البوابةالرئيسيةس .و .جبحـثالتسجيلدخول





شاطر | 
 

 عندك هدف فى الحياة ؟.. عملت ايه عشان توصله ؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Away ..as i want
عضو سوبر
عضو سوبر


عدد الرسائل : 374
العمر : 25
الوظيفة : ?.?.?
تاريخ التسجيل : 01/07/2008

مُساهمةموضوع: عندك هدف فى الحياة ؟.. عملت ايه عشان توصله ؟؟   الجمعة 25 سبتمبر 2009, 6:22 am


السلام عليكم

منعا للاطالة وعشان ندخل فى الموضوع على طول


كلنا عارفين ان ربنا سبحانه وتعالى خلقنا فى الدنيا دى عشان حاجتين اتنين

عبادة الله أولا وأخيرا وعمارة الأرض


دى أهدافنا كلنا .. بس دى الأهداف العامة

لكن لازم يندرج تحتها أهداف اصغر توصلنا ليها

وخصوصا ان كتير مننا بينسى احنا على الأرض ليه ؟؟

وبنعتقد ان غاية امنياتنا فى الحياة شغل ومنصب وبيت وأسرة وذرية ومال ويبقى كده سعيكم مشكور

بس الدكتور اللى على حق يقول للغلط لأ

بمعنى اننا هنا عايزين نسترجع أهدافنا من تانى " اذا كانت موجودة أصلا "
أو نبدأها من جديد وعلى أسس جديدة

يعنى هانحدد :

أهدافنا تجاه أنفسنا .. وعملنا ايه عشانها

أهدافنا تجاه أهلنا " كأب وأم تعبوا معانا طول حياتنا ولسة بيتعبوا " .. وايه اللى عملناه عشان نحققها

أهدافنا تجاه مجتمعنا الصغير اللى اتربينا فيه .. وايه اللى ممكن نغيره للأفضل

أهدافنا تجاه بلدنا " مصر " .... وهل فعلا حاسين بمسئوليتنا عنها وعن أشكال الفساد فيها
واننا لازم يكون ليه دور فى الاصلاح والتغيير " ومش بنخاف نقول مجرد آرائنا "

أهدافنا تجاه وطننا الأكبر " الوطن العربى والعالم الاسلامى " ... واحساسنا بالمسلمين المعذبين فى الأرض
ولا بنكتفى بالدعاء فقط !!

أهدافنا تجاه " ديننا " .. عملت ايه عشان دينك .. وعشان تعلى كلمتى الحق والدين
يعنى عملت ايه عشان " لا اله الا الله "

ياريت كلنا ندخل ونقول أهدافنا هنا والأهم نقول احنا عملنا ايه عشان نحققها

اما الهدف من الموضوع اصلا

التذكرة " وذكر فان الذكرى تنفع المؤمنين "

وعشان كلنا نستفيد من أفكار بعض وأهداف بعض

وعشان طول ما انت شايف هدفك .. أكيد هاتشوف الطريق اللى يوصلك ليه
لكن لو نسينا اهدافنا .. هاننسى غاية حياتنا


يلا كلنا نقول أهدافنا ايه تجاه ال 6 حاجات اللى قولنا عليهم

بس اوعوا تنسوا تقولوا عملتوا ايه عشان تحققوها


عذرا لو فكرة الموضوع مكررة
الرجوع الى أعلى الصفحة اذهب الى الأسفل
M.A.Ganainy
عضو ذهبي
عضو ذهبي


عدد الرسائل : 1272
العمر : 28
محل الاقامة : lazio
الوظيفة : lazio lover
تاريخ التسجيل : 28/06/2007

مُساهمةموضوع: رد: عندك هدف فى الحياة ؟.. عملت ايه عشان توصله ؟؟   الجمعة 25 سبتمبر 2009, 12:18 pm

و الله موضوع جميل

اقتباس :
أهدافنا تجاه أنفسنا .. وعملنا ايه عشانها

بصراحة مفيش هدف واحد ممكن احط ايدي عليه

لان المستقبل لسه غامض بالنسبة ليا

يعني مش عارف انا رايح فين بالظبط .. الله اعلم و الله المستعان

و لذلك معظم اهدافي اهداف مرحلية

بمعنى ان كل مرحلة ليها اهدافها و توجهاتها و داخل كل مرحلة في اهداف اصغر

خاصة بكل سنة في المرحلة دي

و اعتقد ان انا مريت باربع مراحل اللي هي الابتدائي و الاعدادي و الثانوي و الجامعي

و كان اخطرها الثانوي طبعا و حققت فيها هدفي ( الرئيسي ) اللي هو الطب يعني

بس كل مرحلة كنت عارف انا رايح فين بعدها

ماعدا طبعا المرحلة الاخيرة اللي انا فيها دلوقتي لان نهايتها مفتوحة

المهم ان القاسم المشترك في كل المراحل دي هي حاجة واحدة بس

النجاح


و هو ده هيكون اكيد هدفي في المستقبل ان شاء الله اللي انا مش عارف هو ايه بالظبط

اكيد في تصورات في دماغي عنه بس مفيش حاجة محددة

بالنسبة لايه اللي عملته ؟

لا كتير ... يمكن كنت محدد اهدافي في الاول

و الاهداف دي قصيرة المدى يعني اهداف للمرحلة ككل و بعدين اهداف لكل سنة فيها

و بعدين اهداف لكل جزء في السنة دي

بعد كده العمل على تحقيق الاهداف دي

بعد كده الصبر لان لازم الريتم بيتغير يعلى و يقل طول السنة

و اكيد طبعا الدعاء و الثقة في الله

و اخيرا كنت بقعد مع نفسي في بعض السنين و اكتب اخطأي في ورقة

عشان ازل بيها نفسي و ما ارجعلهاش تاني ابدا


ده بالنسبة لمجال عملي

انما اسريا فنفسي ربنا يرزقنا بزرية صالحة مؤمنة و زوجة صالحة مؤمنة و يباركلي فيهم

و اكيد نجاحي الاسري ده من اهم اهدافي في الحياة

و ربنا يكرم باتنين عيال فرودة كده يحققو اللي انا مقدرتش احققه في مسيرتي مع الحياة

طيب عملت ايه عشان الهدف ده ؟ و لا حاجة طبعا لان مفيش اسرة اصلا

طبعا في اهداف تانية اصغر بس دي هي الاهداف العامة بس

اقتباس :

أهدافنا تجاه أهلنا " كأب وأم تعبوا معانا طول حياتنا ولسة بيتعبوا " .. وايه اللى عملناه عشان نحققها

طبعا دي من اهم الخطط في حياتي

و خاصة ان ظروف الاسرة ( غالبا ) هتديني شرف رد الجميل ليهم و الحمد لله

خاصة بعد تنحي اخويا الكبير (بدون قصد) عن هذه المهمة

طيب ايه هدفي تجاههم ؟ برهم


لانهم بصراحة مخلوليش حاجة اعمل لها ليهم بالعكس تماما هما عملولي كل حاجة

بكل ما تعنيه كلمة كل حاجة


افنو عمرهم كلو عشانا احنا

ربنا يجازيهم كل الخير عن اللي عملوه فينا بس

طيب بعمل ايه عشان الهدف ده ؟ انا عارف اني مهما عملت مقصر طبعا

بس اللي بعمله اني بشوف ايه اللي هما عايزينه او هيفرحهم و اعمله

يعني احيانا و الله بزاكر عشان افرحهم هما و اخليهم فخورين و يتفشخرو بيا ههههههه

و اكيد طاعتهم طبعا


اقتباس :
أهدافنا تجاه مجتمعنا الصغير اللى اتربينا فيه .. وايه اللى ممكن نغيره للأفضل


الصراحة مش عارف لان انا اتولدت و اتربيت في مكان تاني خالص غير اللي انا فيه حاليا

بس لو هتكلم عن المجتمع اللي انا عايش فيه دلوقتي

فاكيد دوري صغير جدا يقتصر على بعض اعمال الخير

بس نفسي طبعا ان احنا نتطور عن كده و خاصة في اسلوب تعاملنا مع بعض

ازاي ده هيحصل ؟؟ معرفش الصراحة بس اكيد دي وظيفة حد تاني غيري


هو مفيش غيري في البلد و لا ايه ؟

_ _ _ _ انا تعبت الصراحة بس هكمل و ربنا معانا _ _ _ _

اقتباس :
أهدافنا تجاه بلدنا " مصر " .... وهل فعلا حاسين بمسئوليتنا عنها وعن أشكال الفساد فيها

ايه هدفي ؟ انا مصر تبقى رقم واحد في العالم

بس ده صعب جدا يتحقق لان اللي اتهدم في قرون لا يمكن يتبني في سنين

عشان كده الهدف الحقيقي هو ( بداية ) البناء

يعني احنا دلوقتي بنبني .. بنحط اول طوبة في طريق الاصلاح .. لعل و عسى!!

طيب بعمل ايه ؟؟ نجاحي في مجالي هو ده دوري تجاه مصر

لان للاسف مصر ورا قوي قوي


و اللي عاش بره مصر هيعرف كده كويس

بس طول عمرنا بلد خير و الخير عمره ما فارق تراب مصر اللي ذكرت في القران خمس مرات

و اللي مدح الرسول صلى الله عليه وسلم اهلها


اقتباس :
أهدافنا تجاه وطننا الأكبر " الوطن العربى والعالم الاسلامى " ... واحساسنا بالمسلمين المعذبين فى الأرض
ولا بنكتفى بالدعاء فقط !!

هدفنا نسود العالم من جديد و ده هيحصل هيحصل

سواء شفناه بعينا او متنا قبل ما نشوفه

و اعتقد ان دوري هو نفس الدور اللي تجاه مصر و هو النجاح في مجالي

و بالنسبة للدعاء فمفيش قدامي غيره حاليا لظروف كثيرة لا يساع المجال لزكرها الان

أهدافنا تجاه " ديننا " .. عملت ايه عشان دينك .. وعشان تعلى كلمتى الحق والدين
يعنى عملت ايه عشان " لا اله الا الله "

اكيد ارضاء الله عز و جل لان هو ده الهدف الاسمى

لان الحياة فانية مهما عملنا فيها هتفنى و تنتهي

عملت ايه ؟ عاملت الناس بالحسنى و بكل طيب خاطر و حسن نية

و اللي بقدر عليه بس هو ان انا اساعد اصحابي و اقف جنب حد متردد اشد من ازره

مع العلم ان انا عايز اللي يقف جنبي

انا عارف ان انا مقصر جدا و عندي عيوب كتيرة

انا عارفها و مش بنكرها و ليا كذلك اخطاء كتيرة


بس على الاقل مش بستسلم و مش بزعل من الدنيا مهما حصل

دايما متفائل و مبتسم لان عارف انو مهما حصل ( الحق معانا )

و الحق هو الله


_ _ _ معذرة على الاطالة بس هو الموضوع طالب كده _ _ _

هعمل ايه يعني اقطع نفسي و لا اجيب صنبورة من عندي عشان اكتب عليها ؟

هصرف على الحكومة بقى ؟


الرجوع الى أعلى الصفحة اذهب الى الأسفل
Away ..as i want
عضو سوبر
عضو سوبر


عدد الرسائل : 374
العمر : 25
الوظيفة : ?.?.?
تاريخ التسجيل : 01/07/2008

مُساهمةموضوع: رد: عندك هدف فى الحياة ؟.. عملت ايه عشان توصله ؟؟   الجمعة 25 سبتمبر 2009, 10:14 pm


بشكر حضرتك جدا يا دكتور على الرد

وأهدافك كلها جميلة طبعا وعملت كتير عشانها

وعرضت لنا أفكار جديدة فى بعض الحاجات

بس انا نسيت أقول حاجة مهمة

" قل ان صلاتى ونسكى ومحياى ومماتى لله رب العالمين "

ومستنين نشوف باقى أهدافنا .. ولا احنا ماعندناش أهداف ولا ايه ؟؟
الرجوع الى أعلى الصفحة اذهب الى الأسفل
اعقلها وتوكل
:: عضو مثقف ::
:: عضو مثقف ::


عدد الرسائل : 4488
العمر : 28
الوظيفة : سبحان الله وبحمده سبحان الله العظيم
تاريخ التسجيل : 18/07/2009

مُساهمةموضوع: رد: عندك هدف فى الحياة ؟.. عملت ايه عشان توصله ؟؟   الجمعة 25 سبتمبر 2009, 11:13 pm

Away ..as i want كتب:

السلام عليكم
وعليكم السلام ورحمه الله وبركاته



كلنا عارفين ان ربنا سبحانه وتعالى خلقنا فى الدنيا دى عشان حاجتين اتنين

عبادة الله أولا وأخيرا وعمارة الأرض


دى أهدافنا كلنا .. بس دى الأهداف العامة




بس الدكتور اللى على حق يقول للغلط لأ
عجباني اوي الجمله دي ...( اعلانات السكه الحديد وعلاقتها بالطب)

بمعنى اننا هنا عايزين نسترجع أهدافنا من تانى " اذا كانت موجودة أصلا "
أو نبدأها من جديد وعلى أسس جديدة

يعنى هانحدد :

أهدافنا تجاه أنفسنا .. وعملنا ايه عشانها
عن نفسي رضاء اهلي وبعدين رضي نفسي(باذن الله شخص ناجح واهم حاجه توفيق ربنا )
ان شاء الله لسه هنعمل اذا كان لينا عمر باذن الله

أهدافنا تجاه أهلنا " كأب وأم تعبوا معانا طول حياتنا ولسة بيتعبوا " .. وايه اللى عملناه عشان نحققها
لاتقل لهما اف ولا تنهرهما وقل لهما قولا كريما واخفض لهما جناح الذل من الرحمه وقل رب ارحمهما كما ربياني صغيراا
كان فيه صحابي سال سيدنا عمر عن انه شال والدته في اواخر عمرها ويقدم ليها الاكل والشرب ويخدم عليها بصفه مستمره وقاله يبقي انا كده اعطيتهم حقهم فقال له ولا صرخه من صرخات الولاده ..

أهدافنا تجاه مجتمعنا الصغير اللى اتربينا فيه .. وايه اللى ممكن نغيره للأفضل
المحافظه عليه ومحاوله النهوض به
لو اهتمينا بالصحه والتعليم هنبقي من رواد العالم ..

أهدافنا تجاه بلدنا " مصر " .... وهل فعلا حاسين بمسئوليتنا عنها وعن أشكال الفساد فيها
مصر هي بلدي وربنا يكرمنا كلنا ونبقي حاجه مشرفه لبلدنااا
بصراحه حكايه الفساد دي منتشره من زمان زي ما ربنا وصف في كتابه ظهر الفساد ف البر والبحر يا تري ليه ؟؟
الاجابه كانت بما كسبت ايدي الناس ...

واننا لازم يكون ليه دور فى الاصلاح والتغيير " ومش بنخاف نقول مجرد آرائنا "
الدكتور اللي حق يقول للغلط لأ

أهدافنا تجاه وطننا الأكبر " الوطن العربى والعالم الاسلامى " ... واحساسنا بالمسلمين المعذبين فى الأرض
ولا بنكتفى بالدعاء فقط !!
مش هنقول شعارات بقي وهنحارب وبتاع ما فيش حل في ايدنا الا الدعاء ف الوقت الحالي ..

أهدافنا تجاه " ديننا " .. عملت ايه عشان دينك .. وعشان تعلى كلمتى الحق والدين
يعنى عملت ايه عشان " لا اله الا الله "
اتقوا يوما ترجعون فيه الي الله لتجزي كل نفس بما كسبت وهم لا يظلمون ..
دي اخر ايات القران ..
ربنا لا تحملنا ما لاطاقه لنا به واعف عنا واغفر لنا وارحمنا انت مولانا فانصرنا علي القوم الكافرين



اما الهدف من الموضوع اصلا

التذكرة " وذكر فان الذكرى تنفع المؤمنين "
تمام جداااا
وعشان كلنا نستفيد من أفكار بعض وأهداف بعض


وعشان طول ما انت شايف هدفك .. أكيد هاتشوف الطريق اللى يوصلك ليه
لكن لو نسينا اهدافنا .. هاننسى غاية حياتنا
علمت ان رزقي لن ياخذه احد غيري فاطمئن قلبي ..

يلا كلنا نقول أهدافنا ايه تجاه ال 6 حاجات اللى قولنا عليهم

بس اوعوا تنسوا تقولوا عملتوا ايه عشان تحققوها
بجد احنا لسه بندرس .. هي مجرد احلام واهداف في المستقبل
والمستقبل كله بيد الله والله اعلي واعلم باللي مكتوب
مستنين نعرف اجابات حضرتك علي اسئله حضرتك




الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: عندك هدف فى الحياة ؟.. عملت ايه عشان توصله ؟؟   الجمعة 25 سبتمبر 2009, 11:41 pm

Away ..as i want كتب:




بس الدكتور اللى على حق يقول للغلط لأ


فكرتينى بقصيده كنت مألفها وموجوده ف مدونتى الخاصه

بتقول :

احلم ولو لمره ..دا اللى مايحلمش يموت
احلم ولو لمره ..لا العمربينا يفوت
احلم وحقق حلمك بس اوعى تكون هلفوت
دور على نفسك
ولما تلاقيها... معاك خليها
دور على طموحك
ولما تلاقيه ..اتمسك بيه
اكسر قيودك واتحرر دا اليوم عمرو مابيتكرر
انسى هموم الدنيا زى العصفور
وف السما طير وحارب الشرور
خليك مع الحق
اتكلم واقول لأ.. قولها باعلى صوت
قول للذل لأ .. انا بكرامتى اموت
انت فين من كل الدنيا
انت ضيعت كام ثانيه
انت نفسك وللا بتحاول تكون نفسك
انت انت وللا انت حد تانى؟
احسبها صح ..واوعى تكون انانى
كان لازم تعيشها ..مش حد تانى
مش حد تانى

يعنى هانحدد :

أهدافنا تجاه أنفسنا .. وعملنا ايه عشانها

الحمد لله ... انا خططت واخذت قرار معين ف شأن مستقبلى
كان قدامى طريقين واختارت واحد ... وعلى الرغم من انه طريق ملامحه
عكس التيار ... بس مستمر فيه .. عشان انا بحبه .. وعندى طموح وهدف انى
احقق حلمى ..... وباذن الله هوصل ... عشان انا حلمت وعشت جوه الحلم
وحولت جزء منه الى واقع .....

أهدافنا تجاه أهلنا " كأب وأم تعبوا معانا طول حياتنا ولسة بيتعبوا " .. وايه اللى عملناه عشان نحققها
دى فعلا عاوزه واقفه كويسه جدااا
اجتماعيا ... لازم اكون اهدى اكتر واحن اكتر .. واطيع اكتر
بس طبيا ....
ناوى بس اخلص خامسه ... وهعمل احلى شغل ف البيت
هظبط السكر والضغط .. ومتابعه دوريه ... وتنظيم ف الاكل للبيت
هعمل دكتور بقى ...( تحت ستار المصلحه العامه )
مثال : اللحمه مضره اذن اخدها انا عشان اكبر !!!!

أهدافنا تجاه مجتمعنا الصغير اللى اتربينا فيه .. وايه اللى ممكن نغيره للأفضل
صراحه .... انا مش متحمس لفكره المجتمع ... لانى بجد شفت قصص وعشت
تجارب وعرفت ناس ... وتأكدت انى عشان اكبر واكون ذو قيمه علميه لازم
اسيب المكان ده ..... وارجعلو بعد ما اتطور علميا
لان البيئه غير مناسبه لنمو مواهب وابداعات .. قتلتها الروتينيات !

أهدافنا تجاه بلدنا " مصر " .... وهل فعلا حاسين بمسئوليتنا عنها وعن أشكال الفساد فيها
واننا لازم يكون ليه دور فى الاصلاح والتغيير " ومش بنخاف نقول مجرد آرائنا "

الاحسن انى اصلح نفسى كويس ... واحاوى اكون متميز ف شغلى وافكارى
واسلوب حياتى ... وربنا يوفقنى لان لما اكون كدا المجتمع لازم يعاملنى كويس
عشان هو شافنى كويس .... واجبر اى حد على احترامه ليا

أهدافنا تجاه وطننا الأكبر " الوطن العربى والعالم الاسلامى " ... واحساسنا بالمسلمين المعذبين فى الأرض
ولا بنكتفى بالدعاء فقط !!
لما توصل لطموحك وتحقق اهدافك ... وتكون انسان مميز ..
اكيييد هتكون فخر بانك مسلم وموحد بالله ...

أهدافنا تجاه " ديننا " .. عملت ايه عشان دينك .. وعشان تعلى كلمتى الحق والدين
يعنى عملت ايه عشان " لا اله الا الله "

الجهاد فى سبيل الله ... بالعلم والعقل والتميز هو متطلبات العصر
لازم نثبت للغرب ان المسلمين فيهم عقول جديره بالاحترام

بس اوعوا تنسوا تقولوا عملتوا ايه عشان تحققوها



انا عملت فعلا . بس زى ماقلت .. الحياه حولينا مش بتدعم افكارنا وطموحنا
مفيش حل غير انك تعمل ف صمت وتحاول توصل لمكان يقدر افكارك
واوعى تستسلم او تدفن مواهبك ... صدقى ... دى نعمه ربنا ادهالك
وميزك بيها ... لو بترسم .. لو بتعزف .. لو بتمثل .. لو بتألف
لو بتكتب .. لو بتخترع .... اوعى تدفن ده ... عشان المجتمع
مش بيرعاك .. حاول تطور من نفسك
عشان بعد كدا .... هتكون بنيت نفسك صح ...

سلاااااااااااام
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
Away ..as i want
عضو سوبر
عضو سوبر


عدد الرسائل : 374
العمر : 25
الوظيفة : ?.?.?
تاريخ التسجيل : 01/07/2008

مُساهمةموضوع: رد: عندك هدف فى الحياة ؟.. عملت ايه عشان توصله ؟؟   السبت 26 سبتمبر 2009, 12:36 am

د / اعقلها وتوكل


مشكور جدا على الرد
أهداف سامية جدا وأفكار سديدة

وان شاء الله نطور الأفكار دى فى الموضوع

وبأذن الله هارد على أسئلتى .. بس لما أفرد لها متسع من الوقت


د / BARVE


قصيدة رائعة و الى الأمام

وربنا يوفقنا كلنا ونحقق كل أهدافنا ويتقبل منا

الرجوع الى أعلى الصفحة اذهب الى الأسفل
mrmr
عضو فعال
عضو فعال


عدد الرسائل : 258
العمر : 28
الوظيفة : طبيبه
تاريخ التسجيل : 25/09/2009

مُساهمةموضوع: رد: عندك هدف فى الحياة ؟.. عملت ايه عشان توصله ؟؟   الثلاثاء 29 سبتمبر 2009, 10:59 pm

عبادة الله وعمارة الأرض و تزكيه النفس اللهم اوزعنى ان اشكر نعمتك التى انعمت علي وعلي والدى وان اعمل صالحا ترضاه واصلح لي فى ذريتى انى تبت اليك وانى من المسلمين اللهم اجعلنى من الفالحين اللهم اجعلنى من الفرقة اليمين وورثه جنه النعيم


الرجوع الى أعلى الصفحة اذهب الى الأسفل
Dr_Elshenawy
عضو فضي
عضو فضي


عدد الرسائل : 588
العمر : 26
الوظيفة : _
تاريخ التسجيل : 11/07/2009

مُساهمةموضوع: رد: عندك هدف فى الحياة ؟.. عملت ايه عشان توصله ؟؟   الأربعاء 30 سبتمبر 2009, 12:49 am

موضوع جميل أوى

وربنا يوفق الجميع فى حياته والمهم ان الواح يحط قدامه أهداف فى حياته عشا ن يقدر يعيش

ولو بطلنا نحلم يبقى هنعيش ليه لان احنا بنعيش عشان نحلم ونحقق أحلمنا

ومعلشى أنا مش هكتب اهدافى او احلامى لانى بعتبرها نوع من الخصوصيات الى انا بس المفروض أعرفها

وشكرا على الموضوع لانه بجد موضوع رائع
الرجوع الى أعلى الصفحة اذهب الى الأسفل
H.S.S
فرسان الميديكال
فرسان الميديكال


عدد الرسائل : 3005
العمر : 37
محل الاقامة : ,
الوظيفة : ,
تاريخ التسجيل : 03/09/2008

مُساهمةموضوع: رد: عندك هدف فى الحياة ؟.. عملت ايه عشان توصله ؟؟   الخميس 01 أكتوبر 2009, 12:52 am

موضوع مهم اوى على فكره
فعلا الواحد لازم كل فتره يقعد مع نفسه و يحدد اهدافه
عشان الحياه من غير أهداف ملهاش لازمه
وربنا يوفقنا جميعا ان شاء الله
شكرا على الموضوع....
الرجوع الى أعلى الصفحة اذهب الى الأسفل
Away ..as i want
عضو سوبر
عضو سوبر


عدد الرسائل : 374
العمر : 25
الوظيفة : ?.?.?
تاريخ التسجيل : 01/07/2008

مُساهمةموضوع: رد: عندك هدف فى الحياة ؟.. عملت ايه عشان توصله ؟؟   الثلاثاء 06 أكتوبر 2009, 12:15 am

hana كتب:
عبادة الله وعمارة الأرض و تزكيه النفس اللهم اوزعنى ان اشكر نعمتك التى انعمت علي وعلي والدى وان اعمل صالحا ترضاه واصلح لي فى ذريتى انى تبت اليك وانى من المسلمين اللهم اجعلنى من الفالحين اللهم اجعلنى من الفرقة اليمين وورثه جنه النعيم



آآمييين
الرجوع الى أعلى الصفحة اذهب الى الأسفل
Away ..as i want
عضو سوبر
عضو سوبر


عدد الرسائل : 374
العمر : 25
الوظيفة : ?.?.?
تاريخ التسجيل : 01/07/2008

مُساهمةموضوع: رد: عندك هدف فى الحياة ؟.. عملت ايه عشان توصله ؟؟   الثلاثاء 06 أكتوبر 2009, 12:17 am

ابن النيل كتب:

ومعلشى أنا مش هكتب اهدافى او احلامى لانى بعتبرها نوع من الخصوصيات الى انا بس المفروض أعرفها




أكيد فيها شئ من الخصوصية

بس نرجع ونقول " وذكر فان الذكر الذكرى تنفع المؤمنين "
الرجوع الى أعلى الصفحة اذهب الى الأسفل
 
عندك هدف فى الحياة ؟.. عملت ايه عشان توصله ؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: