البوابةالرئيسيةس .و .جبحـثالتسجيلدخول





شاطر | 
 

 حمــلة ... ((هنتغيـــر بجـــد ))! ! تابعوووووووووونا

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
هذه هي حياتي هذا هو ديني
عضو فضي
عضو فضي


عدد الرسائل : 683
العمر : 28
الوظيفة : DoCtOr
تاريخ التسجيل : 11/09/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   السبت 05 سبتمبر 2009, 1:04 am


الحلقة السادسة

السلام عليكم ورحمة الله و بركاته


+عامل ايه ؟
=تمام
= هنتكلم عن ايه دلوقتى


+حلقه مهمه جدا
يمكن اتكلمنا عليها قبل كده
بس فى موضوع تانى
=يعنى عن ايه ؟


+عن الصلاه
=بس بقولك ايه..

+اتفضل
=انا عارف حاجات كتيير عن الصلاه
ولكن ....مش عارف
اهم عمود فى الدين
عارف ابنيه ازاى
ولكن مش عارف ابنيه
..مش عارف..

+طيب ايه رأيك
نبنى العمود ده مع بعض
وكمان نبنيه صح وعمره ما يتكسر
ابدا وبرضه تبنى العمود لكل اللى بتحبهم
يعنى تضمن الجنه ليك ولكل اللى حوليك
=بجد ولا بتهزر

+انا عمرى هزرت معاك فى الدين
=لا بس اتفضل كمل

+انت عارف ان ال...
=استنى ..

+فيه ايه ؟
=قول كل اللى عاوزه فى الحلقه

+ماشى
__مونتاج__
3..2..1..
+السلام عليكم
=وعليكم السلام

+عامل ايه
=تمام الحمد لله
ابدأ ..وانجز

+الناس شايفانه اسكت خالص
=حاضر اتفضل.. متأسف

+حلقه النهارده عن الصلاه
+طبعا سيادتك عارف قيمه الصلاة
ولكن فى البدايه ممكن اسأل سؤال
=اتفضل

+انت مابتصليش ليه ؟
=.......
لان ..
بصراحه
انا مش عارف ليه


+اقولك انا
+شوشو بيلعب دوره صح
=مين شوشو ده

+الشيطان
=اه

+ازاى بيلعب دوره
ابعدك خالص عن ربك
وخلى بالك ان ربك حذرك من ده
=ازاى
+قال لك الكريم
(ولا تتبعوا خطوات الشيطان )
ولم يقل لك
(ولا تتبعوا الشيطان )
=وايه الفرق


عدل سابقا من قبل AL-MARIAMIA في الإثنين 07 سبتمبر 2009, 11:39 am عدل 2 مرات
الرجوع الى أعلى الصفحة اذهب الى الأسفل
هذه هي حياتي هذا هو ديني
عضو فضي
عضو فضي


عدد الرسائل : 683
العمر : 28
الوظيفة : DoCtOr
تاريخ التسجيل : 11/09/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   السبت 05 سبتمبر 2009, 1:05 am



+الفرق ان ابليس
عارف انك مسلم
استحاله يجى لك مرة واحدة ويقول لك
بطل صلاه
استحاله تبطل
ولكن علشان تعرف ازاى الشيطان ابعدك عن الصلاه
تابع هذا الموقف
الخطوه الاولى
انت جالس على الجهاز يقول لك حط سماعات
الهيد فون على اذنك
وعلى الصوت علشان تعيش مع الصوت

____________
الخطوه الثانيه
على الصوت على الاخر
______________
الخطوه الثالثه
لما الاغنيه تتخنق تقوم
للاسف الصلاه عدت وصلو خلاص
_______________
الخطوه الرابعه
تقول لما اقوم اصلى
وانت فى الخلاء
تغيب فترة
_____________
الخامسه
تنسى تتوضى
وتخرج وتروح تمدد على السرير وتنام
_____________
السادسه
لما تصحى
شوشو يقول ياسيدى
ليك عذرك
وماتخافش
_____________
دى واحده من حيل الشيطان
خلى بالك منه
=عندك حق


+طب الصلاه
ابدأ بالعناد
واعرف انك لو بتعاند نفسك
اجرك كبيييير
عاند بقى
=معلش انا كده لو صليت
هصلى كام يوم
وبس خلاص
+طب انت ذوقت طعم الصلاه
=اسمع عن طعم الصلاه
ولكن لم اذوقها


+طيب واللى ذاقو الطعم ده قالو ايه
=شعور لم ولن يحدث الا فى الصلاه

+طيب عاوز تتذوق طعم الصلاه
=ياريت

+اتوضى صح
=هو انا بتوضى غلط

+لا مش قصدى
=امال ايه ؟

+انت بتحس بأيه وانت بتتوضى
=عادى ببل نفسى
بالماء

+طيب بص يا سيدى
حاول تحس بأنك بتنظف نفسك
=؟؟؟!!

+ايون
حاول تحس ان ذنوبك
بتقع فى الحوض
=وبعدين

+هتحس بأنك نظيييييف
جدا
نطيف بجد
وهنا هتبتدى تتغير بجد
وبعد كده روح صلى
=وانا نظيف
..
+اسكتت يا بابا
كخ يا حبيبى
ماتتكلمش خالص
علشان انت بتخرج فى النص
وبتستفزنى ياما
=حاضر حاضر

+وبعد كده روح صلى وانت نظيف
وكان الصلاه
الصلاه دى اخر صلاه فى حياتك
واسيبك تتطبق



إلي اللقاء فى

الحلقة السابعة

من حملة

((هنتغير بجد))


عدل سابقا من قبل AL-MARIAMIA في الإثنين 07 سبتمبر 2009, 11:33 am عدل 2 مرات
الرجوع الى أعلى الصفحة اذهب الى الأسفل
sleepy_hollow
|مشرف|
|مشرف|


عدد الرسائل : 6009
العمر : 27
محل الاقامة : shanawan
الوظيفة : طبيبة
تاريخ التسجيل : 05/08/2009

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   السبت 05 سبتمبر 2009, 12:12 pm

حلو أوى الحوار دا كمان

الأسلوب جميل
وحلوة أوى عبارة ( انت بتحس بأيه وانت بتتوضى .... حاول تحس ان ذنوبك
بتقع فى الحوض )

وبالنسبة لتذوق طعم الصلاة حاولى توضحيها بالتفصيل فى الحلقة الجاية
لإنى من الشخصيات اللى بتسرع فى الصلاة ....

الرجوع الى أعلى الصفحة اذهب الى الأسفل
Remaas
:: عضو مثقف ::
:: عضو مثقف ::


عدد الرسائل : 3452
العمر : 26
محل الاقامة : -
الوظيفة : -
تاريخ التسجيل : 30/07/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 3:34 am

معلش يا جماعة صاحبة الموضوع مشغولة النهاردة و كلفتني بتنزيل حلقة النهاردة ...


بس ان شاء الله عايزاكوا تكتبوا الإستفادة من حلقة النهاردة و حلقة امبارح ..



الحلقةالسابعة
السلام عليكم ورحمه الله و بركاته
==================
+عامل ايه
=الحمد لله
+عامل ايه فى رمضان
=الحمدلله
=انت عارف
انا مخنوق جدا
مخنوق اوى
مش قادر
مفيش فايده منى
اذا كان رمضان ويادوب
اشتغلت فى اول يومين
والباقى بقى يوم يروح منى الفجر
ويوم تروح التراويح
ويوم تروح عليا صلاه وممكن
مااصليهاش
اساسا
كل ده وانا فى رمضان
اكبر فرصه للتغير
افضل فرصه
علشان
نتغير بجد
....
....
=بجد مش عارف اقول ايه
الشياطين متسلسله
وابواب النار مقفوله
والصلاه بسبعين
وبرضه مافيش فايده
انا زى ما انا
+خلاص خلصت
=انت بتتريق
=انا غلطان انى كلمتك
+اولا انت اللى مموتك انك لسه
متعرفش معنى الدين وما ذقتش طعمه
وطعم رمضان
=ازاى
+اقولك ازاى
=قول ياعم
+هتكلم عن حاجه حاجه
اولا
الصلاه
عارف صلاه الجماعه بتقف
عليك بكام صلاه
=يعنى ايه
+يعنى انت بتصلى كام مرة فىرمضان
=اكيد 5فى اليوم
+ده انت غلبان
=آه صح افتكرتالصلاه بسبعين
+برضه غلبان اوى
ممكنتجيب اله حاسبه
=ماشى
+لا قوم بجد
=؟؟؟
+قوم بس
=طيب اسستنى ثوانى
=ماشى جبت
+احسب معايا الصلاه بتقف
عليك بكام لماتصليها
+احسب
1صلاه ×70 اجرها
فى رمضان ×24ثواب صلاه الجماعه
×2ركعتين السنه
( النافله بفريضه )
هنقول 2بس سنه
تساوى كام
=...؟؟؟؟
=نعم !!!
=ايه !!
=كام !
=الصلاه هتقف ب3360صلاه
=......
=والله مش عارف اقول ايه
=يعنى انا لما اصلى المغرب
بالسنه
مثلا
يتكتب ليا وكأنى صليت
3360مره
+ ده على اساس انك هتصلىالمغرب فى
يومك كله
=قصدك ايه ؟
+فى 4صلوات باقيين
=تصدقمن الفرحه نسيت
+احسب معايا بسرعه
من الاول
5 صلوات ×70اجرها فى رمضان
×24 اجر الجماعه
×(صلاه السنه )
(2فجر +8ظهر +2مغرب +2عشاء
+1 وتر ) تساوى كام
=......
=محمد
+نعم
=هاتلىدكتور
+اسند نفسك انت شفت حاجه
=نعم
امال انا شفت ايه
انا شفت انى فى اليوم
هيتكتب لى انى صليت
126000صلاه
بس
وقال ايه زهقان
اطربنى يا عم
+ لا الحلقه الجايه بقى
=لاقول دلوقتى
+الحلقه الجايه هتكون قريبه
+بس طبق دول الاول
وحافظ على كل الصلاوات فى المسجد
+وعلى فكرة اختنا
صلاتك فى البيت بمثابه صلاه الجماعه
يعنى الاجر لكله
=بس ما تتأخرش فى الحلقه الجايه
+ماشى
+السلام عليكم
=وعليكم السلام
الرجوع الى أعلى الصفحة اذهب الى الأسفل
dr.noor eleslam
عضو ماسي
عضو ماسي


عدد الرسائل : 1806
العمر : 25
محل الاقامة : _
الوظيفة : _
تاريخ التسجيل : 14/02/2009

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 3:43 am

انا متابعة ان شاء الله معاكوا
الرجوع الى أعلى الصفحة اذهب الى الأسفل
رضاك والجنة
عضو جديد
عضو جديد


عدد الرسائل : 27
العمر : 28
الوظيفة : Doctor
تاريخ التسجيل : 08/05/2009

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 8:20 am

sleepy_hollow كتب:
حلو أوى الحوار دا كمان

الأسلوب جميل
وحلوة أوى عبارة ( انت بتحس بأيه وانت بتتوضى .... حاول تحس ان ذنوبك
بتقع فى الحوض )

وبالنسبة لتذوق طعم الصلاة حاولى توضحيها بالتفصيل فى الحلقة الجاية
لإنى من الشخصيات اللى بتسرع فى الصلاة ....


على فكرة انا كنت برده مش بحس بطعم الصلاة قد كده , بس اتغيرت لما سمعت سلسلة العبادات للأستاذ عمرو خالد, هو صحيح دلوقت مابقتش إمام يعني, بس بجد فرق معايا كتير, بيقدر يوصلك المعلومة ويحببك في العبادة بطريق جميلة وسهلة جدا ربنا يكرمه يارب, لما الواحد سمعه حس أن الصلاة دي نعمة مش فرض أو بمعنى تاني ربنا فرضها علينا عشان بيحبنا.


دي لينكات مواضيع عن الصلاة من سلسلة العبادات

ياريت كل واحد يسمع حلقة كل يوم, وبإذن الله هتفرق معاكو كتير, ونصيحة مني كملوها للاخر, وبعد حلقة النوافل و قيام الليل أتحدى اي واحد يسيب سنة أو مايقيمش ليل بعد كده.

و بعد ما سمعت حسيت ان ربنا أنعم علينا بخير كتير وطرق كتير للجنة بس الجهل بيها هو اللي بيخلينا مانعملهاش.



محاضرات عمرو خالد / سلاسل دروس المساجد / العبادات
محاضرة أهمية الصلاة من سلسلة العبادات بمسجد الحصري بالعجوزة
http://amrkhaled.net/sound_libaray/multimedia97.html
محاضرة الخشوع في الصلاة من سلسلة العبادات بمسجد الحصري بالعجوزة
http://amrkhaled.net/sound_libaray/multimedia98.html
محاضرة نوافل الصلاة 1 من سلسلة العبادات بمسجد الحصري بالعجوزة
http://amrkhaled.net/sound_libaray/multimedia99.html
محاضرة نوافل الصلاة 2 من سلسلة العبادات بمسجد الحصري بالعجوزة
http://amrkhaled.net/sound_libaray/multimedia100.html
محاضرة الصلاة في المسجد من سلسلة العبادات بمسجد الحصري بالعجوزة
http://amrkhaled.net/sound_libaray/multimedia101.html
وده لينك المكتبة الصوتية للأستاذ عمرو خالد
http://amrkhaled.net/sound_libaray/categories37.html


اقتباس :

وياريت ياجماعة كلنا ندعي لبعض بالمغفرة والهداية وصدق النية والإخلاص و الثبات لعل الله يتقبل دعاء واحد منا فنكون معه من القبولين.

نسألكم الدعاء

الرجوع الى أعلى الصفحة اذهب الى الأسفل
اعقلها وتوكل
:: عضو مثقف ::
:: عضو مثقف ::


عدد الرسائل : 4488
العمر : 28
الوظيفة : سبحان الله وبحمده سبحان الله العظيم
تاريخ التسجيل : 18/07/2009

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 8:29 am

كلام سليم جدااااااااااا واسلوب حلو اوووووووي
جزاكم الله كل خير
كان فيه حكايه بسيطه كده سمعتها فعجبتني جدااااااا
هي عن واحد مجوسي ( ما كنش بيعبد ربنا ) عنده 80 سنه وجه لسيدنا ابراهيم عليه السلام ( معروف عنه انه اول من اكرم الضيف ومعروف جدا بحسن ضيافه الغير ) فلما جه الراجل المجوسي ده وطلب انه يدخل عن سيدنا ابراهيم ( خليل الله ) .. سيدنا ابراهيم ساله عن اسمه وديانته فقال انه مجوسي وعنده 80 سنه سيدنا ابراهيم رفض دخوله البيت وللاسف طرده
فجاء عتاب من الله سبحانه وتعالي لابراهيم عليه السلام وقال له فيما معناه ان الله عز وجل مستحمله في ملوكته 80 عام وهو يعبد غيره وانت لا تستطيع تحمله في بيتك دقائق
فخرج سيدنا ابراهيم مسرعاااااا وذهب اليه واتاسف له وقال له ان ان ربي عاتبني فيك
فتعجب الرجل وقال رب يعاتب احبابه من اجل مشرك به فقال اشهد ان لا اله الا الله وان ابراهيم خليل الله ياااااااااااااااه مع ان الراجل ده مشرك ربنا بجد كبير اوووووووووووي
ومتابع معاكم باذن الله وعذرا ع التاخير ف الردود........
الرجوع الى أعلى الصفحة اذهب الى الأسفل
sleepy_hollow
|مشرف|
|مشرف|


عدد الرسائل : 6009
العمر : 27
محل الاقامة : shanawan
الوظيفة : طبيبة
تاريخ التسجيل : 05/08/2009

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 8:45 am

ميرسى ليكى يا جميل وجـــــارى التحميل

جزاكم الله كل خير

_________________
الرجوع الى أعلى الصفحة اذهب الى الأسفل
رضاك والجنة
عضو جديد
عضو جديد


عدد الرسائل : 27
العمر : 28
الوظيفة : Doctor
تاريخ التسجيل : 08/05/2009

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 9:53 am


بالنسبة لي عرفت:
1)
اقتباس :
+قال الله عز وجل
(قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)
=صدق الله العظيم
(يابن ادم لو اتيتنى بتراب الارض
خطايا ثم لقيتنى لا تشرك بى شيئا
اتيتك بترابها مغفرة)...
(يابن ادم لو بلغت ذنوبك
عنان السماء ثم استغفرتنى
غفرت لك ولا ابالى)
يعني مهما الواحد أذنب, وتاب, وبعدين الشيطان او نفسه غلبته وأذنب نفس الذنب تاني فلازم يرجع لربنا ويستغفره وهومتأكد أن ربنا هيغفرله, وطبعا يدعي الله انه يهديه ويثبته ومايرجعهوش للذنب ده تاني .

2) اقول ايه وانا بستغفر ربنا, وفوائد الاستغفار, ودعاء القيام من المجلس, وأهم حاجة إن الاستغفار لازم يكون من القلب.

3)
اقتباس :
الراجل ده بعد 30 سنه لم يتقبل منه صلاه عشان الرياء كان يصلي حتي يقول عنه الناس انه كان يصلي وف الصف الاول كمان وقد قيل ؟؟؟؟
يا رب طهر قلوبنا من الرياء واجعلها ابتغاء مرضاتك يا رب

الرياء يسمى الشرك الأصغر والرسول حذرنا منه عشان كده لازم ناخد بالنا منه ودايما ندعي ربنا انه يحمينا منه.
4)أهم حاجة في أي عمل هو النية

5)أسباب العتق من النار,ربنا يعتقنا من النار ويرزقنا الجنة جميعا يارب امين.

6)الصلاة,عماد الدين , فيه لينكات للأستاذ عمرو خالد عن أهمية الصلاة والخشوع والنوافل, نسمعها بإذن الله, ونطبق اللي فيها.

7)ثواب الصلاة والفرض والنافلة في رمضان.



ياريت لو في حد استفاد واخد باله من معلومة تانية يوضحهالي.

والسلام عليكم
الرجوع الى أعلى الصفحة اذهب الى الأسفل
هذه هي حياتي هذا هو ديني
عضو فضي
عضو فضي


عدد الرسائل : 683
العمر : 28
الوظيفة : DoCtOr
تاريخ التسجيل : 11/09/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 10:03 am


بسم الله الرحمن الرحيم


السلام عليكم ورحمة الله وبركاته


اللهم طهر أعمالنا من الرياء واجعلها خالصة لوجهك الكريم

طبعا احب أشكر اختي الصغيرةرمضان غير حياتك
لأنها نزلت الحلقة اللي فاتت, وإن شاء الله نكمل تاني مع بعض
وشكرا ل D.Gray على اللينكات,
فعلا سلسلة العبادات ديه جميلة جدا, للأسف ما كملتهاش للاخر ,بس فعلا دروس الصلاة ما لهاش حل,جربو وإن شاء الله تستفيدو.


هنركز إن شاء الله في الحلقة النهاردة عن الصلاة وياريت نسمع لينك الخشوع ونطبق عملي.

إن شاء الله

عنوان الحلقة الثامنة
فلنبدأ



الرجوع الى أعلى الصفحة اذهب الى الأسفل
هذه هي حياتي هذا هو ديني
عضو فضي
عضو فضي


عدد الرسائل : 683
العمر : 28
الوظيفة : DoCtOr
تاريخ التسجيل : 11/09/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 10:07 am

بسم الله امنت بالله توكلت على الله ولا حول ولا قوة إلا بالله العلي العظيم


الحلقة الثامنة
الســلام عليـــكم ورحمــه الله و بــركـــاته

فلنبدأ

+السلام عليكم
=وعليكم السلام
=استاذى


+يا عم ما تكبرنيش اوى كده
=عاوز احكيلك على حاجه
فى كام فرض فى رمضان
فاتنى وما صلتهوش
اعمل ايه ؟
وممكن اعوضه ؟

+طبعا ممكن تعوض
انت ليك رب اسمه الله
يعنى اطاعته او عصيته
مش هتضره بشئ
واهم حاجه تعترف بذنبك
امام الله
وتروح له
=واعترف له ازاى؟

+انك بتصلى ركعتين
بس
واثناء ما انت ساجد
كلمه
بأى طريقه تعجبك
بالعاميه مثلا
وكلمه من قلبك
وحط فى دماغك ان مهما يكبر ذنبك
مش هتكون اعظم واكبر من الله
= بس انا كده هصلى اللى فاتنى وانا
معرفش كام بالظبط ؟

+وحتى لو تعرف
طالما انت تبت
ربك يسامحك
فى كل اللى فات
بس روح له واسجد له
وزى ما قلتلك خليها
وكأنك هتصلى اخر صلاه فى حياتك
والله لو اندمجت
ممكن تقعد فى الصلاه نصف ساعه
واكتر كمان
=بس مش عارف بحس ان الجو مش مهيئ
للصلاه
امهد الجو ازاى ؟


+بص حاول تصلى بالليل
علشان حتى لما تبكى ما تبقاش مكسوف
من اخوك الصغير او ابنك
او اى حد
واطفى النور ولو بتخاف من الظلام
شغل ضوء خفيف ويكون فى ظهرك ومش قدامك
=بس كده

+اه
=تمام اووى كده

+يلاا السلام عليكم
=وعليكم السلام بس
ما تبقاش تتأخر
+ماشى
سلام

إلي اللقاء فى

الحلقة التاسعة

من حملة

هنتغير بجد


عدل سابقا من قبل AL-MARIAMIA في الإثنين 07 سبتمبر 2009, 11:30 am عدل 2 مرات
الرجوع الى أعلى الصفحة اذهب الى الأسفل
هذه هي حياتي هذا هو ديني
عضو فضي
عضو فضي


عدد الرسائل : 683
العمر : 28
الوظيفة : DoCtOr
تاريخ التسجيل : 11/09/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 10:09 am



الحلقة التاسعة

+السلام عليكم
=وعليكم السلام

+نصف رمضان فات
=ياعم عارف= هو ممكن اتوب فى الباقى منرمضان

+طبعا ممكنوبعدين شكلك حزين اوى
=يا عم نصف رمضان فات وعادى جدا ولا كأن فى حاجه حصلت

+انتتزعل بجد لو فاتتك ليله القدرلكن لازم تستعد من دلوقتى
=ازاى

+دهاللى هنقوله فى الحلقات الجايه
=يعنى انت جاى تسلم وماشى

+لا علشان نستعد مع بعض
=طب بالله عليك ماتتأخر

+ماشى+السلام عليكم
=وعليكم السلام


سبحانك اللهم لا إله إلا أنت أستغفرك وأتوب إليك
أستودعكم الله
السلام عليكم روحمة الله وبركاته


عدل سابقا من قبل AL-MARIAMIA في الإثنين 07 سبتمبر 2009, 11:26 am عدل 2 مرات
الرجوع الى أعلى الصفحة اذهب الى الأسفل
NEAT
عضو سوبر
عضو سوبر


عدد الرسائل : 464
العمر : 28
محل الاقامة : مصر
الوظيفة : طالب فى كليه طب
تاريخ التسجيل : 07/08/2009

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 10:31 am

بجد بجد جزاكم الله خيرا ......

اسأل الله ان يكون هذا العمل خالصا لوجه الله ....
الرجوع الى أعلى الصفحة اذهب الى الأسفل
الفقيرة (عودة غير محددة )
عضو فضي
عضو فضي


عدد الرسائل : 565
العمر : 25
محل الاقامة : cairo
الوظيفة : وأفوض أمري الي الله
تاريخ التسجيل : 14/01/2009

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 6:23 pm


ماشاء الله عليكي موضوع مميز
ومتابعين معاكي
الرجوع الى أعلى الصفحة اذهب الى الأسفل
Lonely
|مشرف|
|مشرف|


عدد الرسائل : 4022
العمر : 28
الوظيفة : Dr
تاريخ التسجيل : 09/07/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 8:13 pm

جزاكم الله خيرا
جميل جداااااااااااااا
الرجوع الى أعلى الصفحة اذهب الى الأسفل
Remaas
:: عضو مثقف ::
:: عضو مثقف ::


عدد الرسائل : 3452
العمر : 26
محل الاقامة : -
الوظيفة : -
تاريخ التسجيل : 30/07/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الأحد 06 سبتمبر 2009, 10:17 pm

اقتباس :
طبعا احب أشكر اختي الصغيرةرمضان غير حياتك
لأنها نزلت الحلقة اللي فاتت, وإن شاء الله نكمل تاني مع بعض

لا شكر على واجب ...

الموضوع مميز و متابعاه معاك ان شاء الله ...

اللهم اجعلنا من عتقائق في هذا الشهر الفضيل ...

الرجوع الى أعلى الصفحة اذهب الى الأسفل
يارب اهديني
عضو فعال
عضو فعال


عدد الرسائل : 203
العمر : 23
الوظيفة :
تاريخ التسجيل : 27/06/2009

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الإثنين 07 سبتمبر 2009, 3:43 am

[quote=".×Omar×."]
جزاكم الله خيـــــــرا

متابعين ان شاء الله
الرجوع الى أعلى الصفحة اذهب الى الأسفل
هذه هي حياتي هذا هو ديني
عضو فضي
عضو فضي


عدد الرسائل : 683
العمر : 28
الوظيفة : DoCtOr
تاريخ التسجيل : 11/09/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الإثنين 07 سبتمبر 2009, 9:18 am




بسم الله الرحمن الرحيم

السلام عليكم ورحمة الله وبركاته

اللهم طهر أعمالنا من الرياء واجعلها خالصة لوجهك الكريمزي ما اتفقنا ان احنا هنسمع حلقات الصلاة للأستاذ عمرو خالد إن شاء الله

انا كنت سمعتهم مرة, وبعدين قلت اسمعهم معاكم تاني

بدأت بدرس النوافل وقيام الليل, وحاولت أجمع أهم النقط اللي فيه, بس طبعا السمع بيأثر أكتر بكتير من القراءة

يارب يفيدكو
_الشريط بدأ بحديث قدسي قال الله عز وجل – في الحديث القدسي - : " وما زال عبدي يتقرب إليَّ بالنوافل حتى أحبَّه"
_وبعدين قال أن مراتب الناس في الصلاة خمسة:
1)منهم من ضيع وقتها والوضوء وأركانهها الظاهرة و الخشوع...................وهذا معاقب على صلاته
2)منهم من حافظ على وقتها و الوضوء وأركانها الظاهرة , وضيع الخشوع
3)منهم من حافظ على وقتها و الوضوء وأركانها الظاهرة ويجاهد شيطانه" يعني يخشع شوية والشيطان يسرق من صلاته شوية فيجاهده ويخشع ثانية وهكذا فهو في صلاة وجهاد....................وهذا له أجران"أجر الخشوع وجهاد الشيطان"
4)منهم من حافظ على وقتها و الوضوء وأركانها الظاهرة وخشع بين يدي الله,ففهم مايقول وعاش مع الله.
5)منهم من حافظ على وقتها و الوضوء وأركانها الظاهرة وخشع بين يدي الله بل ووضع قلبه بين يدي الله وخرج من الدنيا ومافيها وصار هو والله وحده
_ما يعينك على الخشوع:
1)ترك المعاصي وخلع شجرة الدنيا من القلب.
2)فهم حركات الصلاة

وده كان تلخيص للدروس اللي فاتت
وبعدين دخل في درس النوافل و بدأ بهذا الحديث
قال رسول صلى الله عليه وسلم
الفريضة ، إلا بنى الله له قصرا فى الجنة" رواه مسلم. والمقصود بالاثنتي عشرة ركعة: السنن الراتبة ما من عبد يصلى لله تعالى كل يوم اثنتي عشرة ركعه من غير "
والسنن المؤكدة هي:
2 قبل الفجر
4 قبل الظهر و2 بعد الظهر"أولى", أو العكس
2 بعد المغرب
2 بعد العشاء
وكده 12 ركعة=بيتا في الجنة, وقال كمان أن من شدة حرص الرسول عليه السلام على هذه السنن كان إذا فاته سنة مؤكدة قضاها
أما السنن غير المؤكدة"يعني حافظ عليها أحيانا وتركها أحيانا"
2 أو4 قبل العصر
2 قبل المغرب
2 قبل العشاء
وبعدين اتكلم عن السنن غير الرواتب يعني غير مرتبطة بصلاة الفريضة, واتكلم بالتفصيل عن بعضهم وهم:
صلاة الوتر
صلاة الحاجة
صلاة الاستخارة
صلاة الضحى
قيام الليل
بصراحة ماينفعش أكتب لأن تقريبا أكتر من نص الدرس كان عن القيام, وحرص الرسول عليه, وتشجيعه للصحابة على القيام واستياءه ممن يتركه, بجد الجزء ده لازم تسمعوه بنفسكو.

_مايعين على قيام الليل:
1- ما تكترش الاكل وشرب باليل.
2- ماترهقش نفسك قوي بالنهاروإن كان ولابد يبقى تنام شوية عشان تريح جسمك
3- اترك الذنوب بالنهار .........تقوم الليل.
4- ابدأ بالتدريج
يعني ابدأ بركعتين خفاف قبل ما تنام وحافظ عليهم شهر مثلا وبعدين زود بالتدريج هتلاقى نفسك بتعشق هذه العبادة.
5- اجعل لنفسك ورد وحاول تختم المصحف في قيام الليل ولو في سنة,ابدأ وانوي وإن شاء الله هتكمل"فالنفس البشرية تحب الطموح.
6- أوقظ أهلك لقيام الليل.


طبعا القراءة حاجة والسمع حاجة تانية خالص, قلت أبدأ عشان نشجع بعض

وياريت الي يعرف يجيب نص الأحاديث واسنادها يكتبها ,انا ماأعرفش مواقع أثق فيها

اللهم قد بلغت اللهم فاشهد

نسألكم الدعاء

وياريت حد يلخص لنا درس تاني وهكذا

عنوان الحلقة العاشرة إن شاء الله

* الله معي , الله ناظري , الله مطلع علي*

أستودعكم الله

سبحانك اللهم ربنا وبحمدك أشهد ان لا إله إلا انت استغفرك واتوب إليك

السلام عليكم ورحمة الله وبركاته


عدل سابقا من قبل AL-MARIAMIA في الإثنين 07 سبتمبر 2009, 11:25 am عدل 2 مرات
الرجوع الى أعلى الصفحة اذهب الى الأسفل
هذه هي حياتي هذا هو ديني
عضو فضي
عضو فضي


عدد الرسائل : 683
العمر : 28
الوظيفة : DoCtOr
تاريخ التسجيل : 11/09/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الإثنين 07 سبتمبر 2009, 9:56 am





الحلقة العاشرة


الله معى؛الله ناظرى
؛الله مطلع على




+السلام عليكم
=وعليكم السلام
يلا ابدأ
مونتاج :
3
2
1
اكشن
+هنبدأ على طول
=ماشى

+هنمشى خطوة خطوة
=ماشى

+اول خطوة نحاول
نبعد عن المعاصى
=ازاى ؟؟

+ حط فى دماغك
ان صيامك بداية عشان
تبعد عن المعاصى
=ازاى

+تخيل ان الرسول من النهارده
ماشى معاك فى كل مكان
وانت ماشى فى الشارع
وانت قاعد فى البيت وانت نايم
فى كل مكان وخلى شعارك
الله معى؛الله ناظرى
؛الله مطلع على
وتخيل ملك الموت وهو جاى لك وانت بتعصى
اكيد اكيد هتبعد عن المعاصى
وما تقولش لو بطلت معاصى
شخصيتى هتتغير
لان من ترك شئ لله عوضه الله خير منه
عارف يعنى ايه ؟
=مش عارف

+يعنى لو كان شخصيتك هتتغير
لله
هتتغير للاحسن
وربنا هيحبك
وان الله سيجعل الملائكه والناس
يحبوك جدا
وما ادراك ما
حب الله
ثم
حب الملائكه
ثم
حب الناس
يلا بينا نتغير ونطبق
ونحس برمضان
+والسلام عليكم
=هو دا دينا هو دا الإسلام يلااا بينا نتغير على طووول وبجـد
=وعليكم السلام


عدل سابقا من قبل AL-MARIAMIA في الإثنين 07 سبتمبر 2009, 12:29 pm عدل 3 مرات
الرجوع الى أعلى الصفحة اذهب الى الأسفل
هذه هي حياتي هذا هو ديني
عضو فضي
عضو فضي


عدد الرسائل : 683
العمر : 28
الوظيفة : DoCtOr
تاريخ التسجيل : 11/09/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الإثنين 07 سبتمبر 2009, 10:02 am

الحلقة الحادية عشر

+السلام عليكم
=وعليكم السلام

+عامل ايه
=الحمد لله احسن
وبطلت كام معصيه
نهائى
والباقى بدأت اقلل منه
بس مش هقدر ابطل

+طيب هو ربنا يقدر
يخليك تبطل ؟
=طبعا

+عارف ازاى
=لوربنا عاوز يهدينى

+لا
ربنا يعملك كل اللى انت عاوزه
فقط بالدعاء
=اى حاجه اى حاجه

+طبعا هو لو ربنا اجاب دعائك
هيقل شئ من ملكه
=لا

+طيب يبقى هيجيبك باللى
انت عاوزه ولكن بشروط الدعاء
=ايه هى ؟

+اولها تعرف انت بتتدعى مين ؟
=ربنا طبعاً

+طيب يبقى تيقن ان ربنا هيجيبك
وتأكد من اجابته لك
لانه وعدك بالاجابه
+واقعد اترجى ربك
وعيط وما تتكسفش
ده ربك
وانت محتاج قربه
وحبه
ونعمه
+وادعيه فى اوقات الاجابه
=زى ايه

+بعد الاذان
واثناء السجود
ويوم الجمعه واوقات كتير
بس انت ادعى
واستنى الاجابه
واطلب اللى انت عاوزه مهما كان
حتى لو عاوز تخرج لو عاوز تشترى هدوم

=انت بتهزر

+انت عارف ان احد الصحابه
بيقول انا كنت بسأل الله كل شئ
حتى الملح
وبعدين ربنا يمتلك خزائن الارض والسماء
=طيب لعلمك ربنا ممكن ما يستجابش منى
لان انا اعصيه

+طيب اسمع
ده معنى حديث قدسى
ان موسى سأل الله كيف يجيب الدعاء
للعبد الصالح والعاصى
قال الله
العبد الصالح عندما يدعو اقول له لبيك عبدى
بينما العاصى اذا دعانى اقول له
لبيك عبدى
لبيك عبدى
لبيك عبدى
فتعجب موسى
قال له الله
اذا دعانى الصالح اعتمد على عمله ورحمتى
ولكن العاصى
فقط يعتمد على رحمتى فقط
علشان كده روح لربنا واعتمد على رحمته
وبس
وادعيه بأى طريقه بالعاميه
وادعى لكل الناس ان ربنا يهديهم
وبرضه ماتنسانيش من دعائك وربنا يهدينا
وسلام
=ربنا يكرمك ويغيرك ويغير بيك

+آمين
=السلام عليكم

+وعليكم السلام


عدل سابقا من قبل AL-MARIAMIA في الإثنين 07 سبتمبر 2009, 11:04 am عدل 1 مرات
الرجوع الى أعلى الصفحة اذهب الى الأسفل
هذه هي حياتي هذا هو ديني
عضو فضي
عضو فضي


عدد الرسائل : 683
العمر : 28
الوظيفة : DoCtOr
تاريخ التسجيل : 11/09/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الإثنين 07 سبتمبر 2009, 10:03 am


السلام عليكم ورحمة الله وبركاته

الحلقة الثانية عشر

+السلام عليكم
=وعليكم السلام



+عملت ايه امبارح
=قعدت ولحد دلوقتي أدعي بخشوع



+النهاردة حلقة مهمة جدا
علشان تعوض اللي فاتك
=ازاي؟؟



+انت مش بتقول انك تركت كام صلاة؟؟!!
=اه



+طب ليك فرصة انك تعوضهم
=انت بتتكلم جد!!!



+طبعا
=طب ازاي



+حبيبك النبي قال أن النافلة في رمضان بمثابة فريضة
=اه



+طيب يعني تقول سبحان الله أو أي ذكر
وكأنك أديت فريضة

أو حتى لو انت ماشي في الشارع ولقيت طوبة
ومش هقولك وطي وشيلها
ولكن شوطها
برجلك
على جنب

أو حتى تصلي سنةكل صلاة
وخلي بالك السنة
2قبل الفجر
و4قبل الظهر و2 بعده او العكس وافتكر 4ركعات قبل وبعد الظهر تحرم بيها جسدك على النار
العصر مالهوش
والمغرب 2 بعده
والعشاء 2 بعده
وماننساش الشفع و الوتر
وبس

أو تنفذ أوامر والدك أو والدتك

أو تساعد واحد

أو تتنازل عن حقك لشخص محتاجه

أو تسأل على قرايبك

او او او

حاجات كتييييييييييييييييييير جدا
=انا من دلوقتي
هشتغل وهعمل خير
يلا السلام عليكم دلوقتي علشان ألحق اعمل حاجة



+ وعليكم السلام








عدل سابقا من قبل AL-MARIAMIA في الإثنين 07 سبتمبر 2009, 11:01 am عدل 1 مرات
الرجوع الى أعلى الصفحة اذهب الى الأسفل
رضاك والجنة
عضو جديد
عضو جديد


عدد الرسائل : 27
العمر : 28
الوظيفة : Doctor
تاريخ التسجيل : 08/05/2009

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الإثنين 07 سبتمبر 2009, 10:41 am


اقتباس :

الله معى؛الله ناظرى
؛الله مطلع على

حلو قوي الكلام ده , و بإذن الله نأخده مبدأ في كل لحظة في حياتنا, وبفكر أكتبه على ورقة كبيرة وأعلقه ع الحيطة عشام يبقى قدامي طول النهار, ولو في حد ليه في عمل البوسترات ممكن نعمل واحد كبير ونوزعه زي بوستر حملة ختم القران.

اقتباس :
لان من ترك شئ لله عوضه الله خير منه

مبدأ جميل جدا, ويسهل على أي واحد أنه يبطل أي معصية أو أي حاجة تغضب ربنا مهما كانت صعبة عليه, لأن الله سبحانه وتعالى شاهد عليك و في نفس الوقت هيبدلك خير, يعني مش بس هتوقف المعصية وتوقف سيل السيئات لأ د كمان فيه هدية, والله أنا اتحمست وفي حاجة في بالي إن شاء الله نويت أبطلها فورا وهصلي قضاء حاجة أنه ربنا يعيني على نفسي عشان أرضيه, والمرة الجاية هقولكو إذا كنت نفذت ولا رجعت في كلامي.

اقتباس :
+طيب يبقى هيجيبك باللى
انت عاوزه ولكن بشروط الدعاء

انا برده ماكنتش أعرف إزاي الواحد ممكن يدعي وايه المستحب في الدعاء وايه هي اوقات يستحب فيها الدعاء,بس لما سمعت درس الدعاء في سلسلة العبادات اللي قلنا عليها حبيت الدعاء قوي وعرفت حاجات كتير تانية, وده لينك الصفحة بتاعت الدرس ده
http://amrkhaled.net/sound_libaray/multimedia104.html

اقتباس :

وياريت الي يعرف يجيب نص الأحاديث واسنادها يكتبها ,انا ماأعرفش مواقع أثق فيها


نفس الطلب وبشدة

اللهم اهدنا فيمن هديت واغفر لنا ذنوبنا وتب علينا انك انت التواب الرحيم

الرجوع الى أعلى الصفحة اذهب الى الأسفل
هذه هي حياتي هذا هو ديني
عضو فضي
عضو فضي


عدد الرسائل : 683
العمر : 28
الوظيفة : DoCtOr
تاريخ التسجيل : 11/09/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الثلاثاء 08 سبتمبر 2009, 10:30 am


بسم الله الرحمن الرحيم

السلام عليكم وركمة الله وبركاته

اللهم طهر أعمالنا من الرياء واجعلها خالصة لوجهك الكريم

نلخص اللي استفدناه من الحلقات اللي فاتت الاول :
اقتباس :
بالنسبة لي عرفت:
1)
مقالة:
+قال الله عز وجل
(قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)
=صدق الله العظيم
(يابن ادم لو اتيتنى بتراب الارض
خطايا ثم لقيتنى لا تشرك بى شيئا
اتيتك بترابها مغفرة)...
(يابن ادم لو بلغت ذنوبك
عنان السماء ثم استغفرتنى
غفرت لك ولا ابالى)
يعني مهما الواحد أذنب, وتاب, وبعدين الشيطان او نفسه غلبته وأذنب نفس الذنب تاني فلازم يرجع لربنا ويستغفره وهومتأكد أن ربنا هيغفرله, وطبعا يدعي الله انه يهديه ويثبته ومايرجعهوش للذنب ده تاني .

2) اقول ايه وانا بستغفر ربنا, وفوائد الاستغفار, ودعاء القيام من المجلس, وأهم حاجة إن الاستغفار لازم يكون من القلب.

3)
مقالة:
الراجل ده بعد 30 سنه لم يتقبل منه صلاه عشان الرياء كان يصلي حتي يقول عنه الناس انه كان يصلي وف الصف الاول كمان وقد قيل ؟؟؟؟
يا رب طهر قلوبنا من الرياء واجعلها ابتغاء مرضاتك يا رب

الرياء يسمى الشرك الأصغر والرسول حذرنا منه عشان كده لازم ناخد بالنا منه ودايما ندعي ربنا انه يحمينا منه.
4)أهم حاجة في أي عمل هو النية

5)أسباب العتق من النار,ربنا يعتقنا من النار ويرزقنا الجنة جميعا يارب امين.

6)الصلاة,عماد الدين , فيه لينكات للأستاذ عمرو خالد عن أهمية الصلاة والخشوع والنوافل, نسمعها بإذن الله, ونطبق اللي فيها.

7)ثواب الصلاة والفرض والنافلة في رمضان.
ونزود على الكلام ده:
-اهمية اصباغ الوضوء
اقتباس :
عَنْ أَبِي هُرَيْرَةَ رَضِيَ الله عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "إِذَا تَوَضَّأَ الْعَبْدُ الْمُسْلِمُ أَوْ الْمُؤْمِنُ فَغَسَلَ وَجْهَهُ خَرَجَ مِنْ وَجْهِهِ كُلُّ خَطِيئَةٍ نَظَرَ إِلَيْهَا بِعَيْنَيْهِ مَعَ الْمَاءِ أَوْ مَعَ آخِرِ قَطْرِ الْمَاءِ فَإِذَا غَسَلَ يَدَيْهِ خَرَجَ مِنْ يَدَيْهِ كُلُّ خَطِيئَةٍ كَانَ بَطَشَتْهَا يَدَاهُ مَعَ الْمَاءِ أَوْ مَعَ آخِرِ قَطْرِ الْمَاءِ فَإِذَا غَسَلَ رِجْلَيْهِ خَرَجَتْ كُلُّ خَطِيئَةٍ مَشَتْهَا رِجْلَاهُ مَعَ الْمَاءِ أَوْ مَعَ آخِرِ قَطْرِ الْمَاءِ حَتَّى يَخْرُجَ نَقِيًّا مِنَ الذُّنُوبِ". أخرجه مالك (1/32 ، رقم 61) ، والدارمى (1/197 ، رقم 718) ، ومسلم (1/215 ، رقم 244) ، والترمذى (1/6 ، رقم 2) وقال : حسن صحيح . وابن حبان (3/315 ، رقم 1040) . وأخرجه أيضًا : ابن خزيمة (1/5 ، رقم 4) ، وأبو عوانة (1/207 ، رقم 669) ، والبيهقى (1/81 ، رقم 386) . وعزاه البيهقى فى المعرفة (1/307 رقم 735) للشافعي. قال الإمام النووي في "شرح صحيح مسلم": وَالْمُرَاد بِالْخَطَايَا : الصَّغَائِر دُون الْكَبَائِر, وَكَمَا فِي الْحَدِيث الْآخَر : "مَا لَمْ تُغْشَ الْكَبَائِر". وَاَللَّه أَعْلَم.


-الخشوع في الصلاة وازاي نمهد الجو ومايعين على الخشوع
-ضرورة احساس معية الله في كل وقت وكل مكان وقانا شعارنا هيكون
اقتباس :
الله معى؛الله ناظرى
؛الله مطلع على

-الدعاء:أهميته و مايستحب فعله لاستجابته
اقتباس :
عَنْ أَنَسِ بْنِ مَالِكٍ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِذَا دَعَا أَحَدُكُمْ فَلْيَعْزِمْ فِي الدُّعَاءِ وَلَا يَقُلْ اللَّهُمَّ إِنْ شِئْتَ فَأَعْطِنِي فَإِنَّ اللَّهَ لَا مُسْتَكْرِهَ لَهُ". أخرجه ابن أبى شيبة (6/21 ، رقم 29162) ، وأحمد (3/101 ، رقم 11999) ، والبخاري (5/2334 ، رقم 5979) ، ومسلم (4/2063 ، رقم 2678) ، والنسائي فى الكبرى (6/151 ، رقم 10420) . وأخرجه أيضًا : البخاري فى الأدب المفرد (1/213 ، رقم 608) ، والديلمي (1/316 ، رقم 1245). قال الإمام النَّوَوِيّ في "شرح صحيح مسلم": وَفِي رِوَايَة : (وَلْيَعْزِمِ الرَّغْبَة فَإِنَّ اللهَ لَا يَتَعَاظَمهُ شَيْء أَعْطَاهُ) قَالَ الْعُلَمَاء: عَزْم الْمَسْأَلَة: الشِّدَّة فِي طَلَبهَا, وَالْجَزْم مِنْ غَيْر ضَعْف فِي الطَّلَب, وَلَا تَعْلِيق عَلَى مَشِيئَة وَنَحْوهَا, وَقِيلَ: هُوَ حُسْن الظَّنّ بِاَللَّهِ تَعَالَى فِي الْإِجَابَة. وَمَعْنَى الْحَدِيث: اِسْتِحْبَاب الْجَزْم فِي الطَّلَب, وَكَرَاهَة التَّعْلِيق عَلَى الْمَشِيئَة. انتهى كلامه رحمه الله، وقال الإمام المجدد محمد بن عبد الوهاب في "كتاب التوحيد الذي هو حق الله على العبيد": فيه خمس مسائل: الأولى: النهي عن الاستثناء في الدعاء. الثانية: بيان العلة في ذلك. الثالثة: قوله: (ليعزم المسألة). الرابعة: إعظام الرغبة. الخامسة: التعليل لهذا الأمر.
اقتباس :
عَنْ عُبَادَةَ بْنَ الصَّامِتِ رَضِيَ الله عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "مَا عَلَى الْأَرْضِ مُسْلِمٌ يَدْعُو اللَّهَ بِدَعْوَةٍ إِلَّا آتَاهُ اللَّهُ إِيَّاهَا أَوْ صَرَفَ عَنْهُ مِنْ السُّوءِ مِثْلَهَا مَا لَمْ يَدْعُ بِإِثْمٍ أَوْ قَطِيعَةِ رَحِمٍ"، فَقَالَ رَجُلٌ مِنْ الْقَوْمِ: إِذًا نُكْثِرُ، قَالَ: "اللَّهُ أَكْثَرُ". أخرجه الترمذى (5/566 ، رقم 3573) وقال : حسن صحيح غريب . وعبد الله بن أحمد فى زوائده على المسند (5/329 ، رقم 22837) ، والضياء (8/261 ، رقم 316) وقال : إسناده حسن . وأخرجه أيضًا : الطبرانى فى الأوسط (1/53 ، رقم 147) ، وحسَّنه الألباني (صحيح الجامع ، رقم 5636). قال العلامة المباركفوري في "تحفة الأحوذي بشرح جامع الترمذي": "مِنْ السُّوءِ" أَيْ الْبَلَاءِ النَّازِلِ أَوْ غَيْرِهِ فِي أَمْرِ دِينِهِ أَوْ دُنْيَاهُ أَوْ بَدَنِهِ "مِثْلَهَا" أَيْ مِثْلَ تِلْكَ الدَّعْوَةِ كَمْيَّةً وَكَيْفِيَّةً إِنْ لَمْ يُقَدَّرْ لَهُ وُقُوعُهُ فِي الدُّنْيَا "اللَّهُ أَكْثَرُ" قَالَ الطِّيبِيُّ أَيْ اللَّهُ أَكْثَرُ إِجَابَةً مِنْ دُعَائِكُمْ وَقِيلَ: اللَّهُ أَكْثَرُ ثَوَابًا وَعَطَاءً مِمَّا فِي نُفُوسِكُمْ فَأَكْثِرُوا مَا شِئْتُمْ فَإِنَّهُ تَعَالَى يُقَابِلُ أَدْعِيَتَكُمْ بِمَا هُوَ أَكْثَرُ مِنْهَا وَأَجَلُّ.

- أن النافلة في رمضان بثواب فريضة



وكده يبقى خلص الجزء الأول من حملة هنتغير بجد

والجزء التانى بعنوان

( هنقرب من الغفار وهنبعد عن النار )

وأول حلقة فيه اللي هي الحلقة الثالثة عشرة من الحملة بعنوان
( تبيع )

تابعووووووووووووووووناااااااااااااااااااا علشان نتغير بجد للأحسن
الرجوع الى أعلى الصفحة اذهب الى الأسفل
هذه هي حياتي هذا هو ديني
عضو فضي
عضو فضي


عدد الرسائل : 683
العمر : 28
الوظيفة : DoCtOr
تاريخ التسجيل : 11/09/2008

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الثلاثاء 08 سبتمبر 2009, 10:50 am



السلام عليكم ورحمة الله وبركاته

الجزء الثانى

الحلقة الثالثة عشر

+السلام عليكم ورحمه الله وبركاته
=وعليكم السلام ورحمه الله وبركاته
والله واحشنى بقالك فترة مش ظاهر

+والله انت اكتر ومشاغل
المهم انت عامل ايه مع حبيبك
=الحمد لله
وربنا يرضى عننا كلنا

+آمين
=المهم انت حضرت لنا ايه بعد الفترة دى

+حضرت لك جزء تانى من الحملة
وبرضه مصممين

هنتغير بجد
والجزء التانى بعنوان

( هنقرب من الغفار وهنبعد عن النار )
=...؟؟
=امال ايه هنتغير بجد

+تغير بجد اسم حملتنا
و
(هنقرب من الغفار وهنبعد عن النار )
اسم الجزء
وهيكون شعارنا
يعنى فى امل اننا نتغير بجد
طبعا وربنا يعينا
ويوفقنا
=آمين
=طب وهنتكلم عن ايه فى الجزء ده


+هنتكلم عن بعض الطرق البسيطه
والسهله اللى تقربنا من ربنا وتبعدنا عن النار

=طبب ممكن اعرف العناوين

+لا طبعا هتبقى مفاجأه
=علشان خاطرى

+ماشى
+هنتكلم عن بعض مشاكلنا
وازاى نحلها سوا وازاى
نبقى مسلمين صح
=شكلها هتبقى حاجات جامده جدا


+ان شاء الرحمن
=طب وحلقتنا النهارده عن ايه ؟


+طب نبدأ الاول فى الحلقه
=اوف.. ده انا كنت ناسى خالص



_مونتاج_

3
2
1

اكشن
+السلام عليكم ورحمة الله وبركاته
مرحبا بكم فى الجزء الثانى
ومرحبا بك حبيبى
=وعليكم السلام ومرحبا بك اخى
ندعوا الله ان يوفقنا فى التغيير
حتى نكون قدوه لا عبره
ويجعلنا سبب فى تقدم امتنا
وضمان جنتنا
وان يجنبنا النار


+آمين
+حلقتنا النهارده غربيه شويه

=عنوانها ايه ؟


+عنوانها
" تبيع ؟ "
=...؟

+انا عارف ان العنوان غريب
بس ان شاء الله كلنا هنفهم معنى الحلقه

هنبدا بقصة خفيفة
وياريت تعيش وتحط نفسك
مكان صاحبنا
=ماشى

+انا جبت هديه لصاحبنا
وكانت الهديه كبيره
وقلت له خلى بالك
انت لازم تبعها
سواء كسبت او خسرت
'لان الازاله هتيجى تاخد
منك الهدية دى ومش هتقدر تكلمها
وصاحبنا هيعمل حاجه من الاتنين
اى واحد مكانه لازم يعمل واحده منهم
الاولى :انه يجتهد فى بيع الهديه دى
ويمنع نفسه عن اى متع
زى انه يقعد تحت شمسيه
او يقعد على كرسى
او يشرب شاى حتى
المهم انه يبيع السلعه دى قبل ما الازاله
تيجى ويكسب منها برضه
وبعد كده هيرتاح ويروق نفسه
ويعمل كل اللى عاوزه
او
التانى :هيحط السلعه قدامه
ويقعد هو تحت شمسيه وفى ايده كوباي
الشاى وبيقزقز لب
ومروق نفسه
والسلعه فى الشارع
كل شويه واحد ياخد حته من السلعه ويجرى
وهو ولا هنا وبعد شويه الازاله اخدت الباقى ومشت وهو ولا كسب دلوقتى ولا بعد كده
حتى ما كملش كوبايه الشاى ولا كسب اى فلوس

انتهى
+لو انت مكان صاحبنا
هتختار اى واحد ؟؟
الاول ولا التانى ؟؟
=طبعا الاول
بس ايه لازمه كل ده !!!


+اقولك
ربنا قال
ان الله اشترى من المؤمنين
اموالهم وانفسهم
بأن لهم الجنه
عارف ليه ربنا ذكر المال والنفس
ولم يذكر مثلا
الوالدين او الابناء
=ليه ؟؟

+لان المال والنفس هم الاحب للانسان
وممكن يكون واحد مخنوق من ابوه
او عياله مطلعين عينيه
=صح


+المهم نخلينا فى الواقع
ده مثل مهم ولله المثل الاعلى
ربنا اعطى لك سلعه
وهى روحك
وقال لك لو تبيع نفسك هيعطى لك بدلها
الجنه
وما اغلا ها سلعه
والازاله هى الموت
سؤالنا
هو
تبيع ؟

=انت فاجئتنى

+طب نوضح اكتر
تبيع نفسك كلها لربك و
تكسب من وراها
الجنة
ولا تخلى كل واحد معدى يخطف
ويطلع يجرى
=...امممممم

+طب رد عليا الحلقه الجايه
=ماشى

+يلا
السلام عليكم

=وعليكم السلام

الرجوع الى أعلى الصفحة اذهب الى الأسفل
sleepy_hollow
|مشرف|
|مشرف|


عدد الرسائل : 6009
العمر : 27
محل الاقامة : shanawan
الوظيفة : طبيبة
تاريخ التسجيل : 05/08/2009

مُساهمةموضوع: رد: حمــلة ... ((هنتغيـــر بجـــد ))! ! تابعوووووووووونا   الثلاثاء 08 سبتمبر 2009, 10:46 pm

كلام جميل كالعادة

بس ممكن وقفة كدا لو سمحتم
ياترى كدا وبكل صراحة الناس اللى متابعة التوبيك
اتغيرت بجد !!!
ولا الكلام جميل بنقراه وبنتأثر وإحنا بنقراه وبمجرد ما نخلصه بننساه
ياريت الأول كل واحد يقول هو اتعلم ايه
وايه اللى اتغير فيه بجد
ودا يكون مابين الحلقات وبعضها
مش الحلقات كلها ورا بعضها كدا من غير ما نتناقش
!!!!!

_________________
الرجوع الى أعلى الصفحة اذهب الى الأسفل
 
حمــلة ... ((هنتغيـــر بجـــد ))! ! تابعوووووووووونا
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: