البوابةالرئيسيةس .و .جبحـثالتسجيلدخول





شاطر | 
 

 للفاشلين فقط ( الحقيقه المره !)

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5  الصفحة التالية
كاتب الموضوعرسالة
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: للفاشلين فقط ( الحقيقه المره !)   الثلاثاء 24 مارس 2009, 1:59 am

بسم الله الرحمن الرحيم
الكلام ده موجه للفاشلين فقط ....!! الفاشلين ف نظر مجتمع من العالم التالت..... مجتمع غير معترف
بعلمه.... مجتمع كل ما يشغله المناصب الفارغه.... والاحساس بارقى الرتب وهو فى الحقيقه مجرد من اى اعتراف بين دول العالم المتحضر..... عزيزى القارىء لا تتعجب فانت فى دول العالم التالت
... ولا شك فى ذلك ولا تحاول ان تبرهن لنفسك غير ذلك لان هذه الحقيقه المجرده
________
تعالى وشوف منظر الطلبه الخريجين من كليتنا ؟ بعد ماخلصو امتياز... ونازلين للشغل... تعالى شوفهم.... هتلاقى ولا حاجه... عارفها... وده مش عيب فيه ولا حاجه... دا عيب فى اللى علمو
عيب ف الكتاب اللى قراه... عيب ف اللى درسلو الكتاب ... عيب ف الطريقه اللى اتدرسلو بيها الكتاب
الطالب اللى لسه متخرج ده... المفروض كان يكون احسن من كدا... المفروض كان يعرف حاجات اكتر من كدا...المفروض انه كان يتخرج وعندو علم...ليه اساس ...ومفاهيم ليها مصدر علمى...
مش مجرد عبارات وكلمات حافظها وهينساها دلوقت او بعد كدا.... بس هيتساها هينساها..
لان محدش علمو ازاى يفهم حاجه ويطبقها...محدش حاول يربط العلم النظرى بالواقع والتجريب..
الطالب ده المفروض كان حد علمو ازاى يسستم افكاره.. ازاى يفكر صح ويتعامل صح مع اى حد..
الطالب ده المفروض انه يحس بقيمته ...وقيمه العلم اللى شايلو ( دا اذا كان شايل حاجه !)
ف اولى وتانيه وتالته ورابعه وخامسه وسادسه ..... اخدو حاجات كتيييييييير ... واتنست..طبعا... مش عيب ف الطلبه والله
العيب ف المنظومه كلها بما فيها المعلومات نفسها... وطريقه عرضها...... حطو ف دماغ الطالب اول ما خش الكليه ... ازاى يجيب اعلى مجموع باى طريقه....
ازاى يحفظ كام كلمه ملهاش قيمه ولامعنى لمجرد انه يكتبها وقت ما يشوف سؤال طالبها...
ولا يفكر هو بيكتب ايه ولا يسأل اصلا ليه ؟؟ ومنين جت ؟؟ دى حاجه اتربها عليها الطلبه...
واتعلمو كمان ان المعيد ده حاجه ولا فى الاحلام... وان الجامعه دى واااااااااااو ومين يطولها بس؟
كلها مظاهر كدابه...كلها معايير لتصنيف الناس مش معترف بيها اصلا... ممكن سؤال ؟
انتو فاكرين ان اى حد من الاستاف لو سافر مثلا دوله زى الولايات المتحده الامريكيه ...انه ممكن يشتغل هناك ؟؟ لا طبعا.... ولا يدى حقنه حتى ! هما مش معترفين باللى معاه ده اصلا... ومش مسموحلو يمارس المهنه هناك... كل الحكايه انهم بيشرفو على رسالتو .... عشان لما ياخدها
يجيلنا ......بطل مغوار...... محدش قدووو.... ولا ابو زيد الهلالى... مع انه ممكن يكون مش عارف
اناتومى ولا عارف حتى بايو.... بس اليافطه على باب العياده بتقول غير كدا...
انتو عارفين ان الطلبه عندنا متقسمه ل3مجموعات.... واحده منهم: بتذاكر كل حاجه واى حاجه وتحفظ من اول الجلده لاخرها... عشان تتعين بقى.... وبس ! ايوه بس! دا هدفهم ف الدنيا دى !
وناس تانيه ماشيه وخلاص ..واللى يتقال يتقال وعادى... مشيها... حاسين ان الكلام ده بيتزاكر عشان
يتمحنو فيه وخلاص.. ونجيب مجموع ونروح اللى نروحه... كل واحد بياخد نصيبه وخلاص..
ومش فارقه... يعنى اللى قبلينا كانو عملو ايه...
والمجموعه الاخيره... ناس دخلت الكليه غلط !!! ناس لا يطلق عليهم لقب اطباء...
مجرد كائنات بتزور الكليه وخلاص ومش فارقه يتعلم او يسقط حتى ..عادى خالص
انا مش بهاجم حد..... على قد ما بحاسب نفسى على سنين قضتها ف الدوامه دى.... ف منظومه دوله متخلفه.... ماشيا ف ساقيه من يجى 100 سنه... يعنى كان يجرى ايه لو علمونا صح.... لو كل دكتور
اتعلم من الدكاتره بتوع العالم الاول... وعلم الطلبه..... ولا لسه الاحساس بالغرور واخدنا اننا احسن
واننا عارفين اكتر منهم.... مصعبش عليك منظر الدكاتره وهما بيتفرجو على دكتور جاى من بره
وهو عمال يعرض ف العلم وعملياتو وجراحاته... واحنا ياعينى عمالين نتعجب ومبسوطين ونوشوش
بعضينا... هو عمل كدا ازاى ؟؟ يا بختو !!! ليه مش حاولنا ناخد منهم .... اكيد حاولنا لما بعتنا
دكاتره بعثات هناك.. ادينا مستنيين لما يرجعو..!!! وصدقونى مش هيرجعو .... قولولى يرجعو لأيه؟؟
للكام ملطوش الللى بيقبضهم؟؟ وللا للعالم التعبانه اللى باصلو ف الحاجه اللى معاه... وللا يرجع
يتنطط ع الناس الغلابه... ولا يرجع ف مجتمع مش فاهم كلامو ولا افكارو ! وللا ايه بس ؟ هناك كل حاجه معموله صح... مستشفيات صح
وعلم صح... وفلوس صح.. ومجتمع كله متفق على حاجه واحده... مجتمع طبقه واحده ف تعاملاتو
اكيد فيه اكسبشنز بس القاعده العامه انه هناك احسن من هنا... هناك عالم راقى متحضر.. هنا عالم تالت
متخلف... ودى مفهاش نقاش... طول ماحنا هنا بندرس للطلبه بنفس الطريقه ... وبنفس الكتب اللى احنا
مقتبسينها عميانى من بلاد بره دون حتى النظر ف تركيبها وما فيها من دش كلام ملوش لزمه..كلام
ف كلام وخلاص... مجرد انك تفتخر ان القسم ليه كتاب ! يا فرحتى...
مش هيجى يوم نصحى بقى من اللى احنا فيه... مش هيجى يم نغير على نفسنا وعلى حياتنا اللى عماله
تضيع كل يوم ف حفظ كلمات وكتب وخلاص... مش هييجى يوم نغير فيه مفاهيم ف حياتنا
مش هيجى يوم نصحى فيه نلاقى اماكن نضيفه ودكاتره تعلمنا صح بقى... وتكون فاضيالنا
مش تكروت ف المحاضره عشان تلحق العياده... مش هييجى يوم منلاقيش واحد يخش لجنه الشفوى
مرتين والعملى مرتين أل ايه عشان غلط كام غلطه ف اللجنه الاولانيه ومش عاوز ينقص اصلو بيطلع الاول كل سنه...!!!!!!!. وللا واحد متوصى عليه جه يدخل لجنه شفوى فيتقالو : انت زاكرت الابر ليمب ؟ والثوراكس ؟ اوعى تكون مزاكرتش الابدومين..؟.. اوك انا مصدقك ... ياللا قوم
وسلملى على بابا..... !!!! وللا الامتحانات المتسربه عشان ناس مهمه ف البلد وللا وللا....
اقول ايه وللا ايه..... اقول كفايه.... كفايه استهبال وغرور ...كفايه...ظلم
اكيد اتظلمنا....... سواء عرفنا او من غير مانعرف... بس احنا ظلمنا نفسنا
لما افتكرنا اننا هنكون ف مستوى بنحلم بيه... ف مستوى دكتور من بره... لأ والف لأ
احنا ما اتعلمناش زيهم..... احنا حفظنا اه بس معرفناش احنا بنعمل كدا ليه... هما عرفو طريقهم صح
ومشيو فيه من اولو .... لاقو دكاتره صح بتعلمهم حاجات صح... وتفسرلهم الكلام اللى بيتقال.. ناس قاعدالهم.... مورهاش عيادات... ناس شبعانه بجد.... شبعانه علم ومال....
لو عاوزين نبقى زيهم لأما نعمل زيهم...... ولازم نتعلم ازاى نغير كل حاجه مره واحده.... مع بعض
وده طبعا مش هيحصل.... لان احنا كدا... هنعيش كدا وهنموت كدا.... دماغنا كدا... اتربينا على كدا
مش باقى غير حاجه واحده........ نزاكر كتبهم ونسافرلهم ونقولهم احنا اهو... احنا جينالكم من العالم التالت.... بس المره دى جايينلكم عشان علمكم...لاننا بأذن ربنا هنكون احسن منكم.... ايوه
لازم نحلم اننا نبقى زيهم... من حقنا نحلم... من حقنا نتعلم بس نتعلم ايه ؟ وازاى؟ صدقونى ..ياما كتير حلمو انهم يوصلو صح... ووصلو فعلا.... كان عندهم احساس انهم هيبقى حاجه مميزه ف المستقبل.. ووصلو.. لانهم عرفو ازاى يوصلو للحلم ده... مش اعتبروه مجرد حلم وخلاص
مش هنكر ان الناس دى ف نظر كل المجتمع ..ناس فاشلين .... مطلعوش ف الاستاف... اترمو بره
الكادر.... اوك احنا فعلا فاشلين لو استنينا ...لو سبنا نفسنا... ..العالم كللو بيتقدم... والدنيا ماشيه لقدام
وكل يوم جديد... واحنا الاخبار بتوصلنا بعديها ب 20 سنه.... ويجى الفشله بتوع بره يتنططو علينا هنا ف مؤتمرات.... وحفلات.. وحوارات... احنا عندنا كوادر غير عاديه ...ووصلو ف العلم كللو
ومتقوليش بفضل الكتب اللى درسوها هنا وللا اللى علموهم هنا.... سيبكم بقى من الكلام ده...
ماهو لازم نواجه الحقيقه..... عاوز تقعد هنا اقعد.... بس ارضى بنصيبك... وهتعيش وتموت من غير ماحد يعرفك... لانك رضيت انك تكون هنا.... عاوز توصل....لازم ترسم خطتك صح.. لازم تبنى نفسك صح ... ومفيش حاجه ببلاش... بس ساعتها .....محدش هنا هيملى عينك بعلمو !
ولا حتى هيحاول يتنطط عليك......
دعوه....للحصول على شهادات خارجيه... والسفر الى عالم يقدر قيمتك
دعوه ان تكون فى مكان تشعر فيه بانك انسان ذو قيمه

..
الحياه مبتستناش !

____
شويه من كلامى لاذع بس دى الحقيقه المره ..للاسف !






طبعا المقال ده تحت ظل الشفافيه و مبدأ حريه التعبير ف المنتدى ......
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
"
عضو مميز
عضو مميز


عدد الرسائل : 104
العمر : 30
الوظيفة : _
تاريخ التسجيل : 10/08/2008

مُساهمةموضوع: رد: للفاشلين فقط ( الحقيقه المره !)   الثلاثاء 24 مارس 2009, 2:13 am

اقتباس :
المفروض انه كان يتخرج وعندو علم...ليه اساس

الموضوع طويل قوي بس بيتهيالي الجمله ديه ملخصه كل اللي ممكن يتقال

الاساس و النظام..كلمات ملهاش معني عندنا

مجرد ديكور فالحوار

الانسان اللي بيحط نظام المفروض بيبقي ليه هدف يحط علي اساسه النظام

هاتلي فالبلد ديه حاجه ليها هدف حقيقي مش ديكور برده

الصراحه من كتر المشاكل والكلام عن المشاكل

بقيت حاسه ان احنا محتاجين اباده جماعيه وولاده جديده وملهاش حل تاني

عندك انت حل فمستوانا كطلبه ؟
الرجوع الى أعلى الصفحة اذهب الى الأسفل
With An Orchid
عضو جديد
عضو جديد


عدد الرسائل : 28
العمر : 28
محل الاقامة : جوا القلب
الوظيفة : بدور لسه فى الجرايد
تاريخ التسجيل : 07/09/2008

مُساهمةموضوع: رد: للفاشلين فقط ( الحقيقه المره !)   الثلاثاء 24 مارس 2009, 2:29 am

للاسف العميق جدا...

مفيش ولا حاجة الواحد بيحس انه عرفها من الكتب..وضامن انه هيفتكرها ويطبقها تطبيق عملى سليم 100%..
كل اللى بنعمله هو اننا فعلا (بنلم)درجات..انما بقى عشان نحب المواد..ونذاكرها من مبدأ(انا بتعلم لنفسى..وللناس)..
ف ده صعب جدا..وعشان نقول صعب ليه محتاجله موضوع لوحده...الموضوع اكبر بكتير من جملة..وباراجراف..مكتوبين ف كتاب..بجد الواحد عايم فى الفراغ..ومش بيطلع بالحاجة المفيدة الا نادرا..


سنيور( راجل مهم)..الله يكرمك..قلت كل اللى ف نفسى..
الرجوع الى أعلى الصفحة اذهب الى الأسفل
مـحـمـد جـمـال™
أخ أكبر
أخ أكبر


عدد الرسائل : 260
العمر : 30
تاريخ التسجيل : 01/12/2006

مُساهمةموضوع: رد: للفاشلين فقط ( الحقيقه المره !)   الثلاثاء 24 مارس 2009, 2:50 am

يا ساتر .. ايه يا عم ده .. أنا بطني و جعتني .. ايه الكآبة دي ..
    
   عموما ً الواحد بيعمل اللي عليه في حدود قدراته و طاقته .. و بعد كده  نصيبك بتلاقيه .. مفيش قواعد ذهبية للنجاح .. القاعدة الوحيدة إنك تاخد بالأسباب و بعد كده ترضى باللي ربنا قسمهولك ..
   
 بس مينفعش نضلمها أوي كده بالنسبة للشغل في مصر .. احنا دكاترة أو هنبقى دكاترة يعني Smile .. مينفعش نحس إن بلدنا ضاقت بينا و مبقاش فيها لينا  أي فرص حقيقية.. لو احنا فكرنا كده يبقى خريجين تجارة و آداب يعملوا ايه ..
   
 معاك  حق في إن السفر بره  مفيد .. و الشهادات الخارجية مهمة .. بس لاحظ إن مش كل الناس عايزة تسافر .. و مش كل اللي الناس تقدر تسافر ..  
      
عموما ً كل واحد ليه طموحه .. فيه واحد شايف إن قمة النجاح إنه يفتح عيادة يدخلها خمس عيانين في اليوم .. و في واحد شايف إن النجاح هو إنك تلاقي فرصة عمل في أي دولة عربية .. في واحد شايف إن النجاح هو إنك تتعين في الجامعة ..
   
باختصار يعني .. مقاييس النجاح بتختلف حسب طموحاتك و حسب امكانياتك و قدراتك .. انت شايف إن مفيش فرص كبيرة هنا .. ده رأيك و ده طموحك ربنا يعينك عليه و يوفقك مع إنه طريق صعب و محتاج مجهود كبير لكن ربنا معاك و مع الناس اللي طموحاتها ابسط و نفسها تنجح في بلدها ..
الرجوع الى أعلى الصفحة اذهب الى الأسفل
M.ABDELLA
|مشرف|
|مشرف|


عدد الرسائل : 1558
العمر : 27
محل الاقامة : ..........
الوظيفة : ...........
تاريخ التسجيل : 28/12/2007

مُساهمةموضوع: رد: للفاشلين فقط ( الحقيقه المره !)   الثلاثاء 24 مارس 2009, 2:58 am

والله أنا الحل الوحيد اللي بعمله دلوقتي إني باعيش الواقع وبانسي حاجة اسمها المستقبل لإني لو فكرت فيه هاتعب

_________________

اللهم إني أستغفرك من كل ذنب تبت منه ثم عدت إليه.
وأستغفرك من النعم التي أنعمت بها علي فأستعنت بها على معاصيك.
وأستغفرك من الذنوب التي لا يطلع عليها أحد سواك.
ولا ينجيني منها أحد غيرك. ولا يسعها إلا حلمك وكرمك ولا ينجيني منها إلا عفوك


حملة مستشفانا


الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: للفاشلين فقط ( الحقيقه المره !)   الأربعاء 25 مارس 2009, 2:23 pm


طبعا ردودكم كلها جميله جدا..... بس نسيتو اهم حاجه.
... حاجه كان لازم نحطها ف دماغنا
اول ما دخلنا الكليه دى... احنا عاوزين ايه ؟؟
عاوزين نتعلم صح عشان نكون بشر صح...
نستحق لقب طبيب... يعنى حكيم .. عارفين الجسم ده شغال ازاى
ومشاكله ايه واصلها ايه
وللا عاوزين نكون مجرد القاب نكتسبها ب طريقه بدائيه ..
. يعنى لو ركزنا شويه نلاقى ان احنا بنضحك على نفسنا ! ماهو كدا كدا هنتخرج.
. وكدا كدا هنشتغل... وهتمشى الدنيا ومش هتقف
بس جوه نفسنا احنا راضيين ؟؟ حاسين بالرضا باللى معانا ده ؟؟
كتييير اوى بنحس بالخنقه والاكتئاب...واحنا بنزاكر
... وساعات بنقول لنفسنا هو احنا بنحفظ الحاجات دى ليه؟؟ هتفيدنا ف ايه ؟؟ مش عيب فينا....
دى مشكله عرض للمحتوى العلمى.. يعنى الكتاب ابو 300 صفحه ... لو
اتعملنا ف 150 ورقه شامله المفيد واللى هيفيدنا بجد ف المرض والتشخيص..
واتعرض بصوره تخاطب فكرنا... تثيرنا اننا نتابع.... ونقرا اكتر..
. كان زماننا وفرنا وقتنا لحاجات اهم.. كان عندنا وقت ندور على
حاجات جميله اوى ف المكتبه والنت وكتب ومراجع....
. بس للاسف كتبنا مش مدينا وقت نبص بره !!
على فكره الطب ده من امتع العلوم بس لما يتعرض صح...
انا عارف انى بلف وادور... بس كل اللى عاوز اقولو ... انه لو قعدنا مع نفسنا
بضمير بجد...وسألنا نفسنا.. هنلاقى اننا ضيعنا وقت كتيير اوى ف حاجات ملهاش قيمه !!
وكتيير عدت علينا معلومات مهمه اوووى بس ضاعت وسط الحشو اللى ف الكتب
__________
انتو عارفين كتب المعادلات والكتب بتاع بره دى..
. من اروع الكتب اللى قريت فيها...
البرانش الواحد لا يتعدى 10 صفح... ومجمع فيه كل المهم والمفيد.
.. والرسومات كمان
دا حتى بيعلم الطلبه الامبريولوجى بتاع العضو ف الجسم والاناتومى بتاعو
... والمرض ف المكان ده ايه.... كمان تشوفو بال سى تى ! كل ده ف شابتر واحد ف الاناتومى !!
ولما يتحط اسئله بتكون بنظام اختيارى .... بس مش اى حد بيعرف يجاوبها مننا
مش عشان هيه صعبه..لأ عشان هيه بتعتمد
على التطبيق الفعلى للمعلومه... واحنا
مش مؤهلين اننا نجاوب على النوع ده..
. احنا دورنا مقتصر على الشورت او اللونج
..... مع ان الاختيارى ده محتاج فهم بالدرجه الاولى....
ولو حافظ الكتاب كللو مش هتعرف
تجاوب...... والاسئله دى غير الاختايرى بتاعنا...
اللى محطوط من غير معايير ومفيش تجديد
... اصل اللى بيحط الاسئله..حاططها عشان الجوده قالتلو اعمل كدا... !!!
مش عشان يختبر معدل فهمنا....دا لو كان علمنا اصلا ازاى
نفهم المعلومه او عرضهالنا بصوره تخلينا نفهمها !!


الطالب لماياخد الماده.... لازم يكون عارف المعلومات اللى ف قمه الاهميه
ويركز عيها وبس...عشان يكون دكتور صح..ولو عاوز يكون احسن
..يقرى الحشو الزياده
....عشان يستفيد اكتر...
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
make a wish
|مشرف|
|مشرف|


عدد الرسائل : 4803
العمر : 30
الوظيفة :
تاريخ التسجيل : 02/05/2008

مُساهمةموضوع: رد: للفاشلين فقط ( الحقيقه المره !)   الأربعاء 25 مارس 2009, 2:55 pm

اقتباس :
دى مشكله عرض للمحتوى العلمى.. يعنى الكتاب ابو 300 صفحه ... لو
اتعملنا ف 150 ورقه شامله المفيد واللى هيفيدنا بجد ف المرض والتشخيص..


احنا منهج النسا والولاده بتاعنا حسب الكتاب اللي القسم مرشحه نذاكر منه800 صفحه

وفمره الدكتور واقف يتكلم معانا يقول ده منهج النسا فاستراليا 50 صفحه

شفتوا ذل اكتر من كده.. عيط عيط عيط

..........

اقتباس :
انتو عارفين كتب المعادلات والكتب بتاع بره دى..
. من اروع الكتب اللى قريت فيها...

البرانش الواحد لا يتعدى 10 صفح... ومجمع فيه كل المهم والمفيد.
.. والرسومات كمان


انتوا بتجيبوا الكتب ديه منين..؟؟

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: للفاشلين فقط ( الحقيقه المره !)   الأربعاء 25 مارس 2009, 3:00 pm

ممكن اقول الكتب بتيجى منين... بس مستعدين تخسرو درجات ف سبيل انكو تفهمو اكتر ؟
الكتب دى بتضيع الوقت.... والدرجات كمان.. لاننا لو اهتمينا بيها هتودينا ف طريق بعييد
عن طريق الامتحان...الكتب دى ممكن اى حد يجيبها بس لازم يكون هو بيعمل ايه... ورايح فين
الحكايه حكايه طريق... هنبتديه منيين ؟؟
__________
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: للفاشلين فقط ( الحقيقه المره !)   الأربعاء 25 مارس 2009, 3:03 pm

انشتين قال....
The secret to creativity is knowing how to hide your sources

بس انا مش انشتين !! Smile

ف المكتبات هتلاقوها... ف النت لو عاوزين... ف كل حته موجوده
بس مين هيدور ؟
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
make a wish
|مشرف|
|مشرف|


عدد الرسائل : 4803
العمر : 30
الوظيفة :
تاريخ التسجيل : 02/05/2008

مُساهمةموضوع: رد: للفاشلين فقط ( الحقيقه المره !)   الأربعاء 25 مارس 2009, 3:10 pm

ههههههههههه

بيعجبني قوي لما كل حد يدخل يرشح كتاب ويذم فكتاب

يعني هو كل كتاب فيه علم غير التاني

مالمفروض ان العلم واحد..الفرق فطريقه العرض

ولو فيه كتب فيها غلطات وناس خايفه عالعلم فعلا..توضح ديه غلط..ديه غلط وتقول ليه
......

دخلنا من يومين دكتور جراحه وقلنا انتوا حظكوا وحش

ليه بقه ..لان العلم تقدم..وكل شويه يكتشفوا حاجه ويحطولها علاج

ويضفهالكوا عالمنهج

وطبعا من غير منفلتر المنهج القديم ونشيل اللي معدش بيتعمل منه

يعني احنا نزود ومنشيلش..نزود ومنشيلش..نزود ومنشيلش

ونزود اي حاجه لمجرد انها جديده وبس بغض النظر ديه اللي محتاج تتعلمها دلوقت ولا لا

........

اصل ايه ..مفييييييييييييييييييييييش هدف واضح..

اسال اي دكتور عندنا انت عايز تخرج الطالب عارف ايه..

لما يجاوبك..ابقي قولي.. Smile

.......

قولوا بقه الكتب ديه بتتجاب منين..شفتنا قمنا اشترينا يعني..

اهو بناخد فكره.. Very Happy

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: للفاشلين فقط ( الحقيقه المره !)   الأربعاء 25 مارس 2009, 3:13 pm

bb


عدل سابقا من قبل راجل مهم ! في الأربعاء 25 مارس 2009, 3:28 pm عدل 1 مرات
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
make a wish
|مشرف|
|مشرف|


عدد الرسائل : 4803
العمر : 30
الوظيفة :
تاريخ التسجيل : 02/05/2008

مُساهمةموضوع: رد: للفاشلين فقط ( الحقيقه المره !)   الأربعاء 25 مارس 2009, 3:14 pm

اه ندور..

طيب لما نبقي نخلص ال800 صفحه بقه..وعليكم خير ..

....

بس اينشتين ده ليه وجه نظر محترمه برده ..باين عليه مكنش سهل..

حاجه بس ..العلم اكتشاف تراكمي مش اختراع.. Smile

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: للفاشلين فقط ( الحقيقه المره !)   الأربعاء 25 مارس 2009, 3:18 pm

``pure`` كتب:


طيب لما نبقي نخلص ال800 صفحه بقه..وعليكم خير ..

....

affraid affraid affraid affraid
affraid affraid affraid affraid
affraid affraid affraid affraid affraid affraid affraid
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
dr_A.S.I.A
عضو ماسي
عضو ماسي


عدد الرسائل : 1621
العمر : 30
محل الاقامة : الباجور(ارض العباقرة)
الوظيفة : GP
تاريخ التسجيل : 17/10/2008

مُساهمةموضوع: رد: للفاشلين فقط ( الحقيقه المره !)   الأربعاء 25 مارس 2009, 10:50 pm

احنا فى فرق رئيسى بينا وبين الناس دول انهم اتعلموا حاجة اسمها الطب incidence

يعنى بيذاكروا ويفهموا الحاجات المهمة بس انما فى مصر بيدرسولنا اشياء من القرون الوسطى
وتلاقى الدكتور فرحان قوى فى الشفوى وهو بيسالك فيها وانت مش بتجاوب
لانك مش عارف المهم من اللى مش مهم وتلاقى دكتور فرحان بsyndromesاللى مابتحصلش
غير فى كل مليون عيان غير حالة واحدة بس
الرجوع الى أعلى الصفحة اذهب الى الأسفل
Mirage
|مشرف|
|مشرف|


عدد الرسائل : 5939
العمر : 26
محل الاقامة : -
الوظيفة : -
تاريخ التسجيل : 30/09/2008

مُساهمةموضوع: رد: للفاشلين فقط ( الحقيقه المره !)   الخميس 26 مارس 2009, 6:13 pm

راجل مهم أوى اوى اوى اوى! كتب:
ممكن اقول الكتب بتيجى منين... بس مستعدين تخسرو درجات ف سبيل انكو تفهمو اكتر ؟
الكتب دى بتضيع الوقت.... والدرجات كمان.. لاننا لو اهتمينا بيها هتودينا ف طريق بعييد
عن طريق الامتحان...الكتب دى ممكن اى حد يجيبها بس لازم يكون هو بيعمل ايه... ورايح فين
الحكايه حكايه طريق... هنبتديه منيين ؟؟
__________

من حيث الوقت .... فالوقت موجود

قول انت بس الكتب دي أجيبها منين
او حتي اسمااائهاااا علشان أدور عليهااااااا

_________________



No Sacrifice .. No Victory
الرجوع الى أعلى الصفحة اذهب الى الأسفل
حياتي كلها لله
عضو نشيط
عضو نشيط


عدد الرسائل : 53
العمر : 30
الوظيفة : طبيب امتياز
تاريخ التسجيل : 23/07/2008

مُساهمةموضوع: رد: للفاشلين فقط ( الحقيقه المره !)   الخميس 26 مارس 2009, 6:55 pm

الكلام اللي اتقال كله جميل وانا شخصيا اقر بيه
لكن انت دلوقتي طالب في الكلية و مش عجباك المنظومة
تسيب الكتب و المذاكرة الفارغة دي وتعمل ايه؟
هي دي القضية
قدامك حل تاني؟
سيبك من بعد كده تبقي تفكر في السفر
لكن وانت طالب
تضيع السنين دي كلها في ايه لو ما ذاكرتش؟
طيب لو انا جبت كتب مع نفسي وقولت اعلم نفسي بنفسي ده انت شايفو صح
اكيد طبعا لا لان لو كل واحد بيعرف يعلم نفسه ما كنش الكلية يبقي ليها لازمة
انا شايف اننا نصبر علي البلاء ده وفي نفس الوقت ما نستسلميش ليه ممكن تدور انك تطور نفسك
والوقت عمره ما كان ضيق احنا بنضيع منه كتيير
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: للفاشلين فقط ( الحقيقه المره !)   الجمعة 27 مارس 2009, 11:53 pm

حياتك ..احسبها صح... وعيشها صح.
انت المسؤل عن نفسك..وعن اللى يدخل دماغك..
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
هــشــامـ (قلمـ حـر)
عضوية شرفية
عضوية شرفية


عدد الرسائل : 1054
العمر : 28
محل الاقامة : Again alone
الوظيفة : Nothing ',just theories maker
تاريخ التسجيل : 31/10/2008

مُساهمةموضوع: رد: للفاشلين فقط ( الحقيقه المره !)   السبت 28 مارس 2009, 1:22 am

[quote="راجل مهم أوى اوى اوى اوى!"]
________
تعالى وشوف منظر الطلبه الخريجين من كليتنا ؟ بعد ماخلصو امتياز... ونازلين للشغل... تعالى شوفهم.... هتلاقى ولا حاجه... عارفها... وده مش عيب فيه ولا حاجه... دا عيب فى اللى علمو
عيب ف الكتاب اللى قراه... عيب ف اللى درسلو الكتاب ... عيب ف الطريقه اللى اتدرسلو بيها الكتاب
الطالب اللى لسه متخرج ده... المفروض كان يكون احسن من كدا... المفروض كان يعرف حاجات اكتر من كدا...المفروض انه كان يتخرج وعندو علم...ليه اساس ...ومفاهيم ليها مصدر علمى...

quote]

مره كنت بتكلم مع واحد قدنا في الدفعة ..
وبالغلط اتكلمنا في موضوع يخص العلم ، فقلته تخيل انت لما تخلص سنة 6 وتنزل امتياز وفي أول يوم امتياز وانت بقى متحمس انك هتبات كل يوم في المستشفى وهتتعلم وهتعمل وهتعمل ...
لقيت واحد داخل على الترولي في heart attack ومحتاج CPR قولتله هتعمل ايه ، العيان قدامه بالكتير دقيقتين ويودع ....
تفتكر هتعمل ايه !!!!!!!
يعني أكيد هيعد يعيط جنب أهل العيان أو لو كان بيفكر هيطلع ينادي النايب من فوق وعلى ما ينزل هيكون الراجل مات ....
يعني احنا كلنا بنبقى متخرجين من الكلية زينا زي أي واحد في الشارع في التعامل مع المرضى يمكن عندنا معلومات بس الكلينيكال بتاعنا حتى في حالات الحياة والموت زي heart attack أو Respitatory problems بتبقى صفر عالشمال ، ومفيش حتى الجرأة انك تعمل أي حاجه ...
الواحد لو حصل معاه الموقف دا شوف تأنيبك لضميرك ، معرفتش تنقذ حياة إنسان ، شوف كمية الأسى إلي سببتها لأهل المتوفي دا ؟ ، شوف منظرك قدام نفسك !!!!!

فشل .....فشل .....فشل

كنت بحلم مثلا إن يبقى في Clinical Emergency Course وحتى لو كان في الصيف وبفلوس وكمان اختياري بس بجد يعلمك أو حتى يديك الشجاعه إنك لو اتحطيت في مواقف الحياة والموت على الأقل تعرف تتصرف ...
شوف الفرق لما تنقذ حياة بني آدم ، شوف البسمة إلي هترسمها على وش أهله ، وقبل كدا شوف كمية الرضا إلي هتحس بيها عن نفسك .....

لكن احنا منطقنا في التعامل مع الأشياء هو إلي عامل فينا كدا ، مبندورش غير على الدرجة وفقط ...
ودا طبيعي جدا لأن حياتنا اتحولت إلى كتلة مادية صماء لا تتعامل غير بمعطيات الأرقام وفقط .....

الكلام ملوش لازمة أصلا لأنه مبقاش فيه أي أمل
يعني ربنا يتولانا برحمته احنا
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: للفاشلين فقط ( الحقيقه المره !)   السبت 28 مارس 2009, 1:25 am

فيه امل... بس مش ع الارض دى !
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
هــشــامـ (قلمـ حـر)
عضوية شرفية
عضوية شرفية


عدد الرسائل : 1054
العمر : 28
محل الاقامة : Again alone
الوظيفة : Nothing ',just theories maker
تاريخ التسجيل : 31/10/2008

مُساهمةموضوع: رد: للفاشلين فقط ( الحقيقه المره !)   السبت 28 مارس 2009, 1:26 am

أكيد في زحل ...
روح ذاكر يا ابني ، عشان حالكم ميبقاش زي حالنا بعد امتحان الاسرة
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: للفاشلين فقط ( الحقيقه المره !)   الأربعاء 01 أبريل 2009, 11:59 am

شوف انت اخر موقف حصل.... كان ف غايه الروعه
لما رحت قسم العيون اعمل كشف نظر
وقعدت ع الكرسى وجت واحده من اللى لسه بيتدربو دول باعتبار ان ف القسم دا اوائل الدفعات
المهم.. قالتلى شيل النظاره.... شيلتها
قالتلى ها العلامه دى ف انى اتجاه ( اكبر علامه )
قولتلى مش شايف !!!
قاتلى طب ودى ؟؟
قولتلها ةمش شايف
!! استغربت اووى
وراحت تنادى على دكتوره تانيه !!
بس سؤال : هو ايه اللى بيحصل دا !!
ازاى تقيسى نظر لواحد لابس نظاره من سبع سنين .... من غيرها وتسأليه هو شايف وللا لأ
اكيد مش هشوف !!!!
طبعا سبتها ومشيت واكتفيت بقرايه الاوتو ريف
المفروض تقيس اللنظر بالنظاره وتشوفنى انا جايب العلامه لغايه فيين.. وتحسب
مش تقيس من الاول خالص !!

مش بقولكو احنا فاشلبين !!! احنا مش هما !!
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
*فيروز*
عضو فعال
عضو فعال


عدد الرسائل : 320
العمر : 29
الوظيفة : طالبه
تاريخ التسجيل : 30/03/2009

مُساهمةموضوع: رد: للفاشلين فقط ( الحقيقه المره !)   الأربعاء 01 أبريل 2009, 2:38 pm

كلام جميل قوى والله
بس المشكله دى علشان تتحل لازم تبدا من القاع يعنى من اول التعليم وتغي النظام
وبعدين لازم اصلا الدكاتلره و الاساتذه دول ماشى هم طلعوا الاوائل واتعينوا وهيعلمونا بس مش كل واحد شاطر بيبقى عنده القده على الشرح يبقى لازم ياخدوا دورات تدريب ويتعلموا ازاى يعلموا
وكمان الواسطه دى ما انا لما هيدخل ليا دكتور واعرف اه ده ابن فلان وكان بيجيب تقدير وحش وهيدرس ليا اكيد مش هستجيب وهو كمان مستواة وحش ومش فاهم حاجه
اه بس لازم اعين ابنى مش مشكله بقى فى الاجيال اللى هيدرس لها
والكتب وطريقه الامتحانات خلاص ما بقاش ينفع معاها غير الحفظ
بس اصلا عمر ما هيبقى فيه تغير مثلا وزير التعليم اللى بيتشال بيجى بعده نائبه او حد من مساعديه طيب ماهو اصلا لو كان فى دماغه حاجه كان شار بيها على رئيسه
لا ويقولك كليه عملى : ده فى امتحان الباطنه العملى مثلا يقولك مش مهم تكشف وطلع داتا لا المهم تكتب النقط اللى هتعمل كومنت عليها خلاص بلاش بقى الوند ونحفظ الاسكيمه وخلا ص
واصلا كل دكتور يدخل شاطر بس يقول هو اللى انتم بتخدوة ده كلينيكال لا روحوا شوفوا القص العينى طيب ما تعلمنا بدل ما بتقعد تتكلم
وناهيك بقى عن الاستهتار بينا الروند مكملش علشان الوقت مش مقضى وهو اصلا جاى الساعه 10 ومضيع تلت الوقت وعايز يطلع بدرى او الا مجاش ونتصل اصله ناسى اصله وراة امتحان و بيذاكر
وعرض المحاضرة ربنا يبارك لنا فى الكمبيوت ةالبروجكتور والله دكتور مره بنشتكى له قال وكمان لو النو قطع مش هيعف يقولكوا حاجه
والدكاتره من زمن فات قوى خلاص استكفى بالمعلومات وما بيجددش وتيجى انت تعرف بالصدفه حاجه وتقولها لا يبقى غلط المفروض يفرضوا على الدكاتره انهم يعملوا بحث او مناقشه على الاقل فى التخص بتاعه علشان يبقى مطلع مش نطلع نلاقى ايه : لا الحاجات دى خلاص بطلت من زمان واحنى بندرسها
الرجوع الى أعلى الصفحة اذهب الى الأسفل
BRAVE SURGEON
:: الريشة الذهبية للمنتدى::
:: الريشة الذهبية للمنتدى::


عدد الرسائل : 3845
العمر : 28
محل الاقامة : HOme
الوظيفة : Ambitious Human
تاريخ التسجيل : 19/03/2009

مُساهمةموضوع: رد: للفاشلين فقط ( الحقيقه المره !)   الخميس 02 أبريل 2009, 12:30 am

هيجى يوم نتخرج كلنا من الكليه .... ونفرح بشبابنا ونفتكر ايام ضاعت بايدين غيرنا !!
الرجوع الى أعلى الصفحة اذهب الى الأسفل
https://www.facebook.com/profile.php?id=100001066480416
make a wish
|مشرف|
|مشرف|


عدد الرسائل : 4803
العمر : 30
الوظيفة :
تاريخ التسجيل : 02/05/2008

مُساهمةموضوع: رد: للفاشلين فقط ( الحقيقه المره !)   السبت 04 أبريل 2009, 1:03 am

M F M

Menofeia Faculty of Medicen

Mafesh Faida Meno

No

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
Mirage
|مشرف|
|مشرف|


عدد الرسائل : 5939
العمر : 26
محل الاقامة : -
الوظيفة : -
تاريخ التسجيل : 30/09/2008

مُساهمةموضوع: رد: للفاشلين فقط ( الحقيقه المره !)   السبت 04 أبريل 2009, 1:07 am

أنا بقي هخلي فيها فايدة

_________________



No Sacrifice .. No Victory
الرجوع الى أعلى الصفحة اذهب الى الأسفل
 
للفاشلين فقط ( الحقيقه المره !)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 5انتقل الى الصفحة : 1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: