البوابةالرئيسيةس .و .جبحـثالتسجيلدخول





شاطر | 
 

 وابقي سلملي ع الجراحة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نهــ واإسلاماه ــال
.
.
avatar

عدد الرسائل : 3214
العمر : 31
محل الاقامة : مع أفكاري
الوظيفة : PSYCHIATRIC RESIDENT
تاريخ التسجيل : 13/08/2008

مُساهمةموضوع: وابقي سلملي ع الجراحة   الإثنين 13 أكتوبر 2008, 10:08 pm

أيوه أيوه الموضوع موجود في حالة حوار
مش غلطة مطبعية ولا حاجة

هو موضوع حواري ساعد في ظهور أعراضه حاجتين
_ مادة الجراحة "ويظهر إن ده من تأثير الامتحانات "
_ معاها أحد العوامل المساعدة

أول حاجة بتاع الجراحة :
طول السنة كلام بيتكرر قدام الواحد
والواحد عمال يذاكر الكلام ده اليومين دول
ممكن أقول إن الكلام ده هو بعض مباديء الجراحة أو بمعني أصح المفروض الطب عموما
لكن هو ثبت في دماغ الواحد أوي السنة دي جايز علشان المحاولات المستميتة اللي اتبذلت معانا السنة دي علشان نفهم ونحس بأهمية الكلام ده :

1- لازم تتعامل مع المريض كإنسان كامل مش علي انه أجزاء صحيح الجراحة متقسمة ل systems لكن لما يجيلك مريض ماينفعش تتعامل معاه كأن كل system انسان لوحده لأن المريض مش هيجيلك متفكك
بمعني لو حد جالك دراعه مكسورة لازم تفهم انك بتتعامل مع انسان وجسد كامل مش مع دراع بس

2- urgent cndition هدفك الأساسي هو انقاذ حياة المريض

3- لو واحد عمل حادثة فيه كذا حاجة لازم تبقي في دماغك : - الهدف الأول برضو هو انقاذ حياة المريض
- الهدف التاني هو ترتيب الاصابات حسب أولوية التعامل معاها
- لو كان المريض بينزف وجلده مفتوح لازم تاخد بالك انه ممكن الجرح يكون اتلوث ب tetanus أو ممكن يجيله gas gangrene فلازم تديله أمصال ضد الحاجات دي
- خلي بالك لازم تشيل كل الأنسجة الميتة وعلي رأي الدكتوربتاعنا تحت شعار " good surgeon brings more blood "

4- بعد كده بقي تقدر تتعامل مع الاصابات بس بعد ماتكون أنقذت حياة المريض .

يا سلام الواحد دلوقتي يقرأ كلمة حادثة أو يسمع كلمة كسر سواء بقي دراع أو رجل أو اي حاجة مابقاش يفكر في الجزء المصاب لكن بقي تفكيره يوديه علطول علي إن التعامل مع الحالة لازم يكون مرتب علي حسب انسان كامل وليس علي حسب الجزء المصاب

والله التعليم بيجيب نتيجة برضو

الرجوع الى أعلى الصفحة اذهب الى الأسفل
http://www.mosshaf.com/web/
نهــ واإسلاماه ــال
.
.
avatar

عدد الرسائل : 3214
العمر : 31
محل الاقامة : مع أفكاري
الوظيفة : PSYCHIATRIC RESIDENT
تاريخ التسجيل : 13/08/2008

مُساهمةموضوع: رد: وابقي سلملي ع الجراحة   الإثنين 13 أكتوبر 2008, 10:08 pm

أنا كده توهتكوا أوي
عموما نتكلم عن النقطة التانية اللي ساعدت في ظهور أعراض كتابة الموضوع ده

للأسف من احدي عادات الواحد اني بحب أقرأ الجرايد القديمة "إن شاء الله نبطل قريب ونبطل نقرأ جرايد خالص علشان الضغط والسكر والأمراض المزمنة "
من يومين بعد ماخلصت مذاكرة وقع تحت ايدي ورقة جرنال قديمة وياسلام بقي كانت ورقة الحوادث كمان .

ولقيت خبر عن حادثة واحد خبطته عربية ماعلينا بقي من التفاصيل

أنا دورت علي التفصيل الطبية في الخبر
و الواحد كان في دماغه بقي كلام الجراحة لسسسسسه طازة
الهدف الأول ده دي حالة حرجة أكيد انقاذ حياته
ومتنسوش لازم ياخد الامصال وبعدين ترتيب الاصابات
وووووو
وووووووو
ووووووو
ووو





ايه ده الكلام اللي مكتوب مش كده خالص
المستشفي ماتعاملتش معاه علي انه كده
المريض اتساب فترة طويلة 1\4 ساعة تعتبر فترة طويلة
ايه ده ده مافيش حد سأل عنه
يا نهاااااااااااااااااااااااااااااااااااااااااااااااار ده مات

ايه ده
فين الكلام اللي الواحد عمال يثبته في دماغه طول السنة
ولما اتثبت حس إن فيه انجاز اتعمل

وفي ثانية كلام الجراحة اتبخر

طبعا موضوع الاهمال الطبي ده موجود
واحنا قرأنا عنه كتير
يعني لا دي أول حادثة ولا دي أخر حادثة
والاهمال ده موجود بأكثر من شكل

ومش شرط الواحد يذاكر جراحة علشان ياخد باله

مادة الجراحة والخبر اللي كان في الجرنال مجرد عوامل خلت الواحد يفتكر حاجة موجودة علطول
لكن بسبب تكرارها الواحد بقي يحس انها عادي

ياتري مين المسؤول ؟؟ أكيد مش شخص واحد بس
وياتري لما نتخرج هنبقي كده ؟؟
ياتري هنبقي جزء من الاهمال ده ؟
وياتري ايه اللي بايد الواحد علشان يعمله ؟ ماهو أكيد واحد لوحده مش هيقدر يصلح

زي ماقلت إن مش دي أول حادثة ولا آخر حادثة
فيه كتير وبنسمع عنهم كل يوم
والاهمال بيبقي بطرق كتير مش بس زي الخبر ده
وأكيد ممكن تعرف وتحس بخطورة الموضوع ده لو حد عمل بحث هيلاقي مية ألف خبر زي ده

بس لما تعمل serch أو تقرأ خبر زي ده
متنساش
ابقي سلملي ع الجراحة
وع الدكاترة
وع الطب كله


الرجوع الى أعلى الصفحة اذهب الى الأسفل
http://www.mosshaf.com/web/
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات
avatar

عدد الرسائل : 7857
العمر : 28
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: وابقي سلملي ع الجراحة   الثلاثاء 14 أكتوبر 2008, 6:27 am


ماهى المشكله فى حاجات كتير : الامكانيات شبه معدومة + بعض الأطباء ( طبعا مش احنا )

لأننا مش أطباء أصلا Very Happy معدومى الضمير

الحلول كتيرة : بس مش فى ايدنا يعنى

اللى فى ايدنا أن الواحد يبقى عنده ضمير وميعكش عشان هتبقى فى ايده أرواح ناس

وفعلا الجراحه راحه Smile

_________________

الرجوع الى أعلى الصفحة اذهب الى الأسفل
http://www.medicalto.com
نهــ واإسلاماه ــال
.
.
avatar

عدد الرسائل : 3214
العمر : 31
محل الاقامة : مع أفكاري
الوظيفة : PSYCHIATRIC RESIDENT
تاريخ التسجيل : 13/08/2008

مُساهمةموضوع: رد: وابقي سلملي ع الجراحة   الثلاثاء 14 أكتوبر 2008, 11:13 am

اقتباس :
لأننا مش أطباء أصلا Very Happy
بإذن الله هنكون يعني
احنا طلبة
بس إن شاء الله بإذن الله مرحلة الطبيب بتبقي بعد الدراسة علطول
حتي فترة الامتياز بنبقي فيها "طبيب امتياز " Very Happy

اقتباس :
اللى فى ايدنا أن الواحد يبقى عنده ضمير وميعكش عشان هتبقى فى ايده أرواح ناس

اللي عايزة أفهمه
لو واحد زي الخبر اللي فوق ده جه في حادثة
المفروض إن فيه حاجات اساسية لازم تتعمل له

مين مسؤول عن ان مفيش حد يسأل عنه لحد مايموت

فرضا ان فيه دكتور لسه في التكليف وشاف حاجة زي دي
وشاف الدكاترة الكبار مابيعملوش حاجة أو مطنشين الحالة يعني
مفروض يعمل ايه ؟

هل ممكن يجي اليوم اللي نبقي فيه جزء من الاهمال ده ؟؟؟؟؟؟
الرجوع الى أعلى الصفحة اذهب الى الأسفل
http://www.mosshaf.com/web/
make a wish
|مشرف|
|مشرف|


عدد الرسائل : 4803
العمر : 31
الوظيفة :
تاريخ التسجيل : 02/05/2008

مُساهمةموضوع: رد: وابقي سلملي ع الجراحة   الأحد 19 أكتوبر 2008, 1:21 am

طيب هو المفروض ان احنا نبقي كويسين في وسط كل الغلط ده............؟؟؟؟؟؟؟؟؟؟

وازاي...............؟؟؟؟؟؟؟؟؟؟؟

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
green_rose
عضو ذهبي
عضو ذهبي
avatar

عدد الرسائل : 785
العمر : 30
محل الاقامة : Shades of Green
الوظيفة : training yr
تاريخ التسجيل : 11/12/2006

مُساهمةموضوع: رد: وابقي سلملي ع الجراحة   الأحد 19 أكتوبر 2008, 2:44 am

MoRe or LeSs كتب:
طيب هو المفروض ان احنا نبقي كويسين في وسط كل الغلط ده............؟؟؟؟؟؟؟؟؟؟

وازاي...............؟؟؟؟؟؟؟؟؟؟؟

المفروض طبعا انك تبقى ثابته في وسط كل ده وبعدين يعني يابيور اعتقد اننا بيقنا chronic
الرجوع الى أعلى الصفحة اذهب الى الأسفل
I`ll miss my dear friends
|مشرف|
|مشرف|


عدد الرسائل : 2364
العمر : 29
الوظيفة : -
تاريخ التسجيل : 05/12/2006

مُساهمةموضوع: رد: وابقي سلملي ع الجراحة   الأحد 19 أكتوبر 2008, 3:39 am



بجد .. أنت فتحت الموضوع ده في وقته ..

طيب الإهمال ده كارثة لوحدها ..

أنا هتكلم على حاجة يمكن أقل شوية .. على الأقل لأنها مش بتنتهي بموت العيان .. وبعدين هتكلم ع الإهمال ...

أنت بتسألي .. هل احنا ممكن نكون جزء من الإهمال ده .. للأسف آه ..

احنا بقينا جزء من زمان .. من اول ما دخلنا سنة خامسة .. اللي بجد قلبت تفكير الواحد ونظرته للكلية ديه تماما ..

احنا بقينا جزء من اللا مبالاة .. و المهانة .. والذل .. اللي العيانين بيشوفوه في الراوندات .. واحان وافقين بنتفرج و مبنعملش حاجة ..
كنت زامن بقول ... احنا مكن نخفف عنهم و نعاملهم حلو .. مبقاش ينفع .. وبعد منتا تقولوهم كلمتين حلوين .. هييجي غيرك و يديهم فوق دماغهم ....

الأم كادت إنها تبكي .. لأن الدكترو بيقولها لو مخلتهمش يشوفوا على بنتك هكتبلك خروج ........

ولو معملناش حاجة دلوقتي .. مش هنعمل حاجة بع كدة .. لو سكتنا على اللي بيحصل للعيانين قدامنا دلوقتي .. هنسكت على الإهمال بعد كدة ..

ووالله عندك حق .. تقولي سلملي ع الطب و ع الدكاترة ...

الناس بتموت بسبب الإهمال ... احنا من كتر ما اتعودنا نسمع الجملة ديه .. مبقناش نحس بيها ...

لكن لما تتكلم مع أم قلبها محروق و بتدعي ع الدكاترة ليل نهار ... أفظع الدعوات .. لأنه إهمالهم .. واللامبالة بتاعتهم . اكنت سبب في موت ابنها ..

واحنا بنقرا الخبر .. بنقول ياااه .. ما بالكم بأهل الميت ...

أنتم عارفين أان بقيت خايفة من إيه .. خايفة .. لأتعود أسكت .. زي منا دلوقتي مش عارفة أعمل حاجة .. وأبقى في يوم من الأيام عندي اللامبالاة بتاعتهم ديه ....

أان مهما كتبت ف الموضوع ده مش هخرج كل اللي جوايا ...

لكني بإذن الله مش هسكت غير لما أعمل حاجة .... بإذن الله
الرجوع الى أعلى الصفحة اذهب الى الأسفل
http://www.manhag.net/ola/files.php?cat=35
make a wish
|مشرف|
|مشرف|


عدد الرسائل : 4803
العمر : 31
الوظيفة :
تاريخ التسجيل : 02/05/2008

مُساهمةموضوع: رد: وابقي سلملي ع الجراحة   الأحد 19 أكتوبر 2008, 4:09 am

انتي بتتكلموا عن الاهمال..................؟؟؟؟؟؟؟؟؟

طب ده بره المستشفي ............او في الاقسام..................

طب تقولوا ايه بقه في دكتور داخل غرفه العمليات وفي بقه سجاره

وداخل يعزم علي الدكتور التاني وواقف معاه يتكلم في رخصه العربيه اللي عايز يجددها

والدكتور اللي بيعمل العمليه متابع معاه

كده ولا كان اللي تحت اديهم ده بني ادم خالص

دول بقه تقولوا عليهم ايه..................؟؟؟؟؟؟؟؟؟؟؟؟



اقتباس :

الأم كادت إنها تبكي .. لأن الدكترو بيقولها لو مخلتهمش يشوفوا على بنتك هكتبلك خروج ........

يا ساتر يارب.................

ايه الذل ده............

واللي يسمعهم يفتكرهم بجد بيعلموا الطلبه ..............بلا خيبه..................

_________________

"وأيوب إذ نادى ربه أنى مسنى الضر وأنت أرحم الراحمين ..
فاستجبنا له فكشفنا ما به من ضر ‏وءاتيناه أهله ومثلهم معهم رحمة من عندنا وذكرى للعابدين" ..


"وآخر دعواهم أن الحمد لله رب العالمين.."
الرجوع الى أعلى الصفحة اذهب الى الأسفل
نهــ واإسلاماه ــال
.
.
avatar

عدد الرسائل : 3214
العمر : 31
محل الاقامة : مع أفكاري
الوظيفة : PSYCHIATRIC RESIDENT
تاريخ التسجيل : 13/08/2008

مُساهمةموضوع: رد: وابقي سلملي ع الجراحة   الأحد 19 أكتوبر 2008, 10:41 am

اقتباس :
احنا بقينا جزء من زمان .. من اول ما دخلنا سنة خامسة .. اللي بجد قلبت تفكير الواحد ونظرته للكلية ديه تماما ..

احنا بقينا جزء من اللا مبالاة .. و المهانة .. والذل .. اللي العيانين بيشوفوه في الراوندات .. واحان وافقين بنتفرج و مبنعملش حاجة ..
كنت زامن بقول ... احنا مكن نخفف عنهم و نعاملهم حلو .. مبقاش ينفع .. وبعد منتا تقولوهم كلمتين حلوين .. هييجي غيرك و يديهم فوق دماغهم

التاريخ يعيد نفسه
علي فكرة انا قبل مادخل 5 ماكنتش أعرف ان الوضع هيبقي فيها كده

ال patient علي سرير ومش مهم حالته ايه !!!!!!!! حتي لو كانت سيئة
حواليه أكتر من 50 واحد عايزين يعملوا examination عليه

يا جماعة حرام ده تعبان ممكن نعمل examination في اي وقت تاني
لكن علي مين ولا حياة لمن تنادي

اللي قدرت أعمله في الفترة دي
اني مابقيتش أحاول اعمل exam علي المريض عشان كفاية اللي حواليه
لأن الكلام مابقاش منه فايدة
مفيش حد هيسمعك لو قلتلهم كفاية كده عشان المريض تعبان أوي
المهم هو كم الاستفادة اللي هياخدوها وبس

حتي لما الدكتور يقول للطلبة ماتحاولوش تتعبوا ال patient
مفيش
كان كل المهم عند بعض الناس انهم يستفادوا وبس
ومش مشكلة الشخص المريض ده
اللي كل ذنبه انه تعب وجه مستشفي الجامعة

ده كان من وجهة نظر بعض زميلاتي في الراوند انه كسل
وعدم استفادة من الراوند
وتكبير وكده يعني

وأنا مش فاهمة هل مطلوب عشان الواحد يتعلم ان ده يكون علي حساب مريض
دون أدني مراعاة لمشاعره

الكلام كتيييييييييير أوي في النقطة دي

وهقولك ايه في الآخر
ده لسه فيه مهازل تانية
مهازل التمريض مثلا قصة كبيرة لوحدها
اللي الواحد شاف منهم أسوأ بكتيييييييييييييييييييييييييييير من اللي كان بيسمعه
ملايكة الرحمة !!!!!!!!

ولا عزاء لأي حاجة

وبرضو سملي ع الطب كله وع الدكاترة
وع الاخلاق بالمرة

الرجوع الى أعلى الصفحة اذهب الى الأسفل
http://www.mosshaf.com/web/
I`ll miss my dear friends
|مشرف|
|مشرف|


عدد الرسائل : 2364
العمر : 29
الوظيفة : -
تاريخ التسجيل : 05/12/2006

مُساهمةموضوع: رد: وابقي سلملي ع الجراحة   الإثنين 20 أكتوبر 2008, 12:54 am

اقتباس :
اللي قدرت أعمله في الفترة دي
اني مابقيتش أحاول اعمل exam علي المريض عشان كفاية اللي حواليه

أنا لحد دلوقتي .. مش عارفة آخد history .... لحد منا مبقيتش عارفة إن كنت عايزة أبقى دكتورة ولا لأ .ز

حاسة إنه مش من حقي ... وإني مجرد إني أروح أقف حنب السرير .. كأني مشتركة في الذل اللي بيتعرضوله ..

لكن وبعدين .. لازم يكون في حل ..

احنا بنتضايق .. و طيب وآخرة الضيق .. هنعمل إيه بقى ..
الرجوع الى أعلى الصفحة اذهب الى الأسفل
http://www.manhag.net/ola/files.php?cat=35
 
وابقي سلملي ع الجراحة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: