البوابةالرئيسيةس .و .جبحـثالتسجيلدخول





شاطر | 
 

 :: ضيف الاسبوع ... من جديد ::

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6 ... 21 ... 37  الصفحة التالية
كاتب الموضوعرسالة
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الثلاثاء 08 ديسمبر 2009, 11:06 am

Dr. Ezz كتب:
ديشا
عز باشا
يا صباح الفل
يا صباح العسل
حاجات بسيطة كده على الماشي
ونبقى نرجع تاني بالغم
معاك للاخر يا ريس
طبعا انت من الناس اللي احترمتهم جدا والقادرين بجد على تحمل المسئولية
وقدرت توصل من الصفر الى درجة كبيرة من الفكر الاداري والقيادي في فترة وجيزة
وسام على صدرى وشهادة اعتز بيها يا عز
1- ايه اللي كان نفسك تعمله في الاسرة ومعملتهوش ؟
مهرجان الاسرة
كانت اكتر فكرة نفسى احققها
بس كان فيه عائقين
الاول عائق مادى
طبعا انت عارف كنت مستلم الاسرة السنة اللى فاتت تقريبا وهى معدومة الميزانية ومكنش ينفع اخد من الفلوس اللى جت مع بداية الشغل وعلى مدار السنة الف جنيه او اكتر لان ده كان هيأثر جدا على كل مشاريع الاسرة
تانى عائق كان العامل البشرى وده كان فيه نقص شديد جدا ومعاه كان يستحيل نقدر نعمل مهرجان يليق بالاسرة
خصوصا ان انتوا زانقيننا بالمهرجان الاخير اللى حضره رئيس الجامعة

ولا انا ولا اى حد من المقررين اللى قبلى كان هيقبل بمهرجان اقل من ده
تانى حاجة كنت عاوز اعملها بس ملحقتش لان الفكرة نفسها جت لى متأخر اوى
هى ان يكون كل مشروع فى الاسرة ليه نظام ادارى ثابت بحيث ان كل قائد لمشروع قبل ما يمشى لازم يكون مجهز كوادر يخرج منها واحد يخلفه
مش يمشى ويسيب المقرر محتاس علشان يلاقى قائد كفىء للمشروع يقدر يتحمل مسئوليته من غير ما يسبب خلل فى المشروع والنظام ده لو اتطبق فى كل المشاريع هيدى فرصة اكبر للمقرر انه يشتغل فى تطوير الاسرة كلها مش يبقى مركز فكره كله فى تظبيط مشروع او اتنين

2- ايه اللي انت شايفه في علام علشان يبقى مقرر لااسرة ؟ومتوقع له النجاح بنسبة اد ايه؟
علام مناسب لكونه مقرر للاسرة لكذا سبب :
اول واهم سبب انه انسان على خلق ومحترم جدا بشهاده كل اللى عارفينه من دفعته و غير دفعته (وديه نقطة اساسية لان ديه مسئولية قدام ربنا )
تانى حاجة انه ليه خبرة سابقة فى النشاط وتحمل المسئولية نتيجة شغله فى رسالة (وكده نبقى تلافينا فى المقرر الجديد المشكلة اللى كانت عندى السنة اللى فاتت وهى نقص الخبرة فى بداية الشغل)
تانى حاجة انه نشيط فى الحركة وتخليص الموافقات
ده غير انه مش بيحضر كل حاجة فى الكلية وده مطلوب فى المقرر لان كتير اوى الظروف هتضطره يفوت روند او محاضرة
واتوقع له النجاح بنسبة 90 % ان شاء الله
بس هو محتاج يشد حيله زياده شويه الشهرين الجايين دول

وايه اللي ممكن يضيفه ؟
يقدر يضيف كتيير ان شاء الله
بس فى اعتقادى اكتر حاجة هيقدر يضيفها ويساعدها فى الاسرة هى مشروع الاسرة الجديد يستحقوا الحياة
لان عنده خلفية عن عمليات البحث العشوائى وشغل المشروع
فبإذن الله هيقدر يساعده فى بدايته لحد ما المشروع يقف على رجليه ويبقى زى اخواته الكبار الصيدلية ووأنت معدى

3- ليه في الفترة الخيرة حسينل ان انت بتخلع ايدك من كل حاجة
زي المنتديات وبعض المشاريع في الاسرة ؟
بالنسبة للاسرة
فانا مش بخلع اوى بس عاوز اقلل قدر الامكان
لكذا سبب اولهم انى فى سنة خامسة ولو مشيت بنظام سنة رابعة فى الدراسة
يبقى هعمر فى خامسة (انا اه مش بذاكر دلوقتى بس وقت ما احب اذاكر الاقى نفسى فاضى واقدر اذاكر )
تانى حاجة ان شغلى فى الاسرة السنة اللى فاتت خلى ناس كتير عرفتنى من غير ما ابقى عارفهم وده عملى شويه مشاكل فمش عاوز ابقى فى الصورة تانى
اخر حاجة هم اصحابى لان كلهم من اعداء النشاط وكانوا من اسباب الضغط العصبى عليا السنة اللى فاتت
ووقت ما كنت بفكر اذا كنت هكمل كمقرر للاسرة السنة دى ولا لأ كلهم قالولى متكملش
وبصراحة رأيهم يحترم لان كان فيه ناس منهم انا مش بشوفهم غير فى الكلية فشغلى فى الاسرة السنة اللى فاتت خلى كل علاقتنا سلامات مش اكتر
اما بالنسبة للمنتديات
فده لانى حسيت الفترة الاخيرة ان المنتديات وادارتها بقت زى الصراع والحرب
وده عكس طبيعة كونها شغل شاشات وكيبوردات عالنت مالوش اى اساس على ارض الواقع
فتجنبا للمشاكل وانى اخسر حد (خصوصا ان اى منافس ليك بيعتبرك خصمه فى الحقيقة كمان)
قلت مالهاش لازمة
هو يعنى الواحد غاوى وجع قلب

4- ماهو مدى التقارب او التباعد بين كلية اون لاين والميديكال
زمان وقت ما المنتدى اتفتح كمشروع من مشاريع الاسرة لعرض شغل الاسرة على النت وانه يكون مكان للتواصل بين الطلبة وافادتهم مش بس كان فيه تقارب لأ دول كانوا حاجة واحده فالمنتدى كان جزء من كل اللى هو الاسرة
لكن حاليا بعد تغيير وجهه الادارة بقت العلاقة مبينهم علاقة تبادل منفعة
يعنى المنتدى يعمل للاسرة دعايا عالنت
والاسرة تعمل دعايا للمنتدى فى الكلية
وبس

5- لماذا بدا في الفترة الاخيرة وجود شوائب تعكر صفو العلاقة بينك وبين بعض الناس المقربين اليك في السابق ؟
ده نتيجة ان بعض الناس بتحب تتعامل من منطلق انها فاهمة كل حاجة وان كل اللى حواليها اغبياء
وفاكرة انها كده بتخدع الكل وان الكل فعلا مش فاهم حاجة
فوقت لما بيتضح لهم ان فيه غيرهم فاهم اللى بيعملوه بس بيريحهم من باب تكبير الدماغ مش اكتر بتبتدى المشاكل
وناس تانية بتدخل الشغل فى العلاقة الشخصية فطبعا بيحصل مشاكل وده اللى حصل
وهنا هقول جملة بحبها :
"اكره من يستخف بعقول البشر ويظن نفسه فوق الناس"

كفاية كده
بس مش هاسيبك
راجع تاني
مستنيييييييييييييك بس خف عليا شويه

_________________
Image hosted by servimg.com
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الثلاثاء 08 ديسمبر 2009, 11:09 am

THE ART OF ANASTOMOSIS كتب:
من غير شيشه ولا تحشيشه

الدكتور ديشا... هيشد الفيشه

( حلوه مش كدا ؟؟)

ههههههههههههههه

ماشى ايها الفنان المبدع

بس مع الكلام ده ايه لازمت دكتور بقى

ده انت خليتنى عاطل

_________________
Image hosted by servimg.com
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: أ   الثلاثاء 08 ديسمبر 2009, 11:33 am

نهــ واإسلاماه ــال كتب:
د.ديشا
أهلا بحضرتك في موضوع ضيف الأسبوع
اهلا بحضرتك يا دكتورة
كان فيه ناس بتقترح عليا إني أعمل كوبي من أسئلة الصيدلية
وأي حد يدخل موضوع ضيف الأسبوع أسألها
موافق وبشده بس من الضيف الجاى
لانى جاوبت عليها مرتين قبل كده

- "حرية الرأي وديكتاتورية القرار" رأي حضرتك في الكلمة دي ؟؟
شعار ومبدأ مفيد جدا فى انجاز الشغل فى اى مشروع
وهو اساس شغلنا فى الصيدلية
وبيوفر علينا كتيير من رغى وتضييع وقت

وعلى فكرة هو مبدأ حلو جدا لان اى حاجة لها اكتر من ريس مش بتستمر
لكن المبدأ ده بيتيح للقائد انه يسمع كل الاراء وينفذ اللى شايفه انسب فى الاخر

- كمسؤول عن مجموعة توزيع الأدوية في الصيدلية الخيرية خطتك المستقبلية للتطوير و للتغلب علي ال defects اللي كانت موجودة قبل كده ؟؟
ان شاء الله احنا كنا عملنا سيستم كده هنمشى عليه ال3 شهور الجاية ونرجع نقيمه تانى بعدها
وهو ان كل فرد فى فريق التوزيع بيبقى مسئول عن قسم او 2
واحنا لينا فى كل قسم دكتور ثقة بنتعامل معاه هناك بيكون مع مسئول كل قسم اسم الدكتور ده ورقم موبايله
وبيروح يوزع الادوية بتاعتنا كل شهر اول ما فريق الفرز بيخلص الفرز الجماعى
(للتوضيح بس للناس الشنط اللى بنوديها اقسام الكلية والجمعيات ديه بيتم توزيعها على المرضى المحتاجين والغير قادرين على تحمل نفقات العلاج بتاعهم علشان كده لازم يبقى لينا حد نعرفه ويكون ثقة فى كل قسم)
وبعد اسبوعين بيرجع تانى يروح يعمل feedback بانه يسأل الدكتور عن مدى استفاده المرضى بالدواء
وهل فيه دواء معين بيحتاجوه فنحاول نوفرهولهم او لو فيه دواء معين بيروحلهم القسم وهم مش بيستخدموه فنبتدى نشوف اقسام تانية ممكن تستخدمه
والحمد لله احنا دلوقتى بنوزع الادوية على كل اقسام المستشفى + 3 جمعيات بره الكلية
ووقت ما هنرجع نقيم الشغل بعد 3 شهور هنشوف اذا كان فيه دواء بيتراكم عندنا ولا لأ
وعلى اساس كده هنشوف اماكن جديده نبتدى نوزع عليها الادوية زى القصر و بعض الملاجىء

- هل شغل حضرتك في الصيدلية الخيرية كان بياخد كتير من وقتك أو بيضيع كتير منه ؟؟
لأ خالص
شغل الصيدلية ممتع ومش بيضيع وقت
هو المشكلة كانت تزامن شغلى فى المشروع كعضو مع كونى مقرر الاسرة
فكان اللود كبير شويه
لكن المشروع لوحده شغلى فيه السنة ديه والسنة اللى قبل اللى فاتت
مش بيضيع وقت خالص

- زمان كده من شهر أو شهر ونص تقريبا كانت بترواد حضرتك فكرة غريبة عن ترك مشروع الصيدلية وطبعا حضرتك تراجعت عنها الحمد لله هل حضرتك ممكن تفكر فيها ف الوقت الحالي تاني ؟؟؟؟؟؟؟؟؟
حاليا لأ ان شاء الله
ومش هفكر فيها تانى غير فى حالة واحده
هى انى احس انى مش هقدر اتحمل المسئولية اللى عليا فى المشروع

- رؤية حضرتك المستقبلية للمشروع ؟؟؟؟
مشروع الصيدلية الخيرية ده احسن مشروع اتعمل فى الكلية
واعتقد مع النشاط الاخير وبداية ترتيب شغل كل فريق تانى من الاول
وبالناس اللى شغالين فى المشروع انه هيكبر اكتر واكتر السنين الجاية
واتمنى ان المشروع يحقق حلم قياداته بانه يبقى مشروع عام بيغطى كل انحاء الجمهورية


_________________
Image hosted by servimg.com
الرجوع الى أعلى الصفحة اذهب الى الأسفل
dr_diab2
الريشة الفضية للمنتدى
الريشة الفضية للمنتدى


عدد الرسائل : 3360
العمر : 26
الوظيفة : Ever failed. No matter. Try again. Fail again
تاريخ التسجيل : 04/07/2008

مُساهمةموضوع: رد: :: ضيف الاسبوع ... من جديد ::   الثلاثاء 08 ديسمبر 2009, 5:36 pm

ديشا

خلصنا بارا

الحمد لله

ندخل بقى

على طول الترحيب كان في الرد التاني

ده رد الطحن فقط

بسم الله نبدأ

مقرر الميديكال حاجه تقيله بس لذيذه احساسك ايه بعد مسيبت مقرر الاسره يعني دلوقتي احسن ولا زمان مع ذكر السبب؟

حاسس ان فيك حاجه متغيره من قيمه شهرين كده مش ده ديشا بتاع زمان وكده فهل من اسباب عامه يعني ولا كلها اسباب شخصيه واسريه ؟

- كنت داخل الاتحاد ليه ؟؟ وهل ده منطق انك تدخل عشانه الاتحاد؟؟

لو قالولك هترجع الزمن هتختار كليه اون لاين في انهي فتره الماضي السحيق ولا العهد الاوسط ولا الوقت الحالي؟؟

لو اتكرر الموقف اللي كنا بنطلب منك تمسك الميديكال هتقبل ولا هترفض وليه؟؟

واخيرا
رأيك + كلمه توجهها لكل من بكل صراحه

هشام تمراز - ابو عياد - محمد يسري - عمر عاطف - احمد غزال - عبد الله الاشموني - ديمو - احمد سمير
و
دياب

كفايه دول دلوقتي وبعدين ارجعلك تاني في المحاور الاتيه
ديشا الانسان
ديشا والصيدليه الخيريه
ديشا الاخ الاكبر
ديشا هيتجوز بقى ولا ايه


ولانك مختلف

فانا بقى هقول رأيي فيك وهرحب بيك من غير تثبيت والله

الواحد حبك كده لله ي لله شخصيه كويسه لماحه احلى حاجه فيها كلها على بعضها انها طيبه

بس وبحبك يا ديشا في الله
الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات


عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: :: ضيف الاسبوع ... من جديد ::   الثلاثاء 08 ديسمبر 2009, 6:36 pm

ديشا .. والله رغم إني مشغول شوية اليومين دول وتعبان شويتين " انفلونزا الخنازير دايرة في البلد

عندنا بعيد عنك " .. وكنت ناوي أسيبك لحد أما تمتحن بس قولت أهه تدخل تنشط مخك بين

Sessions بتاع المذاكرة ..

الأسئلة جايز تكون كتيرة شوية .. الموضوع ده بالذات مبعرفش اختصر فيه سواء بسأل أو بجاوب ..


* هبدأ معاك بالسؤال اللي سألته لمحمود : إيه رأيك في دورة الإسعافات السنه دي ؟؟
وبما إنك كنت مشرف في الدورة اللي قبلها .. إيه التحسن اللي حسيته ؟؟؟


* بعد تسجيلك علي المنتدي بسنه تقريبا مسكت الأسرة .. هل شايف إن المنتدي كان له دور في الإختيار يعني أبزر شغلك ومجهودك كاشتراكك في الصيدلية مثلا أو خلافه ؟؟؟
بمعني آخر المنتدي ساعدك في مرحلة الإنتشار ولالا ؟؟ - بلغة النجوم - بقي


* ليه إنت كنت مقل في إجتماعاتك للأسرة السنة اللي فاتت .. تقريبا معملناش غير اجتماع أو
اتنين بالكتير باستثناء اجتماعات الصيدلية .. هل مثلا لضيق الوقت وإن معظم الشغل كان بيخلص عن طريق المنتدي ؟؟ ولا إنت مش بتحب كثرة الإجتماعات بطبيعتك ؟؟ ....


* إيه أفكارك ومقترحاتك لتدعيم دور المنتدي في خدمة المشاريع خاصة يستحقوا الحياة - الصيدلية الخيرية - وأنت معدي " خاصة يستحقوا الحياة " - لآنه محتاج لسه شغل كتيرو يستحق الشغل فعلا - ؟؟!

* هل إنت شايف إن الكلية بتدعم النشاط بصفة عامة بالشكل المطلوب ، ولا فيه روتين كتير وتعقيدات ملهاش لزمة ؟؟؟


* بما إنك كنت مشرف لحالة حوار لفترة مش قليلة .. إيه مقترحاتك لتطوير المنتدي ده علي وجه التحديد ؟؟ والقوانين اللي انت حطتها في الفترة دي ولازال جاري العمل بها حتي الآن
شايف إنها مناسبة لسه دلوقتي - وده رأيي - ولا محتاجة بعض التعديل
بما إن كل وقت وله آدان يعني ؟؟


* المنتدي الإسلامي .. شايف إنه مظلوم وسط باقي المنتديات ؟؟ وإيه اللي انت ممكن تعمله كفرد في المنتدي لتنشيطه وتوسيع دايرة الإستفادة ؟؟ - رسالة عامة للأعضاء -


* ديشا الإنسان اكيد له مباديء طبعا .. وأكيد ماشي بيها .. هل ممكن تيجي في يوم من الأيام تغير مبدأك لو اكتشفت انه كان غلط ؟؟ أو مش مناسب في الوقت الحالي ؟ ولا انت بتعتبر ده تناقض ؟؟ مع ان ناس كتيرة بيعتبروه تطوير للذات ..


* لو إنت دلوقتي حبيت تستفيد من تجاربك اللي فاتت سواء في حياتك العامة أو النشاط وتبدأ مشروع جديد سواء جوه الكليه أو براها .. إيه المشروع اللي ممكن تلاقي نفسك فيه ؟؟

* عجبني جدا كلامك إنك عاوز تعمل System ثابت يمشي بعد كده في كل حاجة سواء اختيار الكوادر أو نظام الشغل العام ال FrameWork وهكذا .. هل شايف إن ده ممكن يحصل ؟؟ وإمتي ؟؟ ولا شايف إن الوضع هيستمر زي ماهو نظرا لأن فيه بعض الناس ممكن ميكونوش مقتنعين بالنظام ده ؟؟


* ديشا أونلاين ده مش اسم منتدي ولا موقع جديد
باختصار كده قبل كلية أونلاين كنت بتسخدم النت في إيه ؟؟
وبعد كليه أونلاين .. هل اتغير استخدامك للنت ؟؟؟
وفي الوقت الحالي .. إيه وجه استفادتك من النت ؟؟؟
وهل حاسس إنه تضييع وقت أكتر من كونه فايدة
ده طبعا باستثناء شغل الأسرة والمشاريع لأنهم قصه تانية ..
.

* ديشا في البيت .. عامل إزاي ؟؟ علاقتك باخواتك ووالدك ووالدتك !!
يومك العادي بتقضيه ازاي ؟؟


* إيه رأيك إن Female تمسك منصب مقرر الأسرة ؟


* مش هبقي رخم وأقوللك هتختار مين ضيف بعدك ضيف للأسبوع ..
بس إختيارك علي أساس إيه - ده لو كان في دماغك حد - أو إيه المعايير اللي هتختار
علي أساسها ؟؟ واحد صاحبك وعاوز تدبسه ولا شخصيه عاوز تعرف أكتر عنها
حاسس إنها غامضة ولا إيه بالظبط ؟؟


* لو كنت إنت أول مقرر لأسرة الميديكال وباقي الأجيال الأكبر مننا كانوا أصغر منك
كنت تختار مين مقرر للأسره بعدك وتختار شخص واحد بس ومش عاوز تفسير للاختيار
د.عبد الرحمن خليفة / د. أحمد خليفة / د. محمود عزجولة
ماجد الوراقي / محمد جمال

الأسئلة إجباري علي فكرة


......

_________________

الرجوع الى أعلى الصفحة اذهب الى الأسفل
http://www.medicalto.com
Demodex
مقرر دورة الاسعافات
مقرر دورة الاسعافات


عدد الرسائل : 1857
العمر : 25
محل الاقامة : ...
الوظيفة : ...
تاريخ التسجيل : 25/11/2008

مُساهمةموضوع: رد: :: ضيف الاسبوع ... من جديد ::   الثلاثاء 08 ديسمبر 2009, 10:41 pm

نخش بقى عليك كده و نسخن بس

- ديشا بتاع الثانوي ؟؟؟ و إيه اللي اتغير فيه لما دخل الكلية ؟؟؟ و إيه اللي اتغير تاني بعد الأسرة (كعضو) ؟؟؟ و إيه اللي اتغير تالث بعد اﻷسرة (كمقرر) ؟؟؟
- شخصيات كده نفسك تعملها ديليت من حياتك (مش أسماء معينة علشان الاحراج خليها ناس فيهم صفات معينة ) ؟؟؟
- مرت عليك دفعات كتير سواء أكبر منك أو أصغر ... إيه الدفعة أو الجيل اللي اتمنيت إنك تكون منه ؟؟؟ و ليه (علشان شخصية معينة و لا علشان صفة كانت سائدة في الدفعة دي و لا إيه) ؟؟؟
- شخص بتحترمه جداً جداً جداً و شايف إنه غامض شوية (غيري طبعاً ) ؟؟؟
- شخص علاقتك بيه مش قوي أو مقربتوش من بعض قوي و نفسك تقرب منه و تعرف عنه أكتر ؟؟؟
- حاجة مش موجودة فيك و نفسك تبقى فيك ؟؟؟
- دكتور أثر معاك قوي (مع إنك م بتحضرش محاضرات بس يمكن اتكعبلت في دكتور في السكة و لا حاجة و أثر معاك) ؟؟؟


نقرب بقى من ديشا اﻹنسان !!!
ديشا اﻹنسان إمتى ناوي يكمل نص دينه و يدخل إلى حارة سد ؟؟؟
و خصوصاً إني عايز أفرح بيك قبل م أموت و أشيلك الدشدوش الصغير ...
و صحيح الدشدوش الصغير ... ناوي تسميه إيه ؟؟؟ و لو طلعت دشدوشة ناوي تسميها إيه ؟؟؟
لو قلتلك سافر في رحلة علشان تغير جو ، تروح فين ؟؟؟
حلم حلمته و علم و أثر معاك قوي ؟؟؟ (قصدي حلم و أنت نايم مش حلم للمستقبل و كده يعني )
إيه أكتر أكلة بتحبها (بضبطك أهو) ؟؟؟


و فيه سؤالين كمان بس بلاش على العام علشان متقتلنيش لما أقابلك أحسن ...
و يمكن ارجعلك كمان شوية بس علشان الواحد لسا راجع من البيت و عايز أنام و أنت عارفني لما ببقى عايز أنام ممكن أخرف و أظن العينة باينة
...

_________________
الرجوع الى أعلى الصفحة اذهب الى الأسفل
http://www.abdeldayem.info/
AMY.LEE
فرسان الميديكال
فرسان الميديكال


عدد الرسائل : 2894
العمر : 28
محل الاقامة : IN your HEART
الوظيفة : hurting
تاريخ التسجيل : 14/12/2006

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 1:36 am

د ديشا...
نظرا لاني اكتشفت ان حضرتك-ولتاني مره -شخصيه محترمه جدا وخدومه جدا..وطيبه جدا
وان الرأي الاولاني -وان كان لاسباب ولت- كان خاطأ فاعذرني عليه
لكن احب اقول لحضرتك انك فعلا من الناس القلائل الي من النوع دا...
وبما ان مفيش سؤال معين يدور حول حاجه معينه احب اسأل فيها
لكن احب اشكرك لاضافاتك العميقه سواء على المستوى العام او الشخصي..
ومش هنسى ابدا رأي معين اتقال على حضرتك يمكن بداية مكنتش متفقه مع الرأي دا
لكن حاليا انا اوفق الرأي دا شخصيا..
وماتوفيقك الا بالله..وربنا معاك
الرجوع الى أعلى الصفحة اذهب الى الأسفل
http://www.4shbab.tv
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 2:08 am

dr_diab2 كتب:
ديشا

خلصنا بارا

الحمد لله
حمد الله عالسلامة
عقبالنا

ندخل بقى

على طول الترحيب كان في الرد التاني

ده رد الطحن فقط
ربنا يستر
بسم الله نبدأ

مقرر الميديكال حاجه تقيله بس لذيذه احساسك ايه بعد مسيبت مقرر الاسره يعني دلوقتي احسن ولا زمان مع ذكر السبب؟
كل وقت وليه ادان زى ما بيقولوا
السنة اللى فاتت كان ليها مميزاتها وعيوبها
يعنى كنت مستمتع بالادارة وترتيب الشغل
بس بردو كنت مضغوط لان الحمل صعب
ودلوقتى مرتاح نفسيا جدا لانى مش شايل الحمل بساعد بس (يعنى دورى دلوقتى تكميلى واستشارى لكن مش اساسى)
كل فترة ولها ما يميزها
والحمد لله الحالتين كويسيين

حاسس ان فيك حاجه متغيره من قيمه شهرين كده مش ده ديشا بتاع زمان وكده فهل من اسباب عامه يعني ولا كلها اسباب شخصيه واسريه ؟
يعنى من ده ومن ده
بعض الاسباب الشخصية
+
شويه حاجات صادفتها فى الكلية الفترة الاخيرة من ناس ومن طلبة ومن دكاترة
كان لازم تخلينى ابقى متغير شويه

- كنت داخل الاتحاد ليه ؟؟ وهل ده منطق انك تدخل عشانه الاتحاد؟؟
علشان واحد صاحبى طلب منى انى ادخل علشان اساعده
وطبعا منطق لسببين اولهم انه مفيهوش ضرر ليا فى حاجة او اذى لغيرى
وتانى حاجة ان صاحبى ده كان يستحق انى اساعده فى الموضوع ده لانه اهل له

لو قالولك هترجع الزمن هتختار كليه اون لاين في انهي فتره الماضي السحيق ولا العهد الاوسط ولا الوقت الحالي؟؟
بما انى مكنتش موجود فى العهد السحيق اللى كان فى الاول خالص
بس اتحكالى عنه كتيير اوى
اكيد كان هيبقى نفسى اجربه فى بداياته خصوصا مع المغامرات الكتير اللى حصلت فى الاول وكانت عامله جو اكشن

لكن لو هختار بين اللى عاصرتهم اكيد هختار العهد الاوسط
لو اتكرر الموقف اللي كنا بنطلب منك تمسك الميديكال هتقبل ولا هترفض وليه؟؟
هختار الوضع الحالى لو ينفع
اللى هو ماسيبش المقرر الجديد يجرب من الاول
واساعده فى اللى محتاجه او اللى مش هيقدر يعمله فى الفترة الاولى من السنة (اللى بيبقى فيها شويه لخبطة عنده)
وفى نفس الوقت مش انا المسئول الاول
يعنى تقدر تقول عليا استشارى
لكن انى ابقى الرجل الاول تانى لأ
وليه ديه انا جاوبتها كتير فوق يابوخليل
بس هقولك المختصر
علشان اقدر اوفر لنفسى وقت للمذاكرة وقت ما احتاجها (خامسة شكلها تقيل اوى)
وعلشان مش عاوز ابقى ظاهر فى الصورة قدام اى حد (عاوز ابقى مجهول)
لان ظهورى قدام الناس عملى مشاكل
واخيرا تلبية لنداء اصحابى علشان ابقى معاهم فى وقت الكلية
واخيرا
رأيك + كلمه توجهها لكل من بكل صراحه

هشام تمراز
رايي : انسان محترم وخلوق وباحمد ربنا اننا اصحاب
كلمة : انت اتظلمت كتير اوى يا هشام ومن ناس كتير منهم اللى عارفك وافترى عليك
ومنهم اللى ميعرفكش وحكم عليك من بره من غير ما يعاملك
بس ربنا مبيسبش حد مظلوم وحقك هيتردلك حتى لو على ايد غيرك

- ابو عياد
رأيي : ابوحميد انت انسان طيب جدا ومن اكتر الشخصيات اللى الناس ممكن ترتحالها من غير ما تتعامل معاها (بمجرد النظر يعنى
)
كلمة : ابوحميد دلوقتى مش هو ابوحميد من سنتين

محمد يسري
رأيي : حبيب قلبى وصاحب اجمد ردود فى كل المواقف
كلمة : خليك معانا يا يسرى

عمر عاطف
رأيي : الطفل المعجزة

اكتر واحد من الناس اللى قابلتها اصغر منى وبعتبره صديقى جدا زى ما نكون دفعة واحده
كلمة : تفائلوا بالخير تجدوه يا عمووووووووووووور
وانا واثق ان ربنا هيكرمك دايما لانك تستاهل كل خير

احمد غزال
رأيي : راجل جدا وعصبى جدا ودمه خفيف جدا
كلمه : ركز فى حاجة واحده دايما يابوحميد هتنتج فيها جدا
يعنى ماتحاربش على كذا جبهة علشان متخسرهومش كلهم

عبد الله الاشموني
بلاش رأيي
كلمه : ركز فى شغلك بس وامشى واحده واحده علشان يبقى عندك تجربة ناجحة
ومتخليش دايما هدفك هو تصغير الكبير علشان تبان كبير
شغلك هو اللى هيخليك كبير واكبر من الكبير لو ركزت فيه هو بس

ديمو
رأيي : طيب جدا جدا وبحبه جدا
كلمه : بطل نوم شويه

احمد سمير
رأيي : محب للظهور شويه
كلمه : دلوقتى كده احسن بكتير يا احمد

و
دياب
رأيي: اخى الصغير

كلمة : صنفر مخك شويه يابوخليل وعيد تقييم علاقاتك بالناس هتبقى قيادى بارع
كفايه دول دلوقتي وبعدين ارجعلك تاني في المحاور الاتيه
ديشا الانسان
ديشا والصيدليه الخيريه
ديشا الاخ الاكبر
ديشا هيتجوز بقى ولا ايه

فاصل ونواصل

ولانك مختلف

فانا بقى هقول رأيي فيك وهرحب بيك من غير تثبيت والله

الواحد حبك كده لله ي لله شخصيه كويسه لماحه احلى حاجه فيها كلها على بعضها انها طيبه

بس وبحبك يا ديشا في الله
احبك فى الذى احببتنى فيه
ربنا يكرمك يابوخليل ده بس من ذوقك



_________________
Image hosted by servimg.com
الرجوع الى أعلى الصفحة اذهب الى الأسفل
ع م ر
|مشرف|
|مشرف|


عدد الرسائل : 374
العمر : 25
الوظيفة : طالب
تاريخ التسجيل : 27/07/2008

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 2:09 am

أنا داخل أقولك الله يكون في عونك .. الناس متوصية بيك 
مش هتقل عليك..
أربع أسئلة في الحفيف

- يمكن أنت قولت إنك حبيبت مجال الإدارة ... طب ايه رأيك في تصرف الإدارة السياسية المصرية مع أزمة الجزائر؟؟
- ايه رأيك في ارتفاع أجور الأطباء في العيادات ؟؟ شايف إن ده حقهم .. إنهم تعبوا وليهم الحق ؟؟ 
- الأطباء بيعتبرهم المجمتع الصفوة .. شايف ايه دور الطبيب تجاه المجتمع غير وظيفته الأساسية ؟؟ في المرحلتين الجامعية وبعد الجامعية ؟؟
أخر سؤال ..
- ايه رأيك في تعامل الحكومة مع انفلونزا الحنازير ؟؟ ودورك كطالب في الطب في المرحلة دي ؟؟؟

أسئلة خفيفة خالص اهه 
وليا عودة تاني إن شاء الله 


_________________
الحمد لله
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 3:03 am

Medicalawy كتب:
ديشا .. والله رغم إني مشغول شوية اليومين دول وتعبان شويتين " انفلونزا الخنازير دايرة في البلد

عندنا بعيد عنك
ربنا يسترها عالحبايب

.. وكنت ناوي أسيبك لحد أما تمتحن بس قولت أهه تدخل تنشط مخك بين

Sessions بتاع المذاكرة ..
هههههههههههههههههههههههه
كلااااااااااااااااااااااام

الأسئلة جايز تكون كتيرة شوية .. الموضوع ده بالذات مبعرفش اختصر فيه سواء بسأل أو بجاوب ..
ايديا يا جدعان حرام عليكم
* هبدأ معاك بالسؤال اللي سألته لمحمود : إيه رأيك في دورة الإسعافات السنه دي ؟؟
الحمد لله كانت ممتازة سواء بالشغل فى المستشفى او المتابعة عالنت
وبما إنك كنت مشرف في الدورة اللي قبلها .. إيه التحسن اللي حسيته ؟؟؟

الانضباط
ده اهم عامل من عوامل نجاح الدورة
سواء كان من المشرفين او الليدرز او المقررين او الطلبة نفسهم
والشغل الاضافى بتاع العمليات
خلى للدورة طابع مميز عن باقى الدورات

* بعد تسجيلك علي المنتدي بسنه تقريبا مسكت الأسرة .. هل شايف إن المنتدي كان له دور في الإختيار يعني أبزر شغلك ومجهودك كاشتراكك في الصيدلية مثلا أو خلافه ؟؟؟
بمعني آخر المنتدي ساعدك في مرحلة الإنتشار ولالا ؟؟ - بلغة النجوم - بقي

ههههههههههههههههههههههه
طبعا المنتدى كان ليه دور كبير فى انى ابقى من المرشحين لانى امسك الاسرة
لانى متعرفتش على ناس من الاسرة وادارتها غير عالمنتدى واكيد هم بردو مكنوش يعرفونى
اللهم الا واحد او اتنين


* ليه إنت كنت مقل في إجتماعاتك للأسرة السنة اللي فاتت .. تقريبا معملناش غير اجتماع أو
اتنين بالكتير باستثناء اجتماعات الصيدلية .. هل مثلا لضيق الوقت وإن معظم الشغل كان بيخلص عن طريق المنتدي ؟؟ ولا إنت مش بتحب كثرة الإجتماعات بطبيعتك ؟؟ ....

لأ هو انا مش بحب الاجتماعات الكتير اصلا
لان معظمها بيضيع وقت كبير من غير فايده تذكر
ده غير ان الاجتماعات اللى كانت المفروض تتعمل فى اول السنة ونجمع فيها كل اعضاء الاسرة
لتنسيق شغل الاسرة وخطتها طول السنة
كانت فى فترة اللاخبرة بالنشاط اللى كنت فيها فى الاول
وبالتالى مكنتش اعرف انها لازم تتعمل
ومعملتهاش

ووقت ما حسيت انها مهمة كنا بقينا فى الترم التانى ومعدل النشاط الطبيعى بدأ فى النزول علشان انشغال الناس بالامتحانات
* إيه أفكارك ومقترحاتك لتدعيم دور المنتدي في خدمة المشاريع خاصة يستحقوا الحياة - الصيدلية الخيرية - وأنت معدي " خاصة يستحقوا الحياة " - لآنه محتاج لسه شغل كتيرو يستحق الشغل فعلا - ؟؟!
المنتديات الفرعية الخاصة بمشاريع الاسرة ديه محتاجة بعض التنشيط من فريق كل مشروع
عشان يحقق هدفه فى عرض افكاره على الناس وبالتالى يزود عدد المشاركين فى المشروع
وده تقريبا مش بيعمله غير فريق الصيدلية وبنسبة اقل شويه فريق وانت معدى
لكن ال3 فرق لازم يراعوا الجانب الاعلامى ده
لانه مهم جدا وليه اثر كبير فى نجاح اى حاجة
اما بالنسبة لمشروع يستحقوا الحياه فهو محتاج هيكلة تامة لكوادر المشروع وتقسيم نفسهم لفرق متخصصه
ويكون ليهم فريق دعائى مسئول عن دعايا المشروع ونشر فكرته
ويكون بينهم ناس مدمنة نت تدخل تتابع مع الناس وتنزل اخبار المشروع وانجازاته اول باول

* هل إنت شايف إن الكلية بتدعم النشاط بصفة عامة بالشكل المطلوب ، ولا فيه روتين كتير وتعقيدات ملهاش لزمة ؟؟؟

طبعا فيه روتين كتير وتعقيدات مالهاش لازمة
لو يسهلوها شويه هيبقى النشاط اجمل بكتير
والمفروض ده اللى يحصل لاننا بنقدم خدمات للطلبة يبقى لازم يبقى لينا تسهيلات مش تعقيدات

* بما إنك كنت مشرف لحالة حوار لفترة مش قليلة .. إيه مقترحاتك لتطوير المنتدي ده علي وجه التحديد ؟؟ والقوانين اللي انت حطتها في الفترة دي ولازال جاري العمل بها حتي الآن
شايف إنها مناسبة لسه دلوقتي - وده رأيي - ولا محتاجة بعض التعديل
بما إن كل وقت وله آدان يعني ؟؟

منتدى حالة حوار هو المنتدى الفرعى رقم واحد فى المنتدى
وبيحقق اكبر نسبة مشاهده وردود يوميه
فبيحتاج متابعة دائمة
وديه الحمد لله محققة دلوقتى
ربنا يكون فى عون مشرفيه
بس انا شايف ان تطوير المنتدى ده هييجى من تطوير فكر الاعضاء نفسهم وارتقائهم بلغة الحوار ما بينهم
وعرض الرأى وتقبل الرأى الاخر من غير عصبية او نرفزة
وفى الجانب ده بيتهيألى ان المعدل تصاعدى
يعنى بيتحسن من فترة للتانية

اما بالنسبة للقوانين فبيتهيألى لحد وقتنا ده هى الانسب لاحكام السيطرة عالمنتدى ده
علشان محدش من المشرفين يشيل ذنوب حد
وربنا يوفقهم ويقويهم على مسئوليتهم

* المنتدي الإسلامي .. شايف إنه مظلوم وسط باقي المنتديات ؟؟ وإيه اللي انت ممكن تعمله كفرد في المنتدي لتنشيطه وتوسيع دايرة الإستفادة ؟؟ - رسالة عامة للأعضاء -

محتاج متابعة اكتر من الاعضاء مش بس بالمشاهده لأ بالرأى والافادة كمان
وكان فيه قسم فى المنتيات الاسلامية كان نفسى يتعمل من فترة ولو انه صعب التنفيذ شويه
وهو قسم التجويد
اكيد فى ناس كتير مش بتعرف ترتل اثناء قراءة القران
وهيبقى نفسها تتعلم قواعد التجويد الصح
مش بس انهم يتغنوا بالقران على غير اسس
بحيث تبقى قرائتهم سليمة تماما
وده هيكسب القائمين عالمنتدى ثواب عظيم

* ديشا الإنسان اكيد له مباديء طبعا .. وأكيد ماشي بيها .. هل ممكن تيجي في يوم من الأيام تغير مبدأك لو اكتشفت انه كان غلط ؟؟ أو مش مناسب في الوقت الحالي ؟ ولا انت بتعتبر ده تناقض ؟؟ مع ان ناس كتيرة بيعتبروه تطوير للذات ..

لو اكتشفت انه كان غلط اكيد هبدأ اغيره
مينفعش افضل ماشى غلط طول عمرى
شغل الصعايده ده ممكن يودينى فى داهية
لكن بالنسبة لمسألة الوقت الحالى ديه
فانا لو شايف ان مبدأى صح بيتهيألى هكمل عليه زى مانا فى اى وقت
مع مراعاة ان لكل قاعده شواذ


* لو إنت دلوقتي حبيت تستفيد من تجاربك اللي فاتت سواء في حياتك العامة أو النشاط وتبدأ مشروع جديد سواء جوه الكليه أو براها .. إيه المشروع اللي ممكن تلاقي نفسك فيه ؟؟
جوه الكليه صعب انى ادخل فى مشاريع تانى
لكن بره الكلية ممكن بجانب الطب اشتغل فى الادارة او الحسابات لأى مشروع
كعمل اضافى

* عجبني جدا كلامك إنك عاوز تعمل System ثابت يمشي بعد كده في كل حاجة سواء اختيار الكوادر أو نظام الشغل العام ال FrameWork وهكذا .. هل شايف إن ده ممكن يحصل ؟؟ وإمتي ؟؟ ولا شايف إن الوضع هيستمر زي ماهو نظرا لأن فيه بعض الناس ممكن ميكونوش مقتنعين بالنظام ده ؟؟

طبعا ممكن يحصل
ويحصل بعد فترة من التدريب
يعنى الناس الجديده تبتدى تشتغل فيه من الاول كده هتلاقى بعد فترة ان الجداد بقوا قدام وتشربوا النظام بتاع الشغل
وبالتالى اى حد هيجى بعد كده هيكمل على نفس النظام وهيطوره
مسألة عدم الاقتناع ديه بتكون عاده من الناس الكبار اللى اتعودوا على حاجة ومبيحبوش يغيروها
لكن كل شىء ممكن بالتعود

* ديشا أونلاين ده مش اسم منتدي ولا موقع جديد
باختصار كده قبل كلية أونلاين كنت بتسخدم النت في إيه ؟؟
الايميل
الفيس بوك
(التواصل مع قرايبى بره مصر)
المنتديات عموما بس الغير تابعة للدراسة
المواقع الرياضية
ومواقع الاخبار السياسية

وبعد كليه أونلاين .. هل اتغير استخدامك للنت ؟؟؟
زاد عليهم كلية اون لاين
بس جت عليا فترة كان هو اكتر موقع بدخله عالنت

وفي الوقت الحالي .. إيه وجه استفادتك من النت ؟؟؟
وهل حاسس إنه تضييع وقت أكتر من كونه فايدة
ده طبعا باستثناء شغل الأسرة والمشاريع لأنهم قصه تانية ..
.
يعنى هو تضيع وقت الى حد ما لانى مش موجهه للاستفاده العلمية
انا واخده كبوابة للتعايش مع العالم المحيط ومتابعه اخباره مش اكتر

* ديشا في البيت .. عامل إزاي ؟؟
علاقتك باخواتك ووالدك ووالدتك !!
علاقتى بوالدي
ووالدتى
(صداقة بين اجيال مختلفة)
اخواتى بما انى الكبير فهم زى ولادى كده
بحاول اصلح فيهم العيوب او الحاجات اللى كنت بقع انا فيها عشان يبقوا احسن منى ان شاء الله

يومك العادي بتقضيه ازاي ؟؟

مممم
ما بلاش الفضايح


بصحى اروح الكلية
اخلص الكلية
اخرج مع اصحابى او اروح اقعد معاهم فى اى حته
نلعب استيماشن وترنيب لحد مانموت

ونروح على الساعة 8 او 9
اروح اقعد على النت لحد ما انام
ضيف للبرنامج ده المذاكرة فى ال3 او 4 ايام اللى قبل الامتحانات

ممكن ميكونش فيهم خروج خالص
* إيه رأيك إن Female تمسك منصب مقرر الأسرة ؟

لا احبذ هذه الفكرة ابدا
لانها مسئولية كبيرة ومعظم الfemales مش هيقدروا يتحملوها وهيسيبوها فى نص السكة
ده غير انهم ميقدروش يقودوا الناس اللى شغالين معاهم
خصوصا ال males
فالشغل مش هيتم كما يجب ان يكون

* مش هبقي رخم وأقوللك هتختار مين ضيف بعدك ضيف للأسبوع ..
بس إختيارك علي أساس إيه - ده لو كان في دماغك حد - أو إيه المعايير اللي هتختار
علي أساسها ؟؟ واحد صاحبك وعاوز تدبسه ولا شخصيه عاوز تعرف أكتر عنها
حاسس إنها غامضة ولا إيه بالظبط ؟؟

هو شخص انا عارف عنه معظم حياته تقريبا
بس احب اعرف اكتر
واحب ادى للناس الفرصة انها تعرف عنه كل اللى عاوزين يعرفوه ويدخلوا جواه اكتر

* لو كنت إنت أول مقرر لأسرة الميديكال وباقي الأجيال الأكبر مننا كانوا أصغر منك
كنت تختار مين مقرر للأسره بعدك وتختار شخص واحد بس ومش عاوز تفسير للاختيار
د.عبد الرحمن خليفة / د. أحمد خليفة / د. محمود عزجولة
ماجد الوراقي / محمد جمال
ماجد الوراقى
مع احترامى لكل الباقيين
كلهم بلا استثناء احسن منى
وانا اقل من انى افاضل مبينهم
بس ده رأيي

الأسئلة إجباري علي فكرة

تعبتنى منك لله
......

_________________
Image hosted by servimg.com
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 3:24 am

ĐΣϺO كتب:
نخش بقى عليك كده و نسخن بس
نسخن ايه بس ده انا شكلى هموت قبل ما امتحن ايند روند

- ديشا بتاع الثانوي ؟؟؟
مطنش الدنيا كلها وماشى بدماغى فى 2 ثانوى
ومشدود جدا فى 3

و إيه اللي اتغير فيه لما دخل الكلية ؟؟؟
مفيش تغير كبير اوى بس زادت علاقاتى الاجتماعية بالناس الحمد لله
و إيه اللي اتغير تاني بعد الأسرة (كعضو) ؟؟؟
هو انا مكنتش عضو غير فى الصيدلية الاول
وكانت ايام جميله جدا
يعنى كان عندى هدف من غير ما يكون عليا مسئولية كبيرة

و إيه اللي اتغير تالث بعد اﻷسرة (كمقرر) ؟؟؟
حسيت انى كبرت فى السن ييجى 10 سنين بعد ما سيبت الاسرة
بصراحة فادتنى جدا وعلمتنى حاجات كتيرة جدا
فى تعاملاتى كلها
ونظرتى للحاجات

- شخصيات كده نفسك تعملها ديليت من حياتك (مش أسماء معينة علشان الاحراج خليها ناس فيهم صفات معينة ) ؟؟؟
اكتر شخصيات احب امحيها من حياتى هى الشخصيات المتلونة باكتر من لون
واللى بتتعامل مع كل واحد بطريقة معينة على حسب اللى يخدم مصالحها
تانى شخصيات عاوز امحيها هى الشخصيات المتذاكية
اللى فاكرة نفسها اول واخر من اتى
بس فى الاخر ندعيلهم كلهم بالهداية
وانا اولهم

- مرت عليك دفعات كتير سواء أكبر منك أو أصغر ... إيه الدفعة أو الجيل اللي اتمنيت إنك تكون منه ؟؟؟ و ليه (علشان شخصية معينة و لا علشان صفة كانت سائدة في الدفعة دي و لا إيه) ؟؟؟
عموما انا بحب دفعتى جدا وكنت هختارها بردو لو ليا حق الاختيار
لكن بالنسبة للنشاط كنت اتمنى اكون من دفعة 6 اللى بتمتحن دلوقتى
وبالنسبة لترابط الاصدقاء فكنت احب ابقى من دفعة 3 دلوقتى

- شخص بتحترمه جداً جداً جداً و شايف إنه غامض شوية (غيري طبعاً ) ؟؟؟
ابوشادى الكبير
- شخص علاقتك بيه مش قوي أو مقربتوش من بعض قوي و نفسك تقرب منه و تعرف عنه أكتر ؟؟؟
ماجد الوراقى
- حاجة مش موجودة فيك و نفسك تبقى فيك ؟؟؟
الانضباط الدراسى

- دكتور أثر معاك قوي (مع إنك م بتحضرش محاضرات بس يمكن اتكعبلت في دكتور في السكة و لا حاجة و أثر معاك) ؟؟؟
دكتور ايمن عبد الله بتاع الاناتومى
كانت ايام

نقرب بقى من ديشا اﻹنسان !!!
ديشا اﻹنسان إمتى ناوي يكمل نص دينه و يدخل إلى حارة سد ؟؟؟
و خصوصاً إني عايز أفرح بيك قبل م أموت و أشيلك الدشدوش الصغير ...
ههههههههههههههههههه
ان شاء الله مش قبل ما اخلص سنة سادسة
لو كان فى حد معين هتقدمله بعد ما اخلص 6 على طول
ولو مفيش هبدأ ادور من بعد 6 بإذن الله

و صحيح الدشدوش الصغير ... ناوي تسميه إيه ؟؟؟ و لو طلعت دشدوشة ناوي تسميها إيه ؟؟؟
لو دشدوش
هسميه : سيف او يوسف او عمر
لو دشدوشة هسميها : مرام او هنا او روضة
لو قلتلك سافر في رحلة علشان تغير جو ، تروح فين ؟؟؟
لو بره مصر هروح سويسرا
ولو جوه مصر هروح شرم الشيخ

حلم حلمته و علم و أثر معاك قوي ؟؟؟ (قصدي حلم و أنت نايم مش حلم للمستقبل و كده يعني )
مبغتكرش الاحلام خالص
بس فى حلم حلمته بحاجة هتضيع منى وفعلا ضاعت منى بعدها بيوميين

إيه أكتر أكلة بتحبها (بضبطك أهو) ؟؟؟
البيتزا

و فيه سؤالين كمان بس بلاش على العام علشان متقتلنيش لما أقابلك أحسن ...
ايوه خليك حلو كده

و يمكن ارجعلك كمان شوية بس علشان الواحد لسا راجع من البيت و عايز أنام و أنت عارفني لما ببقى عايز أنام ممكن أخرف و أظن العينة باينة ...
انت هتقوللى
ادخل نام احسن مش عاوزين فضايح


_________________
Image hosted by servimg.com
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 3:40 am

عmر كتب:
أنا داخل أقولك الله يكون في عونك .. الناس متوصية بيك
عالاخر
قربت يجيلى شلل من الكتابة

مش هتقل عليك..
أربع أسئلة في الحفيف

- يمكن أنت قولت إنك حبيبت مجال الإدارة ... طب ايه رأيك في تصرف الإدارة السياسية المصرية مع أزمة الجزائر؟؟
بيتهيألى هو تصرف مسئول مع قليل من الرعونة
يعنى هم محبوش يعملوا شرخ كبير ورسمى بين البلدين
لكن لو انا كنت مكانهم
كنت استدعيت سفيرى من هناك وبعتلهم سفيرهم برسالة بطلب فيها رسميا تبرير الموقف والاعتذار الرسمى والتعويض من الجانب الجزائرى

- ايه رأيك في ارتفاع أجور الأطباء في العيادات ؟؟ شايف إن ده حقهم .. إنهم تعبوا وليهم الحق ؟؟
هو طبعا حقهم لانهم بيتمرمطوا ولكن بحدود
مينفعش اعلى سقف الاجور اوى
لازم يبقى معقول وفى متناول الانسان المتوسط على الاقل
لان المرض مش بايد حد والعلاج مش كماليات يقدر الانسان يستغنى عنها
وبردوا لازم يبقى فيه جزء من الرحمة
يعنى لو مريض جه والممرض حس انه معدوم ياخد منه اجر رمزى علشان ميحرجوش وفى نفس الوقت ميزودش هموم الدنيا عليه وهو مش ناقص اصلا

- الأطباء بيعتبرهم المجمتع الصفوة .. شايف ايه دور الطبيب تجاه المجتمع غير وظيفته الأساسية ؟؟ في المرحلتين الجامعية وبعد الجامعية ؟؟
فى المرحلة الجامعية انه يكون انسان محترم على قد الاحترام اللى بيناله من الناس لكونه طبيب
ده غير انه يحاول يتعلم كويس علشان يقدر يفيد مجتمعه بقدر الامكان
مش هنستورد دكاترة كمان
فى المرحلة بعد الجامعية
المفروض ان الطبيب ده
ملاك رحمه
وقدوة لباقى الناس فى كل تصرفاته
ده غير دوره فى تثقيف الناس بالوعى الصحى عموما بجانب العمل فى تخصصه

أخر سؤال ..

- ايه رأيك في تعامل الحكومة مع انفلونزا الحنازير ؟؟ ودورك كطالب في الطب في المرحلة دي ؟؟؟
مش عاجبنى خالص
حاسس انهم سايبيين الامور تمشى كده وخلاص
وهيقولك فى الاخر ده مقدر ومكتوب
طب فين السعى
مش عارف
لازم يبقى فيه توعيه اكتر من كده
وقرارات صارمة ضد اى حاجة ممكن تساعد على انتشار العدوى
ودورى المفروض انى اوعى الناس فى الدائرة المحيطة بيا باهمية اكتشاف المرض مبكرا لتسهيل علاجه
وانهم لازم يقللوا من بعض الحاجات ويواظبوا على بعض الحاجات التانية علشان يمنعوا انتشار العدوى

أسئلة خفيفة خالص اهه
وليا عودة تاني إن شاء الله
تنور يا باشا

_________________
Image hosted by servimg.com
الرجوع الى أعلى الصفحة اذهب الى الأسفل
Mirage
|مشرف|
|مشرف|


عدد الرسائل : 5939
العمر : 26
محل الاقامة : -
الوظيفة : -
تاريخ التسجيل : 30/09/2008

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 4:18 am

ديشااااا..
رجعتلك يا جميل..

1- هدف محققتوش.( بعيدا عن النشاااط )..؟؟

2- دخلت الكلية برغبتك و لا دخلتها كده..؟؟

3- افضل سنة عيشتها في الكلية لغاية دلوقتي مع التعليل.. ؟؟

4- رسالة شكر و رسالة اعتذار و رسالة عتاب
توجه كل واحدة لمين..؟؟

5- هدف نفسك تحققه..؟؟

6- ايه اهم حدث حصل في حياتك السنة دي..؟؟

7- ايه هوايتك..( و اياك تقولي ترنيب )..؟؟

8- مين مثلك الاعلي..؟؟

9- ايه رايك فيا..؟؟
و لو هتقولي كلمة..هنقول ايه..؟؟



_________________



No Sacrifice .. No Victory
الرجوع الى أعلى الصفحة اذهب الى الأسفل
M.ABDELLA
|مشرف|
|مشرف|


عدد الرسائل : 1558
العمر : 27
محل الاقامة : ..........
الوظيفة : ...........
تاريخ التسجيل : 28/12/2007

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 6:02 am


والله الموضوع ده لذيذ جدا
طبعا ماينفعش الضيف يبقي ديشا والواحد ماينتهزش الفرصة
بس نظرا لأن الناس مسابتش حاجة عشان نسألها فانا هاسألك حاجات خفيفة
إيه أخبارك مع لجان الشفوي في الكلية ..ياتري هل حصلك مواقف غريبة أو طريفة قبل كده !
موقف حصلك في حياتك وخلاك تبكي !
صفة في شخصيتك نفسك تعملها delete & وصفة مش موجودة فيك ونفسك تضيفها لشخصيتك !
ياتري قبل ما تبقي في الأسرة والصيدلية الخيرية هل كان في دماغك الموضوع ده ومين كان السبب في إنك تقتحم المجال ده !
وكفاية عليك كده عشان الإيند روند

_________________

اللهم إني أستغفرك من كل ذنب تبت منه ثم عدت إليه.
وأستغفرك من النعم التي أنعمت بها علي فأستعنت بها على معاصيك.
وأستغفرك من الذنوب التي لا يطلع عليها أحد سواك.
ولا ينجيني منها أحد غيرك. ولا يسعها إلا حلمك وكرمك ولا ينجيني منها إلا عفوك


حملة مستشفانا


الرجوع الى أعلى الصفحة اذهب الى الأسفل
اعقلها وتوكل
:: عضو مثقف ::
:: عضو مثقف ::


عدد الرسائل : 4488
العمر : 28
الوظيفة : سبحان الله وبحمده سبحان الله العظيم
تاريخ التسجيل : 18/07/2009

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 6:04 am

محمد احمد النعا ..... بين قوسين ديشااا ..
كفايه عليك الاسئله اللي فوق .. وربنا يعينك علي كتابه الردود ..
انا كنت داخل اسلم عليك بس يا كبير ..
كلمه حق في حق محمد .. هو انسان طيب اوووي وجدع كمان .. ربنا يديم المعروف يا ابو حميد ..
ومادام فيه ناس كتير بتحبه يبقي اكيد ربنا سبحانه وتعالي كمان بيحبه ...
بس ..كل سنه وانت طيب ..وكل عام وانت الي الله اقرب ..

سلام عليكم يا ابو حميد ..
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 2:48 pm

Heart BlocK كتب:
ديشااااا..
رجعتلك يا جميل..
welcom back يا خلووووود
1- هدف محققتوش.( بعيدا عن النشاااط )..؟؟
الامتياز فى سنة تانية
منه لله الاناتومى وقتها بقى

2- دخلت الكلية برغبتك و لا دخلتها كده..؟؟
لأ انا كنت عاوز ادخل صيدلية الاول
وبعد مناقشات عائلية دخلت طب (لانهم مجربين الصيدلة وقالولى مش حلوة واقنعونى بالطب)
بس الحمد لله انى دخلت طب لان دراسته فعلا احسن من صيدلة

3- افضل سنة عيشتها في الكلية لغاية دلوقتي مع التعليل.. ؟؟
هم سنتين مش واحده
سنة تانية لانى كنت بذاكر فيها وكنت حاسس انى طالب بمعنى الكلمة وكنت حابب الدراسة فيها جدا وكان جوها مختلف لما كان معانا اصحابنا بتوع الاى جى قبل ما يحولوا
وسنة رابعة لانى كنت مريح دماغى فيها عالاخر كأنى فى الاجازة

+انى اتعلمت فيها كتير وعلمت على ناس كتير
يعنى خرجت منها عارف اللى ليا واللى عليا

4- رسالة شكر و رسالة اعتذار و رسالة عتاب
توجه كل واحدة لمين..؟؟
رسالة شكر : لبابايا ومامتى طبعا
رسالة اعتذار : لاى حد انا ضايقته فى يوم من الايام
رساله عتاب : لاى حد ظلم حد وهو عارف انه بيظلمه

5- هدف نفسك تحققه..؟؟
انى افهم الطب كويس السنتين الجايين دول
6- ايه اهم حدث حصل في حياتك السنة دي..؟؟
مفيش احداث مهمة السنة دى خالص

7- ايه هوايتك..( و اياك تقولي ترنيب )..؟؟

النت والقراءة والترنيب طبعا والجيم
8- مين مثلك الاعلي..؟؟
بابايا
9- ايه رايك فيا..؟؟
رأيي فيك انك انسان طيب جدا جدا جدا جدا
وخدوم اوى
ولو اتطلب منك اى حاجة فيها مساعده لحد هتعملها من غير تردد

و لو هتقولي كلمة..هنقول ايه..؟؟
هقولك جميل جدا انك تبقى طيب يا خالد
بس متندفعش ديما ورا طيبتك
فكر كذا مرة قبل ما تعمل اى حاجة


_________________
Image hosted by servimg.com
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 3:05 pm

I@m @live كتب:

والله الموضوع ده لذيذ جدا
طبعا ماينفعش الضيف يبقي ديشا والواحد ماينتهزش الفرصة
ربنا يكرمك يا حوده
بس بلاش الايموشن ده
لان خلاص ايديا مبقتش تعرف تعمل الحركة ديه من كتر الكتابة

بس نظرا لأن الناس مسابتش حاجة عشان نسألها فانا هاسألك حاجات خفيفة
إيه أخبارك مع لجان الشفوي في الكلية ..ياتري هل حصلك مواقف غريبة أو طريفة قبل كده !
هما موقفين حصلولى
الاول كان فى لجنة الفارما فى سنة تالتة
كان عندى برد وكانوا مشغلين التكييف فى اللجنة
فالدكتور كان بيسألنى سؤال وانا كنت بكح
فقالى لأ لأ مش عليا الحركات ديه
مش هتهرب من السؤال مهما تعمل
قلتله لأ انا عندى برد عادى يعنى
قالى لاااااااااااااااااااااااااا
انت شكلك بتشرب سجاير
انا شاكك فيك من الصبح
قعدت احلفله انى مبشربش لحد ما سابنى اقوم
(هو انا اتبهدلت فى الفارما من فراغ )
تانى موقف كان السنة اللى فاتت فى لجنة التوكسو
دخلت للدكتورة فبقولها اسمى محمد النعا
قالتلى هو انت ديشا مقرر الاسرة
قلتلها اه
قعدت تقولى وايه اخبار الاسرة والمشاريع
وقالتلى اختار عاوز تتسأل فى ايه
وبعد ما خلصنا قالتلى بس ما تبقاش تقول قدام الناس عالنت انك مبتحضرش محاضرات
مبتحضرش انت ماشى لكن متحرضش باقى الناس
ووانا ماشى قالتلى خلى بالك من الصيدلية الخيرية

موقف حصلك في حياتك وخلاك تبكي !
ياااااااااااه كتيير
بس يمكن اكتر موقف بيزعلنى لما بحس بالدعاء ده
(اللهم انى اشكو اليك ضعف قوتى وقلة حيلتى وهوانى على الناس )

صفة في شخصيتك نفسك تعملها delete
العـصـبـيـة
وصفة مش موجودة فيك ونفسك تضيفها لشخصيتك !
الفراسة فى تقييم الاشخاص من اول نظره
ياتري قبل ما تبقي في الأسرة والصيدلية الخيرية هل كان في دماغك الموضوع ده ومين كان السبب في إنك تقتحم المجال ده !
لأ خالص
عمرى ما فكرت فى المواضيع ديه خالص قبلها
واللى كان سبب فى دخولى الصيدلية كان احمد الرفاعى
واللى كان سبب فى دخولى الاسرة كان هيثم خليفه والمنتدى

وكفاية عليك كده عشان الإيند روند
مالسه بدرى والله
طب اقعدوا اشربوا حاجة
نورت يا حوده


_________________
Image hosted by servimg.com
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 3:10 pm

اعقلها وتوكل كتب:
محمد احمد النعا ..... بين قوسين ديشااا ..
كفايه عليك الاسئله اللي فوق .. وربنا يعينك علي كتابه الردود ..
انا كنت داخل اسلم عليك بس يا كبير ..
كلمه حق في حق محمد .. هو انسان طيب اوووي وجدع كمان .. ربنا يديم المعروف يا ابو حميد ..
ومادام فيه ناس كتير بتحبه يبقي اكيد ربنا سبحانه وتعالي كمان بيحبه ...
بس ..كل سنه وانت طيب ..وكل عام وانت الي الله اقرب ..

سلام عليكم يا ابو حميد ..
محمد عتمان باشا
ربنا يكرمك ويبارك فيك
بس انا اقل من اللى انت بتقوله والله
ربنا يديم المعروف
وكل سنة وانت طيب يابوحميد
بس انت عارف احسن حاجة فى ردك ده انه مفيهوش اسئلة

_________________
Image hosted by servimg.com
الرجوع الى أعلى الصفحة اذهب الى الأسفل
Ahmed Adel
|مشرف|
|مشرف|


عدد الرسائل : 3698
العمر : 27
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 7:09 pm

احم ..... احم

ياساتر ... ياللى هنا

...

انا كل ماقول هدخل علشان اسأل بقى

الاقيك مطحون اسئلة ... وبتصعب عليا والله ياديشا

مش عارف هتكتب ازاى ف الايند روند .. هتلاقى ايدك وقفت اصلا !

.........

بس الجد جد وندخل فى الاسئلة بقى

- اوصف نفسك فى كلمتين ؟

- اكتر حاجة بتعملها وانت ف البيت ( قاعد مع الاسرة - بتذاكر - نت ... كده يعنى )

- ايه اللى بيمثله ليك الاتى ..

البيت - الكلية - اصحابك - النت - الاسرة - المنتدى

- اوجه القصور فى منتدى حالة حوار ؟ وازاى نتغلب عليها ؟ وايه الجديد اللى ممكن نضيفه فيه ؟

- لو كنت فى فيلم تختار تكون انهى من الشخصيات دى

الممثل - المخرج - المصور ؟؟

- شخصية أثرت فيك اوى فى المدرسة وشخصية فى الجامعة ؟

- شخص تطمح تكون زيه فى المستقبل ؟

- بتحب الليل ولا النهار اكتر ؟ وليه ؟

- صفة شايفها فيك بتميزك عن الاخرين ؟

- لو فيه قرار عايز تاخده .. بتستشير حد الاول ولا لآ ؟ ولو اه بتستشير مين ؟

- كلمة توجهها لكل من .. والدك - والدتك - اخواتك - اصحابك - دكاترة الكلية

- بيبقى مزاجك رايق فى انهى فترة من اليوم ؟

- ترشح البرادعى لرئاسة مصر ولا لآ ؟ وليه ؟ ولو لأ تختار مين ؟

- بتحب تقرى فى انهى مجال ؟ ولمين ؟

- قبل ماتنام بتفكر فى ايه ؟

...........

وعايز اقولك انى سعيد جدا انى اتعرفت عليك

لانك طيب جدا ومحترم جدا

ومن الشخصيات اللى تستريحلها أول ماتشوفها

والاسئلة بسيطة اهى .. مارضيتش اكتر فيها علشان خاطرك



_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 7:56 pm

Triple A كتب:
احم ..... احم

ياساتر ... ياللى هنا
اتفضل

...

انا كل ماقول هدخل علشان اسأل بقى

الاقيك مطحون اسئلة ... وبتصعب عليا والله ياديشا

مش عارف هتكتب ازاى ف الايند روند .. هتلاقى ايدك وقفت اصلا !
الحمد لله معظم الامتحان شفوى

.........

بس الجد جد وندخل فى الاسئلة بقى

- اوصف نفسك فى كلمتين ؟
ده اصعب سؤال ممكن اتسأله لانى مبعرفش اوصف نفسى خالص
بس ممكن اقول :

طيب (ده نتيجة لكلامكم شكلكم مجمعين يعنى
) وعصبى
- اكتر حاجة بتعملها وانت ف البيت ( قاعد مع الاسرة - بتذاكر - نت ... كده يعنى )
اول ما برجع من بره البيت بقعد ما الاسرة لحد ما كل واحد وراه حاجة يقوم يعملها
اقوم انا اقعد عالنت لحد ما انام

- ايه اللى بيمثله ليك الاتى ..

البيت
الامان والمكان الوحيد فى العالم اللى واثق ان كل اللى فيه بيحبونى لشخصى مش لاى حاجة تانية
الكلية
زمان كنت بحبها
بس بقالى فترة مش عاوز ادخلها تانى

اصحابك
حياتى
دراسة واجازة -خروج وسفر
فرح وحزن
كل حاجة فى حياتى بعملها مع اصحابى تقريبا

النت
اكتر حاجة تكنولوجية مقدرش استغنى عنها
وهو اللى بيجمعنى مع قرايبى المسافرين
ومع اصحابى لو كان كل واحد فى مكان

الاسرة
اسرتى التانية
علمتنى حاجات كتيير اوى وفادتنى كتير
فخر ليا انى كنت مقررها فى يوم من الايام

المنتدى
المنتدى بيمثلى ذكريات سعيده
وناس قمة فى الاحترام عرفتهم عن طريقه

- اوجه القصور فى منتدى حالة حوار ؟ وازاى نتغلب عليها ؟ وايه الجديد اللى ممكن نضيفه فيه ؟
حاليا
منتدى حالة حوار مش ماشى فى اتجاه هدفه الاساسى
اللى هو فتح موضوعات هامة (تخص الطلبة والمجتمع المحيط بيهم) للنقاش بين الاعضاء وان كل عضو يستفيد من العضو الاكتر منه خبرة
بقى مقتصر على الموضوعات الكتابية زى لو طلب منك سطر واحيانا .. الخ
التغلب عالموضوع ده بايد كل الاعضاء مش بس مشرفى المنتدى
بس المشرفين كبداية يقدروا يشدوا اول الخيط
بانهم يشوفوا ايه القضايا الحالية اللى ممكن تشغل باب الطالب عندنا
او تشغلنا كلنا كجيل الشباب
ويفتحوا موضوعات لنقاشها
وبالتدريج هيبدأ كل عضو شايف مشكلة معينة حواليه يعرضها والكل يتناقش فيها
اما الجديد اللى ممكن يتقدم فيه (بس ده هيبقى مثلا فى الاجازة مش دلوقتى)
ان انتوا تعملوا زى مسابقة بين الاعضاء
بانكم تكتبوا فكرة وعاوزين توصلوها لحد وكل عضوا يكتب الاسلوب اللى شايفه انسب لتوصيل الفكرة
ده هيخلى الاعضاء تفكر فى كيفية تهذيب الاسلوب
والرقى بلغة الحوار
وكل اسبوع مثلا تشوفوا صاحب احسن اسلوب ويتحط اسمه عالرئيسية كنوع من التحفيز

- لو كنت فى فيلم تختار تكون انهى من الشخصيات دى

الممثل - المخرج - المصور ؟؟
المخرج
- شخصية أثرت فيك اوى فى المدرسة وشخصية فى الجامعة ؟
فى المدرسة كان استاذ الاحياء بتاعنا
وفى الجامعة كان دكتور اسمه احمد الباجورى بس ده مش من عندنا فى الجامعة كان من عين شمس تقريبا هو ودكتور ايمن عبد الله

- شخص تطمح تكون زيه فى المستقبل ؟
بابايا ودكتور صيدلى مشترك معانا فى الصيدلية الخيرية
- بتحب الليل ولا النهار اكتر ؟ وليه ؟
الليل طبعا
لانه جميل وهادى وانا بحب السهر وشكل السماء بالليل

- صفة شايفها فيك بتميزك عن الاخرين ؟
مش عارف لو شايف انت حاجة قولها

- لو فيه قرار عايز تاخده .. بتستشير حد الاول ولا لآ ؟ ولو اه بتستشير مين ؟
فى معظم القرارات بستشير اه
مين بقى دى على حسب طبيعة القرار نفسه
يعنى فى حاجات بستشير فيها اصحابى القريبيين منى
وفى حاجات بستشير فيها اهلى

- كلمة توجهها لكل من .. والدك
نفسى ابقى زيك
وربنا يخليك جنبى دايما

والدتك
انتى حياتى يا امى
و
انتى اكتر واحده بتعبها معايا فى العالم
شكرا على كل حاجة بتعمليها ليا

اخواتك
ربنا يكرمكوا ويبارك فيكوا
واشوفكوا احسن ناس فى الدنيا

اصحابك
بقيتوا عملة صعبة اوى
لازم نحافظ على بعض لاننا مالناش غير بعض

دكاترة الكلية
الى بعض الدكاترة كفاية استهانة بالطالب اللى هبكون فى يوم من الايام طبيب زيكم
والى البعض الاخر جزاكم الله عننا خير الجزاء


- بيبقى مزاجك رايق فى انهى فترة من اليوم ؟
فى الايام العادية طول اليوم تقريبا الحمد لله
فى ايام الامتحانات ديه وانا داخل انام بس

- ترشح البرادعى لرئاسة مصر ولا لآ ؟ وليه ؟ ولو لأ تختار مين ؟
لأ
لان مش اى حد نجح فى مجاله يقدر يحكم دولة
وانا معرفتى بالبرادعى محدوده اه
بس شايف انه مش الانسب
وبالنسبة لاختار مين
فانا مش شايف اى حد ظاهر فى الصورة يصلح لرئاسة الجمهورية
يمكن افضل اللى ممكن يحكموا هو الاستاذ عمرو خالد
مع انى عارف ان ناس كتير هتعترض
بس طالما هو بيحب اتباع المناهج الاصلاحية
وهيحكم بالقران الكريم والسنة النبوية زى ما بيعلمنا
فبيتهيالى هيكون الانسب حاليا

- بتحب تقرى فى انهى مجال ؟ ولمين ؟
التاريخ وسيرة الرسول والصحابة والخيال العلمى والرعب
التاريخ بقرا لاى حد
والسيرة بحب مثلا اقرا للاستاذ خالد محمد خالد صاحب كتاب رجال حول الرسول
والخيال العلمى والرعب بحب اقرا للدكتور احمد خالد توفيق

- قبل ماتنام بتفكر فى ايه ؟
بفكر ياترى هعرف اصحى بكره بعد السهر ده كله ولا لأ

ده فى معظم الايام
لكن فى بعض الايام لو مجاليش نوم بفضل استرجع ذكرياتى الكويسة (طبعا مانا مش ناقص كوابيس ) من صغرى لحد دلوقتى
لحد ما اروح فى النوم

...........

وعايز اقولك انى سعيد جدا انى اتعرفت عليك

لانك طيب جدا ومحترم جدا

ومن الشخصيات اللى تستريحلها أول ماتشوفها
ربنا يخليك يابوحميد
انت اللى راجل زى الفل
والحمد لله اننا اتقبلنا واتعرفت عليك

والاسئلة بسيطة اهى .. مارضيتش اكتر فيها علشان خاطرك
جميلك على راسى من فوق



_________________
Image hosted by servimg.com
الرجوع الى أعلى الصفحة اذهب الى الأسفل
AMANY SABRY
|مشرف|
|مشرف|


عدد الرسائل : 2182
العمر : 28
الوظيفة : دكتورة بإذن الله
تاريخ التسجيل : 20/07/2008

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 9:52 pm

نورت الموضوع يا دكتور ديشا

تقريبا كل الاسئلة اتقالت خلاص بس عاوزة اسال حضرتك علي حاجات بسيطة

*مفهوم النجاح عند حضرتك ايه....يعني امتي تقول انا نجحت؟؟

* لو حد دخل الكلية بتاعتنا دي ولم يشارك في اي من النشاطات الموجودة

فيها ....حضرتك تفتكر انه خسر كتير ولا مش فارقة .....؟؟؟

*وتنصحه في الحالة دي بايه؟؟

وشكرااااااا لحضرتك



_________________
"رضيت بالله ربا وبالإسلام دينا وبمحمد صلي الله عليه وسلم نبيا ورسولا"


الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: :: ضيف الاسبوع ... من جديد ::   الأربعاء 09 ديسمبر 2009, 10:48 pm

بحبك يارب قلبي شدا كتب:
نورت الموضوع يا دكتور ديشا
الموضوع منور بزواره وبأسئلته

تقريبا كل الاسئلة اتقالت خلاص بس عاوزة اسال حضرتك علي حاجات بسيطة
اتفضلى
*مفهوم النجاح عند حضرتك ايه....يعني امتي تقول انا نجحت؟؟
فى رأيي النجاح هو تحقيق الهدف اللى بسعى له من الاول كـ minimum او فيما فوقه
يعنى انا داخل امتحان مثلا وبذاكر علشان اجيب 50 %
لو جبت 51 % او اعلى من كده يبقى اسمى نجحت
لو اقل من كده يبقى انا فشلت
لأن حتى 50 % بالظبط متعتبرش نجاح دى صدفه وكان سهل اوى متتحققش

* لو حد دخل الكلية بتاعتنا دي ولم يشارك في اي من النشاطات الموجودة

فيها ....حضرتك تفتكر انه خسر كتير ولا مش فارقة .....؟؟؟
والله النشاطات اللى عندنا فى الكلية نوعين
النوع الاول نشاط طلابى زى شغل الاسر والاتحادات
ونشاط خيرى زى مشاريع الصيدلية ووانت معدى ويستحقوا الحياة
النوع الاول مش كل الناس interested فيه
وانا كنت منهم لحد ما مسكت الاسرة
فكون حد ميشاركش فى النوع الاول فديه حرية شخصية ومفيهاش خسارة لحاجة
رغم ان مشاركته فيها كانت هتفيده جدا
بس عدم المشاركة مش هتخسره حاجة
لكن النوع التانى اللى هو النشاط الخيرى
فده خسارة كبيرة جدا للى مشاركش فيه
اولا المشاريع الخيرية ديه بتعرف الواحد على صفوة الناس
اللى كل همهم مساعده غيرهم وعلاقتهم بيك كلها فى الله من غير اى مصلحة
+ كمية الدعاء اللى بياخده بظهر الغيب من الناس اللى المشاريع ديه بتساعدها
+ بعض التقويم الخلقى والتأثير الايجابى على الشخصية

*وتنصحه في الحالة دي بايه؟؟
انصح اللى مشاركش فى النوع التانى
بانه يبتدى يسأل عن كيفية المشاركة فى المشاريع ديه
ويعرف تفاصيل شغل كل مشروع ويشوف ايه اللى يناسبه ويشارك فيه
ومن فضل الله ان الوصول للناس اللى شغالين فى المشاريع دى سهل فى كل الاوقات ان شاء الله
يعنى اى حد عالمنتدى يحب يشارك فى الصيدلية او يعرف عنها اى حاجة
ممكن يبعت لاكونت الصيدلية الخيرية
ولو حد عاوز يشارك فى وانت معدى يبعت لاكونت وانت معدى
ونفس الوضع لمشروع يستحقوا الحياة
ولو الناس تحب ننزل اسماء الناس اللى شغالين فى كل مشروع من كل الدفعات علشان لو حد يعرف حد معين وحب يسأله عن اى مشروع نبقى ننزلها ان شاء الله
ولو حد مبيتابعش عالمنتدى وحابب يشارك فى الانشطة ديه
يروح بس عند مقر الاسرة ويسأل عالمشروع اللى عاوز يشارك فيه وان شاء الله يتشرحله كل ما يخص المشروع

وشكرااااااا لحضرتك
الشكر لله يا دكتورة


_________________
Image hosted by servimg.com
الرجوع الى أعلى الصفحة اذهب الى الأسفل
des6!ny
الريشة الفضية للمنتدى
الريشة الفضية للمنتدى


عدد الرسائل : 2723
العمر : 46
محل الاقامة : !!!!!
الوظيفة : !!!!!
تاريخ التسجيل : 02/04/2008

مُساهمةموضوع: رد: :: ضيف الاسبوع ... من جديد ::   الخميس 10 ديسمبر 2009, 1:41 am

يـــاخبــر ده الناس هنا متوصيه بحضرتك اووى...!!!


...ايه ده صحيح ... نقول السلام عليكم الاول...وازى حضرتك يا دكتور..ومنور الموضوع

ندخل بأة فى الاسئله.....

وهما سؤالين تلاتة ... كده بس بسرعه علشان مش اتقل على حضرتك......



**ياترى لو بعد ما خلاص خلصت الكليه على خير ..
جه وقت التكليف.....ولاقيت حضرتك تكليفك فى ال.............المريخ...!!!
ــــــــــ JuSt imaGine ــــــــــ
وطبعا حضرتك مش مقتنع ان فيه تكليف فى المريخ...وهما يقنعوا فيك وحضرتك ابداا....
بس على مين...طبعا هتروح......ياترى تتوقع تشوف ايه هناك؟؟؟؟؟؟
وياترى هترجع ولا هتخليك هنـــاك ؟؟؟
طيب لو هتخليك ....ياترى تحب تبعت لمين ييجى يقعد معاك هناك ؟؟؟
اممممممم ولو روحت .... ياترى ايه اول مشاركه هتدخل تكتبها هنا ع المنتدى بعد السفر؟؟؟



** تخيل حضرتك دكتور سيكاتريك وجالك عيان بيشتكى من معدته..... ومصمم انك لازم تكشف عليه... وتكتبله دوااا....
وكل اما تقوله يا عم ده مش تخصصى ...لازم تروح لدكتور باطنى....
تلاقيه لا حياة لمن تنادى.....
ياترى هتتصرف ازاى؟؟؟ هتكتبله اى مسكن وخلاص ولا هتقنعه ؟؟؟؟


**ياترى اول ما عرفت ان حضرتك هنا فى الموضوع ضيف الاسبوع ده....
ايه اول سؤال خطر على بالك وكان نفسك حضرتك تتسأله؟؟؟؟
وايه اكتر سؤال فكرت فيه وكان نفسك ماتتسألوش خالص...؟؟؟؟


** ايه اكتر مقوله بتحبها وبتأثر فيك اوى ...؟؟؟؟


** ياترى تقول أية لدفعتنـــا....دفعه سنه تالته..!!


** اية رأى حضرتك فى تخصص المخ والاعصاب (( للبنـــات )) ..؟؟؟!!
وياترى اللى بيفكر او بيتمنى انه يدخل فى المجال ده....تنصحه بأيه؟؟؟؟

........

انا بقول كفايه كده ..... ولو افتكرت سؤال ابقى اقوله تانى الاسبوع لسه طوووويل.....
...يارب اسألتى ماتكونشى رخمه ..... بس اعمل ايه بأة الاسئله كلها خلصت ....

ومنور تانى مره يا دكتور والله...

...

الرجوع الى أعلى الصفحة اذهب الى الأسفل
Demodex
مقرر دورة الاسعافات
مقرر دورة الاسعافات


عدد الرسائل : 1857
العمر : 25
محل الاقامة : ...
الوظيفة : ...
تاريخ التسجيل : 25/11/2008

مُساهمةموضوع: رد: :: ضيف الاسبوع ... من جديد ::   الخميس 10 ديسمبر 2009, 9:19 am

!!im SorrY,,,buT..!!U كتب:
**ياترى اول ما عرفت ان حضرتك هنا فى الموضوع ضيف الاسبوع ده....
ايه اول سؤال خطر على بالك وكان نفسك حضرتك تتسأله؟؟؟؟
وايه اكتر سؤال فكرت فيه وكان نفسك ماتتسألوش خالص...؟؟؟؟

السؤالين دول في الجووون ...
جاوب يا بابا ...

_________________
الرجوع الى أعلى الصفحة اذهب الى الأسفل
http://www.abdeldayem.info/
Mirage
|مشرف|
|مشرف|


عدد الرسائل : 5939
العمر : 26
محل الاقامة : -
الوظيفة : -
تاريخ التسجيل : 30/09/2008

مُساهمةموضوع: رد: :: ضيف الاسبوع ... من جديد ::   الخميس 10 ديسمبر 2009, 9:56 am

ĐΣϺO كتب:
!!im SorrY,,,buT..!!U كتب:
**ياترى اول ما عرفت ان حضرتك هنا فى الموضوع ضيف الاسبوع ده....
ايه اول سؤال خطر على بالك وكان نفسك حضرتك تتسأله؟؟؟؟
وايه اكتر سؤال فكرت فيه وكان نفسك ماتتسألوش خالص...؟؟؟؟

السؤالين دول في الجووون ...
جاوب يا بابا ...



بص من الاّخر كده يا ديشااا قول هم ايه السؤالين..
و جاوبهم..متتعبناش و تخلينا نسالك السؤالين

_________________



No Sacrifice .. No Victory
الرجوع الى أعلى الصفحة اذهب الى الأسفل
 
:: ضيف الاسبوع ... من جديد ::
استعرض الموضوع السابق استعرض الموضوع التالي الرجوع الى أعلى الصفحة 
صفحة 5 من اصل 37انتقل الى الصفحة : الصفحة السابقة  1, 2, 3, 4, 5, 6 ... 21 ... 37  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: