البوابةالرئيسيةس .و .جبحـثالتسجيلدخول





شاطر | 
 

 متــ لفــ ش وتــ دور ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ضـــي
|مشرف|
|مشرف|


عدد الرسائل : 4078
العمر : 28
الوظيفة : خليها على الله
تاريخ التسجيل : 01/12/2006

مُساهمةموضوع: متــ لفــ ش وتــ دور ..   الأربعاء 04 فبراير 2009, 5:47 am

بسم الله الرحمن الرحيم

اقرب طريق بين نقطتين .. هيا ايه ..؟
طبعا الخط المستقيم ..

و الصراحه ... راحه ..

وامشي عدل يحتار عدوك فيك ..

و مش فاكره امثله شعبيه تانيه عشان اقولها ..

بس في سؤال يلح عليا ..
ليه الناس في تعاملها ..
بقت تعتمد على اللف والدوران ..arrow

والطرق الغير مباشره .. لتوضيح المعنى ..
واستخدام الايماءات والتلميحات .. كطريق لتوصيل الفكره ..

يعني الناس الطيبين .. بتوع زمان ..
اللي هما اللي في قلبهم على لسانهم ..
و اللي ميعرفوش يداروا حاجه عن اللي قدامهم ..
و اللي تلت اربع اللي يعرفوهم بيزعلوا منهم ..
عشان الطيابه اللي هما بيتعاملوا بيها ..
و اللي .. واللي ....
راحوا فين دول .. افهم بس ..؟

اللف و الدوران .. sword
" و محدش يسأل ايه العلاقه بين الاخ والكلام .. بس اهو بيلف هوا كمان ..Smile "

بقى اسلوب الانسان المعاصر ..
اي واحد لو عاوز يقولك كلمتين ..
" هما اتنين مفيش غيرهم .. تلاقيه بادئ بمقدمات ييجي 10000 كلمه .."
و الهدف .. اتنين .. لاغير .. !!
دا غير انه ممكن ميقولش هوا عاوز ايه في الاخر ..
ويعتمد على " ان اللبيب بالاشاره يفهم ..cut hair ..
الكلمه المستفزه .. اللي بتفكرني بروند الاي ان تي "


طب ليه ..؟؟
ايه اللي يخلي واحد .. ميقولش للي قدامه هوا عاوز ايه دوغررُي ..

و هل انت نفسك بتلجأ للف والدوران ؟؟
" محدش يقول لا .. لان كل الناس بتلف و تدور .. حتى انا Laughing .. في بعض الاحيان ..Rolling Eyes "

طب امته بتلجا .. للاسلوب دا ..؟؟

ايهما احسن في التعامل ..
الصراحه .. والوصول للهدف علطول ..
ولا المقدمات .. ؟
" لان كل منهم ليه مميزاته "

و لو انت حد بيكلمك بالاسلوب دا ..
و عاوز يقولك حاجه ..
وبيقولك افهم انت بالحساسه .. " زي ما بيقولوا .."
بتعرفه انك فهمت وبتتعامل ع الاساس دا ..
ولا تطنشوا ولا كانه قالك حاجه ..
وتستنى لما هوا يقولك بكل وضوح .. هوا عاوز ايه ؟


ايه وجهه النظر في الموضوع يعني ..؟
الرجوع الى أعلى الصفحة اذهب الى الأسفل
x-man necrosis
فرسان الميديكال
فرسان الميديكال


عدد الرسائل : 636
العمر : 28
الوظيفة : necrotic tisue
تاريخ التسجيل : 30/11/2006

مُساهمةموضوع: رد: متــ لفــ ش وتــ دور ..   الأربعاء 04 فبراير 2009, 1:20 pm

اللف والدوران سمه من سمات الشعب المصري
تقريباتلاقي اول فرعون اما كان بيستهبل علي فرعون تاني وعاوز يقلبه في تمثالين ولا حاجه

دي حاجه مترسخه في وجدان الشعب المصري الفهلوة
جزء من اللف والدوران والرغبه في الحصول علي الشيء من الشخص
بدون مقابل
ده في الفهلوة

اما موضوع ان الواحد بيعد
يلف ويدور ويدور ويلف

فمعرفش اظن لان الناس بتخاف علي مشاعر الناس اوي
ودي هجص طبعا
انا اعتقد هي رغبه في الحصول علس شيء من الشخص
بأقل خسائر

يعني من الاخر بينيمه ويحننه وياخد اللي هوة عاوزة

وفيه ناس تعشق هذا الاسلووب

تعرفهم من كلمه باااشا التي ينطقون بيها
ويتشدقون بيها
كل البشر عندهم باااشااااا

ويعد يرغي ويرغي ويرغي

وفي ناس بيبقي من منطلق حب الكلام وحب اثبات النفس

المهم

موضوع جميل ياباااشااا

ههههههههه
الرجوع الى أعلى الصفحة اذهب الى الأسفل
دكتور شاطر
|مشرف|
|مشرف|


عدد الرسائل : 6294
العمر : 28
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: متــ لفــ ش وتــ دور ..   الخميس 05 فبراير 2009, 1:29 am

ضي القمر كتب:

بسم الله الرحمن الرحيم

يعني الناس الطيبين .. بتوع زمان ..
اللي هما اللي في قلبهم على لسانهم ..
و اللي ميعرفوش يداروا حاجه عن اللي قدامهم ..
و اللي تلت اربع اللي يعرفوهم بيزعلوا منهم ..
عشان الطيابه اللي هما بيتعاملوا بيها ..
و اللي .. واللي ....


تقريبا حضرتك قولتى جزء من الاجابة هنا

فيه ناس فعلا بتلف وتدور....لأن طبعها كده ودى شخصياتها.....ودى حاجه مش كويسه....مادام الامر لا يحتاج الى هذا يبقى نتكلم مباشرة

لكن فيه ناس مش يتحب اللف والدوران......لكن لو اتكلمت بطريقة مباشرة ممكن تزعل اللى امامها....وممكن يعمل مشاكل كتير.......خصوصا اذا كان فيه اختلاف فى الرأى......ممكن لو اتكلمت مباشر....يكون الكلام عنيف شويه....وده بيحصل كتير........أصل عشان تتكلم مع واحد مباشر وتعرفه مثلا ان رأيه غلط.......ده ممكن فعلا يزعله منك........لكن الواحد بيحاول انه يوضح وجهة نظره بطريقه تانيه مش مباشره عشان يتجنب الحكايه دى

يعنى المطلوب......ان كل شىء له وقت لإستخدامه.....فيه وقت لازم تتكلم مباشر......وفيه وقت مش هتقدر تتكلم مباشر ولازم تلجأ للف والدوران((هو مش هيبقى بقى لف ودوران يعنى....هو بس تخفيف من حده الكلام...))

لكن فيه ناس بالفعل حياتها كلها لف ودوران.......هتدوخ بإذن الله لو مبطلتشى

سلام
الرجوع الى أعلى الصفحة اذهب الى الأسفل
http://www.islamweb.net
ضـــي
|مشرف|
|مشرف|


عدد الرسائل : 4078
العمر : 28
الوظيفة : خليها على الله
تاريخ التسجيل : 01/12/2006

مُساهمةموضوع: رد: متــ لفــ ش وتــ دور ..   الخميس 05 فبراير 2009, 5:56 am

اقتباس :
تعرفهم من كلمه باااشا التي ينطقون بيها
ويتشدقون بيها
كل البشر عندهم باااشااااا

Laughing Laughing

" انا اعرف ناس كتير هيضحكوا جدا جدا جدا ..
لما يقروا الكلمتين دول ..
زيي كدا بالظيط ..

منهم واحده صاحبتي .."

دي سياسه عليا ..
و دبلوماسيات ..
اللهم اجعل كلامنا خفيفه عليهم ..
___

اقتباس :
انا اعتقد هي رغبه في الحصول علس شيء من الشخص
بأقل خسائر

يعني من الاخر بينيمه ويحننه وياخد اللي هوة عاوزة


يا ساتر يا رب .. affraid
بس تصدق فعلا ..
كلامك صح .. في ناس كدا ..
وياخد اللي هوا عاوزه ..
و بعدها
.....


اقتباس :
المهم

موضوع جميل ياباااشااا

ههههههههه

حتى انت ..
طلعت بتتشدق بيها ..!!

مش عارفه اقول ايه بس .. Laughing
الرجوع الى أعلى الصفحة اذهب الى الأسفل
ضـــي
|مشرف|
|مشرف|


عدد الرسائل : 4078
العمر : 28
الوظيفة : خليها على الله
تاريخ التسجيل : 01/12/2006

مُساهمةموضوع: رد: متــ لفــ ش وتــ دور ..   الخميس 05 فبراير 2009, 6:00 am

اقتباس :
ان كل شىء له وقت لإستخدامه.....فيه وقت لازم تتكلم مباشر......وفيه وقت مش هتقدر تتكلم مباشر ولازم تلجأ للف والدوران((هو مش هيبقى بقى لف ودوران يعنى....هو بس تخفيف من حده الكلام...))


كلام حضرتك صح يا دكتور ..
في بعض الاوقات ..
انما مش دايما وفي حاجات .. تستاهل تتقال مباشر ..

لكن فيه ناس بالفعل حياتها كلها لف ودوران.......هتدوخ بإذن الله لو مبطلتشى
ربنا يسترها عليهم ..
bb



الرجوع الى أعلى الصفحة اذهب الى الأسفل
ضـــي
|مشرف|
|مشرف|


عدد الرسائل : 4078
العمر : 28
الوظيفة : خليها على الله
تاريخ التسجيل : 01/12/2006

مُساهمةموضوع: رد: متــ لفــ ش وتــ دور ..   الخميس 05 فبراير 2009, 6:13 am

اقتباس :
و اللي ميعرفوش يداروا حاجه عن اللي قدامهم ..
و اللي تلت اربع اللي يعرفوهم بيزعلوا منهم ..
عشان الطيابه اللي هما بيتعاملوا بيها ..
و اللي .. واللي ....


تقريبا حضرتك قولتى جزء من الاجابة هنا
بس بالنسبه للي يعرفوهم ..
بتبقى حاجه جميله جددا ..

و متهيئلي الاحسن انهم يخلوهم زي ماهما ..
حتى لو اللي حواليهم فهموهم غلط ..

بس ميبقوش فهلويه ..
لانهم حتى اما بييجوا يعملوا انهم فهلويه ..
مبيعرفوش يحبكوها كمان ..
و بتبان مفقوسه ..

بحس ان الفهلوي دا واحد مش ثابت ..
مينفعش تتكلم معاه ببراءه ونيه صافيه ..
زي ما بتكلم حد طيب مثلا ..
بتعديله نص الكلام اللي بيقوله ..

انما اللففنجي دا لازم تركز معاه في كل كلمه بيقولها ..
و كل فعل ..
لانه وارد جدا انه يكون قاصد يوصلك حاجه معينه ..
او يفهمك معنى معين ..
و يا سلام او انت مش مركز ..
او تعبان ودماغك مش فيك ..
بيبقى احسن عقاب بالنسبه ليه ..
Laughing
يقعد يهاتي ويلمح .
من هنا لسنتين جايين ..
و يشوف مين هيرد بقى ..
ههههههههه
" و الله انا بتخيل الموقف واضحك .."
بس بردو ..
ساعات .. بيبقى اسلوب لذيذ ..
ليه خاصيه غريبه كدا .. تخليك .. تلف حوالين نفسك ..انت كمان ..
زي ما يكون لغز .. او فزوره ..
وانتا قاعد تفك رموز شفره ..
" حاجه مستفزه اساسا Very Happy "

بس محدش قال ..
لو واحد بيعمل عليك الحبتين دول ..

هتوضح انك فاهم ..
ولا استهبال باستهبال بقى ..
و تقضوها استعباط انتوا الاتنين ..
...

و بردو محدش من الفهلويه ..
دخل يدافع عن الاسلوب دا ..
كل الاراء ضده الى الان ..؟؟
الرجوع الى أعلى الصفحة اذهب الى الأسفل
 
متــ لفــ ش وتــ دور ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: