لو انتوا هتتناقشوا فيه من ناحية الدين.....بلاش بقى نتناقش

السلام عليكم ورحمة الله وبركاته

فى كثير من الموضوعات أثناء فترة تواجدى على المنتدى....أجد من يقول

(( لو انتوا هتتناقشوا فيه من ناحية الدين.......بلاش بقى نناقشه))

وهذه العباره تؤلمنى جدا جدا

بعضنا يظن أن هناك فرقا بين معاملاتنا فى الحياة وبين تطبيق الدين

أقول

إذا كنا سنفصل بين حياتنا والدين.......فما هو الاسلام فى حياتنا؟؟

هل الاسلام ان صلاة وصوم وزكاة وحج فقط

هل الاسلام عباره عن اركان اساسيه فقط

لما بعضنا يظن ان رأى الدين أخر شىء عند التفكير او مناقشه موضوع معين؟؟

ألا نعلم ان الاسلام تناول كل حياتنا من صغيرها الى كبيرها

فلما بعضنا عندما يجد فتوى او رأى دين فى موضوع يتم مناقشته يغضب ويقول

لو انتوا هتتناقشوا فيه من ناحية الدين.........بلاش بقى نتناقش

ولو كتبنا موضوع فى حاله حوار وبدأنا نقول فيه آراء دينيه....يقول البعض طب ما تنقلوه للمنتدى الاسلامى وخلاص

ألهذا الحد نفصل حياتنا عن الاسلام

الموضوع على المنتدى يمثل مشكله تقابلك وتقابلنى.....لذلك اذا كان تفكيرنا هو ان رأى الدين آخر رأى ...فكيف ستكون حياتنا؟؟

كيف؟؟

سلام

_________________

.
.

مستشفانا...إيد في إيد هنغيرها

لا حياء ف الدين..... ممكن تفسرلى الكلمه دى
علما بان الحياء من الدين !

هو للاسف الكلام فى الدين فى بعض الاحيان بيخوف
يعنى كل واحد بيخاف يقول معلومه غلط او كده يعنى
بس ده نتيجه لعدم الاهتمام بشئون الدين وعدم الوعى الدينى للاسف
وكمان الحل بسيط اوى للاسف
اقل حاجه ممكن نعملها اننا نحفظ القرآن بالتفسير
وكمان نقرأ سنه نبيينا وسيرته كمان
اظن ده اقل واجب نحو الدين اللى هنتسأل عليه امام الله

@هند@ كتب:: هو للاسف الكلام فى الدين فى بعض الاحيان بيخوف

انا مقصدشى اننا هنتناقش فى الدين

أقصد اننا مثلا بنبقى بنناقش موضوع عادى جدا.....كظاهرة معينه او حاجه حصلت

فأى عضو بيجيب مثلا فتوى او رأى دين فى الظاهرة دى نلاقى فيه ناس بتتضايق وتقول مش الموضوع ده للنقاش يبقى انتم جايبين رأى الدين ليه؟؟

أقصد ان فيه ناس كتير بتفرق ما بين الحياة العمليه والدين

فيه ناس بدل ما تروح تستشير شيخ فى حاجه .......تلاقيها رايحة لواحد كبير وخلاص

الهدف.....اننا ليه بنفصل الحياة العمليه عن الدين

وجزاكم الله خيرا على المرور

سلام

_________________

.
.

مستشفانا...إيد في إيد هنغيرها

cancelling my reply so nice to do,thnx

Nevermind

salam

_________________

.
.

مستشفانا...إيد في إيد هنغيرها

صح مفيش حاجه المفروض نفكر فيها من نفسنا .. لأن كله موجود
في ديننا وهو الاصلح لنا .. ومينفعش نعزل نفسنا عن ديننا ونتناقش بدونه

_________________

مـن يهـن يسهـل الهـوان عليـه ... ما لجـرح بميــت إيــلام

miss ur mess,srory

but dont try to sit beside me in forensic lec

cuz u woulld be so attacked

أرجو عدم التحدث خارج الموضوع

سلام

_________________

.
.

مستشفانا...إيد في إيد هنغيرها

إنها المشكلة المستحدثة .... الدخيلة

( العقل و النقل )

والحل بسيط

(( إن الأمانة نزلت في جَذر قلوب الرجال ..... ))

أكمل واعلم بنفسك

- كلمات مساعدة -

العلم الشرعي .. الدين المعاملة .. الردة .. الشرك الخفي

أولا ... الموضوع جميل جداااااااااا و يستحق النقاااااااااش
علشاااااااااااااان كلنا نستفيد

أنا رأيي في الموضوع ده
أن الدين لا يجب فصله عن امور الدنيا ..
لأن الدين جه بمنهج كااااامل في كافة شئوون الدنيا
من سياسة و اقتصاااااد ... و نظم جميع التعاملات الانسانية

و لكن يجب أن تستخرج هذا المنهج بما يناسب عصرك
بس أكيد في ثوااااابت .. مينفعش تتغير
يعني مثلااااا ..... اقامة حد السرقة اللي هو قطع اليد
ده مينفعش يتغير أو نستبدله بأحكااااام السنين اللي موجودة دلوقتي
لأن أنا في رأيي أن قطع اليد أشد ردعا من الأحكااااام اللي موجودة دلوقتي
اللي هي الحبس يعني

_________________

No Sacrifice .. No Victory

طبعا فصل الدين عن الدنيا ده هو النظام العلماني الفاشل ، وأحنا كمسلمين أبعد ما نكون عنه

والمفروض أن تعاملاتنا وتصرفاتنا كلها بنستمدها من القرآن والسنة وديننا صالح لكل مكان وزمان

ولم يترك الاسلام أمرا من الأمورإلا وناقشه ووضحه وبينه

لكن بالنسبه للفتاوي اللي انت بتتكلم عنها ياسرور ، كتير من الناس بيضايق من أسلوب سردها

جايز أو أسلوبها بيبقي صعب علي البعض أو لأنها كبيرة الناس بتكسل تقرأها

بيتهيأ لي لو أسلوب العرض بتاع الفتاوي إختلف هيبقي احسن ويكون لعلماء مختلفين

ليه منعملش موضوع مثبت مثلا علي المنتدي نسأل فيه علي الحاجات اللى احنا مش عارفنها

ويكون حد مسئول أنه يبعت الاستفسارات دي لبرنامج معين أو لجهة معينة زي الأزهر ( علي سبيل المثال فقط )

أو لشخصية كويسة زي الشيخ محمد حسان مثلا ، بيتهيأ لي ده أفضل من نقل الفتاوي كده

أسلوبها مبيبقاش attractive فالناس مبتهتمش عشان كده

والله تعالي أعلي وأعلم

النقطة اللي عاوز أتفق معاك فيها جدا وأأكد عليها

لا يجوز بأي حال من الأحوال فصل الدين عن الدنيا

_________________

بص ياسرور..

دلوقتى الناس بقو يسمعو اى حاجة فيها اية قرانية او حديث او الى غيره..
يروحو قايلين..(هيعملنا فيها شيخ بقى) وميتقبلوش الكلام

فانا بالنسبة ليا بحب اثبت للواحد الحاجة بالدليل العقلى والمنطقى قبل الدليل النقلى..

يعنى دلوقتى لو فتحت كتاب بيتكلم عن العقيدة مثلا هيقلك ان فى ادلة نقلية(اللى هى من القران والسنة) وادلة عقلية...اللى هى بنشوفها كلنا فى حياتنا...

فانا بقول للواحد ده الادلة العقلية لانه هيتقبلها...
لكن واحد تانى فاهم فى الدين وعلى درجة افضل فى الثقافة ..يبقى لما هتناقش معاه لازم اقله الادلة النقلية من القران والحديث...

فهمت قصدى؟؟

فاللى مش هيتقبل كلام الدين ..لازم اوصله كلام ربى من غير ما خليه يبعد..وده بيكون بادلة واقعية..

يعنى مثلا بدل ما هجيبله اية بتدل على توحيد الله...هثبتله بمثال من الطبيعة ان لكو ده لازم يكون ليه اله واحد فقط..وهقله(المركب اللى ليها ريسين تغرق)

لكن الشخص بقى اللى مبيتقبلش كلام الدين..يبقى الخلل منه مش منى..لكن انا الواجب اللى عليا انى اوصله الرسالة سواء بايات واحاديث او بادلة منطقية...

مش عارف انا حاسس انى اتكلمت كتير ..وموضحتش وجهة نظرى..
يارب تكون فهمت قصدى..

وشكرا على طرح الموضوع الواقعى جدا جدا جدا...
واللى بيمس جزء من عقيدتنا..
..

_________________

يــــــــــــــــــــــــــــــارب

تمام جدا كلامكم

وربنا يكرمكم على الاراء الرائعه اللى أكيد افادتنى

بس برده لو تلاحظوا ان مش كل الامور تقدر تحللها تحليل عقلى

يعنى فيه أمور......مادام....قال الله تعالى او قال الرسول........نقول سمعا وطاعه

وبعدين ندور على العقل

ده اللى أقصده((وعلى فكره مش بعض الامور.....كلها لازم يكون معاها كده))

ان منجعلشى العقل او التفكير سابق للأحكام الشرعية

يعنى لما حد يجيب فتوى من شيخ معروف نقول سمعنا وطاعه وبعدين ندور على الدليل العقلى

بعكس ناس......تقولك انا مش هبص للفتوى الا اذا فهمتها لى بالعقل.....ومش هاخد بها

أكيد ده غلط

لازم يكون عندنا الاول ......سمعا وطاعة .......وبعدين نستفسر

دى النقطة اللى عاوز اناقشها.............بصرف النظر عن طريقة الفتوى او من يقولها

انا قصدى على تفكيرنا احنا..........اننا بنحكم العقل قبل الدين........وده مش صح

ونتجيه لأننا بنحكم العقل الاول........فده بيجعلنا نفصل الدنيا عن الدين لأن اكيد اكيد فيه حاجات مش هنستوعبها بالعقل

الخلاصة عشان شكلكم توهتوا

اننا ننظر للدين ثم نحكم العقل

سلام

_________________

.
.

مستشفانا...إيد في إيد هنغيرها

اللهم اهدنى فإنى ضعيف كتب:: اننا ننظر للدين ثم نحكم العقل

أنت مش جيت الخلاصة ... ده أنت جيبت زتونة الموضوع

و شكرا علي الموضوع الرائع

_________________

No Sacrifice .. No Victory

زيتون أخضر ولا أسمر؟؟

يعنى انت رأيك كده برده.........الحمد لله

وربنا يكرمك على المرور

سلام

_________________

.
.

مستشفانا...إيد في إيد هنغيرها

موضوع رائع ومهم جدا
وانا اتفق مع كل ما قاله الدكتور سرور

واود فقط ايضاح بعض الامور
بالنسبة لموضوع الدين والعقل او المنطق
فانا ارى انه يجب البدء بالدين او بالادلة الشرعية اذا صح التعبير
اي القران والحديث
وهذا لا يعني ان المنطق لا يهم
بل هو ضروري بعدهم
وربما يكون المنطق هو الاساسي في بعض الامور
كالمسائل الروحانية او العاطفية
لكن في الافعال والعبادات الحركية
فنحتاج لتقديم امر واضح من الله كآية او حديث
ثم يتبع هذا حديث المنطق للترغيب والتحبيب

بس الصراحة الواحد بيحس ان في الزمن ده
ناس كتير مبقاش تفرق كتير معاهم
قال الله او قال الرسول
يعني ممكن تقول الاية او الحديث
وبعدين لازم تتكلم "انت" عشان يقتنعوا
اللهم اهدينا

بس فعلا حتة الخوف من الدين
وكلمة(هتعملنا فيها شيخ)
بقيت واقع مرير
لذا فانا ارى والله اعلم
ان الحديث مع الناس
بطريقتهم وتفكرهم
قد تكون اكثر فاعلية

وبالنسبة لفصل الدين عن حياتنا اليومية
فانا عايزة اسأل حاجة
مش احنا هنتحاسب على كل نفس
على كل ثانية
طيب لو كان الدين صلاة وصوم ووو......عبداتي بس
والوقت ده هو الي هاخد عليه حسنات
امال الساعات التانية ؟؟؟
وقت النوم ,الاكل,اللعب,المذاكرة,دخول الخلاء,القعدة قدام المنتدى,...............
ده كله مش معاصي
ولا هو عبادات
وده بيمثل اغلب يومي
مش ممكن يكون الاسلام-ديني- يمثل فقط 8/1 يومي
من الاخر الاسلام كل شئ في حياتنا
كل فسفوسة في حيات الرسول عرفناها ,كل افعاله وتصرفاته
والي يفرق انك تاخد حسنات على كل اعمالك الروتينية اليومية
هو "النية"
مش صعب ننوي قبل كل عمل ان العمل ده عشان الله
قبل لما نروح الكلية مثلا
نخرج بنية من سلك طريقا يلتمس فيه علما سهل الله له طريقا للجنة
بنية نفع وطني والمسلمين
بنية الارتقاء والنهضة
بنية التفكر في خلق الله للانسان وعظمة جسم الانسان
...........

وهكذا

وشكرا

الحمد لله.........الدكاتره اللى ردوا فى الموضوع كله متفقين معايه

ان الدين الاول ثم العقل..........وده فى كل أمور الدنيا

هل اللى مردوش معارضين ولا برده موافقين........ولا ايه بالضبط؟؟

لو كله موافق

يبقى الحمد الله........الهدف من الموضوع وصل......ان فى حياتنا يبقى الدين وبعدين نفكر

أى حاجه يبقى أساسنا فيها الدين ونبدأ نبنى عليها اى قرار ناخده

وليس

ناخد قرار ونوجه الدين على اساسه

سلاااااااااااااااااام

_________________

.
.

مستشفانا...إيد في إيد هنغيرها

عن أى " دين " تتحدثون ؟؟!!

_________________

يا مـُضَـيّعَ الأوقاتِ جهلا بحُرمتها .. أفِقْ و احذر بَواركْ

فـسوف تفارقُ اللذاتِ قـسْرا، ويُخلي الموتُ كرها منك داركْ

تدارك ما استطعتَ من الخطايا بـتوبة مُخـلِصٍ .. واجعل مداركْ

على طـلب السلامة من جحيمٍ ... فـ *.* خـَيْـرُ ذوي الجرائمِ مَنْ تداركْ *.*

***
**
*

دين الاسلام يا فارس

اقصد اننا نستند الى الاحكام الشرعيه اولا فى تعاملنا ثم تحكيم العقل

وصلت ولا لسه؟؟

سلام

_________________

.
.

مستشفانا...إيد في إيد هنغيرها

وماذا تعني تلك الكلمة

" إسلام " ؟؟؟

(( لو توصلتوا لمعناها

تبقى الحكاية كلها خلصت .... ))

_________________

يا مـُضَـيّعَ الأوقاتِ جهلا بحُرمتها .. أفِقْ و احذر بَواركْ

فـسوف تفارقُ اللذاتِ قـسْرا، ويُخلي الموتُ كرها منك داركْ

تدارك ما استطعتَ من الخطايا بـتوبة مُخـلِصٍ .. واجعل مداركْ

على طـلب السلامة من جحيمٍ ... فـ *.* خـَيْـرُ ذوي الجرائمِ مَنْ تداركْ *.*

***
**
*

طبعا

ماهو عشان كده الموضوع يا باشا

اننا نعرف يعنى ايه اسلام.........وبالتالى أمور حياتنا كلها هتتصلح

وهدفى من الموضوع ان ديننا الاسلام هو بناء الحياة كلها........وليس عقولنا

والاضافه القادمة لك اتكلم معلشى حوالى 6 كلمات هتعبك معايه.....مش عارف انت بتدفع فلوس على الكلام ده ولا ايه

سلام

_________________

.
.

مستشفانا...إيد في إيد هنغيرها

[size=24]
والله الموضوع مهم جدا..الحمد لله ان احنا كلنا مسلمين وديننا دين خير وتسامح
لما يبقى عندنا الشريعة واضحة ومانعملش بيها وما نستندش ليها فى كلامنا يبقى لمو اخذه كده العيب فينا وفى ايمانا اللى قل فى قلوبنا وانا ملاحظة جدا يا جماعة فى تناقض كبير جدا بين فطرتنا السليمة اللى ربنا خلقنا عليها ..ودى اقوالنا.. وبين الحياة اللى بتحاول تغيرنا..ودى افعالنا..يارب نرجع لدينا فى اقوالنا وافعالنا قبل ما يفوت الاوان.
[/size]

نحن للإسلام لا للأرض ننسب كتب:: اننا نعرف يعنى ايه اسلام ؟؟؟

سؤال كويس جداا

اتكتب عنه وفي محاولة إجابته مؤلفات كثيرة جداااا

إنما أنا هرخم عليك شوية

وهجيب لك المختصر المفيد وأقول :

الإسلام : هو الاستسلام والانقياد والخضوع بكل رضا لأمر الله ونهيه .

ودي بداخلها نعمة عظيمة جداااا

تخيل انت ماشي وعايش طوع لكلام ملك الملوك .. وجبار السماوات والأرض

وهو العليم الخبير الحكيم العزيز المهيمن ....

هتخاف من إيه ولا من مين ولا هتشيل هم إيه بقى ؟؟

همثلهالك بمثال صغير خااااااالص

وانت صغير بتبقى ماشي مع والدك اللى يعرف اكتر منك واكتر منك خبرة في الحياة

بتسمع كلامه من غير ما تفكر وبتثق فيه تماما

وطول ما انت معاه ... ما بتشيلش هم أى حاجة ...

نحن للإسلام لا للأرض ننسب كتب:

وهدفى من الموضوع ان ديننا الاسلام هو بناء الحياة كلها........وليس عقولنا

حلوة اللقطة دي

وبرضه ياما ناس اتكلمت فيها وعنها

إنما استكمالا لحتة الرخامة هجيب لك المفيد على طول

قال - جل وعلا -

(( قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ * لاَ شَرِيكَ لَهُ وَبِذَلِكَ أُمِرْتُ وَأَنَاْ أَوَّلُ الْمُسْلِمِينَ ))

صلاتي

نسكي

محياي

مماتي

( فاضل إيه تاني يخص الإنسان من حركات وسكنات ؟؟ )

لمين ؟؟

لله رب العالمين ..... لا شريك له

وبذلك أمرت ...

وأنا أول المسلمين

****************

*.* أحبك في الله *.*

أكتر من 6 كلمات بكتير أهه

Smile

_________________

يا مـُضَـيّعَ الأوقاتِ جهلا بحُرمتها .. أفِقْ و احذر بَواركْ

فـسوف تفارقُ اللذاتِ قـسْرا، ويُخلي الموتُ كرها منك داركْ

تدارك ما استطعتَ من الخطايا بـتوبة مُخـلِصٍ .. واجعل مداركْ

على طـلب السلامة من جحيمٍ ... فـ *.* خـَيْـرُ ذوي الجرائمِ مَنْ تداركْ *.*

***
**
*