البوابةالرئيسيةس .و .جبحـثالتسجيلدخول





شاطر | 
 

 :: ضيف الاسبوع ... من جديد ::

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1 ... 19 ... 35, 36, 37  الصفحة التالية
كاتب الموضوعرسالة
Dr,Gwyly
:: الريشة الذهبية للمنتدى::
:: الريشة الذهبية للمنتدى::


عدد الرسائل : 6951
العمر : 26
الوظيفة : Dr,Gwyly
تاريخ التسجيل : 20/08/2008

مُساهمةموضوع: رد: :: ضيف الاسبوع ... من جديد ::   الأحد 01 أغسطس 2010, 9:07 pm

قلبى وقف لله تعالى كتب:

منوره
حبيت اسلم بس

الله سلمك يا جميل

الناس متوصيين بيكى عالاخر
هههههههههه ... اه والله .. ايديا وجعتنى

الرجوع الى أعلى الصفحة اذهب الى الأسفل
Dr,Gwyly
:: الريشة الذهبية للمنتدى::
:: الريشة الذهبية للمنتدى::


عدد الرسائل : 6951
العمر : 26
الوظيفة : Dr,Gwyly
تاريخ التسجيل : 20/08/2008

مُساهمةموضوع: رد: :: ضيف الاسبوع ... من جديد ::   الأحد 01 أغسطس 2010, 9:11 pm

∂ღer∂ كتب:


جوى منورة الموضوع ياحبيبتى .......
بقالى فترة عايزة أدخل اسلم عليكى
الله يسلمك يا حبيبة قلبى


بس كل ما اجى اكتب كلام ألاقينى ادخل فى جو الاكتئاب نظرا لحالتى
فقلت ادخل أسلم وأخرج بسرعة بدون اسئلة قبل ما الأسبوع يخلص وقبل ما أسافر .....
بعد الشر عليكى من الاكتئاب ...
وتروحى وترجعى بالف سلامة

منورة الموضوع ياحبيبة قلبى .ورمضان كريم
.
الرجوع الى أعلى الصفحة اذهب الى الأسفل
Ahmed Adel
|مشرف|
|مشرف|


عدد الرسائل : 3698
العمر : 27
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: :: ضيف الاسبوع ... من جديد ::   الإثنين 02 أغسطس 2010, 4:37 pm

كده الأسبوع خلص

من امبارح يعنى


شوية وراجعين

وزى مابيقول بلال فضل ..

عيب قوى فى بلد مابيتغيرش فيها اى حاجة ... انك تغير الموضوع

_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
Ahmed Adel
|مشرف|
|مشرف|


عدد الرسائل : 3698
العمر : 27
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: :: ضيف الاسبوع ... من جديد ::   الإثنين 02 أغسطس 2010, 5:05 pm

دلوقتى معادنا مع الاسبوع الجديد ..

وضيف مميز جدااا ... أيوة جدااااا

من النوع اللى تحبه من أول تعامل ليك معاه ...

رفيق الروندات ... وشوية محاضرات صغيرة كده


اما ع المنتدى فهو يتميز بمواضيعه الحيوية .. وأراؤه الثاقبة ..

اللى تحب تتابعها دايما ..

ومن غير مازود فى الكلام ..

- هو بصراحة طلب انى اكتب اسمه وخلاص من غير الرغى الكتير

اللى بكتبه فى الاول ده .. بس بصراحة ماقدرتش الطبع غلاب -

الضيف هو ...


شاعرنا العظيم .. الأديب المتميز ...

*

*

*







محمود الغول

نَفَسٌ يتردد


.............................

....................

...........

....

..



_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
dr_diab2
الريشة الفضية للمنتدى
الريشة الفضية للمنتدى


عدد الرسائل : 3360
العمر : 26
الوظيفة : Ever failed. No matter. Try again. Fail again
تاريخ التسجيل : 04/07/2008

مُساهمةموضوع: رد: :: ضيف الاسبوع ... من جديد ::   الإثنين 02 أغسطس 2010, 5:12 pm

انا بسلم الاول كده

والاسئله على الشخان وجايه

محمود باشا الكبير بتاعنا وعمونا كلنا
الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات


عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: :: ضيف الاسبوع ... من جديد ::   الإثنين 02 أغسطس 2010, 6:04 pm

ههههههههههههه انا خارج دلوقتي

بس هشردك لما ارجع في اقرب فرصه

شر تشريدة

ا . هــ علي رأي المحمودي

_________________

الرجوع الى أعلى الصفحة اذهب الى الأسفل
http://www.medicalto.com
Mohamed gaber
عضو ذهبي
عضو ذهبي


عدد الرسائل : 1112
العمر : 25
الوظيفة : طالب بالفرقة الرابعة
تاريخ التسجيل : 05/03/2008

مُساهمةموضوع: رد: :: ضيف الاسبوع ... من جديد ::   الإثنين 02 أغسطس 2010, 7:40 pm

مُنَوّر يَامِعَلِّمُ


*التشكيل كده صح ولا ايه؟! *
الرجوع الى أعلى الصفحة اذهب الى الأسفل
http://www.midad.me/
محمود الغول
::أديب المنتدى::
::أديب المنتدى::


عدد الرسائل : 3178
العمر : 28
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: :: ضيف الاسبوع ... من جديد ::   الإثنين 02 أغسطس 2010, 8:57 pm


أهلا يا دياب...ربنا يكرمك

--


Dr AboAyad كتب:
ههههههههههههه انا خارج دلوقتي

بس هشردك لما ارجع في اقرب فرصه

شر تشريدة

ا . هــ علي رأي المحمودي

أبو عادل صاحبي وحبيبي قالي هيحذف ردودك لو معجبتنيش

--

محمد جابر...بنورك يا حبيبي


_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
* محمد سعيد *
الريشة الفضية للمنتدى
الريشة الفضية للمنتدى


عدد الرسائل : 2617
العمر : 29
محل الاقامة : شبين الكوما
الوظيفة : Seek Peak Performance
تاريخ التسجيل : 12/08/2008

مُساهمةموضوع: رد: :: ضيف الاسبوع ... من جديد ::   الأربعاء 04 أغسطس 2010, 7:43 pm

جري ايه يا بو عياد

مش تكتب اسم الراجل بخط كبير شوية وتدهنه ازرق كده


اومال لو مكانش اديب المنتدى



مخدتش بالى يا حودة غير دلوقت -- اعصرنى


انا بس داخل اسلم ف السريع كده

أعملك زى امتحانات الشفوى

تحب تتسأل ف ايه ؟؟



,,,

_________________
اللهم إني أعوذ بك من زوال نعمتك وتحول عافيتك وفجأة نقمتك وجميع سخطك







A Free Man I Am


الرجوع الى أعلى الصفحة اذهب الى الأسفل
Ahmed Adel
|مشرف|
|مشرف|


عدد الرسائل : 3698
العمر : 27
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: :: ضيف الاسبوع ... من جديد ::   الجمعة 06 أغسطس 2010, 2:19 am

محمود باشا

انا فضيت ورجعتلك

ندخل فى مود الاسئلة بقى ...

حاجة خفيفة ماتخفش ..

...

اكتشفت امتى حكاية الشعر والادب والموهبة اللى عندك ؟

مين اللى شجعك فى موهبتك ؟ ومين قلل منها ؟

ليه مابقتش تكتب كتير ع المنتدى ؟؟ ولا انا اللى مش متابع ؟

ماحاولتش تتجه للاحتراف فى الشعر والادب .. تنشره فى جريدة وكده ؟

بتكتب روايات او قصص طويلة ؟؟؟

بص من الاخر اتكلم عن كل حاجة فى الحكاية دى ؟


عندك مواهب تانية ؟؟؟

مين الكتاب اللى بتحب تقرا ليهم ؟؟ ومين اللى اثروا فيك ؟؟ - محلى وعالمى -


مجالات القراية ؟؟؟ والكتب اللى عجبتك وأثرت فيك ؟

...

اخترت الكلية بمزاجك ... ولا بمجموعك ؟

تفضل تكمل فى الطب .. ولا لو جتلك فرصة هتسيبه ... خصوصا لو فى الادب ؟

أكتر مادة حبيتها ؟ وأكتر مادة كرهتها ؟ وكذلك بالنسبة للاقسام ؟

كفاية كده ع الكلية عشان مش ناقصة وجع دماغ يعنى


....

صفة بتحبها فيك ؟ وصفة الناس بتحبها فيك ؟

الحاجة اللى بتلفت نظرك للى قدامك فى اول تعامل ؟

موقف غريب او مضحك حصلك ؟

...

انا حاسس ان الاسئلة رزلة اوى ..

انا ماببحش أرزل ع الناس ... بس مش عارف حاسس بقى انى عايز ارزل عليك

استحملنى بقى ... ده من غلاوتك عندى بس


يالا ياوحش ... المايك معاك







_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات


عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: :: ضيف الاسبوع ... من جديد ::   السبت 07 أغسطس 2010, 2:08 pm

ازيك يا حودة ؟؟ وايه اخبار المولود الجديد ياريس ؟؟

انت عارف لو مظبطتناش في العقيقة هبقلشك ههههههههه

بما ان العمليه نايمه ، والناس خايفه تسألك --> فأنا هبتدي عشان أخليهم يتجرءوا ويسألوك

محمود أصلا طيب وغلبان ومبيعورش

قوللي ياعم :

1- من أول ما دخلت المنتدي .. حصلت بعض المشادات بينك وبين بعض الناس وده حصل معانا

كلنا .. تعتقد ده سببه ايه ؟؟ هل الناس مقدرتش تفهمك ؟؟ ولا انت مقدرتش تحتويهم ؟؟؟

ولا احنا اصلا بنفتقد ثقافة الحوار وكل واحد عاوز يبلطج ويفرض رأيه وخلاص ؟؟؟

2- قوللي .. تخيلك لنفسك بعد 10 سنين من دلوقتي ؟؟ تفتكر هتكون فين ؟؟ وتحب يكون شكلك

إيه ؟؟

3- لو واحد ضحك عليك وقالك انت اتعينت عميد للكلية :

قوللي خمس قرارات هتاخدهم .. وياريت تكون حاجات مش محتاجة فلوس ..!

4- ترشح مين للانتخابات الرئاسية القادمة ؟؟ مع التعليل

5- بتعمل حاجة مفيدة في الأجازة ؟؟ ولا مقضيها ؟؟

كفايه عليك كده .. ممكن ارجع لك تاني .. علي حسب الاجابات اللي انت هتكتبها

_________________

الرجوع الى أعلى الصفحة اذهب الى الأسفل
http://www.medicalto.com
ناردين
عضو جديد
عضو جديد


عدد الرسائل : 8
العمر : 29
الوظيفة : طالبة
تاريخ التسجيل : 10/01/2010

مُساهمةموضوع: رد: :: ضيف الاسبوع ... من جديد ::   السبت 07 أغسطس 2010, 11:31 pm

السلام عليكم
أكيد طبعا حضرتك من الشخصيات اللي كلنا بنحترمها هنا على المنتدى فحضرتك فعلا نورت الموضوع
سؤالي :
هل حضرتك لاحظت انه فيه تيار متزمت في الوقت الحالي و لا لأ؟
و ايه نقطة الفصل في رأي حضرتك بين التزمت و الاعتدال؟
الرجوع الى أعلى الصفحة اذهب الى الأسفل
ناردين
عضو جديد
عضو جديد


عدد الرسائل : 8
العمر : 29
الوظيفة : طالبة
تاريخ التسجيل : 10/01/2010

مُساهمةموضوع: رد: :: ضيف الاسبوع ... من جديد ::   السبت 07 أغسطس 2010, 11:35 pm

سؤالي التاني لاارة المنتدى ليه الموضوع مش بيفتح من بره و لازم ادخل حالة حوار عشان افتحه و ا دا عندي انا بس
؟
الرجوع الى أعلى الصفحة اذهب الى الأسفل
محمود الغول
::أديب المنتدى::
::أديب المنتدى::


عدد الرسائل : 3178
العمر : 28
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: :: ضيف الاسبوع ... من جديد ::   الأحد 08 أغسطس 2010, 8:37 pm

اقتباس :
[tr][td class=hr colspan="2"][/td][/tr][tr][td colspan="2"]
محمود باشا

انا فضيت ورجعتلك



[/td][/tr]


أهلا يا أبوحميد
انا قلت الأسبوع القحط ده هيعدي من غير أسئلة

اقتباس :
اكتشفت امتى حكاية الشعر والادب والموهبة اللى عندك ؟

مين اللى شجعك فى موهبتك ؟ ومين قلل منها ؟


والله يا أبو حميد أنا كتبت أول قصة وأنا في 5 ابتدائي ...
والأبلة نحمدو كرمتني...

في إعدادي كنت بكتب بس بالعامية ...
في الثانوي بقيت اكتب بالفصحي وبطلت أكتب بالعامية..

كان معايا كشكول كنت كاتبه بخط ايدي أشعار وزجل بالعامية أيام الإعدادي ..
وكان في مسابقة للي طالعين الأوائل في الإعدادية علي مستوي الجمهورية..
2 من كل محافظة هيطلعوا 10 أيام سوريا..

المهم قدمت ملف فيه شهادات التقدير وكده ومنها ملف النشاطات..
حطيت الكشكول ومعاه المجلات اللي كنت طالع فيها وعامل حوارات صحفية..
كان معايا كرنية صحفي تبع أخبار اليوم ..الصحفي الصغير ..
المهم فزت أنا وواحد كمان من محافظة المنوفية هوا دلوقتي في طب القاهرة..
بس مطلعناش سوريا ..طلعت واحدة بنت عضو مجلس شعب مكاننا ...

ومرضيوش يرجعولنا الملفات بتاعتنا ...وضاع الكشكول !!

وكنت بحب القراية في الأدب من زمان ..ومريت بمرحلتين

مرحلة القراية وخلاص أي حاجة ..
أنا فاكر كنا في اولي ثانوي ودخلت أنا وواحد زميلي مكتبة المدرسة..
طلعنا المجموعة القصصية ليوسف أدريس وجينا نقرأ...طبعا قرأنا أول قصة وقفلنا الكتاب..مقدرناش نكمل..
ساعتها أنا مكنتش عارف بالظبط ايه اللي صدمني..
كنت فاكر إن اللي صدمني هي مسحة يعني الجنس الواضحة قوي...
لكن بعد كده فهمت إنها اصطدمت بهويتي اللي ساعتها كانت لسة ع الفطرة ...
في المرحلة دي كنت بقرأ أي حاجة تقع في ايدي..

والمرحلة التانية كنت عارف أنا بقرأ ايه بالظبط...

حد شجعني ؟... مفتكرش
حد مشجعنيش ؟ ...والدي الله يكرمه لأنه حاسس إن ده بيأثر ع المذاكرة..
وزي ما أنت عارف..أهم حاجة المذاكرة

اقتباس :
ليه مابقتش تكتب كتير ع المنتدى ؟؟ ولا انا اللى مش متابع ؟


مبقتش أكتب كتير ع المنتدي ..في الدراسة ببقي في المدينة..

في الأجازة ..يعني أنا أكتر المواضيع اللي بفتحها بتبقي حوارية..
وفي أكتر الأوقات الحوار مبيمشيش صح...دا إن مشي أصلا !
زي ما أبو عياد بيقول كده..مفيش ثقافة الحوار...
والناس برضو مبقتش تشارك زي الأول ..كان في ناس متميزة بتحيي المنتدي..
يعني مثلا جه وقت علي وحي القلم..كان بيكتب فيه إسلام المصري ..والعليمي..وإنجوي اللي هوا إبراهيم..ودكتر هوب..وناي تانية متميزة..فكنت تحب تدخل وتشارك..لكن دلوقتي أكترهم انشغل
اقتباس :
حاولتش تتجه للاحتراف فى الشعر والادب .. تنشره فى جريدة وكده ؟

الاحتراف لأ لأن معنديش مقوماته...
لو حصلتها في يوم من الأيام هتجه للإحتراف..

أنا بكتب مجرد هواية وعارف إن كتابتي فيها عيوب كتير

بالنسبة للجرايد...قليلة قوي الجرايد اللي خطها يتناسب مع خطي ...
لكن انا بعت مرة لجريدة بس عشان خاطر نشر مقالات مش أدبيات... وطبعا محدش رد عليا

كان في تانية ثانوي صديقي العزيز معتز المخزنجي –الفرقة الخامسة- وهوا معانا هنا ع المنتدي علي فكرة..
كنا بنروح في بيت ثقافة اشمون ...أمسية شعرية كل يوم أربع..
هوا معتز كان بيكتب عامية....
فضلت اروح فترة- وكانت ايام كوميدية الصراحة –
ومرة قولت قصيدة عن العراق عجبت الناس قوي...وواحد أداني مجموعة قصصية هدية..
برضة قرأت أول قصتين فيها ومقدرتش أكمل...كنت حاسس بحاجة غلط ومش فاهم ايه هيا..فهمتها بعدين
ولما بدأت أكتب فصحي مبقيتش أروح...


كان نفسي تبقي فيه جريدة للكلية ...للطلبة يعني..وأنشر فيها اللي أنا عايزه سواء مقالات أو أدبيات..

اقتباس :
بتكتب روايات او قصص طويلة ؟؟؟


كتبت قصص قصيرة..وكتبت مرة مسرحية شعرية بس مكملتش..
وللأسف كانت في الكشكول اللي ضاع ده وهيا مش معايا دلوقتي..
رواية لأ...دي عايزه واحد فااااضي بمعني فاضي يعني .

اقتباس :

مين الكتاب اللى بتحب تقرا ليهم ؟؟ ومين اللى اثروا فيك ؟؟ - محلى وعالمى -


مجالات القراية ؟؟؟ والكتب اللى عجبتك وأثرت فيك ؟



الكتاب اللي أثروا فيا ؟ بلا منافس...الأستاذ محمود شاكر...
عارف كل الحاجات اللي قابلتني قبل كده وحسيت فيها بحاجة غلط بس مكنتش فاهم بالظبط ايه هيا...
محمود شاكر بقي هو لحظة التنوير في القصة الطويلة دي...

بحب أقرأ لمحمود شاكر ...وللرافعي ..

الرافعي فارس يقاتل تحت راية القرأن...تشعر إته فعلا في معركة حقيقية بقتال ونزال وطعان..

الشعراء بقي علي إختلاف دواوينهم...كل واحد ليه لون..
الشعر الجاهلي جميل جداً ويعبر عن الشخصية العربية..
وكذلك العصور الشعرية الأخري...

لكن للمتنبي مذاق خاص...أنا بحبه الصراحة..
لما تقرأ رثاءه لجدته...او الميمية... أو قصيدته في وصف الحمي...
خليط من الحب والفخر والعزة والمروءة ..

وللأدب العذري أيضاً مذاق خاص...
لما تيجي تقرأ مثلا " يا ليل الصب متي غده " للحصري القيرواني..
ومعارضة احمد شوقي ليها تعرف معني الطرب فعلا...
تعرف فعلا معني قول عبد المعطي الدلاتي " لو تعلمين؟ ..لما فُتِنَّا كيف قاومنا الطربْ..من سحر جرسٍ فاق وسوسة الذهبْ..يا ويح قلبي منكِ يا لغةَ العربْ! "

مسرحيات شوقي...قمة الإبداع...كنت زمان بسمعها علي إذاعة البرنامج الثقافي بعد واحدة بالليل ..
وكانوا بيجيبوا روائع مترجمة برضة..

أبو العتاهية في اوقات الكأبة...

ده بالنسبة للشعر والأدب عموما يعني...

دكينز ... طفل...مجرد طفل...براءة الأطفال في عينيه...
ولازم في اي رواية ليه يبقي فيه طفل يتيتم..ام تترمل...وحاجة كرب
أنا أول حاجة قرأتها له..قصة مدينتين...وعجبتني جدا النهاية ..وكل شوية اقرأ النهاية تاني..
من أول ما قراتها وأنا حسيت إنه عاني في طفولته...
بعد كده الأمال الكبري...
وبعدين قريت ديفيد كوبرفيلد...معجبتنيش قوي بس هوا حكي فيها معاناته وهوا طفل...
وعكس اسمه..هو شارلز ديكنز cوبعدين d و ديفيد كوبرفيلد العكس!
أنا قرأتله كل حاجة ما عدا أوليفر تويست تقريبا

تولستوي مبدع..وعلي فكرة ليه كلام عن النبي صلي الله عليه وسلم لم يقله أديب مسلم..

شكسيبر مسرحياته جميلة ...
في متفرقات بقي زي
دكتور جيكل ومستر هايد..و فهرنهايت وغيرهم...

قريت لطه حسين بس كانت اغلبها قراءة نقدية..
والصراحة كنت كل لما بقرأ له بحس بضيق في صدري...
أنا فاكر كنت بقري كتابه في "في الشعر الجاهلي" في مكنبة الكلية هوا موجود هناك..وهوا من أسوأ ما كتب..عفواً من أسوأ ما سرق!..لأنها أصلا أفكار مارجليوث وهوا أعاد كتابتها...المهم مقدرتش أكمل الكتاب من ضيق الصدر..

قرأت للعقاد ..طبعا العقاد أفضل من طه حسين بمراحل...وإن كان لا يخلو من كثير من الملاحظات ...

حتي نجيب محفوظ... قراتله اولاد حارتنا وبعض الروايات..
كنا في المدينة وواحد أداني رواية لنجيب محفوظ...
خدتها قريتها..هو كان مفكرني أول مرة أقرأ له..
لما رجعتهاله بيقولي رأيك ايه ؟
قولتله ممتع !...وأدبه لا يخلو من شيئين جنس وإلحاد !!
أبو العلاء المعري كان عبقرياً...ولكن أدبه لا يخلو من زندقة!!
مقدرش أقول إنه مكانش بيعرف يكتب شعر..مش ده موطن الخلاف هوا أديب والا لأ ؟؟ ...موطن الخلاف أدبه يتفق مع ديننا وهويتنا والا لأ ؟...
صحيح هوا تاب في اخر حياته بس مش ده موضوعنا...المعري أقصد مش محفوظ..

في مجال القراءة الشرعية والثقافة الإسلامية...فالكتب كتير جدا ومشهورة ومعروفة للجميع...
بس عموما في اسماء أول ما أشوفها أشد الكتاب علي طول..
.قبل حتي ما أبص ع العنوان ...
زي د.عمر الأشقر... د.مصطفي حلمي...د.محمد إسماعيل المقدم..د.بكر ابو زيد..
وغيرهم..

وفي أسماء برضة ليها مشروع عظيم وهوا تقريب التاريخ للمسلمين وتعريفهم بالحضارة الإسلامية من المصادر الأصلية مش من كتب وتراهات المستشرقين اللي الكل بينقل منها دلوقتي إن لم يكن بيسرق منها...
فيعني جزاهم الله خيراً وكتابتهم جميلة ومفيدة..
زي د.راغب السرجاني..ود.علي الصلابي...وعبد الرحمن الباشا الله يرحمه..

المجالات التانية بقي..علي حسب كل مجال..الموضوع يطوووووول...

لو المقالات بقي...ففيه كتاب بحب أقرأ لهم...
أ.محمود سلطان...أ.فهمي هويدي...أ.جمال سلطان...
د.عبد الوهاب المسيري..كان بيكتب مقالات الله يرحمه...وكتبه جميلة جدا ومفيدة وهوا ممتع الصراحة...
د.محمد عمارة..مقالاته متميزة برضة وعلمية جدا...وإن كان هو محسوب علي المدرسة العقلية برضو..

اقتباس :
اخترت الكلية بمزاجك ... ولا بمجموعك ؟


بص هوا كان غير مسموح بالتفكير في اي اختيار تاني...نتيجة للضغط العائلي...
بس حبيتها من العشرة بقي...
يعني هوا مكانش بمزاجي في الأول...بس بقي بمزاجي بعدين..

اقتباس :
تفضل تكمل فى الطب .. ولا لو جتلك فرصة هتسيبه ... خصوصا لو فى الادب ؟


لأ طبعا هكمل في الطب...خلاص بقي زي ما بقولك حبيته بالعشرة..
ولو جاتلي فرصة في الأدب همشي فيها بجانب الكلية...مفيش تعارض

اقتباس :
أكتر مادة حبيتها ؟ وأكتر مادة كرهتها ؟ وكذلك بالنسبة للاقسام ؟

أكتر مادة حبيتها الفارما والباثر في تالتة..حسيت إني بدرس طب فعلا..
والرمد السنة دي..
الأقسام قسم الباثو..

أكتر مادة كرهتها الهستولوجي...خصوصا بالكتاب القميء بتاعنا وطريقة تدريسها...

اقتباس :
الحاجة اللى بتلفت نظرك للى قدامك فى اول تعامل ؟


الأدب والعقل...
لو توفروا في واحد بمسك فيه بايديا وسناني..

اقتباس :
موقف غريب او مضحك حصلك ؟


الحياة كلها كوميديا يا أحمد بس أنا مش فاكر حاجة معينة حاليا..


















_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
محمود الغول
::أديب المنتدى::
::أديب المنتدى::


عدد الرسائل : 3178
العمر : 28
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: :: ضيف الاسبوع ... من جديد ::   الأحد 08 أغسطس 2010, 10:47 pm

استدراك..

بالنسبة للكتب اللي اثرت فيا..والمتعلقة بالأدب بشكل أكبر..أعتقد إنهم 4 كتب.

1. كتاب " المتنبي" ومقدمته " رسالة في الطريق إلي ثقافتنا " ..
للأستاذ محمود شاكر..

2.كتاب " الاتجاهات الوطنية في الأدب المعاصر " الدكتور محمد محمد حسين .

3. كتاب " حصوننا مهددة من داخلها " للدكتور محمد محمد حسين .

4. كتاب " الدعوة إلي العامية في مصر وأثرها " للدكتورة نفوسة زكريا .

وهما كتب ..يعني ياريت أي حد مهتم بالأدب والواقع المعاصر يطلع عليهم ...

وتقدر تعتبرهم كده.. vaccine ضد التغريب والتخريب .

_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
محمود الغول
::أديب المنتدى::
::أديب المنتدى::


عدد الرسائل : 3178
العمر : 28
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: :: ضيف الاسبوع ... من جديد ::   الأحد 08 أغسطس 2010, 10:59 pm

* محمد سعيد * كتب:



مخدتش بالى يا حودة غير دلوقت -- اعصرنى


انا بس داخل اسلم ف السريع كده

أعملك زى امتحانات الشفوى

تحب تتسأل ف ايه ؟؟



,,,

ازيك يا محمد...الله يكرمك..

أنا مذاكر كويس علي فكرة ..بس محبش اتسأل في حاجة

_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
* محمد سعيد *
الريشة الفضية للمنتدى
الريشة الفضية للمنتدى


عدد الرسائل : 2617
العمر : 29
محل الاقامة : شبين الكوما
الوظيفة : Seek Peak Performance
تاريخ التسجيل : 12/08/2008

مُساهمةموضوع: رد: :: ضيف الاسبوع ... من جديد ::   الأحد 08 أغسطس 2010, 11:00 pm

بما انك ما رديتش وقولت عاوز تتسأل ف ايه ؟؟

يبقى شكلك مذاكر كويس


حأسألك 3 أسئلة

1- أهداف وطموحات الغول علي المستوي الطبي والأدبي ؟

2- هل يوجد أفكار في جعبة محمود الغول لتطوير المنتدي الأدبي ؟ وما هي ؟

3- انت كنت معانا ف دورة البحث العلمي صح ؟ استفدت فعلا من الدورة ؟ - غير الاكل طبعا


الدورة اضافت لك حاجة ؟ - طب لو الكلية طلبت منك بحث حتعمله على الأسس الى انت درستها ؟

ولا حتنفض وتعلمه زى قبل كده وخلاص ؟ جاوب بأمانة


كفاية عليك كده وكفاية عليا أنا كمان
,,,

_________________
اللهم إني أعوذ بك من زوال نعمتك وتحول عافيتك وفجأة نقمتك وجميع سخطك







A Free Man I Am


الرجوع الى أعلى الصفحة اذهب الى الأسفل
نهــ واإسلاماه ــال
.
.


عدد الرسائل : 3214
العمر : 30
محل الاقامة : مع أفكاري
الوظيفة : PSYCHIATRIC RESIDENT
تاريخ التسجيل : 13/08/2008

مُساهمةموضوع: رد: :: ضيف الاسبوع ... من جديد ::   الأحد 08 أغسطس 2010, 11:13 pm

د.محمود الغول
أديب المنتدي

يعني مينفعش الأسبوع يعدي كده من غير ميبقي فيه سؤالين ل " أديب المنتدي "
خصوصا وإن الشبكة مساعدة دلوقتي ومبتفصلش _ وده شيء نادر عندي اليومين دول _

د.محمود الغول كمشرف لقسم وحي القلم
هل فيه مشاكل واجهت حضرتك كمشرف للقسم ده ؟ وكان إيه سببها ؟؟
قسم المواضيع المميزة فيه block بقاله فترة طويلة إيه سبب ده ؟؟
إيه اللي حضرتك نفسك تشوفه في قسم وحي القلم ؟ ويتحقق إزاي ؟؟
د.محمود الغول ككاتب بنشوفه كتير ليه مش بنشوفه كناقد ؟
حضرتك ليه مبتكملش في موضوع خطرات قلبي ؟؟

د.محمود كمشرف لقسم المكتبة الأدبية
هل حضرتك شايف إن الاستفادة من القسم ده كما ينبغي ولا لا ؟ وإيه السبب ؟؟
ولو لأ يبقي إزاي نحقق استفادة أكبر من القسم ده ؟

أنا قرأت فوق إن حضرتك قرأت لناس كتير
هل حضرتك قرأت للمازني ؟ ولو حضرتك قرأت له إيه رأيك في أدب المازني ؟؟

د.عبدالوهاب المسيري أول مابدأت تقرأ له
حضرتك كنت بتقرأ له بسهولة ولا كان فيه صعوبة شوية في أسلوب كتابته ؟؟

أخيرا
مسك الختام بقي
ومينفعش الأسئلة تعدي كده من غيرها
الصيدلية الخيرية

حضرتك اشتركت فيها إزاي ؟؟
وياتري إيه اللي خلي حضرتك تشترك فيها ؟
رأي حضرتك في سير المشروع ؟؟
الصيدلية الخيرية بعد 10 سنين من دلوقتي حضرتك شايفها إزاي ؟؟

أنا في العادة مش بطول في الأسئلة
بس حضرتك بقي أديب المنتدي يعني
مينفعش الأسئلة تبقي عن الصيدلية وبس

وحضرتك نورت الموضوع



الرجوع الى أعلى الصفحة اذهب الى الأسفل
http://www.mosshaf.com/web/
* محمد سعيد *
الريشة الفضية للمنتدى
الريشة الفضية للمنتدى


عدد الرسائل : 2617
العمر : 29
محل الاقامة : شبين الكوما
الوظيفة : Seek Peak Performance
تاريخ التسجيل : 12/08/2008

مُساهمةموضوع: رد: :: ضيف الاسبوع ... من جديد ::   الأحد 08 أغسطس 2010, 11:20 pm

نَفَسٌ يتردد كتب:
* محمد سعيد * كتب:



مخدتش بالى يا حودة غير دلوقت -- اعصرنى


انا بس داخل اسلم ف السريع كده

أعملك زى امتحانات الشفوى

تحب تتسأل ف ايه ؟؟



,,,

ازيك يا محمد...الله يكرمك..

أنا مذاكر كويس علي فكرة ..بس محبش اتسأل في حاجة

سبق السيف العزل

,,,

سؤال كمان

هي العزل ولا العذل ؟


_________________
اللهم إني أعوذ بك من زوال نعمتك وتحول عافيتك وفجأة نقمتك وجميع سخطك







A Free Man I Am


الرجوع الى أعلى الصفحة اذهب الى الأسفل
عاشـ المستحيل ـقة
:: المشرف العام للمنتدي الدراسي ::


عدد الرسائل : 3067
العمر : 26
محل الاقامة : Brain
الوظيفة : مجند على ارض المعارك
تاريخ التسجيل : 29/03/2007

مُساهمةموضوع: رد: :: ضيف الاسبوع ... من جديد ::   الإثنين 09 أغسطس 2010, 11:47 am

السلام عليكم ورحمة الله وبركاته


دكتور محمود ... أديب المنتدى

كل سنة وحضرتك طيب ... رمضان كريم ...


طبعاً واضح الشباب عاملين مع حضرتك شغل جامد ...

بس هسأل أسئلة بسيطة ان شاء الله


اسئلة شبه جودة



بما ان حضرتك واحد من الدفعة بتاعتنا " دفعة ما قبل الجودة " ...


** اذكر كلمة واحدة تعبر عن الاتى :-

1- الكلية فى رأى حضرتك
................

2- دفعتنا اكتر حاجة تعجبك فيها
................

3- اكتر حاجة الكلية محتاجها فى رأى حضرتك " حاجة emergency "
................



*******************
**********

اختر كلمة واحدة فقط :-

1- الجودة فى الكلية
" بتتطبق غلط - عاوزة لها حد كبير- مش بسمع لها اصلا "

2- الاتحاد فى الكلية
" اسم على ورق - محتاج اعادة تأهيل - مش بأهتم به "

3- تم ترشيحك رئيس قسم مادة طب المجتمع
" هتوافق - و لا لا "

وليه ؟؟


*******************
**********

سؤالين سريعا

رمضان كريم

وكلها يوم وهنبدأ نصوم

سؤال long

رمضان بالنسبة للدكتور محمود .. ؟؟


*************

أديب المنتدى ...

الكلمة دى تحمل معنى للدكتور محمود ؟؟
ايه هو ؟؟ وايه اثرها ؟؟







نأسف للاطالة

رمضان كريم





_________________
وظنى فيــــك يا سنـــدى جميـــــــــــــــل




عذراً ... لن أتحدث عنها ...
مُجند على أرض المعارك ...
مازال هناااااااااااااك أمل ...
الرجوع الى أعلى الصفحة اذهب الى الأسفل
http://www.islamway.com/index.php
محمود الغول
::أديب المنتدى::
::أديب المنتدى::


عدد الرسائل : 3178
العمر : 28
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: :: ضيف الاسبوع ... من جديد ::   الثلاثاء 10 أغسطس 2010, 12:18 am

أحمد باشا أبو عياد...

اقتباس :
ازيك يا حودة ؟؟ وايه اخبار المولود الجديد ياريس ؟؟

انت عارف لو مظبطتناش في العقيقة هبقلشك ههههههههه


ازيك يا كبير...المولودة بخير الحمد لله..
وسميناها مريم...دي بنت أخويا علي فكرة لحد يفهم غلط والا حاجة

هي هبقلشك دي زي هشقلطك كده...والا حاجة تانية ؟

اقتباس :
بما ان العمليه نايمه ، والناس خايفه تسألك --> فأنا هبتدي عشان أخليهم يتجرءوا ويسألوك

محمود أصلا طيب وغلبان ومبيعورش


الواحد له هيبة برضو يا أبو عياد

اقتباس :
1- من أول ما دخلت المنتدي .. حصلت بعض المشادات بينك وبين بعض الناس وده حصل معانا

كلنا .. تعتقد ده سببه ايه ؟؟ هل الناس مقدرتش تفهمك ؟؟ ولا انت مقدرتش تحتويهم ؟؟؟

ولا احنا اصلا بنفتقد ثقافة الحوار وكل واحد عاوز يبلطج ويفرض رأيه وخلاص ؟؟؟


هوا أكيد ساعات بيقي السبب سوء فهم...وضيق أفق ساعات برضة في الحوار من الطرفين..

لكن احنا فعلا زي ما قلت نفتقد ثقافة الحوار...والحوار بيبقي عبارة عن بلطجة..
مش بلطجة شتايم يعني أو سوء أدب أو كده..لأ الحمد لله الكلام ده مش موجود ع المنتدي هنا..
بس بتبقي بلطجة علمية..

الحوار والنقاش عموما لازم يبقي ليه ضابطان مهمان جداً..
ضابط علمي...وضابط أخلاقي

الضابط العلمي مفقود تماماً...والنتيجة هي عدم الوصول لنتيجة

يعني مثلا في خطأ بيتكرر ع المنتدي كل شوية..
الخطأ هو عبارة عن نقل موضوع معين يحتوي علي معلومة دينية أو علمية من غير تثبت من صحة الموضوع وصحة النقل...مجرد إن عضو عجبته حاجة فنقلها..
تيجي أنت مثلا تطالبه بالدليل علي المعلومة دي عشان يبحث ويعرف إنها غلط..
تحس كأنك بتشتمه لاعتراضك أو مطالبتك بالدليل..
ويفضل يلف ويدور ويجيبلك المتردية والنطيحة من الأقوال..وفلان قال ..وعلان عاد..

دي صورة من ضياع الضابط العلمي..

الصورة التانية إن أكتر القناعات بتبقي عاطفية ..
هو أنا بحب فلان من الشخصيات...يبقي كل اللي بيقوله صح..ولو حد اعترض علي حاجة قالها هبقلشه..
وكذلك مبقبلش فلان ..يبقي كل اللي يقوله غلط...واللي ينقل عنه حاجة هشقلطه..
وهكذا..

اقتباس :
2- قوللي .. تخيلك لنفسك بعد 10 سنين من دلوقتي ؟؟ تفتكر هتكون فين ؟؟ وتحب يكون شكلك

إيه ؟؟


إن شاء الله يعني لو ربنا كتب لنا نعيش..
أتمني إني أكون خلصت زمالة أو معادلة في مجال من مجالات الجراحة..وغالبا كارديو
وبدأت أمشي في الدرجات العلمية اللي بعد كده..
تكون عندي عيادة وشغال في مستشفي محترم بتعلم فيه ومتقن لشغلي...

اقتباس :

3- لو واحد ضحك عليك وقالك انت اتعينت عميد للكلية :

قوللي خمس قرارات هتاخدهم .. وياريت تكون حاجات مش محتاجة فلوس ..!


ولو إني مش عارف ايه صلاحيات العميد بالظبط بس عموما..
1 إلغاء الأسئلة اللونج من نظام الامتحانات نهائيا..واستبدالها ب cases وmcqs
زي نظام امتحان المعادلات والزمالات...
2 إلغاء كتب الكلية بتاع الأقسام ووتدريس المواد من الكتب المعتمدة في الزمالات والمعادلات..
3 إضافة مادة إسعافات إلي كل سنين الدراسة ...ياخدها الطالب من أولي لحد الامتياز..
ويبقي مفروض عليه يحضر عدد ساعات معين كل سنة في المستشفي التعليمي والعيادات الخارجية..
4 تغيير بعض رؤساء الأقسام..ومن غير أسامي
وتنظيم كورسات للأساتذة في كل الأقسام لمحو الأمية التربية وكيفية التواصل مع الطلبة..
5 تفعيل الأنشطة الطلابية..إنشاء جريدة طلابية تبقي صوت الطلية في الكلية..
وإعادة النظر في دور اتحاد الطلبة وطريقة اختيارة..

اقتباس :
4- ترشح مين للانتخابات الرئاسية القادمة ؟؟ مع التعليل


ليه الأسئلة دي بقي

بص أنا كتبت قبل كده عن البرادعي وقبت إنه لا فرق بين هراء وهراء أخر..وأغلب الناس فهمت الموضوع علي إنه مهاجمة للبرادعي..
مع إني متكلمتش عن شخصه.. أنا رفضت ليبرالية البرادعي ودعوته للدولة المدنية..
نفس الدعوة اللي بيتبناها النظام الحالي..
النظام الحالي برضة نظام علماني ..ويدعو للدولة المدنية..

أنت بتسألني سؤال mcq والاختيارات كلها غلط..اعمل ايه طيب ؟

مبارك = جمال = البرادعي = مرشح الإخوان "لو كان ليهم مرشح وده مش هيحصل " = أيمن نور = أي مرشح من بقية الأحزاب...

كلهم بيتبنوا الديموقراطية والدولة المدنية .. وبالتالي نظام الحكم العلماني
ديني وهويتي لا تسمح لي إني أختار واحد من دول...

زي بالظبط ما البرادعي والنظام الحالي بيوصفوا كل من ينادي بهوية البلد الإسلامية وبتحكيم شرع الله بإنه متطرف إرهابي ...إلي أخره
لأن الكلام ده لا يقبله دين الديموقراطية والعلمانية وغيرها من الأديان الوضعية..

أنا برضو بوصفهم بأصحاب مناهج فاسدة تغريبية تخريبية...لأن ما يدعون إليه لا يتفق مع ديني وهويتي...

قصة بقي ..حنانيك بعض الشر أهون من بعض..اه ماشي ده موضوع تاني..

في بلدنا من كام سنة كانوا بيوزعوا ورقة عبارة عن مقارنة بين جمال مبارك ودعصام العريان..
ساعتها قولت والله كون أحدهما أكثر صلاحا من الأخر وأتقي لربه دي مسألة في علم الله..

لكن إذا كان الأتنين بيقبلوا بالديموقراطية..فهما عندي سواء
النتيجة واحدة في النهاية...

الموضوع يطول وأنا هتكلم عن رأيي فيه بس في موضوع منفصل ع العيد بقي إن شاء الله..

اقتباس :

5- بتعمل حاجة مفيدة في الأجازة ؟؟ ولا مقضيها ؟؟


الحمد لله بعمل حاجة مفيدة...
وإن كان أكتر الحاجات اللي كنت مخططلها معرفتش أعملها لظروف



_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
محمود الغول
::أديب المنتدى::
::أديب المنتدى::


عدد الرسائل : 3178
العمر : 28
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: :: ضيف الاسبوع ... من جديد ::   الثلاثاء 10 أغسطس 2010, 12:29 am

هلا كتب:
السلام عليكم
أكيد طبعا حضرتك من الشخصيات اللي كلنا بنحترمها هنا على المنتدى فحضرتك فعلا نورت الموضوع
سؤالي :
هل حضرتك لاحظت انه فيه تيار متزمت في الوقت الحالي و لا لأ؟
و ايه نقطة الفصل في رأي حضرتك بين التزمت و الاعتدال؟

وعليكم السلام ورحمة الله..

أهلا بحضرتك..

هوا التزمت موجود من زمان وهيفضل موجود زي ما الانحراف موجود وهيفضل موجود..
بس دي استثناءات مش القاعدة العريضة...
التيار العام الحمد لله مفيش تزمت والا حاجة..

نقطة الفصل بين التزمت والاعتدال منقدرش نحددها غير بمرجعية..
والاستحسان العقلي والاستقباح العقلي مينفعش مرجعية هنا..لأن ما يتحسنه عقلي لا يستحسنه عقلك..والعكس صحيح...والعقول تختلف...

فالمرجعية الوحيدة الصحيحة هي الشرع الشريف..
ما وافق الشرع فهو الوسطية والاعتدال يقيناً...وما خالفه فإما تفريط أو إفراط

_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
محمود الغول
::أديب المنتدى::
::أديب المنتدى::


عدد الرسائل : 3178
العمر : 28
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: :: ضيف الاسبوع ... من جديد ::   الثلاثاء 10 أغسطس 2010, 12:47 am

* محمد سعيد * كتب:

بما انك ما رديتش وقولت عاوز تتسأل ف ايه ؟؟

يبقى شكلك مذاكر كويس


حأسألك 3 أسئلة


رديت والله يا سيدي الفاضل..أنت اللي مصبرتش
عموما أسأل براحتك بس أنا هجاوب بإختصار مخل لأني تعبان من الكتابة الصراحة..
ده بعد إذنك طبعا ولما نتقابل نبقي نستفيض في الكلام..

اقتباس :
1- أهداف وطموحات الغول علي المستوي الطبي والأدبي ؟

داري علي شمعتك تقيد

اقتباس :
2- هل يوجد أفكار في جعبة محمود الغول لتطوير المنتدي الأدبي ؟ وما هي ؟

جعبة ! نعم يوجد في الجعبة..
وهيا باختصار جذب الناس الموهوبة في الكلية وبتكتب للمنتدي الأدبي عشان يشاركوا فيه..
ازاي بقي مش عارف..هوزع عليهم رز وسكر مثلا..هديهم شكولاتة احتمال...همسك عليهم زلة وأجبرهم بيها إنهم يشاركوا..وارد برضو

اقتباس :
- انت كنت معانا ف دورة البحث العلمي صح ؟ استفدت فعلا من الدورة ؟ - غير الاكل طبعا

الدورة اضافت لك حاجة ؟ - طب لو الكلية طلبت منك بحث حتعمله على الأسس الى انت درستها ؟

ولا حتنفض وتعلمه زى قبل كده وخلاص ؟ جاوب بأمانة

طبعا استفدت...والدورة كانت ممتعة بصراحة ولو إنها كانت تفتيح مواضيع بس..
لو انطلب مني بحث وعملته أكيد هعمله زي ما اتعلمت إن شاء الله ..

_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
محمود الغول
::أديب المنتدى::
::أديب المنتدى::


عدد الرسائل : 3178
العمر : 28
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: :: ضيف الاسبوع ... من جديد ::   الثلاثاء 10 أغسطس 2010, 7:01 pm

د.نهال

نهــ واإسلاماه ــال كتب:


د.محمود الغول كمشرف لقسم وحي القلم
هل فيه مشاكل واجهت حضرتك كمشرف للقسم ده ؟ وكان إيه سببها ؟؟
قسم المواضيع المميزة فيه block بقاله فترة طويلة إيه سبب ده ؟؟
إيه اللي حضرتك نفسك تشوفه في قسم وحي القلم ؟ ويتحقق إزاي ؟؟



هي المشكلة الكبري إن أي قسم من أقسام المنتدي ممكن أي حد يشارك فيه..
حالة حوار مثلا..أي حد ممكن يفتح موضوع للحوار ويتناقش مع الأعضاء..
المنتديات الأدبية بقي عايزة جمهور خاص.. سواء كاتب متميز أو قاريء متذوق...
وده قليل جداً
في نوع تاني من المشاكل وهوا أشهر حاجة بتحصل في وحي القلم..وهي مسألة السرقة الأدبية..إن حد ينقل موضوع وينسبه لنفسه..

قسم المواضيع المميزة نايم من فترة طويلة لأن وحي الفلم نايم برضو..وزي ما قلت هوا كان في ناس متميزة بتكتب من فترة بس كلهم انشغلوا ومبقوش يكتبوا..وفي نفس الوقت مفيش حد جديد...

اللي نفسي أشوفه إن المنتدي يبقي نشيط...والناس تشارك فعلا بالكتابة أو بالتشجيع..
وتغير مفهومها عن الأدب أو بمعني صح يرتفع الذوق العام ومستوي التذوق عن الأعضاء..
هوا الأدب عموما جزء مهم جدا من الثقافة ..
والثقافة مجموعة من المعارف لها ضوابط معينة وقوامها ورأسها الدين..
الهدف الأسمي عند أي أمة إن أدبها يكون نابع من ثقافتها ومعبر عن هويتها...مش مجرد تسلية.

اقتباس :
د.محمود الغول ككاتب بنشوفه كتير ليه مش بنشوفه كناقد ؟


النقد موهبة أعتقد إنها مش عندي..ومحتاجة قراية كتير جدا وتذوق عالي جدا..
أنا ممكن أتذوق الحاجة اه..دي كويسة ..ودي مقدرش أكمل قرايتها..
لكن النقد شيء تاني..
ثانيا ..النقد محتاج موضوع أدبي متميز عشان ننقده ..وده قليل..

اقتباس :
حضرتك ليه مبتكملش في موضوع خطرات قلبي ؟؟

ربنا ييسر..الموضوع بيتأثر بالحالة النفسية وإتاحة الوقت...
وبعدين ضيوف الموضوع اللي كانوا بيتابعوه قلوا قوي عن زمان...
علي بعد العيد إن شاء الله أرجع أكمل...

اقتباس :
د.محمود كمشرف لقسم المكتبة الأدبية
هل حضرتك شايف إن الاستفادة من القسم ده كما ينبغي ولا لا ؟ وإيه السبب ؟؟
ولو لأ يبقي إزاي نحقق استفادة أكبر من القسم ده ؟


زي ما قلت لحضرتك عن وحي القلم..الاستفادة مش كما ينبغي
يمكن هوا أنشط شوية لأنه عبارة عن نقل..
بس إيه هي النقول اللي بتعجب الناس ؟ غالبا الحاجات العامية واللي بيبقي فيها تعريض بالسياسة أو شيء من هذا القبيل...
وغالبا حاجات متتقريش...يعني مثلا كان لسه في موضوع قريب مش عارف اسمه " مفيش أي حاجة " او حاجة زي كده منقول لشاعرة اسمها مني مش عارف ايه كل الموضوع كلمة حاجة عمالة تتنقل من جملة لجملة...الواحد يقراه يحس بالتخلف العقلي!
فهو ده اللي بيعجب الناس..لكن لما حد ينقل حاجة من الروائع فعلا..يفضل يعمل up و down محدش برضو يبص ع الموضوع

ونفس الموضوع الاستفادة عشان تتحق لازم رفع الذوق العام..
وإن المواضيع الأدبية تبقي نابعة من ثقافتنا ومتعلقه بظروفنا الحالية...

اقتباس :

أنا قرأت فوق إن حضرتك قرأت لناس كتير
هل حضرتك قرأت للمازني ؟ ولو حضرتك قرأت له إيه رأيك في أدب المازني ؟؟


.إبراهيم عبد القادر المازني.. مقريتلوش حاجة خالص غير كتاب واحد..
" الديوان في الأدب والنقد "
كاتبه هوا والعقاد .. والكتاب رؤية نقدية أحياناً لاذعة لبعض النصوص الأدبية
وبدأوا بأحمد شوقي ! .. كان نازل تبع روائع مكتبة الأسرة...
لكن الصراحة مقريتلوش هوا حاجة فمعرفش أقول رأيي في أدبه

اقتباس :

د.عبدالوهاب المسيري أول مابدأت تقرأ له
حضرتك كنت بتقرأ له بسهولة ولا كان فيه صعوبة شوية في أسلوب كتابته ؟؟


هو د. المسيري من العقليات الموسوعية....فكلامه بيتشعب قوي بس في نفس الموضوع...
بس محسيتش بصعوبة الصراحة...يمكن عشان قرأت قبله لناس أسلوبهم كان أصعب بكتير ..محمود شاكر أول ما قرأتله كنت بعاني
أنا بتكلم عن كتب المسيري العادية ومقالاته لكن الموسوعة أنا لسه مشوفتهاش


اقتباس :
أخيرا
مسك الختام بقي
ومينفعش الأسئلة تعدي كده من غيرها
الصيدلية الخيرية

أكيد طبعا

اقتباس :
حضرتك اشتركت فيها إزاي ؟؟
وياتري إيه اللي خلي حضرتك تشترك فيها ؟

أنا أول ما عرفت الصيدلية عرفتها من علي المنتدي...وبعدين استفسرت من أبو عياد..
وكان تقريبا فريق الأجهزة لسة في بدايته فدخلت فيه..
اشتركت فيها عشان كنت عايز أشترك في عمل خيري في الجامعة.. ولأن الصيدلية فعلا مشروع بيخدم ناس كتير وبيعمل خير نتايجه ظاهرة دلوقتي بس هتظهر بوضوح أكتر بعد كده...
فريق الأجهزة مثلا بيوفر الأجهزة الضرورية للمستشفي علي قد ما يقدر...
كمان كام سنة أكيد هيكون سد بعون الله أغلب احتياجات المستشفي وبقي سبب رئيسي في ارتفاع مستوي الخدمة الصحية اللي بتتقدم للناس..
الحالات كمان كام سنة إن شاء الله هيكون توسع جدا في الحالات اللي بيرعاها...وميبقاش في عيان في المستشفي مش قادر علي دوا معين..
وكذلك الفرز والتوزيع وسد حاجات الأقسام من الأدوية اللي بتتقدم للعيانين اللي مش قادرين..
باختصار لو كل كلية طب الطلبة عملوا نفس المشروع ده ..هيرتفع مستوي الخدمات الصحية في المستشفيات الجامعية كلها بشكل ملحوظ...وهوا ده الشغل اللي مطلوب من الشباب فعلا إنه يساهم بيه في مجتمعه..

اقتباس :
رأي حضرتك في سير المشروع ؟؟
الصيدلية الخيرية بعد 10 سنين من دلوقتي حضرتك شايفها إزاي ؟؟

سير المشروع جيد بفضل الله...وإن كان المشروع بيمر الفترة دي بفترة عصيبة لغياب الناس الكبيرة في الصيدلية...وانشغال أنشط رؤساء الفرق بالامتحانات...
بس إن شاء الله هتعدي وهينشط المشروع تاني أكتر من الأول...

والصيدلية بعد 10 سنين من دلوقتي إن شاء الله أكيد هتفضل تتمدد زي ما قولت فوق كده في كل فرقها..
لحد ما تحقق كفاية المستشفي من الأجهزة وترعي اكبر عدد ممكن من الحالات وتغطي كل أحتياجات الأقسام من الأدوية... وساعتها المشروع هيبقي ملحوظ جدا وفيه قاعدة طلابية كبيرة...
وياسلام لو الفكرة امتدت لكل كليات الطب في مصر...



_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
محمود الغول
::أديب المنتدى::
::أديب المنتدى::


عدد الرسائل : 3178
العمر : 28
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: :: ضيف الاسبوع ... من جديد ::   الثلاثاء 10 أغسطس 2010, 7:31 pm

عاشقة المستحيل كتب:

السلام عليكم ورحمة الله وبركاته

دكتور محمود ... أديب المنتدى

كل سنة وحضرتك طيب ... رمضان كريم ...



وعليكم السلام ورحمة الله وبركاته...
وحضرتك وكل أعضاء المنتدي طيبين وبخير..
ونسأل الله عز وجل أن يبلغنا رمضان ...

اقتباس :

طبعاً واضح الشباب عاملين مع حضرتك شغل جامد ...

بس هسأل أسئلة بسيطة ان شاء الله


اسئلة شبه جودة

كويس الحمد لله.....أنا طول عمري بكره الأسئلة ال long

اقتباس :
1- الكلية فى رأى حضرتك
................

مرحلة النضج من المراحل التعليمية..عشان كده هي أجمل فترات العمر وأجمل المراحل التعليمية مهما كانت عيوبها

اقتباس :
2- دفعتنا اكتر حاجة تعجبك فيها
................

طموحة... ودماغها كبير ...وفيها ناس متميزة بصراحة

اقتباس :
- اكتر حاجة الكلية محتاجها فى رأى حضرتك " حاجة emergency "
................


إعادة النظر في طريقة التدريس..وكفاءة القائمين عليه..
بصراحة يعني الواحد بيسمع شرايط دكاترة القاهرة...يستحرم يحضر أغلب المحاضرات ...
للأسف مفيش أي وجه مقارنة

اقتباس :
اختر كلمة واحدة فقط :-

1- الجودة فى الكلية
" بتتطبق غلط - عاوزة لها حد كبير- مش بسمع لها اصلا "
هي الاختيارات كلها سلبية ليه ..
هوا أنا محتكيتش بيها غير في دورة البحث العلمي...وسمعت عن معمل المهارات..
غير كده ملحظتش أثرها...وأقرب مثال امتحانات خامسة اليومين دول..
مش المفروض نظام الامتحان ده مخالف للجودة ؟؟ الأسئلة كلها لونج ومفيش cases حتي !

اقتباس :

2- الاتحاد فى الكلية
" اسم على ورق - محتاج اعادة تأهيل - مش بأهتم به "

اسم علي ورق

اقتباس :

3- تم ترشيحك رئيس قسم مادة طب المجتمع
" هتوافق - و لا لا "

وليه ؟؟

اشمعني الكوميو يعني ... لأ مش هوافق
مش هلاقي نفسي في المادة دي خالص...هي مهمة وكل حاجة بس حاسس إنها بعيدة شوية عن الممارسة الفعلية للطب...غير العناء اللي الواحد شافه فيها

اقتباس :
رمضان كريم

وكلها يوم وهنبدأ نصوم

سؤال long

رمضان بالنسبة للدكتور محمود .. ؟؟

ربنا يبلغنا رمضان يا رب..
هوا شهر وقفة مع النفس وإعادة تأهيل نفسي للسنة الجاية...
زي الموبايل لما بيفصل شحن وبيتحط في الشاحن..رمضان فترة شحن البطارية الإيمانية إن جاز التعبير يعني...
فرصة ربنا أكرمنا ولحقناها...فيارب يوفقنا نستغلها..

اقتباس :

أديب المنتدى ...

الكلمة دى تحمل معنى للدكتور محمود ؟؟
ايه هو ؟؟ وايه اثرها ؟؟


تحمل تشجيع لقيته هنا ع المنتدي من زملاتي ملقيتهوش في حته تانية...
وذكريات حاجات كتبتها كانت ليها ظروف معينة...

_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
 
:: ضيف الاسبوع ... من جديد ::
استعرض الموضوع السابق استعرض الموضوع التالي الرجوع الى أعلى الصفحة 
صفحة 36 من اصل 37انتقل الى الصفحة : الصفحة السابقة  1 ... 19 ... 35, 36, 37  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: