البوابةالرئيسيةس .و .جبحـثالتسجيلدخول





شاطر | 
 

 شخصيتك الأخرى "الرقمية" ....!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
!Ops
عضو فعال
عضو فعال
avatar

عدد الرسائل : 342
العمر : 29
محل الاقامة : مصر
الوظيفة : طالب
تاريخ التسجيل : 09/08/2007

مُساهمةموضوع: شخصيتك الأخرى "الرقمية" ....!   الخميس 26 فبراير 2009, 2:19 pm

دعك من التلفاز ... ان فضاء الانترنت الرقمي يكفل لك حرية أرقى بمراحل ...أكثر تشعبا وتعقيدا من قنوات موحدة الارسال والمنهج والرأي ...

سآخذك معي الى أكبر خدعة مارسناها على الويب ... خدعة الشخصية البديلة
النيك نيم ... شخصيتك الأخرى الرقمية .. ذات البروفيل المصور والبيانات المختارة





الخدعة المضحكة التي تراها جلية عندما تتأمل حقا ماخلف صفحات المنتديات والبلوجات والميسينجرات .. تأمل بدقة الأسماء والصور والتوقيعات لترى الخدعة الأعظم على مر التاريخ




في الفضاء الرقمي .. الكل فاضل وجميل ... الكل ساخر وغامض وعميق التجربة وحزين لأنه وحيد لم يجد من يفهمه لذا قرر أن يتحول الى شبح يهيم في فضاء الانترنت بحثا عن شيء يعلن مرارا أنه لن يجده ابدا
الكل يكره التسلط .. والاحتكار .. والكليبات التافهة ... والتحرش الجنسي ... والتمييز العنصري ... والتعصب
الكل يحب الفضيلة ... والخير ... والزرع الأخضر ... ويفهم الجمال ... ولابد أن هؤلاء الذين يعشقون القبح والفوضى والدمار هم آخرين من خارج هذا العالم ... هؤلاء الذين يملئون الدنيا صخبا وهلسا ويجوبون ممالك الليل كمصاصي الدماء






لكن اللعنة الحقيقية التي ذابت تحت جلودنا ..هي أن كل واحد قد استقر في غرفته الزجاجية معزولا عن الآخرين ... محاصرا بين السماعات والمايك والشاشة الساحرة الملونة ليمارس متعة الكلام عن الآخرين مرتديا اللباس المميز لهويته السرية ... تلك الهوية التي يحارب بها هزائمه المحتملة في عالم الواقع .. ويهرب بها الى نصر رقمي جديد
ثم يبحث عن أشباهه في هذا العالم .. وعندما يلتقون يصنعون معا مايعرف بالمجموعة أو (الجروب) ... ولأن الطيور على أشكالها تقع فان أفراد أي (جروب) في تزايد مضطرد ... تجمعهم رغبة أكيدة في اجتذاب المزيد من الاتباع , والبحث عن القوة والأفضلية .. ومن ثم تظهر الصراعات بين (الجروبات) لاثبات تلك الأفضلية ... و يبدأ تراشق الكلمات .. والاتهامات .. والحجارة







وفي (جروبك) .. تستمد قوتك الحقيقية من دماء الآخرين .. أن يكون الغربي عاهرا لأنك عربي ... أن يكون الخليجي عربيدا لأنك مصري... أن تكون النساء ناقصات عقل ودين لأنك رجل صارم كثيف الشعر لاأكثر ... أن تكون أهلاويا فيكون الزملكاوي كسيحا ... أن تتبرك بأولياء الله وتتحفز عندما تقرب الكنائس ... أن تكون مؤمنا فتكره الكفار ... وتكون سنيا فتكره الشيعة ... وتكون ملتحيا فتكره الفرافير حالقي اللحى ... وتكون أنت ..... فتكره من سواك





دوائر أصغر..... فأصغر ..... فأصغر
وفي أضيق حلقات الدائرة ... أنت معزول ... كأنك أمام شاشة كمبيوتر بين السماعات والمايك والشاشة الساحرة الملونة .. الوقت لايمر .. والساعة دوما 11 ونصف صباحا .. ربما لأن هذا هو الوقت الذي توقفت فيها ساعتك آخر مرة وأنت تتأمل الآخرين من خلف زجاج النافذة
ارفع علمك عاليا ... وردد بقوة مع (جروبك)
بيييييب بيييب ... أهلي ... المصريين أهمة... مصر دي بلد رقاصين ... ديني أحسن من دينك ... المجد لماركس... أكيد حرمة هي اللي سايقة ... كلنا ليلي ... ( ياسيدي قول كلنا لها)...حد مايحبش أم كلثوم ,القريب منك بعيد؟ (البعيد مابيفهمش) ... شعبولا هو الحل.. أنا وطني .. (وأنا فودافون)... اقف عندك , انت معانا ولا مع الناس التانيين؟ ... أنا معاكم ... أمال شكلك غريب كدة ليه ؟... ماغريب الا الشيطان .... قصدك تقول ان انت الشيطان؟
ياللسخرية ..!!؟ .. لقد تشابهنا من حيث قررنا الاختلاف !
الرجوع الى أعلى الصفحة اذهب الى الأسفل
أيام للتاريخ
|مشرف|
|مشرف|


عدد الرسائل : 6935
العمر : 26
محل الاقامة : .
الوظيفة : .
تاريخ التسجيل : 25/01/2008

مُساهمةموضوع: رد: شخصيتك الأخرى "الرقمية" ....!   الخميس 26 فبراير 2009, 5:52 pm

اقتباس :

[b][size=16]لقد تشابهنا من حيث قررنا الاختلاف !


يااااااااااااااااااااه على التعبير
اجمل تعبير شوفته فى حياتى عن وصف الحالة دى...

الموضوع بقى..
موضوع فكرة قوية جدا..
وهى ان كل واحد اعد فى اوضته فعلا .. وعمال يصور نفسه للعالم من وجهة النظر اللى العالم عايزها

يعنى مثلا
واحد داخل على منتدى ملتزم .. هتبقى صورته صورة الانسان الملتزم اللى محافظ على كل حاجة فى دينه وكل كلامه فيه احاديث وايات قرآنية ....وهكذا..

لكن بقى لو دخل على منتدى كله اغانى ..
تلاقيه ياعينى اكتر واحد حافظ اغانى على المنتدى واول واحد يرفع الاغانى الجديدة وعنده البومات كل المغنيين ..الجديد والقديم...!!!!
!!!!

ولمشكلة ان ده .هوه نفسه ده... وفاتح المنتديين فى نفس الوقت...

يبقى ايه بقى؟؟
يبقى العيب فى ايه؟؟ولا فى مين...!!!!!!!
!!!!!!!!!!!!!!!!!!!!!!!!!!!!!!!!!!!!!!!!

الله اعلم

_________________



يــــــــــــــــــــــــــــــارب




الرجوع الى أعلى الصفحة اذهب الى الأسفل
قدامنا لسـه عبــور تانى..
|مشرف|
|مشرف|
avatar

عدد الرسائل : 1291
العمر : 26
الوظيفة : trying
تاريخ التسجيل : 13/08/2008

مُساهمةموضوع: رد: شخصيتك الأخرى "الرقمية" ....!   الخميس 26 فبراير 2009, 6:13 pm

اقتباس :
لقد تشابهنا من حيث قررنا الاختلاف !


لقد صدقت ..


_________________


الحــــمد لله كثيرا ..



يا مــــصـــــر يـا أم الـدنـيا .. يـــا أغــلـــى الأوطــــــــان

مـيــــن دا الـلـــــي يـقــــدر يوصـــل بـيـكـــي لـبـر أمـــــــان

ويـعـــدي بـيـكي على بكـــــــــره ..غــيــــر الــشــجـــــعان !!

الرجوع الى أعلى الصفحة اذهب الى الأسفل
silent heart
عضو جديد
عضو جديد
avatar

عدد الرسائل : 21
العمر : 27
الوظيفة : student
تاريخ التسجيل : 26/02/2009

مُساهمةموضوع: رد: شخصيتك الأخرى "الرقمية" ....!   الخميس 26 فبراير 2009, 6:17 pm

[quote="O.A.H"]
اقتباس :

[b][size=16]لقد تشابهنا من حيث قررنا الاختلاف !


يااااااااااااااااااااه على التعبير
اجمل تعبير شوفته فى حياتى عن وصف الحالة دى...

الموضوع بقى..
موضوع فكرة قوية جدا..
وهى ان كل واحد اعد فى اوضته فعلا .. وعمال يصور نفسه للعالم من وجهة النظر اللى العالم عايزها

يعنى مثلا
واحد داخل على منتدى ملتزم .. هتبقى صورته صورة الانسان الملتزم اللى محافظ على كل حاجة فى دينه وكل كلامه فيه احاديث وايات قرآنية ....وهكذا..

لكن بقى لو دخل على منتدى كله اغانى ..
تلاقيه ياعينى اكتر واحد حافظ اغانى على المنتدى واول واحد يرفع الاغانى الجديدة وعنده البومات كل المغنيين ..الجديد والقديم...!!!!
!!!!

ولمشكلة ان ده .هوه نفسه ده... وفاتح المنتديين فى نفس الوقت...

يبقى ايه بقى؟؟
يبقى العيب فى ايه؟؟ولا فى مين...!!!!!!!
!!!!!!!!!!!!!!!!!!!!!!!!!!!!!!!!!!!!!!!!

بس مش معنى ان الأنسان دى اللى جواه فعلا هو اللى بيبينه ابدا خالص كثير بيعيش اللى قدامه فى وهم انه الشخصية اللى مفيش منها اربعة
هههههههههههههههه
أكيد مش الواحد دائما بيبين اللى مكنون ودا علشان الناس ياخدو فكرة عمنا الشيخ وهو جوه غير برا خالصصصصصصصصصصصصصصصصصصصصصص

الرجوع الى أعلى الصفحة اذهب الى الأسفل
SaLmA
فرسان الميديكال
فرسان الميديكال
avatar

عدد الرسائل : 2171
العمر : 27
محل الاقامة : ....
الوظيفة : ....
تاريخ التسجيل : 17/07/2008

مُساهمةموضوع: رد: شخصيتك الأخرى "الرقمية" ....!   الخميس 26 فبراير 2009, 9:42 pm

اقتباس :
في الفضاء الرقمي .. الكل فاضل وجميل ... الكل ساخر وغامض وعميق التجربة وحزين لأنه وحيد لم يجد من يفهمه لذا قرر أن يتحول الى شبح يهيم في فضاء الانترنت بحثا عن شيء يعلن مرارا أنه لن يجده ابدا

طبعا مش هانعمم

بس فعلا دة اللي بيحصل كتييييييييييير

الموضوع دة بيضايقني بجد

كل واحد شايف انه مظلوم ف الدنيا والناس وحشة

والعالم كله ضده

الدنيا لونها اسود وهوة النقطة البيضة الوحيدة

الغريبة بقى انك تقابل الشخصية دي فتتحطم تصوراتك ع صخرة الواقع

(أنظر إلى الطيب في الإنسان بدلاً من السئ، فالناس يتصرفون من خلال وجهة نظرك عنهم)

وفي حاجة تانية ممكن يكون الشخص دة بيهرب من العالم اللي هوة فيه

وبيكتب اللي بيتمناه او اللي بيحلم يوصله من الكمال

مع ان الكمال لله وحده
يعني هو بيكتب الشخصية اللي بيتمنى انه يكون عليها
مش عارفة..........

بس كل انسان له عيوبه ومميزات
الرجوع الى أعلى الصفحة اذهب الى الأسفل
عز & رجولة
أخ أكبر
أخ أكبر
avatar

عدد الرسائل : 688
العمر : 32
محل الاقامة : شكلي هانقل واروح اقعد في الباجور
الوظيفة : طبيب
تاريخ التسجيل : 16/01/2007

مُساهمةموضوع: رد: شخصيتك الأخرى "الرقمية" ....!   الخميس 26 فبراير 2009, 9:59 pm

جزاك الله خير
الموضوع جميل جدا
فعلا الناس يتلونون تلون الحرباء
ندعو الله ان ينجينا من ذلك
والا نكون من المنافقين
فانهم في الدرك الاسفل من النار

الرجوع الى أعلى الصفحة اذهب الى الأسفل
make a wish
|مشرف|
|مشرف|


عدد الرسائل : 4803
العمر : 31
الوظيفة :
تاريخ التسجيل : 02/05/2008

مُساهمةموضوع: رد: شخصيتك الأخرى "الرقمية" ....!   الخميس 26 فبراير 2009, 10:07 pm

انا لسه عند راي

اللي شخصيته مخادعه في الحقيقه.. هتلاقيه كده عالمنتدي ..

واللي تلقائي وعلي طبيعته في الحقيقه ..برده هتلاقيه كده برده عالمنتدي ..

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
GOLDEN HEART
فرسان الميديكال
فرسان الميديكال
avatar

عدد الرسائل : 707
العمر : 28
محل الاقامة : مصر أم الدنيا
الوظيفة : دكتوره مع ايقاف التنفيذ
تاريخ التسجيل : 21/10/2007

مُساهمةموضوع: رد: شخصيتك الأخرى "الرقمية" ....!   الخميس 26 فبراير 2009, 10:53 pm

EnJoY كتب:

لكن اللعنة الحقيقية التي ذابت تحت جلودنا ..هي أن كل واحد قد استقر في غرفته الزجاجية معزولا عن الآخرين ... محاصرا بين السماعات والمايك والشاشة الساحرة الملونة ليمارس متعة الكلام عن الآخرين مرتديا اللباس المميز لهويته السرية ... تلك الهوية التي يحارب بها هزائمه المحتملة في عالم الواقع .. ويهرب بها الى نصر رقمي جديد

كلامك صحيح بشكل كبير
صحيح الصوره مش سوده أوي كده
لكن مع الاسف فيه شباب كتير بيهربوا من عالمهم الحقيقي الي عالمهم الرقمي بحثا عن الذات
أو هربا منها
ربنا يهدينا جميعا


جزاك الله خيرا
الرجوع الى أعلى الصفحة اذهب الى الأسفل
EMM
عضو ذهبي
عضو ذهبي
avatar

عدد الرسائل : 1042
العمر : 27
محل الاقامة : ف بلدي مصر
الوظيفة : .!.
تاريخ التسجيل : 29/05/2008

مُساهمةموضوع: رد: شخصيتك الأخرى "الرقمية" ....!   الخميس 26 فبراير 2009, 11:30 pm

الموضوع فعلا جيد جداااااا
ويستحق المناقشة فعلا

بس اعتقد من وجهة نظري
ان اللي بيتصنع حاجة بيبان عليه
واللي بيتكلم من قلبه برده بيبان عليه

بس ارجع واقول الردود ع شاشة الكومبيوتر ليست مقياس لاي حاااااااجة
لان ببساطه ممكن يكون واحد بيعيط مثلا ويحط ايموشن بيضحك
واي حد هيفتكر انه فرحان اوووي
طبعا مقصدش المثل ده بالذات .... يعني اي حاجة زي كده
وبرده مش كل الكلام بيتفهم حسب اللي الشخص عايز يقوله

بس صح ربنا قال "سيماهم ع وجوههم"
مش ع كتاباتهم

مفيش قدامنا غير اننا ندعي ....
ربنا يبعدنا عن اننا نكون من الشخصيات دي
لان مفيش حد معصوم من الخطأ

معلش لو كان كلامي ملغبط
انا بس بافكر بصوت عالي
(اقصد بالكتابة ع الكيبورد)
الرجوع الى أعلى الصفحة اذهب الى الأسفل
Dr,Gwyly
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 6951
العمر : 27
الوظيفة : Dr,Gwyly
تاريخ التسجيل : 20/08/2008

مُساهمةموضوع: رد: شخصيتك الأخرى "الرقمية" ....!   الخميس 26 فبراير 2009, 11:37 pm


انا شايفة ان شخصية كل واحد ليها ابعاد كتير ...
يعنى فينا جانب انسانى وجانب فكرى ..جانب فنى وحتى جانب مادى
والجوانب دى بتظهر فى الطبيعى مع المواقف المختلفة اللى بنتعرض ليها
وبرده كل واحد عنده اجزاء فى شخصيته خفيه محدش يعرفها
لكن فيه فرق بين ابعاد الشخصية والتصنع ,
بمعنى ان الانسان يرسم لنفسه اطار يمشى عليه فى تعاملاته والاطار ده يكون منافى تماما لابعاد شخصيته ...مش هاسميه غير نفاق
وده مش بس بيظهر على النت ..دا كمان موجود فى الحياه عموما وانا قابلت افراد بتتصنع كتير
لكن برده مش معنى ان واحد يكون عنده اكتر من بعد فى شخصيته او اكتر من موهبه نقول عليه بيتصنع ..لان دى بتكون هبه من عند ربنا
و الطريقة الوحيده بجد لمعرفه اذا كان اللى قدامك بيتصنع ولا لأه هى معاملته على الواقع ..
الرجوع الى أعلى الصفحة اذهب الى الأسفل
Mirage
|مشرف|
|مشرف|
avatar

عدد الرسائل : 5939
العمر : 27
محل الاقامة : -
الوظيفة : -
تاريخ التسجيل : 30/09/2008

مُساهمةموضوع: رد: شخصيتك الأخرى "الرقمية" ....!   الجمعة 27 فبراير 2009, 2:16 am

الموضوع جامد جداااا
و يستحق المناقشة بجد
بس انا بصراحة
مش لاقي كلام بعد الكلام اللي اتقال

_________________



No Sacrifice .. No Victory
الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 28
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: شخصيتك الأخرى "الرقمية" ....!   الجمعة 27 فبراير 2009, 4:08 am

BSM

والله يا أبوخليل يا صديقي

عالم الإنترنت - أصلا - قايم علي الشخصية الوهمية وده شيء معليهوش خلاف

بمعني إن أي حد يقدر يرسم لنفسه الشخصية اللي هو عاوزها من خلال الانترنت

وبعدين أنت في تعاملك مع أي حد علي الانترنت - الواقع بينكم بيكون منعدم بالفعل -

لأنك لا قابلته ولا شوفته ولا عرفت طباعه ولا أخلاقه ولا تصرفاته

والحاجات دي منتشرة طبعا في كل حته في المواقع والمنتديات والشات وغيرها وغيرها

لكن تقريبا في كليتنا المحروسة الموضوع ده مش باين قوي لأن الناس هنا تقريبا

عارفه بعضها بنسبة كبيرة جدا وبالتالي فإنت كسرت القاعدة وإن جزء من الوهم اتحول لواقع

وحقيقة فعلا ، يعني أنا برد عليك دلوقتي وأنا عارفك اونت عارفني وبالتالي فأنا معنديش أي

دافع يخليني أجمل وأذوق كلامي أو أكدب عليك إلا إذا كنت أنا مريض نفسي بقي

وبصراحه موضوع أن الناس عارفع بعضها ده له ميزة وعيب

الميزة : أن أنت بتتعامل مع الشخصية اللي قدامك علي حقيقتها وبطبيعتك أنت فعلا وبالتالي

مفيش مجال للف والدوران أو الغش والخداع

العيب : ومعتقدش أنه لسه موجود قوي ، أن الناس بتستغل الموضوع ده في بعض الخلافات

الشخصية

وأنا رأيي أننا تقريبا قربنا نبني مجتمع كامل علي النت بس أكيد لسه فاضل شوية برده
Smile

_________________

الرجوع الى أعلى الصفحة اذهب الى الأسفل
http://www.medicalto.com
Ex0dus
عضو فعال
عضو فعال
avatar

عدد الرسائل : 231
العمر : 29
الوظيفة : كائن حي
تاريخ التسجيل : 08/10/2007

مُساهمةموضوع: رد: شخصيتك الأخرى "الرقمية" ....!   الجمعة 27 فبراير 2009, 8:08 pm

أشم رائحة صديقي فهرنهايت 451 في هذه السطور المشعة
وأظن أنه تحدث ذات مرة عن سارقي البوستات دون الإشارة إلى كاتبها .

أليس هذا منافيا ً لفحوى الموضوع قيد الطرح !!

تحديث : لا أذكر قرأته من قبل على أية مدونة . قد يكون خالطني لبس ما


عدل سابقا من قبل Ex0dus في الجمعة 27 فبراير 2009, 8:16 pm عدل 1 مرات
الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 28
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: شخصيتك الأخرى "الرقمية" ....!   الجمعة 27 فبراير 2009, 8:10 pm

Ex0dus كتب:
أشم رائحة صديقي فرنهايت 451 في هذه السطور المشعة
وأظن أنه تحدث ذات مرة عن سارقي البوستات دون الإشارة إلى كاتبها .

أليس هذا منافيا ً لفحوى الموضوع قيد الطرح !!

طب ما Enjoy و فرنهايت واحد Laughing
الرجوع الى أعلى الصفحة اذهب الى الأسفل
http://www.medicalto.com
!Ops
عضو فعال
عضو فعال
avatar

عدد الرسائل : 342
العمر : 29
محل الاقامة : مصر
الوظيفة : طالب
تاريخ التسجيل : 09/08/2007

مُساهمةموضوع: رد: شخصيتك الأخرى "الرقمية" ....!   الأحد 01 مارس 2009, 9:21 pm

اقتباس :
الموضوع فعلا جيد جداااااا
ويستحق المناقشة فعلا





اقتباس :

جزاك الله خيرا




دا شخصياً يكفيني لما أنزل أي موضوع علي المنتدي هنا...






اقتباس :



طب ما Enjoy و فرنهايت واحد Laughing



واحد يا ريس واحد


اقتباس :


أشم رائحة صديقي فرنهايت 451 في هذه السطور المشعة
وأظن أنه تحدث ذات مرة عن سارقي البوستات دون الإشارة إلى كاتبها .


أليس هذا منافيا ً لفحوى الموضوع قيد الطرح !!



براحتكـ يا سي ذرة صاوصاويكا
الرجوع الى أعلى الصفحة اذهب الى الأسفل
 
شخصيتك الأخرى "الرقمية" ....!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: