البوابةالرئيسيةس .و .جبحـثالتسجيلدخول





شاطر | 
 

 موقع كليتنا .. بإيدينا هنخليه حاجة تانية

استعرض الموضوع السابق استعرض الموضوع التالي اذهب الى الأسفل 

هل تؤيد هذا المشروع؟
نعم
89%
 89% [ 24 ]
لا
11%
 11% [ 3 ]
مجموع عدد الأصوات : 27
 

كاتب الموضوعرسالة
MNFMED TEAM
عضو جديد
عضو جديد


عدد الرسائل : 4
العمر : 26
الوظيفة : mnfmed updating project
تاريخ التسجيل : 22/08/2008

مُساهمةموضوع: موقع كليتنا .. بإيدينا هنخليه حاجة تانية   الجمعة 22 أغسطس 2008, 1:07 am



السلام عليكم ورحمة الله وبركاته

شباب ..

بعد التحية

بدلاً من أن تلعن الظلام .. أضيء شمعة

باختصار شديد وبعيداً عن المقدمات الطوييييييييييييلة

دلوقتي في مشروع جديد إن شاء الله لتطوير موقع كليتنا على الانترنت

www.mnfmed.org

أكيد كلنا دخلنا عليه قبل كده .. وأكيد كلنا شفنا الحالة اللي هو عليها

الحاجة المهمة جداً اللي محدش واخد باله منها

إن الموقع ده مش بس بيمثل الكلية اللي حضراتكم كلكم بتنتمو ليها

لكن بيمثلنا احنا كمان كطلبة

يعني لو واحد من أي مكان في الدنيا سمع إن في كلية بيقولو إن اسمها كلية طب المنوفية

وحب يعرف شوية معلومات عن الكلية دي وعن الطلبة اللي فيها

أكيد مش هيقطع تذكرة لمصر ويقعد يلف ويدور على الكلية بتاعتنا!!!!

لكن ببساطة شديدة بضغطة زر

هيجيب موقع الكلية ..

وأكيد بمجرد ما يشوفه هياخد فكرة جميلة جداً عنا ككلية وطلبة وكل حاجة!!!!!!

المهم

دلوقتي ...

المرحلة الأولى أكيد هتكون تكوين الفريق

دلوقتي احنا عاوزين فريق تقريباً في حدود 4 إلى 5 أفراد بالكتير على الأقل في المرحلة الحالية

أهم شرط .. انهم يكونو dependable

لإننا عاوزين شغل محترم

أنا ممكن جداً أقولكم ..

مطلوب 1 designer محترف-1 محترف Photoshop

...

وكده

لكن..

كل واحد شايف في نفسه انه متميز في حاجة ممكن تخدمنا يبعت ويقول

أكيد احنا محتاجين محترفين في استخدام الفرونت بيج ومحترفين في الفوتوشوب وناس بتفهم كويس في الهارد وير
والشبكات
لكن خلونا نخليها مفتوحة ونسيب كل واحد شايف إنه بيعرف يشتغل على برنامج ممكن يساعدنا بيه أو بيفهم كويس
في حاجة ممكن تخدمنا يقولنا
أهم حاجة

إن

كلنا لازم نشارك ..

اللي في سنة أولى واللي في سنة 6 كمان

مشاركتك ممكن تكون فكرة .. ممكن اقتراح ..

لكن المهم انك تشارك

قول ايه اللي انت شايف انه مفروض يكون موجود

قول ايه الصورة اللي انت تتمنى ان الموقع يكون عليها

قولنا عن موقع انت شايف إنه عجبك قوي ونفسك إن موقع الكلية يكون زيه أو أحسن منه كمان

أنا تقريباً اتكلمت عن مجمل الموضوع

احنا ناقشنا أفكار كتير جداً

لكنها مش هتكون كتير أبداً لو كان في أفكار جديدة جميلة

أنا محبيتش أكتب تفاصيل عشان محدش يزهق

لكن مستني مشاركتكم واقتراحاتكم اللي أكيد هتساعدنا كتير..

دلوقتي كل الناس هتكتب اقتراحاتها خلال على الموضوع ده واللي موجود على أكتر من منتدى

وبخصوص الناس اللي مستعدة للمشاركة في الفريق

يبعتو إيميلات على الإيميل ده

mnfmed2008@gmail.com

بالمناسبة اختيار الفريق مفروض ينتهي قبل يوم الأربع الجاي إن شاء الله

ويا ريت لو حد يعرف حد تاني ممكن يكون معانا في الفريق يقول

في انتظار مشاركاتكم..

..............................


عدل سابقا من قبل سرور المنتدى في السبت 07 فبراير 2009, 9:11 pm عدل 6 مرات (السبب : تغيير العنوان)
الرجوع الى أعلى الصفحة اذهب الى الأسفل
Ahm@d
ادارة المنتدي
مقرر دورة الاسعافات
ادارة المنتدي  مقرر دورة الاسعافات


عدد الرسائل : 7857
العمر : 27
محل الاقامة : Not Here
الوظيفة : Not Yet
تاريخ التسجيل : 26/11/2006

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 1:40 am


هههههههههههههههههه

( أضىء شمعه بدلا من أن تلعن الظلام )

واحد حبيبى كان حاطط التوقيع بتاعه الجمله دى زمان

ابقى سلم لى عليه

أما أنا - رغم ان النور بيقطع فى بلدنا كتير -

الا انى بستخدم الكلوب هههههههههه مليش فى الشمع

_________________

الرجوع الى أعلى الصفحة اذهب الى الأسفل
http://www.medicalto.com
سيد احباط
عضو مميز
عضو مميز


عدد الرسائل : 172
العمر : 28
محل الاقامة : خرابة أبو اسماعين
تاريخ التسجيل : 27/02/2007

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 2:11 am

آآآآآآآآآآآه عرفتوا الاخ ده طبعا تبع مين




وواضح من كلامه انه تبع ما يسمى بلجنه الجودة

مش عارف العالم دى مزهقوش من كتر ما اتزقلوا بالطوب !!

ده كليه التجارة والاقتصاد المنزلى خلاص على وشك الاعتماد

وهما لسه بيقاوحوا برده

وبعدين يا عم الكابتن - ولو انى مش عاوز اشد عليك - انت عبد المأمور

وفروا للطلبه مدرجات كويسه ودكاتره وعلموهم صح

ووفروا لهم معامله آدميه من العاملين بالكليه وامنعوا الكوسة

فيه حاجات كتير قوى ممكن تتعمل

احسن من اما تقعد تلعب ع الانترنت ولا ده فضى بقى عشان الاجازة

بص ياعم الامور انت عملت زى الى جاى يتجوز راح اشترى سجاده ب10 الاف جنيه

وهو معندوش شقه ولا فلوس تانيه يجيب شبكه وشكله معفن فمش هيلاقى عروسة ترضى بيه

وابقى قابلنى

واحب اقوللك ياريت تقولى يا عم لامور موضحتش انت تبع مين ليه ؟؟

ولا انت نمت حلمت انك تتطور موقع الكليه قمت من النوم عشان تعمل كده

بس عمك سيد برده هارش الحركات دى

الله يحرق الجودة وسنينها يا شيخ مش كفايه اللى جرالنا من تحت راسها

ياجماعه الواد ده دسيسه وياريت تلغوا الاكونت بتاعه من هنا كمان

وإن شاء الله هتاخدوا ااصفر التانى يوم الاتنين اللى جاى بعد الصفر الكبير

بتاع نصف السنه وان غدا لناظره قريب
الرجوع الى أعلى الصفحة اذهب الى الأسفل
dr_diab2
الريشة الفضية للمنتدى
الريشة الفضية للمنتدى


عدد الرسائل : 3360
العمر : 26
الوظيفة : Ever failed. No matter. Try again. Fail again
تاريخ التسجيل : 04/07/2008

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 2:25 am

واد يا سيد

تعرف زمان قالوا ايه

قالوا اذا اردت ان تشيد قلعه من الخسشب فتاكد ان كل مسمار مستقيم لان احدهم قد يفسد القلعه

فاعتبر كليتنا دي قلعه عاوزين نبنيها

واعتبر ان الموقع ده مسمار (معووج حاليا) بنحاول نعدله

بس احب ابشرك

ان التطوير هيتم غصب عن عينك (لامؤاخذه)

وانت عمال تنفخ في الشمعه علشان تطفيها اصلك في الموضوع ده جاهل متعرفش ان نفختك لو مكنتش قويه كفايه انها تطفيها فهي بتذيد اشتعالها
الرجوع الى أعلى الصفحة اذهب الى الأسفل
سيد احباط
عضو مميز
عضو مميز


عدد الرسائل : 172
العمر : 28
محل الاقامة : خرابة أبو اسماعين
تاريخ التسجيل : 27/02/2007

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 2:35 am

الاستاذ كتب:
واد يا سيد

تعرف زمان قالوا ايه

قالوا اذا اردت ان تشيد قلعه من الخسشب فتاكد ان كل مسمار مستقيم لان احدهم قد يفسد القلعه

فاعتبر كليتنا دي قلعه عاوزين نبنيها

واعتبر ان الموقع ده مسمار (معووج حاليا) بنحاول نعدله

بس احب ابشرك

ان التطوير هيتم غصب عن عينك (لامؤاخذه)

وانت عمال تنفخ في الشمعه علشان تطفيها اصلك في الموضوع ده جاهل متعرفش ان نفختك لو مكنتش قويه كفايه انها تطفيها فهي بتذيد اشتعالها

واد .. واد مين يا كتكوت ؟ انا لو كنت اتجوزت كان زمانى خلفت عيال يفصلوا منك تلاته اربعه

قلعه مين بس ؟؟ ( ياعم غطوها من زمان ) متظلموهاش بقى

وزمان مين ياعم الكتكوت .. احنا مضيعنا الا زمان

خلينا فى دلوقتى بص لقدام متبصش لورا هما كانوا بيقولوا وبيعملوا

احنا بنقول وبنقول وبنقول بس !!

وبعدين لما تيجى تبنى قلعه ياناصح مش بتروح تجيب السيراميك وتتفق مع السباكين ولا مواخذه اللى هيركبوهولك

لا هتجيب اسمنت وزلط ورمل ( مدرجات ودكاترة ومعامل )

وبعدين نبقى نشوف الكماليات ( السيراميك والسجاد والذى منه ) زى الموقع ده كده

واسمحوا لى جميعا

احنا لما نحب يبقى لينا موقع لازم نبقى حاجة مشرفه وواجهه كويسه نحطها عليه

احنا معندناش حاجة عليها القيمه عشان نفتخر بيها
د
بلا موقع بلا هباب ياشيخ

روح ياابنى ادارى انت واللى معاك لحسن لو لمحت حد منكم هبقلشه والله

وبعدين شمعتك دى يا حبيبى ههههههههههه

انا ممكن ادهسها برجلى من غير ماانفخ فيها بس انا بحب اضحك عليكم وعلى فشلكم كل مره

وابقوا قابلونى

واحترس منى لانك خلاص بقيت blacklisted بالنسبه لى
الرجوع الى أعلى الصفحة اذهب الى الأسفل
dr_diab2
الريشة الفضية للمنتدى
الريشة الفضية للمنتدى


عدد الرسائل : 3360
العمر : 26
الوظيفة : Ever failed. No matter. Try again. Fail again
تاريخ التسجيل : 04/07/2008

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 2:46 am

سيد احباط كتب:

واد .. واد مين يا كتكوت ؟ انا لو كنت اتجوزت كان زمانى خلفت عيال يفصلوا منك تلاته اربعه

قلعه مين بس ؟؟ ( ياعم غطوها من زمان ) متظلموهاش بقى

وزمان مين ياعم الكتكوت .. احنا مضيعنا الا زمان

خلينا فى دلوقتى بص لقدام متبصش لورا هما كانوا بيقولوا وبيعملوا

احنا بنقول وبنقول وبنقول بس !!

وبعدين لما تيجى تبنى قلعه ياناصح مش بتروح تجيب السيراميك وتتفق مع السباكين ولا مواخذه اللى هيركبوهولك

لا هتجيب اسمنت وزلط ورمل ( مدرجات ودكاترة ومعامل )

وبعدين نبقى نشوف الكماليات ( السيراميك والسجاد والذى منه ) زى الموقع ده كده

واسمحوا لى جميعا

احنا لما نحب يبقى لينا موقع لازم نبقى حاجة مشرفه وواجهه كويسه نحطها عليه

احنا معندناش حاجة عليها القيمه عشان نفتخر بيها
د
بلا موقع بلا هباب ياشيخ

روح ياابنى ادارى انت واللى معاك لحسن لو لمحت حد منكم هبقلشه والله

وبعدين شمعتك دى يا حبيبى ههههههههههه

انا ممكن ادهسها برجلى من غير ماانفخ فيها بس انا بحب اضحك عليكم وعلى فشلكم كل مره

وابقوا قابلونى

واحترس منى لانك خلاص بقيت blacklisted بالنسبه لى



مش قلتلك جاهل في الحاجات دي

والحمد لله لم يخيب ظني

اولا انت لو كنت اتجوزت كنت هتحبط مراتك ومش هتخلفوا اصلا Very Happy

ثانيا لولا الماضي ماكان الحاضر

ثالثا ياد يا سيد انت مين اللي قالك ان الرمل والظلط والاسمنت مجوش اصلا دول جم بس لو انت مش جاهل كنت عرفت ان شغلهم بياخد وقت شويتين وكنت عرفت ان شغلهم مفيهوش فن

انما السيراميك حاجه شكلها حلو وعاوزه فن وزوق وتفائل (وانت ربنا حارمك من التلاته فانا عازرك)

احنا عندنا حاجات نحطها على الموقع وحتى لو معنديش يكفي ان المرحله الاولى تكون وضع اثاث وبعدين بعد كده حد تاني يكمل

والشمعه دي مش بتاعتي دي بتاعتنا كلنا وانا واثق انك لو حاولت تدوسها هتبقى ارتكبت اكبر حاجه غلط في حياتك لانها هتحرقك وتولع فيك وتستخدمك كوقود لزياده نورها

والبلاك ليست بتاعتك دي شرف كبير اوي لان من هو ضدك فهو ناجح
الرجوع الى أعلى الصفحة اذهب الى الأسفل
بسمة فجر
|مشرف|
|مشرف|


عدد الرسائل : 8442
العمر : 29
محل الاقامة : بيت زوجي
الوظيفة : طبيبة جديدة
تاريخ التسجيل : 01/12/2006

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 3:21 am

الفكرة دي رائعة وبقالي فترة عمالة بفكر فيها وكنت عاوزة أعرف مين المسئول عنها..
حتى كنت ناوية أتكلم مع إدارة المنتدى فيها لأني لقيت لينك المنتدى على الموقع..
بس الحمد لله .. طالما الجودة دخلت ف الموضوع يبقى ان شاء الله هيكمل على أحسن وجه كالعادة..
كان نفسي أشتغل معاكو بس للأسف مبفهمش أوي ف البرامج المطلوبة..
بس ان شاء الله هفكر في مقترحات وأكتبها..
ملحوظة. .ياريت عنوان الموضوع يتعدل بما يدل على محتواه عشان الناس تاخد بالها منه
أو الموضوع يتحط ف الصفحة الرئيسية بعنوان يدل على المحتوى..
شكرا وبالتوفيق

_________________
الثورة دى بداية زى الهجرة والميلاد
الثورة دى بسملة كمل بقى الآية

●●●

مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية
الرجوع الى أعلى الصفحة اذهب الى الأسفل
http://www.goodwayinlife.com/forum/index.php
Hurted soul
عضو مميز
عضو مميز


عدد الرسائل : 171
العمر : 27
محل الاقامة : my soule
الوظيفة : T3bt ana..w myn mt3bsh fyna
تاريخ التسجيل : 08/07/2008

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 3:35 am

اول ما شوفت العنوان افتكرت النكته بتاع بطرس

بخصوص الهارد وير .. ايه المطلوب فيه ؟؟
الرجوع الى أعلى الصفحة اذهب الى الأسفل
MNFMED TEAM
عضو جديد
عضو جديد


عدد الرسائل : 4
العمر : 26
الوظيفة : mnfmed updating project
تاريخ التسجيل : 22/08/2008

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 11:26 pm

شوف يا أبو السيد

في قصة جميلة وحقيقية

عن بائع أحذية أمريكي تم إرساله في مهمة لمدة أسبوعين لإحدى الدول النامية ليرى إن كان هناك

أي إمكانية لإقامة أعمال فيها

استقل البائع الطائرة وجاب الدولة لمدة أسبوعين ثم عاد لرئيسه ليخبره

"أيها الرئيس، لا توجد لنا أي فرصة في هذه الدولة .. إنهم لا يرتدون أي أحذية هناك على الإطلاق"

كان رئيس الشركة رجلا ذكيا

وقرر أن يرسل بائع آخر في نفس المهمة لنفس الدولة.

استقل البائع الطائرة في رحلة مدتها أسبوعين

وعندما عاد أسرع من المطار إلى شركته مباشرة ودخل على رئيسه والحماس يملؤه

"أيها الرئيس لدينا فرصة رائعة لبيع الأحذية في هذه الدولة، فلا يوجد أحد لم يرتديها بعد!!!!"

---------------------------------------------

لو انت شايف ان اللي احنا بنعمله ده حاجة ملهاش لازمة

فده رأي أنا باحترمه

لكن .. بيننا الأيام

وخلال أقل من شهرين

لو المشروع نجح إن شاء الله

هنشوف إذا كان بجد الكلام ده له فايدة ولا لأ

وهتعرف وقتها بس .. إننا كنا صح .. وإن خطوة للأمام أحسن من لا شيء

بلاش نتكلم كتير .. لكن خلينا نقدم حاجة وبعدين نشوف

وهنولع الشمعة برضه!!!!!
الرجوع الى أعلى الصفحة اذهب الى الأسفل
MNFMED TEAM
عضو جديد
عضو جديد


عدد الرسائل : 4
العمر : 26
الوظيفة : mnfmed updating project
تاريخ التسجيل : 22/08/2008

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 11:29 pm

بسمة فجر كتب:

بس الحمد لله .. طالما الجودة دخلت ف الموضوع يبقى ان شاء الله هيكمل على أحسن وجه كالعادة..
شكرا وبالتوفيق


--------------------------------------------

ربنا يكرمك يا دكتورة ويكتر من أمثالك

معلش يا سيد

Hard Luck

الناس بتثق فينا لسه
الرجوع الى أعلى الصفحة اذهب الى الأسفل
Dr.House
عضوية شرفية
عضوية شرفية


عدد الرسائل : 2209
العمر : 30
الوظيفة : طالب
تاريخ التسجيل : 01/02/2007

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 11:43 pm

هقول رايي باختصار في الموضوع من واقع تجربه ليا تخص برضه الموقع بتاع الكليه

ان الكليه دي فيها دكاتره وموظفين لهم مصالح ومصاحتهم حاجه من اتنين

اما فلوس وحوافز واما مناصب وشهيصه (الا من رحم الله وهم قليل والله)

والطلبه بحماسهم ونشاطهم واخلاصهم ما هم الا اداه لتحقيق هذه الاهداف

فما دمت ماشي مع مصلحتهم فاهلا بيك

ومادمت تخالف المصلحه فمع السلامه وملكش لازمه وطز في اي حاجه كويسه انت بتعملها

فالعمل الحر الغير خاضع ليهم في الكليه هو الانجح

وان كانوا بيحاربوه برضه لو تضارب مع مصلحتهم

باختصار كده

ده ملخص 5 سنين نشاط في الكليه

_________________
Yes.... We Can
الرجوع الى أعلى الصفحة اذهب الى الأسفل
Dr.House
عضوية شرفية
عضوية شرفية


عدد الرسائل : 2209
العمر : 30
الوظيفة : طالب
تاريخ التسجيل : 01/02/2007

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 11:48 pm

ده مش معناه انك متشتغلش او متشاركش

بس لازم تسأل نفسك سؤال

اللي بيشغلني ده عاوزه مني ايه

_________________
Yes.... We Can
الرجوع الى أعلى الصفحة اذهب الى الأسفل
MNFMED TEAM
عضو جديد
عضو جديد


عدد الرسائل : 4
العمر : 26
الوظيفة : mnfmed updating project
تاريخ التسجيل : 22/08/2008

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 22 أغسطس 2008, 11:56 pm

كلام مظبوط يا دكتور

لكن حكاية تطوير الموقع دي

فكرة وتنفيذ

مننا كطلبة ولينا كطلبة

لإننا المستفيد الموحيد من تطوير الموقع ده

وإذا كان في دور لحد تاني فهو مجرد مساعدة لينا مش أكتر

يعني احنا اللي طلبنا منهم واحنا اللي هنفذ برضه
----------------------------------
شكراً للمشاركة
الرجوع الى أعلى الصفحة اذهب الى الأسفل
سيد احباط
عضو مميز
عضو مميز


عدد الرسائل : 172
العمر : 28
محل الاقامة : خرابة أبو اسماعين
تاريخ التسجيل : 27/02/2007

مُساهمةموضوع: رد: موقع كليتنا .. بإيدينا هنخليه حاجة تانية   السبت 23 أغسطس 2008, 6:54 am

Struggle كتب:
هقول رايي باختصار في الموضوع من واقع تجربه ليا تخص برضه الموقع بتاع الكليه

ان الكليه دي فيها دكاتره وموظفين لهم مصالح ومصاحتهم حاجه من اتنين

اما فلوس وحوافز واما مناصب وشهيصه (الا من رحم الله وهم قليل والله)

والطلبه بحماسهم ونشاطهم واخلاصهم ما هم الا اداه لتحقيق هذه الاهداف

فما دمت ماشي مع مصلحتهم فاهلا بيك

ومادمت تخالف المصلحه فمع السلامه وملكش لازمه وطز في اي حاجه كويسه انت بتعملها

فالعمل الحر الغير خاضع ليهم في الكليه هو الانجح

وان كانوا بيحاربوه برضه لو تضارب مع مصلحتهم

باختصار كده

ده ملخص 5 سنين نشاط في الكليه

شايفين ده كلام الناس اللى بتفهم


واضح ان الراجل ده خبره قديمه
الرجوع الى أعلى الصفحة اذهب الى الأسفل
سيد احباط
عضو مميز
عضو مميز


عدد الرسائل : 172
العمر : 28
محل الاقامة : خرابة أبو اسماعين
تاريخ التسجيل : 27/02/2007

مُساهمةموضوع: رد: موقع كليتنا .. بإيدينا هنخليه حاجة تانية   السبت 23 أغسطس 2008, 6:56 am

اقتباس :
ربنا يكرمك يا دكتورة ويكتر من أمثالك

معلش يا سيد


Hard Luck

الناس بتثق فينا لسه


ناس مين ياعم الحاج اللى بتثق فيكم !


أنا بتكلم على الطلبه العاديين

والله شكلك مش عارف حاجة فى حاجة وصعبان عليا

طلع أعضاء اللجنه بره وتعالى كلمنى Very Happy
الرجوع الى أعلى الصفحة اذهب الى الأسفل
سيد احباط
عضو مميز
عضو مميز


عدد الرسائل : 172
العمر : 28
محل الاقامة : خرابة أبو اسماعين
تاريخ التسجيل : 27/02/2007

مُساهمةموضوع: رد: موقع كليتنا .. بإيدينا هنخليه حاجة تانية   السبت 23 أغسطس 2008, 6:58 am

MNFMED TEAM كتب:
شوف يا أبو السيد

في قصة جميلة وحقيقية

عن بائع أحذية أمريكي تم إرساله في مهمة لمدة أسبوعين لإحدى الدول النامية ليرى إن كان هناك

أي إمكانية لإقامة أعمال فيها

استقل البائع الطائرة وجاب الدولة لمدة أسبوعين ثم عاد لرئيسه ليخبره

"أيها الرئيس، لا توجد لنا أي فرصة في هذه الدولة .. إنهم لا يرتدون أي أحذية هناك على الإطلاق"

كان رئيس الشركة رجلا ذكيا

وقرر أن يرسل بائع آخر في نفس المهمة لنفس الدولة.

استقل البائع الطائرة في رحلة مدتها أسبوعين

وعندما عاد أسرع من المطار إلى شركته مباشرة ودخل على رئيسه والحماس يملؤه

"أيها الرئيس لدينا فرصة رائعة لبيع الأحذية في هذه الدولة، فلا يوجد أحد لم يرتديها بعد!!!!"

---------------------------------------------

لو انت شايف ان اللي احنا بنعمله ده حاجة ملهاش لازمة

فده رأي أنا باحترمه

لكن .. بيننا الأيام

وخلال أقل من شهرين

لو المشروع نجح إن شاء الله

هنشوف إذا كان بجد الكلام ده له فايدة ولا لأ

وهتعرف وقتها بس .. إننا كنا صح .. وإن خطوة للأمام أحسن من لا شيء

بلاش نتكلم كتير .. لكن خلينا نقدم حاجة وبعدين نشوف

وهنولع الشمعة برضه!!!!!


هههههههههههههه ممكن تبطلوا كلام القصص والحواديت دى


اللى ملهاش أى لزمة

احنا ايه اللى دخلنا فى الجزم والشورابات دلوقتى

وبعدين مش موضوع رايي ورايك

الموضوع فيه حاجة اسمها عقل واسمها اولويات

وبعدين من الاخر محدش عبرك لحد دلوقتى ولا حد هيعبرك

وان كان حد جبر بخاطرك فمش هيعرف يفيدك Razz
الرجوع الى أعلى الصفحة اذهب الى الأسفل
Fдйčy
عضو ذهبي
عضو ذهبي


عدد الرسائل : 1394
العمر : 26
محل الاقامة : .
الوظيفة : .
تاريخ التسجيل : 21/05/2008

مُساهمةموضوع: رد: موقع كليتنا .. بإيدينا هنخليه حاجة تانية   الأربعاء 27 أغسطس 2008, 12:42 pm

أنا شايفه أن الموضوع جميل والاصلاح فى الخربان مش حاجه نتعاقب عليها
وبعدين اللى يقدر على حاجه كويسه المفروض يعملها
ولو معملهاش مايحبطش غييره
الناس بتفكر كويس وعاوزة تعمل حاجه كويسه
يانسبها يا نساعدها
أنت ومعلوماتك بأه
يعنى تبأه عضو فعال مش محبط ومثبط
وبعدين حدوتة السيرامك دى ماينفعش تطبقها هنا أحنا مش بنبنى شقه
أحنا بنظبط حاجات فى كليتنا
وما حدش حددلنا نبدأ منين
يعنى نبدأ من أى حته
يمكن لما الناس تشوفنا عاوزين كليتنا تبأه حاجه كويسه
وتشرف
يساعدونا
وعلى فكرة أحنا اللى بأدينا نقدر نعمل اللى أحنا عاوزينه
وما حدش حاطط نقرة من نقرنا ولا حاجه
الاضطهاد اللى شايفاه دا مالوش أساس
إحنا ما قتلناش لحد قتيل علشان يقف فى وش تطوير كليتنا
ولو مابدأناش نطور من أى حته يبأه مش هنبدأ
وهيفضل كل واحد عاوز يعمل حاجه كويسه يقول
لما يتعمل كذا لاول نبأه نفكر فى كذا
دا كلام ماينفعش

هوا صحيح أنا لسه مش بعرف فى الهار وير ولا الحاجات اللى هتحتاجوها
بس هحط الموضوع دا فى منتدياتنا اللى أعرفها علشان أكتر الناس تشوفه
وفيه ناس أعرفها ممكن تساعد هبعتلها الموضوع وأكيد هما مش هيتأخروا

gooooooo on
الرجوع الى أعلى الصفحة اذهب الى الأسفل
My Name Is Khan
عضو فضي
عضو فضي


عدد الرسائل : 728
العمر : 26
محل الاقامة : in my sweet home
الوظيفة : ..................
تاريخ التسجيل : 30/04/2008

مُساهمةموضوع: رد: موقع كليتنا .. بإيدينا هنخليه حاجة تانية   الخميس 28 أغسطس 2008, 8:12 pm

بسم الله الرحمن الرحيم
بارك الله فيكم وجزاكم خيرا
وانشاء الله الموقع يكون احسن
بمجهوداتكم كلكم
وانتم بجد مثال مشرف للشباب فى كل مكان
وانتم نموذج طيب يحتذى به

اختكم
mini mouse
الرجوع الى أعلى الصفحة اذهب الى الأسفل
دومــ لكـ الحمد ــا
|مشرف|
|مشرف|


عدد الرسائل : 3131
العمر : 29
محل الاقامة : unable 2 connect
الوظيفة : أتمنى رضا الله
تاريخ التسجيل : 17/12/2007

مُساهمةموضوع: رد: موقع كليتنا .. بإيدينا هنخليه حاجة تانية   الجمعة 29 أغسطس 2008, 12:46 pm

ربنا معاكم

و بإذن الله تنجحوا وتطوروا الموقع

ودى خطوة في الطريق
بدل ما نرضى بالأمر الواقع و نفضل محللك سر
وبعدين مش كل ما نيجى نعمل حاجة كويسة نقول مين وراهم؟
لأن الأهم هو المحصلة
مادمت هتعمل حاجة كويسة يبقى ابتغى بيها مرضاة ربنا وأتقنها كويس
ومش مهم مين هيستفيد من الجهات العليا بعد كده
ماللى يستفيد يستفيد وهو وضميره بقى
مادام ده هيحقق مصلحة للطلبة يبقى..... ليه لأ؟؟؟

_________________
[center]

ــــــــــــــــــــــــــــــــــــــــــــــــــــــــــ


*****************************
[/center]
الرجوع الى أعلى الصفحة اذهب الى الأسفل
MKTemraz
" مشرف تكنولوجيا "



عدد الرسائل : 893
العمر : 29
محل الاقامة : Behind You
الوظيفة : Ishte3'alah
تاريخ التسجيل : 28/11/2006

مُساهمةموضوع: رد: موقع كليتنا .. بإيدينا هنخليه حاجة تانية   السبت 08 نوفمبر 2008, 2:12 am

ايه الجديد في موضوع تجديد الموقع ؟

_________________



That's the time you must keep on trying

Smile, what's the use of crying ?!

You'll find that life is still worthwhile

If you just smile





الرجوع الى أعلى الصفحة اذهب الى الأسفل
Demodex
مقرر دورة الاسعافات
مقرر دورة الاسعافات


عدد الرسائل : 1857
العمر : 26
محل الاقامة : ...
الوظيفة : ...
تاريخ التسجيل : 25/11/2008

مُساهمةموضوع: رد: موقع كليتنا .. بإيدينا هنخليه حاجة تانية   الثلاثاء 25 نوفمبر 2008, 9:30 pm


السلام عليكم

بصراحة الفكرة عندي من زمان و ربنا يسهل و أنا معاك بإذن الله

و أنا بإذن الله ممكن أساعدكم في شغل الفوتوشوب و الفرونت بيج

و ربنا يسهل بإذن الله
الرجوع الى أعلى الصفحة اذهب الى الأسفل
http://www.abdeldayem.info/
 
موقع كليتنا .. بإيدينا هنخليه حاجة تانية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Kollia Online Forums :: . :: حالة حوار-
انتقل الى: