البوابةالرئيسيةس .و .جبحـثالتسجيلدخول





شاطر | 
 

 :: ضيف الاسبوع ... من جديد ::

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4 ... 20 ... 37  الصفحة التالية
كاتب الموضوعرسالة
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الأربعاء 02 ديسمبر 2009, 10:56 pm

sleepy_hollow كتب:
واضح كدا إنى جيت متأخر ... بعد ما الأسئلة كلها اتسألت ...
بس دا ميمنعش إنى هسأل أسئلة بسيطة خالص ...
أتمنى انها تكون كده1-
منتدى كلية أون لاين ... بيمثل لحضرتك ايه ؟؟
ماضي سعيد
وحاضر مؤلم
ومستقبل بيد الله
واتمنى الا يكون مظلم
2-
سنة أولى طب .... فترة الامتياز ... انطباع حضرتك عنهم ايه ؟؟
اولى طب تعني
التوهااااااااااااااان
الامتياز
الروقاااااااااااااااااان
قبل الدخول في دوامة الحياة
3-
أصعب امتحان حضرتك امتحنته ؟؟
اول امتحان في الكلية
كان امتحان اناتومي اعمال سنة
وكان في رمضان
ودخلت الفت تشريح
بس الحمد لله
ايامنا الامتحانات دي مش ليها لزمة [
/size]4-
تاريخ أو حدث لا يمكن نسيانه ؟؟
تقريبا مش بنسى اي حاجة
بس ان كان لابد
فهو 7/8/1996

5- هدف تسعى لتحقيقه ؟؟
[size=24]سياسي بارز وفي نفس الوقت محبوب وله شعبية جارفة
6-
رسالة شكر ... رسالة اعتذار .... توجه كل رسالة منهم لمين ؟؟؟
الاتنين لامي
لانها تعبت معايا كتير
واظن لو ام تانية كانت انتحرت بسببي
واعتذار لاني لاني دايما مطلع عينيها وتاعبها وقالقها عليا

ويارب تكون الأسئلة خفيفة ... ومش مكررة ...
well done
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الأربعاء 02 ديسمبر 2009, 11:24 pm

elLy 3aYz0 RbNa HaYk0o0n كتب:
السلام عليكم...

وعليكم السلام ورحمة الله وبركاته

اهلا بيك يادكتور ....وعيـــد سعيــــد ..

اهلا بيكي ويارب يكون سعيد علينا كلنا وعلى كل المسلمين


بما ان حضرتك ضيف الاسبوع باه يبقى تسمحلى اسال سؤالين خفيفين كده...
OK

- ياترى دخلت كليه الطب بارادتك وعن اقتناع بيها؟؟ يعنى كانت رغبتك من زمان؟
بارادتي اه
يعني محدش غصب عليا وانا باكتب الرغبات
بس دي كانت رغبة ماما وبابا
بس انا كان نفسي ادخل طب اسنان
او الاكاديمية البحرية


-- وايه دافع النجاح من سنه اولى؟؟ والدافع اللى بيمشيك فى الكليه حاليا؟(الدافه وليس الهدف)
والله اتعودت لما اكون في مكان لازم ابقىناجح فيه ومش بس كده
لازم اكون عضو فاعل ومؤثر في المكان ده
دلوقتي
بيزيد قناعتي ان فيه امانة معلقة برقابتي
وهي صحة الناس اللي هيقعوا تحت اديا
ربنا يسترها عليهم وعليا



وياترى الدافع ده اتغير على مدار الكام سنه اللى قضيتهم فى الكليه؟؟؟
اكيد كل فترة بيكون ليها دوافعها
طبقا لاهداف تلك المرحلة
وطريقة التفكير في الامور
وكل ما بنكبر بنتعلم اكتر
وبنعرف اكتر
فدوافعنا بتتغير


--- ماذا تعنى لك كلمه دكتـــور؟؟؟
هو سبب لكي ينفذ قضاء الله
اما بالشفاء
او
ب...........
وعادة
.........


---- تخيل لو حضرتك دكتور مشهووور اوى بس بره مصر..ولاقيت ان فرصتك الوحيده علشان تكمل نجاحك فى المجال اللى شغال فيه هو انك تاخد جنسيه تانيه غير مصر..يعنى تفضل عايش بره على طوول؟؟؟ياترى هيبقى ايه موقفك ساعتها
ياترى هتختار النجاح والشهره ولا هتختار مصر واهلك ووطنك؟؟؟
انا شايف لو اخدت جنسية تانية
ده مش هيمنعني
من ولا عن مصر ولا اهلي ولا اي حاجة
يعني مثلا محدش بيفرض على دكتور زويل
او فاروق الباز
او دكتور مجدي يعقوب
انهم ميجوش مصر
او ميفيدوهاش باي شكل من الاشكال
بل بالعكس
احنا اللي مش عارفين نستفيد منهم الاستفادة الحقيقية
وكل اللي ذكرتهم معاهم جنسيات اخرى

----- حضرتك شايف الدنيا ازاى؟؟؟
والله انا ممكن االف كتاب فلسفي
ويكون ده عنوانه
بس باي حال هي فيها مشقة وصراع على وهم وزيف
ومجد زائل
وللاسف الواحد لا اراديا بينجرف في التيار ده



........

ارجوا انى اكون خفيفه باسالتى ....وعيد سعيد..
نورتي
الرجوع الى أعلى الصفحة اذهب الى الأسفل
أيام للتاريخ
|مشرف|
|مشرف|


عدد الرسائل : 6935
العمر : 25
محل الاقامة : .
الوظيفة : .
تاريخ التسجيل : 25/01/2008

مُساهمةموضوع: رد: :: ضيف الاسبوع ... من جديد ::   الأربعاء 02 ديسمبر 2009, 11:38 pm

معلشى يا عز باشا..
اتاخرنا عليـــــــــــك فى الاسئلة...

بس انا ملاحظ حاجة غريــــــــــبة اوى..

الناس كلها عمالة تسالك اسئلة جادة كده ليــــــــه؟؟!!!

عايزين نساله اسئلة تخلينا كاننا عايشين معاه فى البيت وعرافينه من مليون سنة...

اصبر عليا بس وانا هقوم الناس عليــــــــــــك...
....


الاسئلة جاية فى الطريــــــــــــــــــــــــــــــق


_________________



يــــــــــــــــــــــــــــــارب




الرجوع الى أعلى الصفحة اذهب الى الأسفل
أيام للتاريخ
|مشرف|
|مشرف|


عدد الرسائل : 6935
العمر : 25
محل الاقامة : .
الوظيفة : .
تاريخ التسجيل : 25/01/2008

مُساهمةموضوع: رد: :: ضيف الاسبوع ... من جديد ::   الأربعاء 02 ديسمبر 2009, 11:59 pm


طبعا مرحبتش بيــــــــــك فى الرد اللى فات..

بس انت عارف غلاوتك عندى يعنى..

وبصراحة فى الاول كنت بشوفك شوية مغرور لانى مكنتش اعرفك اوى ..بس لما عرفتك عرفت انك ماشاء الله متواضع رغم ان فى اسباب كتيـــــــر ممكن تخليك تتغر

وعموما بحترم تفكيــــــــرك جدا .... وبتعجبنى دماغك ... وبقيت عايز ابقى زيك بعد ما عرفت كم المعلومات اللى انت عارفها ...
ماشاء الله عليـــــــــــك والله

غير طبعا بقى الهزار والرحلات والحاجت دى...

...........
بالمناسبة صحيــــــــح انت عايز تبقى دكتور باطنة؟؟ صح؟؟وعايز تدخل فى موضوع ادارة المستشفيات ....(حلك عندى انا اعرف دكتور باطنى كده ومديـــــــر مستشفى بس ايه راجل زى العسل....ابقى فكرنى اخدلك منه معاد )
.............................
ندخل فى الاسئلة بقى...

انت ناوى تخطب ؟؟؟ طب ناوى تخطب دلوقتى ولا ادام شوية؟؟؟
وايه رايك فى السن المناسب للخطوبة فى كليـــــــــة طب ..؟؟؟
وايه رايك ان واحد يخطب فى سنة رابعة مثلا او قبل او فى سادسة او امتياز؟؟؟ولا الاحسن بعد ما يكون نفسه خاااااااااالص؟؟؟
........
حلمت مرة حلم وانت نايم ... وحسيت انك نفسك يتحقق؟؟
........
طبعا انت قابلت ناس كتيـــــر فى حياتك واتاثرت بناس اكبر منك كتيـــــــــر
عمرك اتاثرت بحد اصغر منك؟؟
عمرك شوفت حد اصغر منك وشوفت فيه نفسك؟؟
بتتاثر بالمظاهر؟؟؟ طب عمرك اتخدعت من المظاهر؟؟؟
......
ايه اكتر حاجة بتحب تعملها فى حياتك؟؟ وبتبقى مستمتع بيها؟؟
>>>>>>>>
ايه اكتر اكلة بتحب اكلها؟؟؟
وايه اكتر مشروب بتحبه؟؟
........
ايه رايك فى المقاطعة؟؟؟ وهل لو واحد قاطع لوحده هيقدر يعمل حاجة؟؟؟

.............................

انت من اكتر الناس المثقفة اللى شفتها فى حياتى... فى سننا يعنى..

قلى ..
تنصحنا بايه عشان نبقى زيك؟؟
ولو هتنصحنا بكتب ...يبقى زى ايه مثلا ..؟؟قلنا اسماءها يعنى...
.......

تحب تقلى ايه فى اخر الاسئلة؟؟؟؟

يارب اكون مرخمتش اوى..كان نفسى ارخم اكتر بس متعوضة يعنى..لسه ادامك كام يوم تجاوبلى على دول واسالك تانى ان شاء الله...
وبعديــــــــن كان نفسى اغير شكل الاسئلة من جو الجد اوى ده...
بس انت اكمنك خبرة فالناس بتستغلك...
....

نسيت اقلك حاجة

كـــــــــــل ســـــــــنة وانـــــــــت طيـــــــــــب




_________________



يــــــــــــــــــــــــــــــارب




الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الخميس 03 ديسمبر 2009, 12:08 am

ĐʝϟϞA كتب:
عز باشا ... نبدأ على بركة الله :

سير يا ديشا على بركة الله
ونحن وراءك


كنت مقرر دورة الاسعافات بتاعت الاسرة من خمس سنيين هل شايف اختلاف فى دورة اسعافات الاسرة من وقتها لحد اخر دورة وعلى مدار الخمس دورات وهل الاختلاف للاحسن ولا للاسوأ؟
من اربعة بس
واكيد فيه اختلاف
السنة اللي بعدي
كانت تقريبا زينا مفيش اختلاف كبير
اللي بعدها
بصراحة مستواها مش عالي
بس الاخيرة كانت قوية
ويارب اللي جاي احسن
بس رغبة الطلاب بتفرق في التعليم بتفرق كتير في الدورة ونجاحها
وفيه مشكلة
دايما الاسعافات كنا بنستغلها علشان نخرج كوادر جيدة للاسرة
وناس تقدر ترفع راية النشاط
في النتين الاخيرة ده مش موجود
يمكن لان اللي بيمسك الدورة
مش بيكون منتمي للاسرة جدا زينا
لاننا كنا بنعتبر الاسرة دي
اسرتنا التانية
وفي بعض الاحيان الاولى





اسرة ميديكال كلوب وجودك فيها كعضو ... مسؤل عن مشروع .... مقرر غير ايه في حياتك
من حيث التعامل مع الناس والخبرة ؟
اكيد الخبرة بتزيد جدا
لكن في التعامل مع الناس مش بتفرق خالص
الا لو بدا يبقى فيه استهتار او تقاعس
لازم القيادي الناجح يستخدم سلطاته علشان المركب متغرقشي
وبصراحه
ايامنا كنا كلنا تقريبا بنشتغل في كل حاجة مع بعض
فمش فارق كتير انت عضو ولا مقرر ولا ايه
واتمنى انده يرجع تاني
والانتماء للاسرة يرجع يزيد تاني

وفيه حاجة انا ملاحظها في الفترة الاخيرة

في نشاط الاسرة كلها
احنا كل حاجة كنا بنعملعها في الكلية
لو هنقعد لحد الساعة 11 بالليل
او نيجي في ايام الاجازة
وكان بيطلع عنينا علشان الموافقات
لكن دلوقتي
بنحاول بقدر الامكان نطلع بره
ونركن على السناتر او المكتبات اللي بره
النقطة دي مش عجباني بصراحة
لان كترة قعادنا في الكلية كان بيزود انتمائنا ليها
وكمان الشغل وسط الناس بيعرفهم
انت بتتعب اد ايه
ومش بس كده دهبيجيب ناس كتير تشتغل معانا
وبيزود الحافز والغيرة عند الناس

محب للسلطة ... متلون بيتعامل بأكتر من وش .... بيتكبر على الناس بعد وصوله لمنصب ايا كان المنصب ده
ال3 صفات دول هل قابلت حد فيه الصفات ديه فى حياتك ؟؟ ولو قابلته كنت بتتعامل معاه ازاى ؟؟
وتعاملك معاه فادك بايه؟؟
يااااااااااااااااااااااه
كتير جدا
وبس الحمد لله
الواحد اتعلم ازاي يعامل الناس دي كويس
ومش بس كده
اتعلمت ازاي استغله كويس
ومبروم على مبروم ميروللش
وبقينت اعرف اخد منه اللي انا عايزه وهو يلعب مع النسمة
وي اخر 3او اربع سنين
الحمد لله كل واحد كان بيبقى عارف وضعه كويس
ومش بيحاول يتعداه
لانه لو تعداه عارف هو هيحصله ايه؟
فبيحاول بقدر الامكان انه يحيدك
علشان لو عاداني مش هيبقى كويس علشانه



كنت من الجيل القديم اللى كان موجود عالمنتدى من بدايته تقريبا ... هل شايف اختلاف بين المنتدى من 3 سنيين والمنتدى دلوقتى ؟؟؟ وياترى الاختلاف ده للاحسن ولا للأسوأ ؟؟ ولماذا ؟؟

فيه حاجة غلط
انا مش عارف هي ايه
انا كنت بادخل المنتدى بشكل منتظم
اول ما احمد عمله
وبعد كده في النص انشغلت
فكنت بادخل بصورة غير منتظمة
ومش متابع خالص
لكن بعد سنة سادسة
كان الواحد فضي خلاص
ورجعت تاني اتابع
واذ بي افاجا بتغيرات جذرية
عمري ما كنت احلم بيها
لحد زي ما احنا شايفين
دلوقتي مشاكل وتحذيرات
انا مش عارف التقصير جه منين
او مين اللي سمح بكده
ويارب كلنا نحاول بقدر الامكان نتكاتف
علشان الامور ترجع في مسارها الصحيح



ايه الاسماء اللى عاوز تسميها لولادك ان شاء الله ؟؟

المدام اللي هتبقى تسميهم
انا عارف ان الحاجات التافهة دي بتعجبهم
بس لازم يبقى اسم فيه رجولة مش الاسامي السيييييييس
اللي بنسمعها اليومين دول


شايف ان تسليم الراية فى الاسرة ومشاريعها بالنظام الحالى اللى ماشيين عليه (اللى هو اختيار الكبار لمن يخلفهم) احسن ولا ان يبقى فيه زى انتخابات ونشوف رأى اعضاء الاسرة كلهم ؟؟
فكرنا في الموضوع ده كتير
ووجدنا ان الحل اللي بنعمله ده هو الاسلم
لان كثيرا ماتفرز الانتخابات اشخاص غير مناسبين بالمرة
ويمكن ده ساعات بيظهر في الاتحاد
واحنا مازلنا ممكن ننتخب صاحبنا حتى ولو كان غير كفء
ونسيب الرجل المناسب علشان مش بنستريحله
ونضرب بالمصلحة العامة عرض الحائط


6 سنين فى طب ايه احسن سنة مرت عليك فيهم وليه ؟؟
الحمد لله
انا استمتعت بكل سنين الكلية
كل حاجة كان بيميزها حاجة
ب سسنة خامسة كان ليها مذاق خاص
يمكن علشان كنت اول واحد من سنة 5 يمسك رئيس اتحاد الطلاب
على غير العرف السائد



هل شايف ان وحده الجوده فى الكلية بتفيد الطلبة فعليا ولا مجرد اسم وورق ؟؟
والله فيها ناس ليهم فكر عالي جدا
واللجنة الطلابية متميزة وبتضم افراد على كفاءة عالية
بس المشكلة ان في الجودة ناس
لايمتوا اليها باي شكل من الاشكال
ولا يعرفوا يعني ايه جودة اصلا
المشكلة الاكبر
ان هناك مزيد من القوانين العقيمة اللي بتمنع الناس انها تطبق فكرهم
وبتقف حائل كبير امامهم
وفيهم مشكلة تانية
انهم قافلين جدا على نفسهم
وده مخلي ناس كتير مش بتعرف حاجة عنهم
ولو سالت اي طالب يعني ايه جودة
هيقولك يعني
امتحانات كتير
وصعوبة وتعقيد للناس


مشروع الهيلبر تيم لما بدأ فى الاسرة كان هدفه الاساسى انه يعلم الطالب الاعتماد على نفسه وازاى انه يستفيد من اخواته الاكبر منه فى الكلية وبالتالى هيقلل من الكورسات ؟؟
هل شايف اننا نقدر بمشروع الهيلبر تيم بتاع الميديكال اننا نوصل فى يوم من الاسام لكلية بلا كورسات ؟؟
صعب ان انت تقضي على الكورسات
لان الطلاب بييجوا من الثانوي واخد انه بياخد في المادة الواحدة درس واتنين
فخلاص بقت عادة
بس هو ممكن يقللها شوية
وبالاخص للناس اللي دخلهم متوسط او بسيط



كفاية كده عليك يا عز مش عازين نبقى تقال بردو

يا باشا انا تحت امرك
وكل سنة وانت طيب يا معلم
وانت طيب وزي الفل

الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الخميس 03 ديسمبر 2009, 12:23 am

Mediko كتب:
السلام عليكم

يااااه عز باشا ...
الواحد بجد مش عارف يقول إيه و لا إيه ؟؟؟
الله يكرمك ويبارك فيك
ياعم كفاية السلام عليكم


معلش الواحد جه متأخر شوية بس أنت عارف بقى مشاغل الدنيا
....
انت هتقوللي
من دلوقتي
طيب اما تكبر شوية هتعمل فينا ايه ؟!!


المهم نسألك سؤالين خفافي كده لأن الناس شكلها كده متوصية بيك ...
مش عارف ده معايا بس
ولا مع الناس كله
ا


لو أخوك الصغير داخل الكلية عندنا هتنصحه و تقوله إيه ؟؟؟
لو دخل الكلية انا هتبرأ منه
لاني هكون حذرته قبلها ومش هيكون سمع كلامي
بس ان كنت لابد فاعلا
هقوله لازم يهتم بالمذاكرة على قد مايقدر
لانها هتريحه كتير بعد كده
وبعد مايخلص مذاكرته يعمل كل اللي عايزه
ويروح اي مكان هو بيحبه
ويستمتع بحياته على قد ما يقدر
لان بعد ما يتخرج
هيدخل دوامة كبيرة
ومش هيلاقي اي وقت


لو قلتلك اختار سنة من سنينك اللي فاتت تعيشها تاني ، تختار أي سنة ؟؟
ياريت ينفع
ارجع اعيش كل السنين تاني
علشان اصلح كل اللي بوظته فيها


أكتر دكتور في الكلية بتحترمه من أعضاء هيئة التدريس أثر فيك ؟؟؟
والله كتير
يعني على سبيل المثال لا الحصر
دكتور وليد نيازي ( مدرس بيو )
الدكتورة ايمان سري
الدكترة نانسي اسعد والدكتورة مشيرة من الباثولوجي
الدكتور سليمان الشخص والدكتورة عواطف فرغلي من الجراحة


و لو رجع بيك الزمن مرة تانية هل كنت هتركز في مذاكرتك أكتر و تقلل من النشاط شوية و لا أنت شايف أنه كده أحسن ؟؟؟

هركز في مذاكرتي اكتر اه
لكن كنت هزود من النشاط كمان وكمان
لانه كان ومازال المتعة الشخصية ليا



و كفاية كده دلوقتي ...
و ربنا يوفقك بإذن الله للخير دايماً
يارب وربنا يخليك
وانا منتظرك في اي وقت
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الخميس 03 ديسمبر 2009, 12:29 am

oMaRiTo كتب:
معلشى يا عز باشا..
اتاخرنا عليـــــــــــك فى الاسئلة...
ياريس انا استناك ولو سنة
مش يومين تلاتة


بس انا ملاحظ حاجة غريــــــــــبة اوى..

الناس كلها عمالة تسالك اسئلة جادة كده ليــــــــه؟؟!!!


والله برافو عليك
انا مش عارف
ده لو استجواب في مجلس الشعب كان هيبقى اخف من كده


عايزين نساله اسئلة تخلينا كاننا عايشين معاه فى البيت وعرافينه من مليون سنة...

المشكله اني ماكنتش بلاقي وقت علشان اقعد في البيت

اصبر عليا بس وانا هقوم الناس عليــــــــــــك...
....


كده يا عمر
ده انتا حبيبي
تعمل في كده
ماشي
هيجيلك يوم


الاسئلة جاية فى الطريــــــــــــــــــــــــــــــق

حاسب من المطبات
الرجوع الى أعلى الصفحة اذهب الى الأسفل
dr_diab2
الريشة الفضية للمنتدى
الريشة الفضية للمنتدى


عدد الرسائل : 3360
العمر : 26
الوظيفة : Ever failed. No matter. Try again. Fail again
تاريخ التسجيل : 04/07/2008

مُساهمةموضوع: رد: :: ضيف الاسبوع ... من جديد ::   الخميس 03 ديسمبر 2009, 12:38 am

عز باشا اخونا الكبير وحبيب قلبي من جوه

عاوز اسئلك كمان سؤال واحد قبل مالاسبوع يخلص وينبوع الخبره والعلم والمحبه ينضب

يا رب يكون سؤال خفيف

عاوزك تقول رأيك في الاشخاص اللي جايين دول

دكتور سعيد عسكر عليه رحمة الله - ممدوح ابو هنديه - ماجد الوراقي - محمد غريب - احمد عز (عضو مجلس الشعب) - ابو شادي الكبير والصغير - واخيرا دياب الكبير والصغير
الرجوع الى أعلى الصفحة اذهب الى الأسفل
السحاب الأحمر
أخ أكبر
أخ أكبر


عدد الرسائل : 1002
العمر : 30
الوظيفة : أحاولُ جاهدًا في كل صوب ..
تاريخ التسجيل : 10/12/2006

مُساهمةموضوع: رد: :: ضيف الاسبوع ... من جديد ::   الخميس 03 ديسمبر 2009, 1:23 am

عز حبيبي ..

حبيت أقول لك كل سنة وأنت طيب ...

وكمان أقول إني أعرفك من كم سنة بس من حوالي سنة واحدة .. القدر جمع بينا كــ دويتو أكتر من مرة في أوقات سعيييدة .. ( أكيد فاكر ) .. وكمان في الامتياز جمع بينا كـ دويتو تاني في أعمال شااااقة .. ( أكيد برده عارف .. ) ...

ودي كانت أكتر مرة قربنا فيها لبعض ..
واتكلمنا في حاجات كتير على غير المعتاد بينا ... وشفت عز من جوه ... ولمست فيه أجمل نقطة ضعف ممكن تكون في أي إنسان .. علشان يبقى إنسان ..

حبيت أقول لك : إني أحبك في الله ..

وأقول لك كمان بمناسبة بكرة : ربنا يستر ..

وأسألك سؤال كمان كدا ...

إيه هو انطباعك عن الدويتوين دول .. ( بدون تفاصيل عن الأول .. الله يسترك )



_________________
.


عاشقٌ .. في غرفة العمليات




اللهم أعني .. وخذ بيدي .. ولا تكلني إلى نفسي طرفة عين ..
وارزقني حسن الطاعة .. والعزيمة فيها .. والثبات عليها ..


الرجوع الى أعلى الصفحة اذهب الى الأسفل
™CoNo™
عضو ذهبي
عضو ذهبي


عدد الرسائل : 1309
العمر : 28
الوظيفة : إنسان
تاريخ التسجيل : 04/10/2008

مُساهمةموضوع: رد: :: ضيف الاسبوع ... من جديد ::   الخميس 03 ديسمبر 2009, 2:31 am

Dr. Ezz كتب:
ĐʝϟϞA كتب:

ومبروم على مبروم ميروللش


عز باشا حبيب هارتي من جوا ، والعضوية النشيطة مجتمعيا وحزبيا وإنسانيا وأحلى كلام يتقال لولاد بلدي الجدعان "كلمتين تثبيت كدا قبل ما ندخل في الجد"
حلو أوي الإفيه دا على فكرة .. وينفع اليومين دول للتعامل مع بعض الأشخاص ..
نخش في الجد بقى :

1- نرجع بالزمن شويتين لورا ..
كان دايما بيبقى فيه مشاكل جامده جدا جدا في اختيار قيادات الأسرة وبالذات في فترة 2006 2007 وحتى استمرت بعد كدا بس يمكن بحدة أقل شوية ، وغالبا كان بيبقى فيه كذا جبهه ..
إنت شايف ايه الحل في الموضوع دا ، يعني ازاي - كقيادي في الأسرة - توصل لطريقة تخلي في انسيابية في اختيار الكوادر ؟ وهل دا ممكن ولا لأ؟

2- طبعا إنت عارف إن فيه ناس مهمه جدا خلصوا دراستهم الجامعية وكانوا هما النواة الأساسية لأسرة الميديكال وهما إلي أعادو ليها الحياة من جديد بعد ما كانت انتهت تماما على رأسهم أحمد سامي وأحمد خليفة وناس تانية كتير وبمرور الوقت القايمة بتزيد جدا جدا وبالتالي النشاط بيخسر الناس دي ومجهوداتهم ..
انت شايف ممكن تربط ازاي بين الناس دي وبين الأسرة دي ؟ هل مثلا فكرة تحويل الأسرة لجمعية خيرية ليها كوادرها وبنيتها ممكن يعمل حلقة الوصل دي ؟ وايه رأيك في فكرة الجمعية دي ؟

3-بكل صراحة ، قدامك 4 شهور وامتيازك يخلص ، هل هتستمر في المشاركة في المشاريع الخيرية والعمل الخدمي بصفة عامة ولا هتبيع الليلة ويدووووووربك وقتك مش هيكفي غير للشغل وخلاص ؟


4- كام صداقة حقيقية(صديق بجد إلي هو فعلا تقدر تحكيلة أدق أسرارك) تقدر تقول إنك بعد 6 سنين في الكلية حققتها ؟ على فكرة عاوز العدد بس - مش عاوز أسماء -
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: :: ضيف الاسبوع ... من جديد ::   الخميس 03 ديسمبر 2009, 2:35 am

عزجوله مش هوجع دماغك زى ماهما بيعملو

عاوزك بس تجاوبنى على حاجه واحده ...

انت عارفنى كويس ..

لو حبيت ف يوم تقوللى نصيحه شخصيه

تحب تقوللى ايه

( بس ياريت تكتر ف الكلام عشان مش كل شويه هستفتسر عن معنى الكلام )
ههههههه

سلام يا طبيب
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
Mirage
|مشرف|
|مشرف|


عدد الرسائل : 5939
العمر : 26
محل الاقامة : -
الوظيفة : -
تاريخ التسجيل : 30/09/2008

مُساهمةموضوع: رد: :: ضيف الاسبوع ... من جديد ::   الخميس 03 ديسمبر 2009, 4:40 pm

عز باشاااا..
منور و الله..

أنا أسالك كم سؤال خفيف...لانك بصراحة انت صعبت عليه من الكتابة دي كلها..

ايه اهم حدث حصل في حياتك السنة دي..؟؟

7/8/1996 ليه اخترت اليوم ده بالذات..
ايه اللي حصل فيه...؟؟

لو اتيح ليك انك ترجع بالزمن تاني علشان تصحح غلطتين
ايه الغلطتين اللي انت هنختار تصلحهم..؟؟

كل انسان في مزايا و عيوب
ايه احسن ميزة في عز...؟؟

ايه اكتر عيب عايز تتخلص منه..؟؟

لو طلبت منك تقول حكمة..تقول ايه..؟؟

ايه اكتر صفة متحبش تلاقيها في اي واحد بتتعامل معاه..؟؟

لما تيجي تخطب..لازم تخطب دكتورة و لا مش فارقة معاك..؟؟

ايه رايك في المقولة دي ( الغاية تبرر الوسيلة )..
و لو حطينا قبلها احيانا تمشي و لا ايه..؟؟

بما ان هوايتك القراءة..ايه اكتر كتاب قريته و اثر فيك..؟؟

و في الاخر.. انت زملكاوي و لا أهلاوي..
و الله يخليك متقوليش زمهلكاوي و لا مصراوي..؟؟


واضح ان الاسئلة خفيفة..


كفاية عليك كده دلوقتي..هرجعلك تاني


_________________



No Sacrifice .. No Victory


عدل سابقا من قبل Mirage في الجمعة 04 ديسمبر 2009, 5:07 am عدل 1 مرات
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الجمعة 04 ديسمبر 2009, 1:49 am

oMaRiTo كتب:

طبعا مرحبتش بيــــــــــك فى الرد اللى فات..
الكلام ده مش بيننا احنا ياعم عمر

بس انت عارف غلاوتك عندى يعنى..
مش محتاجة كلام

وبصراحة فى الاول كنت بشوفك شوية مغرور لانى مكنتش اعرفك اوى ..بس لما عرفتك عرفت انك ماشاء الله متواضع رغم ان فى اسباب كتيـــــــر ممكن تخليك تتغر
طيب الحمد لله
بس هو ساعات الثقة بالنفس شوية بتتفهم على انها غرور
وعلى العموم مابين الثقة بالنفس والغرور شعرة
وانا اتأرجح على هذه الشجرة

وبصراحة انا مش شايف اي اسباب تخليني اتغر
لاني اقل من الناس كلها في كل حاجة



وعموما بحترم تفكيــــــــرك جدا .... وبتعجبنى دماغك ... وبقيت عايز ابقى زيك بعد ما عرفت كم المعلومات اللى انت عارفها ...
ماشاء الله عليـــــــــــك والله

ا
لله يخليك ويبارك لك
بس انت اكيد بتتكلم على حد تاني مش عليا
لاني مش شايف الكلام ده
ووالله انا اللي نفسي اكون زيك


غير طبعا بقى الهزار والرحلات والحاجت دى...

دا انتا ماشفتش حاجة
امال لو لحقتنا ايام الشباب بقى
ولا اما باكون مع شله مفرفشة
على العموم متعوضة بعد كده



...........
بالمناسبة صحيــــــــح انت عايز تبقى دكتور باطنة؟؟ صح؟؟وعايز تدخل فى موضوع ادارة المستشفيات ....(حلك عندى انا اعرف دكتور باطنى كده ومديـــــــر مستشفى بس ايه راجل زى العسل....ابقى فكرنى اخدلك منه معاد )

طبعا يا ريس
بس ده شرف كبير علينا قوي دلوقتي
واحنا مش قده

.............................
ندخل فى الاسئلة بقى...

انت ناوى تخطب ؟؟؟ طب ناوى تخطب دلوقتى ولا ادام شوية؟؟؟
اكيد ان شاء الله مش هخليني قاعد كده
ادعيلي انت بس
وان شاء الله هيبقى قريب جدا


وايه رايك فى السن المناسب للخطوبة فى كليـــــــــة طب ..؟؟؟
انا شايف بعد ماتخلص الكلية على طول او بالكتير اوي بعد الامتياز
بس الموضوع محتاج حاجات تانية كتيرة

وايه رايك ان واحد يخطب فى سنة رابعة مثلا او قبل او فى سادسة او امتياز؟؟؟ولا الاحسن بعد ما يكون نفسه خاااااااااالص؟؟؟
والله الموضوع له ابعاد كتيرة
منها مثلا الجانب المادي
وكمان انت هتبقى قد المسئولية ولا لا
والبنت اللي تصلح تكون زوجة ليك موجودة ولا لأ
اول مالحاجات دي تتوفر خش في الموضوع على طول
بس مبدايا
انا شايف ممكن الخطوبة في اي وقت
والجواز بعد الامتياز

........
حلمت مرة حلم وانت نايم ... وحسيت انك نفسك يتحقق؟؟
المشكلة اني انا عمري ما بفتكر اي حلم انا حلمته
مش عارف ليه
وبفكر ابقى اعدي على اي حد بتاع سيكولوجي
اشوف الموضوع ده طبيعي ولا ايه

........
طبعا انت قابلت ناس كتيـــــر فى حياتك واتاثرت بناس اكبر منك كتيـــــــــر
عمرك اتاثرت بحد اصغر منك؟؟
ايون
على سبيل المثال
محمد العالم وعمرو حمدي
باحب فيهم انهم على طول بيضحكوا
وبحاول اعمل زيهم



عمرك شوفت حد اصغر منك وشوفت فيه نفسك؟؟
بصراحة لا
بس شوفت كتير احسن مني بمراحل
وانا مقتنع ان مفيش حد زي التاني في الدنيا كلها


بتتاثر بالمظاهر؟؟؟ طب عمرك اتخدعت من المظاهر؟؟؟
في بعض الاحيان
لان انبهار العين ساعات بيغيب العقل او بيشوش على التفكير
بس الاعجاب بمظهر اي حاجة او اي شي مش بيدوم كتير
لانك بمجرد انت تبدا تفكر فالشعور ده بينتهي


......
ايه اكتر حاجة بتحب تعملها فى حياتك؟؟ وبتبقى مستمتع بيها؟؟
مش عارف بصراحة
انا باستمتع بحاجات كتيرة جدا
مثلا انا بحب الاكل جدا
وكمان اني اخرج واشوف اشكال جديدة
واني اعرف ناس جداد ويبقوا اصحابي
واما اعلم على واحد بيتنطط على خلق الله وهو ملوش في اي حاجة

>>>>>>>>
ايه اكتر اكلة بتحب اكلها؟؟؟
كتير زي الأسماك بجميع انواعها
والارز والمكرونة البشاميل
واعشق المحشي
ومن الفاكهة
الموز والمشمش


وايه اكتر مشروب بتحبه؟؟
الشاي والكركديه والبيبسي

........
ايه رايك فى المقاطعة؟؟؟ وهل لو واحد قاطع لوحده هيقدر يعمل حاجة؟؟؟
الموضوع ده محير جدا
ساعات بحس ان احنا لو قاطعنا فعلا
هنخرب بيوت كتيرة في مصر
والواحد لو دقق هيلاقي ان اكيد فيه حد من قرايبك بيشتغل في مكان من الاماكن دي
وللاسف مفيش بديل
والناس مش لاقية تشتغل اصلا
مابلك لو المصانع والشركات دي قفلت
وساعات تانية الواحد يقول
ان ربنا هيسهلها للناس دي
وان المصلحة العامة بتقتضي ده
ومحدش بينام من غير عشا
مش عارف
ولو حد مقتنع بفكرة المقاطعة انا شايف انه يقاطع
واظن مادام الموضوع عليه خلاف كبير
يبقى كل حد يعمل اللي مقتنع بيه


.............................

انت من اكتر الناس المثقفة اللى شفتها فى حياتى... فى سننا يعنى..
اسف
بس ده مش صح
فيه ناس كتير جدا احسن مني بمراحل بس يمكن انتم متعرفهمش
انا بس يعني بحاول اخللي جزء من وقتي للقراءة

قلى ..
تنصحنا بايه عشان نبقى زيك؟؟

والله ياعم مش كويس ليك ان انت تبقى زيي

ولو هتنصحنا بكتب ...يبقى زى ايه مثلا ..؟؟قلنا اسماءها يعنى...
انا عن نفسي بحب اقرا السير والتاريخ
باحس ان ده بيديك امل
لانك بتلاقي ناس واجهت صعوبات ومشاكل وقدرت انها تعديها وتحلها
وده بيرفع الهمة شوية
لانهم بشر زيك بالظبط
بس ده ميمنعشي اني باقرا كل حاجة
على سبيل المثال الكتب اللي قريتها وعدتها اكتر من مرة
العبقريات للعقاد
والخالدون مائة اعظمهم محمد صلى الله عليه وسلم
وتاريخ الاندلس للدكتور طارق السويدان
الرحيق المختوم
وفيه كتب سياسية كتير
معظمها عن مشكلة فلسطين
وكتب التنمية البشرية
وبعض الروايات

بس على فكرة دلوقتي كمان فيه برامج اكتر من رائعة
على اكتر من قناة زي اقرا والرسالة
دلوقتي فيه برنامج رهيب للدكتور راغب السرجاني اسمه (خط الزمن )
وكمان الجزيرة الوثائقية اكتر من رائعة


.......

تحب تقلى ايه فى اخر الاسئلة؟؟؟؟
بجد انا استمتعت جدا لانك خرجتني من حيز الكلية والدراسة والمشاكل بتاعتها
بس تعبتني شوية
بس احب اقولك
انه ليس كل مايلمع ذهبا


يارب اكون مرخمتش اوى..كان نفسى ارخم اكتر بس متعوضة يعنى..لسه ادامك كام يوم تجاوبلى على دول واسالك تانى ان شاء الله...
انت عمرك ماهترخم عليا
ولو دي رخامتك انا عايز منها على طول


وبعديــــــــن كان نفسى اغير شكل الاسئلة من جو الجد اوى ده...
WELL DONE
بس انت اكمنك خبرة فالناس بتستغلك...
الله يخليك
....

نسيت اقلك حاجة

كـــــــــــل ســـــــــنة وانـــــــــت طيـــــــــــب


وانت بالف صحة وخير وسعادة
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الجمعة 04 ديسمبر 2009, 2:06 am

dr_diab2 كتب:
عز باشا اخونا الكبير وحبيب قلبي من جوه
ياسيدي

عاوز اسئلك كمان سؤال واحد قبل مالاسبوع يخلص وينبوع الخبره والعلم والمحبه ينضب
انا خلاص لزقت في الكرسي

يا رب يكون سؤال خفيف
يارب

عاوزك تقول رأيك في الاشخاص اللي جايين دول

دكتور سعيد عسكر عليه رحمة الله

ربنا يرحمه كان نعم الرائد للاسرة
وكان بيخلصلنل موافقات كتير
بيطلع عنينا دلوقتي علشان ناخدها
وكان متواجد معانا باستمرار في اي حاجة بنعملها
الله يرحمه ويجمعنا بيه في لجنة ان شاء الله


- ممدوح ابو هنديه
رفيق الكفاح
وصديق من اصدقاء العمر
ربنا يديم الصداقة والمحبة اللي ما بين
ا


- ماجد الوراقي
آخر مقرري الميديكال اللي كانوا عارفين كل حاجة
واللي صعب ييجي زيهم تاني


- محمد غريب
ربنا معاك
وقوتك جاية من الناس اللي حواليك واللي اكبر منك
ياريت متخسرش اي حد فيهم


- احمد عز (عضو مجلس الشعب)
اللي يلاقي الدلع وميدلعشي ....
هشتكنا وبشتكنا ياريس


- ابو شادي الكبير
ربنا يكرمك والNEW SYSTEM اللي بتحاول تبنيه يبدا يخرج للنور
مع اني اشك في ذلك

بس انت سبورت ونلت
ويارب بعد عشر سنين ولا حاجة تخليك فاكرنا ياريس


والصغير
ياريت الجودة متلحسشي كل عقلك زي ناس
وانا متاكد من انك ماشي على الطريق الصحيح


- واخيرا دياب الكبير

صباح الدمااااااااااااغ العالي

والصغير

حبيب قلبي
بس آه لو تصنفر مخك شوية
الرجوع الى أعلى الصفحة اذهب الى الأسفل
Bahaa
|مشرف|
|مشرف|


عدد الرسائل : 8109
العمر : 28
محل الاقامة : My Dreams
الوظيفة : .....
تاريخ التسجيل : 08/02/2007

مُساهمةموضوع: رد: :: ضيف الاسبوع ... من جديد ::   الجمعة 04 ديسمبر 2009, 2:40 am

عزجوله باشا

يعنى

( عز ) و ( رجوله )



والله واحشنى

اهو وجودك ف المستشفى بحس انك مدير المستشفى

رايح جاى بتابع سير الحركه الصحيه



.....................

انا داخل اسلم مش اكتر

وكل سنه وانت طيب




الرجوع الى أعلى الصفحة اذهب الى الأسفل
http://www.mosshaf.com/web/
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   السبت 05 ديسمبر 2009, 12:49 am

السحاب الأحمر كتب:
عز حبيبي ..

اسلام باشا حبيب الملايين

حبيت أقول لك كل سنة وأنت طيب ...
وانت طيب يابرنس

وكمان أقول إني أعرفك من كم سنة بس من حوالي سنة واحدة .. القدر جمع بينا كــ دويتو أكتر من مرة في أوقات سعيييدة .. ( أكيد فاكر ) .. وكمان في الامتياز جمع بينا كـ دويتو تاني في أعمال شااااقة .. ( أكيد برده عارف .. ) ...


ودي كانت أكتر مرة قربنا فيها لبعض ..
واتكلمنا في حاجات كتير على غير المعتاد بينا ... وشفت عز من جوه ... ولمست فيه أجمل نقطة ضعف ممكن تكون في أي إنسان .. علشان يبقى إنسان ..

مش عايزين فضايح هنا يا سمسم

حبيت أقول لك : إني أحبك في الله ..
احببتك في الذي احببتني فيه

وأقول لك كمان بمناسبة بكرة : ربنا يستر ..
الحمد لله ستر

وأسألك سؤال كمان كدا ...

إيه هو انطباعك عن الدويتوين دول .. ( بدون تفاصيل عن الأول .. الله يسترك )
كان دويتو جامد
كانت ايام الشباب وبنعيشها
بس خلاااااااااااص عجزنا بقى
وحسن الختام


اما دويتو الشقاء
فوالله انت مصبرني
وانا متاكد انك لو سيبتني
فانا كمان هسيب
بعدك بفترة وجيزة
ولو الموضوع اياه مكملشي
فاظن ان انا هسيب قريب جدا



الرجوع الى أعلى الصفحة اذهب الى الأسفل
M. 3allam
:: مقرر الأسرة ::
:: مقرر الأسرة ::


عدد الرسائل : 472
العمر : 26
الوظيفة : مستني أتخرج
تاريخ التسجيل : 14/04/2007

مُساهمةموضوع: رد: :: ضيف الاسبوع ... من جديد ::   السبت 05 ديسمبر 2009, 1:30 pm

عزجولة باشا

حبيب هارتي
والله نفسي اسألك بس مش عارف اسألك في ايه
على العموم نسأل سؤالين وخلاص......
*فاكر رحلة امتحان الباطنة...........دايما كده ؟ولو قدامك نفس الفرصة تانى هتتطلعها؟
*نفسك تخطب من الكليه ولابره؟
*العربية الاول ولا العروسة؟
*ايه احسن موقف حصلك وانت فى استقبال المستشفى؟وايه اسوأ موقف ؟واكتر موقف مضحك؟
*ماذا يمثل لك كل من :الكلية-الجامعة-المنتدى-الاسرة-المستشفى-اتحاد الطلبه-الصيدلية الخيرية-رسالة-الأول؟؟؟؟؟؟
واخيرا.........
ربنا يديم المعرووووووف
الرجوع الى أعلى الصفحة اذهب الى الأسفل
Ahmed Adel
|مشرف|
|مشرف|


عدد الرسائل : 3698
العمر : 27
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: :: ضيف الاسبوع ... من جديد ::   السبت 05 ديسمبر 2009, 4:24 pm

انا كنت ناوى أسأل تانى

بس بقول كفاية كده شكلك اطحنت يادكترة


بس هانت خلاص

ناقصلك شوية اسئلة صغيرة

ترد عليهم انت بس وتخلصهم

وتبقى افراج ياعم
..... ونعلن عن الضيف الجديد

_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
Mo7ammed Fawzy
|مشرف|
|مشرف|


عدد الرسائل : 738
العمر : 29
محل الاقامة : شبين الكوم
الوظيفة : طالب بالفرقة السادسة
تاريخ التسجيل : 01/02/2007

مُساهمةموضوع: رد: :: ضيف الاسبوع ... من جديد ::   السبت 05 ديسمبر 2009, 5:49 pm

السلام عليكم

أنا شايف زمايلنا كلهم قاموا بالواجب في الأسئله

بس عايز اقولك يا محمود بيك

أنا بحبك في الله
وأتمنالك من قلبي مستقبل باهر

وتقريبا انا قرأت الحوار كله ويمكن فكرتني بذكريات حضرتها معاك
ومنها فاكر الرحله الجامده والعصيبه من 4 سنين تقريبا
كانت رحله مستعجله وكنا قاعدين في الكافتريا واضطريت تطلع انت وماجد وأحمد خليفه
عشان العدد يعلى شويه وفاكر انت كنت متردد شويه عشان البيت خاصة ان ألأنشطه خدت من وقتك كتير وياترى هتقوللهم ايه عشان الرحله المفاجئه دي

وبالمناسبه ماجد الوراقي كان مقضي الرحله كلها نوم وكان طالع بس زي ما قولت من شويه عشان يدفع فلوس ورحلة الميديكال تطلع


وفاكر اول لقاء بيك كان في الاسعافات بعد سنه أولى
وكاننا كن اصحابك من زمان
وطبعا كنا مدوخينك شويه
بس كما تدين تدان
بعدها بسنتين كنت مكانك


see you
الرجوع الى أعلى الصفحة اذهب الى الأسفل
عابـر سبيـل
|مشرف|
|مشرف|


عدد الرسائل : 4176
العمر : 29
محل الاقامة : مهاجر إلى الله..هذا سبيلي
الوظيفة : مجاهد .. بعيـــدا ً
تاريخ التسجيل : 29/10/2007

مُساهمةموضوع: رد: :: ضيف الاسبوع ... من جديد ::   السبت 05 ديسمبر 2009, 9:51 pm

عز باشا .. يانهار أبيض
معلش النت عامل معايا عمايله اليومين دول
ومش بعرف أدخل كتير .. ومعرفتش اتابع في
الموضوع ده .. وكان عندي اسئله كتير نفسي اسألهالك
لكن الناس هنا ماشاء الله قايمين معاك بالواجب وزياده ومخلوش
حاجه الواحد نفسه يسأل عنها وممكن يسألك فيها
بس والله الواحد رغم إن الموضوع طويل ومكنتش متابعه أول بأول بس قرأته
واستمتعت جدا بردودك
عشان كده أنا هكتفي بالترحيب بيك بس بدل ما أعيد اسئله ومكانش ينفع تعدي كده ضيف
الأسبوع ومكتبش ليك رد
صحيح إننا لم يكتب لينا اللقاء على أرض الواقع إلا مرات قليله جدا ومتعرفتش عليك إلا
متأخر من خلال بوابة الصيدليه الخيريه ويوم اللف على الأجهزه لما لفينا سوى
بس حقيقي الواحد اتعلم منك حاجات كتير أوي واستفاد منك جدا .. وأتمنى أن يجمعنا
القدر في مرات أكتر عشان إنت من الناس اللي معرفتهم كنوز ورغم ده كله إنسان
غايه في التواضع
أتمنى من ربنا سبحانه وتعالى أن يوفقك وتحقق كل اللي بتتمناه في الأيام القادمه
ومعلش لو طولت عليك بس ده كان لازم

_________________
مـن يهـن يسهـل الهـوان عليـه ... ما لجـرح بميــت إيــلام
الرجوع الى أعلى الصفحة اذهب الى الأسفل
http://www.tvanashed.com/
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الأحد 06 ديسمبر 2009, 3:22 am

MOrO.a6lal 2010 كتب:
Dr. Ezz كتب:
ĐʝϟϞA كتب:

ومبروم على مبروم ميروللش


عز باشا حبيب هارتي من جوا ، والعضوية النشيطة مجتمعيا وحزبيا وإنسانيا وأحلى كلام يتقال لولاد بلدي الجدعان "كلمتين تثبيت كدا قبل ما ندخل في الجد"
حلو أوي الإفيه دا على فكرة .. وينفع اليومين دول للتعامل مع بعض الأشخاص ..
قصدك مين؟!!!!!!!!!!!!!!!
نخش في الجد بقى :

1- نرجع بالزمن شويتين لورا ..
كان دايما بيبقى فيه مشاكل جامده جدا جدا في اختيار قيادات الأسرة وبالذات في فترة 2006 2007 وحتى استمرت بعد كدا بس يمكن بحدة أقل شوية ، وغالبا كان بيبقى فيه كذا جبهه ..
إنت شايف ايه الحل في الموضوع دا ، يعني ازاي - كقيادي في الأسرة - توصل لطريقة تخلي في انسيابية في اختيار الكوادر ؟ وهل دا ممكن ولا لأ؟
ا
لموضوع فغلا صعب جدا
لان فيه ناس كتير بتحب السلطة وهي غير اهل ليها
وناس تانية قادرة على تحمل المسئولية بس بتخاف شوية منها
او من انها تكون المسئول الاول
يعني مش عايزين يبقوا في وش المدفع
الطريقة اللي انا شايفها
هي انه من قبلها بسنة يتم اختيار اتنين او تلاتة
يكونو قد المسئولية وفي نفس الوقت مستعدين انهم يكونوا في موقع المسئولية دي
ونبدا نفهمهم ونعرفهم كل حاجة
بالتالي هنرتاح من الدوخة والتوهان اللي في اول كل سنة

2- طبعا إنت عارف إن فيه ناس مهمه جدا خلصوا دراستهم الجامعية وكانوا هما النواة الأساسية لأسرة الميديكال وهما إلي أعادو ليها الحياة من جديد بعد ما كانت انتهت تماما على رأسهم أحمد سامي وأحمد خليفة وناس تانية كتير وبمرور الوقت القايمة بتزيد جدا جدا وبالتالي النشاط بيخسر الناس دي ومجهوداتهم ..
انت شايف ممكن تربط ازاي بين الناس دي وبين الأسرة دي ؟ هل مثلا فكرة تحويل الأسرة لجمعية خيرية ليها كوادرها وبنيتها ممكن يعمل حلقة الوصل دي ؟ وايه رأيك في فكرة الجمعية دي ؟
الجمعية فكرة جيدة جدا
بس محتاجة وقت
ومفيش حد دلوقتي عنده وقت
اما موضوع الربط بين الاجيال ده فهي مسئولية الناس اللي موجودة دلوقتي
ممكن يدعو الناس الكبيرة في الاحداث المهمة للاسرة
او الاجتماعات المستمرة
او جلسات نقاش بين الاجيال لنقل الخبرات
وكمان تعريف الناس الجديدة بالعلامات السابقة
وان شاء الله ممكن نعمل كتيب صغير عن تاريخ الاسرة
عن اهم الانجازات
والرواد
والمقررين السابقين
والقياديين البارزين في تاريخ الاسرة


3-بكل صراحة ، قدامك 4 شهور وامتيازك يخلص ، هل هتستمر في المشاركة في المشاريع الخيرية والعمل الخدمي بصفة عامة ولا هتبيع الليلة ويدووووووربك وقتك مش هيكفي غير للشغل وخلاص ؟

ل
ازم يكون فيه نشاط اخر وخدمة مجتمعية غير الطب
باي شكل من الاشكال
وتحت اي مسمي
ولاي مجموعة من الناس
4- كام صداقة حقيقية(صديق بجد إلي هو فعلا تقدر تحكيلة أدق أسرارك) تقدر تقول إنك بعد 6 سنين في الكلية حققتها ؟ على فكرة عاوز العدد بس - مش عاوز أسماء -
حوالي 3او 4 اللي ممكن مخبيش عنهم اي حاجة
بس بثق في ناس تانية كتيرة يتجاوزز العشرين تقريبا

الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الأحد 06 ديسمبر 2009, 3:30 am

THE ART OF ANASTOMOSIS كتب:
عزجوله مش هوجع دماغك زى ماهما بيعملو
مين قالك انهم بيوجعوا دماغي
هما بيوجعوا ايدي من كتر الكتابة بس


عاوزك بس تجاوبنى على حاجه واحده ...

انت عارفنى كويس ..

لو حبيت ف يوم تقوللى نصيحه شخصيه

تحب تقوللى ايه

( بس ياريت تكتر ف الكلام عشان مش كل شويه هستفتسر عن معنى الكلام )
ههههههه

سلام يا طبيب

والله يا ريس خير الكلام ماقل ودل
هو التوقيع بتاع ابو عياد القديم كافي جدا علشان اقولك اللي انا عايزه
من الاخر التميز او الانفراد مش دايما بيكون مفيد
ومع السلامة ياباشا
ومتحرمناش من قعداتك وقفشاتك الجميلة ابدا



الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الأحد 06 ديسمبر 2009, 3:50 am

Silent Killer كتب:
عز باشاااا..
منور و الله..

الله يخليك يا باشا والله ده نوركم انتو


أنا أسالك كم سؤال خفيف...لانك بصراحة انت صعبت عليه من الكتابة دي كلها..
اخيرا لقيت حد صعبت عليه
بس مش عايز بعد كلمتين الحنية دول عذاب تاني


ايه اهم حدث حصل في حياتك السنة دي..؟؟
بجد اكتر حاجة فرحتني السنة دي
فوز غريب والشله بتاعته بالانتخابات
لان فيه ناس كتير كانت بتلعب ضده
ولكن الحمد لله ربنا نصره
وكمان الناس دي كلها باعتبرهم اخواتي بالظبط


7/8/1996 ليه اخترت اليوم ده بالذات..
ايه اللي حصل فيه...؟؟
هبقى اقولك بعدين بس بعد التاريخ ده
انا بقيت راجل بجد



لو اتيح ليك انك ترجع بالزمن تاني علشان تصحح غلطتين
ايه الغلطتين اللي انت هنختار تصلحهم..؟؟
كنت هاركز في المذاكرة شوية
ومش هازعل اي حد من اصحابي مني
لان مفيش اي حاجة تستاهل
بس غرور الدنيا اللي بيخلينا ننشف دماغنا على كلام فاضي
كل انسان في مزايا و عيوب
ايه احسن ميزة في عز...؟؟
اجتماعيا والحمد لله ناجح جدا


ايه اكتر عيب عايز تتخلص منه..؟؟
الكلام الكتير
ولساني اللي عايز قطعه


لو طلبت منك تقول حكمة..تقول ايه..؟؟

كن انسانا سويا قبل ان تكون طبيبا ناجحا

ايه اكتر صفة متحبش تلاقيها في اي واحد بتتعامل معاه..؟؟
انه يكون حبيبك علشان تقضيله مصلحة وخلاص

لما تيجي تخطب..لازم تخطب دكتورة و لا مش فارقة معاك..؟؟
مش فارقة معايا
بل بالعكس انا بفضل غير الطبيبات
او لو دكتورة تقعد في البيت علشان وقت بيتها
بس اللي مخليني متمسك بالكلية عندنا شوية
اني هابقى عارف كل حاجة عنها
وهي اكيد هتكون عارفة مين اللي رايح لها او على الاقل معظم الناس اللي حواليها عارفين


ايه رايك في المقولة دي ( الغاية تبرر الوسيلة )..
و لو حطينا قبلها احيانا تمشي و لا ايه..؟؟
باحيانا تمشي
بحيث انها لاتتنافى مع الشرع او مبادئك


بما ان هوايتك القراءة..ايه اكتر كتاب قريته و اثر فيك..؟؟
الخالدون مائة اعظمهم محمد صلى الله عليه وسلم

و في الاخر.. انت زملكاوي و لا أهلاوي..
والله انا اهلاوي
كنت زمان متعصب
ومش بفوت اي متش
بس دلوقتي خلاص
مش فارقة والله
وكمان اكل العيش بينسيك الكلام الفاضي ده
بس ده مايمنعشي اني بافرح لما الاهلي يكسب
لاني مش بلاقي وقت اتفرج


و الله يخليك متقوليش زمهلكاوي و لا مصراوي..؟؟
اي خدمة ياعم
اجابات قاطعة فاصلة واضحة
يا ابيض يا اسود
لان اللون الرمادي مبحبوش



واضح ان الاسئلة خفيفة..

بس روح الله ........بيتك
قلبت عليا المواجع


كفاية عليك كده دلوقتي..هرجعلك تاني

مش هتلحق
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الأحد 06 ديسمبر 2009, 3:57 am

M A S T E R كتب:
عزجوله باشا

يعنى

( عز ) و ( رجوله )
الله يخليك ياريس

والله واحشنى

اهو وجودك ف المستشفى بحس انك مدير المستشفى

رايح جاى بتابع سير الحركه الصحيه



مادام البهوات الكبار ولا الصغيرين بيشوفوا شغلهم كويس
لازم نيجي احنا على نفسنا شوية
وكلكم راع ومسئول عن رعيته
مستنيك ان شاء الله تبقى تعمل زيي


.....................

انا داخل اسلم مش اكتر
الله يسلمك ياباشا

وكل سنه وانت طيب
وانت بالف خير
الرجوع الى أعلى الصفحة اذهب الى الأسفل
Mirage
|مشرف|
|مشرف|


عدد الرسائل : 5939
العمر : 26
محل الاقامة : -
الوظيفة : -
تاريخ التسجيل : 30/09/2008

مُساهمةموضوع: رد: :: ضيف الاسبوع ... من جديد ::   الأحد 06 ديسمبر 2009, 4:02 am

عزجولة انت بدال قولت باشااااا..يبقي اكيد مش عارف مين صاحب الاكونت ده


صح...؟؟



_________________



No Sacrifice .. No Victory
الرجوع الى أعلى الصفحة اذهب الى الأسفل
 
:: ضيف الاسبوع ... من جديد ::
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 37انتقل الى الصفحة : الصفحة السابقة  1, 2, 3, 4 ... 20 ... 37  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: