البوابةالرئيسيةس .و .جبحـثالتسجيلدخول





شاطر | 
 

 يلا ننضف مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ex0dus
عضو فعال
عضو فعال
avatar

عدد الرسائل : 231
العمر : 28
الوظيفة : كائن حي
تاريخ التسجيل : 08/10/2007

مُساهمةموضوع: يلا ننضف مصر   السبت 31 أكتوبر 2009, 2:24 am

ماينفعش أعدي يوم من غير ما أشوفها ، على سلالم المترو بتلاقيها .. على رصيف الكوبري اللي على النيل بتبقى قاعدة ، في الشارع بتلف بعلبة مناديل .. في كل حتة لازم أقابلها ، هي كتير وكتير اوي كمان . مابقتش أعرف ملامحها ، سعات بحس إن هي نفس الإنسانة ومستقصداني أنا .. كل أما روح حتة تيجي ورايا ، لحد أما لقيت كريم صاحبي بيقولي إنه ليه واحدة هو كمان ، ومحمد كمان حكالي على اتنين في الشارع اللي جنب بيته .. لما قعدت مع نفسي وفكرت لقيت إنها مش بس واحدة ، دي شريحة من المجتمع بحالها ولا مؤاخذة في قسوتي شوية بس هسميها شحاتة .. تحت أي بند آخر عاوزني أصنفها ! دي واحدة الدنيا لفظتها ومع شوية اختبارات لقوتها ضعفت واختارت الطريق السهل ، تمد ايديها .

- وانت هيفرق معاك ايه بس النص جنيه ده ، يا أخي اعتبره كيس شيبسي بتجيبه من مصروفك ؟
ياعم على عيني وعلى راسي بس الحكاية مش حكاية فلوس ، دي مسألة مبدأ أنا كده بساعدها على اللي هي فيه .. أنا بكافئها على اختيارها .. كان نفسي يبقى ليا سلطة أحكم بيها على البشر في وقتها ، بس من رحمة ربنا إنه سبحانه جعل مقادير الخلق بإيده ، وبيمهل ليهم في الجزاء او العقاب .. كل واحد اه بيختار سكته بس مش بيبقى عارف إذا كانت صح ولا غلط لأنه ببساطه لو لقاها سالكة معاه مش هيقف ويفكر ، الدنيا بقسوتها مش بتخلينا نفكر كتير قبل ما نعمل الغلط ، بنتعود عليه مع مرور الوقت و بيبقى الكار بتاعنا اللي بناكل من وراه لقمة العيش ..الجتة من كتر ما بتاخد فوق لحمها بتتهري ، بتنحس ، بتفقد الإحساس بالكرامة ، الوخز بتاع الضمير اللي كان زمان بيقرص عليك ، في حين إن ناس تانية بدأوا نفس الكار بس السكة ما مشيتش معاهم حلاوة فقالوا لأ ده مش طريقنا ورجعوا ... انت أثناء ما بتطلع النص جنيه من جيبك تحطه في ايد شحات من غير ما تبص في عنيه وتتأكد إذا كان فعلا محتاج ولا لأ بتشيل وزر البني ادم ده . مش بتكلم هنا عن ميزان آخرة ، أنا بتكلم عن مستقبل إنسان بيتكون بكل تفصيلة صغيرة في الحياة اليومية اللي بيعيشها .. الإحتكاك مع البيئة والمجتمع اللي حواليه هما الإشارات اللي بتنورله طريقة وتخليه يكمل ، هي اللي بتغذي غروره و بتموت أكتر ضميره .. طيب ما انا ماشي زي الفل اهو ، هفوق ليه ! وهفوق من ايه أصلا ؟

الشحات و بياعة المناديل والفقي واللي بيتجاروا بالعاهات اللي في جسمهم والمرضي اللي بيبعوا نفسهم قبل أجسادهم - المريض بيفضل عيان من غير علاج بس علشان يتطلب كتير وموزع نمرتة على السناتر والمستشفيات أي حد عاوز يتفرج - و الناس اللي روحها بترخص عليها و و و .... كتييير ، العالم دي أنا لو في ايدي مقادير العباد تتحاكم وتستتاب وإن ما كنش يبقى يتحرقوا ، بس أرجع وأقول إنهم في ايد ربنا اللي رحمته وسعت كل شئ

مافيش أي مبرر لأي مخلوق إن يرضى لنفسه الوضع ده .. أنا مؤمن جداا إن ربنا ماخلقش الناس كلها زي بعضها وفي ناس ليها إمكانيات تحمل عن الأخرى وفي ناس شخصيتها أقوى وفي ناس أذكى ، بس ربنا وزع الرزق على كل من سعى .. الرزق مرتبط بالسعي على الدوام

الشحاتة مش بس فلوس ، في ناس بتشحت حنان وعطف ، في ناس بتشحت خدمة ، في ناس بتشحت رزق .. الشحاتة ببساطة لو هنعرفها هتبقى : طلب أي حاجة من غير الله .. أنا بكرهها وهحاربها في الحياة وفي تصرفاتي ومع أي حد أعامله أو يقف في طريقي .. أنا ليا مبدأي اللي بمشي عليه ، اللي مؤمن بيه ومخلصله ، ما يصحش أعمل حاجة لمجرد إن انت رخصت نفسك وطلبتها مني ، فأنا - اللي مابعملهاش في الطبيعي - علشان صعبت عليا أقوم أقدمهالك ( تندرج تحتيها حاجات كتير بقى من اول زيارة لحد قريبك فضل طول حياته بعيد عنك ولما كبر بيطلب زيارتك وسؤالك وكأنه حق مكتسب لغاية أصحابك اللي بيعاتبوك على حاجات مش مفروضة عليك إنك تأديها ومرورا بكل أنواع الخضوع لإستجداء الفلوس أو الخدمات بكل أنواعها ) .

الطبيعي إن الفقير بيدي للغني ، المليان يكب عل الفاضي ، اللي معاه يدي للي مامعهوش .. بس بشرط واحد في غاية الأهمية - من نفسه - بكامل إراداته .. أيوه من واجباتي أزور قرايبي وأصل رحمي وأقف جنب أخويا المسلم أو أخويا في الإنسانية و أعطي الفقير ، بس مين فينا بيعمل الواجب كامل ، ومين بيعمله في نفس الوقت كله على بعضه .. لازم كرامة الإنسان تبقى نمرة واحد في حياتة ماينفعش أشوف إنسان بيمرمط كرامتة في الأرض وأقف أتفرج عليه او يصعب عليا واديله فلوس ، بالعكس ده أنا لو أطول أديله بالقلم على وشه علشان يفوق كنت عملتها

على قد لحافك مد رجليك .. مثل في منتهى العبقرية ، معاك يلزمك مامعكش مايلزمكش .. كل حد يقدر يعيش السعادة في الحد اللي راسمه لنفسه او اترسمله مش قصتنا دلوقتي .. بس كل واحد بيتحرك في مجال ماينفعش يخترق مجال مش بتاعه لمجرد إنه عايز يقب لفوق ، ربنا وزع الأرزاق لحكمة مش كلنا بنقدر نفهمها في وقتها .. بس لازم نرضى ونسعى . مافيش حد اتخلق عاجز إلا وربنا رصدله حد يقف جنبه وياخد باله منه ، ربنا مابينساش عباده .. بس اللي بيعمل نفسه عاجز أو اللي بيرضى بعجزه ويقول ده الليمت بتاعي ، هو ايه عرفه أصلا حدود طاقته لفين !

الأهل من كتر الضغط عليهم بيبيعوا بناتهم ، توصل 15 أو 16 سنة يجوزها لأي حد والسلام ، ومش بس كده زي الأرنبة تخلف كام واد !!! والله العظيم حرااام .. دول لازم يتعاقبوا ، وهي كمان لأنها مش ضحية بل على العكس تعتبر مشاركة في الذنب ده ، لأن لأ مش بتبقى صعبة ، بس البنت خدت عل القهر وخدت كمان على إنها تبقى تابع ، الراجل بيستفيد من أفكارها دي وبيستغل ده في كسرها وإنها تفضل محتاجاله .. بيعجبني أوي الراجل اللي بيبني عمارة للأسرة البنت ليها شقة تمام زي الولد .. بيقوي عينها ، ليها وظيفتها ، وليها مكانتها في المجتمع ماينفعش تتخلى عنها لأي سبب .. أو علشان خاطر أي حد
تأمن نفسها .. ولما يحصل خلاف مابينهم ماتسكتش ، وتستحمل وتاكل عيش ، كرامتها بتنداس يوم عن يوم .. العلاقة الزوجية قايمة على الإحترام المتبادل والمحبة والألفة .. ماينفعش يفضلوا تحت سقف واحد وهما مفتقدين لكل شئ ، لمجرد إن في بيت واحد يلم الجثث اللي جواه ، وماينفعش مع اول خلاف تقول فيه لأ ، أو لما الراجل يشبع منها يرميها في الشارع كده من غير مأوي .ممكن نضيع وقتنا في محاولة إثبات إنه قاسي وابن كلب وماعندوش لا رحمة ولا ضمير وإنه مش إنسان وإنه حقير و واطي وخسيس والذي منه .. بس ده هيغير إيه في الواقع ، واحد زي ده أصلا مش محتاج حد يبرهنله إنه زبالة ، هو عارف كده كويس وبايع إحساسه من زمن ! ده عايز حد يكلمه بلغة القوة ، يقفله ند لند ، يرهبه .. مش تبقى قطة ضعيفة مستكينة وتاخد على قفاها وتسكت
الحياة ماهي إلا فلسطين واسرائيل متعددة ، طول ما اللي قدامك مستشعر ضعفك هيركبك أكتر . لحد ما تبدأ تشخط وصوتك يعلى يقلق ، وبعدين يعملك ألف حساب ..

انت تقبل حد يشفق عليك ! اللي قدامك بيبقى حاسس إنك بتيجي على نفسك علشان تضحك في وشه وبيبقى مبسوط اوي بالسرقة اللي خدها منك ، زي بالضبط اللي بياخد حضن من مراته غصب عنها .. هو بيبقى راضي عن نفسه ازاي ساعتها وبيتمادى أكتر !! ماينفعش أطلب حاجة من حد وماينفعش أساعد حد إنه يتعود على المسألة وتبقى عنده عادي .. الشكوى لغير الله مذلة بجد ، اللي ماحسش كده يبقى باع إنسانيتة على مذبح الكرامة من زمن فات

انت ممكن تقضي وقتك كله ساخط على وضعك اللي انت فيه ، انت فقير أبوك مات وأخوك الكبير بيصرف عليك ، نفسك تلبس أحسن لبس ، تجيب أجدد موبايل ، تاخد كورسات وتشتري عربية وتسكن في فيلا وتصاحب بنات ولاد ناس .. بس الواقع بتاعك غير كده ، الواقع اللي انت لسه مالكش ذنب فيه ، واللي أبوك له ذنب فيه بس ماتقدرش تعاقبه ، هو أحسن حد في الدنيا في نظرك و هتفضل مدين له طول حياتك بكل شئ . بس هو ضيع فرص كتيرة واختار طريق غلط وما أمنلكش مستقبل حلو لأي سبب .. بس خد فرصته في الحياة وخسرها وانت اللي بتدفع التمن .. وانت الدور هيجي عليك وهتجيلك فرصتك اللي لازم تنقرها و تفضل مكلبش فيها وتستغلها علشان توفر أحلى مستوى معيشة لنفسك ولأسرتك اللي مش هتبنيها قبل ما تكون ضامن الحياة الكويسة دي . أو تشق طريقك واحدة واحدة مشاركة ، بأي طريقة المهم تبقى عارف انت ماشي ازاي ، وده اللي بيفرقنا عن الحيوانات .. ممكن تسخط وممكن تستغل أفضل الإمكانيات المتاحة في إنك تخلق لنفسك أفضل وضع ممكن ، ونقطة إنطلاق لما تبدأ حياة التكليف والسعي .. والإختيار بين ايديك

في رجل أعمال من البلد اللي أنا فيها ربنا كرمه أوي ، كل سنة بيبعت جزء كبير من زكاة أموالة -اللي بالملايين- لجدتي ، بتوزع الفلوس دي على المحتاجين اللي عارفاهم واحد واحد في بيوتهم ، ده حقهم وبيوصلهم لحد بيتهم وهما محتفظين بكرامتهم .. أنا خايف أتعاقب علشان سيبتك من غير مساعدة فبنقذ نفسي قبل ما أنقذك ، انا اللي هدور عليك مش انت اللي تجيني تلحس التراب علشان أرميلك قرش .. بلاش الموازيين تتقلب الله يرضى عليكم احنا مش عارفين احنا راحيين على فين ؟

حالات النصب في الموضوع ده كتيرة أوي ، وبتلعب على وتر حساس أوي .. دايما تلاقيه يمنيك بالثواب والحسنات والآخرة وهنيالك يا فاعل الخير والثواب ، يعني يا أخي انت نصبت نفسك حارس على خزائن رب الأرض والسموات !! بتوزع حسنات سيادتك عل الفاضي والمليان .. تلاقي واحد جايلك : أنا والله فلوسي اتسرقت مني و عايز أروح و عايز نص جنيه بس علشان أركب بيه .. وانت زي الرطل بتمد ايدك في جيبك وتديله النص جنه ، مش عارف إنه ادالك على قفاك و افتكر إنه أنصح منك .. تلاقي واحدة ناطة في شباك الميكروباص بنفس الكوبلية : ابني عنده ورم وبعت اللي ورايا واللي قدامي علشان أجيبله العلاج والحقن غالية وينوبكوا ثواب فيا والتحاليل اهي ، لو مسكتها هتلاقي شوية ورق والله ولا ليهم لزمة .. والورق اللي متصور ومكتوب فيه الحالات و المريض اللي روشتته بتتصور وتتوزع على كذا نصاب ونصابة يلفوا بيهم .. الناس دي عايزة تتجمع وتتحرق في مزبلة عمومي .

المواطن المصري أرخص بني ادم على مستوى العالم ، ونفسه رخيصة ، بتقهر لما بلاقي الأطفال بتوعنا بيترموا على السياح زي اكوام اللحم بأعواد الفل ، و من غير أي حاجة يشحتوا ، ويتمرمطوا كده والسلام ، مرارتي بتتفقع لما مريض الدكتور يهزأه ويشلفط فيه وهو يسكت !!! يابني ادم الدكتور ده بيشتغل عندك انت ، بياخد فلوس من الدولة - اللي بتكري الناس ضرائب وجمارك وخلافه - علشان توفرلك الخدمة دي .. لازم عينك تبقى مليانة

يا فرعون ايه فرعنك ، قال مالقتش حد يلمني !! اعرف حقك كويس اوي وطالب بيه ، واللي يقاوح معاك دب رصاصة في عنيه .. في ناس تانية ولا ليها ريحة الحق وبتتكلم في كماليات وعايزة الناس تقف جنبها ، أصل اللي اتعود ياخد من غير تعب ، صعب يشقى علشان يوفر لقمة العيش .. ده أنا أطفحها بالكوتة ولا امد ايدي

،، وشكرا


عدل سابقا من قبل Ex0dus في الأحد 08 نوفمبر 2009, 10:27 pm عدل 1 مرات
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: يلا ننضف مصر   السبت 31 أكتوبر 2009, 2:40 am

روووووووووووعه يا صاحبى

انت بقيت نسخه طبق الاصل من حبه عسيلى



المرسل : شعلتك !
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
mirnorra
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 5589
العمر : 28
الوظيفة : .
تاريخ التسجيل : 07/07/2008

مُساهمةموضوع: رد: يلا ننضف مصر   السبت 31 أكتوبر 2009, 2:55 am

الموضوع جميل قوى بجد ...
بصراحه مش عارفه اعلق على ايه وله ايه ...
ده كل براجراف فيه يتعمله موضوع لوحده ....

والكلام مظبوط ميه الميه ...



اقتباس :
اللي اتعود ياخد من غير تعب ، صعب يشقى
جميله قوى الجمله دى ...
الرجوع الى أعلى الصفحة اذهب الى الأسفل
مولوتوف
الريشة الفضية للمنتدى
الريشة الفضية للمنتدى
avatar

عدد الرسائل : 2941
العمر : 28
محل الاقامة : .
الوظيفة : .
تاريخ التسجيل : 27/06/2007

مُساهمةموضوع: رد: يلا ننضف مصر   الإثنين 02 نوفمبر 2009, 10:16 pm

Ex0dus كتب:
، مرارتي بتتفقع لما مريض الدكتور يهزأه ويشلفط فيه وهو يسكت !!! يابني ادم الدكتور ده بيشتغل عندك انت ، بياخد فلوس من الدولة



الموقف ده لسه حاصل معانا انهرده .. الدكتور كان بيكلم الحالة بأسلوب مستفز جدا جدا و لا كأنها بتشتغل عندنا

أنا مبسوط بالمقال يا مصطفى " حاسس بريحة الزمن القديم بين سطوره "
الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: يلا ننضف مصر   الثلاثاء 03 نوفمبر 2009, 7:05 pm



اقتباس :
" حاسس بريحة الزمن القديم بين سطوره "


_________________

الرجوع الى أعلى الصفحة اذهب الى الأسفل
http://www.medicalto.com
Bahaa
|مشرف|
|مشرف|


عدد الرسائل : 8109
العمر : 28
محل الاقامة : My Dreams
الوظيفة : .....
تاريخ التسجيل : 08/02/2007

مُساهمةموضوع: رد: يلا ننضف مصر   الثلاثاء 03 نوفمبر 2009, 11:33 pm

مقال محترم ورائع جدا

.........

يا ريت كل شخص يبدأ يغير من نفسه فعلا

لانك هتتحاسب على وقتك ده

سواء كان بالمفيد او خلافه

................................


بجد مصر فيها حاجات جميله

بس محتاجه كل فرد فيها يجد بعمله ويحافظ على كرامته ينظر لقدام

فعلا لو بقينا احسن

هنبقى احلى بلد ف العالم ده كله

............................................



وساعتها يتقال

ONE OF BEST COUNTRIES

IN CENTER OF WORLD



EGYPT


الرجوع الى أعلى الصفحة اذهب الى الأسفل
http://www.mosshaf.com/web/
Ex0dus
عضو فعال
عضو فعال
avatar

عدد الرسائل : 231
العمر : 28
الوظيفة : كائن حي
تاريخ التسجيل : 08/10/2007

مُساهمةموضوع: رد: يلا ننضف مصر   الأحد 08 نوفمبر 2009, 10:34 pm

ربنا دايما بيبعت البرد على قد الغطا ، بس احنا مش في كل الأوقات بنقدر نشعل الدفا من جواتنا ..
في مواقف كتيرة بتحصل للواحد بيحس فيها إنها نهاية الحياة وخلاص مش هيقدر يقف على رجليه تاني ، وفجأة من غير ما يتعب نفسه في إنه يدور على حل لمشكلاته بيلاقي حبل اتمدله ، يلاقي طاقة نور اتفتحتله .. وبيرجع تاني للحياة بجمالها و شقاوتها .


عدل سابقا من قبل Ex0dus في الأحد 08 نوفمبر 2009, 11:05 pm عدل 1 مرات
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: يلا ننضف مصر   الأحد 08 نوفمبر 2009, 10:40 pm

سؤال بسيط ...

انت مهتم تحضر العملى بالبالطو ؟

طب لو بتحضر ومعاك البالطو ... بتلبسو من نفسك
وللا لما الدكتور يطلب ده .. تقوم تلبسو ؟


الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
عصفوره مصريه
عضو فعال
عضو فعال
avatar

عدد الرسائل : 242
العمر : 29
الوظيفة : بيقولوا دكتوره
تاريخ التسجيل : 08/09/2009

مُساهمةموضوع: رد: يلا ننضف مصر   الإثنين 09 نوفمبر 2009, 11:40 am

أنا عمرى ما نسيت البالطو بتاعى
و أول ما ادخل الروند بلبسه تلقائيا
هو احنا أطفال فى حضانه لازم نستنى الميس تقولنا نعمل ايه
كل واحد المفروض عارف المطلوب منه فبالتالى ينفذه لوحده
وبصراحه نفسى أعرف الناس اللى بتتخنق من البالطو بيتخنقوا منه ليه؟؟؟؟؟!!!!!
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: يلا ننضف مصر   الإثنين 09 نوفمبر 2009, 8:31 pm

عمرى ف حياتى .. ف حياتى

ماشفت روند الكل فيه لابس بالطو ...

عمرى ماشفت تيم من الطلبه بيتناقشو ويضيفو لبعض
مش مجرد جدل واثبات مين الاقوى علميا وتقليل من شأن الاخر ..

عمرى ما شفت واحد بيتكلم انجلش كويس الا ويتريقو عليه

عمرى ماشفت روند صامت لما الدكتور بيشرح


ممكن اكون ف الزمن الغلط .. اوممكن اكون انا اللى غلط !

بس لو حصل ... ساعتها بس

هتحس بقيمتك ... وقيمه شغلك

بس للاسف ... احنا مستهترين اووى

او بمعنى اصح متعلمناش ... اووى

فعلا .. فاقد الشىء لا يعطيه !

الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
 
يلا ننضف مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: