البوابةالرئيسيةس .و .جبحـثالتسجيلدخول





شاطر | 
 

 اسماك الزينه بين الواقع والخيال -أكيد عالم تانى-

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد أبوالعينين
:: عضو مثقف ::
:: عضو مثقف ::


عدد الرسائل : 1075
العمر : 29
محل الاقامة : أرض الله
الوظيفة : عبد الله
تاريخ التسجيل : 15/11/2007

مُساهمةموضوع: اسماك الزينه بين الواقع والخيال -أكيد عالم تانى-   السبت 03 أكتوبر 2009, 3:55 pm


سبحان الله
و
الحمد لله
و
الصلاه والسلام على سيدنا محمد صلى الله عليه وسلم
kolliaonline
اسماك الزينه
تامل فى ابداع الله عز وجل وصنعه فمن احسن منه صنعا
تامل فى اختلاف الالوان والاشكال والاحجام
تفكر فى انواع الغذاء واختلاف المياه وظروف التاقلم المالح لا يعيش فى العذب والعكس
يكثر الكلام فى هذا الشأن ولا يسعه اى وقت
فسبحان الله العظيم
kolliaonline
اضف لذلك
هوايه ممتعه
ديكور جميل
راحه اعصاب
........الخ
kolliaonline
ماهو راى الفقه فى تلك الهوايه
لا حرمة ولا كراهة في تربية الأسماك في الأحواض مادام يوفر لها وسائل البقاء ،
وكذلك الأمر في تربية الطيور
بشرط أن لا يترتب على ذلك ، أي أمور محرمة تلهي عن الصلوات أو الواجبات
أو الاطلاع على عورات البيوت أو غصب طيور الغير ،
وأن لا يترتب على ذلك مقامرة أو مراهنات محرمة ، وأن لا يخل ذلك بإعالة من تجب عليه نفقتهم
والله سبحانه وتعالى أعلم ، وصلَّى الله على سيدنا محمد وعلى آله وصحبه وسلم
kolliaonline
بعد ذلك
هنتناقش شويه فى للهوايه دى
بمناسبه الاجازه  كل سنه وانتو طيبين
kolliaonline
ياريت اللى عنده نفس الهوايه ميبخلش برد
وانا ان شاء الله مش هبخل بخبره
ويارب الواحد مينساش حاجه مهمه
kolliaonline
هنتكلم عن
الحوض وازاى نختاره ونظبطه ومنين نجيبه وازاى ننضفه والاسعار كمان
ايه اللعب والزينه اللى ممكن نضيفها فيه
ايه الانواع اللى ممكن نربيها وبرضو المكان والسعر
الاكل المناسب
اهم الامراض والادويه
kolliaonline
ت
ا
ب
ع
و
ن
ا

الرجوع الى أعلى الصفحة اذهب الى الأسفل
عابـر سبيـل
|مشرف|
|مشرف|


عدد الرسائل : 4176
العمر : 30
محل الاقامة : مهاجر إلى الله..هذا سبيلي
الوظيفة : مجاهد .. بعيـــدا ً
تاريخ التسجيل : 29/10/2007

مُساهمةموضوع: رد: اسماك الزينه بين الواقع والخيال -أكيد عالم تانى-   السبت 03 أكتوبر 2009, 4:55 pm

اه اه .. ومين أدك إنت في الموضوع ده
متابع معاك إن شاء الله
يمكن ابقى زيك مره كده ولا حاجه

_________________
مـن يهـن يسهـل الهـوان عليـه ... ما لجـرح بميــت إيــلام
الرجوع الى أعلى الصفحة اذهب الى الأسفل
http://www.tvanashed.com/
la vie aimes la vie
عضو فعال
عضو فعال
avatar

عدد الرسائل : 240
العمر : 29
محل الاقامة : استقرار ف احوالى العامة
الوظيفة : طالبة رضا ربى وعفوة
تاريخ التسجيل : 10/04/2009

مُساهمةموضوع: رد: اسماك الزينه بين الواقع والخيال -أكيد عالم تانى-   الأحد 04 أكتوبر 2009, 5:26 am

فكرة جميلة جدا
لان السمك بجد معجزة ف كل حاجة الوانه طريقة حياته تصرفاته
بجد_اكيد عالم تانى_
متابعين

الرجوع الى أعلى الصفحة اذهب الى الأسفل
محمد أبوالعينين
:: عضو مثقف ::
:: عضو مثقف ::


عدد الرسائل : 1075
العمر : 29
محل الاقامة : أرض الله
الوظيفة : عبد الله
تاريخ التسجيل : 15/11/2007

مُساهمةموضوع: رد: اسماك الزينه بين الواقع والخيال -أكيد عالم تانى-   الإثنين 05 أكتوبر 2009, 3:59 am

kolliaonline
الاول هنتكلم عن الحوض
مبدايا الحوض دا زى بيتك بالظبط وانت بتختاره فكر بنفس الطريقه
اللى بتختار بيها بيتك

اهم خطوه الاول روح بص بصه على المحلات شوف ايه اللى عجبك وهتربى قد ايه
 ولف على كذا حد وبعد كدا  قرر

حجم الحوض
حاول مهما بلغت الزحمه جوا الحوض ميقلش عن 2 لتر لكل فرد فيه
انا افضل حجم برشحه قد الكيسه بتاع الكمبيوتر كدا مناسب جدا
ودى غالبا بتبقى 40 عمق و 50 طول و25 عرض  الحجم دا كويس
ويتحط على اى ترابيزه
kolliaonline
بالنسبه للحجم متستصغرش هتلاقى بلوره صغيره كدا تاخد لتر وواحده تانيه
تاخد 4 لتر لاحظ كل ما استصغرت الميه تتوسخ اسرع تغيرها اكتر
تتعب اكتر وسبحان الله بيحصل
dwarfism

بعد كدا شوف هتحط الحوض دا فين وعلى ايه ودى مهمه اوى
لاحظ وزنه بيوصل ل 70 و 100 كيلو كمان فاختبر الطرابيزه كويس
لانه لو وقع شوف الازاز والميه والصدف ممكن يعملوا ايه فى البيت
وطبعا مش هقولك اللى ممكن يحصلك
kolliaonline
فين بقى زى ما قولنا زى ما بتفكر فى بيتك منطقه هاديه ب
عيد عن مرمى الابواب والصدمات والاطفال
والضوء المباشر الشمس  وتيارات الهوا المباشره  البرد

طيب الغطا
دا بيتباع جاهز وفيه منه ودر ودورين وشكله حلو
وبيتركب فيه اضاءه الاحسن تبقى فروسنت وياسلام لو بنفسجى
لان دا صحى احسن منطقه 400 نانو
وتبقى بمعدل حوالى 1 وات لكل لتر  وحوالى 8 ساعات الصبح طبعا
kolliaonline
وطريقه حساب اللترات طول فى عرض فى ارتفاع  ( الحجم الكلى يعنى )

طيب هنجهز البيت دا ازاى
الاول بنحط  فى الارضيه صدف وجرش ودا انواع فيه المستورد وفيه المصرى
طبعا المستورد احسن واغلى لان لونه ثابت مش بيطلع ويعكر الميه  
ودى اختيارها من حيث الاولوان والاحجام بيبقى ذوقيا
والافضل تحاول تحاكى الطبيعه وفنفس الوقت متجبش حاجه مضره
او احجام صغيره اوى تتبلع
kolliaonline
بعد كدا الزينه
برضو دى اذواق فيه منها الطبيعى والصناعى وانا بفضل الصناعى
لان الطبيعى بيحتاج رعايه مش هينه على المبتداين والاختيار يكون الوان هاديه
ومتناسقه والنباتات نفسها ميكونش فيها اسلاك او  اسنان حاده تاذى
اللى يعدى من جمبها
على شويه صدف وبلى وساقيه كلها اذواق دى بقى وخلفيه حلوه كمان

السخان
دا بنشغله فى الشتا بس وهوا ترموستات بنظيطه على 25 او 27 وهوا بيفصل لوحده
وفيه انواع مبتفصلش لوحدها دى مش بفضلها
kolliaonline
الفلتر
اهم حاجه لان من غيره هيحصل عكاره غريبه وروايح وموت مفاجئ لا قدر الله
لازم يبقى نوع كويس وقوته كويسه ويتنضف كل اسبوعين على اقل تقدير

الموتور
لا غنى عنه هوا مش بيولد اكسجين فى الميه دى فكره خاطئه هوا بيقلب سطح الميه
علشان يدخلها اوكسجين ومع ان الفلتر بيطلع هوا برضو بس الافضل
نجيب الاتنين لان سعات الفلتر بيتسد ومحدش ياخد باله وطبعا دا
يخلص على اى كائن حى  فالافضل يتوافرو الاتنين
kolliaonline
النضافه بقى
بنطلع كل حاجه فى اى اناء بشبكه طبعا مش بادينا
ونغسل الحوض بملح ابيض بس بدون اى منظفات مهما كانت مخففه
ونرجع كل حاجه مكانها تانى

اما عن الفلتر فيه باب كدا بيطلع منه سفنجه بتتنضف وترجع مكانها
فى حاله نضافه الحوض بنرجع ربع الميه القديمه لام دى بيبقى
فيها نورمال فلورا مفيده

نصائح اخيره ممنوع التدخين او رش المبيدات فى مسافه قريبه جدا من الحوض
kolliaonline
دلوقتى بقى نجيب الحجات دى منين ونعملها ازاى
الاول الحوض
الاحسن تعمله عند بتاع ازار لانك لو اشتريته هيبقى بحوالى 3 اضعاف تمنه
الحجم اللى قولت عليه هيبقى فى حدود 50 جنيه على اقصى تقدير يقل كمان
هتخلى بالك ان الجوانب كلها فيها سيلكون بسمك كويس وتجربه عن المحل
انه مش بيسرب

المستلزمات
kolliaonline
الغطا
 ممكن نجار بس الاحسن محلات الجاهز اشيك واخف
المحلات فى شبين 4 اتنبن فى شارع الاستاد و اتنين فى البر الشرقى
كلهم زى بعض
تمنه حسب حجمه وهيعمل فى حدود 30  ل 40

الاضاءه
اى كهربائى ولمبه فروسنت وهوا هيركبها فى الغطا من تحت بسيطه
وممكن تتفق مع المحل هوا اللى يسلمك الغطا بنوره
وبيزود حوالى 15
kolliaonline
الارضيه بالصدف بالحجات دى حسب ما هتختار
بتجيب جرش مكرونه حوالى 7 او 8 كيلو بحوالى
شويه لعب على صدف
كام زرعه
يعنى حوالى 30

الفلتر
اسمه باور هيد ودا 25 ل 30

المتور بالخرطوم بالبتاعه اللى بتطلع الفقاقيع اسمها سكريه
20 ل 25
kolliaonline
السخان
25

ترمومتر
فيه زئبقى وفيه ستريب
5
كدا كله تمام

وقت التركيب
الجرش والصدف دول بيتحطوا الاول فى حاجه ويتغسلو كويس جدا
لانهم من الركنه بيبقى عليهم تراب كتير ويستحسن يتغلوا
kolliaonline
النباتات والفلتر والترمومتر واى حاجه هتتحط لازم تتغسل كويس
بعد كدا
نحط الجرشش فى الارض بسمك حوالى 5 سم وفوقيه النباتات والصدف
وكل حسب ذوقه فى الاماكن

الفلتر يفضل فى زاويه ويوجه الى الخلف لانه بيطلع تيار شديد

الترمومتر يفضل يكون كله تحت الماء علشان ميجبش قرايه غلط

اخير خطوه وضع الماء
kolliaonline
طبعا الميه بتاعتنا فيها كلور مفيش كائن حى يعيش فيها
قبل م تملى الميه افتكر تحط تحت الحوض فلين او كرتون يوزع
تقله على جميع الاركان
علشان ميتكسرش

بنملى الحوض ونشغل الموتور وكل حاجه ونسيب الغطا مفتوح بتاع 3 ايام
 قبل ما نشترى السمك ونعمل حسابنا لما نيجى نغير جزء من الميه ان
يبقى فيه ميه مركونه مش من الحنفيه علشان الكلور او مكن نشترى
مزيل كلور ولو انى بشك فى فعاليته
وبكدا يبقى خطوه الشرا هيا اللى جايه
kolliaonline
ت
ا
ب
ع
و
ن
ا
الرجوع الى أعلى الصفحة اذهب الى الأسفل
محمد أبوالعينين
:: عضو مثقف ::
:: عضو مثقف ::


عدد الرسائل : 1075
العمر : 29
محل الاقامة : أرض الله
الوظيفة : عبد الله
تاريخ التسجيل : 15/11/2007

مُساهمةموضوع: رد: اسماك الزينه بين الواقع والخيال -أكيد عالم تانى-   الإثنين 05 أكتوبر 2009, 4:22 am

شويه صور توضيحيه
حوض


اضاءه


جرش


زرع


فلتر


موتور


ترمومتر


سخان


شبكه

الرجوع الى أعلى الصفحة اذهب الى الأسفل
 
اسماك الزينه بين الواقع والخيال -أكيد عالم تانى-
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: