البوابةالرئيسيةس .و .جبحـثالتسجيلدخول





شاطر | 
 

 :: ضيف الاسبوع ... من جديد ::

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3 ... 19 ... 37  الصفحة التالية
كاتب الموضوعرسالة
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الأحد 29 نوفمبر 2009, 9:43 pm

السلام عليكم ورحمة الله
شكرا ليكم على اختياركم
وشكرا يا احمد على الكلام الجميل اللي انت كاتبه عني
ويارب اكون ضيف خفيف عليكم

الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الأحد 29 نوفمبر 2009, 9:53 pm

DIC كتب:
عز باشا
الله يخليك
منور والله


احجز اول مكان في الاسئله

بسؤال واحد صغير

ناوي تعمل ايه بعد متخلص امتياز
والله مش بفكر لبعيد اوي
بس اكيد هحاول اخلص الماستر باسرع وقت
وممكن اقدم في الزمالة مع الماستر


وهل الامتياز ده له لزمه ولا كلكم مقضينه كده وخلاص
اكيد له لزمة
بس المشكلة مش فيه لا في اساتذتنا الكرام
لانهم مش بيوا لاطباء الامتياز الاهتمام الكافي
فالموضوع بيعتمد عليك انت عايز تتعلم ولا لا
وعايز تتعلم ايه
بس اكيد بيديلك الجراة ان انت تقف قدام المرضى وازاى تتكلم معاهم
وكمان بتتعلم فيه صنعة الطب
بعيد عن النظري والصم اللي في الكلية
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الأحد 29 نوفمبر 2009, 11:44 pm

Medicalawy كتب:
عزجولة باشا .. حبيب قلبي وابن بلدي
احمد باشا ابو عياد يا اهلا وسهلا
بس على فكرة انا من شنوان لكن انت من الكفر
وطبعا شتان بين الاثنان

بس ده مايمنعشي ان انت حبيبنا
وانت عارف معزتك طبعا

كل سنه وانت طيب ياريس ، وأكيد إحنا عيدنا مع بعضينا بما فيه الكفايه
وانت طيب يابرنس
اهم حاجة الناس تكون وصلت بالسلامة

إنت طبعا منور الموضوع وبداية جامدة جدا
الله يخليك
واكيد ده مستمد من نورك


والحقيقة الواحد مش عارف يسأل في أيه ولا في أيه ماانت مدرسة ياعم
بس المدرسة هتيجي ايه جنب الجامعة ياريس
ودي شوية أسئلة بسيطة كده نسخن بيها :
بسيطة؟!!!!!!!!!!!!!!!!
دي عريضة احمد عرابي كانت 3 بنود بس
الله ..........بيتك

1- إيه رأيك في سنة الإمتياز .. هل هي مفيدة فعلا وممكن تتعلم فيها ؟؟ ولا أي كلام ؟؟
اكيد ممكن تستفيدوا منها جدا زي مانا قلت قبل كده
وانا هاضرب مثل انت اكيد حسيته
يعني انت لما بتنزل المستشفى ايام الاسعافات
كنت بتستفيد ولا لأ ؟
طبعا انت في الامتياز بتعرف اكتر ومسئول اكتر
بس المهم ان انت تكون عايز تتعلم

2- ناوي تتخصص إيه ؟؟
لسه مش حاجة اكيدة
بس احتمال كبير باطنة ان شاء الله


3- إيه الحاجات اللي استفدتها من شغل الإتحاد والأسر والنشاط بصفة عامة ؟؟
اول حاجة ان انا عرفت ناس كتير جدا زيك كده وغيرك كتير اكبر مني واصغر ودي نعمة من الله سبحانه وتعالى ومتتصورش مدى السعادة اللي بكون فيها لما ادخل الكلية واحس ان ناس كتيرة عارفاني وبتحترمني
حتى بعد ماتركت موقع المسئولية واصبحت في مقاعد المشاهدين والمتابعين
واتعلمت ازاي اخاطب الناس على اختلاف مستوياتها الفكرية والعقلية
واكيد شوية علاقات محترمة مع مسئولين وقيادات على جميع المستويات
وكمان كان بوابة ان انت تقدر تساعد اي حد سواء طلاب او موظفين او عمال
واتعلمت معنى القيادة والمسئولية وحسن التصرف
وحاجات تانية كتيرة جدا انعكست على سلوكي
باختصار لولا النشاط لما كان فيه محمود اللي انت بتعامله دلوقتي
اكيد كان هيكون حد تاني خالص
4- إنت مقتنع إن الطلبة في الباطنة مثلا والأطفال أو حتي في سنه الإمتياز يقعدوا يتعلموا
ويفعصوا في العيانين ؟؟ ولا إنت ضد الحكايه دي ؟؟
عندنا ضدها طبعا
حرام اللي بيتعمل في الناس
طبعا المفروض ان الناس تتعلم وفي العالم كله بيتعلموا كده
بس
دائما وابدا
مشكلة مصر المزمنة
مفيش نظام system
مش لاقي حد يعلمك صح
فبالتالي بتعك

5- لو نزلت انتخابات مجلس الشعب .. هتختار رمز إيه ؟؟ وإيه هيكون برنامجك الإنتخابي ؟؟
مش عارف
بس ممكن رمز الهلال
(اي كلام طبعا )


برنامجي الانتخابي ممكن اقولهولك مرة بعد صلاة الجمعة لحد صلاة العشا ولا حاجة
بس اكيد هاعمل اللي في وسعي علشان اكون عند حسن ظن الناس وكمان اضمن ان انجح الدورة اللي بعدها

6- تقول إيه لدفعة سنة أولي اللي داخلين الكلية جديد ؟؟ وتقول إيه لدفعة سنه 6 القديمة ؟؟
سنة اولى اقولهم ربنا يعينكم على الكلية
انتم اللي اخترتم زي ما احنا اخترنا قبلكم
فاستحملوا نتيجة الاختيار ده
شدوا حيلكم

وسنة 6 القديمة
اهلا بيكم دفعة جديدة من الاطباء اسما
وجهزوا نفسكم علشان تستمتعوا بسنة الروقان قبل ما تدخلوا الساقية

7- من وجهة نظرك : إزاي تقدر تكون علاقات ناجحة مع الناس اللي حواليك ؟؟
افهم اللي قدامك صح الاول هتعمل معاه علاقة ابدية
واكيد هتلاقى ولو نقطة تلاقى واحدة بينكم انتم الاتنين
وتذكر دائما ان الخلاف في الراي لايفسد للود قضية
وتعمل بيها مش تقولها وخلاص

8- لو كان قدامك فرصة تحول جامعة تانيه غير المنوفية كنت حولت ؟؟ ولو كانت قدامك

فعلا ليه محولتش ؟؟؟
طبعا كان قدامي
بس فيه ظروف كتيرة
وانت لازم تحسبها صح
انا كونت مملكة في الكلية من الحب والاحترام والتقدير
كان صعب اسيبها
ده غير ظروف البيت عندي
والكبير لازم يستحمل
ده غير ان اللي هتخده هناك هو اللي هنا يعني انت ممكن تذاكر من كتبهم وتسمع شرايطهم
فمبقاش فيه فرق كبير بينك وبينهم
لان النظام تقريبا واحد في كل الكليات
ممكن هناك تجيب تقدير اعلى شوية لانهم مش معقدين زي الجماعة اللي عندنا
بس مش هتفرق كتير بالنسبة ليا طبعا

9- إيه مواصفات المدام اللي والدتها أكيد هتكون داعيه لها إن شاء الله ؟؟
اكيد هتبقى داعية ليها جدا
واكيد هتبقى اكتر انسانة مبسوطة على وجه الارض
مواصفاتها دي صعب شوية لان احنا مش بنفصل فستان
بس اهم حاجة انها لازم تكون بتعرف تستخدم عقلها كويس

بما إنك أكيد مقدم علي مشروع من النوع ده
دعواتك
10- تقول إيه لدفعتك وزمايلك ؟؟؟ ومين اكتر الشخصيات اللي أثروا فيك في دفعتك علي

وجه التحديد ؟؟؟

اقولهم
هانت والراس بانت
خلاص قربنا نفترق وكل واحد هيروح في مكان فياريت دايما يراعي ربنا في المكان اللي هو فيه
وياريت نتعامل مع الناس بادمية شوية
احنا مش من كوكب تاني
والبارانويا اللي بنلاقيها في ناس كتير مننا ياريت نسيبها شوية
ونحس ان احنا عاديين جدا مفيش فرق غير الوظيفة وبس

اما اللي اثروا فيا
فانا من النوع اللي مش بتاثر باشخاص قوي
ولكن بتاثر بالمواقف مع الاشخاص ومن الاشخاص
وباعرف اتعلم منها كويس جدا
بس اكتر اتنين من دفعتي حسيت اني فعلا اتعلمت منهم
هما محمد ابوشادي
وممدوح ابو هندية

ربنا يديم صداقتنا وحبنا دايما يارب

ملحوظة :: الأسئلة كلها إجباري
اي خدمة ياعم بس بجد حرام عليك تعبتني
الرجوع الى أعلى الصفحة اذهب الى الأسفل
إيــمــــ ن ـــا
فرسان الميديكال
فرسان الميديكال


عدد الرسائل : 3941
العمر : 26
محل الاقامة : .
الوظيفة : .
تاريخ التسجيل : 10/08/2008

مُساهمةموضوع: رد: :: ضيف الاسبوع ... من جديد ::   الأحد 29 نوفمبر 2009, 11:53 pm

سلامو عليكو

ايه الاختيار المتميز ده يا دكاترة
دكتور محمود فعلا خير بداية
اسمح لي اسالك يا دكتور :
ايه اكتر حاجة اتعلمتها بعد كل سنين الدراسة ؟؟
وايه اكتر حاجة عملتها وندمت عليها ولو رجع بيك الزمن ما كنتش عمرك تعملها ؟
وايه كان نفسك تحققه وما حققتهوش ؟
الرجوع الى أعلى الصفحة اذهب الى الأسفل
Ahmed Adel
|مشرف|
|مشرف|


عدد الرسائل : 3698
العمر : 27
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: :: ضيف الاسبوع ... من جديد ::   الأحد 29 نوفمبر 2009, 11:53 pm

اقتباس :
بس على فكرة انا من شنوان لكن انت من الكفر

وطبعا شتان بين الاثنان


أوباااااااااااااااااااا

يعنى أبو عياد من الكفر

وعامل فيها مش عارف ايه

ياعم رووح



....

انا عايزك تشد حيلك كده يادكترة

عشان الاسئلة بتاعتى

هتبقى بره المنهج

_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
نهــ واإسلاماه ــال
.
.


عدد الرسائل : 3214
العمر : 30
محل الاقامة : مع أفكاري
الوظيفة : PSYCHIATRIC RESIDENT
تاريخ التسجيل : 13/08/2008

مُساهمةموضوع: رد: :: ضيف الاسبوع ... من جديد ::   الأحد 29 نوفمبر 2009, 11:58 pm

أهلا بحضرتك يا دكتور ف موضوع ضيف الأسبوع

بما إن حضرتك من المتابعين لنشاط الصيدلية الخيرية

_ رأي حضرتك ف المشروع ؟؟

_ ال DEFECTS الموجودة فيه دلوقتي من وجهة نظر حضرتك ؟ وكيفية التعامل معها من وجهة نظر حضرتك ؟؟

_ الريتم اللي ماشي بيه المشروع رأي حضرتك فيه إيه ؟؟

_ الصيدلية الخيرية "جمعية مشهرة " أكيد عند حضرتك فكرة عن الخطوة دي تمت مناقشتها كتير واتأجلت لأسباب كتير
رأي حضرتك الخطوة دي ميعادها المناسب إمتي ؟؟
طبعا معروف إيجابيات الخطوة لكن رأي حضرتك في إيه هي سلبياتها ؟؟


الرجوع الى أعلى الصفحة اذهب الى الأسفل
http://www.mosshaf.com/web/
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 12:00 am

ايه يا ابو حميد انت عايز تثير فطنة طائفية بينا ولا ايه
ابو عياد حبيبنا ياعم ولا زعيم الا الزعيم
ودايما رافع راسنا وشنوان وكفر شنوان وحدة وحدة زي مصر والسودان كده
طبعا احنا مصر لان مش عندنا مجاعات ولا دارفور ولا حاجة
وياعم انا تحت امرك
اسئلة من بره المنهج من فوق المنهج
ان شاالله من كمبوديا حتى
بس مش عايزين احراج ابوس ايديك
خليها تكمل علينا بالستر

الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات


عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 12:08 am

Triple A كتب:

أوباااااااااااااااااااا

يعنى أبو عياد من الكفر

وعامل فيها مش عارف ايه

ياعم رووح




مش احسن من بلدكم اللي بيصحي فيها من النوم الصبح بدري بتمسكوه عمدة يلا

وبعدين متحاولش تحرج نفسك وتدخل نفسك في منطقة شنوان وكفر شنوان دي خالص

Dr. Ezz كتب:
ايه يا ابو حميد انت عايز تثير فطنة طائفية بينا ولا ايه
ابو عياد حبيبنا ياعم ولا زعيم الا الزعيم
ودايما رافع راسنا وشنوان وكفر شنوان وحدة وحدة زي مصر والسودان كده



أيوة كده ياحوده متشمتش الغرب فينا ياعم

_________________

الرجوع الى أعلى الصفحة اذهب الى الأسفل
http://www.medicalto.com
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 12:25 am

[quote="Dr,Gwyly"]
اسأل انا بقى

طبعا كل اللى بيدخلو طب " خصوصا المنوفيه " ... بيتمنو يخلصوا السنين بسرعه ويخلعوا م الكلية دى ...

ياترى بقى ايه شعور حضرتك دلوقتى فى نهاية رحلة حضرتك مع الكلية والاتحاد والنشاط والزملاء ؟؟؟؟

اولا الرحلة لحد دلوقتي لسه مانتهتش
وانا هحاول بقدر الامكان متنتهيش لان لسه فيه حبايبي كتير اوي في الكلية
وان شاء الله هحاول اكمل في الكلية عن طريق الانتداب او طبيب زائر
لان الواحد خد عليها خلاص
اما بالنسبة لشعوري دلوقتي
فهو بيختلف من وقت لاخر
ساعات احس اني انا امتلكت الارض وما عليها
وساعات احس ان انا قصرت في اكتر من حاجة زي المذاكرة طبعا
واوقات تانية اكون راضي
واقول
لم يكن بالامكان اكثر مما كان
بس الحمد لله على كل حال
واكيد هو ده اللي ربنا مقدره واللي كان لازم يحصل





وياترى ايه ملامح الشهرين الجايين بالنسبة لحضرتك وقد اقتربت لحظة الخلاص ؟

هو اللي يدخل في طريق الطب مش هتجيه فترة الخلاص دي
لانه معاه لحد مايموت مش هيسيبه
اللي بيفرق طريقة نظرتنا للامور
والراحة النفسية لان اي حاجة بعد كده مسالة وقت واصرار ومجهود
ولو مش عايز براحتك
يعني الاختيار ليك انت على عكس قبل كده
لازم تدخل الامتحان
لازم تنجح
حاول تجيب تقدير



من هو المثل الاعلى فى حياة حضرتك ؟؟؟
والله مش حد محدد وعمري مشغلت نفسي اني اكون زي حد
بس دايما باشغل نفسي اني اتعلم من كل حد
صغير او كبير
بس ده ميمنعشي انه في النشاط في الكلية دايما كنت حاطط
د/احمد خليفة (مؤسس ومقرر الميديكال )
ود/محمد بحيري (امين اتحاد الطلاب 2004
قدام عينيا
والحمد لله قدرت اجمع بينهم الاتنين
فكنت مقرر لميديكال
وكنت امين اتحاد الطلاب
وكان صعب اوي ان يجتمع الاتنين في شخص واحد




الرجوع الى أعلى الصفحة اذهب الى الأسفل
Ahmed Adel
|مشرف|
|مشرف|


عدد الرسائل : 3698
العمر : 27
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 12:29 am

اقتباس :
مش احسن من بلدكم اللي بيصحي فيها من النوم الصبح بدري بتمسكوه عمدة يلا
بس اسمها قرية مش كفر

مع انى مش عارف ايه اللى انت كاتبه ده

بس علشان الموضوع مايقلبش شات مش هرد

وبعدين بعيدا عن كده

انت حبيبى يابو عياد انت وعزجولة باشا



.......

ندخل بقى فى الأسئلة

- ليك هدف كبير نفسك تحققه ؟ وعملت ايه علشان تحققه ؟

- رايك فى نظام الكلية بتاعتنا ؟ والكتب بتاعتها ؟

- لو قدامك فرصة تسيب الطب وتشتغل فى مجال تانى .. هتقبل ؟

مع التفسير
سواء قبول او رفض

- لو ليك فرصة تسافر بره للعلم .. هتسافر ؟؟ ولو اه هتروح فين ؟

طب ولو للسياحة فقط .. هتروح فين ؟ وليه ؟

بما انك بقى نزلت المستشفى والحياة العملية :-

- الى أى مدى بتستفيد فى المستشفى من اللى خده ف الكلية ؟

- رايك عن مستوى المستشفيات والعلاج فيها ؟؟ والتحسينات اللى المفروض تتعمل ؟

- ايه رايك فى تعامل الدكتور مع المريض ؟ ومع الدكتور زميله ؟

ومع الدكتور اللى أصغر منه فى الدرجة العلمية ؟ ومع الممرضات ؟

- مين فى رايك اللى هيمسك الحكم فى مصر مستقبلا ؟

- لو هتبقى وزير .. تمسك انهى وزارة وليه ؟؟

دول شوية اسئلة ع الخفيف كده

تسخين يعنى

_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
ع م ر
|مشرف|
|مشرف|


عدد الرسائل : 374
العمر : 25
الوظيفة : طالب
تاريخ التسجيل : 27/07/2008

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 12:40 am

مش ممكن عزجولة باشا مرة واحدة 


يمكن محمود بجد مش الشخصيات اللي اثرت فيا جداا برجولتها .. اتعلمت منه حاجات كتير 


مش هطول عليك 


كان نفسك تدخل طب وأنت صغير؟؟


لو اه .. بعد مادخلت وخلصت شايف إن حلمك كان صح ؟؟ ولا ندمت عليه ؟؟


اكتر سنة حققت فيها نجاح في النشاط وفي الدراسة ؟؟ وحققته إزاي ؟؟


يمكن أكتر حاجة اتعلمتها منك إزاي أخرج من المواقف الصعبة .. ايه اكتر موقف اتحطيت فيه

ومعرفتش تخرج منه ؟؟؟


بعد ماخلصت الدراسة شايف إن الفرق كبير بين الدراسة والعمل ؟؟؟


طب نعمل ايه في الدراسة علشان نقرب المسافة ؟؟  


هل كتر العلاقات اللي عملتها سببتلك لود ؟؟ ولا كانت عادية ؟؟


أنت لفيت كتير في معسكرات وقابلت ناس كتير .. ايه تقييمك لمستوي طلاب طب شبين من ناحية

الدراسة والنشاط ؟؟


ايه هي أكتر هواية بتحبها ؟؟ ونمتها إزاي في الكلية ؟؟


يمكن أنت كنت متابعنا طول مكنا بنعمل الكتيب بتاع طبيب الغد ايه رأيك فيه بعد ما خلص ؟؟ 


فكرني الموضوع ده بالحوار اللي عملته معاك بعد دورة البحث العلمي السنة اللي فاتت 


..  ربنا يجمعنا علي خير دايما كده ..

وليا عودة تانية إن شاء الله

_________________
الحمد لله
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 1:36 am

!!لاحَ الـفـِـرَاقُ!! كتب:

هو واحد مالوش تاني

طبعا حضرتك بما انك خلصت طب شبين
الحمد لله

ايه رايك فيه(ملف شامل وثري من كله )

عاوز كله بصراحه وبلاش كلام منتديات

لانه كله يتوقف عليه حاجات كتير ؟

يعني نكمل فيه ولا نتجه للتالي

طبعا التحويل للقصر العيني

وياريت الــــــdetails تبقي مفضله ؟

متقلين عليك والله يادكتره
طبعا مفيش تقل ولا حاجة
ده انا اللي متقل ومبوخ عليكم
استحملوني
اما موضوع رايي وبصراحة ( مش كلام منتديات ولا غيره )
الكلية عندنا متفرقشي كتير عن غيرها
الا كليتين اتنين
عين شمس (الاول )
والقصر العيني
لكن اي كليات تانية مش فارقة كتير على المستوى العلمي
اما هما فاريح مننا شوية
الكلية عندنا عايزة الدكاترة تكبر مخها شوية ويحاولوا يشغلوه
ويبصوا على الكيف وليس الكم
مش امتحانات كتيرة على الفاضي
وكتب اد الهم
ومعلومات ملهاش لزمة
وحاجات اتلغت من الطب اصلا
وفيه مشكلة
هما مش بيعرفوا يفرقوا مابين طالب under او post graduate
عايزك تكون عارف المعلومة وخلاص او بمعنى اخر راصصها وخلاص
طبعا كل مكان فيه الكويس والوحش
بس احنا عندنا النوع التاني اكتر شوية
خصوصا في سنوات الكلينيكال
وطبعا الكوسة الجامدة اللي عندنا موجودة في كل مكان برده
ودايما المشكلة ان مفيش SYSTEM
وياريتنا مقتنعين بده
لا ده احنا متصورين ان الفوضى اللي عندنا احسن system
علشان كده للاسف لازم اقول كلمة جدو سعد زغلول باشا
مفيييييييييييش فايدة
بس لو حد بيرتب عندنا مايحولشي
لكن الناس اللي في الوسط
ممكن يحولو
لانهم اكيد هناك بنفس مجهودهم اللي هنا هيجيبوا تقدير أعلى
وطبعا ده هيفرق معاهم بعد كده في النيابات في وزارة الصحة
اللي عادة ماتكون على مستوى الجمهورية
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 2:37 am

batanony2008 كتب:
سلامو عليكو
وعليكم السلام ورحمة الله وبركاته

ايه الاختيار المتميز ده يا دكاترة
دكتور محمود فعلا خير بداية
شكرا جزيلا
ربنا يكرمك

اسمح لي اسالك يا دكتور :
ايه اكتر حاجة اتعلمتها بعد كل سنين الدراسة ؟؟
أدبني الدهر فأراني نقص عقلي كلما ازددت علماً ازددت علماً بجهلي

وايه اكتر حاجة عملتها وندمت عليها ولو رجع بيك الزمن ما كنتش عمرك تعملها ؟
الحمد لله مش من النوع اللي بندم اوي لاني راضي بقضاء الله
بس اكيد كنت هاهتم بالحفظ شوية اكتر في الدراسة علشان اجيب ترتيب احسن
لان للاسف ده المقياس عندنا
وممكن كنت خفيت شوية من النشاط لان الواحد حاسس انه عمل في المجال ده كتير اوي للكلية
وكان بياخد الموضوع بجدية شديدة
بس للاسف الكلية مش بتهتم بده اوي
وكانك معملتش حاجة
عملت او لا مش فارقة
هما واخدين انهم يبقوا صفر فعادي
واما تتكرم من الجامعة باحترام
ومن جامعات تانية كتير
ومتلاقيش التكريم ده من ادارة الكلية بتاعتك
اكيد ده يزعل

وايه كان نفسك تحققه وما حققتهوش ؟

كان نفسي اعمل اسبوع لكليات الطب على مستوى الجمهورية عندنا في المنوفية
وبعد ماتعبنا جدا وقدرنا نوفر الفلوس بالعافية
متمش علشان اهداف شخصية للاشخاص في ادارة الكلية وقتها
لحد مالسنة خلصت



الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 3:26 am

عز باشا

جبيب قلبى

اول حاجة كل سنة وانت طيب يا معلم

وادينى فرصة بس لحد بكره اخد ريست واجهزلك الاسئلة التمام

منور يا كبير



_________________
Image hosted by servimg.com
الرجوع الى أعلى الصفحة اذهب الى الأسفل
™CoNo™
عضو ذهبي
عضو ذهبي


عدد الرسائل : 1309
العمر : 28
الوظيفة : إنسان
تاريخ التسجيل : 04/10/2008

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 4:56 am

هلا هلا بالحبايب ..
استنناني محضرلك كام سؤال في الجووووول ...

الرجوع الى أعلى الصفحة اذهب الى الأسفل
sleepy_hollow
|مشرف|
|مشرف|


عدد الرسائل : 6009
العمر : 27
محل الاقامة : shanawan
الوظيفة : طبيبة
تاريخ التسجيل : 05/08/2009

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 12:47 pm

واضح كدا إنى جيت متأخر ... بعد ما الأسئلة كلها اتسألت ...
بس دا ميمنعش إنى هسأل أسئلة بسيطة خالص ...
1- منتدى كلية أون لاين ... بيمثل لحضرتك ايه ؟؟
2- سنة أولى طب .... فترة الامتياز ... انطباع حضرتك عنهم ايه ؟؟
3- أصعب امتحان حضرتك امتحنته ؟؟
4- تاريخ أو حدث لا يمكن نسيانه ؟؟
5- هدف تسعى لتحقيقه ؟؟
6- رسالة شكر ... رسالة اعتذار .... توجه كل رسالة منهم لمين ؟؟؟
ويارب تكون الأسئلة خفيفة ... ومش مكررة ...

_________________
الرجوع الى أعلى الصفحة اذهب الى الأسفل
des6!ny
الريشة الفضية للمنتدى
الريشة الفضية للمنتدى


عدد الرسائل : 2723
العمر : 46
محل الاقامة : !!!!!
الوظيفة : !!!!!
تاريخ التسجيل : 02/04/2008

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 6:17 pm

السلام عليكم...

اهلا بيك يادكتور ....وعيـــد سعيــــد ..


بما ان حضرتك ضيف الاسبوع باه يبقى تسمحلى اسال سؤالين خفيفين كده...

- ياترى دخلت كليه الطب بارادتك وعن اقتناع بيها؟؟ يعنى كانت رغبتك من زمان؟

-- وايه دافع النجاح من سنه اولى؟؟ والدافع اللى بيمشيك فى الكليه حاليا؟(الدافه وليس الهدف)

وياترى الدافع ده اتغير على مدار الكام سنه اللى قضيتهم فى الكليه؟؟؟

--- ماذا تعنى لك كلمه دكتـــور؟؟؟

---- تخيل لو حضرتك دكتور مشهووور اوى بس بره مصر..ولاقيت ان فرصتك الوحيده علشان تكمل نجاحك فى المجال اللى شغال فيه هو انك تاخد جنسيه تانيه غير مصر..يعنى تفضل عايش بره على طوول؟؟؟ياترى هيبقى ايه موقفك ساعتها
ياترى هتختار النجاح والشهره ولا هتختار مصر واهلك ووطنك؟؟؟

----- حضرتك شايف الدنيا ازاى؟؟؟

........

ارجوا انى اكون خفيفه باسالتى ....وعيد سعيد..
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 8:02 pm

نهــ واإسلاماه ــال كتب:
أهلا بحضرتك يا دكتور ف موضوع ضيف الأسبوع


بما إن حضرتك من المتابعين لنشاط الصيدلية الخيرية

_ رأي حضرتك ف المشروع ؟؟
اكيد مشروع رائع ومن الحاجات اللي الواحد بيفتخر انها موجودة في الكلية عندنا
_ ال DEFECTS الموجودة فيه دلوقتي من وجهة نظر حضرتك ؟ وكيفية التعامل معها من وجهة نظر حضرتك ؟؟
انا شايف ان فيه مشكلتين
الاولى عدم الاهتمام بتدريب كوادر قادرة على تحمل المشروع بجميع اعباؤه
فبالتالي بنحس بدروب ولو بسيط عند تسليم القيادة والمسئولية من الجيل الاكبر للاصغر
وانا بقالي سنتين بقول لامير شوفو حد من دلوقتي يبقى مسئول عن المشروع او يبقى في نطاق المسئولية
علشان احنا اجلا او عاجلا ماشيين
ومش عايزين الموضوع يقف بعد الجيل بتاعنا
بس الحمد لله انا شايف ان المجموعة الجديدة بدات تشتغل زي الناس القدام واحسن
ومش عارف ليه حاسس ان ناس كتير من دفعتنا شالوا ايدهم من الموضوع
رغم ان احنا لسه متواجدين
ورايي في المشكلة دي ان لازم الناس الصغيرة اللي موجودة دلوقتي تتمرن كويس
ويتعلموا من الناس اللي اسست المشروع علشان خبرتهم تزيد ونمشي واحنا مطمئنين
ان المشروع ان شاء الله مش هينتهي
المشكلة التانية هي الدواء اللي بنوديه الاقسام نصه على الاقل بيتساب لحد مايبقى اكسبيرد
زي الباطنة مثلا
ورغم ان هناك كتير من العيانين محتاجين الدوا اللي هناك
بس للاسف محدش من النواب فاضي يدور ويطلع الدوا
خاصة انه بيروح هناك يحطوه على بعضه
وانا رايي في المشكلة دي احنا ممكن نعمل اكتر من حاجة علشان نضمن بيها ان الدوا يتركنشي عندهم
1-ممكن حد مننا يتابع مع الاقسام كل اسبوع مرة ويشوف بنفسه العيانين عايزين ويطلعه ليهم
او على الاقل يطلع الادوية المشهورة كل دوا في كيس لوحده علشان الادوية متبقاش على بعضها
والنايب يكسل يقعد يدور
2-القوافل الطبية اظنها فرصة كويسة علشان نطلع كمية كبيرة من الدوا للناس الفقيرة اللي مش قادرة توفره
3-عرضت على علام فكرة ان احنا نكلم المسئولين في مديرية الشئون الصحية بالمنوفية
ونوصلهم جزء من الادوية اللي عندنا منها كميات كبيرة
وهما يوصلوها للمستشفيات المركزية والوحدات


4- وانا متحمس للفكرة دي جدا
وعرضتها على امير وان شاء الله تتنفذ
هي موجودة في القصر العيني
(بنك الدواء المصري )
اتفقوا مع المستشفى وخدوا حجرة صغيرة وعملوا فييها رفوف وعملوها زي صيدلية مجانية للحالات الفقيرة
واللي مش قادرة توفر العلاج
وده عملوه بعد مابرده لقوا ان الادوية كانت بتتركن في الباطنة كتير وبتبوظ
يعني نفس فكرتنا تقريبا
وانا كلمت دكتورة ايمان سري في الموضوع
وهي متحمسه ليه
وان شاء الله يكمل على خير
وممكن نبقى نعمل اجتماع في يوم
ونشوف الموضوع هيمشي ازاي بكل تفاصيله
ونعمل ملف متكامل ونعرضه على ادارة المستشفى

_ الريتم اللي ماشي بيه المشروع رأي حضرتك فيه إيه ؟؟
جيد
وان كنت شايف انه مفيش طموح كبير ان احنا نكبر المشروع جدا
وبدا العمل يبقى مكرر


_ الصيدلية الخيرية "جمعية مشهرة " أكيد عند حضرتك فكرة عن الخطوة دي تمت مناقشتها كتير واتأجلت لأسباب كتير
رأي حضرتك الخطوة دي ميعادها المناسب إمتي ؟؟
احنا كل ما نقدم عليها بنلاقي عراقيل كبيرة
من اول الاسم لحد الادارة ازاي هتمشي
والتبرعات ازاي
بس انا شايف المشكلة الاساسية
انه لازم يبقى فيه حد كبير فاضي بشكل كبير
وده مش متوفر في الوقت الحالي
لان احنا ورانا تكليف وبعد كده النيابات
ومش عايزين نروح نشهر جمعية وبعد كده متشتغلشي
فانا شايف ممكن بعد 3او 4 سنين ممكن الموضوع ده يتعمل
طبعا معروف إيجابيات الخطوة لكن رأي حضرتك في إيه هي سلبياتها ؟؟
اكبر سلبية ان احنا نبدا حاجة ومنعرفشي نكملها
او نقف في النص لكن لو كان عندنا اصرار وعزيمة ان احنا نعملها ونوقفها على رجليها
ونحط نظام محترم تمشي عليه
هيبقى الموضوع سهل جدا
ويمشي لوحده بقوة الدفع الذاتي
ان شاء الله


الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 8:44 pm

[quote="Triple A"]
اقتباس :


انت حبيبى يابو عياد انت وعزجولة باشا


ربنا يديم المعروف والمحبة

.......

ندخل بقى فى الأسئلة
يا هلا

- ليك هدف كبير نفسك تحققه ؟ وعملت ايه علشان تحققه ؟
كان زمان الواحد يقعد يقول انا نفسي ابقى عالم كبير
او مثلا وزير او رئيس جمهورية
لكن دلوقتي اكبر هدف ليا
ان انا اكون اسرة محترمة
وواولادي بجد يطلعوا الولد المعجزة
والحمد لله بحاول اتعلم التربية كويس
واستفيد من الاخطاء اللي اهلي وقعوا فيها
او اللي بشوفها قدامي
وربنا ييسر
وعلى المستوى الاحتماعي والسياسي
كفاية اوي عضو مجلس الشعب ان شاء الله
والحمد لله يمكن اتحاد الطلاب يعتبر من الخطوات الهامة في المشوار السياسي
وبحاول بقدر الامكان اخدم الناس في دائرة المعرفة
وان شاء الله الموضوع يكبر ويتحقق بعد 10 او 15 سنة
ان شاء الله


- رايك فى نظام الكلية بتاعتنا ؟ والكتب بتاعتها ؟
هما بس محتاجين نجمعهم كلهم
ونديلهم كورس يعني ايه عضو هيئة تدريس
ايه المطلوب منه
وايه اللي لازم يعمله واللي ميعملوش
وان شاء الله تبقى الدنيا بيييييييييييس


- لو قدامك فرصة تسيب الطب وتشتغل فى مجال تانى .. هتقبل ؟
اكيد

مع التفسير
سواء قبول او رفض
لكذا سبب
اولهم في انا
انا بحب الحركة جدا والطب مش عايز كده
ده عايز رسيان ومذاكرة كتير وده بيتعبني بصراحة
وكمان انا بحب استمتع بحياتي وقتي
وده صعب تلاقيه في الطب
لانك علشان تكون دكتور بما يرضي الله
لازم وقتك ميبقاش ملكك ومتتاخرش عن اي حد عايزك
مش زي اللي بنشوفه دلوقتي
ثانيا
البلد دلوقتي مش عايزة دكاترة
عايزة............
ثالثا
انا شايف فرصة تميزي في الطب اقل من فرصة تميزي في اكتر من مجال تاني
زي البيزنس مثلا او الادارة
علشان كده بفكر جديا في موضوع ادارة المستشفيات


- لو ليك فرصة تسافر بره للعلم .. هتسافر ؟؟ ولو اه هتروح فين ؟
مش عارف
القرار صعب وهيعتمد على وقت الفرصة دي
يعني مثلا لو دلوقتي انا مرحب جدا
لسه في اول الطريق
وممكن اسيب البلد دلوقتي
لكن بعد كده الله اعلم
بس اكيد لو مكان زي المانيا او امريكا او انجلترا
فانا هوافق بنسبة 99%


طب ولو للسياحة فقط .. هتروح فين ؟ وليه ؟
بصراحة فيه 3 اماكن نفسي ازورهم قبل ما اموت
بس صعبين جدا جدا
اول حاجة غابات الامازون
لان بجد الحياة البرية هناك غير عادية
حاجة مذهلة وسبحان الله
تاني مكان
القطب الشمالي
تقريبا لنفس السبب
والمكان التالت
القمر
اظنها تجربة جديرة بالحترام
ولواتيحت لاي حد مش هيتواني عتها


بما انك بقى نزلت المستشفى والحياة العملية :-

- الى أى مدى بتستفيد فى المستشفى من اللى خده ف الكلية ؟
تقريبا
ZEROOOOOOOOOOOOOOOOOOO
الصنعة عندنا مختلفة كتير عن العلم اللي في الكتب
لاسباب كتيرة منها الجهل والتخلف
ونقص الامكانيات
وعدم وجود وقت


- رايك عن مستوى المستشفيات والعلاج فيها ؟؟ والتحسينات اللى المفروض تتعمل ؟
حاجة سيئة للغاية
ورايي لو حاجة واحدة بس اتغيرت هتحل كل المشاكل
وهي عقلية المواطن المصري ايا كان موقعه
من العامل ومسئول الامن
الى اكبر مسئول


- ايه رايك فى تعامل الدكتور مع المريض ؟ ومع الدكتور زميله ؟
ومع الدكتور اللى أصغر منه فى الدرجة العلمية ؟ ومع الممرضات ؟
بتختلف من شخص لشخص
حسب التربية واخلاق الشخص
والمحترم محترم في اي وقت وتحت اي ظرف ومع اي حد
ولكن للاسف الاكثر غير ذلك


- مين فى رايك اللى هيمسك الحكم فى مصر مستقبلا ؟
هي دي عايزة كلام
لا زعيم الا الزعيم
انا طبعا


- لو هتبقى وزير .. تمسك انهى وزارة وليه ؟؟
مش هتفرق كتير لان ان شاء الله اي وزارة همسكها هانجح فيها
ماعدا وزارة المالية
هخربها واقعد على تلها
بس لو وزارة الخارجية ياريت
وهظبط مصر ساعتها


دول شوية اسئلة ع الخفيف كده

تسخين يعنى
ياعم وانا مستني التقيل
ومابعد التسخين
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 8:48 pm

ĐʝϟϞA كتب:
عز باشا

جبيب قلبى
ربنا يخليك يا ديشا
نورت يامعلم


اول حاجة كل سنة وانت طيب يا معلم
[size=24]وانت طيب ياديشا وربنا يحققلك كل اللي في بالك على العيد اللي جاي
[/size]
وادينى فرصة بس لحد بكره اخد ريست واجهزلك الاسئلة التمام
الاول حمدالله على السلامة
وانا مستنيك ياريس


منور يا كبير
ده نورك يابرنس


الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 9:17 pm

MOrO.a6lal 2010 كتب:
هلا هلا بالحبايب ..
استنناني محضرلك كام سؤال في الجووووول ...


اهلا بيك ياريس
وخلي بالك
كل واحد هيجيله اسبوع مش يوم
وكما تدين تدان
الرجوع الى أعلى الصفحة اذهب الى الأسفل
M. 3allam
:: مقرر الأسرة ::
:: مقرر الأسرة ::


عدد الرسائل : 472
العمر : 26
الوظيفة : مستني أتخرج
تاريخ التسجيل : 14/04/2007

مُساهمةموضوع: رد: :: ضيف الاسبوع ... من جديد ::   الإثنين 30 نوفمبر 2009, 11:52 pm

عزجولة ياشا
منورررررررررررررر
راجعلك
Wait..................
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الثلاثاء 01 ديسمبر 2009, 2:51 am

عز باشا ... نبدأ على بركة الله :

كنت مقرر دورة الاسعافات بتاعت الاسرة من خمس سنيين هل شايف اختلاف فى دورة اسعافات الاسرة من وقتها لحد اخر دورة وعلى مدار الخمس دورات وهل الاختلاف للاحسن ولا للاسوأ؟

اسرة ميديكال كلوب وجودك فيها كعضو ... مسؤل عن مشروع .... مقرر غير ايه في حياتك
من حيث التعامل مع الناس والخبرة ؟

محب للسلطة ... متلون بيتعامل بأكتر من وش .... بيتكبر على الناس بعد وصوله لمنصب ايا كان المنصب ده
ال3 صفات دول هل قابلت حد فيه الصفات ديه فى حياتك ؟؟ ولو قابلته كنت بتتعامل معاه ازاى ؟؟
وتعاملك معاه فادك بايه؟؟

كنت من الجيل القديم اللى كان موجود عالمنتدى من بدايته تقريبا ... هل شايف اختلاف بين المنتدى من 3 سنيين والمنتدى دلوقتى ؟؟؟ وياترى الاختلاف ده للاحسن ولا للأسوأ ؟؟ ولماذا ؟؟

ايه الاسماء اللى عاوز تسميها لولادك ان شاء الله ؟؟

شايف ان تسليم الراية فى الاسرة ومشاريعها بالنظام الحالى اللى ماشيين عليه (اللى هو اختيار الكبار لمن يخلفهم) احسن ولا ان يبقى فيه زى انتخابات ونشوف رأى اعضاء الاسرة كلهم ؟؟

6 سنين فى طب ايه احسن سنة مرت عليك فيهم وليه ؟؟

هل شايف ان وحده الجوده فى الكلية بتفيد الطلبة فعليا ولا مجرد اسم وورق ؟؟

مشروع الهيلبر تيم لما بدأ فى الاسرة كان هدفه الاساسى انه يعلم الطالب الاعتماد على نفسه وازاى انه يستفيد من اخواته الاكبر منه فى الكلية وبالتالى هيقلل من الكورسات ؟؟
هل شايف اننا نقدر بمشروع الهيلبر تيم بتاع الميديكال اننا نوصل فى يوم من الاسام لكلية بلا كورسات ؟؟

كفاية كده عليك يا عز مش عازين نبقى تقال بردو

وكل سنة وانت طيب يا معلم

_________________
Image hosted by servimg.com
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر


عدد الرسائل : 688
العمر : 31
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: :: ضيف الاسبوع ... من جديد ::   الثلاثاء 01 ديسمبر 2009, 3:04 am

عmر كتب:
مش ممكن عزجولة باشا مرة واحدة
الل

يمكن محمود بجد مش الشخصيات اللي اثرت فيا جداا برجولتها .. اتعلمت منه حاجات كتير

الله يخليك ياريس ده بس من ذوقك

مش هطول عليك

انا تحت امرك

كان نفسك تدخل طب وأنت صغير؟؟
لحد ما خلصت الابتدائي لا
لكن بعد كده اه
لانها كانت امنية لبابا



لو اه .. بعد مادخلت وخلصت شايف إن حلمك كان صح ؟؟ ولا ندمت عليه ؟؟
بالطبع لا
لاننا ماتعودناش ان احنا نختار اي حاجة في حياتنا
ولما ختى بنختار بنختار عن جهل بالموضوع
فعادة مش بيكون اختيار صائب


اكتر سنة حققت فيها نجاح في النشاط وفي الدراسة ؟؟ وحققته إزاي ؟؟

سنة تانية
لانها كانت سهلة وكنا عرفنا نظامها من سنة اولى
فمش محتاجة وقت كبير في المذاكرة
وسنة خامسة بردة بس كان فيه مشكلة في درجة اعمال السنة في الاطفال فنقصتني شوية

يمكن أكتر حاجة اتعلمتها منك إزاي أخرج من المواقف الصعبة .. ايه اكتر موقف اتحطيت فيه

ومعرفتش تخرج منه ؟؟؟
موضوع الاتحاد في سنة خامسة
كان لازم حد يزعل لان كان قدامي في سنة رابعة
وانا اللي قلت لا
بس الخيرة فيما اختاره الله
والحمد لله
الناس اللي زعلت مني ايامها
علاقتنا بقت طيبة بفضل الله


بعد ماخلصت الدراسة شايف إن الفرق كبير بين الدراسة والعمل ؟؟؟
اكيد
الدراسة في وادي والشغل في وادي تاني
لانها عندنا في مصر صنعة
وانت بتنزل السوق
مش طب خالص



طب نعمل ايه في الدراسة علشان نقرب المسافة ؟؟
النظام كله لازم يتغير
والقوانين نفسها تتغير
ومش اي حد يبقى مسئول
وانا شايف يا نجيب حد من بره
او عالم من علماءنا اللي تميزوا في الخارج
ييجي ويبقى هو المسئول لمدة 5 سنين ولا حاجة
لحد ميطبق نظام صح
والناس تاخد عليه
ويكون طلع كوادر جيدة تقدر تمشيه وتحافظ عليه


هل كتر العلاقات اللي عملتها سببتلك لود ؟؟ ولا كانت عادية ؟؟
في بعض الاحيان
لان ساعات الناس مش بتقدر
والعشم بيبقى واخدنا بزيادة


أنت لفيت كتير في معسكرات وقابلت ناس كتير .. ايه تقييمك لمستوي طلاب طب شبين من ناحية

الدراسة والنشاط ؟؟
في الدراسة مفيش فرق لان النظام تقريبا واحد
اما في النشاط
فاحنا عندنا ناس عالية جدا
وبالامكانيات المحدودة جدا اللي عندنا بنتفوق عليهم
فمابالك لو عندنا امكانيات زيهم


ايه هي أكتر هواية بتحبها ؟؟ ونمتها إزاي في الكلية ؟؟
انا بحب اقرا
ويمكن في اول سنتين تلاتة كنت محافظ على القراءة كويس
وده ساعدني اني الحمد لله اخدت مراكز كتير على مستوى الكلية
والجامعة
والجامعات الاخرى
وكمان البنج بونج
في الكلية الواحد قدر يبقى كويس فيه
لان الترابيزة كانت تحت ايدينا باستمرار
فمستواي علي في الكلية عن قبل كده


يمكن أنت كنت متابعنا طول مكنا بنعمل الكتيب بتاع طبيب الغد ايه رأيك فيه بعد ما خلص ؟؟
مجهود رائع
وتجربة جيدة
وممكن يكون فه اجزاء تانية
وياريت لو فيه work shops
ولقاءات مع الناس المتميزة دي مع الطلاب
اكيد هيبقى فيه تفاعل اكتر من الورق بس


فكرني الموضوع ده بالحوار اللي عملته معاك بعد دورة البحث العلمي السنة اللي فاتت

انا تحت امرك دايما ياريس
.. ربنا يجمعنا علي خير دايما كده ..
يارب
وليا عودة تانية إن شاء الله
انا في انتظارك

الرجوع الى أعلى الصفحة اذهب الى الأسفل
Demodex
مقرر دورة الاسعافات
مقرر دورة الاسعافات


عدد الرسائل : 1857
العمر : 25
محل الاقامة : ...
الوظيفة : ...
تاريخ التسجيل : 25/11/2008

مُساهمةموضوع: رد: :: ضيف الاسبوع ... من جديد ::   الثلاثاء 01 ديسمبر 2009, 2:11 pm

السلام عليكم

يااااه عز باشا ...
الواحد بجد مش عارف يقول إيه و لا إيه ؟؟؟

معلش الواحد جه متأخر شوية بس أنت عارف بقى مشاغل الدنيا
....

المهم نسألك سؤالين خفافي كده لأن الناس شكلها كده متوصية بيك ...

لو أخوك الصغير داخل الكلية عندنا هتنصحه و تقوله إيه ؟؟؟
لو قلتلك اختار سنة من سنينك اللي فاتت تعيشها تاني ، تختار أي سنة ؟؟
أكتر دكتور في الكلية بتحترمه من أعضاء هيئة التدريس أثر فيك ؟؟؟
و لو رجع بيك الزمن مرة تانية هل كنت هتركز في مذاكرتك أكتر و تقلل من النشاط شوية و لا أنت شايف أنه كده أحسن ؟؟؟

و كفاية كده دلوقتي ...
و ربنا يوفقك بإذن الله للخير دايماً

_________________
الرجوع الى أعلى الصفحة اذهب الى الأسفل
http://www.abdeldayem.info/
 
:: ضيف الاسبوع ... من جديد ::
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 37انتقل الى الصفحة : الصفحة السابقة  1, 2, 3 ... 19 ... 37  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: