البوابةالرئيسيةس .و .جبحـثالتسجيلدخول





شاطر | 
 

 ليه كده؟؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
دكتور شاطر
|مشرف|
|مشرف|
avatar

عدد الرسائل : 6294
العمر : 29
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: ليه كده؟؟   الأحد 31 مايو 2009, 7:14 pm


BSM

السلام عليكم ورحمة الله وبركاته

يارب تكون الامتحانات مع كل الناس كويسة وسهلة

ويارب نشوف ناس مننا قادة......متستغربوش.....محدش عارفVery Happy

طبعا الناس كلها فى امتحانات......ومشغوله.....ومش فايقة تتكلم وكده يعنى

فالموضوع ده مفتوح للى داخل شويه كده يتفرج على المنتدى

ندخل بقى فى الموضوع

الحكاية ان كتير بلاحظ ان غالبية الناس الملتزمة مش متفوقة للأسف

وده من خلال تعاملى مع ناس كتير جدا

أقصد بمش متفوقة...من الناحية الدراسية وليس من الناحية العملية,,,يعنى مش بتكلم عن الحياة العملية

وبرده دى مش قاعدة....بس بقول غالبية الناس......وبرده بقول ده من حكم تعاملى مع البنين...مش عارف الحكايه برده عند البنات كده ولا ايه

فمش عارف ايه السبب فى كده!!!

هل يعنى بيفضلوا الناحية الدينية عن المذاكرة؟؟
بس أعتقد ان حتى لو فضلوا...كل حاجه ولها حقها

ام ان الناحية الدنييه قد تكون فقط مسلك للهروب من المذاكرة؟؟

ام انها حالة نفسيه غير مستقرة....حيث ان الشاب يريد ان يرضى الله وان يتفوق ايضا؟؟
((يعنى عاوز يعمل ده وده..ونتيجة انه مش محدد هدفه..لا طال ده ولا ده))
ولا أجد كذلك فى هذا تناقض....فى ان يرضى الله ويتفوق.....بل ان الاولى تقود بدورها الى الثانية لو كانت صحيحة

ام لأن التعليم الدنيوى ليس له قاعدة دينية عندنا؟؟


بصراحة مش عارف بالضبط ايه الحكايه؟؟

فياريت تشاركونى التفكير ده........ونشوف بعد كده حل لها

الاول كده وانتم بتشاركواVery Happy

هل أنتم موافقين الاول عن وجهة نظرى ان الظاهرة دى فعلا موجوده ومنتشرة؟؟

وايه هى اسباب الحكايه دى؟؟

وهل الاسباب اللى انا قلتها موجودة؟؟


ليه الملتزم مش متفوق فى الناحية الدراسية؟؟

زى ما قولت.........ليست قاعدة ولكنها حالات كثيرة

واقصد بالشخص الملتزم........اللى الناس بتشوفه كده تقول عليه ملتزم

سلام عليييييييييييييييييكم
الرجوع الى أعلى الصفحة اذهب الى الأسفل
http://www.islamweb.net
عابـر سبيـل
|مشرف|
|مشرف|


عدد الرسائل : 4176
العمر : 30
محل الاقامة : مهاجر إلى الله..هذا سبيلي
الوظيفة : مجاهد .. بعيـــدا ً
تاريخ التسجيل : 29/10/2007

مُساهمةموضوع: رد: ليه كده؟؟   الأحد 31 مايو 2009, 7:45 pm


يا نهار أبيض
حمدا لله على سلامتك ياراجل يا طيب
أنا مش مصدق بس إنك دخلت على أيام الإمتحانات
لأ وقلها تمام .. أمال فين الامتيازات بقى Very Happy

طبعا إنت عارف إني موافقك في الظاهره دي جدا
وإتكلمنا في الموضوع ده مسبقا وبردو معرفتش معاك
أوصل لمبرر أو لحل
ومن ساعتها وأنا مش عارف بردو .. أقول إيه بس يابو حميد Sad
والله موضوع جميل جدا .. يارب نلاقي ردود مفيده وبنائه حتى لو قاسيه
بس تبقى بمنطلق الواقعيه بردو .. يمكن مشاكل ناس كتيره تتحل

موضوع موفق وف وقته ياباشا .. وربنا يوفقنا لما فيه الخير

_________________
مـن يهـن يسهـل الهـوان عليـه ... ما لجـرح بميــت إيــلام
الرجوع الى أعلى الصفحة اذهب الى الأسفل
http://www.tvanashed.com/
SaLmA
فرسان الميديكال
فرسان الميديكال
avatar

عدد الرسائل : 2171
العمر : 26
محل الاقامة : ....
الوظيفة : ....
تاريخ التسجيل : 17/07/2008

مُساهمةموضوع: رد: ليه كده؟؟   الأحد 31 مايو 2009, 7:51 pm


انا مش فاهمة اصلن يعني ايه التفوق الدراسي يعني مش فاهمة معناه ايه المقصود

بس انا اصلا مش شايفة علاقة ف الموضوع ف الناس اللي حواليه يعني

يعني ف كدة وفي كدة

ام عدم التفوق الدراسي (بالمعنى المعروف يعني)درجات وتقديرات وكدة

فدة اسبابه كتير ولاحظت برده من الناس اللي حوالية

ساعات مش بيبقى هو المسئول او مش عيب ف الشخص

بس سؤال بيجي ف بالي كتير خصوصا ايام حبسة الامتحانات وكدة

هو ليه احنا شايفين ان المزاكرة دي اهم حاجة ف الدنيا

او دة اللي سائد ف مجتمعنا يعني

يعني المفروض لو انت ملتزم او شغال ف كذة حاجة

يبقى الاولوية لدراستك وبعد كدة بقة تشوف الحاجات التانية

وربما تكون الحاجات التانية دي مهمة ومهمة جداااااااااا

يعني يقولك ان تسيب كل حاجة علشان الدراسة مش عارفة ليه

لا ووقت الامتحانات ما لكش ف حاجة تانية غير المزاكرة

دة نظام بلد بحالها كدة

انا مش بقول انها مش مهمة او نضحي بيها

لا لكن ف حاجات برده مهمة ف حياتنا ليه دايما دي الاهم

بس يمكن يفسروها ايه انها بلد شهادات وتقديرات ما بتنبصش غير للمظاهر

انا مش عارفة انا جايز دخلت ف نقطة تانية خاااااااااااااااالص

بس السؤال دة بفكر فيه كتير وكلمة التفوق الدراسي فكرتني


الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: ليه كده؟؟   الأحد 31 مايو 2009, 8:32 pm

شوف ياعم سرور Smile

القاعدة العامة للتفوق الدراسي زي مانت بتقول :

1- رضا الله سبحانه وتعالي .


2- بر الوالدين .


3- المذاكرة والاجتهاد ( وباقي الحاجات الجميلة اللي مكتوبة علي ضهر مذكرة الامتحانات بتاع

الميديكال ) Very Happy .

غياب عامل أو أكتر من العوامل دي المفروض أنه يؤدي إلي نتيجة غير مرغوب فيها .

إلا إنك هتلاقي بعض Exceptions أو سميهم زي ما تسميهم :

- يعني ممكن تلاقي واحد متفوق ولكنه مش ملتزم مثلا ، ووارد جدا أنه يحصل وده شيء عادي

دي نعمة زيها زي نعم كتيرة جدا زي البصر والسمع والاحساس ربنا مديها للبني آدم ده وأكيد

هيحاسبه عليها ( ويمدهم في طغيانهم يعمهون )

- وممكن برده تلاقي واحد ملتزم ومش متفوق ، مش قضية يعني

ممكن يكون ربنا مدخرها له لحاجة أحسن من كده ، أو حايش عنه بلاوي كتيرة

أو قد يكون هو بيعمل ذنب أصلا وربنا بيحاسبه عليه وانت متعرفوش


يعني الموضوع ده في الأول وفي الآخر أرزاق وقسمة ونصيب

وأنا مش شايفها ظاهرة عامة ولا حاجة فيه كده وفيه كده

فيه اللي تبع القاعدة العامه وفيه اللي تبع Excepions

وجايز يكون واحد ملتزم ومبيذاكرش لأي سبب ، يعني فيه أسباب كتير جدا

لكن اللي عاوز أقوله أن حكايه الالتزام الديني يعطل عن المذاكرة دي أو التفوق مش منطقيه

يعني لأن دلوقتي ، مهما بلغ الفرد من الالتزام يعني مش معقوله معندوش ساعتين يبص فيهم

في الكتاب يعني ولا ايه ؟؟ ومتقنعنيش إن المتفوقين مبيقوموش من ع الكتاب ولا يصلوا ولا

يعبدوا ربنا يعني Smile

أما حكاية أن الناس مبيبقاش وراها هم في شهر الامتحانات ده الا المذاكرة فده طبيعي

ده موسم المذاكرة زي رمضان موسم العبادة : الناس بتصلي وتصوم طول السنه لكن

بتشد في رمضان وممكن تضحي بحاجات مهمه عشان صلاة التراويح مثلا ، ليه ؟؟؟؟

لآنه شهر في السنه ، كذلك برده شهر الامتحانات شهر في السنه وهو موسم الدرجات

مع الفارق الكبير طبعا بين امتحان الدنيا والاخره ...

ولكن طبعا النفر مننا مش لازم يلغي كل حاجة عشان خاطر المذاكرة ، بالعكس هو ممكن يلغي

المذاكرة عشان أي حاجة تانية وشعارنا دايما إن الصحة والستر هما الأساس


مش كنت تخلي المواضيع الحلوة دي للأجازة ياحاج سرور

Welcome Back ياسيدي Smile



_________________

الرجوع الى أعلى الصفحة اذهب الى الأسفل
http://www.medicalto.com
دكتور شاطر
|مشرف|
|مشرف|
avatar

عدد الرسائل : 6294
العمر : 29
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: ليه كده؟؟   الأحد 31 مايو 2009, 8:35 pm

بالنسبة بس لرد الدكتورة سلمى.....عشان منفرعشى الموضوع ونتوه

انا وضحت فى الاول وقلت بنتكلم عن التفوق الدراسى....بعيدا عن الحياة العملية

والتفوق الدراسى طبعا هو حكايه المذاكرة والتقديرات والاهتمام عامة بالمذاكرة

لكن مش عاوزين ندخل اذا كانت المذاكرة اهم حاجه ولا لأ

الحكايه دلوقتى عاوزين نعرف ليه الملتزم مش متفوق دراسيا؟؟

وممكن فعلا رد حضرتك ده برده سبب فى عدم تفوق الشخص...انه يقول المذاكرة مش كل حاجه......بس للأسف بناءا على الفكره دى بيتركها خالص خالص

وجزاكم الله خيرا على الرد وننتظر المزيد

وجزاكم الله خيرا اخى وحبيبى عابر سبيل........وربنا يهدينا كلنا يا باشا ونذاكر Very Happy

سلام
الرجوع الى أعلى الصفحة اذهب الى الأسفل
http://www.islamweb.net
Bahaa
|مشرف|
|مشرف|


عدد الرسائل : 8109
العمر : 29
محل الاقامة : My Dreams
الوظيفة : .....
تاريخ التسجيل : 08/02/2007

مُساهمةموضوع: رد: ليه كده؟؟   الأحد 31 مايو 2009, 8:40 pm

Dr AboAyad كتب:


القاعدة العامة للتفوق الدراسي زي مانت بتقول :

1- رضا الله سبحانه وتعالي .


2- بر الوالدين .


3- المذاكرة والاجتهاد ( وباقي الحاجات الجميلة اللي مكتوبة علي ضهر مذكرة الامتحانات بتاع

الميديكال ) Very Happy .

غياب عامل أو أكتر من العوامل دي المفروض أنه يؤدي إلي نتيجة غير مرغوب فيها .

إلا إنك هتلاقي بعض Exceptions أو سميهم زي ما تسميهم :

- يعني ممكن تلاقي واحد متفوق ولكنه مش ملتزم مثلا ، ووارد جدا أنه يحصل وده شيء عادي

دي نعمة زيها زي نعم كتيرة جدا زي البصر والسمع والاحساس ربنا مديها للبني آدم ده وأكيد

هيحاسبه عليها ( ويمدهم في طغيانهم يعمهون )

- وممكن برده تلاقي واحد ملتزم ومش متفوق ، مش قضية يعني

ممكن يكون ربنا مدخرها له لحاجة أحسن من كده ، أو حايش عنه بلاوي كتيرة

أو قد يكون هو بيعمل ذنب أصلا وربنا بيحاسبه عليه وانت متعرفوش


يعني الموضوع ده في الأول وفي الآخر أرزاق وقسمة ونصيب

وأنا مش شايفها ظاهرة عامة ولا حاجة فيه كده وفيه كده

فيه اللي تبع القاعدة العامه وفيه اللي تبع Excepions

وجايز يكون واحد ملتزم ومبيذاكرش لأي سبب ، يعني فيه أسباب كتير جدا

لكن اللي عاوز أقوله أن حكايه الالتزام الديني يعطل عن المذاكرة دي أو التفوق مش منطقيه

يعني لأن دلوقتي ، مهما بلغ الفرد من الالتزام يعني مش معقوله معندوش ساعتين يبص فيهم

في الكتاب يعني ولا ايه ؟؟ ومتقنعنيش إن المتفوقين مبيقوموش من ع الكتاب ولا يصلوا ولا

يعبدوا ربنا يعني Smile

أما حكاية أن الناس مبيبقاش وراها هم في شهر الامتحانات ده الا المذاكرة فده طبيعي

ده موسم المذاكرة زي رمضان موسم العبادة : الناس بتصلي وتصوم طول السنه لكن

بتشد في رمضان وممكن تضحي بحاجات مهمه عشان صلاة التراويح مثلا ، ليه ؟؟؟؟

لآنه شهر في السنه ، كذلك برده شهر الامتحانات شهر في السنه وهو موسم الدرجات

مع الفارق الكبير طبعا بين امتحان الدنيا والاخره ...

ولكن طبعا النفر مننا مش لازم يلغي كل حاجة عشان خاطر المذاكرة ، بالعكس هو ممكن يلغي

المذاكرة عشان أي حاجة تانية وشعارنا دايما إن الصحة والستر هما الأساس






الراجل ده بيقوووووووول كلام زى الفل

اي والله




ولى عوده يا سرور الكليه

Very Happy
الرجوع الى أعلى الصفحة اذهب الى الأسفل
http://www.mosshaf.com/web/
دكتور شاطر
|مشرف|
|مشرف|
avatar

عدد الرسائل : 6294
العمر : 29
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: ليه كده؟؟   الأحد 31 مايو 2009, 8:43 pm

Dr AboAyad كتب:

شوف ياعم سرور Smile

القاعدة العامة للتفوق الدراسي زي مانت بتقول :

1- رضا الله سبحانه وتعالي .


2- بر الوالدين .


3- المذاكرة والاجتهاد ( وباقي الحاجات الجميلة اللي مكتوبة علي ضهر مذكرة الامتحانات بتاع

الميديكال ) Very Happy .

غياب عامل أو أكتر من العوامل دي المفروض أنه يؤدي إلي نتيجة غير مرغوب فيها .


يعني الموضوع ده في الأول وفي الآخر أرزاق وقسمة ونصيب

وأنا مش شايفها ظاهرة عامة ولا حاجة فيه كده وفيه كده

فيه اللي تبع القاعدة العامه وفيه اللي تبع Excepions

وجايز يكون واحد ملتزم ومبيذاكرش لأي سبب ، يعني فيه أسباب كتير جدا



كلامك كله تمام طبعا يا ابوعيادVery Happy

ولا يوجد اعتراضVery Happy

احنا بقى عاوزين نناقش حتة ان ليه الملتزم مش متفوق غالبا........والله ده اللى شايفه مع ناس كتيرهRolling Eyes

ولما اقول ان كتير من الملتزمين مش متفوقين دراسيا..مش معناها انى بنفى ان اللى مش ملتزم مش متفوق.زى ما انت قولت فيه كده وفيه كده

بس اهم حاجه فى الموضوع عاوزين نخرج بها......ايه السبب وراء الظاهرة اللى بقول انها عامة((وانت بتقول مش عامةVery Happy ))

وانت قولت اسباب فعلا جميله جدا وملموسة

والهدف من الموضوع اننا نقول اسباب كتير ونستفيد منها ونحاول نحلها بإذن الله

سلام يا ................ابوعياااااااادVery Happy
الرجوع الى أعلى الصفحة اذهب الى الأسفل
http://www.islamweb.net
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: ليه كده؟؟   الأحد 31 مايو 2009, 8:52 pm

لا يازعيم أصل أنا هقوللك علي حاجة ياريس

هي مش وباء ولا انفلونزا خنازير هتقوم جاي خابط الملتزمين كلهم Tamiflu عشان يذاكروا ويبقوا حلوين

Very Happy

دي حالات فردية ياعم ، حتي لو كانت الأعداد كبيرة أو ظاهره عامة زي ماانت بتقول فكل طالب

بيبقي له ظروفه الخاصه المختلفه عن أقرانه Laughing،

وعلي فكرة هو كان فيه مشروع شبه اللي انت بتقول عليه ده ، وهو دراسه الحاله النفسيه لطلبه

كلية الطب ، فأنت ممكن تتوكل علي الله وتتخصص نفسيه وعصبيه Smile

_________________

الرجوع الى أعلى الصفحة اذهب الى الأسفل
http://www.medicalto.com
Mirage
|مشرف|
|مشرف|
avatar

عدد الرسائل : 5939
العمر : 26
محل الاقامة : -
الوظيفة : -
تاريخ التسجيل : 30/09/2008

مُساهمةموضوع: رد: ليه كده؟؟   الأحد 31 مايو 2009, 8:55 pm

أولا قبل كل شئ عودا حميدا و متبقش تغيب علينا كده

ثانيا بقي ... انا مش شايف انها ظاهرة عامة

يعني انت تخبل مثلا ..ان اللي قدامك واحد عادي ( مش شرط بقي ملتزم ولا مش ملتزم )

هتلاقي عادي خالص انه ممكن يكون مش متفوق دراسيااااا

عمر ما كان الالتزام عااائق قصااد المذاكرة و التفوق وكده



الاسااااس .. الدافع ده لو غااااب سواء عند الملتزم او اللي مش ملتزم

ينتج عنه علطول عدم التفوق الدراسي

يعني الحكاية كلهاااا الدافع و الهدف و حسب اهواء كل واحد

يعني واحد شايف نفسه في حاجة معينة و مش شايف تفسه في المذاكرة

و واحد تاني نفسه يبقي من الاوائل و كده فيذاكر و يسعي علشان يحقق ده ....

_________________



No Sacrifice .. No Victory
الرجوع الى أعلى الصفحة اذهب الى الأسفل
دكتور شاطر
|مشرف|
|مشرف|
avatar

عدد الرسائل : 6294
العمر : 29
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: ليه كده؟؟   الأحد 31 مايو 2009, 8:57 pm

خلاص يا زعيم ابو عياد.......دى مش حاله عامة......بس زى ما انت قولت حالات كتيره Very Happy

وبرده عاوزين نتكلم فى الظروف الخاصه دى.......كلام عام عادى يعنى

عشان كل واحد يعرف ايه الاسباب اللى ممكن تكون عنده فعلا وعامله المرض ده Very Happy

وننتظر مزيد من المشاركات.........وكله بثوابه برده......يمكن واحد ربنا يهديه بسبب ردك ولا حاجه

س ل ا م
الرجوع الى أعلى الصفحة اذهب الى الأسفل
http://www.islamweb.net
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: ليه كده؟؟   الأحد 31 مايو 2009, 8:58 pm

خلاص احنا نعمل موضوع نسميه العياده النفسيه

وكل واحد يدخل يحكي تجربته سواء تجربه ناجحه او فاشله ونتعملم نها

بس في الجازة بقي عشان انا قايم دلوقتي Very Happy

_________________

الرجوع الى أعلى الصفحة اذهب الى الأسفل
http://www.medicalto.com
the friend
عضو فضي
عضو فضي
avatar

عدد الرسائل : 627
العمر : 29
محل الاقامة : في الدنيا
الوظيفة : طبيب امتياز
تاريخ التسجيل : 21/01/2008

مُساهمةموضوع: رد: ليه كده؟؟   الأحد 31 مايو 2009, 9:00 pm

هـو أنـا مـا ركـزتـش قـبـل كـده هـل الـمـلـتـزم مـتـفـوق ولا لأ

بـس فـي حـاجـة اعـتـقـد أن أغـلـبـنـا مـش بـيـذاكـر بـدافـع ديـنـي الـلـي هـو يـعـنـي

عـلـشـان يـنـفـع الـبـشـريـة ويـخـدم الـنـاس لـكـن بـيـذاكـر بـدافـع دنـيـوي

عـلـشـان يـقـدر يـشـتـغـل فـي

مـكـان كـويـس ويـبـقـى دكـتـور شـاطـر و يـكـون لـه بـرسـتـيـج

فـلـو إن الـفـكـرة دي مـتـأصـلـة جـوانـا مـمـكـن يـكـون الـشـخـص الـمـلـتـزم

بـيـبـص لـلـمـزاكـرة بـنـفـس الـمـنـظـور

وعـلـشـان كـده مـا بـيـكـونـش لـيـهـا أولـويـة عـنـده

لـكـن أنـا كـلامـي ده مـجـرد اعـتـقـاد شـخـصـي مـش مـتـأكـد إذا كـان الـنـاس

بـيـفـكـروا كـده فـعـلاً ولا لأ
الرجوع الى أعلى الصفحة اذهب الى الأسفل
عابـر سبيـل
|مشرف|
|مشرف|


عدد الرسائل : 4176
العمر : 30
محل الاقامة : مهاجر إلى الله..هذا سبيلي
الوظيفة : مجاهد .. بعيـــدا ً
تاريخ التسجيل : 29/10/2007

مُساهمةموضوع: رد: ليه كده؟؟   الأحد 31 مايو 2009, 9:05 pm


الردود اللي فاتت دي جميله بجد

بس في حاجات أعتقد مفيش عليها اختلاف
إن الالتزام لا يعني قلة المذاكره أبدا
وإن اللي متفوق مش شرط يكون ملتزم
فيه نماذج كتير والله ملتزمه جدا .. ومتفوقه
وفيه نماذج مش ملتزمه ومتفوقه
مفيش خلط في دي أبدا خالص

بس فعلا ملحوظه - وفي الولاد بالذات - مش عارف البنات
أكتر الملتزمين مش متفوقين

ممكن الدكتوره سلمى حطت إيدها على حاجه فعلا
إن إنت بتحس إن المذاكره مش هم بالنسبه ليك خالص أصل إنت
عارف إنها مجرد شكل في الدنيا
مع العلم إن الملتزم ممكن يكون فاهم كويس ولو اشتغل ف الطب مثلا هيكون كويس
جدا .. بس عمره مبيذاكر بالطريقه اللي تجيب درجات ويبقى متفوق مع إن التفوق
هيسهل له حاجات كتير بعد كده وضروري جدا
مش عارف بقى بردو

_________________
مـن يهـن يسهـل الهـوان عليـه ... ما لجـرح بميــت إيــلام


عدل سابقا من قبل عابـر سبيـل في الأحد 31 مايو 2009, 9:07 pm عدل 1 مرات
الرجوع الى أعلى الصفحة اذهب الى الأسفل
http://www.tvanashed.com/
محمود الغول
::أديب المنتدى::
::أديب المنتدى::
avatar

عدد الرسائل : 3178
العمر : 29
محل الاقامة : أرض الله الواسعة
الوظيفة : طالب بالفرقة السادسة
تاريخ التسجيل : 29/05/2008

مُساهمةموضوع: رد: ليه كده؟؟   الأحد 31 مايو 2009, 9:05 pm

منور يا أبوحميد..
حمدا لله علي السلامة...
رناتك بتوصل
بس بقالي كتير مشحنتش بصراحة فمبردش Very Happy
---
بص يا أحمد
باختصار
أنا مش موافقك في الكلام ده خالص
وهقولك ليه

المشكلة تكمن في تعريف " الملتزم " ...يعني ايه ؟
بنتعامل مع الموضوع بظاهرية رهيبة ونحصر الإلتزام في مظهر..اللحية مثلا
بنحصر الإسلام كله...البحر الخضم...في سم الخياط
طبعا أنا مش بقلل من اللحية أو أي سنة..وأكيد أنت فاهم كده
لكن لما بنعمل كده...نسأل بقي
نسبة كام واحد ملتحي في الدفعة ؟؟
أحيانا وغالبا في سنة أولي هتلاقي واحد بس ملتحي
تانية هتلاقي اتنين في الدفعة...تالتة هتلاقي عشرين...وكل ما تطلع يزيدوا
الملتحي اليتيم اللي في أولي ده لما يجيب مقبول ( نظرا لتقصيره أو أي ظروف شخصية)
هتحكم علي الملتزم الوحيد(من وجهة نظرك) بعدم التفوق...
فهمتني؟؟

طيب مثال ...
عرف الإلتزام تعريف تاني...الصلاة علي وقتها...
هتلاقي الموضوع انعكس..
والمتفوقون هما اللي بيحافظوا علي الصلاة..وأكتر اللي مش متفوقين مفرطين..

ومثال تالت..وكل لما تغير التعريف هتختلف وأحيانا تنعكس النسبة.
---
لكن مين هو الملتزم؟؟
عايز رأيي...كلمة لا تستطيع اطلاقها علي حد..
لأن الإلتزام هو الإسلام...بأوامره ونواهيه..
احنا لينا الظاهر ..لكن ما يدريك علام يغلق بابه ؟؟
كلمة عبد الله بن عمر...واحد قاله لازال الناس بخير مادمت فيهم..
فرد رضي الله عنه ..وما يدريك علامَ أغلق بابي ؟؟

من الملتزم ؟؟ الله يعلمه

والتفوق مسألة أسباب ونتائج
اللي بياخد بالأسباب هيتفوق ولو كان كافر
واللي بيتخلي ويقصر مش هيتفوق ولو كان مسلم
وقبل كل شيء طبعا توفيق ربنا ...

لكن الحكم بالطريقة دي ...حكم غير صحيح

_________________


حتَّامَ نستعطي الغريبَ دروسه *** وتراثنا أسمى الذي في درسهِ

نخشـى مناهلنَا ونرفضُ رفدها *** متهـافتيـنَ علـى ثمالـةِ كأسـهِ

إنِّـا طـردنـا الأجنبـي ولـم نـــزل *** بعقـولنـا وقـلـوبنـا فـي حبســهِ

والشعـــــبُ لا يتركزُ استقــلالـه *** حتي يحـــررَ نفسَـه من نفسـهِ !
الرجوع الى أعلى الصفحة اذهب الى الأسفل
http://medicalclub.bb-fr.com/montada-f38/topic-t13397.htm
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: ليه كده؟؟   الأحد 31 مايو 2009, 9:07 pm

el_ghoul كتب:
منور يا أبوحميد..
حمدا لله علي السلامة...
رناتك بتوصل
بس بقالي كتير مشحنتش بصراحة فمبردش Very Happy
---
بص يا أحمد
باختصار
أنا مش موافقك في الكلام ده خالص
وهقولك ليه

المشكلة تكمن في تعريف " الملتزم " ...يعني ايه ؟
بنتعامل مع الموضوع بظاهرية رهيبة ونحصر الإلتزام في مظهر..اللحية مثلا
بنحصر الإسلام كله...البحر الخضم...في سم الخياط
طبعا أنا مش بقلل من اللحية أو أي سنة..وأكيد أنت فاهم كده
لكن لما بنعمل كده...نسأل بقي
نسبة كام واحد ملتحي في الدفعة ؟؟
أحيانا وغالبا في سنة أولي هتلاقي واحد بس ملتحي
تانية هتلاقي اتنين في الدفعة...تالتة هتلاقي عشرين...وكل ما تطلع يزيدوا
الملتحي اليتيم اللي في أولي ده لما يجيب مقبول ( نظرا لتقصيره أو أي ظروف شخصية)
هتحكم علي الملتزم الوحيد(من وجهة نظرك) بعدم التفوق...
فهمتني؟؟

طيب مثال ...
عرف الإلتزام تعريف تاني...الصلاة علي وقتها...
هتلاقي الموضوع انعكس..
والمتفوقون هما اللي بيحافظوا علي الصلاة..وأكتر اللي مش متفوقين مفرطين..

ومثال تالت..وكل لما تغير التعريف هتختلف وأحيانا تنعكس النسبة.
---
لكن مين هو الملتزم؟؟
عايز رأيي...كلمة لا تستطيع اطلاقها علي حد..
لأن الإلتزام هو الإسلام...بأوامره ونواهيه..
احنا لينا الظاهر ..لكن ما يدريك علام يغلق بابه ؟؟
كلمة عبد الله بن عمر...واحد قاله لازال الناس بخير مادمت فيهم..
فرد رضي الله عنه ..وما يدريك علامَ أغلق بابي ؟؟

من الملتزم ؟؟ الله يعلمه

والتفوق مسألة أسباب ونتائج
اللي بياخد بالأسباب هيتفوق ولو كان كافر
واللي بيتخلي ويقصر مش هيتفوق ولو كان مسلم
وقبل كل شيء طبعا توفيق ربنا ...

لكن الحكم بالطريقة دي ...حكم غير صحيح

بالظبط كده ، عشان تعرف بس انها مش ظاهره عامه ياحاج سرور

وإن المسأله نسبيه Very Happy

_________________

الرجوع الى أعلى الصفحة اذهب الى الأسفل
http://www.medicalto.com
عابـر سبيـل
|مشرف|
|مشرف|


عدد الرسائل : 4176
العمر : 30
محل الاقامة : مهاجر إلى الله..هذا سبيلي
الوظيفة : مجاهد .. بعيـــدا ً
تاريخ التسجيل : 29/10/2007

مُساهمةموضوع: رد: ليه كده؟؟   الأحد 31 مايو 2009, 9:15 pm

أكيد صح

الحكم عمره مايكون لينا بالالتزام .. مين عارف
ده بيكون بين العبد وربه
ومقياس الالتزام أكيد أحمد مقصدش بيه الظاهري فقط

ممكن يكون أفضل رد في الموضوع


el_ghoul كتب:
والتفوق مسألة أسباب ونتائج
اللي بياخد بالأسباب هيتفوق ولو كان كافر
واللي بيتخلي ويقصر مش هيتفوق ولو كان مسلم
وقبل كل شيء طبعا توفيق ربنا ...

_________________
مـن يهـن يسهـل الهـوان عليـه ... ما لجـرح بميــت إيــلام
الرجوع الى أعلى الصفحة اذهب الى الأسفل
http://www.tvanashed.com/
----
عضو فضي
عضو فضي
avatar

عدد الرسائل : 523
العمر : 28
الوظيفة : student
تاريخ التسجيل : 01/01/2009

مُساهمةموضوع: رد: ليه كده؟؟   الأحد 31 مايو 2009, 9:20 pm

يقول
الأستاذ أحمد محمد سعد، باحث ماجستير بجامعة الأزهر، وإمام وخطيب بوزارة الأوقاف
بمصر
:


إن
الالتزام الديني ليس كافيا وحدة لإدراك التفوق وإحراز النجاح. فكم من أناس ادعو
أنهم ملتزمون ورسبوا؛ بل وفشلوا تماما في حياتهم. إن الله – عزوجل- سمى نفسه
العدل، وحكم بين عباده بالعدل. ومن جملة عدل الله أنه لا يسويّ بين من يسهر
الليالي منكبا على كتبه حافظا لدرسه؛ وإن كان قليل الالتزام، أو حتى غير مسلم.
وبين من ينام طويلا، ويلعب طويلا، و يهمل دروسه بدعوى أنه ملتزم!.






إننا
معاشر الملتزمين نعيش أزمة عدم فهم مصطلح الالتزام. وهي أزمة لا يتسع المقام هنا
للحديث عنها غير أن من أطيافها أننا نظن أن الله – يجب أن- يكرمنا بالتفوق لأننا
ملتزمون. إن الله لا يحابي أحدا لجنسه ولا لونه ولا التزامه؛ إنما هى أسباب
ونتائج. فمن تعاطى الأسباب وصل. ومن تمسك بالنصر حصل.






ودليل
ذلك أن الغرب يموج بمن لا يتبعون دينا؛ ومع هذا فهم جادون في أعمالهم، منظمون في
حياتهم، رتبوا أمورهم علي إحراز أهداف محددة، ووصلوا لما أرادوا؛ لأنهم أخذوا
بالأسباب.






إن
من أبجديات الالتزام التي تفتقدها أنت - أخي الحبيب- الرضا بما قسم الله لك. ومن
أجل هذا تحس بأثقال شديدة تكبل قلبك. تأمل معي قول الحبيب- صلي الله عليه وعلى آله
وصحبه وسلم- " ارض بما قسم الله لك تكن أغنى الناس". وانظر أن مراتب
الرضا لا يبلغها إلا من سلم لله فيما قضى ونظر إلى من فوقه في الدين والأدب ومن
تحته في المال.






ومن
جملة أدوات التفوق: الكف عن الحسد والاشتغال بأمر النفس. فذلك أحرى أن يعود المرء
الجد في إصلاح عيوب نفسه واستنقاذها من أمراضها الفتاكة. ومن أدواته أيضا الجد
والاجتهاد والتماس عون الله بالدعاء والذكر وإدامة الصلة به؛ مع الاعتقاد أن
العبادة دون جد ومذاكرة؛ لا تكفي وأن التفوق لا يناله من نام وتكاسل:




لا تحسب المجد تمرا أنت آكله *** لن تبلغ المجد حتى تلعق الصبرا






وأخيرا
أذكرك- وأذكر نفسي- بأن العمل بما علمت يورثك علما جديدا ويفتح لك مغاليق الكتب
وخزائن العلوم. إن الالتزام يشمل إصلاح القلب والرضا وحمد الله على نعمته والأمل
فيه سبحانه. مثلما يعني العمل بما تعلم والصبر والمصابرة والجد والاجتهاد مع
اليقين والتوكل علي الله سبحانه. حينئذ تنال ذرا المجد وتكون في عداد المتفوقين
الفائزين.



وعش
معي - أخي الحبيب- هذه الأبيات :






كن عن همومك معرضا ** وكل
الأمور إلى القضا




أبشر بخير عاجل ** تنس به
ما قد مضى



فلرب أمر مسخط
** لك في عواقبه رضا



ولربما اتسع المضيق
** وربما ضاق الفضا



الله عودك
الجميل ** فقس على ما قد مضى
الرجوع الى أعلى الصفحة اذهب الى الأسفل
closed
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3894
العمر : 30
الوظيفة : بداية حياة
تاريخ التسجيل : 02/11/2008

مُساهمةموضوع: رد: ليه كده؟؟   الأحد 31 مايو 2009, 10:01 pm


بسم الله الرحمن الرحيم


هو اولا انا مش قريت الردود كلها طبعا
بس رأى فى حكايه الالتزام دى
يعنى الاول ايه اللى بيحكم ان احنا نحكم على الشخص ده ملتزم ولا لا
باللبس ولا التعامل ؟؟
يعنى غالبا معظم اللى اعرفهم متفوقين.. متدينين جدا بس بردو مش بالمظهر يعنى من جواهم هم كويسين وتعاملهم كويس
اما لو حد مش باين عليه انه متدين وهو متفوق يبقى اكيد مش مبين ده
لانه مش معقول يكون متفوق وهو مش ملتزم لان التفوق فى النهايه ماهو الاتوفيق من عند الله فى الاول وفى الاخر
يعنى ممكن تكون فاكره ان التدين مش لازم يكون بالمظهر


اما الجانب المتدين ومش متفوق
فده اظن ان كل شئ نصيب

يعنى من الاخر ممكن يكون الشخص ده متدين ومتفوق
وممكن يكون متدين ومش متفوق
يعنى الحكايه فى الاخر نصيب

الرجوع الى أعلى الصفحة اذهب الى الأسفل
dr_A.S.I.A
عضو ماسي
عضو ماسي
avatar

عدد الرسائل : 1621
العمر : 31
محل الاقامة : الباجور(ارض العباقرة)
الوظيفة : GP
تاريخ التسجيل : 17/10/2008

مُساهمةموضوع: رد: ليه كده؟؟   الأحد 31 مايو 2009, 10:36 pm

اولا انا من خلال تعاملى مع زمايلى فى الكلية والاوائل منهم بالذات بشوف
انهم معظمهم ملتزمين فى كل حاجة واللى غير ملتزم ده بيبقى حالة شاذة
وبعدين الحكاية مش بالمظاهر يعنى انا باقول على شخص ملتزم من تعامله معايا ومن
كلامه بس الله اعلم هو بينه وبين ربنا ايه
وبعدين ازاى اقول على شخص انه غير متفوق دراسيا وهو جايب 99%فى الثانويه
العامة والكلية تعتبر مش مقياس انى احكم على واحد بالفشل لان هناك اشياء كثيرة تتحكم فى
النتيجة
الرجوع الى أعلى الصفحة اذهب الى الأسفل
make a wish
|مشرف|
|مشرف|


عدد الرسائل : 4803
العمر : 30
الوظيفة :
تاريخ التسجيل : 02/05/2008

مُساهمةموضوع: رد: ليه كده؟؟   الأحد 31 مايو 2009, 10:55 pm

طيب هو كلامكوا كله تمام..والموضوع فعلا نسبي علي حسب تعريفك

يعني ايه ملتزم ويعني ايه متفوق والظروف اللي ممكن تتدخل زي مثلا هو دخل الكليه اللي هو عايزها ولا لا..

وظروفه الاجتماعيه فبيته وغيره..

بس كنت عايزه ااكد عالنقطه ديه

اقتباس :


- يعني ممكن تلاقي واحد متفوق ولكنه مش ملتزم مثلا ، ووارد جدا أنه يحصل وده شيء عادي

دي نعمة زيها زي نعم كتيرة جدا زي البصر والسمع والاحساس ربنا مديها للبني آدم ده وأكيد

هيحاسبه عليها ( ويمدهم في طغيانهم يعمهون )

- وممكن برده تلاقي واحد ملتزم ومش متفوق ، مش قضية يعني

ممكن يكون ربنا مدخرها له لحاجة أحسن من كده ، أو حايش عنه بلاوي كتيرة

فعلا مش معني ان واحد ملتزم ..ويكون مش متفوق او حتي بعيدا عن الدراسه مثلا رزقه مش كتير

مش معني كده ان ربنا مش بيحبه..ممكن يكون مدخرهاله او حايش عنه فعلا زي مقولتوا

ومش معني برده ان الواحد متفوق ورزقه واسع ان ربنا بيحبه..هو واخد بالاسباب او يمكن اختبار من ربنا

حاسه اني عايزه اقول كلام تاني بس مش عارفه دلوقت..

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
إيمانا واحتسابا
فرسان الميديكال
فرسان الميديكال
avatar

عدد الرسائل : 2909
العمر : 31
محل الاقامة : القوات المسلحة
الوظيفة : جندي
تاريخ التسجيل : 20/01/2007

مُساهمةموضوع: رد: ليه كده؟؟   الأحد 31 مايو 2009, 11:21 pm

على ما ألاقي وقت أرد في الموضوع

.
.
الله ينور طريقك يا سرور المنتدى

موضوع غاية في الاهمية

_________________

أحلــــــــــــــــــــــــــــــــــى الذكــــــــــــــــــــــــــــــــريات




تبسمكــ فـــــــــــــــــي وجــــــه أخيـــــــــــــــــــــــــك صـــــــــــــدقة

الرجوع الى أعلى الصفحة اذهب الى الأسفل
عابـر سبيـل
|مشرف|
|مشرف|


عدد الرسائل : 4176
العمر : 30
محل الاقامة : مهاجر إلى الله..هذا سبيلي
الوظيفة : مجاهد .. بعيـــدا ً
تاريخ التسجيل : 29/10/2007

مُساهمةموضوع: رد: ليه كده؟؟   الإثنين 01 يونيو 2009, 12:21 am

رأيك مهم على فكره إنت وطاحون
منتظر آرائكم ومتتأخروش

_________________
مـن يهـن يسهـل الهـوان عليـه ... ما لجـرح بميــت إيــلام
الرجوع الى أعلى الصفحة اذهب الى الأسفل
http://www.tvanashed.com/
دكتور شاطر
|مشرف|
|مشرف|
avatar

عدد الرسائل : 6294
العمر : 29
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: ليه كده؟؟   الإثنين 01 يونيو 2009, 12:51 am

طبعا.................

مش عارف اتكلم بعد كلام الغول......ونور الإيمان Very Happy

مش عارف بجد.........

عشان استخلصت من كلامكم........انها حكايه توفيق فقط وان اللى هيعمل هيلاقى واللى مقصر مش هيلاقى

بس لو كده هينقلنا لنقطة برده تانيه......وهى ان ليه كتير من الملتزمين((انا مش عاوز ادخل فى تعريف الملتزمين.....انا اقصد هنا اللى هم كويسين وبيصلوا وتعاملهم كويس والحاجات التانيه.......ملتزمين يعنى.....مش عارف اقول تعريف ايه بصراحة))مقصرين فى الناحية الدراسية.......ولسه برده بقول ان دى حاجه شائعة

مش معنى انى قولت ان الملتزمين مش متفوقين دراسيا.........انى بنفى ان يكون المتفوقين ملتزمين...........انا دلوقتى بتكلم عن نقطة معينه فقط فقط........فياريت منتفرعشى لحاجات تانيه أحسن كده هنتوه Very Happy

ومنتظر مشاركات أعضاء المنتدى الأعزاء.......عشان أكيد هنستفيد من الاراء دى

وعلى فكرة الموضوع هيفيد الملتزم وغيره....لأن كل واحد هيلاقى سبب او اكتر من الاسباب دى واللى هى مؤدية لعدم تفوقه دراسيا

وجملة أخيرة........الملتزم اللى الناس بتقول عليه ملتزم ...والله أعلم بالسرائر...عشان طبعا منقدرشى نحكم حكم مطلق على الشخص ده او غيره

سلام
الرجوع الى أعلى الصفحة اذهب الى الأسفل
http://www.islamweb.net
دكتور شاطر
|مشرف|
|مشرف|
avatar

عدد الرسائل : 6294
العمر : 29
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: ليه كده؟؟   الإثنين 01 يونيو 2009, 1:29 am

عاوز بس اوضح حاجة كمان احسن يحصل لبس ولا حاجه

الموضوع ده مش غرضه ابدا ان عدم التفوق سببه الالتزام

ولكن كسؤال موجه للملتزم..........لماذا انت لست متفوق؟؟؟

يمكن دى برده تفيدنا شويه
الرجوع الى أعلى الصفحة اذهب الى الأسفل
http://www.islamweb.net
جنة الفردوس
عضو ذهبي
عضو ذهبي
avatar

عدد الرسائل : 1187
العمر : 28
الوظيفة : ( وَقَالَ رَبُّكُمُ ادْعُونِي أَسْتَجِبْ لَكُمْ )
تاريخ التسجيل : 08/02/2009

مُساهمةموضوع: رد: ليه كده؟؟   الإثنين 01 يونيو 2009, 1:46 am


بسم الله الرحمن الرحيم

اولا حكاية ان ليه الملتزم مش متفوق

يعني ممكن نسال نفسنا سؤال احنا ليه مش بنزاكر ومش بنطلع من الاوائل ؟؟؟

او مش لازم التانية دي

احنا ليه مش بنزاكر؟؟

هنجاوب نقول ايه؟؟؟؟؟

كل واحد هيطلع اجابة متختلفة

في اللي هيقولك انا مكبر دماغي
وفي اللي مبيحبش الكلية ولا حابب مزاكرة المواد دي وكله شغله انه ينجح وخلاص

وفي اللي عنده ظروف

وفي اللي نفسه يزاكر بس مش عارف

وفي اللي قدراته كده وبس

وكتير ناس مش عايزة تتعب وتتقن في العمل ده

وغيره كتير من الاسباب

.......................................


الموضوع مش عشان ملتزم

الموضوع مجرد اختلافات طبيعية بين كل شخص فينا

ده بيزاكر وملتزم

وده متفوق ومش ملتزم

وده ملتزم ومش متفوق ....................... وهكذا
الرجوع الى أعلى الصفحة اذهب الى الأسفل
 
ليه كده؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: