البوابةالرئيسيةس .و .جبحـثالتسجيلدخول





شاطر | 
 

 ألوووووو.....ممكن أشترك فى المسابقة؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
...Stop Loss...
عضو مميز
عضو مميز
avatar

عدد الرسائل : 193
العمر : 27
الوظيفة : طالب
تاريخ التسجيل : 17/01/2009

مُساهمةموضوع: ألوووووو.....ممكن أشترك فى المسابقة؟؟؟   الجمعة 23 يناير 2009, 12:33 am






اهلا بيكم


النهاردة حصلت حاجه كوميدى خالص

واحدة زميلة لينا إشترت 2 كيلو برتقال أبو صرة علشان عندها شوية برد


ولما وصلت بيهم لباب العمارة إفتكرت إنها نسيت تشترى نص كيلو لبن علشان اخواتها الصغيرين وكان واقف أما باب العمارة على الرصيف التاني 3 أشخاص

الأول : كان وايقف بيسمع فى الام بى سري اغنية ريمكس


الثاني : كان واقف بيبيع بوسترات لكاظم الساهر


والثالث : كان بيشرب عصير قصب فى المحل اللى قدام العمارة


فسابت كيس البرتقال جنب باب العمارة ورجعت علشان تشترى اللبن


ولما إشترت اللبن ورجعت ملقتش كيس البرتقال




ولما سألت التلاته إذا كان حد فيهم شاف كيس البرتقال بتاعها قالوا ..


الأول: أوف ..بجد حاجه موش ممكن كيس برتقال ايه وبتاع ايه ..يعنى ينفع كده تخرجني من المود بتاع الاغنية ..بجد حاجه لا تطاق ..ال برتقال ال .


الثانى: هع هع.. برتقال ايه اللى انت جاى تقولى عليه وواجع دماغنا علشان شوية 2 كيلو برتقال أبو صرة .. لو لاقيته هات واحدة.. هع هع.


الثالث : لا انا مشفتش اى أكياس برتقال خالص انا واقف بشرب العصير حتى لسه مخلصتهوش .. تاخد شوية .




زميلتنا

معرفتش مين اللى سرق كيس البرتقال


بس أنا عرفت


لو انت كمان عرفت


اتصل على الرقم ده


زيرو اربع اصفار صفرين


وإبقى قابلنى لو كسبت حاجه ..





ايه رأيكم فى الاشتغالة دى؟؟؟؟
حلوة مش كده؟؟

طيب تيجوا نفكر شوية فى حكاية( اتصل الان) ويمكن تكسب موش عارف ايه والدقيقة بجنيه ونص من اى موبايل ورقصنى على واحدة ونص لو جنابك كسبت

وفى شكل جديد وإستيل حلو وإعلان لذيذ زى إعلانات المفتش ( كرومبو) اللى عملنا نموذج منها

طريقة جديدة ومبتكرة لتشطيب جيوب سعادتك من رصيدك ، يمكن فكرة الاتصال موش جديدة لكن فكرة الاعلان جديدة مما دفع كتير من السذج للإتصال ظنا منهم انهم عباقرة خلاص ووصلوا إلى الجاني وهو نفسه لا يدرى انه حياخد على- لامؤاخذه- قفاه .


وعلشان العملية تباه محبوكة يقولك مع بداية كل حلقة جديدة الفائز فى الحلقة اللى فاتت فلان الفلاني من المنطقة الفلانية... ولا انت عارف اصلا إذا كان الكلام ده حقيقى ولا لأ ..هو موش جايز ميكنش اصلا فيه حد بيفوز بحاجه وكله بس سحب من رصيد جنابك
طب على فرض وخليناهم ناس زى الفل نيتهم بيضاء زى فانلة الزمالك وفرضنا إن واحد فاز... طب الاختيار ده بيتم على أساس ايه أو زى العالم اللى بتطلع فى التليفزيون ما بيقولوا( أليات الاختيار) ..




يعنى هم مثلا يقعدوا اسبوع يلموا فى مكالمات وفى الاخر ياخدوا أى نمرة وخلاص بدون اى أليات للأختيار .. أيوه المفتش كرمبو لذيذ وبن حلال واعلان اشطه وانا بحبه ..لكن معنديش استعداد اخسر أى قرش فى عملية انها واثق 100% إنها فى الهوا شاشى


هى المشكلة اللعب على حته الاحتياج عند الناس الغلابة ، وعلشان كده تلاقى كتيره اوي برامج اتصل وإكسب زى برنامج من دول على إحدى القنوات نسبنا من العيال الخنافس اللى بتطلع فى البرنامج ده ونركز فى شوية البنات اللى فيه اللى عاملين فيها مذيعات وواقفين يترقصوا على الاغاني والطبلة ، وواحدة منهم بتطلع بلبس اقل حاجه تتقال عليه انه (فاضح ) وفكرة البرنامج يحطلك شوية حروف تختار منها إجابة السؤال اللى هما بيحطوه

طيب شوفوا السؤال الروعة ده.... ( حاجه فى أوضه النوم ؟؟)
والناس تتصل اللى يقول مخدة واللى يقول مرتبه واللى يقول دولاب وتقريبا ألوف المكالمات فصصت كل حته فى اوضة النوم ومسبتش اى حاجه وطبعا كلها إجابات غلط لتأتي الاجابة بعد ساعتين او اكتر من البرنامج وهى ( الرسيفر)
مع ان اساسا مفيش علاقة بين الرسيفر وأوضة النوم وموش شرط ونادرا ما بيتحط فيها ولا هو يعتبر قطعة من اوضة النوم لكن العملية كلها استغلال للمتفرج اللى طمع انه يكسب اوضة نوم لو جاوب صح ، والعيب موش فى القنوات دي ولا فى البرامج دي لكن العيب فى اللى بيمسك موبيله ويقول ( الووووووو ممكن اشترك معاكم) .


ومتنسوش تقولولى مين اللى اخد البرتقال .
الرجوع الى أعلى الصفحة اذهب الى الأسفل
*MishMisha*
عضو ذهبي
عضو ذهبي
avatar

عدد الرسائل : 784
العمر : 30
الوظيفة : إن شاء الله .................... WaitinG
تاريخ التسجيل : 31/01/2007

مُساهمةموضوع: رد: ألوووووو.....ممكن أشترك فى المسابقة؟؟؟   الجمعة 23 يناير 2009, 12:44 am

اخر حاجة شوفتها انهردة
دكتور نسا و كاتبين انه واخد زمالة و حاجات كده
بيقول اتصلوا بيا لو ليكوا أي استفسار No


اللي أخذ البرتقال التاني طبعا Smile
الرجوع الى أعلى الصفحة اذهب الى الأسفل
Blue D!@m0nd
عضو ماسي
عضو ماسي


عدد الرسائل : 1926
العمر : 26
محل الاقامة : رَبِّ ابْــنِ لِي عِــنــدَكَ بَــيْــتًــا فِي الْــجَـــنَّــــة
الوظيفة : اللهم لا تجعل الدنيا اكبر همنا
تاريخ التسجيل : 27/05/2008

مُساهمةموضوع: رد: ألوووووو.....ممكن أشترك فى المسابقة؟؟؟   الجمعة 23 يناير 2009, 12:44 am


فكرة الموضوع جميلة جدا
انا الحمد لله مش بؤمن بأن الجوايز دى حقيقية
مجرد بس انهم يخدعوا الناس
بس يكفينى انى اسمع الاعلانات دى واحلها وبس
مجرد تسلية وخلاص
وحل اللغز طبعا الرجل رقم 2
شكرا على الموضوع
راااااااااااااااااااااائع

الرجوع الى أعلى الصفحة اذهب الى الأسفل
Bentmogahed
عضو ذهبي
عضو ذهبي
avatar

عدد الرسائل : 1156
العمر : 27
محل الاقامة : الدار الأولى
الوظيفة : بحاول
تاريخ التسجيل : 03/12/2007

مُساهمةموضوع: رد: ألوووووو.....ممكن أشترك فى المسابقة؟؟؟   الجمعة 23 يناير 2009, 12:55 am

لالالالالالالالا



الحاجة دي ولا بتستهوني اصلا

ولا بصدقها

ثم اني اعرف ناس ليها قنوات مخصصة للمسابقات والكلام دة

وعرفت ان لو في جوايز فعلا من مالك القناة

فانها بتروح لاقاريبهم مش لحد تاني


يعني اشمعني دي يعني اللي هيبقى فيها نزاهة؟؟؟

ولا الناس دي بتترفع عن الكوسة اللي احنا غرقانين فيها


وسلااااااااام

صحيح حل اللغز رقم اتنين
الرجوع الى أعلى الصفحة اذهب الى الأسفل
masrawia
عضو ذهبي
عضو ذهبي
avatar

عدد الرسائل : 776
العمر : 26
محل الاقامة : مصر الجميله
الوظيفة : ...........
تاريخ التسجيل : 11/08/2008

مُساهمةموضوع: رد: ألوووووو.....ممكن أشترك فى المسابقة؟؟؟   الجمعة 23 يناير 2009, 1:03 am

الموضوع جميل

وطبعا المسابقات دى مجرد خدعه دا غير ان حتى لو واحد كسب بجد الفلوس دى بتبقى حرام واكتر حاجة بتغيظنى ان معظم اللى بيتصل مصريين
بس بصراحة انا بحب احلها لمجرد التسلية يعنى
واللى سرق البرتقال الراجل الثانى
الرجوع الى أعلى الصفحة اذهب الى الأسفل
...Stop Loss...
عضو مميز
عضو مميز
avatar

عدد الرسائل : 193
العمر : 27
الوظيفة : طالب
تاريخ التسجيل : 17/01/2009

مُساهمةموضوع: رد: ألوووووو.....ممكن أشترك فى المسابقة؟؟؟   الجمعة 23 يناير 2009, 3:16 pm


شكرا يا دكاترة على المرور والرد

كلكم صح طبعا...برافو عليكم

وأنا فعلا رأيى من رأيكم ... كل ده تفاهة وتضييع وقت
الرجوع الى أعلى الصفحة اذهب الى الأسفل
Mirage
|مشرف|
|مشرف|
avatar

عدد الرسائل : 5939
العمر : 26
محل الاقامة : -
الوظيفة : -
تاريخ التسجيل : 30/09/2008

مُساهمةموضوع: رد: ألوووووو.....ممكن أشترك فى المسابقة؟؟؟   الجمعة 23 يناير 2009, 3:22 pm

No_Fear كتب:

... كل ده تفاهة وتضييع وقت



اللي أخد البرتقاااااااااال الراجل التاني ...
و الله برامج المسابقات دي استخفاف بعقول الناس

_________________



No Sacrifice .. No Victory
الرجوع الى أعلى الصفحة اذهب الى الأسفل
...Stop Loss...
عضو مميز
عضو مميز
avatar

عدد الرسائل : 193
العمر : 27
الوظيفة : طالب
تاريخ التسجيل : 17/01/2009

مُساهمةموضوع: رد: ألوووووو.....ممكن أشترك فى المسابقة؟؟؟   الجمعة 23 يناير 2009, 11:02 pm


شكرا ليك يا باشا على مرورك ومشاركتك
الرجوع الى أعلى الصفحة اذهب الى الأسفل
Esso
فرسان الميديكال
فرسان الميديكال
avatar

عدد الرسائل : 361
العمر : 29
الوظيفة : مش عارفه
تاريخ التسجيل : 01/06/2008

مُساهمةموضوع: رد: ألوووووو.....ممكن أشترك فى المسابقة؟؟؟   السبت 24 يناير 2009, 12:01 am


أنا مؤمنه جدا إن كل ده نصب على الناس
بس بتفرج بس تسليه مش اكتر
جزاك الله خيرا على الموضوع

حل المسابقه الراجل التاني طبعا
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: ألوووووو.....ممكن أشترك فى المسابقة؟؟؟   السبت 24 يناير 2009, 2:13 am

حل المسابقة رقم 2
وانا حاليا مبتفرجش اساسا على الاعلانات دى ولا التليفزيون عموما لكن لو جت فى وسط الماتش ممكن اشوفها واحلها وخلاص
لكن بصراحة وانا صغير كنت بحب اتصل احل المسابقات الرياضية لكن اما كبرت لاقيتها كلها نصب وضحك عالدقون
خصوصا انهم بيحطوا اجابات تافهه فاكيد كل الناس هتتصل
علشان كده كنت ببقى عارف الاجابة دايما Very Happy

_________________
Image hosted by servimg.com
الرجوع الى أعلى الصفحة اذهب الى الأسفل
...Stop Loss...
عضو مميز
عضو مميز
avatar

عدد الرسائل : 193
العمر : 27
الوظيفة : طالب
تاريخ التسجيل : 17/01/2009

مُساهمةموضوع: رد: ألوووووو.....ممكن أشترك فى المسابقة؟؟؟   السبت 24 يناير 2009, 6:08 pm


أحسن حاجة والله يا باشا

التليفزيون فعلا بقى ممل

أنا عن نفسى بزهق من الفرجة عليه بسرعة

نورت يا دكتور
الرجوع الى أعلى الصفحة اذهب الى الأسفل
EnAs
فرسان الميديكال
فرسان الميديكال


عدد الرسائل : 4356
العمر : 26
محل الاقامة : Homy
الوظيفة : bt3lm
تاريخ التسجيل : 26/11/2007

مُساهمةموضوع: رد: ألوووووو.....ممكن أشترك فى المسابقة؟؟؟   السبت 24 يناير 2009, 6:26 pm


اكيد طبعا كله نصب في نصب
انا عمري ماصدقت الحاجات دي خالص
والمسابقة دي بقي
عندنا في البيت كلهم بيعرفوا يحلوها
وبيقولوا انها سهلة scratch
بس انا مش بعرف احلها
Crying or Very sad Crying or Very sad
وع فكرة..
انا اللي اكلت البرتقال


شكراااااااااا ع الموضوووووع
الرجوع الى أعلى الصفحة اذهب الى الأسفل
...Stop Loss...
عضو مميز
عضو مميز
avatar

عدد الرسائل : 193
العمر : 27
الوظيفة : طالب
تاريخ التسجيل : 17/01/2009

مُساهمةموضوع: رد: ألوووووو.....ممكن أشترك فى المسابقة؟؟؟   السبت 24 يناير 2009, 10:39 pm


ههههههههههههههههههه

بالهنا والشفا يا دكتورة

بس يارب يكون عجبك...ده مستورد...مش أى كلام يعنى

ههههههههههههههههه

نورتى التوبيك
الرجوع الى أعلى الصفحة اذهب الى الأسفل
 
ألوووووو.....ممكن أشترك فى المسابقة؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: