البوابةالرئيسيةس .و .جبحـثالتسجيلدخول





شاطر | 
 

 انطلاق أول قناة كليبات إسلامية

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
zahra
عضو ذهبي
عضو ذهبي
avatar

عدد الرسائل : 970
العمر : 27
الوظيفة : دكتورة
تاريخ التسجيل : 03/03/2008

مُساهمةموضوع: انطلاق أول قناة كليبات إسلامية   الأربعاء 01 يوليو 2009, 6:45 pm



انطلاق أول قناة كليبات إسلامية
------------------


كما وجد الفن الهابط

وجد ايضا الفن الراقي


وكما وجد فنانين لا يعيروا للقيم والدين اعتبارا
وجد ايضا فنانين استنبطوا فنهم من قيمهم ودينهم




( 4shabab)

قناه اغاني جديده
اول قناه اغاني في العالم للفن الملتزم

قناة فنية, شبابية، عربية، ملتزمة بالحدود القيمية للمجتمع العربي والنابعة من تراثه الثقافي والأخلاقي والديني

يقول أحمد أبو هيبة المدير الإداري لقناة فور شباب عند الاطلاق الرسمي للقناة "لدينا رؤية جديدة للفن والجمال والانسان. فور شباب هي اللحن الجديد للإسلام. إنها تشجع الحوار وتعمل على تحطيم الصور النمطية عن الإسلام والعرب."







لقطات من فور شباب














اتمنى تنال اعجابكم


الرجوع الى أعلى الصفحة اذهب الى الأسفل
EhAb ElwY
عضو فعال
عضو فعال
avatar

عدد الرسائل : 238
العمر : 26
محل الاقامة : شبين الكوم - المنوفية
الوظيفة : بيقولو في طب
تاريخ التسجيل : 03/06/2009

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 2:11 am

معلش يا جماعة انا في حاجة مش مقتنع بيها

دلوقتي في بعض المنتديات انا بصراحة بدخل أسجل فيها عشان اشتم مدير الموقع

تلاقيه حاطط قسم اسمه أغاني اسلامية

ويحط فيها اغاني لسامي يوسف واغنية اسلامية لحمادة هلال وهشام عباس

ده المفروض غلط عشان مفتيش لاني معرفشي

ويقولوا مثلا كليبات اسلامية وتلاقي فيها موسيقى ومش اناشيد خالص
زي الاغناي العادية بس الفرق مفيهاش رقص

لكن في قنوات كويسة بتاعة اناشيد اسلامية مش بيكون فيها موسيقى بتكون صوت وبتبقى حلوة اوي وتلاقيها بتأثر فيك

انا معرفشي حاجة عن القناه دي بس هتابعها واشوف ايه حكايتها عشان مفتيش

وشكرا ع التوبيك
الرجوع الى أعلى الصفحة اذهب الى الأسفل
http://www.adel-elkholy-shohda.com/
دومــ لكـ الحمد ــا
|مشرف|
|مشرف|
avatar

عدد الرسائل : 3131
العمر : 30
محل الاقامة : unable 2 connect
الوظيفة : أتمنى رضا الله
تاريخ التسجيل : 17/12/2007

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 6:59 am

*.* الــفــارس *.* كتب:



- مصحوب بمعازف أو إيقاعات







- أو مصحوب بالخارج من الألفاظ والتعبيرات




- أو مصحوب بتكسر في الأداء


كالزيادة في المد والتأوهات والترقيق الزائد لمجرد مجاراة اللحن




- أو فيه تشبه بأغاني أهل الضلال ....

يعني وانت بتسمعه تحس إنه شوية وهيبقى أغنية صريحة ...


( ودي واضحة طبعا )



- أو تطغي فيه النشوة والتلذذ باللحن على الاهتمام بالمعاني المختارة ...

فضلاً عن احتوائه علي خضوع أو خنوع أو أصوات نساء ....



- أو يشغل قلب المسلم وعقله ووقته عما افترضه الله عليه ....

وجود أى حاجة من الحاجات دي في النشيد .... منفردة أو مجتمعة ....

يبقى عيب قووووي وصفه بكلمة إسلامي أو ديني


ولا يجوز الاستماع إليه أو الاهتمام به ....






http://medicalclub.bb-fr.com/montada-f3/topic-t20715-50.htm



_________________
[center]

ــــــــــــــــــــــــــــــــــــــــــــــــــــــــــ


*****************************
[/center]
الرجوع الى أعلى الصفحة اذهب الى الأسفل
أمير شومان
أخ أكبر
أخ أكبر
avatar

عدد الرسائل : 819
العمر : 33
محل الاقامة : In my Grandfather Home
الوظيفة : Project
تاريخ التسجيل : 09/12/2006

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 10:18 am

nostalgia_ AwaY كتب:

*.* الــفــارس *.* كتب:

- مصحوب بمعازف أو إيقاعات
- أو مصحوب بالخارج من الألفاظ والتعبيرات

- أو مصحوب بتكسر في الأداء

كالزيادة في المد والتأوهات والترقيق الزائد لمجرد مجاراة اللحن

- أو فيه تشبه بأغاني أهل الضلال ....

يعني وانت بتسمعه تحس إنه شوية وهيبقى أغنية صريحة ...


( ودي واضحة طبعا )

- أو تطغي فيه النشوة والتلذذ باللحن على الاهتمام بالمعاني المختارة ...

فضلاً عن احتوائه علي خضوع أو خنوع أو أصوات نساء ....

- أو يشغل قلب المسلم وعقله ووقته عما افترضه الله عليه ....

وجود أى حاجة من الحاجات دي في النشيد .... منفردة أو مجتمعة ....

يبقى عيب قووووي وصفه بكلمة إسلامي أو ديني


ولا يجوز الاستماع إليه أو الاهتمام به ....



http://medicalclub.bb-fr.com/montada-f3/topic-t20715-50.htm
جزاكم الله خيرا


_________________
اللهم اغفر لجدي مغفرة واسعة
واسكنه فسيح جناتك
واجعل قبره روضة من رياض الجنة
واجمعني معه مع النبيين والصديقين والشهداء
الرجوع الى أعلى الصفحة اذهب الى الأسفل
zahra
عضو ذهبي
عضو ذهبي
avatar

عدد الرسائل : 970
العمر : 27
الوظيفة : دكتورة
تاريخ التسجيل : 03/03/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 2:45 pm

بطاطس بدون كاتشب كتب:

زي الاغناي العادية بس الفرق مفيهاش رقص



لأ الفرق في الكلمات
وبالنسبه للموسيقى مادام كبار العلماء والشيوخ اختلفوا فيها (ماعدا بعض الالات التي اجمعوا على حرمتها)
فكل واحد براحته يمشي حسب راحته في الموضوع ده

بس انا شايفه ان الكليبات والاغاني السيئه منتشرة جدا جدا جدا
ولا تكاد تمشي في شارع او تركب سياره اجرة او تدخل مطعم مثلا الا وتراها
لهذا من الصعب ان تغير ما اعتداد عليه الاف الاف الناس
وتنقلهم من اغاني صاخبه الا مجرد كلمات تقال اشعار ... لن يقبلوا (مش هيطقوها من الاخر)
لهذا فهذه الكليبات الاسلاميه تعد بديل مناسب جدا للكليب والنشيد الرائع الذي يجذب و مع طبعا الكلمات الهادفه
لن تسمع نشيد اسلامي والا ستخرج بمفيد
مثلا مما سمعته على القناه نشيد عن النيه الخالصه لوجه الله - نشيد لا تحقرن من المعروف شيئا - نشيد عن حسن معامله الناس - نشيد عن العمل والاخلاص - واخرون في حب الله ومدح نبيه

ان وجد شيئ ممتع ومفيد مثل هذا لما لا يحبه الشباب

لو اي حد فينا مش بيسمع اغاني وحشه اصلا يبقى خلاص احسنله يسمع للاناشيد الهادئه
لكن الي متعود على الاغاني يبقى يحاول انه يبطلها ويستبدلها بهذه الاناشيد

انا اصلا مش عامله الموضوع عشان الملتزمين الي مش بيسمعوا اغاني Very Happy
عاملها للناس الي متعوده على الاغاني
وبالعقل كده لو انت شايف واحد بيسمع اغاني هتروح تقوله الموسيقى حرام ؟!!!
نشوف الاغنيه نفسها الاول

وعشان اريحكم من الموسيقى اغلب الاناشيد لا تستخدم سوى الدف والطبول و النغمات الاخرى تصدر بطرق مختلفه وبلعب في الاصوات لان اغلب المغنيين مش مصريين يعني سعوديين ويمنين ومن الدول العربيه التانيه وهم مش مهتمين بالموسيقى زي المصرين بل وبعضهم يمشي مع الرأي الذي يحرمها ...

عشان كده هتلاقوا اصلا اناشيد من غير دف كمان
او النشيد بالايقاع وبدون ايقاع
عشان الي بيحب كده والي بيحب كده Very Happy


لكن وجود الموسيقى بشئ معتدل لا مشكله طالما الكلمات محترمه بفتوى الشيخ القرضاوي



علعموم سيبكم من الموسيقى مش موضوعنا
انا هقلكم حاجه كنت اول مرة اسمعها وانا في اعدادي من احد المدرسين
طبعا الفصل كله ما يعرفش غير عمرو دياب وغيره

صحيح احنا عارفين ان ده حرام وسمعها حرام
لكن مكناش عارفين ان ليها عذاب مخصوص

عذاب من يستمع للمغنيات والكلام الفاحش
يصب في اذنيه الانك (الزنك او الرصاص) المنصهر



ربنا يعافينا جميعا


شكرا لكل الاعضاء الكرام على المرور


عدل سابقا من قبل zahra في الجمعة 03 يوليو 2009, 3:10 pm عدل 1 مرات
الرجوع الى أعلى الصفحة اذهب الى الأسفل
zahra
عضو ذهبي
عضو ذهبي
avatar

عدد الرسائل : 970
العمر : 27
الوظيفة : دكتورة
تاريخ التسجيل : 03/03/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 2:53 pm

العرب حققوا الرقم القياسي في قنوات الاغاني والعري


اكتر من اوروبا بل وامريكا ايضا

ظهور قناة واحده وسط هذه المعمعه لن تؤثر كثيرا

ولكنها بالتأكيد ستغير ولو بنسبه نظرة الغرب للمسلمين

ربما يقولون لازال فيهم الاحترام
لازال هناك مسلمين لان التلفاز والفن هو من ينقل صورة عن المجتمعات وبعضها


احتلت قناة فور شباب بعد ظهورها كثير من صفحات النت الاوربيه والاجنبيه وكذلك بعض الجرائد
اتمنى انها تكون صورة جيده للاسلام والمسلمين تغير على الاقل الافكار السيئه لدي الغرب عن حبيبنا محمد صلى الله عليه وسلم
الرجوع الى أعلى الصفحة اذهب الى الأسفل
*.* عَـقـلٌ سَـاجِـدٌ *.*
" مشرف تكنولوجيا "

avatar

عدد الرسائل : 4362
العمر : 29
محل الاقامة : معـارك.الحـيــاة
الوظيفة : A.Free.Man...I.Am
تاريخ التسجيل : 27/11/2006

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 3:50 pm

مصيبة كبيررررررررة

ما ينفعش نسكت عنها ....

****

لي عودة

_________________




يا مـُضَـيّعَ الأوقاتِ جهلا بحُرمتها .. أفِقْ و احذر بَواركْ

فـسوف تفارقُ اللذاتِ قـسْرا، ويُخلي الموتُ كرها منك داركْ

تدارك ما استطعتَ من الخطايا بـتوبة مُخـلِصٍ .. واجعل مداركْ

على طـلب السلامة من جحيمٍ ...
فـ *.* خـَيْـرُ ذوي الجرائمِ مَنْ تداركْ *.*

***
**
*




الرجوع الى أعلى الصفحة اذهب الى الأسفل
http://medicalclub.bb-fr.com/index.htm
نهــ واإسلاماه ــال
.
.
avatar

عدد الرسائل : 3214
العمر : 31
محل الاقامة : مع أفكاري
الوظيفة : PSYCHIATRIC RESIDENT
تاريخ التسجيل : 13/08/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 4:53 pm

اقتباس :
فكل واحد براحته يمشي حسب راحته في الموضوع ده

هل حضرتك تقصدي كل واحد يمشي براحته ويتبع هواه ؟؟؟
اقتباس :
فَإِنْ لَمْ يَسْتَجِيبُوا لَكَ فَاعْلَمْ أَنَّمَا يَتَّبِعُونَ أَهْوَاءَهُمْ وَمَنْ أَضَلُّ مِمَّنِ اتَّبَعَ هَوَاهُ بِغَيْرِ هُدًى مِنَ اللَّهِ إِنَّ اللَّهَ لا يَهْدِي الْقَوْمَ الظَّالِمِينَ [القصص:50]
اقتباس :
وَلا تَتَّبِعِ الْهَوَى فَيُضِلَّكَ عَنْ سَبِيلِ اللَّهِ} ص:26

وهناك الكثير من الآيات القرآنية


اقتباس :
لكن وجود الموسيقى بشئ معتدل لا مشكله طالما الكلمات محترمه بفتوى الشيخ القرضاوي



علعموم سيبكم من الموسيقى مش موضوعنا


لا مينفعش نقول مش موضوعنا
لأنه جزء مهم فيه
ولا نكتفي برأي واحد
أحترم الرأي "أي رأي أنا باتكلم عموما "
ولكن
لا أقتنع به
طالما
هناك دلائل من الأساس اللي المفروض ناخد منه الأول
القرآن والسنة

رجاء يا جماعة قبل مانبحث في فتوي أي عالم أو أي شيخ جليل
نبحث الأول في القرآن والسنة "الأساس "
ونستنفذ جهدنا في البحث
وإن كان الدليل واضح وصريح
فلا حاجة للبحث في آراء أخري
الرجوع الى أعلى الصفحة اذهب الى الأسفل
http://www.mosshaf.com/web/
zahra
عضو ذهبي
عضو ذهبي
avatar

عدد الرسائل : 970
العمر : 27
الوظيفة : دكتورة
تاريخ التسجيل : 03/03/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 6:26 pm


لألأ انا مش قصي هواي انا بقول يعني لو سمعت راي عالمين كبار مختلفين امشي تبع اني واحد ولا اقطع نفسي في النص ...

خلاص يا جماعة معترضين على الاناشيد الاسلاميه

خلاص خليها الاغاني التانيه ان كانت مش مديقاكم

طب لو المشكله في الموسيقي مش في الكلام بالنسبالكوا
الاغاني التانيه فيها المشكلتين كلام سيئ وموسيقى بكل الالات ده غير المناظر

يبقى نص البلا ولا البلا كله

انا عملت الموضوع عشان الناس الي مش بتحب الاناشيد الاسلاميه تحاول تحبها
لكن للاسف شكلهم كده هيكرهوها اكتر

يا جماعه والله انا عن نفسي بحب جدا الاناشيد الهادئه من غير دف حتى
بس الناس مش بتحب كده
طول ما انا في الكليه وماشيه سامعه الموبيلات شغاله
احكلكم موقف كمان واحده من زميلاتي المقربات شافه واحده صحبتي مش بتسمع اغاني
مشغله الموبايل وبتسمع نشيد
راحت قالتلها ايه ده انتي بتسمعي اغاني
قالتلها لأ اناشيد اسلاميه
ضحكت وقعدت تتريق وتقول : اه اه نشيد الي هو بيقول هيا بنا الي المسجد هيا بنا هيا ..(بتريقه طبعا)

من الاخر كل ما تعرضه هذه القناه يسعى الى اعطاء بديل مناسب لما يحبه الشباب العربي اجمع بدون تشدد او تسيب
مش احسن من الكلام الفارغ الي ضيع الاف الشباب يسمعوا كلام في التوبه في حب الله في الجديه في الاخلاق في.......

بجد ربنا يبارك في كل الي دخل على الموضوع ويثبتكم ويزيدكم

--------
لكن ما فيش داعي نتعصب لشيئ معين وهناك شئ اخطر منه
زي واحد راح لشاب واقف بيشرب سجاير و بعدين يمدغ لبان بطريقه مستفزة ويقوله ماينفعش تاكل لبان بهذا الشكل وتقف كدا ....(ساب السجاير وراح للبان)

ده مجرد مثال اتمني تكون الفكرة وصلت

اعتقد انه من الافضل انلا ينشغل شخصان (هم اصلا بيسمعوا اناشيد محترمه) عن وجود وعدم وجود الموسيقى

تاركين اخرون اصلا لا يسمعون لهذه الاناشيد

والله يا جماعه انا بش بكلم على مجرد اناشيد ولا اغاني وكلام فاضي
دي بقيت ثقافه مجتمع والله بتأثر على الشباب امال الفساد مالي المجتمع ازاي
ده غير ان عاذبها صعب جدا
انا نيتي خير من الموضوع ده كله
وطبعا احترامي لكل الي كتبوا في الموضوع انتوا اكبر مني واكيد اعلم

بس انا خايفه على اصحابى على اقربائي على كل البلد انا نفسي مرة امشي الاقي كلام حلو شغال كلام يحفز للخير

بصوا كده كده الوضع سيئ حاليا جدا
خالوا يتصلح ولو بنسبه
انتوا حتبقوا مدايقين لو الشباب بقى يتفرج على الاناشيد الي مش عجباكم دي !!

خلاص يبقى مافيش داعي يبطلوا الخلاعه الي بيشفوها
نستمر بقى على تامر حسني وهايفا وبلاش اناشيد اسلاميه .. اعمل ايه انا كده كده مش عيش من غير اغاني وانا بحب اسمع علطول وبحب الحركه في الاغنيه مش بحب عدم وجود الايقاع


تحياتي
الرجوع الى أعلى الصفحة اذهب الى الأسفل
نهــ واإسلاماه ــال
.
.
avatar

عدد الرسائل : 3214
العمر : 31
محل الاقامة : مع أفكاري
الوظيفة : PSYCHIATRIC RESIDENT
تاريخ التسجيل : 13/08/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 6:49 pm

اقتباس :
انتوا حتبقوا مدايقين لو الشباب بقى يتفرج على الاناشيد الي مش عجباكم دي !!
خطأ
أعترض علي الكلمة دي
مش كل اللي بيعحب الإنسان المسلم بيعمله
لأن فيه مبدأ المفروض يبقي ماشي عليه
"طاعة الله والرسول "

يعني ممكن يكون أي حد فينا كان عاجبه الحاجات دي وبيحب يسمعها جدا
لكن بمجرد ماقرأ أو سمع ما يثبت إنها غلط سابها

لأن المفروض مبدأ المسلمين "سمعنا وأطعنا "

ميبقاش سمعنا وبحثنا وقرأنا وتأكدنا وعقلنا وفهمنا وبعد ده كله عصينا

اقتباس :
خلاص يبقى مافيش داعي يبطلوا الخلاعه الي بيشفوها
نستمر بقى على تامر حسني وهايفا وبلاش اناشيد اسلاميه .. اعمل ايه انا كده كده مش عيش من غير اغاني وانا بحب اسمع علطول وبحب الحركه في الاغنيه مش بحب عدم وجود الايقاع

وهل الأمر لا يستحق ترك أي شيء محبب للنفس

لو كان الأمر بالنسبة للناس دي من وجهة نظرهم لا يستحق

يبقي خلاص الأمر منتهي "يتبعوا هواهم "

المسلمين زمان كانوا بيضحوا بأموالهم وحياتهم ونفوسهم ومكانتهم بيضحوا بأي شيء
في سبيل الفوز برضا الله
ودلوقتي مش عارفين نتخلي عن شوية مزيكا !!!


الرجوع الى أعلى الصفحة اذهب الى الأسفل
http://www.mosshaf.com/web/
هــشــامـ (قلمـ حـر)
عضوية شرفية
عضوية شرفية


عدد الرسائل : 1054
العمر : 29
محل الاقامة : Again alone
الوظيفة : Nothing ',just theories maker
تاريخ التسجيل : 31/10/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 7:05 pm

ههههههههههههههههههههههههههههههههههههههههههههههههههههههههههههههههههه
كله بيضحك على كله ..
كله بيتاجر باسم أي حاجه وكل حاجه ممكن تجيب فلوس بغض النظر إيه هيا دين أو أخلاق أو أي حاجه
الدنيا أصلا بقت قايمة عالموضوع دا وكله بيشوف أسرع الطرق للمكسب السريع وتحقيق الملايين
ومحدش فاهم حاجه ....
الرجوع الى أعلى الصفحة اذهب الى الأسفل
make a wish
|مشرف|
|مشرف|


عدد الرسائل : 4803
العمر : 31
الوظيفة :
تاريخ التسجيل : 02/05/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 9:23 pm

الصراحه انا لو راكبه سرفيس ولقيت السواق مشغل نشيد ديني وراه مزيكا هبقي مزقططه

واحمد ربنا وابوس ايدي وش وظهر ..

اهو عالاقل الواحد لو مش هياخد ثواب كامل..مش هياخد سيئات قد اللي كان بياخدها

انا عايزه افهم بس

هو مش كلنا متفقين علي ان الفساد منتشر والحمد لله

يبقي ليه متعتبرش الاناشيد الدينيه ديه مرحله انتقاليه زي مزهره بتقول

هو مش ربنا برده لما جه حرم الخمر اللي هيه ام الكبائر حرمها علي مراحل

يبقي اللي يجي يبطل سماع اغاني برده يبطلها علي مراحل

اصل معلش يعني..لما واحد يكون بيسمع اغاني مش عمر وتامر بس ده فيه اغاني منحطه ومبتذله اكتر من كده بكتير

ويجي يشتري شريط ديني "فيه مزيكا"

يبقي جواه خير ونفسه يتغير..اقوم اقله لا مينفعش ياما من غير معازف ياما تروح تلعب بعيد

والله اعتقد يعني ولله الامر ان الاخ ده ممكن ياخد ثواب بس عالنيه

وحاجه كمان..لو حتي هو جايب الشريط عشان المزيكا اللي فيه عجباه..

وسمع كلام طيب بيتقال..مهو ممكن الكلام ده يرقق قلبه ويبقي سبب لتوبه نصوحه..

وبعدين التاليف والموسيقي ديه موهبه من ربنا..

لو الانسان موجههاش للخير يبقي هيوجهها للشر ..

ولا ديه من المواهب اللي لازم تتقتل زي الرسم كده ولا ايه الحكايه..؟؟

معلش اعذروا جهلي..

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
Remaas
:: عضو مثقف ::
:: عضو مثقف ::
avatar

عدد الرسائل : 3452
العمر : 27
محل الاقامة : -
الوظيفة : -
تاريخ التسجيل : 30/07/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 10:11 pm

بصراحة انا ما كنتش اعرف القناة دي الا لما شفت الموضوع ده


و بصراحة القناة أكثر من رائعة

و جميع المنشدين اللي فيها كويسين

أي نعم يمكن يكون فيها موسيقى بس مش بالقدر الهائل اللي انتم عاملين له مشكلة كبيرة

و بعدين أنا شايفة ان دي حاجة كويسه جدا مش أحسن من قنوات الأغاني الماجنة

على الأقل بتبقى هادفة و مؤثرة

و بصراحة أنا مش شايفة أنها حرام خالص بالنسبة للعصر اللي احنا فيه ده

يعني سايبين اللي اكتر من كده و بندقق في الحاجات دي ؟؟؟
الرجوع الى أعلى الصفحة اذهب الى الأسفل
*.* عَـقـلٌ سَـاجِـدٌ *.*
" مشرف تكنولوجيا "

avatar

عدد الرسائل : 4362
العمر : 29
محل الاقامة : معـارك.الحـيــاة
الوظيفة : A.Free.Man...I.Am
تاريخ التسجيل : 27/11/2006

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 10:21 pm


*****
****
***
**
*
*


الرابط ده ممكن يفيد - إن شاء الله -

اضغط هنا

***
**
*

وعلى ما يتم تجهيز المادة كاملة

هنحكي حدوتة صغيرة ...

انا راجل شفت في الحتة عندنا شوية شباب صايعين وضايعين

ما عجبنيش الحال ....

من غير ما أبحث في الأصول

وعشان أشغلهم وأدلهم على طريق التوبة

هداني تفكيري - الشخصي -

إني أعمل لهم قعدة كده ونقعد - نغني - بكلام كويس جدااا ع الطبلة والزمارة

وفعلا

الحكاية عجبت - البعض - منهم وبطلوا صياعة وضياع

لا وفيه منهم كمان ابتدى يصلي ويحاول يلتزم ....

فيه مشاكل في اللى أنا عملته ده ؟؟

777
77
7
7
7



أيوة فيه مشاكل

ومشاكل كبيرة قوي كماااااااااااااان .....

تصرفي ده ... بينم عن جهل كبيرر وقلة علم بمكائد الشيطان

أنا لو كنت فكرت بالقواعد الشرعية المعروفة

هلاقي إن سلفنا الصالح كانوا بيتعاملوا مع شرار أهل الأرض ... ( مش مجرد مستمعي أغاني )

ويدعونهم للتوبة والإنابة بطرق شرعية ....

والنتيجة معروفة لينا كلنا ..

****

إن شاء الله نفصل الكلام ده

في الرابط المرفق أعلاه

***

مش هتتبع كل مشاركة من اللى فوق بالرد

لكن ...

إن شاء الله يكون الموضوع كافي لإزالة كل ذلك

وأرجو أن تتسع صدوركم .... وأوقاتكم لاستيعاب ما سَـيـُقال ...

_________________




يا مـُضَـيّعَ الأوقاتِ جهلا بحُرمتها .. أفِقْ و احذر بَواركْ

فـسوف تفارقُ اللذاتِ قـسْرا، ويُخلي الموتُ كرها منك داركْ

تدارك ما استطعتَ من الخطايا بـتوبة مُخـلِصٍ .. واجعل مداركْ

على طـلب السلامة من جحيمٍ ...
فـ *.* خـَيْـرُ ذوي الجرائمِ مَنْ تداركْ *.*

***
**
*




الرجوع الى أعلى الصفحة اذهب الى الأسفل
http://medicalclub.bb-fr.com/index.htm
*.* عَـقـلٌ سَـاجِـدٌ *.*
" مشرف تكنولوجيا "

avatar

عدد الرسائل : 4362
العمر : 29
محل الاقامة : معـارك.الحـيــاة
الوظيفة : A.Free.Man...I.Am
تاريخ التسجيل : 27/11/2006

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 10:25 pm

أنا شايف وسط الاسكرين شوتس المعروضة في الموضوع

ما يخص " أغنية " ياذا الجلال طال انشغالي ....


سمعتها في يوم من الأيام ....

ولم تثر بداخلي سوى أشد الحنق والغضب

ودلوقتي

أقدر أطلع منها ما يزيد على 20 مخالفة

كل واحدة منهم - منفردة - تودي إلى ما لا يحمد عقباه ....


*****

لي عودة

_________________




يا مـُضَـيّعَ الأوقاتِ جهلا بحُرمتها .. أفِقْ و احذر بَواركْ

فـسوف تفارقُ اللذاتِ قـسْرا، ويُخلي الموتُ كرها منك داركْ

تدارك ما استطعتَ من الخطايا بـتوبة مُخـلِصٍ .. واجعل مداركْ

على طـلب السلامة من جحيمٍ ...
فـ *.* خـَيْـرُ ذوي الجرائمِ مَنْ تداركْ *.*

***
**
*




الرجوع الى أعلى الصفحة اذهب الى الأسفل
http://medicalclub.bb-fr.com/index.htm
zahra
عضو ذهبي
عضو ذهبي
avatar

عدد الرسائل : 970
العمر : 27
الوظيفة : دكتورة
تاريخ التسجيل : 03/03/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 10:41 pm

نهــ واإسلاماه ــال كتب:

اقتباس :
انتوا حتبقوا مدايقين لو الشباب بقى يتفرج على الاناشيد الي مش عجباكم دي !!
خطأ
أعترض علي الكلمة دي
مش كل اللي بيعحب الإنسان المسلم بيعمله
لأن فيه مبدأ المفروض يبقي ماشي عليه
"طاعة الله والرسول "

يعني ممكن يكون أي حد فينا كان عاجبه الحاجات دي وبيحب يسمعها جدا
لكن بمجرد ماقرأ أو سمع ما يثبت إنها غلط سابها

لأن المفروض مبدأ المسلمين "سمعنا وأطعنا "

ميبقاش سمعنا وبحثنا وقرأنا وتأكدنا وعقلنا وفهمنا وبعد ده كله عصينا

اقتباس :
خلاص يبقى مافيش داعي يبطلوا الخلاعه الي بيشفوها
نستمر بقى على تامر حسني وهايفا وبلاش اناشيد اسلاميه .. اعمل ايه انا كده كده مش عيش من غير اغاني وانا بحب اسمع علطول وبحب الحركه في الاغنيه مش بحب عدم وجود الايقاع

وهل الأمر لا يستحق ترك أي شيء محبب للنفس

لو كان الأمر بالنسبة للناس دي من وجهة نظرهم لا يستحق

يبقي خلاص الأمر منتهي "يتبعوا هواهم "

المسلمين زمان كانوا بيضحوا بأموالهم وحياتهم ونفوسهم ومكانتهم بيضحوا بأي شيء
في سبيل الفوز برضا الله
ودلوقتي مش عارفين نتخلي عن شوية مزيكا !!!







كلام حضرتك يا دكتورة نهال مظبوط جدا اتفق معاكي

لكن انتي مش فهماني
انا بتكلم فقط على نقطة الموسيقى (والي انا ما اعتقدش انها موجوده في اناشيد فور شباب الي في بعضها وزي ماقلت هي ايقاعات فقط)
دلوقتي بالنسبه لانسانة بسيطه زيي ما اعرفش كتير وعلمي على قدي
انا سمعت فتوى من شيوخ بتحريم الموسيقى ومن اخرين باجازتها مادام الكلام المصاحب لها جيد مع مراعاة الالات الحرام الي معروفه وصريحة في شريعتنا ومراعاة ايضا الا تكون صاخبة جدا تلهى القلب ..

في حالة الاختلاف هذا من حق اي انسان ان يستفتي قلبه ويختار احدى الرأيين حتى لو كان احدهما خاطئ فلا اثم عليه بل على المفتي ... ده الي انا قصدته مش اكتر


وللمرة الالف احنا بنغير خطوة خطوة الصفر عمره ما هيكون 100 مرة واحده

ما تعقدوش الدنيا عشان خطري خليكوا سلسين
لو واحدة عايزة تغير من لبس البنطلون والبدي وعايزة تلبس تنيكات طويله اقولها لأ لازم جيبه او عبايه عشان البنطلون مينفعش ...!!! انا كلامي صح بس للاسف مش مناسب


اخر حاجه عايزة اقولها
انا بشكر كل الي ردوا على الموضوع
ومافيش مشكله خالص للاختلاف اذا كان العلماء اختلفوا
اهم حاجة مانضيعش فروضنا و مانعملش حرام
و الاختلاف سنه الحياة
وديننا دين الوسطية
الرجوع الى أعلى الصفحة اذهب الى الأسفل
zahra
عضو ذهبي
عضو ذهبي
avatar

عدد الرسائل : 970
العمر : 27
الوظيفة : دكتورة
تاريخ التسجيل : 03/03/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 10:53 pm


انا في حاجة انا مستغربه منها

اغلب طلبة كلية الطب من مستمعي الاغاني

وكلنا بنسمع الموبيلات لما ترن

وكلنا بنشوف حفلات التخرج كل سنه

لكن عمري ما شفت موضوع من دكتور واحد هنا على المنتدى يكلم على موضوع الاغاني

ده كليتنا كان شكلها زفت في الجرايد وصورة دكاترة بيرقصوا في كليه الطب في حفله الخريجين

كل هذا لم يحرك ساكن
كل هذا لم يدفع باي عضو لتقديم النصح والارشاد لنا

من زمان وانا الحكايه دي تعباني اوي وزعلانة ان دكاترة يبقوا كده

فقلت اجيب بديل افضل وملائم

لكن للاسف وجدت هجوما لم يصنع ربعه حتى
ضد الاغاني السيئه





يااااااا للخسارة
الرجوع الى أعلى الصفحة اذهب الى الأسفل
محمود الغول
::أديب المنتدى::
::أديب المنتدى::
avatar

عدد الرسائل : 3178
العمر : 29
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 11:21 pm

اقتباس :
ما تعقدوش الدنيا عشان خطري خليكوا سلسين
لو واحدة عايزة تغير من لبس البنطلون والبدي وعايزة تلبس تنيكات طويله اقولها لأ لازم جيبه او عبايه عشان البنطلون مينفعش ...!!! انا كلامي صح بس للاسف مش مناسب

خطأ
---
البنطلون والبودي علي طرحة ...أحسن من مش محجبة خالص..في دعاة بيقولوا كده!
ولما تسمع أغاني إسلامية بموسيقي...أحسن ما تسمع مش عارف مين ومين (الأسماء الي احنا عارفينها)..في شيوخ قالوا حلال!
ولما تشتغل في بنك ربوي..أحسن ما تسرق! .في شيوخ أفتوا بجواز التعاملات البنكية!
ولما كذا وكذ...يبقي أحسن من كذا وكذا...

وهكذا

ماذا يتبقي لنا من ديننا؟
لا شيء...
---
يا جماعة متقولوش خليكوا سلسين ...متبقوش متشددين..والكلام ده
الموضوع مش بايدينا
مش بايدينا والا بايد أي حد يغير أحكام الشرع...

الله غني عن العالمين..
ودين الله لا نحتاج لتزيينه أو بمعني أصح لتحريفه حتي يوافق أهواء الناس..
قال رسول الله صلي الله عليه وسلم " وما نهيتكم عنه فانتهوا "
انتهوا..

---
المسألة خطيرة جدا مش بسيطة...لية؟

الأحكام الشرعية لها باب في ديننا ...الباب ده اسمه الدليل الشرعي الصحيح
لو كسرت الباب ده في أصغر مسألة..يبقي انفتح لأكبر مسألة..

---

مؤشر ضياع ...
المفترض عندما يُقال ..قال رسول الله صلي الله عليه وسلم كذا..
تنتهي المسألة تماما...في حينها
لا جدال ولا نقاش

---
مبدأ " ما يطلبه المستمعون "..و" الزبون دايما علي حق "

قبلت به الأديان المحرفة...
ألا تعلمون أن الخنزير كان محرما في النصرانية..ثم لما كان الرومان لا يصبرون علي مفارقته
والنصرانية تنتشر في الرومان...غيروا وأحلو الخنزير...لا مشكلة..

ولكن ديننا عَصِيٌ - بحفظ الله - علي التحريف...

---

هذا الذي يحدث...تشويهٌ للدين.
هذه الحلول الوسط خطيرة كأخطر ما تكون...
تشويه للدين وتلبيس علي المسلمين..

_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !


عدل سابقا من قبل نَفَسٌ يتردد في السبت 04 يوليو 2009, 12:34 am عدل 1 مرات
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
نهــ واإسلاماه ــال
.
.
avatar

عدد الرسائل : 3214
العمر : 31
محل الاقامة : مع أفكاري
الوظيفة : PSYCHIATRIC RESIDENT
تاريخ التسجيل : 13/08/2008

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 11:28 pm




إن شاء الله دي تكون آخر مساهمة ليا في الموضوع
عشان مدخلش من مرحلة الحوار لمرحلة الجدال
وعشان هكون خلصت كل اللي عندي ومعنديش حاجة تانية أضيفها Very Happy
بداية عايزين نتفق علي حاجة
اتباع الرسول ..اتباع كلام الرسول _كما أمرنا الله _ أهم من اتباع كلام أي شيخ أو عالم

الذين يتبعون الرسول النبي الأمي الذي يجدونه مكتوبا عندهم في التوراة والإنجيل يأمرهم بالمعروف وينهاهم عن المنكر ويحل لهم الطيبات ويحرم عليهم الخبائث ويضع عنهم إصرهم والأغلال التي كانت عليهم فالذين آمنوا به وعزروه ونصروه واتبعوا النور الذي أنزل معه أولئك هم المفلحون " الأعراف - الجزء 9 - الآية 157

تمام

مسألة إن فيه بعض الموسيقي الخفيفة
أو بعض المعازف أو الآلات جائزة

اقتباس :
عن عبد الرحمن بن غنم الأشعري قال حدثني أبو عامر أو أبو مالك والله ما كذبني أنه سمع النبي صلى الله عليه و سلم يقول :
" ليكونن في أمتي أقوام يستحلون الحرير والخمر والمعازف ولينزلن أقوام إلى جنب علم تروح عليهم سارحة لهم فيأتيهم رجل لحاجته فيقولون ارجع إلينا غدا فيبيتهم الله فيضع العلم ويمسخ آخرين قردة وخنازير إلى يوم القيامة "


قلتُ: وهو حديثٌ صحيحٌ أخرجه البخاري في كتاب الأشربة من "صحيحه" وكذا أخرجه البيهقي في "السنن الكبرى" (6317) وابن حبان في "صحيحه" (6754) والطبراني في "المعجم الكبير" (3417) وأبو القاسم الدمشقي في "مسند المقلين" (1/34) وغيرهم

الحديث صحيح
ولم يخص الرسول علية أفضل الصلاة والسلام نوع معين من الآلات
وإنما قال _عليه الصلاة والسلام _ المعازف
وماكنش في حديث آخر يبيح أي نوع من أنواع الآلات عدا الدف

مسألة إن فيها القليل من الموسيقي
فأي حاجة حرام
كثيرها أو قليلها حرام

اقتباس :
هو مش ربنا برده لما جه حرم الخمر اللي هيه ام الكبائر حرمها علي مراحل
أنا يعني مقدرش أفتي في الموضوع ده
لكن أنا هقول رأيي الشخصي

ربنا حرم الخمر علي مراحل علي ناس كانت كل حياتهم غلط
مفيش أي ضابط عندهم
كل شيء مباح
مفيش عندهم أسس
كانوا قبل الإسلام كفار مشركين

طبعا الحال يختلف دلوقتي
لأننا مسلمين ديننا كامل ..تام
مسلمين عندنا أحكام وضوابط
عندنا أساس
مش بادئين من الصفر

علي فكرة كل واحد فينا خطاء
كل واحد فينا مش صح 100%
أنا كنت لحد سنة ونص فاتوا باعمل شغل موفي ميكر وباضيفله موسيقي
وكنت من المتعصبين جدا لرأيي
إن الشغل يخص مشروع خيري وإن وجود الموسيقي مع الموفي هيديله روح
ومكنتش باقبل مناقشة ولا باقتنع برأي حد

إلي أن قابلتني الآية دي في سورة البقرة قراتها كتير جدا ولكن ماتوقفتش عنده كتير

ومرة توقفت أمامها وفكرت وعشت معاها كتير أوي
و كأني كنت باقرأها لأول مرة

اقتباس :
اقتباس :
وَمَنْ يَرْغَبُ عَنْ مِلَّةِ إِبْرَاهِيمَ إِلَاَّ مَنْ سَفِه ََ نَفْسَه ُُ ۚ وَلَقَدِ اصْطَفَيْنَاه ُُ فِي الدُّنْيَا ۖ وَإِنَّه ُُ فِي الآخِرَةِ لَمِنَ الصَّالِحِينَ إِذْ قَالَ لَه ُُ رَبُّهُ~ُ أَسْلِمْ ۖ قَالَ أَسْلَمْتُ لِرَبِّ الْعَالَمِينَ

الآية رقم 131
إذ قال له ربه أسلم قال أسلمت لرب العالمين

سرعة الاستجابة
سرعة الانقياد
سرعة الطاعة
لا وقت للتفكير

أسلم ..قال أسلمت

مفيش تفكير .. فيه تسليم بأمر ربنا

مفيش جدال


مكن الآية دي في سورة البقرة وقفت قدامها كتير أوي وفكرت فيها كتير جدا
وإلي الآن الآية دي دائما بتحتل جزء من تفكيري وأعتقد إنها غيرت فيا حاجات وتصرفات كتيرة أوي

أسلم ..قال أسلمت

مبدأ الطاعة

مبدأ سمعنا وأطعنا

دايما الواحد بيخاف إنه ينطبق عليه قول "قالوا سمعنا وعصينا "




فيه حاجات المفروض المسلم يصمت أمامها
سمع إن فيه حاجة غلط أو حلال أو حرام
لا يقف
ولكن يبحث ويستنفذ كل جهده في البحث
والمصدر الأساسي القرآن والسنة

ولو عرف وتأكد إنها غلط
يبقي يسيبها
لو مش قادر أو بمعني أصح مش عايز "لأي سبب بقي يخصه "
يبقي يصمت ولا يجادل
أقسم بالله إن الكلام ده أنا مش باوجهه لحد بصورة شخصية
لكن الكلام ده أنا قلته ولسه باقوله لنفسي
يعني اعتبروني باتكلم مع نفسي ولكن بصوت عالي شوية
الكلام الأخير ده موجه للعضوة نهــ واإسلاماه ــال Very Happy



الرجوع الى أعلى الصفحة اذهب الى الأسفل
http://www.mosshaf.com/web/
آثـــــــــــــــــــار
الريشة الفضية للمنتدى
الريشة الفضية للمنتدى
avatar

عدد الرسائل : 2229
العمر : 26
محل الاقامة : where no one asks me who i'm
الوظيفة : ummmmmmm,lookin for my brain, have u seen it around?!
تاريخ التسجيل : 06/11/2007

مُساهمةموضوع: رد: انطلاق أول قناة كليبات إسلامية   الجمعة 03 يوليو 2009, 11:54 pm

zahra كتب:



من الاخر كل ما تعرضه هذه القناه يسعى الى اعطاء بديل مناسب لما يحبه الشباب العربي اجمع بدون تشدد او تسيب
مش احسن من الكلام الفارغ الي ضيع الاف الشباب يسمعوا كلام في التوبه في حب الله في الجديه في الاخلاق في.......


--------


والله يا جماعه انا بش بكلم على مجرد اناشيد ولا اغاني وكلام فاضي
دي بقيت ثقافه مجتمع والله بتأثر على الشباب امال الفساد مالي المجتمع ازاي
ده غير ان عاذبها صعب جدا
بصوا كده كده الوضع سيئ حاليا جدا
خالوا يتصلح ولو بنسبه





انتي هنا بتحاولي تعرضي حل وسط ما بين الاغاني اللي اصبحت وبــــــــاء بجد

في كل مكان فعلا لا مكان تقريبا يخلو منها


وبين الاناشيد الاسلامية اللي فعلا نقدر نطلق عليها كلمة اسلامية


انا بس عاوزة اقول حاجة كاننا بنفكر بصوت عالـــى

عند تحريم الخمر طبعا مع الفارق

ربنا سبحانه وتعالى في البداية مقالش الخمر حرام وانه رجس

قال سبحانه وتعالى ان مينفعش تصلوا وانتم سكــارى

علشان يسحبها الله سبحانه وتعالى منهم تدريجيا لانها كانت عادة ولان دي كانت البداية ليهم

يعني دين غريب خلاهم يبعدوا عن اصحابهم واهلهم

ربنا سبحانه وتعالى كان عاوز يحببهم في الدين وميخليش المسلمين يحسوا انه دين حصار

ولكن بعد ما ثبت ايمانهم وانغرزت فيهم العقيدة

ربنا سبحانه وتعالى نهى نهي صريـــــــــــــح وواضح عن الخمر

هل دا معناه دلوقتي ان الناس اللي بتشرب خمر نقولهم براحتكم بس اهم حاجة متصلوش وانتوا شاربين؟!!!!

احنا دلوقتي ديننا كــــــــــــامل وكل حاجة فيه واضحة فقط للي عاوز يعرف ويدور

نفس الموضوع هنا

صح المفروض ندور على حل بديل

وممكن يكون دا الحل البديل الظاهر

بس مين قال ان احنا كدا بنودي الشباب ناحية انه تدريجيا هنشيل الالات الموسيقية

وهنوصل في النهاية للحاجات الغير محرمة اللي ممكن نسمعها؟!!!!!! وهو دا المطلوب طبعا

مش ممكن يحصل العكس؟!!!

يعني وخصوصا ان احنا قطعا مش احسن حال من المسلمين الاوائل حتى لما كانوا لسه في بدايات اسلامهم وميعرفوش كتير اوي عن الاسلام

دول اتجهوا بعد كدا لمحاربة الشيطان ونزواتهم وكل شيء تركوه من اجل اطاعة ربنا و الدين والرسول

انا كنت ممكن اكون في راي زهرة فقط لو كنا مثل هؤلاء الصحابة

ان احنا تدريجيا هنبتعد عن الخطأ وهنروح للصح

لكن الايام هتثبت ان فعلا العكس اللي هيحصل

بعد شوية ممكن يزودوا الالات الموسيقية

مش بعيد الكلمات تكون مش على المستوى المطلوب حتى ولو كان ليها نفس المعنى

وهنكون بالعكس خسرنا
الرجوع الى أعلى الصفحة اذهب الى الأسفل
محمود الغول
::أديب المنتدى::
::أديب المنتدى::
avatar

عدد الرسائل : 3178
العمر : 29
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: انطلاق أول قناة كليبات إسلامية   السبت 04 يوليو 2009, 12:16 am

zahra كتب:

انا في حاجة انا مستغربه منها

اغلب طلبة كلية الطب من مستمعي الاغاني

وكلنا بنسمع الموبيلات لما ترن

وكلنا بنشوف حفلات التخرج كل سنه

لكن عمري ما شفت موضوع من دكتور واحد هنا على المنتدى يكلم على موضوع الاغاني

ده كليتنا كان شكلها زفت في الجرايد وصورة دكاترة بيرقصوا في كليه الطب في حفله الخريجين

كل هذا لم يحرك ساكن
كل هذا لم يدفع باي عضو لتقديم النصح والارشاد لنا

من زمان وانا الحكايه دي تعباني اوي وزعلانة ان دكاترة يبقوا كده

فقلت اجيب بديل افضل وملائم

لكن للاسف وجدت هجوما لم يصنع ربعه حتى
ضد الاغاني السيئه





يااااااا للخسارة


نظرة سريعة علي المنتدي الإسلامي وحتي حالة حوار..

يجي 100 موضوع عن تحريم المعازف .وأدلة..وردود علي شبهات..ونقاش وجدال

دا احنا خلاص هنحضر دكتوراة في أدلة تحريم المعازف!!!
---
السلام عليكم ورحمة الله وبركاته

_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
*.* عَـقـلٌ سَـاجِـدٌ *.*
" مشرف تكنولوجيا "

avatar

عدد الرسائل : 4362
العمر : 29
محل الاقامة : معـارك.الحـيــاة
الوظيفة : A.Free.Man...I.Am
تاريخ التسجيل : 27/11/2006

مُساهمةموضوع: رد: انطلاق أول قناة كليبات إسلامية   السبت 04 يوليو 2009, 12:28 am


انا مش بهاجم الموضوع بعينه

ولا دي وجهات نظر جديدة

احنا بنتكلم في مبادئ

****

أنا هكمل هنا بكلمة أخيرة قبل ما نبتدي نفصل في موضوع منفصل

لا يجوز أن نستبدل الخبيث بالخبيث ....

ولا يجوز ارتداء ثوب الباطل أثناء الدعوة إلى الحق ....

وفيه فرق كبير بين " السماع " و " الاستماع "


77
7
7


وأثناء تحريم الخمر ... ما جاش الأمر بإنهم يشربوا " بوظة " أو أى مسكرات منوعة تانية

_________________




يا مـُضَـيّعَ الأوقاتِ جهلا بحُرمتها .. أفِقْ و احذر بَواركْ

فـسوف تفارقُ اللذاتِ قـسْرا، ويُخلي الموتُ كرها منك داركْ

تدارك ما استطعتَ من الخطايا بـتوبة مُخـلِصٍ .. واجعل مداركْ

على طـلب السلامة من جحيمٍ ...
فـ *.* خـَيْـرُ ذوي الجرائمِ مَنْ تداركْ *.*

***
**
*




الرجوع الى أعلى الصفحة اذهب الى الأسفل
http://medicalclub.bb-fr.com/index.htm
zahra
عضو ذهبي
عضو ذهبي
avatar

عدد الرسائل : 970
العمر : 27
الوظيفة : دكتورة
تاريخ التسجيل : 03/03/2008

مُساهمةموضوع: رد: انطلاق أول قناة كليبات إسلامية   السبت 04 يوليو 2009, 12:40 am

نَفَسٌ يتردد كتب:

---
البنطلون والبودي علي طرحة ...أحسن من مش محجبة خالص..في دعاة بيقولوا كده!
ولما تسمع أغاني إسلامية بموسيقي...أحسن ما تسمع مش عارف مين ومين (الأسماء الي احنا عارفينها)..في شيوخ قالوا حلال!
ولما تشتغل في بنك ربوي..أحسن ما تسرق! .في شيوخ أفتوا بجواز التعاملات البنكية!
ولما كذا وكذ...يبقي أحسن من كذا وكذا...

وهكذا


دعاة تعبانين
بس المثال الاول والثالث مختلفين عن الاوسط
الاول والثاني تقول ان شئ حرام احسن من حرام ... مينفعش طبعا نعوض الكبائر بصغائر كلام فارغ
لكن الاوسط
من قال اصلا ان الموسيقى حرام
ليس لها ايه او حديث صريح مثل الاخرين
لهذا اختلف فيها



صلاحيا
ت هذا المنتدى:تستطيع الرد على المواضيع في هذا المنتدىKollia Online For
ums :: :: حالة حوارKollia Online Forums :: :: حالة حوار
© phpBB | منتدى مجاني | Aynacorp | التبليغ
عن محتوى مخالف | الحصول على مدونة



انا الصراحة لما شفت كتير من الدعاة والشيوخ مدحوا قناة فور شباب
مؤتمرات وبرامج فور شباب يحضرها العديد منهم
مثل
د-طارق سويدان
د-عمرو خالد
د-علي العمري
د-يوسف القرضاوي

كتير اوي من الدعاة والشيوخ الي بنسمع دروسهم

هذا اعطاني ثقه في القناة
مش معقول كل هؤلاء اصحاب العلم الديني لا يفقهون
الرجوع الى أعلى الصفحة اذهب الى الأسفل
محمود الغول
::أديب المنتدى::
::أديب المنتدى::
avatar

عدد الرسائل : 3178
العمر : 29
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: انطلاق أول قناة كليبات إسلامية   السبت 04 يوليو 2009, 12:51 am

اقتباس :
من قال اصلا ان الموسيقى حرام
ليس لها ايه او حديث صريح مثل الاخرين
لهذا اختلف فيها

الله المستعان...
اقتباس :
ليس لها ايه

الأية :....
( ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين ( 6 ) وإذا تتلى عليه آياتنا ولى مستكبرا كأن لم يسمعها كأن في أذنيه وقرا فبشره بعذاب أليم)


قال ابن مسعود في قوله تعالى : ( ومن الناس من يشتري لهو الحديث ) قال : هو - والله - الغناء .

( يرجي مراجعة تفسير الأية في كتب التفسير )


اقتباس :
او حديث صريح مثل الاخرين

الحديث :...

اقتباس :
عن عبد الرحمن بن غنم الأشعري قال حدثني أبو عامر أو أبو مالك والله ما كذبني أنه سمع النبي صلى الله عليه و سلم يقول :
" ليكونن في أمتي أقوام يستحلون الحرير والخمر والمعازف ولينزلن أقوام إلى جنب علم تروح عليهم سارحة لهم فيأتيهم رجل لحاجته فيقولون ارجع إلينا غدا فيبيتهم الله فيضع العلم ويمسخ آخرين قردة وخنازير إلى يوم القيامة "


قلتُ: وهو حديثٌ صحيحٌ أخرجه البخاري في كتاب الأشربة من "صحيحه" وكذا أخرجه البيهقي في "السنن الكبرى" (6317) وابن حبان في "صحيحه" (6754) والطبراني في "المعجم الكبير" (3417) وأبو القاسم الدمشقي في "مسند المقلين" (1/34) وغيرهم

اقتباس :
لهذا اختلف فيها


الرد ...

اقتباس :
وقد نقل الإجماع على تحريم المعازف زهاء العشرون إماماً من أئمة المسلمين أذكر منهم للمثال لا الحصر:

قال الإمام ابنُ رجب في "نزهة الأسماع" (صـ 25):

" سماع آلآت الملاهي كلها وكل منها محرم بانفراده وقد حكى أبو بكر الآجري وغيره إجماع العلماء على ذلك " اهـ

وقال أيضاً:
" سماع آلآت الملاهي فإنه لا يعرف عن أحد ممن سلف الرخصة فيها إنما يعرف ذلك عن بعض المتأخرين من الظاهرية والصوفية ممن لا يعتد به " اهــ

وقال الإمام البغوي في "شرح السنة" (جزء 12/ صـ 383):
" واتفقوا على تحريم المزامير والملاهي والمعازف " اهــ


وقال الإمام أبو عمرو بن الصلاح في "الفتاوى" (ص292):
" فليعلم أن الدف والشبابة والغناء إذا اجتمعت فاستماع ذلك حرام عند أئمة المذاهب وغيرهم من علماء المسلمين ولم يثبت عن أحد ممن يعتد بقوله في الإجماع والاخلاف أنه أباح هذا السماع " اهــ

ولمَّا ادعى ابن المطهر من الشيعة أن أئمة أهل السنة الأربعة يبيحون المعازف كذَّبه شيخ الإسلام ابن تيمية في "منهاج السنة النبوية" فقال:
" هذا من الكذب على الأئمة الأربعة فإنهم متفقون على تحريم المعازف التي هي آلات اللهو كالعود ونحوه " اهــ

ثم تصريح الأئمة الأربعة وجماهير أصحابهم بالتحريم, بل إن المتأمل لعلم الجرح والتعديل الذي هو من أقسام علم الحديث يرى بعض الأئمة يسقط رواية راوي الحديث إذا كان يسمع المعازف لتلبسه بفعلِ من أفعال الفسق ! ولا نعلم عالماً أباحها من أمة الإسلامِ إلا ابن حزم وخليفته ابن طاهر الذي قلّده بعض المتأخرين ليرضوا بذلك الإتجاهات السياسية أو الإجتماعية التي إليها ينتمون , وقد نص بعضهم على أنهم "يضطرون" لإباحة المعازف لأنهم لا يستطيعون أن يقدموا الإسلام للغرب وهو يحرمها ! والغرب يعتبرها فناً ! وهذا عجيبٌ غريبٌ إذ كيف استطاعوا إذاً أن يقدموه له وهو يحرِّم الرقص وشرب الخمر والغرب يعتبر الأول أصل الفنون والثاني أصل المزاج !! ولو سرنا بهذا المنهاج المعوجّ لأسقطنا الإسلام جملةً إذ هو لا مما لا يوافق أهواء الغرب !
والحق أن ابن حزم إمامٌ كبير لا ينكر فضله إلا جاحد , لكن الذي اعتمد عليه ابن حزم في هذا الرأي هو أن حديث المعازف الذي بلغه لم يبلغه له إلا الإسناد الضعيف , ولم يصل ابن حزم أي إسناد صحيح لهذا الحديث, والحديث له أسانيدٌ صحيحة عند أبي بكر الإسماعيلي في "المستخرج" والبيهقي في "السنن" وهي مما لم يقف عليه الإمام ابن حزم -رحمه الله- لذا قال -رحمه الله-: لو صح واحدٌ من هذا الأحاديث لما ترددنا في الأخذ به .., ولا يساورنا شك في أنه صادقٌ فيما قال فهذا شأن أئمة المسلمين الناصحين, ولكن كما قالوا جميعاً : إذا صح الحديث فهو مذهبي, أما وقد صحَّ الحديث من طرق لم تبلغ ابن حزم فقد ثبت الحكم ولله الحمد والمنة.


مقتبس من رد د إسلام طعيمة مشرف المنتدي الإسلامي علي موضوع أخر له نفس الفكرة كان في المنتدي الإسلامي.

_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
zahra
عضو ذهبي
عضو ذهبي
avatar

عدد الرسائل : 970
العمر : 27
الوظيفة : دكتورة
تاريخ التسجيل : 03/03/2008

مُساهمةموضوع: رد: انطلاق أول قناة كليبات إسلامية   السبت 04 يوليو 2009, 12:58 am

على فكرة
طول ما انتوا معتقدين ان الناس هتتغير من الصفر للميه مرة واحده
مش هتطلعوا باي نتيجه صدقوني
وستستمر مواضيع حرمانيه الاغاني بالعشرات دون اي نتيجه
زي ما شفنا حفلة السنه دي اسوأ من الي فاتت

---------------------

الكلمه الاخيرة

دلوقتي احنا في القرن 21
وفي حاجة اسمها فن (اغاني وفيديو كليب -مسلسلات- افلام)
في كل العالم وعلى كل القنوات
اذا كنتم ترون ان الاسلام لا مكان له بين هؤلاء وهذه اشياء لم تكن على عصر الرسول
فلا تمنعوا الوضع الحالي وما نراه الان على شاشاتنا
لان الفن موجود موجود
طالما تريدون ابعاد الاسلام عن تطورات العصر الغربيه والتي يبتكرها الغرب غالبا
فلا تعترضوا على ما يعرض الان

لكني اؤمن ان الاسلام صالح لكل زمان وعصر ويتماشى مع جميع المجتمعات


عدل سابقا من قبل zahra في الأحد 05 يوليو 2009, 3:48 pm عدل 1 مرات
الرجوع الى أعلى الصفحة اذهب الى الأسفل
 
انطلاق أول قناة كليبات إسلامية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: