البوابةالرئيسيةس .و .جبحـثالتسجيلدخول





شاطر | 
 

 موقف و خبرة ( متجدد )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: موقف و خبرة ( متجدد )   الأربعاء 21 أكتوبر 2009, 2:19 am



الحقيقة أنا الموضوع ده في دماغي بقاله حوالي شهرين من بعد أما خلصنا دورة الإسعافات السنة دي

يمكن الواحد عشان قعد في المستشفي لفترات طويلة جدا واختلط واحتك بمرضي كتير وحالات كتير

واطباء إمتياز كتير وشاف سيناريوهات كتير وإتحسر كتير كتير علي الخدمة الصحية في مصر

وخاصة إن دي مستشفي جامعي يعني المفروض مستوي الخدمة يكون أعلي !!!

المهم مطولش عليكم

كان فيه كذا فكرة في دماغي لطريقة عرض الموضوع ، لكن الحقيقة اللي خلاني أطرحها و بالشكل ده

إن حسيت إن الكلام في الموضوع ده تقريبا والله اعلم بقي موضة اليومين دول ...

يعني ناس كتيرة أهل ومعارف كانوا يقابلوني يقولوا لي إزاي طلبه في أولي وتانية يتعلموا في الناس ويخيطوهم ؟؟

طب هما دول بيبقوا عارفين حاجة ؟؟؟

تحاول تفهمهم ببساطة إن دي مهارة زيها زي واحد بيدي حقنة وإن بيبقي فيه - المفروض يعني -

حد كبير واقف وهكذا ... مفيش فايدة

أنا لقيت المضوع ده علي منتديات تانية كتيرة جدا وفعلا الموضوع كبير ويستاهل المناقشة فعلا

الفكرة برده ... إن إنت لو طالب في رابعة أو خامسة أو سادسة هل ينفع إنك تكشف علي المريض

وتتعلم فيه ؟؟؟

هل لو إنت طبيب إمتياز ولسه تقريبا مش عارف حاجة - وده حال المعظم - ليك الحق إنك تكشف علي المريض

وتتعلم فيه ؟؟؟

طيب ، طبعا كتير من الناس هيقول آه ولازم نتعلم ، وإن دي مستشفي جامعي والهدف منها أصلا إن الطلبة تتعلم

وده فعلا كان رأيي طول الفترة اللي فاتت دي ومقتنع بيه تماما طبعا مع احترام المريض وكل الحاجات

اللي مش هنختلف عليها إن شاء الله ....

طيب هل دلوقتي لو حد من اهلك مريض --> هتسمح إن طالب مثلا يكشف عليه أو يخيطه مثلا ؟؟؟

أو حتي طبيب إمتياز هو الي يكشف عليه ويشخصه ؟؟؟

الحقيقة أنا مش هوافق علي كده

طبعا فيه ناس كتيرة كويسة سواء طلبة أو أطباء إمتياز ومحدش فيهم بيفتي ولا بيعمل حاجة غير لما يكون

فاهمها ومتدرب عليها كويس ، لكن طبعا فيه ناس تانيه العكس

الفكرة برده ماهو الصغير ده من حقه يتعلم عشان يفهم ويعرف ويبقي كبير في يوم من الأيام !!!!!

الموضوع محير فعلا ، وبعدين ليه اللي مترضاهوش لأهلك ترضاه لغيرك ؟؟؟

ولا ذنب الناس اللي بتيجي الجامعه مثلا إن معاهاش فلوس تطلع بره لدكتور خاص أو غيره ؟؟؟

ياريت أسمع آرائكم بخصوص الموضوع ده

وأتمني إن الموضوع يستمر وكل واحد فينا أكيد نزل المستشفي قابلته مواقف كتيرة

اتعلم منها حاجات كتيرة

فالهدف من المضوع ده :

مناقشة الفكرة اللي انطرحت ، هل تقبل إن حد يتعلم في أهلك زي مانت بتتعلم في الناس ؟؟

والهدف التاني هو تبادل الخبرات في الموضوع ده

وأكيد لو كل واحد كتب موقف واحد بس وكتب هو اتعلم منه إيه

أكيد لو حد تاني اتعرض له في يوم من الأيام هيكون سهل عليه انه يتعامل مع الموقف

...........................

منتظر ردودكم وتعليقاتكم ، ولي عودة في مواقف قادمة إن شاء الله .....

_________________

الرجوع الى أعلى الصفحة اذهب الى الأسفل
http://www.medicalto.com
Dr,Gwyly
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 6951
العمر : 26
الوظيفة : Dr,Gwyly
تاريخ التسجيل : 20/08/2008

مُساهمةموضوع: رد: موقف و خبرة ( متجدد )   الأربعاء 21 أكتوبر 2009, 3:28 am

فى الاسعافات احنا بنتدرب ازاى " ندى حقنه ونخيط " ودى حاجات مش ليها مضاعافات خطيرة لو ماتعملتش صح ... او اقدر اقول انه يمكن تداركها ..

كمان احنا قبل ما نخيط مثلا بيكون عندنا فكرة عن الموضوع نظريا وشوفنا دكتور زميلنا بيخيط فاعارفين الوضع ماشى ازاى .. !!

عاوزة اوصل ان المريض اللى بنتعلم فيه لو لقدر الله اتعلمنا فيه غلط .. مش هايكون الموضوع كبير " يادوب الخياطة ممكن تسيب اثر " ...

المشكله بقى لما مايكونش فيه خلفيه مسبقه او اننا نتعلم فى حاجة كبيرة او نوصف دوا من دماغنا واحنا لسه صغيرين ومادرسناش الحاجات دى .. خصوصا لو حد سألك على علاج لمشكله معينه ومحبتش تحرج نفسك وافتيت ...

اما الاهمال فى المستشفيات ... فا ده موال تاااااااااااااانى

لما تقف فى كشك الجراحة فى القصر وماتلاقيش لا ادوات ولا خيط ولا اى حاجة غير .."المريض وبس "!!! حاجة تعصب والله

بس ياريتها على كده وبس ....

لما المريض يتساب ساعة بينزف من حادثة ولما اهاه يروحو للدكتور علشان ييجى يكشف عليه ويقولوله هو احنا المفروض نتحايل عليك علشان تيجى ... يكون الرد :

" انت مش هاتتحايل عليا .. دا انت هاتبوس رجلى كمان " ..

هل ده سلوك يصح من طبيب المفروض ان المريض امانه فى رقابته

هل حياه الناس بقيت سهله للدرجة دى ... ولا من كتر ما الدكتور بيشوف المرضى قلبه بيجمد ومابيهمهوش !!!!!

دا بالنسبة للدكاترة ...

الممرضات بقى ... يا سلاااااااااام " حدث ولا حرج "

اهمال تاااااااااااااااااااااااااااااااااااااام للمرضى ... اسلوب تعامل غير لائق مع الدكاترة .. ومع بعضهم الخ الخ الخ ...

وفى الآخر ...

ما باليد حيلة .... !
الرجوع الى أعلى الصفحة اذهب الى الأسفل
NEAT
عضو سوبر
عضو سوبر
avatar

عدد الرسائل : 464
العمر : 28
محل الاقامة : مصر
الوظيفة : طالب فى كليه طب
تاريخ التسجيل : 07/08/2009

مُساهمةموضوع: رد: موقف و خبرة ( متجدد )   الأربعاء 21 أكتوبر 2009, 4:16 am

الموضوع ده مهم فعلا وكنت بتكلم فيه مع بعض الزملاء

واحد معانا ف الروند ... بيضحك ومبسوط بموضوع الكشف
وبيتعامل مع الامر بسذاجه ...

انا سألتو سؤال : يا ترى لو الست دى اختك او مامتك كنت هترضى انها تيجى هنا
وكلنا نكشف عليها ؟؟

سكت .... ونقى بكل شده !!!

فين البالطو الابيض اللى بيميز شخصيتك كطبيب ؟

فين ادواتك ؟

ليه بتحضر وماسك البالطو ف ايديك ومش بتلبسو الا لما الدكتور يطلب منك ده ؟
ليه بتتعمد تنسى البالطو ؟

طب ليه ........ بتهزر مع زمايلك ف غير حدود اللياقه اما المرضى ؟
ليه بتتكلم ف حاجات بالعربى قدام المرضى وتحرج بيها زمايلك والمريض نفسو

فيه سلوكيات ...... للاسف مفتقده من اول مكان بنتعلم فيه
ازاى نتعامل مع المريض فعلاااا

وده ف سنه خامسه ... مش ف اولى ولا ف تانيه وولا ثالثه ولا رابعه

اول مكان بنتعلم فيه ازاى هنتكلم معاه وازاى هنكشف عليه

المفروض اننا ف مؤسسه تعليميه ...
يعنى بتخرج اطباء ... بيكشفو وييشخصو ...
طيب آليه التعليم هنا ايه ؟؟
على حسب المكان وعدد الطلبه والظروف

عندنا ف مصر وف كليتنا ... زى ماحنا شايفين ..
الروند مليااااااااان طلبه

كللو عاوز يكشف وكللو عاوز يسمع

بس مفيش حكايه ازاى ؟؟

مفيش دور وترتيب مفيش مواعيد مظبوطه مفيش
roles
او نظام متبع ...
احنا ماشيين بدماغنا

طيب هل كل الناس كدا ؟

اكيد لأ
فيه ناس Serious جدااا اثناء وجود المريض او ف وقت الشغل
وفيه ناس بتعتبرها مجرد تقمص ل شخصيه الدكتور دون اى مقابل

لو جينا نتكلم ع موضوع المريض والكشف ......

هقوللك :
اولا المريض بيكون عارف انه هيتكشف عليه من الطلبه عشان تتعلم
ثانيا : بنلم فلوس وبياخد اللى فيه النصيب وهو عارف كداا
ثالثا : لو مش اتعلمنا دلوقت ؟ هنتعلم امتى يا ترى ؟
ومفيش حل غير كداااا ...لازم تتفرج وتشتغل بايدك
رابعا والاهم : انا طبعا عمرى ما هوافق ان حد قريبى يتعمل فيه كدا
بس لو فعلا المكان والطريقه والعدد والاسلوب والجديه متوفرين
كل حاجه هتكون واضحه ...

احنا ممكن نكون بنتعلم roles بس مش بنطبقها
عشان البيئه اللى حوالينا غير مناسبه ...

لو كل واحد فكر مع نفسه ف الحاجات المفوض نعملها ومش بنعملها
هيلاقى كتيييير ...... ودى مشكله ف الطرفين
الطالب ... مش عارف هو المفروض بيعمل كدا ليه ؟
والمعلم ... مش بيكون صارم ف تطبيق ال roles دى
على نفسه وعلى الطلبه باجبارهم يمشو عليها ع الاقل على ما يتعودو

لو عاوز تكون متميز فعلاا

طبق الصح ... حتى لو كل اللى حواليك مش كداا
يكفيك انك من جواك عارف انك صح ...
ولو رحت ف اى مكان ف العالم ... هتلاقى نفسك صح

يمكن ف بلدنا مفيش صح كتيير بس اكيد بره فيه صح اكتر

اللى عاوز يتعلم ...... هيتعلم ..
واللى مش عاوز ..مهما حاولت تعلمه ... مش هيتعلم
لان مش مقتنع باللى بيعملو ......


نعتذر للاطاله
الرجوع الى أعلى الصفحة اذهب الى الأسفل
Larmes
|مشرف|
|مشرف|
avatar

عدد الرسائل : 6223
العمر : 27
الوظيفة : إنسانة
تاريخ التسجيل : 08/05/2008

مُساهمةموضوع: رد: موقف و خبرة ( متجدد )   الجمعة 23 أكتوبر 2009, 3:34 am

السلام عليكم

الموضوع دا موضووووووووووع مهم جدااااااااا
الي ابعد حد ومحتاج وقفة كبيرة مننا كلنا


اقتباس :

هل تقبل إن حد يتعلم في أهلك زي مانت بتتعلم في الناس ؟؟



لأ طبعا مش هقبل خااااالص
لما نبقي واقفين قي كشك الجراحة وفي دكتور واقف معاك بيساعد والمريضة بنت كمان وكانت ثايرة جداااا وهو قدر يسيطر عليها ويمسكها بالعافية عشان تتخيط ونكتشف بعد كدة انه مش دكتور معاكم ولا طالب طب ولا صيدلة ولا حتي بياخد دورة اسعافات من كليه تانية بس كدة جاي بتفرج ونشوف بنعمل ايه تتوقعوا بعد كدة تقبل ان أي حد يشتغل في اهلك
ما كدة أي حد ممكن يدخل زي ما دا دخل كدة من غير مراعاة لشعور المريض ولا امانة .


اقتباس :
ليك الحق إنك تكشف علي المريض

وتتعلم فيه ؟؟؟



بالنسبة للتعليم فاحنا لااااازم نتعلم ونعرف بس مش تجرب علي المريض
كدة وخلاص لازم نتدرب الاول ونشوف حالة واثنين وثلاثة ولما نبدأ نشتغل يكون دكتور كبير واقف معانا عشان يقدر يتدارك أي خطأ بسرعة من غيرما نسبب الم في المريض ولوحد حس بس انه بدأ يبقي فيه حاجة غلط ايه المانع انه يقول مش عارف من غير ما يستكبر
حتي لوكان طالب امتياز لومش عارف يجيب دكتور تاني يشوف الحالة وبكدة لا سبب اذي للمريض واكتسب خبرة في نفس الوقت ولما تجيلة حالة مشابهة يقدر يعالجها بأذن الله هو الحقيقة الموضوع صعب وليه اكثر من وجهة نظر بس احنا لازم نتعلم بس بقدر الامكان نحافظ علي المريض ونشعر بألمه ونتقي ربنا فيه وفي نفسنا.




عدل سابقا من قبل just waiting في الجمعة 23 أكتوبر 2009, 3:48 am عدل 1 مرات
الرجوع الى أعلى الصفحة اذهب الى الأسفل
Larmes
|مشرف|
|مشرف|
avatar

عدد الرسائل : 6223
العمر : 27
الوظيفة : إنسانة
تاريخ التسجيل : 08/05/2008

مُساهمةموضوع: رد: موقف و خبرة ( متجدد )   الجمعة 23 أكتوبر 2009, 3:44 am



اقتباس :
وإتحسر كتير كتير علي الخدمة الصحية في مصر

اما الاهمال في المستشفيات فدا بقي كارثة بمعني الكلمة:

*كان فيه حالة بتموت خلاص مش فاكرة كان عندها ايه بالضبط بس كان قسم نفسية وعصبية وانسداد امعاء وكان حاجة في القلب المهم محتاجة دكتور ضروري بس الممرضة اخدت الحالة من اهلها وحطتها علي السرير وسط الاوضة وسابتها ومشيت بنقولها فين الدكتور فين وفين علي ماراحت تجيبة وبعدين رجعت تقول مش لاقياه المهم انها بعد كدة عرفنا انها اصلا مش راحتلة وممرضة تانية اللي راحت قالتله بعد ما قلنالها واهل المريضة اتخانقوا وبردوا الدكتور فين وفين علي ما جة وقال لازم عناية مركزة حالا وطبعا باقي القصة مفيش عناية مركزة فاضية لاهنا ولا مستشفي بنها ولاالمستشفيات اللي جنبنا حتي اهل المريضة وصلوا بقوا بيتحايلوا عليهم انها تنام علي الارض ويركبولها الاجهزة وبعد6 ساعات لقوا سريرفي مستشفي هيفضي والله اعلم بقي الحالة حصلها ايه بعدها.

يعني مابقاش فيه مراعاة للمريض ولا رعاية وبقي فيه اهمال شديد
غير طبعا المستوي الطبي عندنا مش كويس ومفيش مستشفيات كفاية
والمريض ممكن يموت من حاجات بسيطة جدا كان ممكن تتقدملة.

*اسلوب تعامل الممرضات سئ جدا مع بعض ومع الدكاترة وحد حكالي موقف مش حلو لممرضة الدكتور بيطلب منها حاجة للمريض قالتله ( هو انت هتعرفني شغلي خليك في حالك ) وقدام المريض يبقي فاضل ايه وازاي المريض يثق فيهم بعد كدة!!!

*الممرضات ممكن مايسمحوش للطلبة يدخلوا حجرة العناية اصلا وداعادي لكن لما تيجي واحدة من برة وتقولها انا دكتورة وما ترضاتش تدخلها فقالتلها هروح وهعمل وهعمل وهزأتها من الاخر تروح مدخلاها العناية من غير حتي ما تتأكد وتطلع واحدة من كلية آداب......!!!

*طبعا غير حاجة بقت ظاهرة مثلا لو حد مكسور عظام وليك حد في المستشفي هيدولوا بنج قبل مايرجعوا العظم مكانة مالكش حد ومخدتش بالك اومطالبتش يبقي مش هيدوله ويتألم بقي براحتة مالهمش دعوة.

*كمان موقف مريض قلب كان عندة compelete heart failure
,ومحتاج عملية ضروري لتركيب جهاز قالوله مفيش مكان عمليات قبل شهرعلي الاقل واهلة يحاولوا معاهم قالوا مفيش نعمل ايه
راح دكتور قال لاهل المريض (فتحوا مخكوا مع فلان الفلاني......)
العملية بقت بعد 7 ايام اواقل

للامانة طبعا مش كل دا في المستشفي الجامعي عندنا دي مواقف قابلتي عموم.ا

المهم
الموضوع بقي موضوع امانة واخلاق وضمير ليس الا
موضوع مراعاة للمريض واحساس بالمة
موضوع اننا لازم نتقي ربنا في المرضي وفي نفسنا قبل اي شئ
ونتخيل ان حد من اهلن امكانة
لو دول بقوا موجوديين مش هيبقي فيه مشكلة من أي نوع ومحدش هيخاف علي مريضة .....!!!

اسفة جداااااااااا علي الاطالة وخروجي عن الموضوع بس كله بيصب في مكان واحد

شكراعلي الموضوع
الرجوع الى أعلى الصفحة اذهب الى الأسفل
dr.noor eleslam
عضو ماسي
عضو ماسي
avatar

عدد الرسائل : 1806
العمر : 26
محل الاقامة : _
الوظيفة : _
تاريخ التسجيل : 14/02/2009

مُساهمةموضوع: رد: موقف و خبرة ( متجدد )   الأحد 25 أكتوبر 2009, 8:43 pm


انا يمكن هاتكلم فى الموضوع بمنظور تانى او يمكن بعيد شوية عن موضوع الطلبة وتعلمهم فى المرضى
انا هتكلم عن تجربه فى الاهمال اللى فى المستشفيات بالفعل
وده عن تجربة شخصية مقضياها 10 ايام فى العناية المركزة تخيلوا اهمال فى العناية المركزة هل فى حاجة تانية بعد العناية المركزة ممكن المريض يوصلها عشان ينول العناية المطلبة.... معتقدش؟؟؟

اولا بدايه نتبدى من اول المريض يدخل من باب المستشفى اول سؤال هيسألهولك على حسابك ولاتامين صحى؟؟
ولكوا ان تدركوا ما بعد ذلك

ثانيا جميع طليه الامتياز يجوا يتفرجوا على الحاه يقيسوا الظغط ويشوفوا الهستروى بتاع الحالهة ويمشوا والحمد كل واحد بيطلع الظغط بمزاجه مفيش جهاز ضغط عدل فى المستشفى وبعتنا نجيبه من صيدليه
المهم فين وفين لو ليك واسطة دكتور فى المستشفى يعنى يجى دكتور اخصائى يكشف وبعدين ايه الحالة؟؟
يقول طلعوة العناية نطلع العناية السراير فاضية ويقولك مفيش اماكن لحالات جديد تعمل ايه؟؟والمريض عنده نزيف فى المخ يعنى شوية وممكن يفيص منك؟؟
تشوف واسطة تانية تدخله بيها العناية ؟؟وبعد ما يدخل العناية تدور على دكتور العناية عشان يجى يشخص لانه مش بيلف غير مرة واحده الصبح على المرضى وبعدين كان الله بالسر العليم طول النهار ميجيش تانى غير لما تكون فى حاله بتفيص ولا حاجة
المهم دخلنا العناية اتفرجوا بقى على العناية فى العناية
اولا ممنوع الدخول غير بواسطة الافى معاد الزيارة اللى هو من 12 الى واحده ظهرا فقط
الواسطة هى انك يكون لك حد شغال فى المستشفى او انت طالب فى الكلية ممكن يسمحولك انك تقعد مع الحالة
اتفرجوا بقى على الممرضات اولا مش بيبقى فى miss
غير الصبح لغاية الساعة واحده وبعدين تمشى بعد كده اللى موجوده متقدرش تقول ممرضات يعنى مش معاهم كلية تمريض معاهم حاجة اسمها مدرسة تمريض بيقولا دى 3 سنين بعد االاععدادية انا كنت اول مرة اسمع عنها بس تخيلوا ن هم دول ممرضات العناية وقمة الاهمل اللى ممكن تتخيلوه موبيلات تدخل العناية وتلاقيهم طول الليل مشغالين الاغانى ويهزورا ويضحكوا ويحكوا ولا اكنهم قاعدين فى كافيه مش عناية كلهم بيناموا بعد 11 وواحده بس اللى بتفضل جوه العناية وتنام على الطربيزة ولا حاسة باى مريض ممكن يحتاجلها او ينادى عليها ده غير اللممرضات اللى بتبقى مجتش اصلا وبيداروا عليهم اسوأ حاجة فعلا التمريض مش مهم المرضى خالص مش مهم المريض جعان او كل او مكلش من ساعة معاد الزياره عطشان ولالا؟ ده اذا اصلا مكنوش اخدو الوجبات لعيالهم فىالبيت وممكن يكون المريض فى سريره ا و ولا على اساس ان فى حالات unconious
ممكن تتحرك وهم مش دارينين ممكن تدخل تلاقى الحالة فاكه الكنيولا والسرير كله دم وهم مش حاسين والمحلول على الارض وياخدوه من الارض ويركبوه تانى عادى خالص ولا اكن فى اى انفكشن اهمال مابعده اهمال ولو اتكلمت او سالت اى دكتور من الدكاترة اللى بتمر الصبح عن حاجة فى الحالة يستحقرك جدا ويقولك انت فى سنة كام ويتريق عليك ويضحك دكاترة الامتياز عليك ولازميضحكوا طبعا ده بيبقوا واقفين مرعوبين منه؟؟ واى تحليل على حسابك واى دوا على حسابك تنزل تشترية من باره ولا اكن فى صيديلية او معمل تحاليل فى المستشفى انا فى حاله ماتت قدام عينى بسبب ان هم حركوا الحالة من السرير وهى ممنوعة من الحركة لمجرد انها وصلت لباب w.c. كانت ماتت وكانت كل محاولتهم انهم يرجعهوا السرير عشان متبقاش مسءولية ويروحوا فى داهية مش مهم ينقذوها المهم ينقلوها الاول للسرير وبعدين يفكروا فى الاسعاف مع العلم ان نقلها لوحده اخد نص ساعة لانها كانت obese
انا عارفة انى طولت فى الرد اوى بس بجد انا شفت ايام من اقسى الايام فى حياتى مكنتش اتخيل وانا فى الاسعافات ان الحقنة اللى بديها لحد دى هيجى يوم واشوف نفس الموقف بيحصل قدامى وانا عارفة اللى قدامى دى زىى زيها
بجد انا اسفة انى طولت فى الرد اوى بس بجد الموضوع استفذنى وكان عندى كلام كتير اوى نفس اقوله
لدرجة انى قلت لاهلى لو بموت بموت بالفعل ونفسكوا تودونى مستشفى ودودنى مستشفى خاصة
اه نسيت اقلكوا على حاجة مضحكة فى الموضوع كل يوم فى مندوب مبيعات بيمر عل الممرضات ف العناية ولكوا ان تتخيلوا بيبيع ايه؟؟؟
الرجوع الى أعلى الصفحة اذهب الى الأسفل
عاشـ المستحيل ـقة
:: المشرف العام للمنتدي الدراسي ::
avatar

عدد الرسائل : 3067
العمر : 27
محل الاقامة : Brain
الوظيفة : مجند على ارض المعارك
تاريخ التسجيل : 29/03/2007

مُساهمةموضوع: رد: موقف و خبرة ( متجدد )   الإثنين 14 ديسمبر 2009, 8:25 am

انا حبيت افتح الموضوع دا

لانه بجد مهم وخاصة بعد ما شوفنا ابداعات طلبة طب ...

وليا عودة وتعليق عليه

وعلى امور تانية

ومحاولة لمنع كلمة الشعب المصرى

( اصل النظام كدا )

على العلم انه مافيش نظام اصلا


بعيدا عن هذا ...

ليا عودة ...



عاشقة المستحيل
صرخة غضب

_________________
وظنى فيــــك يا سنـــدى جميـــــــــــــــل




عذراً ... لن أتحدث عنها ...
مُجند على أرض المعارك ...
مازال هناااااااااااااك أمل ...
الرجوع الى أعلى الصفحة اذهب الى الأسفل
http://www.islamway.com/index.php
عاشـ المستحيل ـقة
:: المشرف العام للمنتدي الدراسي ::
avatar

عدد الرسائل : 3067
العمر : 27
محل الاقامة : Brain
الوظيفة : مجند على ارض المعارك
تاريخ التسجيل : 29/03/2007

مُساهمةموضوع: رد: موقف و خبرة ( متجدد )   الإثنين 14 ديسمبر 2009, 11:55 pm

اقتباس :
طيب هل دلوقتي لو حد من اهلك مريض --> هتسمح إن طالب مثلا يكشف عليه أو يخيطه مثلا ؟؟؟

أو حتي طبيب إمتياز هو الي يكشف عليه ويشخصه ؟؟؟

الحقيقة أنا مش هوافق علي كده

طبعا فيه ناس كتيرة كويسة سواء طلبة أو أطباء إمتياز ومحدش فيهم بيفتي ولا بيعمل حاجة غير لما يكون

فاهمها ومتدرب عليها كويس ، لكن طبعا فيه ناس تانيه العكس


الموضوع يحتوى على اكثر من اتجاه :-

اولا :- ليست المشكلة فقط فى الطالب
ثانيا :- ليست المشكلة فقط متعلقه بالمريض
ثالثا :- ليست متعلقه فقط بالطبيب

المشكلة
( انحدار مستوى العقل البشرى )

*********************
***************

اولا :-
اى حد مننا ( دكاترة بقى ) ميرضاش حد من اهله

مش يتعمل فيه كدا ... لا ؟؟

يتشرط هات دكتور كبير ... انتوا هتجربوا فيه ؟؟

ثانيا :-
( السبب الاول فى تجرأ المريض فى طلب مال من الطالب :-

الدكاترة ........

اصبحت تجارة )

هنقول يالا السلامة على الحياء والكرامة ...

******************
*********

الموضوع فى مليون اتجاه وعامل فى دماغى

وش جامد جدا ...

وحاليا بنعمل دراسة للنظام ... المرموق فى عالم الطب .

لكن :-

نقطة واحدة احب اوضحها اهم لينا حاليا :-
( الى حد ما حل )
لينا طلبة لسه عاوزين يدربوا ...

لو اتكلمت اى حد يقولك ايه :-

النظام كدا ؟؟

هتتعلم ازاى يعنى ؟؟؟


طيييييييييييييييييييييييييييييييييييييييييييييييب

فين النظام الـ بتتكلم عليه ؟؟؟؟؟

يعنى كلنا نعمل حصار حول المريض .......

طب الحل موجود ..
طيب اهييف حاجة ؟؟

مش محتاجة techinque
مش محتاجة تدخل الامم المتحدة يعنى

لو فى مريض فى الروند بتاعكوا

المريض قاعد او نايم ...

المفروض حضرتكم واقفين حواليه

اقفوا على جنب واتحركوا فى دايرة

يعنى اقفوا على طرف وتعملوا شيف بحركة دائريه

هنقدر بجد ننظم نفسنا ........

من غير كبير ....

هنقدر نغير كلمة ( اصل هو دا النظام )



ليا عودة .....

مع تعليقات على بعض المواقف

المستفزة من ابداعتنا



سلام مؤقت







_________________
وظنى فيــــك يا سنـــدى جميـــــــــــــــل




عذراً ... لن أتحدث عنها ...
مُجند على أرض المعارك ...
مازال هناااااااااااااك أمل ...
الرجوع الى أعلى الصفحة اذهب الى الأسفل
http://www.islamway.com/index.php
محمود الحسن
|مشرف|
|مشرف|
avatar

عدد الرسائل : 1828
العمر : 32
محل الاقامة : الباجور
الوظيفة : طالب
تاريخ التسجيل : 03/04/2007

مُساهمةموضوع: رد: موقف و خبرة ( متجدد )   الإثنين 21 ديسمبر 2009, 2:04 am

الموضوع توقف المناقشة فيه ليه
هو لما تيجي سيرة النظام بنخاف
الله المستعان

_________________
الأهلي فريق يعمل بصمت .....ويعد بما يستطيع....ويرفع شعار...لا للعشوائية
الرجوع الى أعلى الصفحة اذهب الى الأسفل
Clear.Shade
عضو ذهبي
عضو ذهبي
avatar

عدد الرسائل : 1408
العمر : 28
الوظيفة : انى ذاهب الى ربى سيهدين
تاريخ التسجيل : 27/04/2008

مُساهمةموضوع: رد: موقف و خبرة ( متجدد )   الإثنين 21 ديسمبر 2009, 2:24 am

بصراحه انا فى رابعه وعينى دمعت وقلبى وجعنى جدااااااااااااااا

ايه ده احنا ناسيين يا دكاتره ان المريض ده انسان ............. انسااااااااااااااااااااااااااااااان

بشر يعنى ايه التجمع حواليه وكانه سلعه بنستعملها عشان نستفيد

ما النت مليان عمليت وخبرات دى حاجه

الحاجه التانيه ان اعتقد مال الكون لو ادنهالوه كفايه نظره الطالب ليه اعتقد 80% من الطلاب

نظرتهم غير صحيحه للمريض هو مش فرض عليه انه يقعد لسيادتنا نتفرج عليه ونتعلم

ولا فرض علينا نديله فلوس يتقال عليها مقابل لاطبعا فين كرامه الانسان وعزه نفسه وحتى لو هو

تنازل عنها لاسباب عنده احنا منقبلش عليه كده لان انساااااااااااااااااان ومش بس كده ومسلم مسلم يا

امه محمد افيقوا بقى ايه ده ده حتى نظره الحنان ضاعت من وجوهكم والله ده لو والده ولا والدتى

وقبل بكده برغبته مش عشان فلوس يبقى كل واحد يقبل راسه ويحترمه مش ينظرله نظره شفقه

زمان كانوا بيوقولوا وزاره التربيه والتعليم بقت التعليم العالى لان المفروض اننا كبار بما فيه

الكفايه بس لازم نزرع جوانا قيم لمعامله المريض انت طبيب مش تاجر بيقولوا تقريبا

كان اسمنا زماااااااااااان زمااان اوى ملائكه الرحمه ولكنى اراى اليوم عكس ذلك تماما

احترام هؤلاء واجب مقدس علينا والدعاء لهم حق من حقوقهم علينا حتى العضم اللى كنا

بنستخدمه

كان المفروض يكون له احترام لانه بتاع انسان جزا من ةانسان يمكن يكون قريبك ويكمن فى ا

لمستقبل يكون انت حرمه الميت واحترامه واجبه .............. احنا كطلبه لازم ندعو لاحترام

المريض ومعاملته بصوره احسن مما نراها فى العيادات والروندات انهم بشر
الرجوع الى أعلى الصفحة اذهب الى الأسفل
محمود الحسن
|مشرف|
|مشرف|
avatar

عدد الرسائل : 1828
العمر : 32
محل الاقامة : الباجور
الوظيفة : طالب
تاريخ التسجيل : 03/04/2007

مُساهمةموضوع: رد: موقف و خبرة ( متجدد )   الإثنين 21 ديسمبر 2009, 2:29 am

medical ethics
وقبل كده اخلاق الاسلام ومعاملات الاسلام اكيد هنلاقي فيها ازاي نعامل المرضى دول
راجع بعد شوية

_________________
الأهلي فريق يعمل بصمت .....ويعد بما يستطيع....ويرفع شعار...لا للعشوائية
الرجوع الى أعلى الصفحة اذهب الى الأسفل
Clear.Shade
عضو ذهبي
عضو ذهبي
avatar

عدد الرسائل : 1408
العمر : 28
الوظيفة : انى ذاهب الى ربى سيهدين
تاريخ التسجيل : 27/04/2008

مُساهمةموضوع: رد: موقف و خبرة ( متجدد )   الإثنين 21 ديسمبر 2009, 2:33 am

وبجد فعلا لو كان الفقر رجلا لقتلته



الى بيخلى مريض يتحمل ويتنازل عن كرامته الفقر واللى بيخليه يلجأ لجامعه ومستشفى



الخدمه الصحيه فيها بايظه وقيم الدكاتره معظمها اتنسفت وبقى الطبيب تاجر هو بردو الفقر



هو مجبر مش تنازل عن كرامته لا لكن للافس لانه فقير ومحتاج بجد لكن انت بقى لما تديله



بتبقى نيتك مش صدقه لانسان محتاج وحتى لو اتعصب مش بتتحمل عصبيته يعنى منتظر



ايه من حد قاعد كل واحد يتفرج عليه شويه ولا ام ابنها الكاتره عاملينه فار تجارب ليهم



بصراحه بجد لو علم كل غنى واجبه نحو الفقير لما بقى فقير بيننا ولما تنازل احد عن كرامته



يمكن اصلا محدش دور على حل بديل لان اصلا مفيش فرصه انهم يمنعوا اللى موجود او حتى



يخلوه بصوره افضل شويه وتذكر المسؤليه فرديه وان اجتمعت بكررها المسؤليه فرديه وان



اجتمعت أبدأ بنفسك عسى تنفع غيرك وتزرع به مبدا حق



الله المستعان اولا واخيرا
الرجوع الى أعلى الصفحة اذهب الى الأسفل
محمود الحسن
|مشرف|
|مشرف|
avatar

عدد الرسائل : 1828
العمر : 32
محل الاقامة : الباجور
الوظيفة : طالب
تاريخ التسجيل : 03/04/2007

مُساهمةموضوع: رد: موقف و خبرة ( متجدد )   الإثنين 21 ديسمبر 2009, 2:43 am

على فكرة الموضوع كبير لكن خلينا نتكلم في الجزء ده بس
متنسيش يادكتورة ان شعورنا أو عدم شعورنا بأدمية المريض اللي امامنا جزء كبير منها من الدكتور اللي بيعلمنا
يعني دخلة الدكتور على العيان بتفرق
فيه دكاترة بيقولوا للعيان علطول شيل الهدوم وورينا وتعالوا ياولاد شوفوا واعملوا
ودكتور تاني يتكلم مع العيان الاول والف سلامة ومعلش ياحاج الدكاترة الصغيرين دول هيكشفوا عليك وبنظام ياولاد
احنا مسؤولين فعلا لكن عايزين نتعلم ونستفيد
الفكرة مش في كده الفكرة في احساسنا نفسه بأدمية المريض واحترامه وكرامته
لكن احنا لازم نشوف ونتعلم وهو حظه ونصيبه انه يجي مستشفى الجامعة
بس الموضوع كبير

_________________
الأهلي فريق يعمل بصمت .....ويعد بما يستطيع....ويرفع شعار...لا للعشوائية
الرجوع الى أعلى الصفحة اذهب الى الأسفل
Clear.Shade
عضو ذهبي
عضو ذهبي
avatar

عدد الرسائل : 1408
العمر : 28
الوظيفة : انى ذاهب الى ربى سيهدين
تاريخ التسجيل : 27/04/2008

مُساهمةموضوع: رد: موقف و خبرة ( متجدد )   الإثنين 21 ديسمبر 2009, 3:08 am

الواضح من كلام حضرتك ان حضرتك اكبر منى ومريت بمواقف كتير وى كده

انا اول مره اشوف الكلام ده انهارده فى روند ال ent لكن حضرتك عندك حق فعلا

الدكتور عليه مسؤليه كبيره بس احنا مسؤليتنا اكبر ونقدر نصلح ده

ايه المشكله لو الجوده جابت شاشات عرض كبيره والدكتور بس اللى يشرح ع المريض وا

لصوره تبقى موجوده من غير ما اى حد يجى جنب المريض ولا يحس باى اهانه


تقريبا قالوا ان ده هبتنفذ فى الرمد بس انا لسه ماخدتش روند رمد وليه ميتنفذش فى كل ا

لروندات ونحترم المريض والدكتر حتى لو اهان المريض او عنفه فى الكلام انا متقبلش ده

ولو واحده كبيره انا اقبلها واعتذرلها ولو راجل كبير اعتذرله ايه المشكله ولو حتى نجمع من

الدفعات كلها ونجيب شاشات العرض دى عشان كلنا نستفيد من غير ما نسبب ضرر لاى

مريض لانى اصلا مستحيل هستفيد وانا مش حسه براحه نفسيه لمجرد الم الانسان ده

لو حسبنا بيها كمشكله بالفعل هنحلها فعلا حتى لو روحنا للعميد او الوكيل وكلمناهم

حفاظا على كرامتنا وكرمه المرضى كلهم
الرجوع الى أعلى الصفحة اذهب الى الأسفل
Ahmed Adel
|مشرف|
|مشرف|
avatar

عدد الرسائل : 3698
العمر : 27
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: موقف و خبرة ( متجدد )   الثلاثاء 22 ديسمبر 2009, 11:23 pm

احنا كنا فى روند الرمد والدكتور بيجيب مرضى وبنبص عليهم ساعات ع الجهاز نفسه او البروجكتور

وبيعاملهم باحترام وكل حاجة

بس معاملة من منطق القوة

يعنى لما تيجى مريضة وأهلها يرفضوا الحكاية دى ... ايه المشكلة بقى

حقهم هى مش اجبارى عليهم وهما مش عايزين ... نحترم رغبتهم

انما الدكتور كتب خروج للمريضة وانها ماتتعالجش فى القسم

طيب ليه كده يعنى .. لو شوفتوا نظرة الحزن والكره اللى فى عين قرايبها وهما بياخدوها

كنتوا كرهتوا الكلية والمهنة نفسها !

يعنى علشان مش معاهم فلوس انهم يعالجوها برايفت او فى مكان تانى .. نقوم نعمل فيهم كده !

يمكن المشكلة اننا عمرنا ماتخيلنا اننا نبقى مكان المريض ده ... وساعتها كنا هنعرف شعوره ايه

_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
محمود الحسن
|مشرف|
|مشرف|
avatar

عدد الرسائل : 1828
العمر : 32
محل الاقامة : الباجور
الوظيفة : طالب
تاريخ التسجيل : 03/04/2007

مُساهمةموضوع: رد: موقف و خبرة ( متجدد )   السبت 26 ديسمبر 2009, 2:35 am

مش عايز اقول في اوروبا واي مكان غير مصر بيعملوا ايه في المستشفيات الجامعية والحكومية
لكن انا كطالب ذنبي ايه
المفروض الكلية توفر لي الحالات وترجع تمتحني عليها
وده مش معناه الاهانة للعيان ويوصل احساس للعيان انه غصب عنه مادام جه مستشفى الجامعة يبقى يتعامل على انه حقل تجارب
الفكرة كلها في نظرتنا للعيان وهل ده بالنسبة لنا مريض ولا فرجة علشان الامتحان وخلاص
كنا في درس جراحة وجت حالة ischemia شاب صغير وحالته صعبة جدا اول ما كشف رجله محدش مد ايده ولا عمل حاجة لان كان المنظر صعب مع اننا دافعين فلوس في الحالة دي
لكن الراجل كانت حالته صعبة
وعلى فكرة في جزء نفسي اتكلم فيه لكن بعدين
وهو نظرة العيان لينا احنا كطلبة .......بس نتكلم بعدين

_________________
الأهلي فريق يعمل بصمت .....ويعد بما يستطيع....ويرفع شعار...لا للعشوائية
الرجوع الى أعلى الصفحة اذهب الى الأسفل
 
موقف و خبرة ( متجدد )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: