البوابةالرئيسيةس .و .جبحـثالتسجيلدخول





شاطر | 
 

 ...(ياترى مين اللى غلطان فى الحكاية دى؟؟)...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
...Stop Loss...
عضو مميز
عضو مميز
avatar

عدد الرسائل : 193
العمر : 27
الوظيفة : طالب
تاريخ التسجيل : 17/01/2009

مُساهمةموضوع: ...(ياترى مين اللى غلطان فى الحكاية دى؟؟)...   الجمعة 06 فبراير 2009, 4:30 pm


زمان لما كنا فى المرحلة الإبتدائية والإعدادية كان الأساتذة... وخصوصا قبل كل إمتحان... كانوا يلقون على مسامعنا مجموعة من الجمل زى
(ان الغش حرام)
و(اللى بيغش حيروح النار)
و(إن من غشنا فليس منا)..
ومع بداية الثانوية العامة والجامعة تغير الخطاب الترهيبي... بدل من أن الغش حرام أصبح الغش (جريمة) وان الغشاش حيتحرم من الامتحانات كلها وحيتحول للتحقيق ... والحاجة الغريبة أنه سواء فى التهديد الأول أو الثاني الطلبة لم يكفوا عن الغش ..
واصبحت عملية
إستغفال المراقب لها متعة ولذة خاصة .. فالمراقب كان بالنسبة للطلبة هو قنبلة الرخامة المتحركة .. وكان دائما المراقب المتساهل اللى بيسيب الطلبة تِطَلع اللى معاها من برشام وخلافه ليلطشوه على ورقة الإجابة كان بالنسبة لهم (الفارس والشهم والأب الحنون) ومش بعيد كمان بعد الإمتحان يقولوا فيه قصيدة مديح من بتوع المتنبي فى سيف الدولة الحمداني

وأفتكر وأنا فى الإعدادية كان عندنا إمتحان مادة علوم وكان بيراقب علينا سيدتان حوالى فى الثلاثينات من العمر فى الوقت ده ..وكانت كل واحدة منهم عاوزه تغشش الطلبة لكن خايفة من زميلتها .. وبمجرد خروج واحدة منهم بره اللجنة علشان تعمل حاجه معينة أسرعت المراقبة الثانية وقالت لنا ((يلا بسرعة ياعيال اللى مش عارف حاجه يسأل اللى جمبه)) .. وبمجرد رجوع المراقبة الأولى كان كل شىء على ما يرام ..بعدين حصل إن المراقبة اللى غششتنا خرجت بره اللجنة لنفاجأ بموقف طريف ..إن المراقبة زميلتها بتقولنا ((خلصوا نفسكم بسرعة قبل ما ترجع)) .. وهنا ضجت اللجنة بالضحك .. وده من المواقف الطريفة اللى الواحد لا يمكن إنه ينساها .

وهناك مراقبين كانوا أخر رخامة حتى وصل بهم الحال أنهم مكانوش بيتسامحوا مع الطالب اللى بيتم ضبطه بالممنوعات الدراسية .. وفى كتير من المرات حصل فيها حاجات زى دي وتم طرد طلبة إتمسكوا فى وضع الغش بعد عشر دقائق من بدء الامتحان ..فالعلاقة بين الطالب والمراقب هى علاقة (أكون أو لا أكون) .. ولو سألت مجموعة من الطلاب
أنت شايف مين اللى على حق المراقب ولا الطالب؟؟
حتلاقى إجابات متنوعة ..وحتلاقى اللى حيمسك العصاية من النص ويقولك الاتنين على حق


فالمراقب شايف إن الغش حرام وده لو كان ملتزم وينظر للموضوع من الجانب الديني ...وجايز ينظر للموضوع من ناحية تانية وخايف على نفسه من الخصومات والجزاءات لو إنكشف وهو سايب الطلبة بيخمسوا فى الاجابات مع بعض ....
أما الطالب فشايف إن ده حقه وإن التعليم فاشل وإنه إتظلم تعليميا فى فصل به 40 طالب أو جامعة أحدث جهاز فيها يعود لعام 1940م .. ويرى الطالب كمان إنه أحيانا واضع الأسئلة متعمد إنه يضيعهم ويخليه إمتحان أسود ومهبب على دماغهم .. وأوضح مثال على كده إن بعض الأساتذة فى بعض الكليات بيلعبوا مع الطلبة شغل (حلق حوش)... يعنى مثلا لما أستاذ يقول فى المحاضرة إن الجزء الفلاني مش جاى فى الامتحان ويدخل الطلبة الامتحان يلاقوا أسئلة هذا الجزء ملطوعة فى ورقة الأسئلة .. أكيد هيحصل إهتزاز وعدم ثقة فى كلام أى أستاذ بعد كده ويدفع الطلبة إنها تغش
ممكن تقول إن الطلبة تروح تشتكى .. لكن ده لو انت مثلا فى امريكا .. لكن عندنا فى بلداننا العربية ( الشكوى لغير الله مذلة ) ..وجايز تطلع انت كمان اللى غلطان ويشيلوك المادة او تتفصل.. فلو قلت للأستاذ بلاش تلاعبنى حيقولك يا بنى المادة طازة والحال عاجبني


وده سبب أن الطلبة لا تستجيب لأى تهديد بتحقيقات أو غيره فى حالة ضبطه متلبسا بالغش.. لإنهم ببساطة شايفين ان ده حقهم من وجهة نظرهم ، وشايفين إن الطالب منهم اللى بيقع فى إيد المراقب هو من الأبطال الأبرار وده حتلاحظه فى كم العيون الساخطة على المراقب وهو ماسك الطالب اللى وقع أسيرا فى معركة الغش الحامية..

أما الوعيد الدينى برده مش بيؤثر فى الطلاب لان الالتزام الدينى غائب عن المجتمع ككل وشريحة كبيرة من الناس -مش بس الطلاب- مش بيصلوا ..يبقى ازاى حنتوقع ان الوعيد الدينى يجيب معاهم مفعول ..
أنا طبعا مش موافق على غش الطلبة لأن الغش بشكل عام حرااام .. وفى نفس الوقت مش موافق على كل الظروف المحيطة بهم .. صلحوا الظروف دي من تعليم وفساد أخلاق وأوضاع إجتماعية سيئة .. وهنا سوف تنتهى ظاهرة الغش بشكل عام مش بس الغش فى الامتحانات

ولا انتوا ايه رأيكم يا شباب؟؟؟؟

الرجوع الى أعلى الصفحة اذهب الى الأسفل
make a wish
|مشرف|
|مشرف|


عدد الرسائل : 4803
العمر : 30
الوظيفة :
تاريخ التسجيل : 02/05/2008

مُساهمةموضوع: رد: ...(ياترى مين اللى غلطان فى الحكاية دى؟؟)...   الجمعة 06 فبراير 2009, 4:47 pm

ههههههههههههه

فكرتني بواحده كانت معانا في الفصل ..وايام اعدادي برده سبحان الله

هو احنا كنا في مدرسه خاصه واسلاميه ..فمكنش فيه غش ولا تسيب من المدرسين خالص..

جينا في 3 اعدادي جابولنا مدرسين من مدرسه تانيه عشان يرقبوا علينا في امتحان الشهاده..

المدرسين كانوا عادي خالص ..تيجي تقولك عايز حاجه ..واقف معاك حاجه ..

طيب اسال اللي جمبك..لو مش عارف اللي وراك موجود..

لو مش عارف تعرف السؤال وتروح تبص في ورق اللجنه كلها وترجع تقولك الخلاصه..

انا كنت بقعد في اللجنه ..مضايقه شويه علي مستغربه شويتين ..بس مكنتش بقول حاجه.

المهم كانت فيه بنت معانا ..المفروض انها ملتزمه جدااا دينيا ومؤدبه اخر حاجه وشطوره خالص..

شافت الحكايه ديه وكنا في امتحان درسات ..قامت هبت في المراقبين اللي معانا

وايه المهزله ديه ..وده غش ..والغش حرام..وفين المدير..وهشتكيكوا..وخافوا ربنا

والحجات الحلوه ديه كلها..

تاني يوم ..اه والله تاني يوم..كان علينا امتحان جبر او هندسه مش فاكره ..هوه رياضيات

البنت ديه مكنتش عارفه حل سؤال ..قعدت تعيط ولمت المراقبين ومراقبين اللجان اللي جنبها

لحد مغششوشها وحلت السؤال وقعدت مستريحه..

الصراحه ..مش عايزه اقول شعوري من ناحيتها ايه من اللحظه ديه..

الخلاصه يعني ..الغش ده بيتبصلوا مرتين

مره لو انت اللي بتغش

ومره لو حد تاني هوه اللي بيغش

عملا بمقوله اللي ايده في الميه مش زي اللي ايده في النار..

انا مبقولش ان الغش مش حراااام..هو حراااااام طبعا ..بس فيه ناس يتبنج ضميرها عشان مصلحتها ..

................

بس هو انا مقتنعه بحاجه ..اللي بيغش في الصغيره ..بيغش في الكبيره..

................

بالنسبه للكليه والجامعات فاللي بيحصل فيها مهزله الصراحه

مش هتفرق كتير انت حالل ايه

اللي بيفرق مزاج الدكتور وهو بيعلم ..

وبعدين اذا كانت الناس بتنجح من غير متدخل الامتحان

هنيجي عاللي اللي تعب نفسه وراح الامتحان وغش بمجهوده

هيه خربانه علي بعضهاااااااا..

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: ...(ياترى مين اللى غلطان فى الحكاية دى؟؟)...   الجمعة 06 فبراير 2009, 11:53 pm

em19 em19 em19
الرجوع الى أعلى الصفحة اذهب الى الأسفل
Mirage
|مشرف|
|مشرف|
avatar

عدد الرسائل : 5939
العمر : 26
محل الاقامة : -
الوظيفة : -
تاريخ التسجيل : 30/09/2008

مُساهمةموضوع: رد: ...(ياترى مين اللى غلطان فى الحكاية دى؟؟)...   السبت 07 فبراير 2009, 3:06 am

تعالي نتفق أن الغش بشكل عام حراااااااام
و أن اللي مذاكر مش هيحتاج انه يغش

طبعا النفهوم ده اتغير عندي من اول ما دخلت الكلية
لأني انا ببقي مذاكر كويس .... بس مش عارف أحل
أو ببقي مذاكر المعلومة كويس .. و اجي في الامتحان مفتكرهاش

مش معقولة يعني أسيب السؤال عليه درجات كتيرة علشان مجرد أني مش فاكر ..
ببقي محتاج لو كلمة واحدة .... علشان أفتكر بقية الاجابة
و يجي مثلا سؤال صعب مش عارف أجيب فكرته
فبضطر أجيب فكرته من اللي عارفه

بس الغش مش مبدأ عندي مش بعتمد عليه
أنا أستخدمه لو في حال عايز كلمة واحد تفكرني بالاجابة
أو سؤال صعب مش عارف أجيب فكرته مع اني عامل اللي عليه
و مذاكر كويس

بس هو في ااول و الاّخر الغش حرااااااااااااام




_________________



No Sacrifice .. No Victory
الرجوع الى أعلى الصفحة اذهب الى الأسفل
...Stop Loss...
عضو مميز
عضو مميز
avatar

عدد الرسائل : 193
العمر : 27
الوظيفة : طالب
تاريخ التسجيل : 17/01/2009

مُساهمةموضوع: رد: ...(ياترى مين اللى غلطان فى الحكاية دى؟؟)...   السبت 07 فبراير 2009, 2:53 pm

Pure..WaNnA QuIt GaMe كتب:

بالنسبه للكليه والجامعات فاللي بيحصل فيها مهزله الصراحه

مش هتفرق كتير انت حالل ايه

اللي بيفرق مزاج الدكتور وهو بيعلم ..

وبعدين اذا كانت الناس بتنجح من غير متدخل الامتحان

هنيجي عاللي اللي تعب نفسه وراح الامتحان وغش بمجهوده

هيه خربانه علي بعضهاااااااا..


فعلا والله يا دكتورة معاكى حق
مزاج الدكتور مهم جدا جدا فى المسألة دى
ربنا يروق مزاجهم دايما
الرجوع الى أعلى الصفحة اذهب الى الأسفل
arab girl
عضو ذهبي
عضو ذهبي
avatar

عدد الرسائل : 980
العمر : 26
الوظيفة : طبيبة ان شاء الله
تاريخ التسجيل : 30/09/2008

مُساهمةموضوع: رد: ...(ياترى مين اللى غلطان فى الحكاية دى؟؟)...   السبت 07 فبراير 2009, 3:17 pm

اكيد الغش حرام انا عن نفسي مش تفرق معايا اغشش اللي يسألني عن حاجة ده لو كنت انا اصلا

عارفاها
و بصراحة في حياتي كلها غشيت 3 مرات و ال3 كانوا في الكلية مرة السنة اللي فاتت
مرتين السنة دي
و بصراحة من ساعتها و انا حاسة جدا بالذنب
مع اننا مظلومين السنة دي جامد ما عداش اسبوع علينا من غير امتحان او اتنين
و ساعات 3 امتحانات بقالنا شهرين بنمتحن و محدش من الدكاترة بيراعي مواعيد امتحانات غيره او الوقت اللي قبل امتحانه
ده غير انهم متهيألي و خاصة الاناتومي بينتقموا مننا ليه ماعرفش
الحل الوحيد فعلا ان الطلبة تبطل غش
هو انهم يصلحوا نظام التعليم
و نظام الجودة يتطبق في كل حاجة مش في الامتحانات بس
الرجوع الى أعلى الصفحة اذهب الى الأسفل
...Stop Loss...
عضو مميز
عضو مميز
avatar

عدد الرسائل : 193
العمر : 27
الوظيفة : طالب
تاريخ التسجيل : 17/01/2009

مُساهمةموضوع: رد: ...(ياترى مين اللى غلطان فى الحكاية دى؟؟)...   السبت 07 فبراير 2009, 4:15 pm

MiRaGe كتب:

بس الغش مش مبدأ عندي مش بعتمد عليه
أنا أستخدمه لو في حال عايز كلمة واحد تفكرني بالاجابة
أو سؤال صعب مش عارف أجيب فكرته مع اني عامل اللي عليه
و مذاكر كويس

بس هو في ااول و الاّخر الغش حرااااااااااااام




وجهة نظر بردو يا دكتور
ربنا معاك ومعانا ان شاء الله
الرجوع الى أعلى الصفحة اذهب الى الأسفل
...Stop Loss...
عضو مميز
عضو مميز
avatar

عدد الرسائل : 193
العمر : 27
الوظيفة : طالب
تاريخ التسجيل : 17/01/2009

مُساهمةموضوع: رد: ...(ياترى مين اللى غلطان فى الحكاية دى؟؟)...   السبت 07 فبراير 2009, 4:18 pm

arab girl..confused كتب:
ده غير انهم متهيألي و خاصة الاناتومي بينتقموا مننا ليه ماعرفش


هههههههههههههههه
معلش يا دكتورة
هو الأناتومى عموما عاوز مجهود
فكتر الامتحانات دى حاجة مش وحشة من وجهة نظرى
الرجوع الى أعلى الصفحة اذهب الى الأسفل
closed
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3894
العمر : 29
الوظيفة : بداية حياة
تاريخ التسجيل : 02/11/2008

مُساهمةموضوع: رد: ...(ياترى مين اللى غلطان فى الحكاية دى؟؟)...   السبت 07 فبراير 2009, 4:32 pm


الغش ده حاجه وحشه اوى
وللاسف هم بيعودوا الطلبه اللى فى الابتدائى من دلوقتى عليه
ده اختى كانت جايه زعلانه اوى مره من الامتحان (عشان اللجنه كانت شده ومش عرفوا يغشوا)
وبعد مايروحوا الاعدادى يقولولهم الغش حرام
المهم الحمد لله عمرى مافكرت اغش ابدا
وفى اوقات فى اولى ثانوى كنت بقول انى هغش لانى مش مذاكره كويس لكن بيحصل حاجه غريبه اوى
مش بعرف احل ولا بعرف اغش
لكن بعد كده خد عهد انى مش هغش حتى ولو لم اكن مذاكره
وفعلا والله ربنا بيوفق الواحد اوى لما بيعتمد عليه وكمان انى انوى انى ومش هغضبه
وحتى لو فى سؤال واقف ادامى مش بفكر اغش نهائى
الحمدلله
الرجوع الى أعلى الصفحة اذهب الى الأسفل
peace
عضو فضي
عضو فضي
avatar

عدد الرسائل : 577
العمر : 26
محل الاقامة : peaceful world
الوظيفة : charity
تاريخ التسجيل : 03/04/2008

مُساهمةموضوع: رد: ...(ياترى مين اللى غلطان فى الحكاية دى؟؟)...   السبت 07 فبراير 2009, 4:36 pm

Pure..WaNnA QuIt GaMe كتب:



هو احنا كنا في مدرسه خاصه واسلاميه ..فمكنش فيه غش ولا تسيب من المدرسين خالص..


em17
طيب مانا كنت في مدرسه خاصه واسلاميه وكانت الميس بتيجي تزعقلي والله علشان مش راضيه اغشش اللي قاعده تعيط ورايا وكانت بتقوللي دانتو اخوات يعني

الرجوع الى أعلى الصفحة اذهب الى الأسفل
...Stop Loss...
عضو مميز
عضو مميز
avatar

عدد الرسائل : 193
العمر : 27
الوظيفة : طالب
تاريخ التسجيل : 17/01/2009

مُساهمةموضوع: رد: ...(ياترى مين اللى غلطان فى الحكاية دى؟؟)...   الأحد 08 فبراير 2009, 7:56 pm

هنـــــــــد كتب:

الغش ده حاجه وحشه اوى
وللاسف هم بيعودوا الطلبه اللى فى الابتدائى من دلوقتى عليه
ده اختى كانت جايه زعلانه اوى مره من الامتحان (عشان اللجنه كانت شده ومش عرفوا يغشوا)
وبعد مايروحوا الاعدادى يقولولهم الغش حرام
المهم الحمد لله عمرى مافكرت اغش ابدا
وفى اوقات فى اولى ثانوى كنت بقول انى هغش لانى مش مذاكره كويس لكن بيحصل حاجه غريبه اوى
مش بعرف احل ولا بعرف اغش
لكن بعد كده خد عهد انى مش هغش حتى ولو لم اكن مذاكره
وفعلا والله ربنا بيوفق الواحد اوى لما بيعتمد عليه وكمان انى انوى انى ومش هغضبه
وحتى لو فى سؤال واقف ادامى مش بفكر اغش نهائى
الحمدلله


تمااااااااام يا دكتورة
فعلا اللى يعتمد ويتوكل على ربنا مش لازم يقلق من حاجة
الرجوع الى أعلى الصفحة اذهب الى الأسفل
make a wish
|مشرف|
|مشرف|


عدد الرسائل : 4803
العمر : 30
الوظيفة :
تاريخ التسجيل : 02/05/2008

مُساهمةموضوع: رد: ...(ياترى مين اللى غلطان فى الحكاية دى؟؟)...   الإثنين 09 فبراير 2009, 2:40 am

............... كتب:
Pure..WaNnA QuIt GaMe كتب:



هو احنا كنا في مدرسه خاصه واسلاميه ..فمكنش فيه غش ولا تسيب من المدرسين خالص..


em17
طيب مانا كنت في مدرسه خاصه واسلاميه وكانت الميس بتيجي تزعقلي والله علشان مش راضيه اغشش اللي قاعده تعيط ورايا وكانت بتقوللي دانتو اخوات يعني


هههههههههههههه

يبقي احتمال انا كنت فاهمه المدرسه غلط..
الرجوع الى أعلى الصفحة اذهب الى الأسفل
 
...(ياترى مين اللى غلطان فى الحكاية دى؟؟)...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: