البوابةالرئيسيةس .و .جبحـثالتسجيلدخول





شاطر | 
 

 دى تبقى رشوة ؟؟.....سؤال يطرح نفسه ...((دعوه للمناقشة))....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
closed
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3894
العمر : 30
الوظيفة : بداية حياة
تاريخ التسجيل : 02/11/2008

مُساهمةموضوع: دى تبقى رشوة ؟؟.....سؤال يطرح نفسه ...((دعوه للمناقشة))....   الخميس 25 فبراير 2010, 8:50 pm

السلام عليكم ورحته الله وبركاته
............
كنت فى طريقى الى أحد دروس العلم -الكورس يعنى - وفى احدى الطرقات المؤديه لقاعه الدرس
وجدت مجموعه من الزميلات يتحاورن حول موضوع ما, وقد احتدم النقاش.. حيث علا صوت
إحدى زميلاتى قائله :
[دى تبقى رشوه والراشى والمرتشى فى النار ]
اقتربت منهن حتى أعلم عم يدور النقاش

وجدته حول --الاموال التى يدفعها الطلبه للمرضى فى امتحان الكلينيكال --
((فيما يخص امتحانات العملى إبتداءا من امتحانات الباطنه ))

وفى الحقيقه انتهى النقاش وقتها على ان هو ده حال الدنيا ولايمكن تغيره وإلا ستبوء النتيجه
بالفشل المحقق فى الامتحان
................................

هل الكلام ده فعلا مظبوط...........ودى فعلا رشوه؟
ولو كده فعلا
ليه وصلنا للمرحله دى ؟وازاى ؟؟
وبالذات ان الموضوع مش مستاهل اوى ان الطلبه يدفعوا الفلوس دى .........
وازاى ممكن نرجع الموضوع طبيعى او نلغى العاده دى ؟

ولا ده فعلا حق المريض؟؟

.......................
الرجوع الى أعلى الصفحة اذهب الى الأسفل
عاشـ المستحيل ـقة
:: المشرف العام للمنتدي الدراسي ::
avatar

عدد الرسائل : 3067
العمر : 27
محل الاقامة : Brain
الوظيفة : مجند على ارض المعارك
تاريخ التسجيل : 29/03/2007

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الخميس 25 فبراير 2010, 9:36 pm

اقتباس :
علا صوت


مكنش فى دم .

بالنسبة
للموضوع محتاج مناقشة فعلا .

ليا عودة للتعليق .



سلام مؤقت

_________________
وظنى فيــــك يا سنـــدى جميـــــــــــــــل




عذراً ... لن أتحدث عنها ...
مُجند على أرض المعارك ...
مازال هناااااااااااااك أمل ...
الرجوع الى أعلى الصفحة اذهب الى الأسفل
http://www.islamway.com/index.php
ضـــي
|مشرف|
|مشرف|


عدد الرسائل : 4078
العمر : 29
الوظيفة : خليها على الله
تاريخ التسجيل : 01/12/2006

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الخميس 25 فبراير 2010, 9:54 pm

اقتباس :
كنت فى طريقى الى أحد دروس العلم




انا اتخضيت اما قريت الكلمه دي والله

انا بدأت اشك ان اي حاجه احنا بناخدها ف الكليه ليها علاقه بالعلم

____

المهم بقى :

الموضوع دا والله يا بنتي
من ساعه ما دخلت الكليه و سمعت عنه
وانا كنت متخيله ان دي اشاعات
أكيد مش هتحصل يعني ..
زيها زي اي خزعبلات بنسمعها
من ايام ما كنا بنسمع ف الافلام ان بتوع الطب بيشتروا جثث عشان يشرحوها


هوا انا لسه محصليش الشرف باني اخد روند الباطنه ..
" و اللي اسمع انه الكبير ف حته الفلوس دي "

بس دايما الدكاتره بيحبوا يفسروها على انها مساعده للمريض

او حاجه زي الصدقه
و دا بفرض ان انتي اللي بتديها للمريض بمزاجك
" او بطلب من دكتور الروند كدال على الخير مثلا "

سواء ف روند الاطفال .. كنوع من انواع ادخال السرور على قلب الاطفال دي
" و دي فعلا واقفه على ذوقك انتي
و مفيهاش اي اجبار ف الروند دا بالذات "

روندات الاسبشيالات .. بردو فسرناها على ان المرضى دول فعلا احنا تاعبينهم
وجايبينهم من بيوتهم عشان نتعلم فيهم
و لازم يكون في حافز فعلا يخليهم يستحملونا
و انتي اذا ما فسرتيها بالشكل دا هتستريحي

يعني بمنطق انتي اللي بتعطي المريض المبلغ دا
كدعم مادي او صدقه منك
نظرا لظروفه الصحيه م ناحيه
و نظرا لبهدلته معاكي ف الامتحان
و انه هيستحمل قعده الامتحان و كدا
و دي ناحيه تانيه

و كدا لازم تكون نيتك حاضره فعلا انك بتعملي كدا
لوجه الله
و مراعاه للانسان اللي هيتكشف عليه

و اذا ما كان الموضوع بالشكل دا يبقى مش رشوه


_______
الرجوع الى أعلى الصفحة اذهب الى الأسفل
عابـر سبيـل
|مشرف|
|مشرف|


عدد الرسائل : 4176
العمر : 30
محل الاقامة : مهاجر إلى الله..هذا سبيلي
الوظيفة : مجاهد .. بعيـــدا ً
تاريخ التسجيل : 29/10/2007

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الخميس 25 فبراير 2010, 10:01 pm

أعتقد نية إخراج المال هي الأساس

وعلى فكره الموضوع مش إجباري خالص
أنا خلصت خامسه وشفت بنفسي لو محدش عايز يدي
المريض وإتحجج له بأي حاجه مش هيديله

_________________
مـن يهـن يسهـل الهـوان عليـه ... ما لجـرح بميــت إيــلام
الرجوع الى أعلى الصفحة اذهب الى الأسفل
http://www.tvanashed.com/
ضـــي
|مشرف|
|مشرف|


عدد الرسائل : 4078
العمر : 29
الوظيفة : خليها على الله
تاريخ التسجيل : 01/12/2006

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الخميس 25 فبراير 2010, 10:04 pm

بس هنبصلها من وجهه النظر المتعبه بقى :

و دي سببها حاجه من الاتنين ..
يا الطالب .. يا المريض

الطالب .. في ناس فعلا في دماغها ان اي سبب لرفض المريض اننا نتعلم فيها
سبب مادي بس
فا بيبدأو يعرضوا عليه الفلوس بقى لحد ما يوافق يعني

و اعتقد ان هما دول اكيد كانوا سبب ف ظهور الموضوع

يا اما المريض هوا السبب :

لانه فعلا حاسس انه بيعمل حاجه مش ملزم بيها
و انك للاسف مجبره انك تهاوديه
و تبقى تحت رحمته

فا بيبدأ يستغل الموقف دا

و دي بقى اللي أكيد رشوه

و اللي هيا على حسب النيه بردو

لو حضرتك اللي اديتيله الفلوس دي عشان ميتعبكيش ف الامتحان

او

لو هوا انسان مبتز اصلا
و بيطلب الفلوس و كدا
" و دي نظرا لظروف الامتحان فعلا انا مش عارفه افسرها
و لا عارفالها حدود

و اعتقد الحل الوحيد للمشكله دي ف ايد الدكاتره الممتحنين

او لو المريض طيب و متفاهم .. و الواحد هيضمن ان تكون نيته صادقه فعلا ف المساعده
ساعتها هتتحل بردو على ما اعتقد "

و الله انا بدعي ربنا اني متحطش ف موقف زي دا ابدا


أعتقد انه ما باليد حيله

ملهاش حلول تانيه

الرجوع الى أعلى الصفحة اذهب الى الأسفل
mirnorra
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 5589
العمر : 29
الوظيفة : .
تاريخ التسجيل : 07/07/2008

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الخميس 25 فبراير 2010, 10:18 pm

هوه ان كان على الحرمانيه ..
فهيه فيها حرمانيه ..
بس مش انها تعتبر رشوه..
لا ده يعتبر ابتزاز علنى ومصرح بيه على الطلبه..

ومش بس كده ..
لا ..ده مفيش عدل فى التوزيع بين المرضى اصلا ..
فى عيان ياخد عشرين وعيان خمسين..
وعيان ميرضاش يفتح بقه الا من اول 100ج وانتى طالعه..
وفى عيانين غلابه مبيطلبوش خالص ..

يعنى الموضوع حرام فى حرام..
واللى يغيظ ان الاقسام بتوافق عليه..
وبتعتبر ان دى مساعده مننا للعيانين ..!!!
مساعده ايه دى بس اللى تخليك تدفع لعيان 10 وله 20 جنيه..
وحاالته ربنا وحده اللى عالم بيها..
وجمبه عيان خبره حبتين ..
يياخد 100 جنيه فتتح كلام ..غير الكشف..
وبردواا ربنا وحده اللى عالم بحالته ايه هيه..

وعيان تانى تكرميه ..200 وله حاجه
هيمليكى الشييت بالاسئله بتاعه الدكتور بكله..
يعنى واحد داخل يشترى درجاته...علشان ربناا مساعده..
وفى قول اخر....بيغش بس من العيان..

ليه ده كله ..
وليه اللفه دى كلها..
يعنى ايه اللى هييحصل..
لو االقسم بدل ماا بياخد 30 مثلا..
ياخد 50 وله 100 حتى ..
ويوزعوهم همه بالعدل على المرضى..
ونبعد عن سكك الحرمانيه دى خالص...

انا مش فاهمه همه سايبنها عايمه كده ليه يعنى..!!!!

يله مهى كل حاجه بايظه اصلا جت على دى ...
الرجوع الى أعلى الصفحة اذهب الى الأسفل
mirnorra
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 5589
العمر : 29
الوظيفة : .
تاريخ التسجيل : 07/07/2008

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الخميس 25 فبراير 2010, 10:34 pm

اقتباس :
سواء ف روند الاطفال .. كنوع من انواع ادخال السرور على قلب الاطفال دي
" و دي فعلا واقفه على ذوقك انتي
و مفيهاش اي اجبار ف الروند دا بالذات "

اقتباس :
روندات الاسبشيالات .. بردو فسرناها على ان المرضى دول فعلا احنا تاعبينهم
وجايبينهم من بيوتهم عشان نتعلم فيهم
و لازم يكون في حافز فعلا يخليهم يستحملونا
و انتي اذا ما فسرتيها بالشكل دا هتستريحي

على فكره انا كنت مضايقه انهم مخدوش مننا فلوس فى روند الاطفال..
للعيانين..
مش علشان حااجه....
بس انا شايفه ان ده حقهم فعلا ..زى ما حقنا اننا ندرس عليهم...
مهو العيان مش ذنبه انو جه يتعالج فى مستشفى تعليمى..
علشان يلاقى الناس عماله رايحه جايه تستجوبه وتكشف عليه...

بس الموضوع يبقى بالعدل ومن غير احراج لحد..
يعنى يبقى القسم المسؤل عنه..

لانك لما تديهم من نفسك بردواا فيها احراج..
وفى ناس بترفض ..رغم ان واضح ان ظروفهم تعبانه..
ومبيقبلوش فكره الصدقه دى خالص
وحصلت قدامى ..

الرجوع الى أعلى الصفحة اذهب الى الأسفل
closed
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3894
العمر : 30
الوظيفة : بداية حياة
تاريخ التسجيل : 02/11/2008

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الخميس 25 فبراير 2010, 10:54 pm

X كتب:





بس دايما الدكاتره بيحبوا يفسروها على انها مساعده للمريض

او حاجه زي الصدقه
و دا بفرض ان انتي اللي بتديها للمريض بمزاجك
" او بطلب من دكتور الروند كدال على الخير مثلا "

سواء ف روند الاطفال .. كنوع من انواع ادخال السرور على قلب الاطفال دي
" و دي فعلا واقفه على ذوقك انتي
و مفيهاش اي اجبار ف الروند دا بالذات "
ايوه دا فى الروندات بمزاجك او لو مش عاوزه مفيش مشكله

روندات الاسبشيالات .. بردو فسرناها على ان المرضى دول فعلا احنا تاعبينهم
وجايبينهم من بيوتهم عشان نتعلم فيهم
و لازم يكون في حافز فعلا يخليهم يستحملونا
و انتي اذا ما فسرتيها بالشكل دا هتستريحي
اوكى انا معاكى

يعني بمنطق انتي اللي بتعطي المريض المبلغ دا
كدعم مادي او صدقه منك
نظرا لظروفه الصحيه م ناحيه
و نظرا لبهدلته معاكي ف الامتحان
و انه هيستحمل قعده الامتحان و كدا
و دي ناحيه تانيه

و كدا لازم تكون نيتك حاضره فعلا انك بتعملي كدا
لوجه الله
و مراعاه للانسان اللي هيتكشف عليه

و اذا ما كان الموضوع بالشكل دا يبقى مش رشوه


_______

ماشى ده بالنسبه للروند
الرجوع الى أعلى الصفحة اذهب الى الأسفل
closed
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3894
العمر : 30
الوظيفة : بداية حياة
تاريخ التسجيل : 02/11/2008

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الخميس 25 فبراير 2010, 10:59 pm

عابـر سبيـل كتب:
أعتقد نية إخراج المال هي الأساس

وعلى فكره الموضوع مش إجباري خالص
أنا خلصت خامسه وشفت بنفسي لو محدش عايز يدي
المريض وإتحجج له بأي حاجه مش هيديله

هو مش اجبارى فعلا يادكتور
بس الحاله اللونج صعب جدا انها تعدى كده وبالذات لان المريض بيبقى جاى اصلا عشان كده
وكل واحد عامل سعر معين ..وفى منهم مبيرضاش بأقل من كده
غير الاسبوتات المريض ممكن ميرضاش حد يكشف عليه الا اذا الطالب دفع .. ممكن اى الدكتور وقتها ياخد باله ..والموضوع يتلحق .
بس كل ده بيبقى تعب اعصاب فى الامتحان
الرجوع الى أعلى الصفحة اذهب الى الأسفل
Ahmed Adel
|مشرف|
|مشرف|
avatar

عدد الرسائل : 3698
العمر : 28
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الخميس 25 فبراير 2010, 11:10 pm

انا صراحة لسه ماروحتش خامسة ومش عارف

بس انتوا فكروتنى بفيلم عادل امام .. انت بتدفع من جيبك

..........

انا هقول موقف حصل لينا فى روند الرمد

الدكتور كان بيتكلم ع نقطة العيان اللى احنا بنشوفه او بنمتحن عليه ... قالنا

ان النظام الصح اللى معمول بره ان بيبقى فيه نسبة من العيانين بيدخلوا مجانى وتعليمى

ان هما بيتعالجوا فى المستشفى مجانى وفى المقابل الطلبة بتدخل تشوف حالتهم

- طبعا مع فرق النظام من غير العشوائية اللى بندخل بيها هنا يعنى -

الفكرة دى عجبتنى بجد ... اصل لازم نديله مقابل لانه مش مجبر ان الطلبة تتعلم عليه

خصوصا بالنظام بتاعنا ده

ويبقى كده الطلبة مش محتاجة تديله فلوس

انما اللى بيطبق هنا بقى ان اى عيان لازم يدخل بفلوس ومافيش حتة مجانى وتعليمى دى

طيب يبقى ايه بقى اللى يجبره انه يخلى الطلبة تكشف عليه ؟!

ده غير ان الحكاية بتبقى اوفر من جانب الطلبة




_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
Noble-Eagle
عضو مميز
عضو مميز
avatar

عدد الرسائل : 138
العمر : 32
محل الاقامة : جو السماء
الوظيفة : منصب رفيع المستوى
تاريخ التسجيل : 02/09/2008

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الجمعة 26 فبراير 2010, 1:17 am

تقريبا الثقافة بتاع ( أنا راضي وأبوها راضي، روح شوف وراك إيه يا قاضي )؛ هي اللي بقت مسيطرة دلوقتي، يعني الناس بقت تغلب رضا الطرفين على الصح وعلى الحق، ملوش دعوة العمل اللي بيعمله حلال ولا حرام؛ طالما الطرفين راضيين.
وده طبعا غلط جداااااااا.
أنا ما أعرفش كل التفاصيل الجديدة لحكاية الفلوس اللي المرضى بياخدوها عشان الامتحان دي، بس من كلامكم فهمت إن اللي ماشي دلوقتي إن المريض بياخد من الطالب فلوس إجباري عشان يخليه يكشف عليه، هنقول بقى على سبيل المساعدة ولا على سبيل الهدية ولا على سبيل الرشوة ولا أنا راضي وهو راضي وملناش دعوة بقى حلال ولا حرام؛
ممكن نبص لها بصورة تانية ؛ لو المريض ده قعد في بيته، هتروح له بيته -وانت راضي- وتدي له المبلغ ده عشان تساعده لوجه الله؟ لو الطفل ده قاعد في بيته، هتروح له وانت راضي وتدي له الهدية اللي انت جبتها دي؟
وبصراحة كده ؛ اللي بيدي الفلوس دي؛ بيديها وهو متغصّب، ولو طال ما يدفعش حاجة؛ مش هيتردد
يعني عنصر الرضا نفسه مفقود هو كمان،
ممكن نقول: كان زمان بتكشف وتاخد الشيت من المريض عادي خالص من غير فلوس ولا حاجة:ما أعرفش بقت إجباري كده إمتى ؟، وأنا مش عارف كل التفاصيل ولا الأدلة في الموضوع ده ؛ بس لو هناخدها حتى على سبيل الشبهة يبقى الابتعااااااااااااد عنها أحسن، عشان الوقوع في الشبهات بيودي على طول للوقوع في الحرام.
وطالما غلاسة بغلاسة ؛ أما المريض يبلطج عليك ويحطك في الموقف السخيف ده، إنده للدكتور خليه يمشي الأمور كما ينبغي.
الدكتور ما أسعفكش ؛ خليك إيجابي وخد انت موقف وعمم القضية وصعّدها لأولى الأمر، أحسن بعد كده ومع الدفعات الجديدة دي ممكن المريض يخلي الطالب يروح ينضف له البيت ولا يحمي له الأولاد
وهكذا.
الرجوع الى أعلى الصفحة اذهب الى الأسفل
دكتور شاطر
|مشرف|
|مشرف|
avatar

عدد الرسائل : 6294
العمر : 29
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الجمعة 26 فبراير 2010, 4:32 am

ما هو المشكلة يا دكتور مينفعشى الابتعاد عنها

لأن المريض فعلا غالبا غالبا مش هيتكلم معاك ولا هيعطيك اى كلمة مفيدة الا لما تدفع فلوس
وده غصب عنك.......مش بمزاجك

عنى.......انا المريض خلص الشيت كله معاية...كله كله........وفى الاخر قال عاوزك تبسطنى بقى يا دكتور

هى صحيح اخد بعد كل حاجة.......واخد برضاى الى حد ما

لكن برده لو طلب قبل ما يتكلم.......كنت هعطيه برده.........مش بمزاجى لا غصب عنى

بس اعمل ايه

واعتقد ان دى حالها حال المصالح اللى لازم تقضيها بعد دفع الفلوس.....ودى تقريبا مش حرام على اللى دافع الفلوس.........ولكن حرام على اللى واخد الفلوس.........مش اقصد طبعا الرشاوى......لكن اقصد الاعمال اللى لازم تنجزها بفلوس غصب عنك لأخذ حقك بعيدا عن الواسطة واخذ حق الغير

عشان لو قعدنا نلف وندور ونقول ونعدد نوايا........غالبا غالبا بتبقى غصب عن الطالب.........لأن ان كان المريض ميستهلشى.......كفاية طريقة اخده للفلوس منك وتزمته فى بعض الاحيان.......لدرجة انه مستحيل يتكلم معاك قبل الفلوس

يعنى مثلا الروند اللى لسه ممتحنه الاسبوع ده على الاسبوتات....عاندت مع المرضى......والله العظيم ما اديت لمريض شلن(بمعنى شلن).......وكنت اقف على الحالة ويقعد يقول (يا استاذ.....يا استاذ).....(مش عارف بصراحة شايف عربجى بيمتحن عليه ولا ايه)..المهم.....انى مبقتشى ارد على حد....اقف اكتب الايتمز المطلوبة.....ولو عرفت اشوف حاجة يبقى خير وبركة...لدرجة انى عاندت مع مريض....مكانشى راضى يكشف بطنه الا لما ادفع......اقعدت اشد قصاده بالهداوة طبعا......لحد ما الدكتور قال Shift وروحت على الحالة اللى بعده....بس طبعا انا لأول وهلة عرفت انه Ascites فظبط الاجابات على كده......

لما مريض بقى يعاند كده.......استحالة تبقى الحاجة بنيه صافية......وفى نفس الوقت معتقدشى انها حرام.......لأن الفلوس اللى احنا بندفعها دى مش عشان واسطة او غيره......ولكن عشان تاخد حقك

وتبقى الشبهات..........وربنا يحفظنا و يهدى مرضانا ويشفيهم

سلام عليكم
الرجوع الى أعلى الصفحة اذهب الى الأسفل
http://www.islamweb.net
™CoNo™
عضو ذهبي
عضو ذهبي
avatar

عدد الرسائل : 1309
العمر : 29
الوظيفة : إنسان
تاريخ التسجيل : 04/10/2008

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الجمعة 26 فبراير 2010, 10:57 am

لما تتناقشوا وتطلعوا بنتيجة هل هي في إطار الرشوة أم لا وهل هي في إطار الحرمانية أم لا ؟ وبافتراض إنكم وصلتم إن الموضوع فيه جانب من الحرمانيه "فرضا يعني ممكن يبقى لأ " يبقى الرد على كل الكلام

هل تقدروا تمنعوا حصول حاجه زي كدا ؟ وهل لو انت في امتحان كلينكال مش هتدفع للعيان حاجه فعلا لو عرفت "فرضا " إن فيها جانب من الحرمانيه ؟؟

أ ش ك
الرجوع الى أعلى الصفحة اذهب الى الأسفل
محمود الحسن
|مشرف|
|مشرف|
avatar

عدد الرسائل : 1828
العمر : 32
محل الاقامة : الباجور
الوظيفة : طالب
تاريخ التسجيل : 03/04/2007

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الجمعة 26 فبراير 2010, 3:20 pm

موضوع جميل فُتح للمناقشة أكثر من مرة
لي عودة

_________________
الأهلي فريق يعمل بصمت .....ويعد بما يستطيع....ويرفع شعار...لا للعشوائية
الرجوع الى أعلى الصفحة اذهب الى الأسفل
closed
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3894
العمر : 30
الوظيفة : بداية حياة
تاريخ التسجيل : 02/11/2008

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الجمعة 26 فبراير 2010, 6:45 pm

X كتب:

بس هنبصلها من وجهه النظر المتعبه بقى :

و دي سببها حاجه من الاتنين ..
يا الطالب .. يا المريض

الطالب .. في ناس فعلا في دماغها ان اي سبب لرفض المريض اننا نتعلم فيها
سبب مادي بس
فا بيبدأو يعرضوا عليه الفلوس بقى لحد ما يوافق يعني

و اعتقد ان هما دول اكيد كانوا سبب ف ظهور الموضوع

يا اما المريض هوا السبب :

لانه فعلا حاسس انه بيعمل حاجه مش ملزم بيها
و انك للاسف مجبره انك تهاوديه
و تبقى تحت رحمته
هو فعلا مش مجبر
ولو انا اللى ههاوده تبقى برضاى مش غصب عنى وتتعملها تسعيره وكل واحد ليه سعر معين


فا بيبدأ يستغل الموقف دا

و دي بقى اللي أكيد رشوه

و اللي هيا على حسب النيه بردو

لو حضرتك اللي اديتيله الفلوس دي عشان ميتعبكيش ف الامتحان

او

لو هوا انسان مبتز اصلا
و بيطلب الفلوس و كدا
" و دي نظرا لظروف الامتحان فعلا انا مش عارفه افسرها
و لا عارفالها حدود

تعرفى ان الوقت ممكن فعلا ميكونش كافى للاجابه
يعنى مثلا ان فى سؤال عن البلس
يعنى لازم تقيسى الضغط واساسا على ما افتح جهاز الضغط واقيس هيكون الوقت عدى
يعنى الحكايه شكلها كده مترتبه


و اعتقد الحل الوحيد للمشكله دي ف ايد الدكاتره الممتحنين
هو فى جانب منها فى ايد الدكاتره اكيد
او لو المريض طيب و متفاهم .. و الواحد هيضمن ان تكون نيته صادقه فعلا ف المساعده
ساعتها هتتحل بردو على ما اعتقد "

و الله انا بدعي ربنا اني متحطش ف موقف زي دا ابدا
يارب ياأختى


أعتقد انه ما باليد حيله

ملهاش حلول تانيه

الرجوع الى أعلى الصفحة اذهب الى الأسفل
عاشـ المستحيل ـقة
:: المشرف العام للمنتدي الدراسي ::
avatar

عدد الرسائل : 3067
العمر : 27
محل الاقامة : Brain
الوظيفة : مجند على ارض المعارك
تاريخ التسجيل : 29/03/2007

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الجمعة 05 مارس 2010, 12:15 pm

السلام عليكم ورحمة الله وبركاته

انا دخلت متاخر لظروف خاصة " اعتذر " ، استحملى .

ردى حاليا مجرد تفتيح للكلام ال عاوزة اقوله ..هتاخر عشان ظروفى .

وان شاء الله لما اقبلك هتكلم معاكى فى النقطة دى تانى ...

بس بالتفصيل ومش على الواقف ..

*******************
*************

اولا : اى حاجة تبع الكلية نقول ايه ... هو دا النظام .

مش هنقول كلمة

" هو دا النظام "

اصل مش دا النظام ... اصلا

ممكن نقول

" هو دا الواقع المريض "


اما كلمة " هو دا النظام " يطلق على " المفروض " نعمل ايه ؟

لان المفروض حاجة والواقع حاجة تانية ...خااااااااااااالص .


*******************
*************

ثانيا :-

حضرتكم مضايقين عشان الموضوع :-

1- هتدفع فلوس ؟؟ راضى ولا مش راضى؟؟
2- ولا الموضوع حرام ولا حلال ؟؟


ولا حضرتكم :-
1- بدوروا على الاسباب الرئيسية ؟؟
2- بدوروا على حل ؟؟


ولا مجرد موقف حصل وبيحصل كتير

بس احنا اول مرة بقى ...

الموضوع شغل sympathetic قولنا نسمع اراء الناس ..



عذراً ... الاسئلة لها اكيد سبب فى دماغى ؟؟

واختيارك هيفرق فى الاجابة كتير ؟؟



لكن بعد اختيارك ان شاء الله

هقول سبب كل سؤال ليه ؟؟



تقبلى مرورى ..


سلام

_________________
وظنى فيــــك يا سنـــدى جميـــــــــــــــل




عذراً ... لن أتحدث عنها ...
مُجند على أرض المعارك ...
مازال هناااااااااااااك أمل ...
الرجوع الى أعلى الصفحة اذهب الى الأسفل
http://www.islamway.com/index.php
make a wish
|مشرف|
|مشرف|


عدد الرسائل : 4803
العمر : 31
الوظيفة :
تاريخ التسجيل : 02/05/2008

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   الجمعة 05 مارس 2010, 12:48 pm

ههههههههههههه

علي فكره بعد خبرة سنتين فالموضوع ده وبعيدا عن ضغط الامتحانات احب اقولكوا

ان الموضوع ده كبير عالفاضي

ويتلخص فكلمة واحده حبيبتي قالتهالي " متشممهومش الادرينالين يا عز الدين "

احنا بس اللي متعودين نعمل زي الناس ..يبقي ملناش حق نشتكي

اقتباس :
لما تتناقشوا وتطلعوا بنتيجة هل هي في إطار الرشوة أم لا وهل هي في إطار
الحرمانية أم لا ؟ وبافتراض إنكم وصلتم إن الموضوع فيه جانب من الحرمانيه
"فرضا يعني ممكن يبقى لأ " يبقى الرد على كل الكلام

هل تقدروا
تمنعوا حصول حاجه زي كدا ؟ وهل لو انت في امتحان كلينكال مش هتدفع للعيان
حاجه فعلا لو عرفت "فرضا " إن فيها جانب من الحرمانيه ؟؟

أ ش ك

طب متقلب السؤال ونخليه ماذا يحدث لو مدفعتش للعيان فلوس ؟

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
closed
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3894
العمر : 30
الوظيفة : بداية حياة
تاريخ التسجيل : 02/11/2008

مُساهمةموضوع: رد: دى تبقى رشوة ؟؟.....سؤال يطرح نفسه ...((دعوه للمناقشة))....   السبت 06 مارس 2010, 12:01 am

اقتباس :

ثانيا :-
حضرتكم مضايقين عشان الموضوع :-
1- هتدفع فلوس ؟؟ راضى ولا مش راضى؟؟
2- ولا الموضوع حرام ولا حلال ؟؟

الاتنين صراحه
لانى فى امتحان يعنى داخله مذاكره ان شاء الله يعنى مش داخله ادفع فلوس عشان المريض يقولى الاجابه .............
هقولك مثال .............
-حاله من غير فلوس خالص
حاله اول ما وقفت قدامها ابتدت تتكلم وتملينى الاجابه وطبعا دفعت ...ودى اللى قصدى ان هى رشوه ........
-حاله مش رضيت اكشف عليها الا لما ادفع ......ومش هتقولى حاجه فى الاجابه ......
وده الابتزاز واللى خلانى متغاظه اكتر
وفوق كل ده انى فى امتحان وبيبقى فى توتر جامد ومش هبقى فاضيه اعقد اتناقش مع العيانين
وافكر فى طريقه الاجابه


اقتباس :

عشان لو قعدنا نلف وندور ونقول ونعدد نوايا........غالبا غالبا بتبقى غصب عن الطالب.........لأن ان كان المريض ميستهلشى.......كفاية طريقة اخده للفلوس منك وتزمته فى بعض الاحيان.......لدرجة انه مستحيل يتكلم معاك قبل الفلوس



[quote]
ولا حضرتكم :-
1- بدوروا على الاسباب الرئيسية ؟؟
[quote]
طبعا عاوزه اعرفها عشان نشوفلها حل
اقتباس :

2- بدوروا على حل ؟؟
ايوه .ان شاء الله
اقتباس :

ولا مجرد موقف حصل وبيحصل كتير

بس احنا اول مرة بقى ...

الموضوع شغل sympathetic قولنا نسمع اراء الناس ..
وكمان دى الحكايه دى شغلت السيمباثتك وبقوه ..على فكره


اقتباس :


عذراً ... الاسئلة لها اكيد سبب فى دماغى ؟؟

واختيارك هيفرق فى الاجابة كتير ؟؟
منتظراكى هنا او على ارض الواقع

.........................................................................


اقتباس :


ليه ده كله ..
وليه اللفه دى كلها..

يعنى ايه اللى هييحصل..
لو االقسم بدل ماا بياخد 30 مثلا..
ياخد 50 وله 100 حتى ..
ويوزعوهم همه بالعدل على المرضى..
ونبعد عن سكك الحرمانيه دى خالص


والله فكره حلوه بس صعب ان احنا نوصل ده للقسم
ممكن يكون فى حل على الاقل على مستوى الطلبه الاول
عملا بمبدأ إبدأ بنفسك
اقتباس :

وعيان تانى تكرميه ..200 وله حاجه
هيمليكى الشييت بالاسئله بتاعه الدكتور بكله..
يعنى واحد داخل يشترى درجاته...علشان ربناا مساعده..
وفى قول اخر....بيغش بس من العيان..


يملينى الشيت ......طب طول السنه احنا بنعمل ايه ؟
والله انا كنت بسمع على الحاجات دى زمان قبل ما ادخل سنه 5 وكنت فاكره فعلا ان العيان بيبقى عارف اكتر مننا فى حكايه الشيت ........مع احترامى
بس برضو احنا دكااااااااااااااتره ولو حلينا الشيت بعيدا عن موضوع الفلوس ده هنحله كويس اوى

........................................................................

اقتباس :

ممكن نقول: كان زمان بتكشف وتاخد الشيت من المريض عادي خالص من غير فلوس ولا حاجة:ما أعرفش بقت إجباري كده إمتى ؟،
يعنى كانت كده فعلا ...........طب دا انا كنت فاكره ان ده العادى من زمااااان
.....................................................................

اقتباس :

عنى.......انا المريض خلص الشيت كله معاية...كله كله........وفى الاخر قال عاوزك تبسطنى بقى يا دكتور

هى صحيح اخد بعد كل حاجة.......واخد برضاى الى حد ما


أهى دى مش بتحصل الا ناادرا.....للاسف
........................................................................
اقتباس :

لما مريض بقى يعاند كده.......استحالة تبقى الحاجة بنيه صافية......وفى نفس الوقت معتقدشى انها حرام.......لأن الفلوس اللى احنا بندفعها دى مش عشان واسطة او غيره......ولكن عشان تاخد حقك
ايوه تمام .......وحتى لو الاسبوت ده ضاع مش مشكله
الاسترس ضيع اكتر من كده
............................................................
اقتباس :

علي فكره بعد خبرة سنتين فالموضوع ده وبعيدا عن ضغط الامتحانات احب اقولكوا

ان الموضوع ده كبير عالفاضي

ويتلخص فكلمة واحده حبيبتي قالتهالي " متشممهومش الادرينالين يا عز الدين "

احنا بس اللي متعودين نعمل زي الناس ..يبقي ملناش حق نشتكي


عندك حق والله
بس اللى حصل مش هيتكرر
معلش اول مره كنت ادخل امتحان باطنه كلينكال ومكنتش اعرف النظام اوى
لكن كده خلاص الامور وضحت الى حد ما

.............
اقتباس :

هل تقدروا
تمنعوا حصول حاجه زي كدا ؟ وهل لو انت في امتحان كلينكال مش هتدفع للعيان
حاجه فعلا لو عرفت "فرضا " إن فيها جانب من الحرمانيه ؟؟


اكيد لو فى فرصه ان اننا مندفعش مش هدفع ........كلامى على الاسبوتات
لكن الحالات الطويله مازالت أفكر ........

شكرا لكل اللى ردوا
دلوقتى ندمت انى معملتش الاموضوع قبل الامتحان
بس ملحوقه ..........فى امتحان آخر العام
.وربنا يقدم اللى فى الخير





الرجوع الى أعلى الصفحة اذهب الى الأسفل
 
دى تبقى رشوة ؟؟.....سؤال يطرح نفسه ...((دعوه للمناقشة))....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: