البوابةالرئيسيةس .و .جبحـثالتسجيلدخول





شاطر | 
 

 زينب وأخوتها اغيثونااااااااااااااااااااااااااااااااااااا

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
marym
|مشرف|
|مشرف|
avatar

عدد الرسائل : 2333
العمر : 27
الوظيفة :
تاريخ التسجيل : 27/12/2007

مُساهمةموضوع: زينب وأخوتها اغيثونااااااااااااااااااااااااااااااااااااا   السبت 27 سبتمبر 2008, 3:32 am


السلام عليكم ورحمة الله وبركاته
أخذا بقول الله تعالي (لن تنالوا البر حتي تنفقوا مما تحبون)
وقوله تعالي( مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء والله واسع عليم ){البقرة: 261}
وفي حديث الرسول صلي الله عليه وسلم ...

عبد الله بن عمر رضي الله عنهما: " أن رجلا جاء إلى النبي صلى الله عليه وسلم فقال: يا رسول الله أي الناس أحب إلى الله؟ وأي الأعمال أحب إلى الله؟ فقال رسول الله: أحب الناس إلى الله تعالى أنفعهم للناس، وأحب الأعمال إلى الله عز وجل سرور تدخله على مسلم، أو تكشف عنه كربة، أو تقضي عنه دينا، أو تطرد عنه جوعا ولأن أمشي مع أخي في حاجة أحب إلي من أن اعتكف في هذا المسجد ( يعني مسجد المدينة) شهرا، ومن كف غضبه ستر الله عورته، ومن كظم غيظه ولو شاء أن يمضيه أمضاه ملأ الله قلبه رجاء يوم القيامة، ومن مشى مع أخيه في حاجة حتى يثبتها له أثبت الله قدمه يوم تزول الأقدام، وإن سوء الخلق يفسد العمل، كما يفسد الخل العسل " .
انا مترددتش اني اكتبلكم الموضوع ده واطلب منكم المساعدة
لأني مش عايزة ابخل عنكم بالثواب الكبييييييييييييييير ده في هذه الأيام لأن الخير اللي بقدمهلكم
يشمل كل هذه الأشياء
انا هشرحلكم الموضوع من البداية واتمني انكم تكملوا قرائة الموضوع
انا الحمد لله مشتركة في حملة تنمية تبع جمعية صناع الحياة
في جروب من 9 أفراد من طب
الحملة دي بنعمل فيها ايه؟؟؟
بأختصار شديييييييييييد أحنا بنعمل مشروع من المشروعات الصغيرة لكل أسرة فيها طفل متسرب من التعليم
وبم اننا مشتركين في الحملة دي فأحنا مسؤولين عن أسرة من ضمن الأسر
الأسرة دي بتتكون من الأم وبنت (زينب) خرجت من التعليم بسبب فقر الأسرة واقفة علي ستة أبتدائي
وولدين (3أبتدائي _1أبتدائي) والوالد متوفي
الاسرة دي ملهاش أي مورد للرزق _فقط 50 جنيه من أحد المتبرعين (50جنيه لأربع أفراد ..تخيل؟؟؟)
المفروض ان وظيفتنا اننا نعملهم مشروع ونرجع زينب للتعليم
زينب الحمد لله رجعت للتعليم
والحمد لله أحنا بدأنا في المشروع
لكن عما المشروع يخلص ويجيلهم فلوس يقدروا يصرفوا بيهم علي نفسهم
محتاجين حاجات لازم احنا اللي نساعدهم بيها لأمي هنسبهم يضيعوا الفترة دي

أولامحتاجين مبلغ شهري يتصرفلهم كل شهر

ثانيا الأسرة دي ساكنة في مساكن الأيواء في غرفة واحدة بس والحمام مشترك مابينهم ومابين كذا أسرة
يعني 4أفراد في غرفة واحدة
ده غير في البيئة دي مستحيييييييييييييييل اننا حنقدر نكلم الولاد عن الدين والأخلاق وهم هيسمعوا كلامنا
يعني لازم ننقلهم شقة تانية (غرفة ومطبخ وحمام) وندفعلهم فلوس أول كام شهر لحد أما المشروع يتقتح ويقدروا يكفوا نفسهم
ثالثا الأطفال الثلاثة كانوا بينجحوا من غير ما يذاكروا حاجه (زي ما بيحصل كتييير)

يعني زينب مبتعرفش تقرأ والأولاد مبيعرفوش حروف الهجاء
فمحتاجين مدرس يدرسلهم المنهج من أولي أبتدائي ده طبعا محتاج جهد كبيييييييييييييييييييير
الحاجات دي يا جماعة لازم نوفرهلهم لحد أما يكون ليهم مورد للرزق
ان شاء الله من يوم الأحد كل مدرج هيكون فيه ظرف أو صندوق صغير هيلف علي الطلبة كلهم

شوفوا بقي لو كل واحد مننا أتبرع بجنية واحد بس
هياخد بيه ثواب أيه ؟؟؟
1_كفالة يتيم (قال الرسول صلي الله عليه وسلم أنا وكافل اليتيم كهاتين في الجنة واشار بأصبعيه السبابة والوسطي )
2-انت هتاخد نفس ثواب المدرس اللي هيعلمهم لأنك أنت كنت سبب انه يعلمهم (قال الرسول صلي الله عليه وسلم
إن الله وملائكته يصلون على معلمي الناس الخير )
3_انت هتاخد ثواب انك فك كربة مسلم وأدخال السرور علي قلب أطفال يتامي
4_قبل ده كله هتاخد فضل الصدقة الجارية

قال تعالي
(والباقيات الصالحات خير عند ربك ثوابا وخير أملا)
ثواب كتييييييييييييييييير قوي متحرمش نفسك منه

________________
ياريت تكلموا زمايلكم وأقاربكم عن الموضوع ده
واللي مش هيوصله الظرف أو الصندوق
يبعتلي الخاص ونتفق وانا اخد منه الفلوس







_________________
تـــأكــــد حين تنكســـر ... لن يرممك ســوى نفسك ...
وحيــن تنهـــزم ... لــن ينصرك... سوى إرادتك .....
فقدرتك على الوقــوف مــرة أخـــرى ... لا يملكهــاســـواك ...
فكــن أقـــوى من الدنيــا و ظروفــهـــا ...و مهما حدث لك لاتبــكي ولكن إبتسم...
ودع الــدنيـا تبــكي من جبــــروت إبتســـامتـــك!.


عدل سابقا من قبل marym في السبت 27 سبتمبر 2008, 4:13 am عدل 1 مرات
الرجوع الى أعلى الصفحة اذهب الى الأسفل
قوقه&زعقوقه
:: الريشة الذهبية للمنتدى::
:: الريشة الذهبية للمنتدى::
avatar

عدد الرسائل : 4936
العمر : 29
محل الاقامة : الفرقه السادسه
الوظيفة : ..........
تاريخ التسجيل : 21/03/2008

مُساهمةموضوع: رد: زينب وأخوتها اغيثونااااااااااااااااااااااااااااااااااااا   السبت 27 سبتمبر 2008, 3:48 am

جزاكم الله خيرا.........وجعله فى ميزان حسناتكم ان شاء الله
بس من رأيى ان الأولويه دلوقتى......توفير مسكن مناسب......وتوفير دخل ثابت للمعيشه
التعليم مهم وكل حاجه........بس الأهم فالمهم
وميرسى مرة تانيه........وربنا يعينكم
بس ياريت تبقوا تقولوا مين اللى هيكون متولى المهمه دى فى كل دفعه.....علشان نعرف نوصله
الرجوع الى أعلى الصفحة اذهب الى الأسفل
marym
|مشرف|
|مشرف|
avatar

عدد الرسائل : 2333
العمر : 27
الوظيفة :
تاريخ التسجيل : 27/12/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   السبت 27 سبتمبر 2008, 3:50 am

لا أن شاء الله
هو اللي هيوصلكم
متقلقوش من الحكاية دي خالص

_________________
تـــأكــــد حين تنكســـر ... لن يرممك ســوى نفسك ...
وحيــن تنهـــزم ... لــن ينصرك... سوى إرادتك .....
فقدرتك على الوقــوف مــرة أخـــرى ... لا يملكهــاســـواك ...
فكــن أقـــوى من الدنيــا و ظروفــهـــا ...و مهما حدث لك لاتبــكي ولكن إبتسم...
ودع الــدنيـا تبــكي من جبــــروت إبتســـامتـــك!.
الرجوع الى أعلى الصفحة اذهب الى الأسفل
بسمة فجر
|مشرف|
|مشرف|
avatar

عدد الرسائل : 8442
العمر : 29
محل الاقامة : بيت زوجي
الوظيفة : طبيبة جديدة
تاريخ التسجيل : 01/12/2006

مُساهمةموضوع: رد: زينب وأخوتها اغيثونااااااااااااااااااااااااااااااااااااا   السبت 27 سبتمبر 2008, 3:53 am

الحمد لله على النعمة اللي احنا فيها..

قد إيه الدنيا مليانة ناس محتاجة واحنا مش حاسين بيهم..

جزاكي الله خيرا ان انتي عرفتينا الموضوع ده وان شاء الله نقدر نساعد باللي ربنا يقدرنا عليه
لأننا ف أحوج مانكون لمثل هذا الثواب في هذه الأيام..

ف انتظار صناديق التبرعات يوم الأحد ان شاء الله

_________________
الثورة دى بداية زى الهجرة والميلاد
الثورة دى بسملة كمل بقى الآية

●●●

مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية
الرجوع الى أعلى الصفحة اذهب الى الأسفل
http://www.goodwayinlife.com/forum/index.php
marym
|مشرف|
|مشرف|
avatar

عدد الرسائل : 2333
العمر : 27
الوظيفة :
تاريخ التسجيل : 27/12/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   السبت 27 سبتمبر 2008, 5:04 am

جزاني واياكم
اللهم أجعل هذا العمل خالصا لوجهك

_________________
تـــأكــــد حين تنكســـر ... لن يرممك ســوى نفسك ...
وحيــن تنهـــزم ... لــن ينصرك... سوى إرادتك .....
فقدرتك على الوقــوف مــرة أخـــرى ... لا يملكهــاســـواك ...
فكــن أقـــوى من الدنيــا و ظروفــهـــا ...و مهما حدث لك لاتبــكي ولكن إبتسم...
ودع الــدنيـا تبــكي من جبــــروت إبتســـامتـــك!.
الرجوع الى أعلى الصفحة اذهب الى الأسفل
(dr_s)لك الحمد ربي
عضو ذهبي
عضو ذهبي
avatar

عدد الرسائل : 913
العمر : 28
الوظيفة : still searching
تاريخ التسجيل : 05/07/2008

مُساهمةموضوع: رد: زينب وأخوتها اغيثونااااااااااااااااااااااااااااااااااااا   السبت 27 سبتمبر 2008, 6:19 am

اللهم أجعل هذا العمل خالصا لوجهك
امين يا رب العالمين

الرجوع الى أعلى الصفحة اذهب الى الأسفل
marym
|مشرف|
|مشرف|
avatar

عدد الرسائل : 2333
العمر : 27
الوظيفة :
تاريخ التسجيل : 27/12/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   السبت 27 سبتمبر 2008, 1:34 pm

امييييييييييييييييييييييييييييين

_________________
تـــأكــــد حين تنكســـر ... لن يرممك ســوى نفسك ...
وحيــن تنهـــزم ... لــن ينصرك... سوى إرادتك .....
فقدرتك على الوقــوف مــرة أخـــرى ... لا يملكهــاســـواك ...
فكــن أقـــوى من الدنيــا و ظروفــهـــا ...و مهما حدث لك لاتبــكي ولكن إبتسم...
ودع الــدنيـا تبــكي من جبــــروت إبتســـامتـــك!.
الرجوع الى أعلى الصفحة اذهب الى الأسفل
أيام للتاريخ
|مشرف|
|مشرف|


عدد الرسائل : 6935
العمر : 26
محل الاقامة : .
الوظيفة : .
تاريخ التسجيل : 25/01/2008

مُساهمةموضوع: رد: زينب وأخوتها اغيثونااااااااااااااااااااااااااااااااااااا   السبت 27 سبتمبر 2008, 3:11 pm

جزاك الله خيرا يا دكتورة

وان شاء الله كل واحد يعمل لالى يقدر عليه
حتى اللى مش هيقدر يدفع فلوس ياريت بس يبلغ غيره
واكيد هياخد ثواب..(الدال على الخير كفاعله)
وربنا يكرمنا جميعا .....

_________________



يــــــــــــــــــــــــــــــارب




الرجوع الى أعلى الصفحة اذهب الى الأسفل
إيــمــــ ن ـــا
فرسان الميديكال
فرسان الميديكال
avatar

عدد الرسائل : 3941
العمر : 26
محل الاقامة : .
الوظيفة : .
تاريخ التسجيل : 10/08/2008

مُساهمةموضوع: رد: زينب وأخوتها اغيثونااااااااااااااااااااااااااااااااااااا   السبت 27 سبتمبر 2008, 5:56 pm

بسمة فجر كتب:
الحمد لله على النعمة اللي احنا فيها..

قد إيه الدنيا مليانة ناس محتاجة واحنا مش حاسين بيهم..

جزاكي الله خيرا ان انتي عرفتينا الموضوع ده وان شاء الله نقدر نساعد باللي ربنا يقدرنا عليه
لأننا ف أحوج مانكون لمثل هذا الثواب في هذه الأيام..

ف انتظار صناديق التبرعات يوم الأحد ان شاء الله
الكلام ده صح جدا وان شاء الله كلنا معاكو

وشكرا ع الموضوع التحفة ده جعله الله في ميزان حسناتك
الرجوع الى أعلى الصفحة اذهب الى الأسفل
marym
|مشرف|
|مشرف|
avatar

عدد الرسائل : 2333
العمر : 27
الوظيفة :
تاريخ التسجيل : 27/12/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   السبت 27 سبتمبر 2008, 9:22 pm

امييييييييييييييييييييييييييين

_________________
تـــأكــــد حين تنكســـر ... لن يرممك ســوى نفسك ...
وحيــن تنهـــزم ... لــن ينصرك... سوى إرادتك .....
فقدرتك على الوقــوف مــرة أخـــرى ... لا يملكهــاســـواك ...
فكــن أقـــوى من الدنيــا و ظروفــهـــا ...و مهما حدث لك لاتبــكي ولكن إبتسم...
ودع الــدنيـا تبــكي من جبــــروت إبتســـامتـــك!.
الرجوع الى أعلى الصفحة اذهب الى الأسفل
I`ll miss my dear friends
|مشرف|
|مشرف|


عدد الرسائل : 2364
العمر : 29
الوظيفة : -
تاريخ التسجيل : 05/12/2006

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الأحد 28 سبتمبر 2008, 5:14 pm



ربنا يحفظكم يا رب

وربنا يكرمك .. إنك اديتنا فرصة الثواب الرائعةو دية .. إن شاء الله الله من هنسيبها تفلت من أيدينا

قال حبيبي رسول الله صثلى الله عليه وسلم " القائم على الأرملة و المسكطين كالمجاهد في سبيل الله "
الرجوع الى أعلى الصفحة اذهب الى الأسفل
http://www.manhag.net/ola/files.php?cat=35
marym
|مشرف|
|مشرف|
avatar

عدد الرسائل : 2333
العمر : 27
الوظيفة :
تاريخ التسجيل : 27/12/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الإثنين 29 سبتمبر 2008, 12:23 am

جزاكي الله خير

_________________
تـــأكــــد حين تنكســـر ... لن يرممك ســوى نفسك ...
وحيــن تنهـــزم ... لــن ينصرك... سوى إرادتك .....
فقدرتك على الوقــوف مــرة أخـــرى ... لا يملكهــاســـواك ...
فكــن أقـــوى من الدنيــا و ظروفــهـــا ...و مهما حدث لك لاتبــكي ولكن إبتسم...
ودع الــدنيـا تبــكي من جبــــروت إبتســـامتـــك!.
الرجوع الى أعلى الصفحة اذهب الى الأسفل
Ex0dus
عضو فعال
عضو فعال
avatar

عدد الرسائل : 231
العمر : 28
الوظيفة : كائن حي
تاريخ التسجيل : 08/10/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الإثنين 29 سبتمبر 2008, 1:03 am

الأحاديث الكتير اللي رصتيها ف الموضوع فوق راسي
بس محاوله إحياء الأسره دي من موات فاشله
بإختصار البنت هتطلع متسوله تبيع مناديل عند أي إشاره
علشان تصرف على اخواتها اللي اكيد هيبقوا مبهدلين ف هدوم مهلهله تكشف أكتر ما تستر
كانت حته حلوه أوي لما قولتي المفروض اننا نوفر و و و و pla , pla ,pla
اه جميل بس نظري للغايه .. ابتسمي للواقع سبيهم يواجهوا مصيرهم وحياتهم
وابذلي جهدك ف أسره فاضلها تكه وتوصل للطبيعي
إنما دي محتاجه معجزه .. لـ الأسف زمن المعجزات ولى من زمن
مشروع ذو دخل ثابت ويستمر ويصرف على نفسه ويكبر اول باول
أي مشروع بيجيب حقه ف ست شهور عل الأقل
وبعدين هدوم وبيت
عليكي وعلى رجال الأعمال واحد يتكفل بالأسره كـ كل ويتجوز ام زينب
ويربي الأسره
غير كده انتي بتنفخي ف إربه مقطوعه كليه
لو دخلنا ف نفسيه الطفله هتلاقيها محطمه بتكره المجتمع وعاوزه تمتص حقوقها منه بأي شكل
ممكن تنحرف سهل جداا .. لأنها ما تعرفش يعني ايه ربنا عادل وليه حكمه ف كده
القهر وحش
لو كان الفقر رجلا ً لقتله .. الفقر بيهد أي مبادئ وكرامه عند البني أدم
دي أسره محطمه ومشروع فاشل نصيحه مش تشاركي فيها
تنميه ؟؟ معناها تحسين وضع في أمل
إنما مافيش ميت بيصحي بعمليه تنميه !!!
انا مستغرب جداااااا هو لسه في ناس عايشه ف المدينه الأفلاطونيه
وبتجمعي ملاليم الأظرف دي هتلقيها جابتلك وليكن 70 جنيه علشان اكون متفائل معاكي
يلا عل الـ 50 بتوع المتبرع اياه
يعملوا احلى واجب 2 كيلو لحمه وحبه رز وعدس
انا بشوف ناس مستقره بتروح تشتري بالنص جنيه جنبه وعدد 1 بيضه
العيشه كحرته ......
استهدي بالله كده وفكري في مشروع مربح
سلام
الرجوع الى أعلى الصفحة اذهب الى الأسفل
بسمة فجر
|مشرف|
|مشرف|
avatar

عدد الرسائل : 8442
العمر : 29
محل الاقامة : بيت زوجي
الوظيفة : طبيبة جديدة
تاريخ التسجيل : 01/12/2006

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الإثنين 29 سبتمبر 2008, 1:32 am

ايه يادكتور الكلام بتاع حضرتك ده!!!

انا مستغربة ان حضرتك اللي بتقول كدة

مش عارفة أنا فاهمة الكلام صح ولا غلط

بس ع العموم ... لا حياة مع اليأس

ويعني حضرتك عايزنا نسيب الناس دول عشان هما تحت اوي ومنبدأش معاهم !!!

يعني نسيبهم كدة لحد مايبقوا خطر على المجتمع !!!

كلام غير منطقي اطلاقا

ونو كومينت طبعا ماعدا الحتة دي

ساجي كتب:


علشان تصرف على اخواتها اللي اكيد هيبقوا مبهدلين ف هدوم مهلهله تكشف أكتر ما تستر


يا ايها الذين آمنوا لايسخر قوم من قوم عسى ان يكونوا خير منهم

_________________
الثورة دى بداية زى الهجرة والميلاد
الثورة دى بسملة كمل بقى الآية

●●●

مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية


عدل سابقا من قبل بسمة فجر في الإثنين 29 سبتمبر 2008, 1:36 am عدل 1 مرات
الرجوع الى أعلى الصفحة اذهب الى الأسفل
http://www.goodwayinlife.com/forum/index.php
marym
|مشرف|
|مشرف|
avatar

عدد الرسائل : 2333
العمر : 27
الوظيفة :
تاريخ التسجيل : 27/12/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الإثنين 29 سبتمبر 2008, 1:34 am

السلام عليكم ورحمة الله وبركاته
شكرا يا دكتر علي رد حضرتك في الموضوع ..ربنا يجازيك خير
لكن مع احترامي الشديد لحضرتك فأنا معترضه علي كلام حضرتك 100%
قبل اما ابدا وأرد علي الكلام
انا عايزة أقول بس
اننا وظيفتنا الأساسية في الكون بعد عبادة الله هي اصلاح الأرض
وانا مع حضرتك تماما ان مفيش عقل يقول اننا ممكن نعمل حاجه
لكن ربنا مش طالب مننا غير اننا نبدا بس
نبدأ من ألف الي الباء وربنا هيكملنا من الباء الي الياء
ولو احنا مش وثقين في كده يبأ والعياذ بالله مش وثقين في ربنا
وده معناه الكفر بقدرة الله (استغفر الله العظيم)
كمان ربنا مش بيأمرنا بحاجه غير اما تكون في مقدرتنا يعني ربنا مقلناش صلوا 50 صلاة
بأ أكيد اصلاح الأرض حاجه نقدر نعملها مش مستحيلة
*****
ثانيا احنا مش بنعمل حاجه مش معمولة قبل كده
يعني احنا مش بنحلم
ومفيش حد بيبدأ في حاجه بيضيع فيها كل جهده غير اما يكون متأكد 100 % بنجحها
المشروع ده اتعمل في الصعيد في أفقر القري هناك
والحمد لله نجح
يبأ أحنا لو مقدرناش ننفذه في المنوفيه أكيد يبأ العيب من شغلنا احنا وطريقة تنفيذنا
مش من فكرة المشروع
واسمحلي اني اقتبس بعض من كلماتك وارد عليها

_________________
تـــأكــــد حين تنكســـر ... لن يرممك ســوى نفسك ...
وحيــن تنهـــزم ... لــن ينصرك... سوى إرادتك .....
فقدرتك على الوقــوف مــرة أخـــرى ... لا يملكهــاســـواك ...
فكــن أقـــوى من الدنيــا و ظروفــهـــا ...و مهما حدث لك لاتبــكي ولكن إبتسم...
ودع الــدنيـا تبــكي من جبــــروت إبتســـامتـــك!.
الرجوع الى أعلى الصفحة اذهب الى الأسفل
marym
|مشرف|
|مشرف|
avatar

عدد الرسائل : 2333
العمر : 27
الوظيفة :
تاريخ التسجيل : 27/12/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الإثنين 29 سبتمبر 2008, 2:00 am

ساجي كتب:
الأحاديث الكتير اللي رصتيها ف الموضوع فوق راسي
بس محاوله إحياء الأسره دي من موات فاشله
بإختصار البنت هتطلع متسوله تبيع مناديل عند أي إشاره
علشان تصرف على اخواتها اللي اكيد هيبقوا مبهدلين ف هدوم مهلهله تكشف أكتر ما تستر
يعني حضرتك بتتوقع المستقبل
اوكي
انا ممكن برده اتوقعه... ان زينب وصلت للكلية وجابت أعلي مجموع في الثانوية يدخلها الكلية اللي حضرتك فيها
واخوتها وصلوا للأعدادي وهم بيجيبوا اعلي الدرجات
(مش احنا بنتخيل) كل واحد يتخيل اللي بيحبه
كانت حته حلوه أوي لما قولتي المفروض اننا نوفر و و و و pla , pla ,pla
اه جميل بس نظري للغايه .. ابتسمي للواقع سبيهم يواجهوا مصيرهم وحياتهم
يعني ايه سيبيهم ؟؟؟؟؟
لو كان ربنا عايزنا كل واحد يسيب التاني
كان خلق لكل واحد كوكب يعيش فيه لوحده
احنا دينا بيأمرنا اننا لما نشوف حد محتاج مساعدة نساعده مش نسيبه
وده من اساسيات دينا
وابذلي جهدك ف أسره فاضلها تكه وتوصل للطبيعي
لما تعمل حاجه صعبه بتحس بطعم النجاح فيها اكتر اما تحسه في حاجه سهله
وبعدين انا مش شايفه ده مبدأ نمشي بيه
الفير نص نص نساعده
والفقير خالص نعدمه
إنما دي محتاجه معجزه .. لـ الأسف زمن المعجزات ولى من زمن
معتقدش ان مفيش في حياة حضرتك معجزة حصلت قبل كده
ومادام المعجزات دي ربنا اللي بينعم علينا بيها
تبأ أكيد موجودة مادام ربنا موجود
عليكي وعلى رجال الأعمال واحد يتكفل بالأسره كـ كل ويتجوز ام زينب
ويربي الأسره

nooooooooooooooooooo comment
غير كده انتي بتنفخي ف إربه مقطوعه كليه
من وجهة نظر حضرتك
واختلاف الرأي لا يفسد للود قضية
لو دخلنا ف نفسيه الطفله هتلاقيها محطمه بتكره المجتمع وعاوزه تمتص حقوقها منه بأي شكل
ممكن تنحرف سهل جداا .. لأنها ما تعرفش يعني ايه ربنا عادل وليه حكمه ف كده
يعني نسيبها تنحرف!!!!!!ونقول هو ده مصيرها
ولا نساعدها ونحاول نوصلها الفكرة الصحيحه عن ربنا
وبعدين مفيش مرض من غير علاج
ده غير اننا عاملين حساب الموضوع ده كويس
وجمعية صناع الحياة موفرللنا فريق من الدعم النفسي المتخصص

انا مستغرب جداااااا هو لسه في ناس عايشه ف المدينه الأفلاطونيه
nooooooooooooooooooo comment
وبتجمعي ملاليم الأظرف دي هتلقيها جابتلك وليكن 70 جنيه علشان اكون متفائل معاكي
يلا عل الـ 50 بتوع المتبرع اياه
(مين المتبرع اياه؟)
يعملوا احلى واجب 2 كيلو لحمه وحبه رز وعدس
اسفه في اللفظ لكن دي اسمها انانية
لما تلاقي حد ممكن يعيش أسبوعين ب70 جنيه
وانت تفضل تشتري بيهم أكل مش يقضي يوم
استهدي بالله كده وفكري في مشروع مربح
مفيش حاجه مربجه اكتر من التعاقد علي جنة الرحمن
سلام
وعليكم السلام ورحمة الله وبركاته

وشكراااااااااااااا مرة تانية علي رد حضرتك
وجزاك الله خير وفي انتظار مساعدتك لينا

_________________
تـــأكــــد حين تنكســـر ... لن يرممك ســوى نفسك ...
وحيــن تنهـــزم ... لــن ينصرك... سوى إرادتك .....
فقدرتك على الوقــوف مــرة أخـــرى ... لا يملكهــاســـواك ...
فكــن أقـــوى من الدنيــا و ظروفــهـــا ...و مهما حدث لك لاتبــكي ولكن إبتسم...
ودع الــدنيـا تبــكي من جبــــروت إبتســـامتـــك!.


عدل سابقا من قبل marym في الإثنين 29 سبتمبر 2008, 8:42 am عدل 1 مرات
الرجوع الى أعلى الصفحة اذهب الى الأسفل
Ex0dus
عضو فعال
عضو فعال
avatar

عدد الرسائل : 231
العمر : 28
الوظيفة : كائن حي
تاريخ التسجيل : 08/10/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الإثنين 29 سبتمبر 2008, 8:13 am

is zat all u got ??
الرجوع الى أعلى الصفحة اذهب الى الأسفل
I`ll miss my dear friends
|مشرف|
|مشرف|


عدد الرسائل : 2364
العمر : 29
الوظيفة : -
تاريخ التسجيل : 05/12/2006

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الإثنين 29 سبتمبر 2008, 5:48 pm



الله يكرمكم .. قبل ما الموضوع يقلب خناقة ..

هي وجهات نظر ..

في واحد ممكن يلاقي متعته و طاعته في إنه يكفي إنسان مش محتاج أوي .. وغيره شايف إنه يغني 10 عن ذل السؤال أفضل من إنه يكفي واحد ...

كلها وجهات نظر .. ومفيش إنسان مبيغيرش رأيه ... أو بيفضل ثابت على وجهه نظر معينة طول عمره

بصرف النظر .. خلينا نتعود بلاش نستنكر أي رأي بعد كدة ... حتى لو سفناه غريب ...

زي ما اتفقنا مفيش رأي وجهه نظر بتفضل ثابتة

بس في رأيي .. زمن المعجزات لم يول يعد ... وبإذن الله نحن لها ..

علينا البدء و عليه التمام ..

ويقول تعالى " قَالَ رَجُلاَنِ مِنَ الَّذِينَ يَخَافُونَ أَنْعَمَ اللّهُ عَلَيْهِمَا ادْخُلُواْ عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ وَعَلَى اللّهِ فَتَوَكَّلُواْ إِن كُنتُم مُّؤْمِنِينَ "

والله من وراء القصد
الرجوع الى أعلى الصفحة اذهب الى الأسفل
http://www.manhag.net/ola/files.php?cat=35
السحاب الأحمر
أخ أكبر
أخ أكبر
avatar

عدد الرسائل : 1002
العمر : 31
الوظيفة : أحاولُ جاهدًا في كل صوب ..
تاريخ التسجيل : 10/12/2006

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الإثنين 29 سبتمبر 2008, 6:10 pm

المفروض إننا ما ننظرشي النظرة المتشائمة دي ..
وخصوصا إننا كلنا شفنا بعيننا حالات كتير كانت شبه مستحيلة .. بس الحمد لله المستحيل اتحقق والمعجزة اتحققت ..
وإيه القيمة لما أروح لأسرة ناقصلها تكه وأساعدها توصل للطبيعي .. القيمة الحقيقية إني آخد بإيد أسرة من الصفر وأطلع بيها للطبيعي .. دي المجاهدة الحقيقية .. ودا التحدي الحقيقي ..

وبعدين الرسول صلى الله عليه وسلم أمرنا ألا نحقر من المعروف شيئا .. يعني مانقولش إحنا هنعملهم إيه يعني .. دا يمكن مجرد إن البنت دي تحس إن في ناس حاسين بيها ومتألمين علشان خاطرها .. وعايزين يساعدوها بحق .. ممكن تتغير من جواها بفرض إن نفسيتها زي ما بتقول .. وتحاول هي بنفسها تساعد نفسها وأسرتها علشان تكون فرد صالح في المجتمع ..

المفروض إننا نشكر ربنا على النعم اللي إديهالنا .. وأول الشكر إننا نؤدي حق النعمة في غيرنا ممن سلبت منه هذه النعمة ..

مش ننظر ليهم وكأنهم متاع قديم .. ننساه .. ونتركه ..ونسيبه لمصيره .. وكأننا بنفذ قانون الانتقاء الطبيعي .. بحيث يكون البقاء للأقوى .. دا مذهب الغابة مش الآدمين ..

المهم ..
ارجعوا للموضوع .. وربنا يعينكم إن شاء الله في تجميع التبرعات .. والأخذ بإيد هذه الأسرة ..


_________________
.


عاشقٌ .. في غرفة العمليات




اللهم أعني .. وخذ بيدي .. ولا تكلني إلى نفسي طرفة عين ..
وارزقني حسن الطاعة .. والعزيمة فيها .. والثبات عليها ..


الرجوع الى أعلى الصفحة اذهب الى الأسفل
Mohammed.badR
|مشرف|
|مشرف|
avatar

عدد الرسائل : 485
العمر : 26
الوظيفة : aho 3ayesh welsalam
تاريخ التسجيل : 24/08/2008

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الإثنين 29 سبتمبر 2008, 6:30 pm

يا جماعة الأصل في الصدقات والزكاة اولية اعطاء المسكين والفقير والأصل في ذلك هو من لا يجد قوت يومه يععني هم الأولي دينيا ........

علم الإجتماع كمان بيقول ان المفروض مساعدة ادني الطبقات عشان اقلل الفجوة الإجتماعية .....
وبدون اي حاجة يعني انامش متخيل اذاي هم عايشين ب50 جنيه لازم نتعاطف معاهم تخيلو لو حد مننا كان مكانهم ؟؟؟؟؟؟؟؟؟؟


بعد اذنك يادكتورة marym ممكن الفريق بتاعكو يكلم الدكاترة الكبار وياخدو منهم فلوس "كزكاة وليس صدقة" لأن الزكاه تجوز عليهم والناس كده كده هتطلعها

اه وكمان هوصندوق التبرعات ده فيييين؟؟؟
الرجوع الى أعلى الصفحة اذهب الى الأسفل
Ex0dus
عضو فعال
عضو فعال
avatar

عدد الرسائل : 231
العمر : 28
الوظيفة : كائن حي
تاريخ التسجيل : 08/10/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الإثنين 29 سبتمبر 2008, 6:32 pm

كويس في فكر جديد بدأ يعرض نفس الرأي بطريقه أعمق
عمر ما النقاش وتبادل الآراء يبقى خناق
وعمر ما وصف حال أسره يبقى سخريه .. انا برسم الصوره بقلمي بدل الريشه
--

بإختصار - لضيق الوقت - اللي قصدتوا بلاش نتعامل مع ربنا بطريقه موظفين الحكومه
علشان قالنا نصلح الأرض يبقى اااااه .. نتبرع للمحتاج : كل ما نلاقي حد يقول اديني اغرف واديله ما انا بكده برتقي درجه وبمحو سيئه
المفروض نتحرى القرش رايح لمين ... انا بستثمر مع ربنا فلوس وجهدي
اولا النيه بيني وبين ربنا وهو سبحانه الوحيد المطلع عليها

ثانيا : اوظفها صح .. يعني هديلكوا كذا نموذج عايز الحرق
---

ست مشوهه الخلقه ايديها مترين بلا مبالغه تمسك بتلابيب الماره كل صباح
بقابلها كل يوم الصبح عل الكوبري ليل نهار رايح جاي ... متسوله وعاله عل المجتمع
بتبوز المنظر العام .. دي عايزه تتحجز لحد ما ينفد فيها حكم الله او ترتدع
---

الناس اللي بتسرح بمناديل .. والحاج اللي مش بيصلي ويلف عل الموالد والصوفيه علشان يقش ف القفطان المتنى بتاعه ... و و و
كتيييير
اه لو اتبرعت إيمانا واحتسابا واخلاصا هاخد حسنه
بس لو نفس القرش وظفته ف مكان صح هاخد اكتر
زينب ؟؟؟؟ ما اعرفش عنها أي حاجه ؟؟ وواضح ان الكلام من خلال فايل ليس إلا
---
ممكن وانت معدي صبيان تتكفل بشهريه لـ أسره زينب
وممكن نلف على شقه محندقه علشان تنتقل ليها ونحاول نشرح حالتها لصاحب الملك
وممكن وممكن ... الموضوع موش مستحيل إطلاقا
بس عاوز أنقل فكره اننا نتبرع علشان ناخد ثواب وخلاص
لأتصال مباشر بالحاله وتعامل وموده

حد هنا زار زينب ؟؟؟؟ انا متاكد م الوصف الضئيل اللي موجود للمكان ؛ لأ كبيره كمان
---
دي مش نظره تشاؤميه : المؤمن بقوه إيمانه مافيش عنده مستحيل وعلينا البدايه والتوكل زي ما الآيه بتقول .... بس ده رأي آخر لازم يترد عليه ... سيكو Lool
مين م الصبيان ماسك ونتعامل معاه ؟؟
الرجوع الى أعلى الصفحة اذهب الى الأسفل
Ex0dus
عضو فعال
عضو فعال
avatar

عدد الرسائل : 231
العمر : 28
الوظيفة : كائن حي
تاريخ التسجيل : 08/10/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الإثنين 29 سبتمبر 2008, 6:43 pm

الخلاصه : لازم أسره زينب تبقى عاوزه تتغير أصلا وعندها استعداد .. لأن اللي يستسلم للفقر بالطريقه دي ويتنقل لتحت يبقى ماعندوش مؤهلات انو يكمل .. مش هتبع نهج دارون وأقول يعدم ..بس يتعامل معامله مسكين وخلاص .. نتبرعله باللي نقدر عليه ف وقتها
إنما كــ متابعه ومحاوله إحياء تامه : ماينفعش أدفع ملايين ف أرض بوور .. في حين إن في حالات تانيه - مش قادر أشوفها علشان محتاجه فعلا والعفه مانعاهم وبيعافروا - لو وصلت ليها ميه اكيد هتنبت .. في كلتا الحالتين بإذن الله مأجورين .. بس احنا عاوزين نشوف ثمره تعبنا
--
شكرا لسعه صدروك .. عاوز كل المعلومات المتاحه عن زينب .. في خبر حلو بإذن الله
الرجوع الى أعلى الصفحة اذهب الى الأسفل
marym
|مشرف|
|مشرف|
avatar

عدد الرسائل : 2333
العمر : 27
الوظيفة :
تاريخ التسجيل : 27/12/2007

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الأربعاء 01 أكتوبر 2008, 2:50 pm

Night Light كتب:

[size=18]بعد اذنك يادكتورة marym ممكن الفريق بتاعكو يكلم الدكاترة الكبار وياخدو منهم فلوس
"كزكاة وليس صدقة" لأن الزكاه تجوز عليهم والناس كده كده هتطلعها
ده احنا ان شاء الله نويين ننفذه من الأسبوع الجاي

اه وكمان هوصندوق التبرعات ده فيييين؟؟؟
صندوق التبرعات بيمر علي الطلبة اللي في المدرج تقريبا في كل الدفعات
ربنا يجازي حضرتك خير
ويجعله في ميزان حسناتك يوم القيامة

_________________
تـــأكــــد حين تنكســـر ... لن يرممك ســوى نفسك ...
وحيــن تنهـــزم ... لــن ينصرك... سوى إرادتك .....
فقدرتك على الوقــوف مــرة أخـــرى ... لا يملكهــاســـواك ...
فكــن أقـــوى من الدنيــا و ظروفــهـــا ...و مهما حدث لك لاتبــكي ولكن إبتسم...
ودع الــدنيـا تبــكي من جبــــروت إبتســـامتـــك!.
الرجوع الى أعلى الصفحة اذهب الى الأسفل
I`ll miss my dear friends
|مشرف|
|مشرف|


عدد الرسائل : 2364
العمر : 29
الوظيفة : -
تاريخ التسجيل : 05/12/2006

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الخميس 02 أكتوبر 2008, 3:16 am

اقتباس :

ممكن وانت معدي صبيان تتكفل بشهريه لـ أسره زينب
وممكن نلف على شقه محندقه علشان تنتقل ليها ونحاول نشرح حالتها لصاحب الملك


بالظبط ... الفلوس مش دايما أول حل نفكر فيه .. جميل إننا نجمع فلوس و نخرجها
.. لكن لازم دماغنا تبقى شغالة في كذا اتجاه


زي ما حضرتك قلت .. احنا ممكن نشوف هي منين ... وأكيد أكيد حد فينا هيعرف يجيبلها شقة بعد ما نتفق احنا مع صاحبها ..

ياريت آخر تطورات الموضوع تتكتب أول بـأول يا مريم علشان نبقى عارفين

ربنا يجازيكم كل خير
الرجوع الى أعلى الصفحة اذهب الى الأسفل
http://www.manhag.net/ola/files.php?cat=35
السبكى
عضو مميز
عضو مميز
avatar

عدد الرسائل : 165
العمر : 29
محل الاقامة : ساكن فى قلوب الناس
الوظيفة : طالب حب الناس(سنة رابعة)
تاريخ التسجيل : 21/07/2008

مُساهمةموضوع: رد: زينب وأخوتها اغيثونااااااااااااااااااااااااااااااااااااا   الخميس 02 أكتوبر 2008, 5:42 pm

بصراحة انا بحترم كل اللى شاركوا فى الموضوع باموالهم او بكملة جميلة وهادفة

وان شاء الله انا واصحابى هنشارك معاكم فى المشروع وهجمع اكبر عدد من الكلية للمشاركة

وان شاء الله المشروع هينجح وناخد كلنا الثواب
وكمان عاوز اقول حاجة للناس المعارضة لو كل واحد فينا وفر ثمن فطار مرة وفطر فى البيت او ولو مرة فى الشهر مش هتاثر معاه وربنا يجزئ ثواب عظيم

اللهم وفق القائمون على الموضوع وارزقهم من واسع فضلك
الرجوع الى أعلى الصفحة اذهب الى الأسفل
 
زينب وأخوتها اغيثونااااااااااااااااااااااااااااااااااااا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: