البوابةالرئيسيةس .و .جبحـثالتسجيلدخول





شاطر | 
 

 على جمب ياسطى ... !!

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: على جمب ياسطى ... !!   الأربعاء 26 نوفمبر 2008, 12:15 am

مشكله المواصلات العامه بقت مشكله طبقه عريضه جدا من الشعب المصرى الكادح إلا من رحم ربى من ذوى


السيارات الملاكى ، أحنا مش بنحسد لاسمح الله ، أحنا بنقر بس Very Happy

يختلف الطلبه قليلا فى مواعيد خروجهم فمنهم من يخرج قبل معاد المحاضرة الأولى بوقت كاف ومنهم من يخرج فى

نفس معاد المحاضرة ( زى حالاتى كده ) وهناك فئة أخرى من طلاب المجمع اللى بيطلعوا قبل المحاضرة بساعه

ولم أجد لهذه الظاهره تفسيرا إلا أنها قد تكون مشاركة وجدانيه لاخوانهم من بعض الكليات الاخرى .....

إلا أن هؤلاء الطلاب جميعا يتفقون فى شىء واحد ألا وهو ( أن الكل بيتبهدل وينداس علية بالجزمة فى المواصلات )Smile

إلا أن ربنا رحمنى من الموضوع ده بقالى فترة طويله بيبقى عندى كورس الصبح وبدأت انسى مشاهد الزحام دى

ولكن اليوم حدث ما حدث وصحيت متأخر واضطريت آسفا إنى أنزل الساعه 9 متجها للكورس ومعايا كيس به بعض

الأدوية ....

تطلع يا محترم عشان تركب عربيه تلاقى العديد من المظاهر المميزة اللى قربنا نتعود عليها خلاص :

* تلاقى السواقين عمالين يعاكسوا فى اللى رايحه واللى جايه وكل واحد مشغل ام بى فور وموصله بالسماعات وعامل

فرح !!!

* تلاقى الناس عماله تزق بعضها مش مشكله راجل يزق ست ، ولا شاب يزق راجل عجوز ولا ولا ولا ... !!!!

* تركب العربيه تلاقى علبه سردين حريم على رجاله ولا أكنهم بيعبوا العربيات بطاطس ولا بطيخ !!!

وعادى جدا ممكن تكون واحده واقفه وميت شحط قاعدين !!! وقاعدين يتريقوا ويتفرجوا كمان !!!

ممكن واحد قد أبوك ولا قد جدك قاعد ع الارض !! وأنت قاعد رجلك جمب وشه ولا فى دماغك !!!

(( ده الحال فى أول مواصله وبيكون أخف وطأة من الى بيحصل فى تانى مواصله ))

تنزل عشان تركب السرفيس وطبعا تلاقى طلبه طب وهندسه وتربيه واقتصاد منزلى بالاضافه للمجمع واقفين !!!!!

المنظر نفسه يعقد ع الصبح ،،،

المهم تقف لك ربع ساعه ، نص ساعه أنت ونصيبك

وعلى حسب مهارتك فى الجرى ورا العربيه ، وقدرتك أنك تزق ده وتخبط ده كوع وتتزنق وسط 100 واحده

والكل بيزق والدنيا زحمه ومحدش واخد باله !!!!!!!!!

لو انت واد جنتل وفلوسك كتير هتاخد تاكسى لكن للأسف سواقين التاكسى مش هينولوك الفرصه دى

لأنهم مبيركبوش رجاله Very Happy ثم أنهم مبيروحوش لحد المجمع عشان الزحمه Sad

تقوم يا محترم أول عربيه تقف بعيد عنك قوى وتحمل وتمشى ، تانى عربيه مرضيتش تزق عشان خاطر لمحت

ستات كتير ، وتتوالى العربيات وانت واقف هتنام من البهدله اللى انت فيها

وهتخليك واقف لحد اما يحصل حاجة من اتنين ايهما اقرب :

ياما هتتخنق من الوقفه ويزداد حرصك على انك تلحق المحاضرة او الكورس اللى انت رايحه وتحاول تنط تقف

فى اى عربيه

ياما تبقى واقف وتمشى مع الطوفان والناس تزقك تلاقى نفسك بقيت جوه عربيه بقدرة قدار وده اللى حصل معايا انهارده

انا واقف لقيت عربيه جت وقفت قدامى استغربت جدا Shocked على ما مديت ايدى على الباب لقيت 100 واحد بيعدوا من

تحت ايدى ، لكن شنطه الدوا كان لها تاثير السحر هما خدوها معاهم جوه العربيه وبالتالى كان لازم اركب معاهم

على الاقل كمرافق للشنطهVery Happy ( والحمد لله اتحلت مشكله الركوب وركبنا )

المهم العربيه على بعضها :

عمك الحاج واقف ، والمدام واقفه ، والآنسه كمان

طيب بعد اذنك كده يااستاذ عدينى هقوم اقف واى حد من الناس دى تقعد مينفعش نقعد وهما واقفين !!!

يبص لى من فوق لتحت كده ياعم اقعد بالبتاع اللى انت شايله ده هعديك ازاى يعنى ؟؟؟؟؟؟ شيطاان

والناس ترد لالالا ياابنى خليك قاعد مش مشكله

شوية وبدأ لم الاجره ،، السواق وصله اتنين جنيه معدن !!!

رجعهم ، اللى دفع الفلوس دى يغيرها

كان دافعها اتنين ورايا طنشوا وسكتوا !!!

شوية وقال اللى مدفعش يدفع فبعتوها له تانى Very Happy

قام جاى مرجعهم ، واحده ردت عليه قالت له دى قضيه امن دوله متوديش نفسك فى داهيه

والتانيه قالت له يعنى احنا طبعنها يااخويا ، وصاحب الفلوس قاله بقوللك ايه معييش غيرهم

طبعا الراجل حلف ب( عليا ال ****) مانا واخدهم ياما تنزلوا هنا ،،، محدش عبره

ومن هنا لهنا ، الكل لزم السكوت مما زاد من حده الموقف Very Happy

قام جاى السواق واقف .. يلا يا ولاد ....الزباين دى مجانين ومينفعش معاها الا شغل المجانين

الكل ينزل

طبعا محدش نزل الكل متاخر والكل قعد يهلل ويزعق

طبعا كان سواق محنك Very Happy وقام جاى لافف وراجع تانى ودخل البنزينه وراح للراجل بتاع البنزينة عاوز يرفعها

على المكبس ويغسل العربيه والناس جوه Very Happy

وفى الاخر بدلناله الجنيه اللى مكنش عجبه وكمل الرحله ووصلنا بالسلامه الحمد لله بعد تأخير حوالى ساعه

بنلف فى وسط شبين Very Happy Very Happy

اللى عاوز أسأله بقى : كان ممكن نغير الجنيه من الاول بس الناس مرضيتش وده مش غلط لانه عمله عاديه

وكان ممكن السواق يوفر على نفسه البنزين ده كله وياخد الجنبيه !!!! بس معملش كده

بصراحه انا اتخنقت من حوار المواصلات ده والواحد كل يوم يروح متاخر يكون فاته نص المحاضرة

ومن مكانى هذا أناشد وزير التعليم العالى ووزير النقل والمواصلات ينسقوا مع بعض ويشوفوا لنا حل مناسب

ليه ميوفروش اوتوبيسات مكيفه زى بتاع أعضاء هيئه التدريس

على الاقل الدكتور هيروح جايز يدى محاضرة وجايز لأ ولو اداها هتبقى محاضرة واحده

غير الطالب المطحون اللى طلعان روحه طول النهار

بصراحه بغض النظر عن كونها مشكله عاوزة حل من الحكومة والجهات المختصه الا ان المواصلات العامه دى

بيحصل فيها حاجات غريبه جدا ومواقف سيئه للغايه !!!No

لو حد حصل له موقف طريف فى المواصلات كده يدخل ويشيجنا Very Happy ولو حد عنده حل فعال للقضاء على اى مشكله

من المشاكل دى ينورنا ويقولنا

_________________

الرجوع الى أعلى الصفحة اذهب الى الأسفل
http://www.medicalto.com
عابـر سبيـل
|مشرف|
|مشرف|


عدد الرسائل : 4176
العمر : 30
محل الاقامة : مهاجر إلى الله..هذا سبيلي
الوظيفة : مجاهد .. بعيـــدا ً
تاريخ التسجيل : 29/10/2007

مُساهمةموضوع: رد: على جمب ياسطى ... !!   الأربعاء 26 نوفمبر 2008, 12:24 am


يااااااااااااااااه انت جيت ع الجرح اوي اوي ياباشا وموقفك ده يهلك من الضحك ... وليا رد في الموضوع ده هحكي فيه شويه قريب ان شاء الله

_________________
مـن يهـن يسهـل الهـوان عليـه ... ما لجـرح بميــت إيــلام
الرجوع الى أعلى الصفحة اذهب الى الأسفل
http://www.tvanashed.com/
د.عبدالرحمن خليفة
: Staff :
: Staff :
avatar

عدد الرسائل : 1390
العمر : 38
الوظيفة : Pathologist ,assistant lecturer
تاريخ التسجيل : 27/11/2006

مُساهمةموضوع: رد: على جمب ياسطى ... !!   الأربعاء 26 نوفمبر 2008, 12:24 am

Medicalawy كتب:



طبعا كان سواق محنك Very Happy وقام جاى لافف وراجع تانى ودخل البنزينه وراح للراجل بتاع البنزينة عاوز يرفعها

على المكبس ويغسل العربيه والناس جوه Very Happy



ايه الدماغ الجامده دي

ده باين عليه رد سجون

_________________
---------------------------------------------------
:: Dr. A b d e l r a h m a n K h a l i f a ::
---------------------------------------------------
Assistant Lecturer of Pathology
الرجوع الى أعلى الصفحة اذهب الى الأسفل
http://www.easypathology.nett
قدامنا لسـه عبــور تانى..
|مشرف|
|مشرف|
avatar

عدد الرسائل : 1291
العمر : 26
الوظيفة : trying
تاريخ التسجيل : 13/08/2008

مُساهمةموضوع: رد: على جمب ياسطى ... !!   الأربعاء 26 نوفمبر 2008, 12:27 am

اقتباس :
ومن مكانى هذا أناشد وزير التعليم العالى ووزير النقل والمواصلات ينسقوا مع بعض ويشوفوا لنا حل مناسب

ليه ميوفروش اوتوبيسات مكيفه زى بتاع أعضاء هيئه التدريس


حل فعال Very Happy

_________________


الحــــمد لله كثيرا ..



يا مــــصـــــر يـا أم الـدنـيا .. يـــا أغــلـــى الأوطــــــــان

مـيــــن دا الـلـــــي يـقــــدر يوصـــل بـيـكـــي لـبـر أمـــــــان

ويـعـــدي بـيـكي على بكـــــــــره ..غــيــــر الــشــجـــــعان !!

الرجوع الى أعلى الصفحة اذهب الى الأسفل
نهــ واإسلاماه ــال
.
.
avatar

عدد الرسائل : 3214
العمر : 31
محل الاقامة : مع أفكاري
الوظيفة : PSYCHIATRIC RESIDENT
تاريخ التسجيل : 13/08/2008

مُساهمةموضوع: رد: على جمب ياسطى ... !!   الأربعاء 26 نوفمبر 2008, 12:32 am

ايييييييييييييييييه ده
الواحد مات من الضحك دلوقتي Very Happy
بس حضرتك فعلا قلت الحقيقة
أنا كنت بفكر أنزل موضوع
بس عن زحمة الشارع مش المواصلات Evil or Very Mad Evil or Very Mad
ولو إن ال 2 يصبوا في إناء واحد Mad

الواحد يبطل ضحك ويرجع إن شاء الله يعلق ع الموضوع Very Happy
الرجوع الى أعلى الصفحة اذهب الى الأسفل
http://www.mosshaf.com/web/
د.مي
عضوية شرفية
عضوية شرفية
avatar

عدد الرسائل : 2925
العمر : 31
محل الاقامة : ما بين هنا وهناك .
الوظيفة : there is hope
تاريخ التسجيل : 22/09/2007

مُساهمةموضوع: رد: على جمب ياسطى ... !!   الأربعاء 26 نوفمبر 2008, 12:38 am

موقف جامد يا دكتور ميديكالاوى ...
بس أهم حاجة شنطة الادوية السبب ان حضرتك تركب Very Happy
(احنا عندنا فى مدينتى فرضآ جدلآ ان العربيات كتير والناس لسه قليلة
العربيات تمشى تروح فى اى حته لحد ما الدنيا تتزحم وبعدين تيجى العربيات
واحدة واحدة علشان الناس تتخانق وتقف فى وسط العربية ويكسبوا
كذا فرد زيادة Mad Mad )
وكمان الاغانى اللى بنسمعها ...صداااااااااااااااااااااااااااااااااااع
خصوصآ لما يكون السائق هو اللى بيقوم بدور المطرب No

_________________

الصيدلية الخيرية


الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: على جمب ياسطى ... !!   الأربعاء 26 نوفمبر 2008, 12:40 am

عابر سبيل كتب:

يااااااااااااااااه انت جيت ع الجرح اوي اوي ياباشا وموقفك ده يهلك من الضحك ... وليا رد في الموضوع ده هحكي فيه شويه قريب ان شاء الله


ياباشا انت تنور بردودك ، بس لازم تاخد موقف يا يجيبوا لك عربيه يا تقعد لهم فى البيت Very Happy

_________________

الرجوع الى أعلى الصفحة اذهب الى الأسفل
http://www.medicalto.com
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: على جمب ياسطى ... !!   الأربعاء 26 نوفمبر 2008, 12:41 am

د.عبدالرحمن خليفة كتب:
Medicalawy كتب:



طبعا كان سواق محنك Very Happy وقام جاى لافف وراجع تانى ودخل البنزينه وراح للراجل بتاع البنزينة عاوز يرفعها

على المكبس ويغسل العربيه والناس جوه Very Happy



ايه الدماغ الجامده دي

ده باين عليه رد سجون

أنا نفسى الناس اللى راكبه الملاكى دى تحس بمعاناه الشعب المطحون شوية Laughing


يعنى لما نلاقى واحد متاخر نديله عذره

وبعدين عشان نقارن ده متاخر وده لأ ، لازم نوحد العوامل بمعنى وسيله المواصلات المستخدمه Wink Wink

_________________

الرجوع الى أعلى الصفحة اذهب الى الأسفل
http://www.medicalto.com
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: على جمب ياسطى ... !!   الأربعاء 26 نوفمبر 2008, 12:48 am


now go back 2 start

واإسلاماه

little angel


نورتوا الموضوع ، وشكر خاص لشنطة الدوا Very Happy

_________________

الرجوع الى أعلى الصفحة اذهب الى الأسفل
http://www.medicalto.com
Blue Rose
|مشرف|
|مشرف|
avatar

عدد الرسائل : 1732
العمر : 28
محل الاقامة : هنا
الوظيفة : دكتوره ان شاء الله
تاريخ التسجيل : 26/12/2007

مُساهمةموضوع: رد: على جمب ياسطى ... !!   الأربعاء 26 نوفمبر 2008, 12:52 am

اقتباس :

لكن شنطه الدوا كان لها تاثير السحر هما خدوها معاهم جوه العربيه وبالتالى كان لازم اركب معاهم

على الاقل كمرافق للشنطهVery Happy



خلاص خد الشنطه معاك كل يوم

اقتباس :
لو انت واد جنتل وفلوسك كتير هتاخد تاكسى لكن للأسف سواقين التاكسى مش هينولوك الفرصه دى

لأنهم مبيركبوش رجاله Very Happy ثم أنهم مبيروحوش لحد المجمع عشان الزحمه Sad
اقتباس :

لا على فكره هما بيتأمروا على الكل
يعنى خمسين تاكسى يعدوا من قدامى الصبح فاضيين
قال ايه مش عايزين يروحوا مكسيم
ونفس الحال واحنا مروحين
المشوار بعيد عليهم
طب هو لو مش بعيد انا اللى اللى هيحوجنى يعنى
انى اركب تاكسى
حاجه غريبه جدا

على فكره ما فيش حل خالص
لأن ده العادى بتاعنا فيه الكويس وفى الوحش
مش هتصلح كل الناس الوحشين
ولا هتقابل كل الناس الكويسين
الحل الوحيد اننا نبقى دوله غنيه حبتين زى الامارات كده
تعمل مواصلات عامه بالمجان بس نضافه ميه ميه
بس انا مش فاهمه لما الامارات تعمل كده الشعب الاماراتى
الشقيق هيودى عربياته فين lol!


_________________
"أحوالك عجـــ يــــــا بلـــــــــــدــــب"
الرجوع الى أعلى الصفحة اذهب الى الأسفل
*.* عَـقـلٌ سَـاجِـدٌ *.*
" مشرف تكنولوجيا "

avatar

عدد الرسائل : 4362
العمر : 28
محل الاقامة : معـارك.الحـيــاة
الوظيفة : A.Free.Man...I.Am
تاريخ التسجيل : 27/11/2006

مُساهمةموضوع: رد: على جمب ياسطى ... !!   الأربعاء 26 نوفمبر 2008, 12:54 am

هههههههههههههه



منور يا ميديكا



أنا سايب اللى في إيدي كله



وداخل أرد عليك







(( إوعي تستعمل صلاحياتك في تعديل الرد ...













ولو استعملتها ...

















أنا مسامحك ))



*********







بصراحة كده



الكلام اللى انت كاتبه ده عيب قوووي



ده حتى بتوع بلدنا معروف عنهم إنهم جبابرة



الكلام ده ما يفرقش معانا بأى حال من الأحوال



وانتظر مني " الحل النفيس في ركوب السرفيس "



بس ادعيلي أخلص اللى في إيدي



( أنا قربت يطلعلي ترايكورس في عينيا )

_________________




يا مـُضَـيّعَ الأوقاتِ جهلا بحُرمتها .. أفِقْ و احذر بَواركْ

فـسوف تفارقُ اللذاتِ قـسْرا، ويُخلي الموتُ كرها منك داركْ

تدارك ما استطعتَ من الخطايا بـتوبة مُخـلِصٍ .. واجعل مداركْ

على طـلب السلامة من جحيمٍ ...
فـ *.* خـَيْـرُ ذوي الجرائمِ مَنْ تداركْ *.*

***
**
*




الرجوع الى أعلى الصفحة اذهب الى الأسفل
http://medicalclub.bb-fr.com/index.htm
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: على جمب ياسطى ... !!   الأربعاء 26 نوفمبر 2008, 12:56 am

اقتباس :
ده حتى بتوع بلدنا معروف عنهم إنهم جبابرة


هههههههههههههه مش فاهم قوى ياابوحميد !!!


عامه انا بتكلم عن السرفيس بصفه عامه ، ومع ذلك فالمواصلات كلها زفت

بس انا حاسس ان معظم الناس حصلها adaptation على الوضع ده Very Happy

وخد راحتك ياعم بس مش قوى يعنى لم الدور شوية Laughing

_________________

الرجوع الى أعلى الصفحة اذهب الى الأسفل
http://www.medicalto.com
Ahmed Adel
|مشرف|
|مشرف|
avatar

عدد الرسائل : 3698
العمر : 27
محل الاقامة : هناك حيث يوجد
الوظيفة : ذاهب الى طريق لاعودة منه...
تاريخ التسجيل : 05/11/2007

مُساهمةموضوع: رد: على جمب ياسطى ... !!   الأربعاء 26 نوفمبر 2008, 1:01 am

هههههههههههههههههه ياسلام يابو عياد

طب ده يابنى حتة يوم ومواصلة واحدة امال الغلبان اللى بيركب تلات مواصلات
وبياخد ساعة ساعة ونص كده على مايوصل المحروسة وممكن يلاقى مافيش محاضرة عادى خالص
وبعدين الزحمة مش حاجة ادام السرقة ياعينى بقى واقفين انا واصحابى فى الموقف وتلاقى واحد يندس فى كل عربية ويرجع مايركبش اه هوا حرامى لا والراجل اقفشه وزعقله بس العربية كانت ماشية مالحقوش يعملولوه حاجة وواحد صاحبي يقولى ايه خلى بالك ده بيبوصلك وشكله بينشل عليك Very Happy قلتله انسى ده انا فشنك Laughing
وبعدين انتوا السواق وقفكوا عشان جنيه...يابنى احنا السواق فى عربية قويسنا وقفنا عشان شلن Very Happy الرجل قاله مش من حقك الشلن ووادينا المرور عشان نشوف الاجرة بكام واحنا نيجى ندفع الناس تقول استنوا يمكن نكسب احنا ومايخدش الشلن Shocked قام السواق وقفنا ادام المرور وقال كله يطلع الشلنمسدس
والراجل اللى كان بيبجح طللع زى....بلاش بقى كان لزمتها ايه يعنى من الاول ازمة دولية عشان الشلن
ولا عربيات البلد اللى اصلا ماتنفعش للاستهلاك الادمى
وياريت نروح نستفيد يعنى النهاردة ربنا سهلها ووصلت شبين بدرى وقولت لو استنيت الاتوبيس هتاخر وانا نفسى اروح محاضرة بقى بدرى قولت هاخد تاكسى واروح........الكمبيوتر بايظ والدكتورة اتاخرت Very Happy كل اما اروح بدرى لازم المحاضرة تتاخر....استقصاد هوا يعنى scratch
انا لو اقعد اكتب هنكتب للصبح كفاية كده دلوقتى اصل المواصلات عايزة صفح وصفح

_________________
لــن تمتهن إلا إذا ... توسلت ،

ولــن تحتقر إلا إذا ... تلهفت ،

ولــن تموت إلا إذا انبطحت ع الأرض ... وزحفت

،،،


الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: على جمب ياسطى ... !!   الأربعاء 26 نوفمبر 2008, 1:01 am

Blue Rose كتب:

اقتباس :

لكن شنطه الدوا كان لها تاثير السحر هما خدوها معاهم جوه العربيه وبالتالى كان لازم اركب معاهم

على الاقل كمرافق للشنطهVery Happy



خلاص خد الشنطه معاك كل يوم

اقتباس :
لو انت واد جنتل وفلوسك كتير هتاخد تاكسى لكن للأسف سواقين التاكسى مش هينولوك الفرصه دى

لأنهم مبيركبوش رجاله Very Happy ثم أنهم مبيروحوش لحد المجمع عشان الزحمه Sad
اقتباس :

لا على فكره هما بيتأمروا على الكل
يعنى خمسين تاكسى يعدوا من قدامى الصبح فاضيين
قال ايه مش عايزين يروحوا مكسيم
ونفس الحال واحنا مروحين
المشوار بعيد عليهم
طب هو لو مش بعيد انا اللى اللى هيحوجنى يعنى
انى اركب تاكسى
حاجه غريبه جدا

على فكره ما فيش حل خالص
لأن ده العادى بتاعنا فيه الكويس وفى الوحش
مش هتصلح كل الناس الوحشين
ولا هتقابل كل الناس الكويسين
الحل الوحيد اننا نبقى دوله غنيه حبتين زى الامارات كده
تعمل مواصلات عامه بالمجان بس نضافه ميه ميه
بس انا مش فاهمه لما الامارات تعمل كده الشعب الاماراتى
الشقيق هيودى عربياته فين lol!




أنا ممكن آخد الشنطه كل يوم إنما الدوا هنلاحق دوا منين Very Happy


أما بالنسبه لمعظم وسائل المواصلات العامه نذكر منها على سبيل المثال لا الحصر : التاكسى والسرفيس

مبيركبوش إلا Females ناقص يكتبوا ع العربيات زى المترو كده ( للسيدات فقط ) Very Happy

أو جايز أكون أنا اللى ظالمهم ولا حاجة Smile

_________________

الرجوع الى أعلى الصفحة اذهب الى الأسفل
http://www.medicalto.com
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: على جمب ياسطى ... !!   الأربعاء 26 نوفمبر 2008, 1:06 am

الأسد الصامت كتب:
هههههههههههههههههه ياسلام يابو عياد

طب ده يابنى حتة يوم ومواصلة واحدة امال الغلبان اللى بيركب تلات مواصلات
وبياخد ساعة ساعة ونص كده على مايوصل المحروسة وممكن يلاقى مافيش محاضرة عادى خالص
وبعدين الزحمة مش حاجة ادام السرقة ياعينى بقى واقفين انا واصحابى فى الموقف وتلاقى واحد يندس فى كل عربية ويرجع مايركبش اه هوا حرامى لا والراجل اقفشه وزعقله بس العربية كانت ماشية مالحقوش يعملولوه حاجة وواحد صاحبي يقولى ايه خلى بالك ده بيبوصلك وشكله بينشل عليك Very Happy قلتله انسى ده انا فشنك Laughing
وبعدين انتوا السواق وقفكوا عشان جنيه...يابنى احنا السواق فى عربية قويسنا وقفنا عشان شلن Very Happy الرجل قاله مش من حقك الشلن ووادينا المرور عشان نشوف الاجرة بكام واحنا نيجى ندفع الناس تقول استنوا يمكن نكسب احنا ومايخدش الشلن Shocked قام السواق وقفنا ادام المرور وقال كله يطلع الشلنمسدس
والراجل اللى كان بيبجح طللع زى....بلاش بقى كان لزمتها ايه يعنى من الاول ازمة دولية عشان الشلن
ولا عربيات البلد اللى اصلا ماتنفعش للاستهلاك الادمى
وياريت نروح نستفيد يعنى النهاردة ربنا سهلها ووصلت شبين بدرى وقولت لو استنيت الاتوبيس هتاخر وانا نفسى اروح محاضرة بقى بدرى قولت هاخد تاكسى واروح........الكمبيوتر بايظ والدكتورة اتاخرت Very Happy كل اما اروح بدرى لازم المحاضرة تتاخر....استقصاد هوا يعنى scratch
انا لو اقعد اكتب هنكتب للصبح كفاية كده دلوقتى اصل المواصلات عايزة صفح وصفح

هههههههههههههه نضف نيتك كده وبطل حقد عشان ربنا يكرمك وبعدين انا بركب مواصلتين مش واحده rabbit


وبعدين الا السرقه ،، عيب عليك تبقى ماشى معايا وحد يثبتك ولا يسرقك ،، كله الا المحفظه يا نصه Laughing

_________________

الرجوع الى أعلى الصفحة اذهب الى الأسفل
http://www.medicalto.com
drmido99
MC Library Team
MC Library Team
avatar

عدد الرسائل : 1432
العمر : 28
محل الاقامة : داخل غرفه العمليات المركزية
الوظيفة : *** White.Knights Member***
تاريخ التسجيل : 25/04/2007

مُساهمةموضوع: رد: على جمب ياسطى ... !!   الأربعاء 26 نوفمبر 2008, 1:37 am

الحمد لله يا ميديكا ان انت وصلت
وشوف يعم بقي اعرف شنطه الدوا عامله شغل
ايوه
ماهو اللي له شنطه دوا مينضربش علي مواصلاته
ههههههههه
مساء الفل يا ميديكا يا بلد الجبابره
علي راي الفارس
ديناصورات يا خويا
الرجوع الى أعلى الصفحة اذهب الى الأسفل
http://www.facebook.com/profile.php?id=100001426330347&v=inf
marym
|مشرف|
|مشرف|
avatar

عدد الرسائل : 2333
العمر : 27
الوظيفة :
تاريخ التسجيل : 27/12/2007

مُساهمةموضوع: رد: على جمب ياسطى ... !!   الأربعاء 26 نوفمبر 2008, 1:52 am

Medicalawy كتب:
طبعا كان سواق محنك Very Happy وقام جاى لافف وراجع تانى ودخل البنزينه وراح للراجل بتاع البنزينة عاوز يرفعها

على المكبس ويغسل العربيه والناس جوه Very Happy

هههههههههههههههههههههههههههههههههههه
ههههههههههههههههههههههههههههههههههه
Very Happy Very Happy Very Happy Very Happy
سبحاااااااااااااااان الله ايه التفكير ده
ربنا يهدني
انا مش عارفه أعلق عن الموضوع وأقول ايه
ومش عارفه في حل ينفع ولا المشكلة دي هتفضل كده
ربنا مع الشعب المصري كله
ويصبره علي البلاوي اللي هو فيها

_________________
تـــأكــــد حين تنكســـر ... لن يرممك ســوى نفسك ...
وحيــن تنهـــزم ... لــن ينصرك... سوى إرادتك .....
فقدرتك على الوقــوف مــرة أخـــرى ... لا يملكهــاســـواك ...
فكــن أقـــوى من الدنيــا و ظروفــهـــا ...و مهما حدث لك لاتبــكي ولكن إبتسم...
ودع الــدنيـا تبــكي من جبــــروت إبتســـامتـــك!.
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: على جمب ياسطى ... !!   الأربعاء 26 نوفمبر 2008, 3:14 am

Medicalawy كتب:



أنا ممكن آخد الشنطه كل يوم إنما الدوا هنلاحق دوا منين Very Happy


عادى يا ميديكا كل يوم خدلك شويه دواء افرزهم وهاتهم معاك تانى يوم
tongue tongue tongue

_________________
Image hosted by servimg.com
الرجوع الى أعلى الصفحة اذهب الى الأسفل
مولوتوف
الريشة الفضية للمنتدى
الريشة الفضية للمنتدى
avatar

عدد الرسائل : 2941
العمر : 28
محل الاقامة : .
الوظيفة : .
تاريخ التسجيل : 27/06/2007

مُساهمةموضوع: رد: على جمب ياسطى ... !!   الأربعاء 26 نوفمبر 2008, 8:28 pm

هههههههههههههههه

دى انت اتفسحت تمام Very Happy

احنا المفروض نستخدم الدراجات بعد كده .. ارحم من البهدله دي
الرجوع الى أعلى الصفحة اذهب الى الأسفل
دكتور شاطر
|مشرف|
|مشرف|
avatar

عدد الرسائل : 6294
العمر : 28
محل الاقامة : أرض الله
الوظيفة : من رزق الله
تاريخ التسجيل : 23/09/2007

مُساهمةموضوع: رد: على جمب ياسطى ... !!   الأربعاء 26 نوفمبر 2008, 8:47 pm

انا والله عن نفسى لما بزهق ومش لاقى سرفيس او تاكسى......ببدأ امشى واقول ممكن عربيه ولا تاكسى يقابلنى اركب فيهم....يكونوا فضيوا يعنى

بس للأسف......بلاقينى اخدت المشوار لحد الكليه مشى...سيرا على الاقدام cheers

بس طبعا ده ينطبق على الناس اللى فى شبين......مش اى حد Very Happy
((ممكن انت كمان تعملها يا ابوعياد......اطلع من بيتكم الساعه 4 قبل الفجر......وصلى الفجر فى الطريق وكمل مسيره الالف ميل Laughing ))

زى ما قال السير..........فعلا ممكن نفكر احنا كمان فى حكايه الدراجات

ربنا يسترها

ونلاقى على طول كده الطرق اللى بنمشى عليها............فتره كده ومش هتلاقى طرق تمشى عليها......اما انها تبقى زحمه جدا او يخصصوها وكل خطوه بربع جنيه..........ممكن؟؟ Laughing scratch

سلام
الرجوع الى أعلى الصفحة اذهب الى الأسفل
http://www.islamweb.net
علياء (كلنا ايد واحده)
عضوية شرفية
عضوية شرفية
avatar

عدد الرسائل : 3188
العمر : 29
محل الاقامة : الطريق الي الله
الوظيفة : عابده
تاريخ التسجيل : 07/02/2008

مُساهمةموضوع: رد: على جمب ياسطى ... !!   الأربعاء 26 نوفمبر 2008, 8:56 pm

طب دكتور ميديكالاوي كانت مشكلته في عدم وجود مواصلات
انا لقيت
ركبت من يومين في اتوبيس للكليه
ويا ريتني ما ركبت كان هيبقي ارحم والله
السواق ربنا يكرمه كان مشغل ورده
حكايتي مع الزمان
وطبعا عارفين اللحن بتاعها بطيء ازاي؟
اهو كان ماشي بنفس سرعه اللحن كده
لدرجه ان الطريق الي بياخد 10 دقايق اخد اكتر من نص ساعه
والناس متاخرين ويزعقوله
وهو بيقولهم بمنتهي الروقان
ايه يا جماعه
يعني Fly in the sky ؟؟
كان سواق مثقف والله ومعاه لغات
هنحتاج ايه اكتر من كده يعني؟؟
لنا الله
بس لو الولاد ركبوا دراجات
احنا هنعمل ايه؟؟
الرجوع الى أعلى الصفحة اذهب الى الأسفل
محبة الزهراء
|مشرف|
|مشرف|
avatar

عدد الرسائل : 4903
العمر : 29
محل الاقامة : منتدى القوارير
الوظيفة : وقال ربكم ادعوني أستجب لكم
تاريخ التسجيل : 08/05/2007

مُساهمةموضوع: رد: على جمب ياسطى ... !!   الأربعاء 26 نوفمبر 2008, 8:59 pm

بصراحة
مشكلة المواصلات دي مشكلة جامدة جدا
ربنا يريحنا منها

ان شاء الله ابقى ادخل احكي على التهزيق اللي بناخده كل يوم من السواقين وبعض الركاب
بس انا قايمة دلوقتي

_________________
اللهم أنت ربي لا إله إلا أنت خلقتني وأنا أمتك وأنا على عهدك ووعدك ما استطعت, أعوذ بك من شر ما صنعت ,أبوء لك بنعمتك علىّ وأبوء بذنبي, فاغفر لي فإنه لا يغفر الذنوب إلا أنت....

رب يسر ولا تعسر


الرجوع الى أعلى الصفحة اذهب الى الأسفل
http://www.forsanelhaq.com/
علياء (كلنا ايد واحده)
عضوية شرفية
عضوية شرفية
avatar

عدد الرسائل : 3188
العمر : 29
محل الاقامة : الطريق الي الله
الوظيفة : عابده
تاريخ التسجيل : 07/02/2008

مُساهمةموضوع: رد: على جمب ياسطى ... !!   الأربعاء 26 نوفمبر 2008, 9:01 pm

نسيت اسال عن شنطه الادويه

وصلت سليمه؟؟
الرجوع الى أعلى الصفحة اذهب الى الأسفل
closed
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 3894
العمر : 29
الوظيفة : بداية حياة
تاريخ التسجيل : 02/11/2008

مُساهمةموضوع: رد: على جمب ياسطى ... !!   الأربعاء 26 نوفمبر 2008, 9:21 pm

الموصلات دى اصبحت ذى الفطار كل يوم الصبح
يعنى لو مش اتبهدلت فيها يبقى مش هاعرف اكمل اليوم
ولو لقيت عربيه فاضيه عالطول مش هاركبها (لان كده هيكون فيه حاجه غريبه)
الواحد بقاله اربع سنين بيتبهدل باقى 3 يعنى هانت
وان شاء الله اول مرتب هاقدم بيه على ملاكى

بس احلى حاجه ان الواحد بيطلع من بيته قبل الميعاد بساعه علشان الحق المحاضره
وفى الاخر بيكون البنزين بتاع اليوم خلص وبكون عاوزه انام
اكيد الشنطه وصلت بسلام
وببلاش Very Happy
الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: على جمب ياسطى ... !!   الخميس 27 نوفمبر 2008, 1:38 am

sir lankeshtein سيف الغضب كتب:
هههههههههههههههه

دى انت اتفسحت تمام Very Happy

احنا المفروض نستخدم الدراجات بعد كده .. ارحم من البهدله دي



والله ياعم تبقى فكرة ميه ميه ، بس المفروض تبقى حركه جماعيه بقى عشان متحسش انك مختلف عن باقى الناس Very Happy

وانا شخصيا الدراجه بتاعتى موجودة ومزودة بأحدث الامكانيات Laughing

_________________

الرجوع الى أعلى الصفحة اذهب الى الأسفل
http://www.medicalto.com
 
على جمب ياسطى ... !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: