البوابةالرئيسيةس .و .جبحـثالتسجيلدخول





شاطر | 
 

 ظواهر ايام الامتحانات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
YouS
|مشرف|
|مشرف|


عدد الرسائل : 3273
العمر : 28
محل الاقامة : white kingdom
الوظيفة : Ya 3m Fokek MeNe
تاريخ التسجيل : 30/11/2006

مُساهمةموضوع: ظواهر ايام الامتحانات   الجمعة 31 أكتوبر 2008, 3:48 am

سبع فوايد للامتحانات




أولا

ًموسم الامتحانات أعظم فرصة على الإطلاق

للنوم،ولا نوم أهل الكهــــف كــده، أول ما

يبدأ الشهر اللي قبل الامتحــان تلاقيك بتنام

بالعشرين ساعة وبتصحى ساعتين علشان

ترجع تنام تاني كنوع من الــتغـــيــير يعني،

والحجة الجاهــــزة:امتحـــانـات.. والــواحد

بيعوّض فــي الـــنوم عــشان يــعرف يذاكر

*******


ثانيا
ً

الامتحانات فرصة هايلة لهــواة الاكــتئاب

والسوداويين لممارسة هوايتهم المفضلة

في الاكتئاب والإكئـــاب في نفــس الوقــت..

لو حد سألك مالك؟ متــسيبهوش إلا وهو

متأكد إنك ساقط ساقــط وإن مـــستقبلك

ذهــــب مـــع الريــح بلا رجعــة وإنــك"

مــفــقــود مــفـــقــود مــفــقــود" ياولدي،

ومتقلــقــش.. بــراحـــتك أوي في العياط

لو عايز واللطم كمان مفيش مانع

*******




ثالثاً

لو طبقت القاعدة اللي فاتـــــت باحـــترافية

هتلاقي القاعدة التالتة هلت عليك بفوايدها

، بما انك هتعيش دور المكتـــئب المخنوق

اللي مش طايق نفسه ولا حياته ساعتها

ممكن تتسرب من البيت كل يــــوم باليل

بحجة إنك متضايق ومحـــتاج تـــشـــم

هوا بعيد عن الكتب والبيــت والــمذاكرة

أو ترجع برضو للفايــدة رقـــم واحــد،

عندك أوبشنز كتير.. وهيّص ياعم براحتك..

دي امتحانااااات

*******




رابعاً

وانطلاقا من القاعدة التالتة ممكن تستهلك

حجة إنك مش فاهم حــاجة فـــي المـــادة

وعايز تذاكـــر مع اصـــحــابك، وقتها بقى

ممكن تعــيشـــوا براحتكوا على أي قهوة

أو مـــول، ولــو الأمــور ماتـــظبـــطتش

ابقـــــــوا برروا حكـــاية المـــول دي إن

عنـــــدكــــم مــادة مقـــررة اســـمها علم

الاجـــتمــــاع فـــــــي ظـــروف مواتـــية

للتـــواصـــل مـــع قـــــوى الشعب


*******




خامساً

عندك نت؟.. حلو أوي، الامتحانات بتهيأ لك

الفرصة عشـــان تــستــخـــدم جملة: بجيب

حاجات للمـــادة مـــن علــــى الـــنت ..

كل ما تحب تقعد عليه اديهـــم الـــجمـــلة

المتينة دى بـــس خلـــي بالـــك لازم تكون

منطقـــي ومــقــنع لأن مفــيــش حد بيقعد

ست سبع ساعات بيجيب في صـــفحـــتين

من الــنـــت، الأهـــالي مبقـــوش طيبـــين

وبـــيصــدقــوا الــحــاجـــات دي زي زمان

للأسف فما تبقاش انت ولامؤاخذه فهمك تقيل

*******




سادساً

الامتــحانــات بتتيــح لــك الــفرصــة تعـــيـــش حــياة

بوهيمـــية خـــالصـــة، ولــمنـــاهضـــي النــضـــافـــة

ممكـــن تـــستـــعبط وتســـيب فـــروتك.. شــعرك يعني

.. زي ماهو من غير حلاقـــة بحجــة إنـــك معنــــدكش

وقـــت تســـرّحـــه والتــــفاهـــات دي، أو تطلق لدقنك

الــــعــنـــان وأهـــو بالـــمــرة بـــتـــدّي مـــنــــظر وقور..

قال يـــعنـــي الـــواد طاحــــن نفســــه فـــي المــذاكــرة

وهـــلكـــان ياحـــبة عينـــي أما لهواة ترييح الجمجمة

ممـكن تروح تـــجيـــب شـــعرك ع الـــزيرو بـــحجـــة

بـــرضـــو إنـــك مـــش فـــاضـــيـــله، بــــكــدة هتوفر

تمن كيــــــــــلو الجـــيل اللـــي بــــتنــقـــع شـــعـــرك

بيه كل مرة وانت نازل الشارع

*******




سابعاً

مخك شغال طول السنة زي النحلة في التفكير

، بمعنى انك بتفكر في كل حاجة إلا الـــدراسة

ولا تقلق خااالص في الامتحانات مش هتلاقي

وقت تهرش أصلاً، يعني لا هتفكر في البت اللي

سابتك ولا الواد صاحــــبك النـــدل، ولا انتي

هتفكري في العريس اللي مبيجيش وعلانة

اللي اتجوزت قبليكي مع انك احلى منها

*******


انا قاصد احط التوبيك دا يا جماعه فى حاله حوار عشان نناقشه بجد

اهو طريقته هزليه او فيها سخريه نوعاا ما

بس بجد انا واحد بيعمل اكتر من 90% من الحاجات دى فعلا

ياترى ايه الحل بجد ...

انا حاسس ان مفيش حل للحاجات دى خلاص

ههههههههههههههههههههه

_________________




اذا استطعت تكوين الحلم فى ذهنك وزرعه فى قلبك
ولم تدع فرصة لشكوكك لكى تخمده..فمن الممكن ان يصبح حلمك حقيقة تغير حياتك


واهتم بان تحصل على ماتحبه والا ستكون مجبرا على ان تقبل ماتحصل عليه


الرجوع الى أعلى الصفحة اذهب الى الأسفل
البرنسيسة جولييت
عضو ماسي
عضو ماسي


عدد الرسائل : 1719
العمر : 30
الوظيفة : اللى ربنا عايزه
تاريخ التسجيل : 20/04/2007

مُساهمةموضوع: رد: ظواهر ايام الامتحانات   الجمعة 31 أكتوبر 2008, 4:55 am

YouS.ReNeW كتب:



ثانيا
ً

الامتحانات فرصة هايلة لهــواة الاكــتئاب

والسوداويين لممارسة هوايتهم المفضلة

في الاكتئاب والإكئـــاب في نفــس الوقــت..

لو حد سألك مالك؟ متــسيبهوش إلا وهو

متأكد إنك ساقط ساقــط وإن مـــستقبلك

ذهــــب مـــع الريــح بلا رجعــة وإنــك"

مــفــقــود مــفـــقــود مــفــقــود" ياولدي،

ومتقلــقــش.. بــراحـــتك أوي في العياط

لو عايز واللطم كمان مفيش مانع

*******





هههههههههههههههههههههههههههههههههههههههههههههههههههههههههههه
ده اللى بيحصل معايا وبتكون حاجة غير تلقائية بتحصل لوحدها كده
واول ما اخد اجازة ارجع لطبيعتى
بس بصراحة بعد اللى حصل فينا السنة دى وبعد معاناة طويلة مش عارفة ارجع لطبيعتى انا فى حالة shock Shocked
الرجوع الى أعلى الصفحة اذهب الى الأسفل
make a wish
|مشرف|
|مشرف|


عدد الرسائل : 4803
العمر : 30
الوظيفة :
تاريخ التسجيل : 02/05/2008

مُساهمةموضوع: رد: ظواهر ايام الامتحانات   الجمعة 31 أكتوبر 2008, 5:06 am

الحل الوحيد

انك تدرس حاجه انت بتحبها بجد ومقتنع بيها بجد مش بتغصب نفسك عليها

عشان الامتحان ميبقاش بالنسبه لينا بعبع بنخافه ومع ذلك بنهرب منه بكل الطرق

وبم ان محدش مقتنع باي نوع من انواع التعليم في مصر سواء لانه فعلا وحش او لانه بيتقال عليه كده

وبم ان مفيش قدوه كويسه تحببك في اللي بتدرسه سواء مش موجوده او عشان مفيش وقت

وبم ان معظمنا لسه بيدخل الكليه ظروف نتيجه مش اكتر

يبقي اللي فوق ده لما يحصل شويه قوي علي اللي المفروض يحصل

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
YouS
|مشرف|
|مشرف|


عدد الرسائل : 3273
العمر : 28
محل الاقامة : white kingdom
الوظيفة : Ya 3m Fokek MeNe
تاريخ التسجيل : 30/11/2006

مُساهمةموضوع: رد: ظواهر ايام الامتحانات   الجمعة 31 أكتوبر 2008, 3:48 pm

هو ايه اللى المفروض يحصل ؟؟

_________________




اذا استطعت تكوين الحلم فى ذهنك وزرعه فى قلبك
ولم تدع فرصة لشكوكك لكى تخمده..فمن الممكن ان يصبح حلمك حقيقة تغير حياتك


واهتم بان تحصل على ماتحبه والا ستكون مجبرا على ان تقبل ماتحصل عليه


الرجوع الى أعلى الصفحة اذهب الى الأسفل
sparklin star
عضو ذهبي
عضو ذهبي


عدد الرسائل : 1357
العمر : 26
محل الاقامة : on earth
الوظيفة : just smile
تاريخ التسجيل : 01/10/2007

مُساهمةموضوع: رد: ظواهر ايام الامتحانات   الجمعة 31 أكتوبر 2008, 9:34 pm

والله يا جماااااااعه ممكن اه يكون بيحصل ده فعلا

بس احنا ليه منحاولش نصحح ده

يعنى اول حاجه فى موضوع النوم ده لازم يكون فى حد معاك يقعد يحسبلك انت هتنام كام ساعه وانت بالتالى هتحاول تردله ده بانك انت كمان تظبطله نومه ومتخليهوش ينام كتير
او لو مفيش حد صحبك يبقى اهلك وصيهم بس انت عليك وهما مش هيتاخرو
بالدقيقه هيكونو مصحيينك غصب عنك

نيجى بقى للمذاكره مع بعض ده بقى برده حسب اللى بيذاكرو مع بعض يعنى اه اكيد مش هيكون كله مذاكره بس فى نفس الوقت مش هيكون كل هزااار يعنى خلينا وسط

الخروووج ده بصراحه بقى معرفش ازاى الواحد يجيله نفس يخرج ويتفسح وهو عنده امتحان متاكد انه ميعرفش فيه حاجه

الاكتئااااب ده لازم ييجى بس المهم نحاول نخرج منه يعنى منخليش طول الفتره اكتئاب لا يعنى شويه شويه نحاول نخرج نفسنا من مود الزهق والاكتئااب ده عشان طول ماحنا زهقانين مش هنذاكر
ويمكن هنا بنبقى محتاجين جرعه تفااااااؤل وان احنا نوهم نفسنا ان الامتحان هيبقى سهل وكله هييجى من اللى احنا مذاكرينه وان الوقت لسه كويس ان احنا نجمع الماده كلها قبل الامتحااااان

بالنسبه للنت ده بقى لو فى حد مدمنه ومبيعرفش يتحكم فى الوقت يبقى احسن طريقه انه يشيله فى فتره الامتحااانات عشان ميضييعش

وربنا يستر لاننا احنا دلوقتى داخلين على امتحااااناااات

ميرسى على التوبيك والمناقشه
الرجوع الى أعلى الصفحة اذهب الى الأسفل
make a wish
|مشرف|
|مشرف|


عدد الرسائل : 4803
العمر : 30
الوظيفة :
تاريخ التسجيل : 02/05/2008

مُساهمةموضوع: رد: ظواهر ايام الامتحانات   السبت 01 نوفمبر 2008, 1:35 am

YouS.ReNeW كتب:
هو ايه اللى المفروض يحصل ؟؟


كل اللي اقصده

ان الحجات المواقف اللي قلت عليها في الموضوع ديه

هيه هروب او تمرد علي واقع مش حابه ومش مقتنع بيه

وده ميمنعش انه كسل واستسهال من ناس

ونتيجه ان ناس تانيه محبطه ومش شايفه امل

فعشان كده مفيش حاجه ممكن نستغربها

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
Blue Rose
|مشرف|
|مشرف|


عدد الرسائل : 1732
العمر : 28
محل الاقامة : هنا
الوظيفة : دكتوره ان شاء الله
تاريخ التسجيل : 26/12/2007

مُساهمةموضوع: رد: ظواهر ايام الامتحانات   السبت 01 نوفمبر 2008, 3:25 pm

أنا شايفه ان حلها الوحيد هو أنالطالب يعمل
اللى عليه
ويتوكل على ربنا(وما توفيقى ألا بالله)
(وقل لن يصيبنا الا ما كتب الله لنا)
لكن فى الكل الاحوال الامتحانات دى أسوأ شئ ممكن يحصل لى
خلال السنه حتى لو بنحب الكليه واننا ندرس ونتعلم لكن عمر ما حد بيحب الامتحانات
والظواهر اللى بتحصل دى فى منها اللى يستاهل انه يتعمل بس بحدود
زى مثلا الكأبه والعياط دى هى مش بتبقى كده هى بتبقى هم وعايز
تشيله
لكن مش عمال على بطال
وأسوأ حاجه الللى بيدعوا الموضوع ده
الرجوع الى أعلى الصفحة اذهب الى الأسفل
ĐʝϟϞA
:: مقرر الأسرة ::
:: مقرر الأسرة ::


عدد الرسائل : 8799
تاريخ التسجيل : 07/07/2007

مُساهمةموضوع: رد: ظواهر ايام الامتحانات   السبت 01 نوفمبر 2008, 3:44 pm

والله يا معلم مش عارف اقولك ايه
لو جينا للنوم فده مصيبة لان الواحد غصب عنه وقت الامتحانات هروبا من المذاكرة بيضطر ينام بالعشرين ساعة ان لم يكن اكتر
الاكتئاب ده بقى بأحوال سنة ييجى والتانية ميجيش
على حسب لو مذاكر بييجى من الرعب انك تنقص
لكن بقى لو مقضيها ومش عارف حاجة هيجيلك اكتئاب بتاع ايه ان شاء الله
انت كده كده هتبقى داخل الامتحان بطيخة
النت
يخرب بيت النت ده من اكتر اسباب الفشل فى حياتى انا ومعظم اصحابى
المشكلة انه ادمان ومالوش حل ومقدرش افصله فترة الامتحانات وانعزل عن الدنيا
نيجى بقى لحتة المذاكرة مع اصحابك والله بعملها كتيير فى الامتحانات بس ايه الله ينور اللى بيذاكر معايا بيحل ميه ميه اما انا بقى فانت عارف الباقى (بلاش احراج)
الخروج فى الامتحانات مينفعش يبقى كل يوم
ممكن كل اتنين وخميس علشان بردو متضيعش وقت كبير ............................من اللى هتنامه
عزيزى المستمع رجاءا لكل من يجد حلا لشهرين الامتحانات ان يتصل بنا على رقمنا الاساسى او ان يزورنا على موقعنا www.kolliaonline.com


_________________
Image hosted by servimg.com
الرجوع الى أعلى الصفحة اذهب الى الأسفل
!serendipity
عضو ذهبي
عضو ذهبي


عدد الرسائل : 1448
العمر : 26
محل الاقامة : my lovely town
الوظيفة : still student
تاريخ التسجيل : 11/04/2008

مُساهمةموضوع: رد: ظواهر ايام الامتحانات   الأربعاء 05 نوفمبر 2008, 1:55 am

كلام مظبوووووووووط وتمام خصوصا في حكاية النوم والنت بالذات......
بس والله على قد ماتبقى ايام صعبة بس هي الفترة الوحيدة في السنة اللي بكون راضية فيها عن مذاكرتي....
الرجوع الى أعلى الصفحة اذهب الى الأسفل
0...0
عضو فعال
عضو فعال


عدد الرسائل : 264
العمر : 31
الوظيفة : three students in 6th year
تاريخ التسجيل : 16/10/2008

مُساهمةموضوع: رد: ظواهر ايام الامتحانات   الأربعاء 05 نوفمبر 2008, 6:29 am

نسيت كمان


ثامنا
نازل اصور ورق من واحد صاحبى




تاسعا
نازل رايح كورس ( كورس وهمى طبعا) و تروح تخرج او تلعب بلاى استيشن او لو معندكش دم خالص تقولهم ان الكورس ده عملى و طويل و تروح تخطف رجلك لمصر او طنطا و تدخل سينما




عاشرا
او لو مفيش ريحه الدم عندك تقولهم انا هتفرج على الماتشات فى البيت علشان ما أضيعش وقت فى النزول للشارع ( يا عينى على البجاحه) زى مثلا ماتش الاهلى النهائى اللى كان اول اول امبارح ليله امتحان الجراحه ( ربنا يستر)
الرجوع الى أعلى الصفحة اذهب الى الأسفل
 
ظواهر ايام الامتحانات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: