البوابةالرئيسيةس .و .جبحـثالتسجيلدخول





شاطر | 
 

 امتحان ثانوية عامة 2050!!!!!!!

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
MOHAMED
|مشرف|
|مشرف|


عدد الرسائل : 650
العمر : 26
محل الاقامة : مصر أم الدنيا
الوظيفة : طالب علم
تاريخ التسجيل : 20/09/2007

مُساهمةموضوع: امتحان ثانوية عامة 2050!!!!!!!   الأحد 02 نوفمبر 2008, 12:40 am

الزمان: يونيو 2050

الحدث: امتحان ثانوية عامة!!!!!!!!!!!!



المشهد الأول

المكان: فوق سطح إحدى المدارس
لجنة رقم 3!!!!!!!!
----------------------------------------------------------------------

الطالب: يا أستاذ .. بعد إذنك ورقة الإجابة طارت من الهوا ووقعت تحت

الأستاذ: طيب انت مش مفروض كنت تخلي بالك منها

معلش يا أستاذ آخر مرة

الأستاذ: طيب انزل بسرعة هاتها من تحت وتعالى وما تتكلمش مع زمايلك اللي بيمتحنوا على السلم!!!!!!!!!!!!!!!!!!!!!!!!!!

ومتتأخرش!!!

الرجوع الى أعلى الصفحة اذهب الى الأسفل
http://www.mohamedalaa.info
MOHAMED
|مشرف|
|مشرف|


عدد الرسائل : 650
العمر : 26
محل الاقامة : مصر أم الدنيا
الوظيفة : طالب علم
تاريخ التسجيل : 20/09/2007

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 12:41 am



المشهد الثاني

المكان: منزل الطالب

-----------------------------------------------------------------------

الأب: ازيك يا أحمد يا ابني عملت ايه النهاردة في الامتحان

الابن: الحمد لله يا بابا كان الامتحان كويس خالص وكله جاي بالنص من مذكرة الامتحانات قصدي من نماذج الوزارة!!!

الأب: طب كويس .. بيقولوا كان في حادثة عربية جنب المدرسة النهاردة اوعى تكون شغلتك عن الامتحان

الابن: لأ يا بابا أنا اللجنة بتاعتي السنة دي ما كانتش على الرصيف زي السنة اللي فاتت احنا كنا على سطح المدرسة

لكن زمايلي اللي كانوا بيمتحنوا في اللجنة اللي بره حكولي عليها ..
وبيقولوا إن سواق التاكسي هو اللي كان غلطان لإن هو اللي كان ماشي بسرعة

وفي حد من زمايلك اتعور؟؟؟

لأ هو كان في واحد كانوا هيخبطوا فيه لكن هو خد باله وقام بسرعة فما جرالهوش حاجة الحمد لله

بس كويس إنك كنت في اللجنة اللي فوق السطح أكيد كانت هادية شوية

آه هي فعلاً كانت هادية .. ألا صحيح يا بابا

واحد صاحبي بيقولي حاجة غريبة أوي النهاردة

خير إن شاء الله

إنتم من حق ايام زمان كنتم بتمتحنوا جوا الفصول وجوا أوض كده بيقولوا عليها قاعات الامتحانات

ياااااااااااااااااه يا ابني ده زمن كبير قوي

احنا كنا بنمتحن فعلاً في حاجة اسمها قاعات الامتحانات

بس دي أكيد بتشكل ضغط نفسي كبير عليكم

ههههههههه

ما هم لغوها عشان كده

هم مين اللي لغوها

شوف يا ابني دي حكاية طويلة قوي تعالى معايا لحد المكتب وأنا هوريك شوية صور كده عشان أعرفك الموضوع ده ايه قصته


الرجوع الى أعلى الصفحة اذهب الى الأسفل
http://www.mohamedalaa.info
MOHAMED
|مشرف|
|مشرف|


عدد الرسائل : 650
العمر : 26
محل الاقامة : مصر أم الدنيا
الوظيفة : طالب علم
تاريخ التسجيل : 20/09/2007

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 12:42 am



المشهد الثالث

المكان: مكتب الأب .. الأب يجلس وأمامه ألبوم من الصور

---------------------------------------------------------------------------------

شوف يا ابني زمان أوي إيام ما كنا في كلية طب المنوفية ...

ايه ده يا بابا .. هو كان في زمان كلية اسمها كلية طب المنوفية؟؟؟؟!!!!!!!!!!

هههههههههههههههه

لأ دي حكاية طويلة قوي أبقى احكيلك عليها بعدين

يعني انت يا بابا كنت دكتور

هههههههه .. لأ يا ابني أنا سبت الكلية قبل ما اتخرج

من اللي حصلنا فيها

لعلمك معظم الناس اللي انت شايفهم دلوقتي كانوا زمايلنا برضه في الكلية دي

يعني عندك مثلاً عم محمد بتاع الطعمية اللي جنبنا كان زميلي في السكشن

وعم إبراهيم بتاع السوداني كان معانا برضه في الدفعة

وأنا هوه والحمد لله جبت عربية كارو وبقيت بياع روبابيكيا قد الدنيا!!!!!!!!!!!!!!!!!


المهم إننا زمان لما كنا في الكلية كان في حاجة كده زي أوض التعذيب اللي بتيجي في التليفزيون كان اسمها قاعة الامتحانات

وكانوا كل ما يحبوا يعذبوا الدفعة يقوموا يعملوا امتحان ويدخلونا القاعات دي

المهم إن جم كده واحنا في سنة تانية

وعملوا حاجة كانت غريبة اياميها

والإدارة امتحنت الطلبة بتوع الماجستير في الطرقات وقدام المدرجات

طبعاً الإدارة ما كانتش عاملها كنوع من التطوير

لكن قال ايه هم حطوا امتحانات سنة ستة في نفس الأيام مع الماجستير

ومخدوش بالهم اظاهر فقالوا شوفوا بقى احنا مش هنطلع عيال وهنتصرف

نفرشلهم حصيرة في ال hall ونمتحنهم عليها

قام عم حمدي جه وقالهم حصيرة ايه يعني برضه ينفع دكتور يمتحن على حصيرة

أنا عندي جوه شوية كراسي متكسرة ممكن نصلحها ونحطهالهم يمتحنوا عليها ونوقف شوية مراقبين والعملية هتبقى تمام

طبعاً بعد ما الكلام ده اتطبق استسهلوا العملية وعمموها

ولما مسؤول جه الكلية وشاف النظام عجبه جامد وقال ما دام بتوع طب عملوها ييبقى أكيد هم بيفكروا كويس

نقوم مقلدينهم

وعمموا التجربة لحد ما وصلت ليكم انتم الأجيال الجديدة دلوقتي

ولما جت لجنة الجودة من بره وشافوا النظام انبهروا بيه وقرروا إنهم يطبقوه عندهم

ومن هنا اتلغت فكرة القاعات

بس يا بابا إلغائها ده حاجة كويسة خالص وبتخليك تحس إنك free

ومش في امتحان خالص

انتم الكلية بتاعتكم دي واضح إنها كانت كلية عظيمة!!!!!!!!

أيوه يا ابني هي كانت عظيمة فعلاً لكن تقول ايه في ناس بتكره التطوير موت

يعني ايام الحكاية دي ما اتعملت

طلع شوية ناس كده قال ايه متضايقين من اللي بيحصل ده وقال ايه بيقولوا إن الكلية مش عارفة تنظم مواعيد الامتحانات

وطلع شوية طلبة من بتوع الماجستير برضه زهقانين

قال ايه؟؟؟

مش عارفين يركزوا من أصوات الطلبة وهم معديين من وسطهم وهم طالعين من المحاضرة

مع إننا والله كنا بنتكلم بصوت واطي خالص وعددنا كان يا دوب يجي 200 واحد بعد التقسيمة الجديدة و200 واحد كمان في سنة أولى

يعني المجموع كله 400 واحد وكان في مراقبين مع إن صوتنا كان واطي جداً

وقاعدين يقولولنا يا دكاترة وطوا صوتكم عشان في ناس بتمتحن

وكانوا حاطين خشبة كبيرة كده على السلم ورابطينها بحبل عشان ينظموا عملية الطلوع على السلالم

وحتى احنا واحنا خارجين كانوا عاملينلنا زي مسارات في وسطهم عشان منشوشرش عليهم لا سمح الله

عموماً هي جت كده

وواحد صاحبنا كان بيحب يصور قام مصور شوية صور في آخر الامتحان مع إن معظم اللي بيمتحنوا كانوا مشيوا

لكنها بتعبر عن امتحان الماجستير اللي أنا بحكيلك عليه ده


"ربنا يخليلنا كليتنا الجميلة وأفكارها الإبداعية"

................................

الصور في الرد القادم


الرجوع الى أعلى الصفحة اذهب الى الأسفل
http://www.mohamedalaa.info
MOHAMED
|مشرف|
|مشرف|


عدد الرسائل : 650
العمر : 26
محل الاقامة : مصر أم الدنيا
الوظيفة : طالب علم
تاريخ التسجيل : 20/09/2007

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 12:43 am



طبعاً اللي أنا شفته ده كان في نظري مهزلة بكل المقاييس

يعني عمري ما كنت أتصور إن في كلية في الدنيا تعمل العمايل دي

صحيح في كليات تانية في المجمع ممكن تكون ظروف الأعداد الكبيرة وعدم وجود أماكن كافية

تخليها تعمل لجان في أماكن غير القاعات

لكن ده بسبب العدد الكبير من ناحية

ومن ناحية تانية

متصورش أبداً إن حتى لو امتحنوهم بره القاعات إن الهيصة اللي حصلت وبتحصل كل مرة بتحصل هناك

يعني ناس طالعة على السلم وناس نازلة

ناس طالعة من المحاضرة وناس داخلة

ناس معدية من وسطهم عشان يوصلوا الناحية التانية

وطبعاً كل الناس بتكون مراعية ظروفهم .. وبيتكلموا بصوت واطي جداً

وطبعاً المراقبين بيأدوا دورهم بكل جدارة وعمالين يسكتوا في الناس اللي بتعدي

وطبعاً الخشبة العجيبة اللي كانت على السلم دي لوحدها معجزة!!

بجد أنا مش لاقي كلام أعبر فيه عن اللي حصل

لكن نقول ايه؟؟؟

!!!!!!!!!!!!!!!!!!

إليكم الصور

اللي بالمناسبة متاخدة في آخر ساعة من الامتحان

يعني بعد ما طلبة مشيوا من الامتحان فعلاً


الرجوع الى أعلى الصفحة اذهب الى الأسفل
http://www.mohamedalaa.info
MOHAMED
|مشرف|
|مشرف|


عدد الرسائل : 650
العمر : 26
محل الاقامة : مصر أم الدنيا
الوظيفة : طالب علم
تاريخ التسجيل : 20/09/2007

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 1:25 am







الرجوع الى أعلى الصفحة اذهب الى الأسفل
http://www.mohamedalaa.info
make a wish
|مشرف|
|مشرف|


عدد الرسائل : 4803
العمر : 30
الوظيفة :
تاريخ التسجيل : 02/05/2008

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 1:53 am

الصور ديه بتفكرني بايام ثانوي

بتوع المنازل كانوا بيمتحنوهم في الطرقه برده

مع الفارق........ان في الوقت ده كانت المدرسه كلها بتمتحن

يعني محدش طالع ولا نازل بيعمل دوشه

........................................................................

نيجي بقه للظاهره الظريفه ديه

اكيد فيه حكمه كبيره ورا الموضوع ده........احنا بعقلنا الصغير منقدرش نوصلها

وان كنت برجح انهم بيحاولوا يحطوا الدكاتره في نفس مود العياده الزحمه وهمه بيجابوا

عشان يبقي فيه مصداقيه اكتر في التقدير................!!!!!!!!!!!!!

..........................................................................

انا مش فاهمه انتوا ليه متضايقين

والله المسئولين دول قلبهم طيب

دول حتي مرضيوش يعملوا الامتحان في الهول تحت وطلعوهم في دور عالي باين الرابع اهه

عشان همه لسه ماجستير

وقالوا نخلي الهول ده بقه لامتحانات الدكتوراه ........يكون ساعتها الدكتور بقي محنك في المسائل ديه

.........................................................................

وبعدين ديه نتيجه طبيعيه ومنطقيه لمسيره التعليم المنظمه اللي بنتشرف بالانتماء ليها

في جامعتنا الموقره................

اقتباس :

لعلمك معظم الناس اللي انت شايفهم دلوقتي كانوا زمايلنا برضه في الكلية دي

يعني عندك مثلاً عم محمد بتاع الطعمية اللي جنبنا كان زميلي في السكشن

وعم إبراهيم بتاع السوداني كان معانا برضه في الدفعة

وأنا هوه والحمد لله جبت عربية كارو وبقيت بياع روبابيكيا قد الدنيا!!!!!!!!!!!!!!!!!

lol!

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
دومــ لكـ الحمد ــا
|مشرف|
|مشرف|


عدد الرسائل : 3131
العمر : 29
محل الاقامة : unable 2 connect
الوظيفة : أتمنى رضا الله
تاريخ التسجيل : 17/12/2007

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 7:51 am

هو اللى حاصل عندنا في كليتنا

إنهم بيمتحنوا أهم سنين في الكلية على الإطلاق في الشارع تقريبا

و كل ده ليه؟؟
عشان المدرجات الزيادة اللى أخدتها بقية الدفعات

يعنى هما بيتعبوا طول السنة عشان في الاخر أهم لحظة اللى هتقيم مجهودهم

تبقى بالاستهار ده !!!!!

لنا الله .........

اقتباس :

اكيد فيه حكمه كبيره ورا الموضوع ده........احنا بعقلنا الصغير منقدرش نوصلها

وان كنت برجح انهم بيحاولوا يحطوا الدكاتره في نفس مود العياده الزحمه وهمه بيجابوا

عشان يبقي فيه مصداقيه اكتر في التقدير................!!!!!!!!!!!!!

جايز برضه..



_________________
[center]

ــــــــــــــــــــــــــــــــــــــــــــــــــــــــــ


*****************************
[/center]
الرجوع الى أعلى الصفحة اذهب الى الأسفل
نهــ واإسلاماه ــال
.
.


عدد الرسائل : 3214
العمر : 30
محل الاقامة : مع أفكاري
الوظيفة : PSYCHIATRIC RESIDENT
تاريخ التسجيل : 13/08/2008

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 10:27 am



معلش أصل الموضوع جه علي الوجيعة
الرجوع الى أعلى الصفحة اذهب الى الأسفل
http://www.mosshaf.com/web/
Dr.House
عضوية شرفية
عضوية شرفية


عدد الرسائل : 2209
العمر : 30
الوظيفة : طالب
تاريخ التسجيل : 01/02/2007

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 11:39 am

ههههههههههههه

موضوع جامد جدا يا Egy

واضيعك رهيبه بجد ماشاء الله

ههههههههههه

والله الكليه دي بتفكرني

بسيدي خميس

يوم الخميس

_________________
Yes.... We Can
الرجوع الى أعلى الصفحة اذهب الى الأسفل
أمير شومان
أخ أكبر
أخ أكبر


عدد الرسائل : 819
العمر : 32
محل الاقامة : In my Grandfather Home
الوظيفة : Project
تاريخ التسجيل : 09/12/2006

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 1:36 pm


موضوع جامد جدا جدا
وشكرا ليك يا Egy


وشكر خاص للعقلية المصرية اللي ما بتغلبش وعندها حلول لكل حاجة ومش مهم الآدمية
ولا مراعاة أقل حقوق الطالب اللي بيمتحن بمجرد توفير مكان محترم يعرف يمتحن فيه

وشكر خاص للجودة والقائمين علها وطبعا ما أقصدش حد بشخصه

وشكر خاص للي حط جدول الماجستير وهو عارف إن جدول سنة سته محطوط من 6 شهور أو أكثر

وشكرا لكل مسؤل بيعدي ويشوف المهزلة دي وما بياخدش أي إجراء ولو حتى يعتذر

شكرا لكل الناس اللي بتفكر
وشكرا لكل الناس اللي بتحترم آدميتنا

وعمار يامصر
الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات


عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 2:16 pm

ياجدعان السادة المسئولين اتعودوا على كده !!

اتعودوا أن الطالب ده تحت رحمتهم أو المواطن عموما

يعنى الطالب هييجى طلعان عينه يوم الامتحان الصبح مش بيفكر فى أى حاجة غير الكلمتين

اللى هيقلبهم فى الورقة !!

والله لو اديته ورقه اسئله واجابه وقعدته على الارض هيحل برده

هما لو عندهم شك واحد فى الميه ان الطلبه لو لقوا المكان غير آدمى الدفعه كلها

هتقول مش هنمتحن هيضطروا يوفروا مكان غصب عنهم بأى طريقه

لكن هما خدونا على كده .. احنا بناخد على قفانا ومنقولشى أى

مش عارف بقى تعود ، ولا غلط فى لتربيه ، ولا ثقافه مجتمع

الله اعلم

بس هو ده حالنا

وطالما احنا رضينا نكون سلبيين .. نستحمل اللى يجرى لنا فى سكون وهدوء وسكينه

_________________

الرجوع الى أعلى الصفحة اذهب الى الأسفل
http://www.medicalto.com
أيام للتاريخ
|مشرف|
|مشرف|


عدد الرسائل : 6935
العمر : 25
محل الاقامة : .
الوظيفة : .
تاريخ التسجيل : 25/01/2008

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 8:53 pm

هههههههههههههههه
موضوع جامد يا ايجى...
بجد انا مش متخيل انى فى يوم هعد فى الطرقة امتحن والاقى ناس طالعة وناس داخلة وناس بتهزر وناس بتجرى...والمطلوب منى انى احل امتحان الماجيتستير اللى اكيد ما يتخيرش عن بقية الامتحانات اللى يدوبك بنخلص فيها على الوقت ....(ده اذا خلصنا اصلا)
.........
NOoOoOoO COMMENT

_________________



يــــــــــــــــــــــــــــــارب




الرجوع الى أعلى الصفحة اذهب الى الأسفل
YouS
|مشرف|
|مشرف|


عدد الرسائل : 3273
العمر : 28
محل الاقامة : white kingdom
الوظيفة : Ya 3m Fokek MeNe
تاريخ التسجيل : 30/11/2006

مُساهمةموضوع: رد: امتحان ثانوية عامة 2050!!!!!!!   الأحد 02 نوفمبر 2008, 9:03 pm

على فكره

اكيد سنه 6 والماجستير مصيفوووش

فحبوا يعملولهم الامتحان بره عشان الحر بس

ويكون الجو لطيف

وبدل ما يشغلولهم كاسيت او اغانى برده

اصوات الطلبه كلها مزيكا اساسا

وهى دى مصر امى

وهما دول ولادك يا مصر

الله عليكي يامصر لما المصرى يشغل دماغه

بيبتكر احلى ابتكاااار

وادينى كمان اديني

_________________




اذا استطعت تكوين الحلم فى ذهنك وزرعه فى قلبك
ولم تدع فرصة لشكوكك لكى تخمده..فمن الممكن ان يصبح حلمك حقيقة تغير حياتك


واهتم بان تحصل على ماتحبه والا ستكون مجبرا على ان تقبل ماتحصل عليه


الرجوع الى أعلى الصفحة اذهب الى الأسفل
Tawfi2
عضو ذهبي
عضو ذهبي


عدد الرسائل : 1119
العمر : 28
محل الاقامة : مصر أم الدنيا
الوظيفة : student
تاريخ التسجيل : 11/03/2008

مُساهمةموضوع: رد: امتحان ثانوية عامة 2050!!!!!!!   الإثنين 03 نوفمبر 2008, 2:17 am

بصراحة المنظر غير لائق بدكاترة بتمتحن ماجستير ودكتوراة

أعتقد ان لو لجنة الجودة شافت دة كان ..............(لا تعليق)

وشكرا على الموضوع طبعا

الرجوع الى أعلى الصفحة اذهب الى الأسفل
Mahmoud
عضو نشيط
عضو نشيط


عدد الرسائل : 99
العمر : 26
الوظيفة : الله اعلم
تاريخ التسجيل : 06/10/2008

مُساهمةموضوع: رد: امتحان ثانوية عامة 2050!!!!!!!   الإثنين 03 نوفمبر 2008, 2:28 am

ا
بلاااااااه ماجستير
الرجوع الى أعلى الصفحة اذهب الى الأسفل
MOHAMED Z
عضو سوبر
عضو سوبر


عدد الرسائل : 477
العمر : 26
محل الاقامة : ,,,,,,,,
الوظيفة : ////////
تاريخ التسجيل : 21/06/2008

مُساهمةموضوع: رد: امتحان ثانوية عامة 2050!!!!!!!   الثلاثاء 04 نوفمبر 2008, 7:21 pm

ههههههه ..ماتفكرنيش

طبعا كنت قاعد علي السلالم هتجنن من المنظر ...وعلي راي محمود بلااااااااة ماجستير ؟؟؟؟؟؟
الرجوع الى أعلى الصفحة اذهب الى الأسفل
Emy...Cheesecake
|مشرف|
|مشرف|


عدد الرسائل : 2498
العمر : 27
محل الاقامة : منتدى القوارير
الوظيفة : ..
تاريخ التسجيل : 14/03/2007

مُساهمةموضوع: رد: امتحان ثانوية عامة 2050!!!!!!!   الثلاثاء 04 نوفمبر 2008, 7:43 pm

بصراحة الناس دول بيصعبوا عليا اوى بجد دا الجو غير مشجع لاى حاجة
بس معلش يعنى هما ما كانوش عارفين ان اللجنة هتبقى برا
كان ممكن يقدموا طلب ان المكان غير مناسب
تقريبا على ايامنا هنبقى كتير اوى فاللجان هتبقى فw.c
ولا عزاء للسيدات...............
الرجوع الى أعلى الصفحة اذهب الى الأسفل
بسمة فجر
|مشرف|
|مشرف|


عدد الرسائل : 8442
العمر : 29
محل الاقامة : بيت زوجي
الوظيفة : طبيبة جديدة
تاريخ التسجيل : 01/12/2006

مُساهمةموضوع: رد: امتحان ثانوية عامة 2050!!!!!!!   الثلاثاء 04 نوفمبر 2008, 8:17 pm

حراااااااااااااااااااااااام

مهزلة بكل المقاييس

هنقول ايه بس !!!!!!
.
.
.
.
.
.

بس مش احنا اللي لازم نقول

اللي بيمتحنوا هما اللي كان لازم يتكلموا

بس امتى وازاي ؟؟
.
.
.
.

!!!!!!!!!!

_________________
الثورة دى بداية زى الهجرة والميلاد
الثورة دى بسملة كمل بقى الآية

●●●

مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية
الرجوع الى أعلى الصفحة اذهب الى الأسفل
http://www.goodwayinlife.com/forum/index.php
Mohammed.badR
|مشرف|
|مشرف|


عدد الرسائل : 485
العمر : 26
الوظيفة : aho 3ayesh welsalam
تاريخ التسجيل : 24/08/2008

مُساهمةموضوع: رد: امتحان ثانوية عامة 2050!!!!!!!   الثلاثاء 04 نوفمبر 2008, 9:44 pm


ههههههههههههههههههههههه
ايه ياعم ايجي ده
موضوع تحفة
انا عمري مافكرت انك هتعرضه كده
بجد برافو علي الطريقة دي
_
__
___
بالنسبه للموضوع نفسه
بجد
noOoOo Comment
آل يا فرعون ايش فرعنك ؟؟؟ ملقتش حد يلمني
مهو احنا اللي ساكتينلهم!!!
الرجوع الى أعلى الصفحة اذهب الى الأسفل
Dяεaм
:: الريشة الذهبية للمنتدى::
:: الريشة الذهبية للمنتدى::


عدد الرسائل : 4297
العمر : 26
محل الاقامة : ...
الوظيفة : ...
تاريخ التسجيل : 29/02/2008

مُساهمةموضوع: رد: امتحان ثانوية عامة 2050!!!!!!!   الخميس 06 نوفمبر 2008, 9:34 am


بجد بجد nooooooooo comment
احنا جربناها فعلا...في امتحان الانتومي اللي فااات..
وبجد كانت مهزلة..
واللي طالع واللي نازل بيتفرج علينا ويتريق...
بجد مش عرفنا نركز خااااااالص....
ربنا يكون في عون الناس بتوع الماجستير والدراسات العليا....اللي كانوا بيمتحنوا
الرجوع الى أعلى الصفحة اذهب الى الأسفل
قدامنا لسـه عبــور تانى..
|مشرف|
|مشرف|


عدد الرسائل : 1291
العمر : 26
الوظيفة : trying
تاريخ التسجيل : 13/08/2008

مُساهمةموضوع: رد: امتحان ثانوية عامة 2050!!!!!!!   الخميس 06 نوفمبر 2008, 6:06 pm


فعلا والله العظيم مهزله بكل المقاييس..
انا كان متهيألى ان احنا بنمتحن ف الشارع ..
واللى طالع واللى نازل بيتفرج علينا واللى يضحك واللى يتريق ..
ودا كان امتحان اناتومى عليه كام درجه..
مابالنا بالناس دى اللى بتمتحن ف الماجيستير والدراسات العليا دى..
بجد ربنا معاااااااااااااااااهم،،

وشكرا لحضرتك اوى يا دكتور ايجى ..
اولا على طرحك للموضوع..
ثانيا على طريقه عرضك ليه ..
شكراااااااااااااااا

_________________


الحــــمد لله كثيرا ..



يا مــــصـــــر يـا أم الـدنـيا .. يـــا أغــلـــى الأوطــــــــان

مـيــــن دا الـلـــــي يـقــــدر يوصـــل بـيـكـــي لـبـر أمـــــــان

ويـعـــدي بـيـكي على بكـــــــــره ..غــيــــر الــشــجـــــعان !!

الرجوع الى أعلى الصفحة اذهب الى الأسفل
Dr,Gwyly
:: الريشة الذهبية للمنتدى::
:: الريشة الذهبية للمنتدى::


عدد الرسائل : 6951
العمر : 26
الوظيفة : Dr,Gwyly
تاريخ التسجيل : 20/08/2008

مُساهمةموضوع: رد: امتحان ثانوية عامة 2050!!!!!!!   الخميس 06 نوفمبر 2008, 6:13 pm

spy kid كتب:

فعلا والله العظيم مهزله بكل المقاييس..
انا كان متهيألى ان احنا بنمتحن ف الشارع ..
واللى طالع واللى نازل بيتفرج علينا واللى يضحك واللى يتريق ..
ودا كان امتحان اناتومى عليه كام درجه..
مابالنا بالناس دى اللى بتمتحن ف الماجيستير والدراسات العليا دى..
بجد ربنا معاااااااااااااااااهم،،

الرجوع الى أعلى الصفحة اذهب الى الأسفل
بسمة فجر
|مشرف|
|مشرف|


عدد الرسائل : 8442
العمر : 29
محل الاقامة : بيت زوجي
الوظيفة : طبيبة جديدة
تاريخ التسجيل : 01/12/2006

مُساهمةموضوع: رد: امتحان ثانوية عامة 2050!!!!!!!   الخميس 06 نوفمبر 2008, 8:38 pm

...It’s Over كتب:
....
ربنا يكون في عون الناس بتوع الماجستير والدراسات العليا....اللي كانوا بيمتحنوا

الحمد لله

ربنا رحمهم وخلّصوا النهاردة

_________________
الثورة دى بداية زى الهجرة والميلاد
الثورة دى بسملة كمل بقى الآية

●●●

مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية
الرجوع الى أعلى الصفحة اذهب الى الأسفل
http://www.goodwayinlife.com/forum/index.php
-
عضو ذهبي
عضو ذهبي


عدد الرسائل : 1319
العمر : 31
الوظيفة : .
تاريخ التسجيل : 18/11/2007

مُساهمةموضوع: رد: امتحان ثانوية عامة 2050!!!!!!!   الخميس 06 نوفمبر 2008, 9:04 pm

شكرا يا ايجي علي طرحك للموضوع

بس ابقو قابلوني لو حاجه اتغيرت

ده المولد منظم عن كده

!!!


الرجوع الى أعلى الصفحة اذهب الى الأسفل
Mirage
|مشرف|
|مشرف|


عدد الرسائل : 5939
العمر : 26
محل الاقامة : -
الوظيفة : -
تاريخ التسجيل : 30/09/2008

مُساهمةموضوع: رد: امتحان ثانوية عامة 2050!!!!!!!   الجمعة 07 نوفمبر 2008, 2:20 am

no comment
الرجوع الى أعلى الصفحة اذهب الى الأسفل
 
امتحان ثانوية عامة 2050!!!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية
 مواضيع مماثلة
-
» علماء البيئة فى مصر يحذرون من غرق الدلتا بحلول عام 2050
» تحذيرات من انفجار سكاني عام 2050 .. خبراء: نتائج خطيرة على صعيد الماء والغذاء والطاقة
» حوار مذيعة مع شاب عام 2050
» شوفو كيف بنجهز حالنا للمدرسة ب 2050

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: