البوابةالرئيسيةس .و .جبحـثالتسجيلدخول





شاطر | 
 

 لحظة من فضلك لرمضان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دكتور شاطر
|مشرف|
|مشرف|


عدد الرسائل : 6294
العمر : 28
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: لحظة من فضلك لرمضان   الخميس 13 أغسطس 2009, 1:10 am


السلام عليكم ورحمة الله وبركاته

يارب تكون الناس اللى أخذت الاجازة مستمتعه بها.....وتكون بتستفاد منها بجد

مش مجرد أجازة من المذاكرة.....مع شويه كوره....او طول اليوم امام التلفاز

ويارب يوفق الناس اللى شغاله امتحانات.....الفرقة الخامسة........وفقها الله لما يحبه ويرضاه

ندخل فى الموضوع اللى عاوز اتكلم فيه

وطبعا مينفعشى اتكلم فى موضوع.......غير..........رمضان .......فى الوقت ده

شهر رمضان قادم

Rolling Eyes

زى كل مره
Rolling Eyes

شهر زى الشهور
Rolling Eyes

نستقبله بالأكل الكتيييييييير واللبس الجديد
Rolling Eyes

بعضنا بيشيل همه.......ويقول انه هيبقى شهر صعب ....ومش بنعرف نلعب
Rolling Eyes

حتى لما كنا بنتكلم عن الاجازة......نقول الاجازة كم يوم......يقولك.....15 يوم.....نقول ليه....يقولك يا عم ...15 يوم ورمضان ييجى على طول

مش عارف بنفكر فى رمضان كده ليه؟؟Rolling Eyes

هل معنى اننا بنحاول فى رمضان نتقرب من ربنا أكتر..........يبقى ده حاجه صعبة وبتقيدنا!!

لكن المفروض من الدقيقة دى.......ومن رمضان ده......نبدأ نغير تفكيرنا

وننظر لرمضان كمسلمين........

عارفين يعنى ايه ننظر له كمسلمين؟؟

أكيد كلنا فاهمينها

طب دلوقتى.......هل ياترى هتعدى رمضان ده زى اللى قبله؟؟

ولا هترتب له؟؟

هقول لكم موقف.......كنت قاعد مع شخص من فترة........وفى وسط الكلام ....قال لى......مجهز ايه بقى لرمضان يا أحمد؟؟..........بصراحه سؤال ملقتشى له اجابة

أقول لكم اجابتهEmbarassed .........لما ييجى رمضان........عادى يعنى......هصوم واقرأ شويه قرآن....وكده

يعنى الخلاصة.........مفيش ترتيب........مفيش هدف

يا ترى لو انت كمان اتسألت السؤال ده.......هتبقى اجابتك مثلى؟؟.........لما ييجى رمضان!!!

بدون كلام كتير

كلنا عارفين فضل رمضان

وفضل أعماله

وقيامه

وكل ثانية فيه لها فائدة كبيرة أوى

بس مستحيل نستفيد من رمضان.......بدون ترتيب وتجهيز

لو مرتبتش كويس لرمضان.......أضمن لك انه هيعدى منك كده وهتخرج منه زى ما دخلت

عاوزين بجد نتغير فى رمضان ده

امسك حالا ورقة وقلم..........وقل و اكتب وقبلها انوى....

اكتب بإذن الله سأفعل كذا و كذا

اكتب مثلا

بإذن الله هختم القرءان مرتين
بإذن الله هقرأ كتاب جديد
بإذن الله هحفظ الاربعين النوويه
بإذن الله هقلل من جلوسى على النت....ولو تعرف تمتنع يبقى افضل
بإذن الله هحاول اقرب من أخى واختى........واكون سبب فى هدايتهم بإذن الله
بإذن الله احاول أقرب واحد زميلى من الصلاة
بإذن الله هزور أقربائى
بإذن الله مش هعصى والداى
بإذن الله أحافظ على صلاة الفجر جماعه طول الشهر
بإذن الله أحافظ على صلوات الجماعه كلها طول الشهر
بإذن الله أحافظ على الاذكار
بإذن الله أحافظ على السنن
بإذن الله اعمل اعمال خيرية


بإذن الله هعمل حاجات كتير

امسك القلم واكتبpaint

الورقة دى هتحفزك دائما للعمل

لكن من غير ورقة...........هتلاقيك تايه فى رمضانNo

اترك معصيه.....تكون فاتحة خير لك فى هذا الشهر

حاول يكون رمضان ده نقطة تغير بجد

رمضان يعنى الصبر......تذكر دائما.......واياك ان يعلو صوتك متعللا بأنك صائم

يا ترى ناوى تتغير فعلا؟؟

ولا هتقرأ الموضوع زى أى موضوع عن رمضان......قراءة دون استفادة

هاااااااااااا؟؟.......كتبت الحاجات اللى هتعملها؟؟

متقولشى لما اقوم من على الجهاز..........قوم حالا..........انت متعرفشى ........ممكن ميبقاش لك عمر انك تقوم من على الجهاز(( الأعمار بيدى الله))....تأخذ حتى ثواب النيةSmile

وربنا يهدينا كلنا

انوى بجد...........انك عاوز تتغير فى رمضان لرمضان وما بعده

ولا تقسو على نفسك فى الاعمال حتى لا تمل.......ولكن أيضا لا تقلل فى الاعمال....فإن ثواب شهر رمضان لا يعوض

استودعكم الله

Very Happy نسألكم الدعاء لنا جميعا بالهداية Very Happy

سلام عليكم

أضف عملا تنوى عمله لتفيدنا به......واضف الى نفسك هذه الاعمال
واقرأ رد زميلك لعله يكون سبب فى تغيرك.......ولعله يكون حافزا لك دائما
الرجوع الى أعلى الصفحة اذهب الى الأسفل
http://www.islamweb.net
closed
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3894
العمر : 29
الوظيفة : بداية حياة
تاريخ التسجيل : 02/11/2008

مُساهمةموضوع: رد: لحظة من فضلك لرمضان   الخميس 13 أغسطس 2009, 1:27 am

باذن الله رمضان يكون غير اى سنه
هاقوم اجيب ورقه وقلم حالا

رمضان ياجماعه مش بيجى غير مره واحده فى السنه
محدش عارف هنعيش للسنه الجايه ولا لا
والجزاء اللى فيه خساره انه يضيع كده
فى اى حاجه تانيه ..يعنى لو تلفزيون او نت
فعلا المفروض ان احنا حتى لو هنجاهد نفسنا الشهر ده بس ونبعد عن الحاجات دى عشان الثواب العظيم بتاعه
مغفره للذنوب .......
كنوز من الحسنات ...الحسنه بعشره امثالها (الفريضه بسبعين فريضه)والسنه فيه كالفرض فى الجزاء
عتق من النار ...ولله عتقاء من النار فى شهر رمضان وذلك فى كل ليله
ليله القدر ...العباده فيها كالف شهر يعنى حسنه فى الليله دى كانك بقالك الف شهر بتاخدها
يعنى قيام ليله القدر مثل قيام الف شهر
يعنى صله رحم او قبله على يد ام كانك بار بهم الف شهر
استجابه الدعاء....
فى كلام تانى كتير
ده اللى فاكراه
اسأل الله ان لا يحرمنا من هذا الثواب فى هذا الشهر العظيم
اقوم اجيب ورقه بقى

جزاكم الله خيرااااااا
الرجوع الى أعلى الصفحة اذهب الى الأسفل
question mark??
عضو ذهبي
عضو ذهبي


عدد الرسائل : 927
العمر : 27
محل الاقامة : in kind place
الوظيفة : trying to achieve our dream
تاريخ التسجيل : 10/11/2008

مُساهمةموضوع: رد: لحظة من فضلك لرمضان   الخميس 13 أغسطس 2009, 1:43 am


جزاك الله كل خير يا دكتر
وزى ما متعودين من حضرتك التذكرة دايما
جعله الله فى ميزان حسناتك

وأكيد رمصان الجاى غير كل رمضان ان شاء الله
الرجوع الى أعلى الصفحة اذهب الى الأسفل
Dr,Gwyly
:: الريشة الذهبية للمنتدى::
:: الريشة الذهبية للمنتدى::


عدد الرسائل : 6951
العمر : 26
الوظيفة : Dr,Gwyly
تاريخ التسجيل : 20/08/2008

مُساهمةموضوع: رد: لحظة من فضلك لرمضان   الخميس 13 أغسطس 2009, 2:20 am


اللهم بلغنا رمضان ...

شكرا يادكتور ع التذكرة ..انا الحمد لله كنت مخططه لمعظم الحاجات اللى حضرتك ذكرتها "مايخص العبادة "ومعملتش حساب الامور التانية ذى القراة او الرسم ...

فا ان شاء الله هاحاول اخليه شهر مميز واستفيد منه باكبر قدر

وجزاك الله خيرا على الموضوع الرائع وعلى التذكرة اللى جت ف وقتها
الرجوع الى أعلى الصفحة اذهب الى الأسفل
Tawfi2
عضو ذهبي
عضو ذهبي


عدد الرسائل : 1119
العمر : 28
محل الاقامة : مصر أم الدنيا
الوظيفة : student
تاريخ التسجيل : 11/03/2008

مُساهمةموضوع: رد: لحظة من فضلك لرمضان   الخميس 13 أغسطس 2009, 12:49 pm


جزاك الله خيرا يا سرور

فعلا ..رمضان خلاص ع الأبواب
وربنا يكرمنا فيه ويكون أفضل من الأعوام السابقة

وكل عام وأنتم بخير
الرجوع الى أعلى الصفحة اذهب الى الأسفل
 
لحظة من فضلك لرمضان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: