البوابةالرئيسيةس .و .جبحـثالتسجيلدخول





شاطر | 
 

 صفحة جديدة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
away
عضو مميز
عضو مميز


عدد الرسائل : 138
العمر : 26
الوظيفة :
تاريخ التسجيل : 14/07/2008

مُساهمةموضوع: صفحة جديدة   الأربعاء 25 نوفمبر 2009, 9:31 pm



حبيت نبدأ صفحة جديدة...عشان كدة عملت موضوع جديد

صفحة جديدة...مش لازم ندور فيها ان فيه طرف غلطان أو طرف هو اللي بدأ بالغلط

صفحة جديدة..من غير ما نغلط ف تاريخ حد أو نجرح حد أو نكفر حد

صفحة ما فيهاش طرف منتصر وطرف مهزوم..لكن فيها طرفين عايزين يطلعوا اخوات

صفحة لأمة محمد..مصري وجزائري..

سئل سيدنا عمر عن ازاي كان بيعبد الأصنام في الجاهلية..فواحد قاله"يا أمير المؤمنين ألم يكن عندكم عقل؟"

قال عمر-رضي الله عنه- :"كان عندنا عقل ولكن لم تكن عندنا هداية"

تعالو كدة يا جماعة ندعي ربنا يهدينا للحق ويهدي نفوسنا ونجعلها دعوة لينا كلنا في عرفة ان شاء الله

تعالوا نتخيل لو الرسول كان معانا دلوقتي كان هيعمل إيه

بعد غزوة بني المصطلق وجيش المسلمين راجع من المعركة..حصلت مشادة بين واحد من المهاجرين وواحد من الانصار

فنادى المهاجري وقال"يا معشر المهاجرين"..وزيه الانصاري نادى:"يا معشر الانصار"

وتجمع الفريقين كل يدافع عن اللي تبعه

فخرج الرسول من خيمته بسرعة وقد احمر وجهه و عنفهم قائلا "أبدعوى الجاهلية تدعون وأنا بين اظهركم..دعــــــــــوهــا فإنها منــتــنــة..وكررها ثلاثا"اي دعوا الفتنة

لاحظوا ان النبي ما سألش مين اللي غلطان ولا مين اللي بدأ..لأن ده كان هيثير الفتنة اكتر

الرسول كان حازم جدا ف ان الكلام ده لازم يقف..مفيش حاجة اسمها مهاجرين وانصار..

كلنا مسلمين..كلنا عرب ..كلنا واحد



طريق الدعاة طويل وشاق **** وطعم الاخاء جميل المذاق





قصة تانية واعذروني لو التفاصيل مش مظبوطة لاني سامعاها من فترة:

في خلافة معاوية بن ابي سفيان كان له قطعة ارض تجاور قطعة ارض لعبد الله بن الزبير..وكان من يعملون في ارض معاوية يسببون مشاكل تضر بارض عبد الله بن الزبير

عبد الله بن الزبير بعث لمعاوية اكثر من مرة ولكن المشكلة قائمة..فبعث عبد الله رسالة أخيرة لمعاوية قال فيها:-

"يا ابن آكلة الاكباد..لان لم ينته رجال ارضك لافعلن كذا وكذا"..وكانت ام معاوية هي من تآمرت لقتل حمزة ومثلت بجثته قبل اسلامها

وكان معاوية جالسا مع ابنه الوليد وهو يقرأ الرسالة..فسأله"ماذا تراني فاعل به؟"

قال الوليد في حماس ممتزج بغضب"لو شئت لاخذت سيفي وذهبت فقطعت رأسه"

قال الخليفة"لا والله.."

وبعث لعبد الله رسالة فيها......................................................

"يا ابن ذاتـــــــــــــ النطـــاقيـــــــــــــن..يا ابن حــــــواري رسول الله..لو شئت لضممت ارضى لارضك ورجالي الى رجالك فاصبحا لك..."

فلما قراها عبد الله بن الزبير بكى...

بجد ما فيش تعلي يتقال على الحكاية دي غير الآية: "وقل لعبادي يقولوا التي هي أحسن إن الشيطان ينزع بينهم ان الشيطان كان للانسان عدوا مبينا"

يا جماعة افتكروا ان احنا هنقابل النبي يوم القيامة..يا ترى هنقوله ايه..وهو هيستقبلنا مبتسم وللا ...

فكر هتقوله ايه..هتقوله يا رسول الله انت تعبت طول حياتك عشان تجمعنا تحت راية واحدة ..على دين واحد..وانا جيت بمنتهى السهولة شاركت في اني افرق امتك من بعدك وافرح اعداءها فيها

وللا هتشوفه وتجري عليه وانت فرحان ونفسك تقوله يا رسول الله انا حاولت اجمع امتك من بعدك واحافظ عليها..





سئل احد الصحابة "لماذا تضحك ورسول الله مات منذ قريب؟"

قال:"اني فرح اني اطيعه وهو ميت كما كنت اطيعه وهو حي"

الرسول قال:"دعوها فإنها منتنة"
مين هيقول حاضـــــــــــــــــــــــــــــر يا رسول الله ..؟؟
مين يا أمة محمــد..؟؟
مين.....؟؟؟


الرجوع الى أعلى الصفحة اذهب الى الأسفل
away
عضو مميز
عضو مميز


عدد الرسائل : 138
العمر : 26
الوظيفة :
تاريخ التسجيل : 14/07/2008

مُساهمةموضوع: رد: صفحة جديدة   الخميس 26 نوفمبر 2009, 10:37 pm



ياااه يا جماعة كل دي تعليقات

والله الواحد مش عارف يقتبس رأي مين وللا يرد على مين

حلو قوي الموضوع اللي انا عمالة اتفسح فيه لوحدي ده..عاملة زي ما أكون ماشية في الشارع ساعة المغرب في رمضان!!!

ما خبيش عليكو..انا كنت متوقعة بنسبة كبيرة ان ماحدش هيرد..مش عشان حاجة والله..بس انا وريته لاختي-اللي هيا من اشد المتعصبين ف الموضوع ده وقاعدة ليل ونهار قدام قنوات ---و--- وكدة يعني- وبرده مردتش بس بما انها اختي فكان لازم اخليها تقوللي

-بالذوق يعني اوعوا عقلكوا يروح لبعيد وللا حاجة-

المهم يا جماعة انا بس عايزة اوضح حاجة عشان محدش يفهمني غلط

انا طبعا مقدرة ان احنا كان ممكن ننفعل عشان اهلنا وناسنا وبحكم الوطنية..يعني ساعة الغضب الواحد مش بيفكر وبيبقى مش عارف بيقول ايه.. زي ما عبد الله بن الزبير انفعل ف لحظة عشان ارضه وهو من هو..و زي الوليد بن معاوية ما انفعل عشان باباه..مش عيب انه انفعل لما حد غلط ف باباه.. يعني انا مكنش قصدي الوم حد..لكن لما الموضوع بيهدا لازم نفكر بعقل يمكن يطلع الموضوع اصغر مما نتصور وما يستاهلش ان شعبين يخسروا بعض ويكرهوا بعض عشانه..عشان كده انا اجلت الموضوع شوية يمكن يكون اتضحت لنا حاجات كتير

اي نعم انا كان نفسي يكون حد مقتنع..بس خير..لسة فيه امل

وعلى رأي المثل الشعبي اللي بيقول:"أفقر الناس من عاش بلا أمل"!!





الرجوع الى أعلى الصفحة اذهب الى الأسفل
 
صفحة جديدة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: