكرة:بحب مصر وبحب حسني مبارك   الإثنين 29 مارس 2010, 11:28 pm

مصر....سمعت الاسم دا فين قبل كدا ؟؟؟؟

مش دى بلدنا برضو !!!
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
محمود الحسن
|مشرف|
|مشرف|
avatar

عدد الرسائل : 1828
العمر : 31
محل الاقامة : الباجور
الوظيفة : طالب
تاريخ التسجيل : 03/04/2007

مُساهمةموضوع: رد: على فكرة:بحب مصر وبحب حسني مبارك   الثلاثاء 30 مارس 2010, 12:28 am

كلام عيال

_________________
الأهلي فريق يعمل بصمت .....ويعد بما يستطيع....ويرفع شعار...لا للعشوائية
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: على فكرة:بحب مصر وبحب حسني مبارك   الأربعاء 31 مارس 2010, 12:10 am

[quote="محمود الحسن"]
كلام عيال
اختلف معاك
اسلوب نقدي ساخر معبر جدا جدا جدا جدا ومعبر عن واقع اليم لا تملك الا ان تسخر منه وجبروت مصمميه
واقصد الواقع طبعا
تيجي معايا نغير الواقع
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: على فكرة:بحب مصر وبحب حسني مبارك   الأربعاء 31 مارس 2010, 12:48 am

ابراهيم عيسى من أول السطر :
سيناريوهات مابعد النقاهة

أمام الرئيس أكثر من سيناريو تدفعها الظروف السياسية والصحية

تنسَّم مبارك أمس الأول هواء شرم الشيخ الذي يحمل له ذكريات المجد والبطولة علي أرض سيناء التي قاتل عليها مع قادة وجنود مصر العظام استردادًا للسيادة والكرامة المصرية ضد عدو إسرائيلي غاشم ومحتل، من المؤكد أن صورًا من أيام بعيدة جاءته وهو فوق سماء سيناء فعاد بذاكرته إلي الساعات التي كان يقود فيها طائرة حربية تحمل الذخيرة أو تستطلع الأرض المحتلة، أو يركب فيها معه جنود مقاتلون مستعدون للتضحية والشهادة من أجل وطنهم الغالي، أكيد وهو يهبط إلي شرم الشيخ بالطائرة مرت في وجدانه مشاهد من هذه المدينة التي بدأت برعايته وآثرها علي غيرها من المدن في مصر، فكان صعودها في عالم السياحة والسياسة والمنتجعات علامة علي ثبات حكمه وتمكن رئاسته، الساعات التي أمضاها الرئيس بعيدًا في مستشفي غريب في بلد غريب أخذه لأسابيع لا يشم فيها عطر بلده ولا رائحة وطنه ويقسو عليه المرض بغربة المكان ووحشة المستشفيات، فرغم صحبة العائلة ورعاية الأطباء فإنه لا شيء يساوي بيت الرجل وبلده، من المؤكد أن هذه الساعات قد تركت فيه شجنًا وحنينًا وشوقًا وتأملا.. وقرارات!

الآن مع إحساس الرئيس بشفاء روحه حين عاد لوطنه وبعافيته وصحة بدنه لما رأي رجاله ورفاقه واطمئنانه علي وجوده فوق أرض أحبها ومنحته مجدًا وعزًا وعزوة ونفوذًا، لعله يسأل نفسه السؤال الكبير: ما المهمة الأصعب الآن بعد غيابٍ هو الأطول في حياته الرئاسية عن أرض الوطن؟

الرئيس مبارك مهما عارضنا سياسته بكل قوة واختلفنا معه كثيرًا - ولعله دائمًا - فهو رجل وطني ورجل دولة مسئول وضميره كجندي مشغول بالواجب والرسالة، ومن هنا تبدو خطوات الرئيس القادمة خلال فترة النقاهة وما بعدها مهمة وخطيرة، وفي القلب منها ملف مستقبل الحكم، وأمام الرئيس أكثر من سيناريو تدفعها الظروف السياسية والصحية أو المحيطون به والمتحلقون حوله أو مهام الدولة وتحديات المشهد الدولي.

الأول: عدم الترشح لانتخابات الرئاسة القادمة في 2011، ومن ثم الاستغراق في الفترة القادمة لإعداد المسرح لـ :

أ- تعيين نائب للرئيس يكون في هذه الحالة المرشح الرئاسي للانتخابات القادمة عن الحزب الوطني (وهو أمر سيقود لاستقرار يحبه الرئيس ولعله لم يحب شيئًا مثله علي مدي رئاسته).

ب- تمهيد الساحة لتوريث الرئاسة لابنه جمال عبر الحصول علي توافقات من رجال الحكم والمؤسسات الحيوية (وهو ما سيرفع درجة الغليان في دوائر السلطة وتلك المؤسسات كما داخل الشارع، ويرفع درجة القلق الدولي علي الاستقرار في مصر خصوصا أن كل التقارير في الإعلام الدولي أثناء فترة علاج الرئيس كانت تدور حول مصير الرئاسة في المرحلة القادمة).

الثاني: الاستجابة لتعديل محدود في الدستور يخفف من قيود الترشح للرئاسة ولا يلغيها ولا يفتحها كل الفتح فيسمح بظهور منافسين من خارج حلبة الأحزاب في الانتخابات القادمة، ويترك البلد لاختياره وإرادته لأول مرة منذ يوليو 1952(وهذا إجراء لا نتصور أن الرئيس كان من معجبيه ومؤيديه، فهو يهز في يقينه - حتي سفره لألمانيا - الاستقرار، ولكنه يوفر للرئيس فرصة تمرير ترشيح نجله أو دخول أحد غير نجله كمرشح للرئاسة عن الحزب الوطني ضمن تجميل الصورة الفرعونية التي يحفظها الجميع عن حكم مصر).

الثالث: إبقاء الوضع علي ما هو عليه حتي يأتي موعد الانتخابات القادمة ويبقي ساعتها يحلها الحلال سواء بأن يرشح الرئيس نفسه للفترة السادسة - وهي مسألة لم تعد مرجحة كالسابق - أو يستقر يومها علي مرشح حسب الظرف الداخلي والخارجي.

أي سيناريو سيختار الرئيس؟

من وجهة نظري هناك سيناريو أكثر احتمالاً من غيره، لكن الأهم - في الحقيقة - أن يقول الشعب لرئيسه بوضوح: ما السيناريو الذي يفضله المواطن للوطن بدلاً من انتظار ما سيختاره الرئيس للمواطن والوطن؟!

الرجوع الى أعلى الصفحة اذهب الى الأسفل
محمود الحسن
|مشرف|
|مشرف|
avatar

عدد الرسائل : 1828
العمر : 31
محل الاقامة : الباجور
الوظيفة : طالب
تاريخ التسجيل : 03/04/2007

مُساهمةموضوع: رد: على فكرة:بحب مصر وبحب حسني مبارك   الأربعاء 31 مارس 2010, 8:06 pm

السياسة أكبر من أن يتعامل معها الهواة مثل البرادعي ومثلها
وإن كانت هي فقط تلعب
وللبرادعي أجندة خاصة وُضعت له

_________________
الأهلي فريق يعمل بصمت .....ويعد بما يستطيع....ويرفع شعار...لا للعشوائية
الرجوع الى أعلى الصفحة اذهب الى الأسفل
question mark??
عضو ذهبي
عضو ذهبي
avatar

عدد الرسائل : 927
العمر : 27
محل الاقامة : in kind place
الوظيفة : trying to achieve our dream
تاريخ التسجيل : 10/11/2008

مُساهمةموضوع: رد: على فكرة:بحب مصر وبحب حسني مبارك   الأربعاء 31 مارس 2010, 10:24 pm


للأسف الشديد نحن امة تنساق وراء كل ما هو جديد
ليس املا فى مستقبل مشرق..ولكن
هروبا من واقع أليم
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: على فكرة:بحب مصر وبحب حسني مبارك   الجمعة 02 أبريل 2010, 10:59 pm

مختلف مع ارائكم جملة وموضوعا


هواة ايه واجندة ايه وننساق ايه بس


!!!!!!!!!!!!!!!!!!!!!!!!!!


حرام بجد


كفانا هذل


الحكم محتاج شروط ولكنه مش فيزيا


احنا ليه بنتصور انه حوار


ولو هو كذلك


الموجود فاشل بجدارة


ولو حد عايز يتناقش نمسكها قضية قضية ومشكلة مشكلة عشان نتوصل للفل الذريع اللي كلنا عارفينه وحاسين بيه
والا يبقى بنضحك على نفسنا
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: على فكرة:بحب مصر وبحب حسني مبارك   الجمعة 02 أبريل 2010, 11:17 pm

البرادعي ليس مرشحا رئاسيا

البرادعي يدعو لافكار للتغيير

لو حد معترض على حاجة من السبع افكار يقول:



-انهاء حالة الطواريء

-الرقابة على الانتخابات

-فرص متكافئة للمرشحين

-الانتخاب بالرقم القومي

-حق المصريين في الخارج في التصويت

-اشراف قضائي كامل على الانتخابات

-الحق في الترشح للرئاسة بدون شروط تعسفية


بس

المعترض يقول


وهاو دي عيب قوي ابقا خليها في سرك يا حودة

عشان لو قارنة بينه وبين اي حد هنقلع ناس كتييييييير
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: على فكرة:بحب مصر وبحب حسني مبارك   الجمعة 02 أبريل 2010, 11:22 pm

مصر اكبر من ادارتها بهذا المستوى الهذلي

قانون بيع اثار 


وملفات علاج على نفقة الدولة والناس بتصرخ


تعليم زي الزفت


طرق زي الطين


علاج الوزراء وزوجاتهم على نفقة الدولة والناس طظ


ويقولي لعب عيال


حرااااااااااااااااااااااااااااااااااام
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: على فكرة:بحب مصر وبحب حسني مبارك   الجمعة 02 أبريل 2010, 11:25 pm

لعب العيال والهواية هيا ما تدار به الازمات في مصر



سؤال والجايزة الف جنيه:





اذكر ازمة تمت ادارتها صح في مصر اخر عشر سنين مثلا؟



منتظر الاجابات
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: على فكرة:بحب مصر وبحب حسني مبارك   الجمعة 02 أبريل 2010, 11:25 pm

بعد قرار الحكومة بوقف الموبايل الصيني عشان هو مش مطابق للمواصفات، يا ريت الحكومة تقولنا إيه فى حياتنا مطابق للمواصفات، سجادة الصلاة ولا الموتوسيكل ولا الكمبيوتر ولا الملابس ... إلخ إلخ.
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: على فكرة:بحب مصر وبحب حسني مبارك   السبت 03 أبريل 2010, 12:09 am

الأجرة ١٠ جنيه يا سيد منك له




كان حاجباي كالعاده معقودان ضجرا وكانت سيارات الاجره تشحن الواحده تلو الاخري امام عيني دون حتي ان تصل اقدامي اليها
،وكان الركاب يخترقونها من كل منفذ عدا المقاعد الاماميه فهي دائما(محجوزه يابيه)وكنت اندهش واكن اندهاشي كان يزول حين المح الجميلات والجميلات فقط يحتلون المقاعد الاماميه.
وحدثت المعجزه ووجدت نفسي صدفه ودون مقدمات امام باب السياره الذي انفتح عن خلق تهبط،ولم يكن ممكنا ان اتحرك فخلفي مدافع تدفعني للركوب فجاهدت حتي وصلت وكنت اول الراكبين ولأني احيانا يعمل عقلي توجهت مباشرة الي المقعد الخلفي لعدة اسباب اولها ان ابتعد عن باب السياره (زي ماقالت ستي ماتقعدش جنب الباب ولا الزير)وثانيها لابتعد عن حوارات لم الأجره فلا مكان لتباع او صبي ، واهمها لأنه أكثر المقاعد اتساعا حين تزيد الحموله عن 18 راكب.
ياااااه كم هو احساس جميل ان تستقر في مواصله هذه الأيام ، ولكن ما ان استقام ظهري المنهك علي المسندحتي اتي صوت السائق
_الاجره 10جنيه يابهوات وبنقول قبل مانتحرك
_بعض الركاب: يا اسطي حرام عليك الاجره3.5جنيه ليه بس الاستغلال ده(طبعا كانت _الاستغلال ده_ كلمات هامسه لا يسمعها السائق)
_السائق: النهارده الخميس يعني انا راجع فاضي واديكو شايفين الدنيا عامله ازاي.
_ركاب: اتوكل علي الله يا سطي اتوكل؟
لا أعلم لماذا كان الصمت حالي هل أكلت القطه لساني ؟ام انني مقتنع بكلام الطرفين وكنت انتظر الفائز منهم حتي اتبعه فأنا لا أحب ابدا مخالفة الجماعه، وانطلقت السياره فأجرجت اجرتي وسلمتها لجاري هو شيخ ملتحي حسن الوجه والمظهر فأخذها مني بيساره وبيمينه كان أخرج مصحفا وشرع في تلاوة ايات القران، شئ جميل اليس كذلك ولكن الغير جميل ابدا هو صوته المنفر الذي استمر في اقتحام أذني بلا هواده ولكني اخترت الصمت حالا، فأنا لا أستطيع مواجهة شخص يرفع في مواجهتي مصحفا فاستسلمت دون ادني مقاومه لصوته الذي لم يقطعه الا صوت راكب من الامام:انت رايح فين يا اسطي
السائق_هلف يا استاذ علشان البهوات عاملين لجنه وكمين في بعض.
_الراكب: لا خش يا اسطي علي طوول.
السائق_يا استاذ الناس دي علشان تشوف وشي بس مش اقل من 100 جنيه تتكرمش وتتحط في الجيب من سكات.
_الراكب: لا خش خش ومالكش دعوه انا هتصرف.
_السائق: ماشي يا بيه.
وعلي الكمين اوقفت السياره وتولي أمين الشرطه السائق ،بينما توجه الضابط الي باب الركاب واختار دون الركاب شخصا هو من دفع السائق للاتجاه الي الكمين بقلب جامد وبكل قرف سأله :بطاقتك؟..وبكل خنوع سلمها الراكب له فنظر فيها بامتعاض واعطاها له بصلف ونظر الي الأمين نظره ذات معني ،ثم أشار للسائق بالانطلاق.

لم تمر مئات الأمتار حين اوقف السائق السياره مترجلا منها وفتح باب الركاب وعلامات الجنون بادية علي وجهه.
_السائق: عليه الطلاق ما انت قاعد فيها دقيقه(موجها كلامه لمن اشار عليه باقتحام الكمين)
_الراكب: ليه كده بس ياسطي؟
_السائق:ليه كده؟عامل لي بيه يا ابن(........) ده أنا كعيت 100جنيه حار ونار في جتتهم بسببك.
_الراكب: يا اسطي عيب عليك الكلام ده
_صوت بعض الركاب: خلاص بقي يا اسطي ما انت متعرض للكلام ده كل يوم.
_السائق: عيبب يا ابن(.......)طيب عليا الطلاق تاني ماهتحرك عجله واحده وانت فيها.
_ركاب: خلاص يا أستاذ ما انت برضه غلطان انت تدفع له في الغرامه اللي غرمها.
_الراكب: ادفع له ليه هي كانت عربية ابويا وهو كان حد قاله مايمشيش مظبوط؟ وبعدين انا مستعجل وهو كان هيلف بينا لفه مايعلم بيها الا ربنا.
_السائق: وعلشان سعادتك مستعجل اكع انا 100زفت علي دماغك وبعدين مظبوط ايه يا ابن(.....)هو فيها حد ماشي مظبوط يعني هما خدو الفلوس علشان انا مش مظبوط ؟انت عبيط يا جدع انت ولا ايه حكايتك؟انت هتنزل ولا اجيب كرشك؟
_ركاب : لا يا استاذ اخلص بقي لانك انت كده اللي معطلنا.
ولم يجد مفرامن النزول من السياره مطأطئ الرأس .

مجددا تنطلق السياره،ومجددا يعاود الملتحي تلاوة القران بصوته المنفر،كان رأسي علي وشك الانفجارولكني لم انبس بشفه منذ وطأت قدمي عتبة السياره،حتي قطع صوت الشيخ صوت السائق ::اللي مادفعش اجره يا أساتذه يبعت.، فناول الشيخ اجرة المقعد الخلفي لراكب في المقدمه ،وما ان وصلت للسائق حتي جاء صوته متأففا ناقص6.5جنيه يا جدعان مين مادفعش؟ رد شريكي الملتحي في المقعد مشيرا الي الجالس بجواره:الاستاذ بيقول مش هيدفع الا 3.5جنيه.
_الراكب: الأجره 3.5جنيه يا اسطي.
_السائق: يانهار اسود عاليوم اللي مش هيعدي ده. يابيه احنا متفقين قبل ماتحرك م الموقف هو احنا هنلاقيها منين ولا منين بس يا رب؟
_الراكب: يعني هو انا لو كنت قلت لأ كنت هلاقي غيرك،وبعدين هو مش في تعريفه للاجره؟هو ايه الجشع ده.
_السائق: جشع؟يا أستاذ ما احنا قلنا هنرجع فاضيين وبعدين اديك شايف النيله اللي شايلينها فوق دماغنا.
_الراكب: علشان النيله دي انا هدفع 1.5زياده وكده لوووز أوي وبعدين ما انت مكربسها زي علبة السردين اهو يعني العمليه لامه نفسها.
السائق يا ناس ردو انتو عالراجل ده علشان انا مابقاش فياا خلق ولا نفس
_.صوت الركاب: يا اسطي خد ال5جنيه منه واحنا مسامحين.
السائق_هو احنا عيال مزروطه بتلعب في الشوارع؟هو مش احنا اتفقنا؟وبعدين انا لسه كاعع ميت جنيه والراكب ابن(.....)اللي نزل ماخدتش منه اجره.
_الركاب: طيب ادفع انت يا استاذ ماجاتش عال5جنيه التانيه.
الراكب: لا دي مسألة مبدأ وياريت بقي كل واحد يخليه في حاله.
_السائق(موقفا السياره): مبدأ؟ انت جاي عليا انا وهاتقولي مبدأ،طيب انا بطلتها الشغلانه دي من دلوقتي حالا
_الركاب، يا اسطي واحنا ذنبنا ايه في الليله دي؟ يا أستاذ ماينفعش اللي بيحصل ده.
بينما نزع السائق مفتاح السياره وهبط مشعلا سيجاره بحرقه،كان الراكب(اللي عنده مبدأ)اخرج موبايله ليتصل
_الراكب: الو ..ايوه يا ايهاب بيه ...بقول لسعادتك ايه...هي مش الاجره من كذا لكذا ب3.5جنيه..اصلي راكب مع سواق ابن(......)عاوز ياخد 10 جنيه.....لا ماهوطبعا مش هيقول اسمه....احنا قريبين من سعادنك يا باشا ماتبعتلي أمين يسكه علي قفاه لحسن دي عالم مالهاش الا السك ناس تخاف ماتختشيش(يتلعثم وتبدو عليه اثار دش بارد وكسفه شديده)...طيب متشكرين يا باشا،انا هبقي اعدي علي سعادتك.
_السائق : ابقي خليه ينفعك بقي ،قال هيسخطوك يا قرد.
_ركاب: يا اسطااااا اطلع يا اسطي وهنلم لك احنا ال5 جنيه وأمرنا لله.
_السائق:ماشي يا بهوات مع انه وعهد الله موسخ لي العربيه ،عالم هم.
مجددا استعادت رحلة العوده الي البيت مسيرتها الشاقه،ومن جديد عاد صوت الملنحي يخترق طبلة أذني ،وحق الله الذي انزل القران ان صوته لا يطاق:ولكني لم اعد افهم شيئا ولا املك يقينا سوي بالله،ولكن انا لا اطيق ،ولأول مره خلال الرحله افتح فمي
_اذا سمحت يا شيخ اقرا براحتك بس في سرك انا دماغي مدووششه وتعبان ونفسي بالي يرتاح شويه.
_الشيخ: صدق الله العظيم،ماهو القران بيصفي الذهن برضه يا استاذ .
_ معلش يا شيخ اعذرني بس عندي صداع ومش قادر أركز معاك.
_الشيخ(بنظره غاضبه):هو القران بيجيب صداع يا بيه؟؟
واخيرا يأتي صوت الركاب لينقذني من استفهاماته التي جعلتني أذووب في جلدي_صوت بعض الركاب:لا يا شيخ مش القران طبعا اللي بيجيب صداع انما صوتك هو اللي صدعنا، ايه ياعم صوتك وحش في ايه؟
وتصورت ان الشيخ سوف يستسلم ولكنه احتد علي الركاب قائلا: مش احسن من الاغاني والموسيقا والكلام الفارغ اللي مالي البلد تحبو اغني لكم ياني ياني علشان تتبسطو؟
الركاب: لا يا عم احنا لاعاوزين نسمع اغاني ولا عاوزين نسمعك ،هي عافيه يا اخي صوتك صدعنا ودوش دماغنا ومش حاسين بالقران من بقك ،في ايه؟وسايق عليك النبي سيبنا نتبط شويه لغاية ما نوصل للمخروب بقي حرام عليك.
وأخيرا صمت الشيخ ذو الصوت المنفر ،ولكنن في عينيه لمحت شيئا غريبا جدا وعميقا جدا،ولاأدري هل حقا قرأت أفكاره؟ ام اني حقا لم أعد قادر علي فهم أي شئ؟...رأيت في عينيه شعورا بالغربه والضعف ،وكأنه تقمص روح الصادح بالقران بجوار الكعبه ،هو يرانا الان اقسي من كفار قريش وهو من المستضعفين في الأرض،وواصلت السياره مسيرتها وواصلت التأمل كي أفهم غير اني تذكرت حكمه اخبرني بها أحد الاصدقاء، كانت الحكمه تقول :ماحدش فاهم حاجه.كنت اسمعها واضحك ولكنني الان استجلب دموعا نضب معينها منذ حين.


إبن سويلم
الرجوع الى أعلى الصفحة اذهب الى الأسفل
nazgul
عضو ذهبي
عضو ذهبي
avatar

عدد الرسائل : 1310
العمر : 28
محل الاقامة : my throne
الوظيفة : THE EMPEROR
تاريخ التسجيل : 01/12/2006

مُساهمةموضوع: رد: على فكرة:بحب مصر وبحب حسني مبارك   السبت 03 أبريل 2010, 12:52 am

انا مليش غير سؤال واحد بجد

هوه ليه العالم كله بيختار ويغير رايسه عادى خالص خالص زى شكة الدبوس؟؟

ما عدا عندنا فى مصر بتبقى السياسه كبيـــرة وضخمه وصعبة ولازملها ناس "الدهن فى العتاقى"


وبعدين ايه الاحترافيه اللى بتتدار بيها مصر حاليا

هتكلم على كلمة "السياسة أكبر من أن يتعامل معها الهواة"

يا جدعاااان :-
- فى القضيه الفلسطينيه بعد ماكنا بنتفاوض من اجل القدس الشرقيه عاصمة لدوله فلسطين
اصبحنا نتحدث عن ان يتركوا غزة ليعيش _مجرد حياة_ فيها الفلسطينيين _وسلملى على الدوله الفلسطينية_

"ده احنا كمان ضيعنا العراق"


-فى قضايا الوحده العربيه بعد ماكان البيت الذى اسسه عبد الناصر يظلل على جميع العرب
اصبح الخلاف على كل حجرة فى البيت بل وكل شبر

وبعد ان قاد عبد الناصر ثورات التحرر فى جميع الدول العربيه وقيادتها الى الحريه....بدات الخلافات فى كل دوله عربيه...والقائد "مصر" ولا هوه هنا...خلافات داخليه واضطرابات من السودان للبنان لليمن للعراق

-فى القضيه الافريقيه بعد ان كانت مصر هيه قائدة افريقيا كلها كلها كلها
اصبحنا نخاف حتى من ان تقطع االمياه عنا ..فشلناغ حتى فى علاقاتنا مع دول حوض النيل على الاقل

-اصبح المصريين والمسلمين فى كل انحاء العالم يتهمون بالعنصريه والتطرف والارهاب "ومننساش مروة الشربينى" ومحدش بياخدلهم حقهم
واصبحت القواعد الامريكيه تملا العالم العربى "ومحدش يختلف معايا ان امريكا عدوة لينا ولو بطريقه غير مباشرة....كفايه انها صديقه عدوى بل وامه الحنون ..واسرائيل عدوة ولا فيه سلام؟؟؟"

بلاش باه اتكلم عن السياسه الداخليه لانها عايزة مليون صفحةوانا مش فايق دلوفتى



****ملحوظة اخيرة: كل ده بيحصل واحنا كل يوم بنقرا فى كل جرنان فى الصفحه الاولى :"الرئيس يتلقى اتصالا هاتفيا من..ويبحث معه الوضع فى المنطقه""الرئيس يلتقى...ويبحث معه الوضع فى المنطقة""الرئيس الرئيس..."
انهى تباحث لمده 30 سنه اللى يؤدى لهذه الكوارث؟

مين الهواه بالظبط ؟؟؟؟؟؟؟؟؟؟؟؟؟؟؟؟؟؟


الرجوع الى أعلى الصفحة اذهب الى الأسفل
http://www.tagged.com/eslamabo
question mark??
عضو ذهبي
عضو ذهبي
avatar

عدد الرسائل : 927
العمر : 27
محل الاقامة : in kind place
الوظيفة : trying to achieve our dream
تاريخ التسجيل : 10/11/2008

مُساهمةموضوع: رد: على فكرة:بحب مصر وبحب حسني مبارك   السبت 03 أبريل 2010, 1:01 am


يا نهااااااااااااااااارى
دة انا قريت القصة وحاسة ان الدم بيغلى فى عروقى وضغطى ارتفع والله
امال لو كنت فى هذة السيارة المشئومة كان هيجرالى اية
لا والراجل ساكت دة كله اية السلبية دى؟؟
فعلا بينرفزنى لما سواق يحاول يستغل الركاب ومعظمهم رجال وساكتين وقاعدين مستنيين البنات اهى اللى تتكلم وتتخانق..دى رجولة دى..
دة انا موتى وسمى حد يتحكم فيا او يحاول يستغلنى ويتذاكى عليا
وللأسف بيحصل كل يوم وبروح مش شايفة ادامى
وكنت داخلة المنتدى بين المذاكرة افرفش
انا فعلا فرفشت اوى
الرجوع الى أعلى الصفحة اذهب الى الأسفل
nazgul
عضو ذهبي
عضو ذهبي
avatar

عدد الرسائل : 1310
العمر : 28
محل الاقامة : my throne
الوظيفة : THE EMPEROR
تاريخ التسجيل : 01/12/2006

مُساهمةموضوع: رد: على فكرة:بحب مصر وبحب حسني مبارك   السبت 03 أبريل 2010, 1:13 am

question mark?? كتب:


لا والراجل ساكت دة كله اية السلبية دى؟؟
فعلا بينرفزنى لما سواق يحاول يستغل الركاب ومعظمهم رجال وساكتين وقاعدين مستنيين البنات اهى اللى تتكلم وتتخانق..دى رجولة دى..



اصلها مش عاركه فى ....

انا لو مكانه كنت عملت زيه بصراحه

بس مش مستنى البنات تتكلم ولا حاجة

لا ...يعنى مثلا فى شبين "الغلبانه" العساكر بتاخد من السواقين اللى بينزلوها فلوس كل عسكرى "من 10" بينضربله 10 جنيه فى جيبه اسبوعيا عشان يسكت "100 جنيه من كل سواق اسبوعيا"
وهوه لو مسكتش السواقين مش هينزلوا شبين تانى...واحنا اللى بنتزنق فى المواقف فى الاخر


يعنى انا بدفع برضا نفس بصراحة "بس مش بالمبالغة دى طبعا 10 جنيه فى المواصله الواحده كتير...هوه ربع جنيه....هههههههههههههه"


ده غير انى عارف كويس اوى ان مش السواق ده بس اللى كده ....وان 15 واحد دوول لو مرضيوش يدفعوا .. 100 واحد غيرهم من 10000 اللى واقفين فى الموقف هيدفعوا.....يعنى دى حاجة عامة ...جزء من فساد عام



عشان كل ده انا مش غاوى وجع دماغ وصداع على الفاضى....كفايه كليتنا العزيزة


الرجوع الى أعلى الصفحة اذهب الى الأسفل
http://www.tagged.com/eslamabo
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: على فكرة:بحب مصر وبحب حسني مبارك   السبت 03 أبريل 2010, 1:27 am

اول مره اعرف يعنى ايه عنق الزجاجه اللى بيقولو عليها


الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
A. Medhat
مقرر دورة الاسعافات
مقرر دورة الاسعافات
avatar

عدد الرسائل : 558
العمر : 26
محل الاقامة : in my dream
الوظيفة : Just dreaming
تاريخ التسجيل : 22/09/2009

مُساهمةموضوع: رد: على فكرة:بحب مصر وبحب حسني مبارك   السبت 03 أبريل 2010, 2:14 am

المنظومة كلها فاشلة

المنظومة كلها فاشلة

المنظومة كلها فاشلة

_________________
[center]

[/center]
الرجوع الى أعلى الصفحة اذهب الى الأسفل
question mark??
عضو ذهبي
عضو ذهبي
avatar

عدد الرسائل : 927
العمر : 27
محل الاقامة : in kind place
الوظيفة : trying to achieve our dream
تاريخ التسجيل : 10/11/2008

مُساهمةموضوع: رد: على فكرة:بحب مصر وبحب حسني مبارك   السبت 03 أبريل 2010, 3:02 am


لو كلنا عملنا كدة يا دكتور وقولنا.. يعنى احنا اللى هنصلح الكون.. هتبقى هرجلة
هو المفروض ان الواحد يبقى سلبى ويمشى تبعا للتيارعلشان يرتاح ؟؟
هى خلاص الايجابية اتشالت من قانونا؟؟
امال هنربى اولادنا على اية؟؟
انا عارفة انهم نجحو فى انهم يخلونا سلبيين وموافقين على كل حاجة
زى ما عارفة بردة ان كلمة ..لأ.. دى صعبة اوى ومش اى حد يقدر يقولها لأن مش اى حد يقدر يتحمل عواقبها
احنا ما بقناش نواجه وبنغطى راسنا فى الرمل زى النعام ونقول ايوة على اى حاجة
قريب اوى مش هيتاخد رأينا ولا هنقول لأ ولا حتى ايوة لأنهم سستمونا على السلبية
... وهم دى تعنى الكثير مش السواقين بس....
لما احنا دكاترة وبنقول كدة امال الناس التانية تعمل اية
المفروض اننا نبقى قدوة الناس تقتدى بيها
وفى اخر كلامى..
..ان الله لا يغير ما بقوم حتى يغيروا ما بأنفسهم..
لازم نتغير علشان نقدر بعد كدة نغير
الرجوع الى أعلى الصفحة اذهب الى الأسفل
nazgul
عضو ذهبي
عضو ذهبي
avatar

عدد الرسائل : 1310
العمر : 28
محل الاقامة : my throne
الوظيفة : THE EMPEROR
تاريخ التسجيل : 01/12/2006

مُساهمةموضوع: رد: على فكرة:بحب مصر وبحب حسني مبارك   السبت 03 أبريل 2010, 3:49 am

طبعا السلبيه غلط "ده اكيد من غير كل التوضيح ده"
....بس دى مش سلبيه ...انا بس بحب اشوف الامور على طبيعتها...من غير لا مبالغه ولا سلبية

زى مالدكتور قال بالظبط "المنظومة كلها فاشلة"


يعنى انا بوضح واقع بسيط بس ...زى مبقول :


<<<<العساكر بتاخد من السواقين اللى بينزلوها فلوس كل
عسكرى "من 10" بينضربله 10 جنيه فى جيبه اسبوعيا عشان يسكت "100 جنيه من
كل سواق اسبوعيا"
وهوه لو مسكتش السواقين مش هينزلوا شبين تانى...واحنا اللى بنتزنق فى المواقف فى الاخر


يعنى انا بدفع برضا نفس بصراحة "بس مش بالمبالغة دى طبعا 10 جنيه فى المواصله الواحده كتير...هوه ربع جنيه....هههههههههههههه">>>>

يعنى مش "مقدرش على الحمار جاى يتشطر على البردعه" وسورى على اللفظ بس ده لسان الحال بيقول كده
........................


طب يا ريت نسمع راى الناس؟؟؟
"بس يا ريت يتفضى فى موضوع خاص لان ال sense اللى واصلنى من مقالات الدكتور محمود ان المقال مش عن ايجابية وسلبية الافراد.....انما عن فساد الدوله ككل...ولا ايه يا حوده؟"
الرجوع الى أعلى الصفحة اذهب الى الأسفل
http://www.tagged.com/eslamabo
محمود الحسن
|مشرف|
|مشرف|
avatar

عدد الرسائل : 1828
العمر : 31
محل الاقامة : الباجور
الوظيفة : طالب
تاريخ التسجيل : 03/04/2007

مُساهمةموضوع: رد: على فكرة:بحب مصر وبحب حسني مبارك   السبت 03 أبريل 2010, 5:43 am

بسم الله
النت بس يساعدني واعرف ارد على حاجة حاجة
هبدأ بالقصة الجميلة اللي بعتها
قصة تثبت وتوضح أن أساس مشكلة هذه البلد ....نحن ....
أيون أحنا ....الشعب
إبدأ بنفسك ....هو لو انت قلت لا ....الأجرة ب 3 ونص ومن شجاعتك كمان واحد قال لا ....وواحد على واحد على واحد .....السواق مش هيقدر يقول لا
وبعدين هو السواق ده مين...من الشعب وهو اللي طماع ولو قلت ان الغلاء والامين اللي بياخد منه فلوس ....لو سواق واحد قال لا ...وكمان واحد قال لا
مفيش امين شرطة هيقول لا
إبدأ بنفسك ....حكمة تعلمتها من زمن ....وانغرست في من أيام حتى أصبحت أصدقها تماما ....
وانا مش جامد في الكتابة على المنتديات ....بس هحاول أقول
الفكر السلبي اللي مسيطر علينا ...هو انا يعني ممكن اعمل ايه لوحدي ....هيا جت عليا ....هو كام واحد بيفكر زي ما بفكر ...هو لو انا قلت لا ...حد هيقول معايا ولا الكل هيقول ياعم عايزين نروح
السؤال : هل جربت مرة تقول لا ....؟؟؟؟؟؟
جرب ...وشوف كام واحد هيقولوا معاك لا .....ولو محدش قال ...مش مهم ...المهم انك تقول لا ....ومتسيبش حقك وترجع تقول تغيير
غيرك نفسك أولا
لي عودة بإذن الله

_________________
الأهلي فريق يعمل بصمت .....ويعد بما يستطيع....ويرفع شعار...لا للعشوائية
الرجوع الى أعلى الصفحة اذهب الى الأسفل
 
على فكرة:بحب مصر وبحب حسني مبارك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 5انتقل الى الصفحة : 1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: