البوابةالرئيسيةس .و .جبحـثالتسجيلدخول





شاطر | 
 

 هل ممكن تسامح؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Nadin Samy
عضو ذهبي
عضو ذهبي


عدد الرسائل : 1416
العمر : 26
محل الاقامة : تائهه بين الدروب
الوظيفة : just wishes
تاريخ التسجيل : 06/05/2008

مُساهمةموضوع: هل ممكن تسامح؟   الأربعاء 24 ديسمبر 2008, 12:30 am

السلام عليكم و رحمة الله و بركاته

أنا حبيت اتناقش معاكوا في سؤال بجد محيرني أوي و لحد دلوقتي مش لاقيه اجابه فلو حد عرف ياريت يجاوبني

طبعا في مواقف كتير بتحصل قدامنا سواء من ناس نعرفها أو منعرفهاش

المواقف دي في ناس بترجمها علي مزاجها و حتي لو غلط مبتحاولش تسأل أو تعرف ايه الصح و يمكن كمان متحسش بالذنب لما تكتشف انها ظلمت اللي قدامها

إحنا ممكن نكون مبنهتمش بالناس دي أوي لإنهم ولا يعرفونا ولا نعرفهم

بس السؤال الأهم هل لو اللي فهمك غلط ده أقرب الناس ليك

و خد منك موقف و بعد عنك و محاولش حتي يسألك عن أي حاجه

و ظلمك و جرحك

إيه هيكون رد فعلك إنت لما تحس انه اتغير كده؟

هل ممكن تروح تسأله هو متغير ليه؟

و هل لو عرفت انه ظالمك هتقدر ساعتها تشرحله الموقف صح؟

ولا هتاخد منه موقف عشان شك فيك؟

وهل لو هو عرف انه ظالمك و طلب منك انك تسامحه هل هتقدر؟

طب لو كدبك و فضل مصر علي موقفه هيكون رد فعلك انت ايه؟

متهيألي السؤال صعب أوي و الإجابه أصعب

بس أنا بجد نفسي أعرفها..............
الرجوع الى أعلى الصفحة اذهب الى الأسفل
closed
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3894
العمر : 29
الوظيفة : بداية حياة
تاريخ التسجيل : 02/11/2008

مُساهمةموضوع: رد: هل ممكن تسامح؟   الأربعاء 24 ديسمبر 2008, 12:41 am

Is it over? كتب:

إيه هيكون رد فعلك إنت لما تحس انه اتغير كده؟
اكيد هتضايق

هل ممكن تروح تسأله هو متغير ليه؟
لو بحبه اوى اكيدهسأله

و هل لو عرفت انه ظالمك هتقدر ساعتها تشرحله الموقف صح؟
هشرحه واكون خلصت زمتى قدام ربنا

ولا هتاخد منه موقف عشان شك فيك؟
لازم يفهم الحقيقه الاول

وهل لو هو عرف انه ظالمك و طلب منك انك تسامحه هل هتقدر؟
هحاول على قد ماقدر بس المهم انه يستاهل
وادعى ربنا انه يقدرنى

طب لو كدبك و فضل مصر علي موقفه هيكون رد فعلك انت ايه؟
يبقى حاجه من الاتنين
لو هو قريب اوى ومهم بالنسبه ليكى يبقى لازم تدعى ربنا جامد
وتحاولى معاها بعد فتره على ما النفوس تهدى
لكن لو مش تستاهل
برده حاولى معاها مره تانيه لمجرد انها تكون واحده عاديه يعنى عشان مش تكونى زعلانه من حد والعكس
وادعى انك تنسى

متهيألي السؤال صعب أوي و الإجابه أصعب

بس أنا بجد نفسي أعرفها..............

صدقينى انا جربت بس
وبجد ربنا معاكى
الرجوع الى أعلى الصفحة اذهب الى الأسفل
Mahmoud Ramzy
عضو فضي
عضو فضي
avatar

عدد الرسائل : 617
العمر : 29
محل الاقامة : الباجور,منوفية,جمهورية مصر العربية
الوظيفة : Head of O2 Medicine ,O2 Press Center&O2 Edu center team
تاريخ التسجيل : 04/09/2008

مُساهمةموضوع: رد: هل ممكن تسامح؟   الأربعاء 24 ديسمبر 2008, 12:43 am

طبعا
لابد وان يكون هذا السلوك المتداول المصدق عليه من الجميع
***حيث انه من المفروض بمجرد احساس اي شخص بحدوث تغيير من طرف شخص اخر تجاهه وان يبادر ويسأله عن السبب
-هل هذا الاحساس بالتغيير صحيح ام انه من وحي الخيال؟
وان صح ندرس دوافع هذا التغيير
وفي حالة وجود خطأ فعلا نبادر بالاعتذار وان لا :
نتقبل الامور و نسامح لان هذا التغيير في السلوك تجاهك هو نتيجة اهتمام هذا الشخص بك وحرصه على صحة المواقف بينكم و من ثم فدورك هو الحفاظ على هذه المشاعر و رأب الصدع سريعا ببساطة و دون حرج او تكبر استنادا الى (كما يفعل البعض)
قول :انا مش غلطان في حد ومش ذنبي ان حد يزعل مني من غير سبب
وهذا طبعا مرفوض جملة و تفصيلا

الرجوع الى أعلى الصفحة اذهب الى الأسفل
أيام للتاريخ
|مشرف|
|مشرف|


عدد الرسائل : 6935
العمر : 26
محل الاقامة : .
الوظيفة : .
تاريخ التسجيل : 25/01/2008

مُساهمةموضوع: رد: هل ممكن تسامح؟   الأربعاء 24 ديسمبر 2008, 1:02 am

Is it over كتب:
السلام عليكم و رحمة الله و بركاته

أنا حبيت اتناقش معاكوا في سؤال بجد محيرني أوي و لحد دلوقتي مش لاقيه اجابه فلو حد عرف ياريت يجاوبني

طبعا في مواقف كتير بتحصل قدامنا سواء من ناس نعرفها أو منعرفهاش

المواقف دي في ناس بترجمها علي مزاجها و حتي لو غلط مبتحاولش تسأل أو تعرف ايه الصح و يمكن كمان متحسش بالذنب لما تكتشف انها ظلمت اللي قدامها

هى دى المشكلة...الكلام الكتير الكل بيتكلم كتير...والكل بييجى على دماغه فى الاخر ..(كما تدين تدان) بس محدش بيفكر فى الموضوع ده ابدا... ابد...


إحنا ممكن نكون مبنهتمش بالناس دي أوي لإنهم ولا يعرفونا ولا نعرفهم

الناس اللى ولا يعرفونا ولا نعرفهم دول...بنظلمهم ليه؟؟؟ ....ياريت بقى حد يجاوبلى على السوال ده..لانى بقيت اشوف ناس مهتمة بحاجة اسمها مظاهر..وعمرى مشفت حد بيشوف ايه اللى ورا المظاهر دى...!!!!!للاسف...


بس السؤال الأهم هل لو اللي فهمك غلط ده أقرب الناس ليك

و خد منك موقف و بعد عنك و محاولش حتي يسألك عن أي حاجه

و ظلمك و جرحك

إيه هيكون رد فعلك إنت لما تحس انه اتغير كده؟

طبعا حاجة تزعل جدا ان يكون اقرب انسان ليا هوه اللى يفهمنى غلط...بس هى الدنيا كده لازم يكون فيها فرحة وحزن ..لازم يكون فيها مشاكل مينفعش اخد كل حاجة على انها نهاية الدنيا...شئ طبيعى ان حد يفهمنى غلط فى يوم من الايام...وممكن باعتباره قريب منى يكون ده السبب اللى خلاه ميكلمنيش فى الموضوع ....لكن المشكلة بقى اانه يبعد عنى..ده بقى الغلطة اللى مينفعش تتغفرله ..ابدا...


هل ممكن تروح تسأله هو متغير ليه؟

حسب نوع اللى بينا...ساعات بيبقى فى ناس بنبقى اقربلهم من اننا نخبى عليه كلة فى حياتا وناس تانيين بنحبهم جدا بس مش موثرين اوى عندنا...فده حسب قرب الشخص..


و هل لو عرفت انه ظالمك هتقدر ساعتها تشرحله الموقف صح؟
طبعا لازم اشرحله الموقف صح..واهم حاجة اقله ..(ده موقفى وانا سبتلك موقفك..)فبكده يبقى انا عملت معاه اللى عليا وخلتنى محافظ على اللى بنا لحد اخر ثانية..

ولا هتاخد منه موقف عشان شك فيك؟
برده حسب قربه منى...يعنى فى ناس من كتر قربنا ليهم عمرنا منزعل منهم مهما عملو حتى لو شكو فينا..وفى ناس من كتر حبنا فيهم يخلينا عمرنا منتخيل انهم يغلطو فينا او يشكو فينا فبنزعل منهم اكتر من كل الناس..(يعنى من الاخر حسب تصنيف علاقتى بالشخص ده)

وهل لو هو عرف انه ظالمك و طلب منك انك تسامحه هل هتقدر؟

هقدرررررررررر طبعا ان شاء الله...(مع اعتبار قربه ليا برده...!!)


طب لو كدبك و فضل مصر علي موقفه هيكون رد فعلك انت ايه؟

لا يبقى كده حاجة تانية..كده يبقى الموضوع كبر عن انه فقد الثقة فيا وده مينفعش خااااااااالص ..وكل اللى هعمله انى هجيب كل الاثباتات والناس اللى يقدرو يثبتو كلامى ولما يتاكد انى كلامى صح ..هسيبه بقى وهبعد عنه..ولو هوه طنشنى يبقى خلاص كده احسن ..ولو مطنشنيش يبقى هرجعله تانى والايام هتشيل اى حاجة ان شا ء الله ..

متهيألي السؤال صعب أوي و الإجابه أصعب

هوه مش صعب اوى ...بساجابته صعبة..لانه بتختلف من شخص لشخص ومن حياة لحياة ومن تفكير لتفكير....وكمان الموضوع عايز تفكير كبير من صاحب الموضوع لان لو كل حاجة خدناها على انها مواقف وهتعدى يبقى عمرنا ما هنعمل اللى احنا عايزينه ..لازم حضرتك تشوفى عايزة تعملى ايه وتحاولى تعمليه وتشوفى الطريقة الاصلح ليه..

وربنا يدى الجميع للى فيه الخير ان شاء الله


بس أنا بجد نفسي أعرفها..............

_________________



يــــــــــــــــــــــــــــــارب




الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: هل ممكن تسامح؟   الأربعاء 24 ديسمبر 2008, 4:35 am

Is it over كتب:
السلام عليكم و رحمة الله و بركاته
وعليكم السلام ورحمه الله وبركاته
أنا حبيت اتناقش معاكوا في سؤال بجد محيرني أوي و لحد دلوقتي مش لاقيه اجابه فلو حد عرف ياريت يجاوبني

طبعا في مواقف كتير بتحصل قدامنا سواء من ناس نعرفها أو منعرفهاش

المواقف دي في ناس بترجمها علي مزاجها و حتي لو غلط مبتحاولش تسأل أو تعرف ايه الصح و يمكن كمان متحسش بالذنب لما تكتشف انها ظلمت اللي قدامها

إحنا ممكن نكون مبنهتمش بالناس دي أوي لإنهم ولا يعرفونا ولا نعرفهم
على فكرة بقى الواحد صحيح مبيهتمش بالناس اللى ميعرفهمش بس بيتضايق جدا (ودى اكتر حاجة بتعصبنى) انك تلاقى واحد ولا ليه اى علاقه بيك ولا عمره اتعامل معاك وواخد عنك انطباع او فكره راسخة فى ذهنه انك شخص (حلو او وحش) العملية مش بالشكل
الواد ده شكله نضيف يبقى ابن ناس ومحترم وده شكله .....يبقى واحد من الشارع
المفروض ان الواحد ميحكمش على حد غير لما يتعامل معاه بنفسه وبأكد على نفسه يعنى مش واحد صاحبى اتعامل مع ده وقال عليه وحش يبقى وحش
لازم انا اللى اتعامل معاه واحكم عليه

بس السؤال الأهم هل لو اللي فهمك غلط ده أقرب الناس ليك
دى مصيبة
و خد منك موقف و بعد عنك و محاولش حتي يسألك عن أي حاجه

و ظلمك و جرحك

إيه هيكون رد فعلك إنت لما تحس انه اتغير كده؟
والله على حسب
يعنى فى حاجات لازم تتقال وحاجات متتقالش
بمعنى انى اعرف واحد كويس وفهمته غلط فى نقطة معينه
لو النقطه دى انا عارف انى لو كلمته فيها هيتغير يبقى ده واجب عليا انى افتح معاه الموضوع ده
لكن لو اللى قدامى ده انا فاهمه غلط فى حاجة عملها قبل كده وحاولت اغيرها فيه ومقدرتش
يبقى مالهاش لازمة انك تقول (معاتبة الندل اجتنابه ) مش اجتناب شخصيته لأ لانه فى الاول وفى الاخر قريب منى (صاحبى او قريبى ) لكن اقصد اجتناب الصفة او العاده اللى فيه اللى بتضايقك
يعنى واحد بيحب يتكلم كتير ومفيش عنده تحكم فى لسانه
يبقى مااقولوش على حاجة مهمة او حساسة لانه اكيد مش هيعرف يكتمها
او لو واحد عنده مشكلة انه مبيعرفش يعتمد على نفسه يبقى ما احطوش فى موقف وازنقه فيه (عامل كل واحد بصفاته هو )

هل ممكن تروح تسأله هو متغير ليه؟
لو انا بقى اللى فى الوضع ده وشايف انى معملتش حاجة تزعل اللى قدامى اكيد هروح واسأله طالما يهمنى امره
لكن لو انا غلطان اكيد لما اقلبها فى دماغى هعرف انا غلط فى ايه وهروح اعتذرله
اسوأ حاجة بقى ان واحد يبقى غلطان وعارف هو غلط فى ايه ويروح يسأل بكل رخامه ...هو فى ايه !!!!!!!

و هل لو عرفت انه ظالمك هتقدر ساعتها تشرحله الموقف صح؟
لو هو ظالمنى هقول ما يبرأ ذمتى
واوضح اللى حصل
وهو حر بعدها بقى يقتنع ولا لأ دى حاجة ترجعله

ولا هتاخد منه موقف عشان شك فيك؟
مش هاخد منه موقف غير بعد ما نتصالح ويفهم كل حاجة
لكن علشان اخد موقف من غير توضيح اللى حصل يبقى انا بهرب من المواجهه وده يضعف موقفى قدامه

وهل لو هو عرف انه ظالمك و طلب منك انك تسامحه هل هتقدر؟
للاسف اه
الا فى بعض الحاجات كده بتبقى عندى خط احمر لو كان عداها مش هقدر اسامحه نهائيا قبل فترة واكيد برده مش هرجع معاه زى الاول

طب لو كدبك و فضل مصر علي موقفه هيكون رد فعلك انت ايه؟
ههههههههههههههههههههههههههههههههههههههههههههههههههههههههههههه
هو حر بقى انا عملت اللى عليا
كده ده واحد مش باقى عليا
لان المفروض لو واحد باقى عليا و انا حتى كلامى مش مقنع يحاول يقنع نفسه بيه علشان نفضل اصحاب
لكن لما يبقى الحق معايا وهو ميقتنعش
ده حله الوحيد الضحك
وقله فى وشه كده
جزاكم الله خيرا

متهيألي السؤال صعب أوي و الإجابه أصعب

بس أنا بجد نفسي أعرفها..............الموضوع ده حلو اوى على فكرة

_________________
Image hosted by servimg.com
الرجوع الى أعلى الصفحة اذهب الى الأسفل
YouS
|مشرف|
|مشرف|
avatar

عدد الرسائل : 3273
العمر : 28
محل الاقامة : white kingdom
الوظيفة : Ya 3m Fokek MeNe
تاريخ التسجيل : 30/11/2006

مُساهمةموضوع: رد: هل ممكن تسامح؟   الأربعاء 24 ديسمبر 2008, 4:46 am

بوصى يادكتورة

انا هجاوبك على سؤالك المحدد دا

لو الشخص دا فعلا يهمك اوى وليه معزه وتقدير فى قلبك

مفيش ادنى او اقل شك انك تروحى تسأليه هو اتغير ليه

حتى لو اتغير مره واتنين وتلاته

لازم تروحى تسأليه

وخاصة وحضرتك بتقولى انه اقرب حد ليكي

وحطى نفسك مكانه كدا

وانتى مروحتيش سألتى هو اتغير ليه من ناحيتك

اكيد اكيد اكيد

هتقولى ان انا انسان مفرقش معاه فى اى حاجه

(( دا الكلام اللى هيقوله لو انتى مسألتيش عنه ))

طب هيقوله ليه .؟؟

لان حضرتك مسألتيش هو اتغير ليه ..هو جراله ايه ..هو بأه كدا ليه

وعدم السؤال اكيد هيدل على عدم اهتمام او اهمال

وهى هتكبر فى دماغه اكتر وهيزيد فى التغيير بتاعه

وساعات الواحد بيبعد او يتغير عشان يختبر معزته عند الانسان دا ويشوف هو مقدار حبه ليك قد ايه يعنى

يعنى من الاخر

لازم تسألى هو ليه بأه كدا ....!!! وتشوفى وجهة نظره ..يمكن يكون هو صح

يمكن فاهم غلط ...يمكن يمكن يمكن...!!!

عشان نقطع الحيره والشك ...الحل بسيط اوى..اسأل هو فى ايه واعرف

وبعد ما اسأل واعرف..ساعتها بأه

انا كدا ممكن اخد قرارى وانا مستريح واخر فل وتمام

ابعد عنه او مبعدش

بس يبأه انا عرفت السبب ...ولو كان فى فهم غلط او حاجه اكون وضحتها

ودا لو كان حضرتك فعلا باقيه على الشخص دا ويهمك رأيه وهو نفسه يهمك

بعد ماتسأليه ..ليكي حق اختيار بأه الخطوة اللى بعد كدا

ويارب مكون طولت

سلام

_________________




اذا استطعت تكوين الحلم فى ذهنك وزرعه فى قلبك
ولم تدع فرصة لشكوكك لكى تخمده..فمن الممكن ان يصبح حلمك حقيقة تغير حياتك


واهتم بان تحصل على ماتحبه والا ستكون مجبرا على ان تقبل ماتحصل عليه


الرجوع الى أعلى الصفحة اذهب الى الأسفل
Nadin Samy
عضو ذهبي
عضو ذهبي


عدد الرسائل : 1416
العمر : 26
محل الاقامة : تائهه بين الدروب
الوظيفة : just wishes
تاريخ التسجيل : 06/05/2008

مُساهمةموضوع: رد: هل ممكن تسامح؟   الجمعة 26 ديسمبر 2008, 5:38 pm

@هند@ كتب:
Is it over? كتب:

إيه هيكون رد فعلك إنت لما تحس انه اتغير كده؟
اكيد هتضايق

هل ممكن تروح تسأله هو متغير ليه؟
لو بحبه اوى اكيدهسأله

و هل لو عرفت انه ظالمك هتقدر ساعتها تشرحله الموقف صح؟
هشرحه واكون خلصت زمتى قدام ربنا

ولا هتاخد منه موقف عشان شك فيك؟
لازم يفهم الحقيقه الاول

وهل لو هو عرف انه ظالمك و طلب منك انك تسامحه هل هتقدر؟
هحاول على قد ماقدر بس المهم انه يستاهل
وادعى ربنا انه يقدرنى

طب لو كدبك و فضل مصر علي موقفه هيكون رد فعلك انت ايه؟
يبقى حاجه من الاتنين
لو هو قريب اوى ومهم بالنسبه ليكى يبقى لازم تدعى ربنا جامد
وتحاولى معاها بعد فتره على ما النفوس تهدى
لكن لو مش تستاهل
برده حاولى معاها مره تانيه لمجرد انها تكون واحده عاديه يعنى عشان مش تكونى زعلانه من حد والعكس
وادعى انك تنسى

متهيألي السؤال صعب أوي و الإجابه أصعب

بس أنا بجد نفسي أعرفها..............


صدقينى انا جربت بس

وبجد ربنا معاكى


المشكله إن ممكن يكون الشخص ده بالنسبالك يستاهل بس انتي تحسي بعد اللي عمله انه ميستاهلش و دي أصعب حاجه بجد

ميرسي علي رأيك
الرجوع الى أعلى الصفحة اذهب الى الأسفل
Nadin Samy
عضو ذهبي
عضو ذهبي


عدد الرسائل : 1416
العمر : 26
محل الاقامة : تائهه بين الدروب
الوظيفة : just wishes
تاريخ التسجيل : 06/05/2008

مُساهمةموضوع: رد: هل ممكن تسامح؟   الجمعة 26 ديسمبر 2008, 5:45 pm

Mahmoud Ramzy كتب:
طبعا

لابد وان يكون هذا السلوك المتداول المصدق عليه من الجميع

***حيث انه من المفروض بمجرد احساس اي شخص بحدوث تغيير من طرف شخص اخر تجاهه وان يبادر ويسأله عن السبب

-هل هذا الاحساس بالتغيير صحيح ام انه من وحي الخيال؟


أكيد لازم يسأل بس الصعب انه يكون بيسأل حد هو كان متأكد انه الوحيد اللي هيكون عارف الإجابه

وان صح ندرس دوافع هذا التغيير

وفي حالة وجود خطأ فعلا نبادر بالاعتذار وان لا :

نتقبل الامور و نسامح لان هذا التغيير في السلوك تجاهك هو نتيجة اهتمام هذا الشخص بك وحرصه على صحة المواقف بينكم و من ثم فدورك هو الحفاظ على هذه المشاعر و رأب الصدع سريعا ببساطة و دون حرج او تكبر استنادا الى (كما يفعل البعض)

هي مش حكاية تكبر بس في حالة انك تكون فاكر ان الوحيد اللي هيفهمك صح فهمك غلط ده بيخليك تحس انك لو روحت كلمته يبقي بتيجي علي كرامتك و دي أكيد حاجه مرفوضه
قول :انا مش غلطان في حد ومش ذنبي ان حد يزعل مني من غير سبب

وهذا طبعا مرفوض جملة و تفصيلا



شكرا لرأيك و مرورك
الرجوع الى أعلى الصفحة اذهب الى الأسفل
Nadin Samy
عضو ذهبي
عضو ذهبي


عدد الرسائل : 1416
العمر : 26
محل الاقامة : تائهه بين الدروب
الوظيفة : just wishes
تاريخ التسجيل : 06/05/2008

مُساهمةموضوع: رد: هل ممكن تسامح؟   الجمعة 26 ديسمبر 2008, 5:59 pm

الوداع كتب:
Is it over كتب:
السلام عليكم و رحمة الله و بركاته

أنا حبيت اتناقش معاكوا في سؤال بجد محيرني أوي و لحد دلوقتي مش لاقيه اجابه فلو حد عرف ياريت يجاوبني

طبعا في مواقف كتير بتحصل قدامنا سواء من ناس نعرفها أو منعرفهاش

المواقف دي في ناس بترجمها علي مزاجها و حتي لو غلط مبتحاولش تسأل أو تعرف ايه الصح و يمكن كمان متحسش بالذنب لما تكتشف انها ظلمت اللي قدامها

هى دى المشكلة...الكلام الكتير الكل بيتكلم كتير...والكل بييجى على دماغه فى الاخر ..(كما تدين تدان) بس محدش بيفكر فى الموضوع ده ابدا... ابد...


فعلا حضرتك عندك حق الكلام بجد دلوقتي بقي اسهل حاجه ‏

إحنا ممكن نكون مبنهتمش بالناس دي أوي لإنهم ولا يعرفونا ولا نعرفهم

الناس اللى ولا يعرفونا ولا نعرفهم دول...بنظلمهم ليه؟؟؟ ....ياريت بقى حد يجاوبلى على السوال ده..لانى بقيت اشوف ناس مهتمة بحاجة اسمها مظاهر..وعمرى مشفت حد بيشوف ايه اللى ورا المظاهر دى...!!!!!للاسف...


أنا فعلا بقيت كل لما اقف مع حد اسمع بجد كلام لا يطاق و المشكله انهم بيتكلموا علي ناس عمرهم ما اتعاملوا معاهم يعني مثلا أقولهم انتوا تعرفوا الشخصيه دي يقولولي لا طبعا ماهو باين قدامنا و المشكله ان في ناس بيبقوا راسمين دور الإحترام أوي و هما في الأصل ولا حاجه
بس السؤال الأهم هل لو اللي فهمك غلط ده أقرب الناس ليك

و خد منك موقف و بعد عنك و محاولش حتي يسألك عن أي حاجه

و ظلمك و جرحك

إيه هيكون رد فعلك إنت لما تحس انه اتغير كده؟

طبعا حاجة تزعل جدا ان يكون اقرب انسان ليا هوه اللى يفهمنى غلط...بس هى الدنيا كده لازم يكون فيها فرحة وحزن ..لازم يكون فيها مشاكل مينفعش اخد كل حاجة على انها نهاية الدنيا...شئ طبيعى ان حد يفهمنى غلط فى يوم من الايام...وممكن باعتباره قريب منى يكون ده السبب اللى خلاه ميكلمنيش فى الموضوع ....لكن المشكلة بقى اانه يبعد عنى..ده بقى الغلطة اللى مينفعش تتغفرله ..ابدا...



هو آه انه يبعد غلطه مينفعش تتغفر بس متهيألي ظنه فيا برده صعب يتغفر

هل ممكن تروح تسأله هو متغير ليه؟

حسب نوع اللى بينا...ساعات بيبقى فى ناس بنبقى اقربلهم من اننا نخبى عليه كلة فى حياتا وناس تانيين بنحبهم جدا بس مش موثرين اوى عندنا...فده حسب قرب الشخص..


و هل لو عرفت انه ظالمك هتقدر ساعتها تشرحله الموقف صح؟
طبعا لازم اشرحله الموقف صح..واهم حاجة اقله ..(ده موقفى وانا سبتلك موقفك..)فبكده يبقى انا عملت معاه اللى عليا وخلتنى محافظ على اللى بنا لحد اخر ثانية..

فعلا في دي حضرتك عندك حق بس اتمني اننا نقدر ساعتها نقول كده لإن فعلا الموقف ده من المواقف اللي بيهرب فيها الكلام

ولا هتاخد منه موقف عشان شك فيك؟
برده حسب قربه منى...يعنى فى ناس من كتر قربنا ليهم عمرنا منزعل منهم مهما عملو حتى لو شكو فينا..وفى ناس من كتر حبنا فيهم يخلينا عمرنا منتخيل انهم يغلطو فينا او يشكو فينا فبنزعل منهم اكتر من كل الناس..(يعنى من الاخر حسب تصنيف علاقتى بالشخص ده)

ماهو المشكله ان من كتر قربهم لينا عمرنا ما هنزعل منهم و عمرنا برده ما نتخيل انهم يشكوا فينا

وهل لو هو عرف انه ظالمك و طلب منك انك تسامحه هل هتقدر؟

هقدرررررررررر طبعا ان شاء الله...(مع اعتبار قربه ليا برده...!!)


يا ريت كل الناس كده

طب لو كدبك و فضل مصر علي موقفه هيكون رد فعلك انت ايه؟

لا يبقى كده حاجة تانية..كده يبقى الموضوع كبر عن انه فقد الثقة فيا وده مينفعش خااااااااالص ..وكل اللى هعمله انى هجيب كل الاثباتات والناس اللى يقدرو يثبتو كلامى ولما يتاكد انى كلامى صح ..هسيبه بقى وهبعد عنه..ولو هوه طنشنى يبقى خلاص كده احسن ..ولو مطنشنيش يبقى هرجعله تانى والايام هتشيل اى حاجة ان شا ء الله ..

متهيألي السؤال صعب أوي و الإجابه أصعب

هوه مش صعب اوى ...بساجابته صعبة..لانه بتختلف من شخص لشخص ومن حياة لحياة ومن تفكير لتفكير....وكمان الموضوع عايز تفكير كبير من صاحب الموضوع لان لو كل حاجة خدناها على انها مواقف وهتعدى يبقى عمرنا ما هنعمل اللى احنا عايزينه ..لازم حضرتك تشوفى عايزة تعملى ايه وتحاولى تعمليه وتشوفى الطريقة الاصلح ليه..

وربنا يدى الجميع للى فيه الخير ان شاء الله


بس أنا بجد نفسي أعرفها..............

شكرا علي رأي حضرتك
الرجوع الى أعلى الصفحة اذهب الى الأسفل
Nadin Samy
عضو ذهبي
عضو ذهبي


عدد الرسائل : 1416
العمر : 26
محل الاقامة : تائهه بين الدروب
الوظيفة : just wishes
تاريخ التسجيل : 06/05/2008

مُساهمةموضوع: رد: هل ممكن تسامح؟   الجمعة 26 ديسمبر 2008, 6:14 pm

الـراحـِلـُونـَ كتب:
Is it over كتب:
السلام عليكم و رحمة الله و بركاته
وعليكم السلام ورحمه الله وبركاته
أنا حبيت اتناقش معاكوا في سؤال بجد محيرني أوي و لحد دلوقتي مش لاقيه اجابه فلو حد عرف ياريت يجاوبني

طبعا في مواقف كتير بتحصل قدامنا سواء من ناس نعرفها أو منعرفهاش

المواقف دي في ناس بترجمها علي مزاجها و حتي لو غلط مبتحاولش تسأل أو تعرف ايه الصح و يمكن كمان متحسش بالذنب لما تكتشف انها ظلمت اللي قدامها

إحنا ممكن نكون مبنهتمش بالناس دي أوي لإنهم ولا يعرفونا ولا نعرفهم
على فكرة بقى الواحد صحيح مبيهتمش بالناس اللى ميعرفهمش بس بيتضايق جدا (ودى اكتر حاجة بتعصبنى) انك تلاقى واحد ولا ليه اى علاقه بيك ولا عمره اتعامل معاك وواخد عنك انطباع او فكره راسخة فى ذهنه انك شخص (حلو او وحش) العملية مش بالشكل
الواد ده شكله نضيف يبقى ابن ناس ومحترم وده شكله .....يبقى واحد من الشارع
المفروض ان الواحد ميحكمش على حد غير لما يتعامل معاه بنفسه وبأكد على نفسه يعنى مش واحد صاحبى اتعامل مع ده وقال عليه وحش يبقى وحش
لازم انا اللى اتعامل معاه واحكم عليه


فعلا المواقف دي بقت تتكرر كتير يعني واحد واخد فكره عن واحد في حاجه نبص نلاقي الناس كلها بتقول نفس الكلام

بس السؤال الأهم هل لو اللي فهمك غلط ده أقرب الناس ليك
دى مصيبة

أكيد طبعا

و خد منك موقف و بعد عنك و محاولش حتي يسألك عن أي حاجه

و ظلمك و جرحك

إيه هيكون رد فعلك إنت لما تحس انه اتغير كده؟
والله على حسب
يعنى فى حاجات لازم تتقال وحاجات متتقالش
بمعنى انى اعرف واحد كويس وفهمته غلط فى نقطة معينه
لو النقطه دى انا عارف انى لو كلمته فيها هيتغير يبقى ده واجب عليا انى افتح معاه الموضوع ده
لكن لو اللى قدامى ده انا فاهمه غلط فى حاجة عملها قبل كده وحاولت اغيرها فيه ومقدرتش
يبقى مالهاش لازمة انك تقول (معاتبة الندل اجتنابه ) مش اجتناب شخصيته لأ لانه فى الاول وفى الاخر قريب منى (صاحبى او قريبى ) لكن اقصد اجتناب الصفة او العاده اللى فيه اللى بتضايقك
يعنى واحد بيحب يتكلم كتير ومفيش عنده تحكم فى لسانه
يبقى مااقولوش على حاجة مهمة او حساسة لانه اكيد مش هيعرف يكتمها
او لو واحد عنده مشكلة انه مبيعرفش يعتمد على نفسه يبقى ما احطوش فى موقف وازنقه فيه (عامل كل واحد بصفاته هو )


حضرتك بجد قولت كل حاجه في الكلام ده مش معني ان واحده صاحبتي فيها حاجه مش عاجباني اني اسيبها لأ طبعا لإننا كلنا فينا الكويس و الوحش إحنا مش ملايكه و الكمال لله

هل ممكن تروح تسأله هو متغير ليه؟
لو انا بقى اللى فى الوضع ده وشايف انى معملتش حاجة تزعل اللى قدامى اكيد هروح واسأله طالما يهمنى امره
لكن لو انا غلطان اكيد لما اقلبها فى دماغى هعرف انا غلط فى ايه وهروح اعتذرله
اسوأ حاجة بقى ان واحد يبقى غلطان وعارف هو غلط فى ايه ويروح يسأل بكل رخامه ...هو فى ايه !!!!!!!


فعلا و الله بس مش دايما بتكون رخامه كل الموضوع اني مش بكون واخده بالي ان اللي انا عملته ده يزعل

و هل لو عرفت انه ظالمك هتقدر ساعتها تشرحله الموقف صح؟
لو هو ظالمنى هقول ما يبرأ ذمتى
واوضح اللى حصل
وهو حر بعدها بقى يقتنع ولا لأ دى حاجة ترجعله

ولا هتاخد منه موقف عشان شك فيك؟
مش هاخد منه موقف غير بعد ما نتصالح ويفهم كل حاجة
لكن علشان اخد موقف من غير توضيح اللى حصل يبقى انا بهرب من المواجهه وده يضعف موقفى قدامه


that's right

وهل لو هو عرف انه ظالمك و طلب منك انك تسامحه هل هتقدر؟
للاسف اه

صح للأسف لأن في ناس ممكن تكون متستاهلش و بنسامحها برده

الا فى بعض الحاجات كده بتبقى عندى خط احمر لو كان عداها مش هقدر اسامحه نهائيا قبل فترة واكيد برده مش هرجع معاه زى الاول

طب لو كدبك و فضل مصر علي موقفه هيكون رد فعلك انت ايه؟
ههههههههههههههههههههههههههههههههههههههههههههههههههههههههههههه
هو حر بقى انا عملت اللى عليا
كده ده واحد مش باقى عليا
لان المفروض لو واحد باقى عليا و انا حتى كلامى مش مقنع يحاول يقنع نفسه بيه علشان نفضل اصحاب
لكن لما يبقى الحق معايا وهو ميقتنعش
ده حله الوحيد الضحك
وقله فى وشه كده
جزاكم الله خيرا



حضرتك بجد قولت كل حاجه
شكرا ليك
متهيألي السؤال صعب أوي و الإجابه أصعب

بس أنا بجد نفسي أعرفها..............الموضوع ده حلو اوى على فكرة
ميرسي عالمرور
و علي رأي حضرتك في الموضوع
الرجوع الى أعلى الصفحة اذهب الى الأسفل
Nadin Samy
عضو ذهبي
عضو ذهبي


عدد الرسائل : 1416
العمر : 26
محل الاقامة : تائهه بين الدروب
الوظيفة : just wishes
تاريخ التسجيل : 06/05/2008

مُساهمةموضوع: رد: هل ممكن تسامح؟   الجمعة 26 ديسمبر 2008, 6:19 pm

YouS_YouSrY كتب:
بوصى يادكتورة

انا هجاوبك على سؤالك المحدد دا

لو الشخص دا فعلا يهمك اوى وليه معزه وتقدير فى قلبك

مفيش ادنى او اقل شك انك تروحى تسأليه هو اتغير ليه

حتى لو اتغير مره واتنين وتلاته

لازم تروحى تسأليه

وخاصة وحضرتك بتقولى انه اقرب حد ليكي

وحطى نفسك مكانه كدا

وانتى مروحتيش سألتى هو اتغير ليه من ناحيتك

اكيد اكيد اكيد

هتقولى ان انا انسان مفرقش معاه فى اى حاجه

(( دا الكلام اللى هيقوله لو انتى مسألتيش عنه ))

أنا اكيد ساعتها هكون destructed

طب هيقوله ليه .؟؟

لان حضرتك مسألتيش هو اتغير ليه ..هو جراله ايه ..هو بأه كدا ليه

وعدم السؤال اكيد هيدل على عدم اهتمام او اهمال

وهى هتكبر فى دماغه اكتر وهيزيد فى التغيير بتاعه

وساعات الواحد بيبعد او يتغير عشان يختبر معزته عند الانسان دا ويشوف هو مقدار حبه ليك قد ايه يعنى

يعنى من الاخر

لازم تسألى هو ليه بأه كدا ....!!! وتشوفى وجهة نظره ..يمكن يكون هو صح

يمكن فاهم غلط ...يمكن يمكن يمكن...!!!

عشان نقطع الحيره والشك ...الحل بسيط اوى..اسأل هو فى ايه واعرف

وبعد ما اسأل واعرف..ساعتها بأه

انا كدا ممكن اخد قرارى وانا مستريح واخر فل وتمام

ابعد عنه او مبعدش

بس يبأه انا عرفت السبب ...ولو كان فى فهم غلط او حاجه اكون وضحتها

ودا لو كان حضرتك فعلا باقيه على الشخص دا ويهمك رأيه وهو نفسه يهمك

بعد ماتسأليه ..ليكي حق اختيار بأه الخطوة اللى بعد كدا

ويارب مكون طولت

سلام

أنا اتمني اننا كلنا نقدر نعمل كده

شكرا لرأي حضرتك

الرجوع الى أعلى الصفحة اذهب الى الأسفل
 
هل ممكن تسامح؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: