البوابةالرئيسيةس .و .جبحـثالتسجيلدخول





شاطر | 
 

 تعالو نفهم ...... ( معلومات طبيه )

اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6  الصفحة التالية
كاتب الموضوعرسالة
اريج الزهور
عضو مميز
عضو مميز
avatar

عدد الرسائل : 148
العمر : 28
الوظيفة : طالبه
تاريخ التسجيل : 07/01/2009

مُساهمةموضوع: رد: تعالو نفهم ...... ( معلومات طبيه )   الأحد 06 سبتمبر 2009, 8:37 pm

ممكناستفسار انا داخله رابعه ان شاء الله والتلت سنين اللي فاتوا مش فاكره معظم اللي خدناها فازاي الواحد يطلع من السنه ومينساش المعلومات خصوصا clinical
الرجوع الى أعلى الصفحة اذهب الى الأسفل
NEAT
عضو سوبر
عضو سوبر
avatar

عدد الرسائل : 464
العمر : 30
محل الاقامة : مصر
الوظيفة : طالب فى كليه طب
تاريخ التسجيل : 07/08/2009

مُساهمةموضوع: رد: تعالو نفهم ...... ( معلومات طبيه )   الأحد 06 سبتمبر 2009, 8:57 pm

مش تقلقى خالص ... معظمنا بيعانى من حاجه زى كدااا .. لان المشكله دايما بقول مش فينا والله
المشكله ف حاجات كتير من اهمها نظام التعليم واسلوب الشرح ( اى كلام ) ونظام يهدف الى تهيئه الطالب للامتحان فقط .... وبعد الامتحان ينتهى كل شىء وكمان اسلوب عرض المعلومات ف الكتب
مش بيخاطب العقول عشان تفكر ... مجرد كلام مقتبس ... وحشو كتييير ملوش علاقه بالواقع
انا الميزه الوحيده اللى اعترف بيها انى ادركت ده بدرى شويه ونظمت نفسى على المزاكره بطريقه
الاستفاده من الحاجات المهمه .. يعنى المعلومات اللى ليها علاقه بالتطبيق الاكلينكى والعيان ... بركز فيها اووى واحتفظ بيها لانى عارف انها هتنفعنى قدام ... والكلام الاكاديمى البحت ... مش بركز فيه .... بس ده عمللى مشكله .... خصوصا ف التقدير !!!!

بس فيه معلومه لذيذه ..... هى :
اولى وتانيه .... pacage على بعضيها
ثالثه .......... جزء منفرد لوحدو
رابعه ........ كذلك
خامسه وسادسه ..... Pacage

المواد عموما بتتكرر المعلومات فيها طول مانتى ف الكليه على مدار السنين
يعنى فيها حاجات كتيييييييير بتتكرر ..... ونرجع نفتكرها مره واتنين وتلاته
يعنى الجراحه مثلا عباره عن اناتومى + باثولوجى !!
الباطنه عباره عن فسيولوجى وتطبيق عملى ليه ....وليها صله بالباثولوجى..
الاطفال .... جزء كبير منها باطنه !
الولاده .... فيه جزء منها امبريولوجى ...
الخلاصه ... اننا بنلف على كل ده تانى .... مش تقلقى

المهم المرحله بتاع رابعه واخمسه وسادسه .... لان دوول هتحسى بقيمتك اكتر ك طبيبه
رابعه .. مجرد بدايه طريق ... يعنى هتتعلمى ازاى تقرى case وتحليها وتفكرى فيها
خامسه .... هتتعاملى مع الكيس دى ع الطبيعه !! وتشخصى ...
سادسه .... عالم جراحى
الامتياز ... تطبيق عملى على الباطنه والجراحه والنسا والاطفال ف المستشفى

هى كلها منطومه طبيه .... بس المشكله ف كيفيه ادارتها ووضع نظام يخدم غقول الاطباء
ويساعدهم ع التفكير والابداع ... مش مجرد كتابه كلمات فى ورقه تحدد المصير !!!

شوفى انت عاوزه ايه .... وحققيها .. محتاجه تتعلمى ايه ودورى عليه بنفسك
لان صعب تلاقى حد يقوللك دى هتفيدك ودى مهمه ليكى قدام !
هتلاقى المعظم بيزاكر عشان يجيب اعلى مجموع ...دون الاعتبار لاى شىء اخر

دول طريقين ... اختارى طريقك.... وحددى انت عاوزه ايه ... وربنا يوفقك
الرجوع الى أعلى الصفحة اذهب الى الأسفل
dr/lola
عضو مميز
عضو مميز
avatar

عدد الرسائل : 110
العمر : 27
الوظيفة : طالبة بالفرقة الثالثة
تاريخ التسجيل : 26/06/2009

مُساهمةموضوع: رد: تعالو نفهم ...... ( معلومات طبيه )   الأحد 06 سبتمبر 2009, 10:16 pm

جزاك الله خيرا
GO onTSK
الرجوع الى أعلى الصفحة اذهب الى الأسفل
Remaas
:: عضو مثقف ::
:: عضو مثقف ::
avatar

عدد الرسائل : 3452
العمر : 28
محل الاقامة : -
الوظيفة : -
تاريخ التسجيل : 30/07/2008

مُساهمةموضوع: رد: تعالو نفهم ...... ( معلومات طبيه )   الأحد 06 سبتمبر 2009, 11:54 pm

الموضوع رائع و متابعاه ان شاء الله ...
بس لي طلب ..
ممكن نوضح مثلا يعني العمليات باختصار مفيد ..
يعني حتى الواحد يبقى عنده عن أي عملية بعد كده ...
و خصوصا العمليات المنتشرة دلةقت كتير ...
زي تركيب الأنابيب على الأذن
و العمليات المختصة بأخذ عينة من داخل الجسم
و عمليات ازالة عضو زي الرحم مثلا ...
و عمليات تصحيح النظر ..

يعني الحاجات دي بنسمع عنها كتير فلو بس نوضح فقط فكرة بسيطة عنها يبقى كويس ..

و جزاكم الله كل الخير ..
الرجوع الى أعلى الصفحة اذهب الى الأسفل
NEAT
عضو سوبر
عضو سوبر
avatar

عدد الرسائل : 464
العمر : 30
محل الاقامة : مصر
الوظيفة : طالب فى كليه طب
تاريخ التسجيل : 07/08/2009

مُساهمةموضوع: رد: تعالو نفهم ...... ( معلومات طبيه )   الإثنين 07 سبتمبر 2009, 2:59 am

تخصص الجراحه .... عالم تانى خالص
اهم حاجه فيه الممارسه والميزه فيه انك معاك صنعه ف ايدك
يعنى ف اى حتى تشتغل وتكسب باديد ..
انما التخصصات التانيه ... ممكن مجرد كشف بسيط ...
وبس ! انما الجراحه ... مكسبك ف حرفتك
والاهم انك تتعلم على يد واحد محترف ...
يعنى مثلا لو اتعلمتى تخيطى الجرح على يد واحد مش كفائه
هتفضلى على طووول شغاله غلط ! لانك مش شوفتى الصح !
الجراحه ... فيها منها عامه .. ودى بتشتغلى ف حاجات عامه
زى الزايده والفتق والخراج وحا جات عامه ....مش محتاجه تخصص داخلى
وفيه جراحه متخصصه ف جزء معين ... زى جراحه القلب الاوعيه الدمويه
وجراحه المسالك ( دول بيكونو دكاتره المسالك ) وجراحه النسا
( دكاتره النسا بيعملوها زى القيصرى وكدااا )

والشغل بيكون بالمشرط .... بس تلاقى ف وسط العمليه معظم الشغل بيكون بال
diathermy
ودى مكوه كهربا بتكوى مكان النزيف اثناء العمليه وبنستخدمها كمان
ف القطع بدل المشرط لانها بتقطع دون نزيف !
(( امريكا بيستخدمو cryo ودى مكوه بالبروده !
يعنى درجات عاليه اوووى تحت الصفر وبتعمل نتيجه ممتازه ومش مؤلمه بعد العمليه ومن اشهر استخدامها استئصال اللوز )

وفيه شغل تانى اسمو laparoscopic
وده شغل المناظير
يعنى العمليه كلها تتعمل بالمنظار وبيقتح كذا فتحه ف البطن مثلا
( 3 فتحات .... او 4 مش فاكر اوى الصراحه Smile )
الفتحه الواحده بتكون صغير اووى مثلا نقول 1سم !
وواحده بيدخل منها المنظار اللى عباره عن انبوبه مجوفه بداخلها
مقص وواحده تانيه ماسك
وفتحه تانيه يدخل مصدر الضوء ملحق به كاميرا للرؤيه على شاشه تلفزوينيه ما فى الداخل
وكل ده والجو جوه محاط بغاز co2 عشان يوسع الفيلد ويكون واضح ومفيش حاجه مكلكعه او لزقه ويقلل الانفكشن..

المهم .. الشغل كللو ع الشاشه ... وممكن يستأصل وممكن يخيط كمان !
وف الاخر بيقفل الكام فتحه دوول وبس
بعكس العمليه المفتوحه ... اللى بيشق بالمشرط
والفيلد كللو مكشوف قدامه !
عشان كدا المنظار اغلى شويه ...
( فيه فرق بين laparoscopic
و endoscopic )

عاوز ين حد يتكرم بقى ويقوللنا الفرق
لانى بجد عاوز مشاركه فعاله ... Very Happy

الموضوع لذيذ فعلا.... بس عاوز ممارسه ..
يعنى ف الاول تتعلم الطهاره ... وتغير على خراج
ممكن تساعد ف ولاده طبيعيه ... تقفل جروح
تحضر عمليات كبيره كتيييير
حاجات ممكن تمارسها ف الامتياز ...

بالنسبه للعمليات ... ممكن نحكى فيها شويه
ونجيب روابط ع اليوتيوب ونشرح عليها

بس سورى مش دلوقت لان دادى اصدر فرمان بغلق الجهاز الساعه 2 ليلا
عشان انا مش بصحى الا العصر ! لانى بكتب كتييييييييييير
ومقضى وقتى ... ف الموضوع الحلو ده ...

_______________

اللهم اجعل هذا العمل خالصا لوجهك الكريم
الله طهرنا من الرياء ..
اميين يا رب العالمين

سلام عليكم
.
.
الرجوع الى أعلى الصفحة اذهب الى الأسفل
NEAT
عضو سوبر
عضو سوبر
avatar

عدد الرسائل : 464
العمر : 30
محل الاقامة : مصر
الوظيفة : طالب فى كليه طب
تاريخ التسجيل : 07/08/2009

مُساهمةموضوع: رد: تعالو نفهم ...... ( معلومات طبيه )   الإثنين 07 سبتمبر 2009, 3:56 pm

قبل مانتكلم ع العمليات .... خلونا نتكلم شويه عن حاجه مهمه ... اكيد معظمنا عارف معظمها
بس فيه حاجات ممكن نعرفها اكتر

عن الجروح ( نتيجه اصابه او بواسطه الجراح ... )

انا مش هتكلم ف الكلام اللى كلنا عارفينو ....

اولا : انا هدفى ايه من تقفيل الجرح ؟
... انى اقفلو كويس wound closure + اقلل bleeding + اقلل شكل ال scar + اقلل ال infection

طب ياترى هقفل الجرح كويس ازاى ؟

ممكن
بال sutures\stitches وفيه منها اللى بيمتص بيستخدم جوه .. زى ال cat gut
threads ودى اقدم نوع للخيوط الممتصه ... وفيه اللى مش بيمتص زى البرولين
ودى بره ... وفيه ممكن استخدم خيوط لا تمتص جوه .. لو عاوز اربط حاجه معينه .. ف القلب مثلا ! ( مش تيجى بعد مده وتفك مني !! )
____ اقدم حاجه موضوع الغرز ده ....ومازال حتى الان يستخدم .. ____


فيه ال staples او الدبابيس !
دى بتكون ف جهاز اكبر من الدباسه شويه .. وبيدبس زيها تمااااام
بنستخدمو ف الاماكن اللى الجلد فيها بيكون سميك زى فروه الرأسscalp
ومش بنستخدمها ف الوجه او ف الماكان السطحيه ف جسمنا لاننا عاوزين نبعد عن الاعصاب
وال tendons لانها بتخدل عميقه شويه ... وكمان بتسيب ندب واضحه شويه ....
والميزه فيها ان نسبه الانفكشن اقل لانها مصنوعه من ال stanless steel \tetanium
... و وكمان بتسمك كويس خااالص .. وبيتشال بعد اسبوع او 10 ايام بالكتير

__________________________


___________________________
فيه


كمان steri-strips ودى ماده لاصقه كدا زى البلاستر معقمه وبتمسك كويس
وبتتشال وتتحط بسهوله ومن غير بنج .... ودى ف الاماكن .. السطحيه اللى مش
فيها شد وجذب كتير
يعنى ممكن ف الصوابع ... بس من ضمن عيوبها انها مش
بتحب الاماكن الللى فيها عرق كتير زى كف الايد والابط وكدا... لانها ممكن
تفك ... بس هى عامه بنشيلها بعد اسبوعين
دا اذا مش وقعت لوحديها ... كمان نسبه تقفيلها للجرح مش حلوه زى ال الغرز .اللى بتلم احسن


_____________



احدث حاجه نازله ... هى ال liquid tissue glue
او ال tissue Glue
Indermil®



ودى ماده زى الصمغ تماااااااااام ... بتتحط ع حواف الجرح ..

الماده دى نلزت سنه 2003 تبع مجموعه مواد كيمائيه اسمها cyanoacrylates
وميزتها انها بتلزق كوييييييييييس جدا وبتمتص تدريجيا ومش بتسيب اسكار ولا انفكشن
ومش بتتأثر بالميه ( يعنى تاخد شاور بعديها بشويه لان الاخرين لازم تسيب
الجرح جاااف وبعيدا عن الماء لمده اسبوع او 10 ايام ... انما دى ممكن تاخد
دش عادى ) مقارنه بالاخرين..... واهم استخدامتها
ف عالم التجميل .... وخصوصا ف الوجه ( دليل على انها كويسه جداااا )
وممكن نستخدمها مع الاطفال اللى بيخافو من الغرز والدبابيس
ومشكلتها بتقتصر على مش مستحبه ف الاماكن اللى فيها عرق زايد او ف الاماكن اللى عليها شد كبير زى الركبه والكوع ...

كدا تمام .. طيب نحط ايه فوق الجرح المقفول ده ؟
لازم الاول يكون نضيف ومعقم وبنستخدم هنا ال betadine و
نحط شاشهGauze pads معقمه ( الافضل تكون بفازلين عشان مش تلزق ع الخيط بتاع الغرز )
وساعات بتكون شاشه مبطنه بقطنه .... و,ونربط ب ال pandage
وممكن نضيف مرهم مضاد حيوى ... ع الشاشه ..
المهم نيجى بقى لما بعد ذلك
طبعا المريض بياخد مضاد حيوى ومسكن
زى فلوموكس و بروفين ..
فيه حاجات لازم المريض يعرفها :
ممنوع الجرح يتعرض للميه لمده اسبوع ع الاقل ( لو جه ميه ينشف بسرعه )
ممنوع تحرك الجزء المصاب .ز عشان الجرح يلحم كويس ونقلل الاسكار
ممنوع التعرض للشمس عشان ممكن شكل الاسكار تبوط والجرح بيتأثر بالشمس اكتر
شوفو بياخد ادويه اسبرين او كورتيزون او اخواتهم اللى بيأثرو ف شكل الجرح
يعنى الاسبرين ممكن يعمل ورم اكتر ... والكورتيزون يفلل التحام الجرح وككداا
طبعا بناخد بالنا من العوامل اللى بتأثر ف ال Healing
Diabetis \ malnutrition\corticosteroids\heavy smoking

طيب امتى المريض ييجى ويكون فيه مشكله واحاول اصلحها
لو حرارتو عليت ل 38 فيما فووق
لو الجرح بقى احمرررر اوووى او وورم خالص او الوجه بقى لا يطاق (اما شادد ف الغرز اووى او خيطت ف عصب )

طيب الطبيعى ايه عشان نعرف ؟
الطبيعى
ان الجرح يكون سخن شويه واحمر شويه ومورم بسيط ( ده الطبيعى بتاع ال
healing عشان الدم يروح اكتر والانتبوديز وتتم عمليه الالتحام كويس )
وممكن ي ooze fliud بسيطه ... وهتلاقى دايما الجرح بياكلو وبيحب يهرش حواليه
كل ده طبيعى .......

_________________

طبعا مش كل اللى قولتلو ده هتلاقيه بحزافيرو .. احنا هنلاقى معظمو بس مش بيطبق كدا
لان الكلام حاجه والواقع حاجه تانيه ... لكن ف الاماكن النضيفه اووى وبلاد بره
بيطبقو اكتر من كدا .... بس احنا هنا بننجز ... ومفي حاجه Perfect
مش
دى قضيتى ... الميزه اننا نعرف كل الموجود وكل حاجه... والمتاح منه ايه بس
برضو نعرف ايه اللى مش موجود عشان لو قابلنا .. نكون عارفين
_____________________________________________
________________________________________



الرجوع الى أعلى الصفحة اذهب الى الأسفل
NEAT
عضو سوبر
عضو سوبر
avatar

عدد الرسائل : 464
العمر : 30
محل الاقامة : مصر
الوظيفة : طالب فى كليه طب
تاريخ التسجيل : 07/08/2009

مُساهمةموضوع: رد: تعالو نفهم ...... ( معلومات طبيه )   الإثنين 07 سبتمبر 2009, 5:14 pm

رمضان غير حياتك كتب:
الموضوع رائع و متابعاه ان شاء الله ...
بس لي طلب ..
ممكن نوضح مثلا يعني العمليات باختصار مفيد ..
يعني حتى الواحد يبقى عنده عن أي عملية بعد كده ...
و خصوصا العمليات المنتشرة دلةقت كتير ...
زي تركيب الأنابيب على الأذن
و العمليات المختصة بأخذ عينة من داخل الجسم
و عمليات ازالة عضو زي الرحم مثلا ...
و عمليات تصحيح النظر ..

يعني الحاجات دي بنسمع عنها كتير فلو بس نوضح فقط فكرة بسيطة عنها يبقى كويس ..

و جزاكم الله كل الخير ..


نحن دائما ف الخدعه ( الخدمه يعنى Very Happy)

دى فديوهات بس تحت اسم
bassik skills video
لانها اولى انها تتعرف الاول
وكمان شويه ممكن ندخل ع العمليات الكبيره
والمناظير و...و....
بس نشوف الاساسيات دى
عشان نتعلم حاجه لازم نتأسس كويس

basic skills video
______________________________________

Abscess Incision and Drainage






Download

** ** ** ** **

arthrocentesis of the knee



Download


** ** ** ** **
Arterial line placement




Download


** ** ** ** **

paracentesis




Download


** ** ** ** **

chest tube insertion



Download



** ** ** ** **

centeral venous catheterization





Download


** ** ** ** **

lumbar puncture



Download


** ** ** ** **


nasogastric tube insertion





Download


** ** ** ** **

orotracheal intubation



Download


** ** ** ** **

thoracocentesis



Download


** ** ** ** **

male urinary catheterization



Download

الفديوهات اللى مش عليها صوره شغاله برضو .....
الرجوع الى أعلى الصفحة اذهب الى الأسفل
Lamyaa
|مشرف|
|مشرف|
avatar

عدد الرسائل : 690
العمر : 28
محل الاقامة : ...
الوظيفة : ...
تاريخ التسجيل : 12/05/2008

مُساهمةموضوع: رد: تعالو نفهم ...... ( معلومات طبيه )   الإثنين 07 سبتمبر 2009, 6:13 pm

اقتباس :


عاوز ين حد يتكرم بقى ويقوللنا الفرق
لانى بجد عاوز مشاركه فعاله ...
Very Happy


بيتهيألي ان ال endoscopy منظار لل organs اللي
لها lumen
زي GIT و RESPIRATORY TRACT
URENARY TRACTS

و ال laproscopy
هو زي ال endoscopy بالظبط بس
بيتفتحله فتحة صغيرة في abdomen or thorax
عشان يشوفو الفراغات اللي جواها

أنا حضرت عملية laproscopy
استئصال للمرارة
ومفهمتش أي حاجة

بس كان عندي سؤال
هم لما يقطعوها جوا بال diathermy
بيطلعوها ازاي من الفتحة الصغيرة اللي هما عاملينها؟؟؟!!!!

_________________

الرجوع الى أعلى الصفحة اذهب الى الأسفل
MOHAMED Z
عضو سوبر
عضو سوبر
avatar

عدد الرسائل : 477
العمر : 28
محل الاقامة : ,,,,,,,,
الوظيفة : ////////
تاريخ التسجيل : 21/06/2008

مُساهمةموضوع: رد: تعالو نفهم ...... ( معلومات طبيه )   الإثنين 07 سبتمبر 2009, 7:15 pm

ALSOLTANA كتب:

بس كان عندي سؤال
هم لما يقطعوها جوا بال diathermy
بيطلعوها ازاي من الفتحة الصغيرة اللي هما عاملينها؟؟؟!!!!

علي فكرة عمليات المرارة في منها نوعين:
الاول عن طريق الليزر ودي اللي بيفتحوا فيها فتحة صغيرة وبعدين يدخلوا حاجة عاملة زي الشفاطة كدة بتسحب كل الحصوات اللي موجودة جوة المرارة.
اما النوع التاني اللي بيكون جراحي جراحي يعني بيكون فية فتح كبير شةية عشان استئصال المرارة نهائيا ودا غالبا بيكون في الحالات المزمنة اوي واللي بتكون مليانة حصوات كبيرة.
واللي يعيش ياما يشوف.....الحمد للة
الرجوع الى أعلى الصفحة اذهب الى الأسفل
NEAT
عضو سوبر
عضو سوبر
avatar

عدد الرسائل : 464
العمر : 30
محل الاقامة : مصر
الوظيفة : طالب فى كليه طب
تاريخ التسجيل : 07/08/2009

مُساهمةموضوع: رد: تعالو نفهم ...... ( معلومات طبيه )   الإثنين 07 سبتمبر 2009, 8:13 pm

ماشاء الله عليكو ... ايووون كدا اظهرو ... كنتو فيييييين من زمان Smile

هو انا لوحدى وللا ايه Very Happy .؟ لازم اعزم يعنى ؟؟ Very Happy

العموم... احب اضيف ..

لما يقطعو المراره جوه بيكون حجمها كبيير ومش مناسب لفتحه الخروج فبيشدوها كدا
لغايه فتحه الخروج ... وبعدين بيشيلو الحصوات اللى جواها
وبكدا تقل حجمها وتعدى من الفتحه الخارجيه ...


الرجوع الى أعلى الصفحة اذهب الى الأسفل
Lamyaa
|مشرف|
|مشرف|
avatar

عدد الرسائل : 690
العمر : 28
محل الاقامة : ...
الوظيفة : ...
تاريخ التسجيل : 12/05/2008

مُساهمةموضوع: رد: تعالو نفهم ...... ( معلومات طبيه )   الإثنين 07 سبتمبر 2009, 9:25 pm


شكرااااااااااااااااا يا دكاترة
المشكلة ان الواحد مش بيقدر يواصل لاخر العملية
وياريت يا دكتور لو فيه لينك لفيديو

coronary artery bypass graft

_________________

الرجوع الى أعلى الصفحة اذهب الى الأسفل
MOHAMED Z
عضو سوبر
عضو سوبر
avatar

عدد الرسائل : 477
العمر : 28
محل الاقامة : ,,,,,,,,
الوظيفة : ////////
تاريخ التسجيل : 21/06/2008

مُساهمةموضوع: رد: تعالو نفهم ...... ( معلومات طبيه )   الإثنين 07 سبتمبر 2009, 11:10 pm

ALSOLTANA كتب:

شكرااااااااااااااااا يا دكاترة
المشكلة ان الواحد مش بيقدر يواصل لاخر العملية
وياريت يا دكتور لو فيه لينك لفيديو

coronary artery bypass graft

http://www.cts.usc.edu/videos-mpeg-offpumpcoronaryarterybypassgrafting.html
http://www.healthcentral.com/cholesterol/videos-44022-47.html
https://www.youtube.com/watch?v=HYLNDuGsTEw
بصراحة اللينك التاني هو اللي حيوي اوي وجميل.
الرجوع الى أعلى الصفحة اذهب الى الأسفل
Lamyaa
|مشرف|
|مشرف|
avatar

عدد الرسائل : 690
العمر : 28
محل الاقامة : ...
الوظيفة : ...
تاريخ التسجيل : 12/05/2008

مُساهمةموضوع: رد: تعالو نفهم ...... ( معلومات طبيه )   الثلاثاء 08 سبتمبر 2009, 12:09 am


شكراااااااااا يا دكتور
بس الفيديوهات دي مقاطع صغيرة اوي

أنا بس مش متخيلة شويه حاجات ف العملية دي

يا ترى بيوقفوا القلب ولا لا؟
لو بيوقفوه ...الدم هيوصل للجسم ازاى
ولو لأ... هيشتغلو ازاي وهو عمال يتحرك كده


وال vein اللي بياخدو منه حته هيوصلوه تاني ازاي؟
لو موصلهوش وخلاص قفلوه على كده .... ال drainage هيتأثر
ولو حبو يوصلوه ... هيلاقوه قصير وتبقى مشكلة

وال graft دي بيركبوها ازاي في ال coronary arteries
بيخطوها بإيه
غرزه غرزه!!!!!!!!!
ولا فيه دباسة داير ما يدور؟؟ Very Happy

وبيخيطو العظم ازااااااااااااااي؟
بدباسه مصنوعة من ايه

معلش طولت عليكم

_________________

الرجوع الى أعلى الصفحة اذهب الى الأسفل
Away ..as i want
عضو سوبر
عضو سوبر
avatar

عدد الرسائل : 374
العمر : 27
الوظيفة : ?.?.?
تاريخ التسجيل : 01/07/2008

مُساهمةموضوع: رد: تعالو نفهم ...... ( معلومات طبيه )   الثلاثاء 08 سبتمبر 2009, 12:19 am

انا مش قريت من الأول بس هوا انتوا بتتكلموا عن عملية ال open heart

??

أصل انا شوفتها لايف وهى بتتعمل لبابا

وبعتبر دى ميزة نادرة يعنى Very Happy
الرجوع الى أعلى الصفحة اذهب الى الأسفل
NEAT
عضو سوبر
عضو سوبر
avatar

عدد الرسائل : 464
العمر : 30
محل الاقامة : مصر
الوظيفة : طالب فى كليه طب
تاريخ التسجيل : 07/08/2009

مُساهمةموضوع: رد: تعالو نفهم ...... ( معلومات طبيه )   الثلاثاء 08 سبتمبر 2009, 2:06 am

انا مش كنت عاوز ادخل ع العمليات الكبرى على طوول كدا
انا عارف انكم متحمسين ....
براحتكو ... انتم حرين بقى ..

بالنسبه لعمليه القلب المفتوح ..
open heart surgery
كلمه اوبن دى تشير لفتح الصدر chest
وليس للقلب ...

بس مش معنى كدا ان فيه عمليات تتطلب فعلا فتح للقلب ...زى تغيير الصمامات

انتو عارفين ليه بيحبو يوقفو القلب اثناء العمليه ؟
( انا بتكلم على تغيير الكرورنايرز )
لان القلب بيتحرك على طوول systole\diastole ومش بيعرفو يشتغلو !!!
ودى اسمها on pump
يعنى الجسم شغال ع الهرت لنج ماشين والقلب واقف
ده زمان ... وكان الفضل يرجع
ل جهاز الهرت لنج ماشين اللى بيقوم بدور القلب والرئه معا
لامداد الجسم بالدم
يعنى خرطوم بيتوصل من SVC\IVC
وياخد الدم الورديدى ويورح ع الجهاز اللى بينقيه ويأكسدو
ويضخه ف انبوبه تانيه ويتوصل بفتحه صغيره للاورطا
( خللى بالك الكروروناريز واخده من الرووت بتاع الاورطا )
وفوق الرووت بشويه بنعمل كلبسه C-shaped ونقفل الاورطا
ونوصل الجزء ال distal المغلق ده بالخرطوم بتاع الجهاز
يعنى الكلبس فاصل بين الهارت والكوروناريز من ناحيه وبين باقى الاورطا والخرطوم المتوصل بيه ع heart\lung machine
********
دلوقت فيه جهاز الاكتوبس

وده مثبت للمكان اللى هيشتغلو فيه .. وكدا تغلبنا على مشكله الحركه
يعنى ممكن تتعمل العمليه والقلب شغال وبينبض وف مكانو !
المكان القائم فيه العمليه مثبت ولا يتحرك الا بسيط جدا
والثبات ده عشان نعرف نخيط الجرافت كويس ..
لان ده شغل دقيق اووى ومحتاج ثبات



طيب قبل كل ده بكون واخد الجرافت
باخد بقى الشرايين او الاورده من الامكان الاخر من الجسم
عشان انقلها واعمل مجرد وصله او قنطره اعدى بيها قطعه الكرونارى المسدوده ؟
طب اخد منين.؟
عندك 3
internal mammary artery
radial artery
saphenous vein

خللى بالك لو اخدنا الفين مفيش مشاكل
على الرغم من ان ال elasticity
مختلفه عن الشريان لاختلاف انواع الطبقات
لان الفين بعد كدا هتحصللو عمليه
artelization
يعنى هيبقى زى مواصفات الشريان
لان الضغط عليه هيكون اعلى ..

المهم
هناخد الجرافت دى ونوصلها بالاورجن من بدايه الاروطا
الى منطقه مابعد الانسداد

كل ده القلب محطوط عليه المثبت ده اثناء حركتوو

*****
فيه نوعين من الفتحه الخارجيه ف بدايه العمليه..
واحده ف البرست بوون breast bone
=sternum
ودى بتكون بمنشار كهربا ... ونحط retractor
ونشتغل
انما الافضل هى
minimal invasive bypass surgery
ومن وفيها بنفتح قتحات صغير حوالين البرست كدا
وممكن نستخدم تقنيه الروبوت ...
Minimally Invasive Robot-Assisted Heart Surgery

ودى مطبقه ف امريكا
روبوت متحكم فيه بالجرح ... زى نظام الاندوسكوب كدا
الموضوع كبييير اووى

انا كنت محتاج وقت اكتر عشان نشرح الاساسيات
ف الجراحه بس انتو استعجلتو وتشعبتو ف الموضوع
اتمنى اننا كنا نبدأ
واحده واحده
عشان نكون على اساس كويس
____________

ALSOLTANA كتب:


أنا بس مش متخيلة شويه حاجات ف العملية دي

يا ترى بيوقفوا القلب ولا لا؟
احنا قولنا فيه ناس بيوقفو وناس لأ بس حاليا مش بيوقفو ..
لو بيوقفوه ...الدم هيوصل للجسم ازاى
الهارت لنج ماشين ولو مش واقف برضو الهارت لنج ماشين
ولو لأ... هيشتغلو ازاي وهو عمال يتحرك كده
باله اسمها الاوكتبس octopus



وال vein اللي بياخدو منه حته هيوصلوه تاني ازاي؟
بيتخيط عااادى خالص ... جراحه الاوعيه الدمويه
بيخيطو الشرايين بالمكرسكوب !
لو موصلهوش وخلاص قفلوه على كده .... ال drainage هيتأثر
لأ مش اووى بس ممكن يعمل شويه اديما خفاف مكان المكان
بس غالبا مش بيأثر لان الاهم الشريان اكثر من الوريد !
ولو حبو يوصلوه ... هيلاقوه قصير وتبقى مشكلة
هما عارفين هما بياخدو قد ايه والعمليه محسوبه
ومعلوفه وعموما بياخدو الفين او الارترى سب الحاجه يعنى ممكن ناخد اكتر من واحد
لان فيه مشكله ف اكتر من كورونارى
وعلى حسب كام واحد هاخدو بسمى العمليه:
single bypass
double bypass,
triple bypass,
quadruple bypass
quintuple bypass

يعنى مثلا لو left coronary
مصاب هختار انهى نوع ؟
هنحتار
double bypass
عشان هستبدل ال
Left anterior desending\LAD= anterior inter-ventricular
وهستبدل معاه LCX = left cricumflex

وال graft دي بيركبوها ازاي في ال coronary arteries
بيخطوها بإيه
غرزه غرزه!!!!!!!!!
ايوه غرسه غرسه ...
بالمكرسكوب .. امال جراحه الاوعيه الدمويه قائمه على ايه ...؟؟؟؟

ولا فيه دباسة داير ما يدور؟؟ Very Happy
لألألألأ

وبيخيطو العظم ازااااااااااااااي؟
بدباسه مصنوعة من ايه
دا سلك بيثبتوووه جامد جدااا وشاش بيتربط كويس اووى ودعامه محترمه

معلش طولت عليكم
انا اللى طولت Very Happy

الرجوع الى أعلى الصفحة اذهب الى الأسفل
Lamyaa
|مشرف|
|مشرف|
avatar

عدد الرسائل : 690
العمر : 28
محل الاقامة : ...
الوظيفة : ...
تاريخ التسجيل : 12/05/2008

مُساهمةموضوع: رد: تعالو نفهم ...... ( معلومات طبيه )   الثلاثاء 08 سبتمبر 2009, 1:31 pm

شكرااااااااااااااا يا دكتور

اقتباس :


وال vein اللي بياخدو منه حته هيوصلوه تاني ازاي؟



أنا كان قصدي... لو خدو حتة من ال saphenous vein
هيوصلو طرفيه تاني ازاي
وهو أكيد بقى أقصر من الأول؟؟

اقتباس :


انا كنت محتاج وقت اكتر عشان نشرح الاساسيات
ف الجراحه بس انتو استعجلتو وتشعبتو ف الموضوع
اتمنى اننا كنا نبدأ
واحده واحده
عشان نكون على اساس كويس



ok
متابعة مع حضرتك


_________________

الرجوع الى أعلى الصفحة اذهب الى الأسفل
NEAT
عضو سوبر
عضو سوبر
avatar

عدد الرسائل : 464
العمر : 30
محل الاقامة : مصر
الوظيفة : طالب فى كليه طب
تاريخ التسجيل : 07/08/2009

مُساهمةموضوع: رد: تعالو نفهم ...... ( معلومات طبيه )   الثلاثاء 08 سبتمبر 2009, 2:46 pm



مش تاخدو على خاطركو
انا بس كنت كنت عاوز
اوضح ان فيه
preoperative care
ودى بنهىء لبمريض جسديا ونفسيا لللعمليه وتحليلات واشعه وكدا
post operative care
ودى برضو مهمه جدا .. ومش بتقل خطوره عن العمليه نفسها
من متابعه المريض وملاحظتو حتى الشفاء

دا غير ما يحدث
intr-aoperative

عموما هى مش مهمه ... خلونا نكمل االلى كنا فيه
كنا بنقول ايه .


اه,,, عاوزين بقى كل واحد بيحي يشارك

يعملنا موضوع حلو ومفيد زى مابعمل كدا
وكلنا نشارك ونضيف فيه ونسأل فيه ... لغايه مانفهمو كويس
ونقول ال clinical المتصل بيه .. زى موضوع الكبد اللى اتكلمت عنه كدا
وموضوع القلب المفتوح اللى اتناقشنا فيه
ياللا حد يختار لنا موضوع ...
بس يكون مهم كدا وحيوى ... يعنى يكون ليه الاولويه ..

الرجوع الى أعلى الصفحة اذهب الى الأسفل
MOHAMED Z
عضو سوبر
عضو سوبر
avatar

عدد الرسائل : 477
العمر : 28
محل الاقامة : ,,,,,,,,
الوظيفة : ////////
تاريخ التسجيل : 21/06/2008

مُساهمةموضوع: رد: تعالو نفهم ...... ( معلومات طبيه )   الثلاثاء 08 سبتمبر 2009, 5:03 pm

السلام عليكم
ياريت نتكلم في موضوع Diabetes Mellitus
ويا سلام لو نركز علي الجديد في الموضوع دة.
الرجوع الى أعلى الصفحة اذهب الى الأسفل
Dr,Gwyly
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 6951
العمر : 28
الوظيفة : Dr,Gwyly
تاريخ التسجيل : 20/08/2008

مُساهمةموضوع: رد: تعالو نفهم ...... ( معلومات طبيه )   الثلاثاء 08 سبتمبر 2009, 9:33 pm



و الفيديوهات دى تحفة ............... ميرسى كتير

وياريت اى موضوع تتكلموا عنه يبقى مصحوب بفيديو ...
الرجوع الى أعلى الصفحة اذهب الى الأسفل
NEAT
عضو سوبر
عضو سوبر
avatar

عدد الرسائل : 464
العمر : 30
محل الاقامة : مصر
الوظيفة : طالب فى كليه طب
تاريخ التسجيل : 07/08/2009

مُساهمةموضوع: رد: تعالو نفهم ...... ( معلومات طبيه )   الثلاثاء 08 سبتمبر 2009, 10:05 pm


مفيناش من فرجه وبس
احنا عاوزين مشاركه ... وفعاله كمان

وتشجيع كمان !


موضوع السكر جميل ... وفيه كلام كتير
بس الصراحه لازم هيتقال فيه جرعه الانسولين
ودى انا مش ملم بيها اووى لانها مش سهله وخصوصا الاسكيمه الحديثه
لجرعات الانسولين ...
اتمنى انى الم بيها ف الباطنه السنه الجايه
عشان كدا بهرب من السؤال ده


سورى ... انا اتعلمت ان فيه حاجات لازم اعترف بعدم المامى بها كويس
وده مش عيب ... لانى بجد عاوز افيد غيرى باقصى درجه
ممكن اكتب كلمتين عن السكر لمجرد سد خانه
بس مش بحب كدا
عارف وفاهم ... هقول
مش عارف اهرب بشياكه ...

لانك بعد كدا ... ارواح ناس تعتمد على علمك وشطارتك

ياللا ... هاتولنا حاجه كدا غير السكر او حد يعمل الموضوع
مش عندى مانع ...





الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3845
العمر : 30
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: تعالو نفهم ...... ( معلومات طبيه )   الأربعاء 09 سبتمبر 2009, 8:27 am

فين المشاركه ؟؟؟ انا قولت الدكاتره هيخللو الموضوع مباحثات ومناقشات ...

ويكون محور التقاء العقول ؟؟
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
الفقيرة (عودة غير محددة )
عضو فضي
عضو فضي
avatar

عدد الرسائل : 565
العمر : 27
محل الاقامة : cairo
الوظيفة : وأفوض أمري الي الله
تاريخ التسجيل : 14/01/2009

مُساهمةموضوع: رد: تعالو نفهم ...... ( معلومات طبيه )   الأربعاء 09 سبتمبر 2009, 12:33 pm


كيفية الاكتشاف المبكر لألتهاب للذائدة الدودية .






الزائدة الدودية او APPENDIX



*************************



اجمع بعض العلماء انها كانت مفيدة في السابق لهضم الالياف والبذور
وبعد اكتشاف الطهو لم يعد لها فائدة
واجمع فريق اخر وارى انه اصاب الصحيح انها تحتوي على بكتريا مفيدة تساعد على الهضم





ولكن ماذا لو شعراحد بمغص ليلاً كيف يعرف
أهو عسر هضم أم التهاب حاد بالذائدة الدودية ؟؟؟





الاجابة
==




تنبية:احذر اذا شعر احد بألم في الجانب الايمن من الجسم تحت البطن
ان تعطي له ملينات او مسهلات لعسر الهضم . فهذا لن يساعده بل سيعجل بالوقت .
اذا كان مصاب بالتهاب الذائدة الدودية
==







1- المريض يشعر بألم في السرة ينتقل لاسفل حتى العلامة الموضحة بالصورة .

2- قد يكون للالم صدى في الجانب الايسر .


3_ اذا قمت بالضغط على مكان الالم يشعر المريض ان الالم , زال او خف , واذا رفعت يدك مرة واحدة سيصرخ الماً .


4- امسك بقدم المريض اليمنى واثنها في اتجاه صدره. بالضبط كتمرين ثني القدم .
فعندنا يضم المريض قدمه الي صدره سيشعر براحه و عندما تبعدها سيشعر بألم .


5- قد يصاحب ذلك غثيان وقىء . فقدان شهية . امساك . اسهال . انتفاخ وعدم القدرة على اخراج الغازات . وارتفاع طفيف في درجة حرارة الجسم.



اذا شككت بان الاعراض متطابقة على المريض فعليك مراجعة الطبيب فورا واجراء تحليل دم . فاذا كانت كرات الدم البيضاء عددها كبير اذا احتمال اصابة وكذلك بول لنفي الاصابة بالحصوات .
كذلك اشعة
x ray , ultrasound





ربما تتشابه اعرض الزائدة احياناً مع هذه الحالات .
حصوة في الكلى -جنين خارج الرحم . تكيسات المبيض.

ايه رأيكم نتكلم عن apenditis
احنا اتكلمنا ازاى نعرف وجود التهاب في الزائدة ام لا
نتكلم بقى عن الاعراض والتدخل الجراحي
الرجوع الى أعلى الصفحة اذهب الى الأسفل
الفقيرة (عودة غير محددة )
عضو فضي
عضو فضي
avatar

عدد الرسائل : 565
العمر : 27
محل الاقامة : cairo
الوظيفة : وأفوض أمري الي الله
تاريخ التسجيل : 14/01/2009

مُساهمةموضوع: رد: تعالو نفهم ...... ( معلومات طبيه )   الأربعاء 09 سبتمبر 2009, 12:41 pm


مفيش حد يعرف حتى اليوم على وجه الدقة جدوى وجود الزائدة الدودية Appendix في البطن، كجزء من أمعاء الإنسان. ولكن الي نعرفه بشكل يقيني أنها قد تكون مصدراً للمتاعب الصحية لدى كثير من الناس عند حصول الالتهاب فيها.طب نعرف ايه هى الزائدة الدودية

الزائدة الدودية عبارة عن أنبوب صغير أجوف، وغالباً بطول اصبع الخنصر في اليد. وتخرج من الجزء الأول للقولون، أي من المُصران الأعور.
وبالرغم من أن أي إنسان عُرضة للإصابة المفاجئة بالزائدة الدودية، إلا أن صغار السن، من هم بين سن العاشرة وسن الثلاثين من العمر، هم الأكثر معاناة منها. ولا توجد حتى اليوم وسيلة لمعالجة التهاب الزائدة الدودية سوى الاستئصال من خلال العملية الجراحية.
ألم الزائدة طب أوك ازاى اعرف ان المريض ده عنده التهاب فيها
أهم أعراض حصول التهاب الزائدة الدودية Appendicitis :

هو ألم البطن. وهذا الألم هو المُنبه الأول لاحتمال وجود التهاب في الزائدة الدودية. وهناك عدة نقاط من المهم إدراكها حول ألم الزائدة الدودية، وهي:
- مرور الوقت والألم: منذ بداية ظهوره، هناك تغيرات تطرأ على مكان الشعور بألم التهاب الزائدة الدودية. ويبدو لنا أن ذلك بفعل تأثير عامل مرور الوقت. وفي الحالات النموذجية الشائعة، تبدأ المشكلة بالشعور بألم في المنطقة المُحيطة بالسرة.
ثم مع مرور الساعات، ينتقل ذلك الألم، إلى منطقة الزاويتين اليُمنى والسفلى للبطن. أي أنه يبدأ بألم عام في وسط البطن، ويتحول نحو منطقة الزائدة الدودية نفسها الموجودة في أسفل الجهة اليُمنى من البطن. ومن المهم إدراك هذا الوصف لألم التهاب الزائدة الدودية، لأن الطبيب يعتمد عليه عند الابتداء بالاشتباه في حصول التهاب فيها.
- نوعية الألم: عندما يبدأ الألم، يكون الشعور به كألم عام وعادي في المنطقة المحيطة بالسرّة. والسبب في خفة شدة الألم ومكان الشعور به في ما حول السرة، أن الالتهاب يبدأ في أنسجة الزائدة الدودية نفسها. وبعد ذلك، أي حينما ينتشر الألم إلى أنسجة البطن المُحيطة بالزائدة الدودية، يصبح الألم أكثر حدة وأكثر شدة. وفي هذه المرحلة لقوة الألم يتركز الإحساس بالألم في الجهتين اليمنى والسفلى من البطن

.
الرجوع الى أعلى الصفحة اذهب الى الأسفل
الفقيرة (عودة غير محددة )
عضو فضي
عضو فضي
avatar

عدد الرسائل : 565
العمر : 27
محل الاقامة : cairo
الوظيفة : وأفوض أمري الي الله
تاريخ التسجيل : 14/01/2009

مُساهمةموضوع: رد: تعالو نفهم ...... ( معلومات طبيه )   الأربعاء 09 سبتمبر 2009, 12:51 pm


مع مرور مزيد من الوقت، يتلاشى الشعور بالألم الحاد والشديد، نتيجة لاستمرار انتشار الالتهاب في الزائدة الدودية وفي ما حولها من أنسجة وتفاعل الجهاز العصبي معه.
طب في ناس بتحس بأعؤاض وناس لاء ازاى ؟؟
- الاختلافات بين الناس: الزائدة الدودية، بخلاف غالبية أعضاء الجسم، لا تُوجد لدى كل الناس في نفس المكان وبنفس الحجم. لذا فليس كل حالات التهاب الزائدة الدودية تظهر بالصفة النموذجية، المُتقدمة الذكر، للألم، خاصة لدى الأطفال أو صغار البالغين أو الحوامل. ومثلاً لدى الحوامل، تكون الزائدة الدودية منحرفة عن موضعها الطبيعي، بفعل وجود الرحم المتضخم الحجم. وعليه ربما يكون الألم لدى الحامل في المنطقة العليا اليُمنى من البطن. أي أقرب إلى موضع المرارة والكبد. :::::::::::::::::::::::::::::

حاجة مهمة بقي لازم نعرفها ايه هى ؟
- تأثر الألم
: ويتأثر ألم الزائدة الدودية بعدة عوامل. منها أن الضغط الخفيف على منطقة الألم يزيد منه. وأن السعال أو المشي يزيدان من الألم. وأن النوم على أحد الجانبين مع ثني الركبتين نحو البطن يُخفف من الألم.
أعراض أخرى :
وبالإضافة للألم، هناك أعراض أخرى ربما تظهر على المُصاب بالزائدة الدودية وهي:
- غثيان أو قيء.
- فقدان الشهية للأكل.
- ارتفاع طفيف في حرارة الجسم.
- إمساك.
- إسهال.
- عدم القدرة على إخراج غازات البطن.
- انتفاخ البطن.

طب احنا عرفنا الاعراض عايزين نعرف بقى ايه سبب الالتهاب ده بيحصل ازاى ؟
أسباب الالتهاب:
في غالبية حالات التهاب الزائدة الدودية لا يستطيع الطبيب التعرف الى السبب الذي أدى إلى تلك المشكلة. ولكن بعموميات ما تذكره المصادر الطبية، فإن أسباب التهاب هذا الجزء من القناة الهضمية تشمل:
1- وجود سد. ولأن الزائدة الدودية أنبوب له فتحة واحدة، فإن من خلالها فقط تصب كل الإفرازات المتجمعة في الزائدة الدودية أو ما يدخل إليها من المصران الأعور. وهذه الفتحة الوحيدة قابلة للسد. وما يُمكن أن يسدها هو بعض القطع الصلبة الصغيرة من البراز. وكما يقول صراحة الباحثون من جامعة هارفارد، فان التهاب الزائدة الدودية أكثر شيوعاً في حالات الإمساك المُزمن. وحينما يُسد مخرج تجويف الزائدة الدودية، تحتبس الإفرازات والفضلات فيه. وبالتالي ينشأ الالتهاب.
2- وصول ميكروب. ويُمكن للميكروبات أن تصل إلى الزائدة الدودية مباشرة عن طريق ما تتلوث الأمعاء به منها. أو أن تصل إليها بشكل غير مباشر عن طريق الدم أو الأنسجة المُحيطة بالزائدة.
وفي كل من الحالتين، تتكاثر البكتيريا سريعاً في أنسجة الزائدة الدودية، وتخترق طبقاتها بالالتهابات. وهو ما يُؤدي إلى تكون الصديد في مجراها وأنسجتها، وإلى تهتك جدارها. وإذا لم تتم معالجتها، بالاستئصال الجراحي، تحصل حالة انفجار الزائدة الدودية.
فحوصات وتشخيص ::
يجب تذكر أن هناك عدة أسباب للإحساس بألم في البطن. والحالات الصحية التي قد تتسبب بألم مُشابه لما يحصل في التهاب الزائدة الدودية تشمل: الحمل خارج الرحم، وتهتك أو وجود كيس في المبيض الأيمن، ووجود حصاة في الحالب الأيمن، او كأحد أعراض مرض كرون في الأمعاء.

زى ما قلنا قبل كدة أوك في حاجة بقي لازم ناخد بالنا منها .
يجب تذكّر أن الألم في التهاب الزائدة الدودية يختلف مع مرور الساعات. وأن الناس يختلفون في الأعراض التي تبدو عليهم حال التهاب الزائدة الدودية. ولذا فإن تأكد الطبيب بشكل يقيني من تشخيص وجود التهاب في الزائدة الدودية، أو نفي وجود ذلك، هو مما يصعب في كثير من الحالات، خاصة لدى الأطفال أو الشابات أو الحوامل.
وللمساعدة على التشخيص الطبي، يسأل الطبيب عن الألم من جوانب عدة. مثل نوعيته وموقعه عند بدء ظهوره، وأي تغيرات طرأت عليه. والأعراض المُصاحبة له. ويقوم الطبيب بفحص بطن المريض عبر الضغط الخفيف على المنطقة التي يُحس المريض فيها بالألم، خاصة عبر «الضغط ثم الرفع السريع» بيد الطبيب. وفي حالات التهابات الزائدة الدودية يُحس المريض بألم أشد حال رفع الطبيب يده بسرعة عن المنطقة التي يضغط عليها.
كما يُحاول الطبيب التأكد من عدم وجود قساوة في جدار البطن نتيجة لتصلب وشد عضلات البطن Guarding. وهذا يحصل حينما يكون ثمة انتشار للالتهاب إلى غشاء الصفاق المُبطن لجدار البطن في منطقة وجود الزائدة الدودية.

طب قبل ما اقول هنعمل عملية أطلب ايه من المريض؟؟
يطلب الطبيب مجموعة من الفحوصات الأولية للمساعدة على التشخيص وللتهيئة للعملية الجراحية المحتملة حال ثبوت وجود التهاب في الزائدة الدودية. وذلك مثل تحليل الدم لمعرفة تعداد كريات الدم البيضاء، التي يعتبر ارتفاعها أحد مؤشرات وجود التهاب ميكروبي في الجسم.
وإجراء تحليل للبول، للتأكد من عدم وجود التهابات فيه أو وجود مؤشرات على وجود حصاة عالقة في أحد مجاري البول من الكلى إلى المثانة. وقد يلجأ بعض الأطباء إلى إجراء تصوير لمنطقة الزائدة الدودية باستخدام تقنية الأشعة فوق الصوتية Ultrasound scan. والبعض قد يطلب صورة بالأشعة المقطعية بالكومبيوتر CT scan.
والهدف من هذين الفحصين بالأشعة، هو الكشف عن وجود مظاهر التهاب الزائدة الدودية نفسها، خاصة بالأشعة المقطعية. أو التأكد بالأشعة ما فوق الصوتية، من عدم وجود أسباب مرضية للألم في أعضاء أخرى من البطن أو الحوض. مثل وجود كيس مبيضي أو الحمل خارج الرحم.



الرجوع الى أعلى الصفحة اذهب الى الأسفل
الفقيرة (عودة غير محددة )
عضو فضي
عضو فضي
avatar

عدد الرسائل : 565
العمر : 27
محل الاقامة : cairo
الوظيفة : وأفوض أمري الي الله
تاريخ التسجيل : 14/01/2009

مُساهمةموضوع: رد: تعالو نفهم ...... ( معلومات طبيه )   الأربعاء 09 سبتمبر 2009, 1:01 pm


يلا ياااعم داخل غرفة العمليات ركبنا الكانيولا ودخل سلم علي الطبيب
والممرضات طلعوه علي الترولى يجى دكتور التخدير ويطمن المريض
بسم الله هيعمل ايه الدكتور
هينيم المريض بمخدر
خلال تنويم المريض واختفاء الالم شق صغير في الجهه السفلى اليمني يسمي MCBURNY INCICION
هيفتح الدكتور حوالى 7 سم في الجزء الاسفل من الجهة اليمنى
وبعدييييييين

يتم ازاحة العضلات البطنيه تظهر الزايده يقوم الطبيب بازاحت الزائده عن جدار السيكم ويستخدم ادوات معينه مثلا (الباب كوك والارتري فور سبس نوع من الخيوط يسمى ديكسووون)يعمل لقاعده الزائده clampثم يقوم بأزالتها بل المشرط


تجرى من خلال فتحة على الجهة السفلية اليمنى للبطن بطول لا يقل تقريبا عن 7 سم وتوضح الصورة التالية آثار الجراحة بعد عملية مفتوحة لاستئصال الزائدة الدودية :



عندما تكووون الزائده في حاله التهاب شديد وانفجرت في بطن المريض لابد من عمل غسيل لبطن المريض وربما الطبيب يضع drain او يترك جزء من الجلد مفتوح حتى يسمح للالتهاب بالزوال تدريجيا.
بس استنى يااا دكتور قبل ما تعمل غسيل نادى علي حد من أهل المريض الي واقفين خارج غرفة العمليات

طب ليه عشان يجى ويشوف الانفجار وعشان لو حصل اى مضاعفات بعد العملية
يبقي اهل المريض عارفين وانت مش مسئول


الرجوع الى أعلى الصفحة اذهب الى الأسفل
 
تعالو نفهم ...... ( معلومات طبيه )
الرجوع الى أعلى الصفحة 
صفحة 3 من اصل 6انتقل الى الصفحة : الصفحة السابقة  1, 2, 3, 4, 5, 6  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums ::   :: المنتدي الطبي العام-
انتقل الى: