وجه نظر طالب

موضوع: وجه نظر طالب الأحد 06 يوليو 2008, 1:09 am

السلامو عليكم و رحمه الله و بركاته على كل الدكاتره الحلوين
انا كنت كتبت امبارح انى حسيت ان الدكاتره قاسيين علينا فى الشفوى
انا بجد الحمد لله مش معترض على الدرجه اللى هاخدها مهما كانت لانى الحمد لله مقتنع ان ده قدرى
بس انا يا جماعه كل ما بفتكر شكل الدكتور و هو بيسالنا بتنرفز و عفاريت الدنيا بتتنطط فى وشى em5

انا مش عارف ايه الفكره فى التعجيز او ايه الغايه من ان الدكتور يسال الطالب فى حاجه هو متاكد انه مش عارفها و حتى لو عارفها هيكون حافظها من حد دخله قبل كده مش فتاكه يعنى و لا عبقريه مننا
و فى نقطه تانيه ........ انا شخصيا نفسي احس انى محبوب من الناس لان فعلا الشعور ده بيخلى الواحد يحس ان له لازمه فى المجتمع مش مجرد شخص ملوش لازمه ... فهل الدكاتره دول بيفكرو فى الحته دى ؟؟؟؟؟؟؟؟؟؟؟؟؟؟ بينى و بينكو اشك ان النقطه دى تهمهم اساسا للاسف
انا غرضى من الموضوع ده مش انى اتكلم و افضفض و خلاص ... لا انا عندى فكره .... ممكن تكون مجنونه حبتين em9

بس اهو كل الافكار تستحق المحاوله ...... انا فكرت احنا ليه بعد ما ربنا يعدى السنه دى على خير نحااااااااااااااااول نعمل زى ندوه كده مع دكاتره من الكليه و نحاول نكلمهم فى حاجه زى كده
مع انى بصراحه اشك فى تجاوبهم معانا بس يبقى احنا موقفناش سلبيين و اتكلمنا بينا و بين بعض و خلاص
يا جماعه انا فى زيي ناس كتير ملهاش واسطه و بتخش بتوفيق ربنا اللى انا متاكد انه اهممممممممممم من اى واسطه فى الدنيا بس برضه ميمنعش اننا ندور على حقنا
ارجو انكو تشاركونى فى الموضوع ده و تردو عليا و بالنسبه للمشرفين ارجو لو حسيتو انه موضوع مهم تثبتوه
و ربنا يوفقنا كلنا يا رب

موضوع: رد: وجه نظر طالب الأحد 06 يوليو 2008, 2:56 am

[size=18][/size]الموضوع فعلا عاجبنى اوى واكيد ده الكلام الى جوايا برضه عشان انا مشكلتى فى الشفوى ان ليه الدكاترة مش كلهم طبعا بيستهزؤ بينا ولو كنا مذاكرين كويس حتى بنفقد اعصابنا من طريقة الدكتور وكمان حاجة مش كويسة لما نلاقى بتوع الوسايط عادى جدا ومرتاحين واحنا مضايقين واعصابنا تعبانة ونخش فى الاخر بالحظ بقى كمان على حسب الدكتور!!!!!!!!!!!!!!!!!!!!!!!!!!بصراحة حسه اصلا ان فكرة امتحان شفوى عشان تربينا نكون دكاترة ازاى ونكون عندنا جرأة وشخصية ونتعامل ازاى مع الناس ونبقى دكاترة ازاى بس للاسف معتقدش ان ده بيحصل خااااااااااالص
زى اى امتحان يعنى بنحاول نثبت كلمتين نخش بيهم ونطلع تانى!!!!!!!!!!!!!!!!!!
انا مشجعة الموضوع بس ياترى فى حد اصلا من الدكاترة هيسمع؟؟؟؟؟؟؟؟؟؟؟؟؟؟؟؟؟؟؟؟؟؟
ياريت والله وتبقى جزء من مشاكلنا اتحلت وربنا معانا ان شاء الله

موضوع: رد: وجه نظر طالب الأحد 06 يوليو 2008, 8:15 am

السلام عليكم أولا

على فكرة الموضوع حلو قوى وبجد بيعبرعن مشكلة حقيقة موجودة بالفعل
هما ليه بعض الدكاترة -وليس الكل- بيعاملنا كده كأننا ما بنعرفش حاجة وبيحاولوا دايما يحسسونا ان احنا لسة ما نعرفش حاجة مع ان دكتور جمال هجرس -واحنا فى سنة تانية - قال ان فى حاجات مستواها الunder graduats يعنى حاجات على ادهم وهى دى الحاجات اللى مطلوب نعرفها وبصراحة احنا معاه فى الرأى ده طب هما ليه بقى بيعملوا كده؟؟؟!!!
اما بالنسبة بقى لحتة الواسطة فدى بقى مشكلة تانية لوحدها ومحتاجة صفحات وصفحات للمناقشة فيها أقوللكم على سر انا كل لما أدخل امتحان شفوى وألاقى فيه كوسة بأحسبن بينى وبين نفسى على كل واحد بياخد حاجة مش من حقه وبأستغرب هما ليه بيلجؤا للواسطة مع ان احساس النجاح (وخصوصا لو انت كنت تعبان فيه) احساس جميل قــــوى وبجد النجاح بيكون ليه طعم وأقولكم على حاجة كمان انا أخدت عهد بينى وبين نفسى انى ماحدش يتوسط لى ولا أنا أتوسط لحد فى أى حاجة لانىتذوقت الاحساس انك تكون واقف أدام امتحان الشفوى مستنى اللجنة بتاعتك ومش عارف نصيبك هيكون فين ولا مع مين من الدكاترة وياترى الدكتور دا كويس ولا لأ وأسئلة تانية كتير بيبقى الواحد بيفكر فيها قبل الامتحان وتبص تلاقيهم نادوا على أسامى معينة وأخدوهم للجنة واحدة وتلاقيهم طالعين مزقططين اما انت الله أعلم بحالك.أو ختى دخل نفس لجنتك بس الدكتور زوده علشان مش عارفة ايه..........
من هنا بأتوجه بسؤال لأى حد اتوصى عليه(بس ياريت يكون عنده الجرؤة انه يرد) انت مش بتحس انك بتاخد حاجة مش بتاعتك او بتحس انى دى حاجة غلط ولا انت حاسس انها حاجة عادية وانه حقك انه يتوصى عليك
طبعا ياجماعة انا مش معنى كلامى ده ان الناس اللى بيتوصى عليهم انا بأقلل من مستاهم العلمى لاسمح الله طبعا مش كلهم فيهم ناس فعلا مستواها ممتاز وسواء بواسطة أو من غير هما كويسين بس أنا بأتكلم عن الواسطة عموما

_________________

ان مرت الايام فلم تروني ....... فهذه مشاركاتي ........ فتذكروني
واذا غبت .... و تلاشى النداء........ اكون وقتها بحاجه للدعاء
فلا تنسوني من صالح دعائكم بظاهر الغيب

موضوع: رد: وجه نظر طالب الأحد 06 يوليو 2008, 8:33 am

عارفة يا دكتورة انا واحد من الناس اللي ليهم واسطة بس في سنة اولي اصريت ان ماحدش يوصي عليا عارفة ايه اللي حصل؟؟؟؟؟
دخلت امتحان اول يوم جبت 25 من 25 تاني يوم كان الدكتور صعب اوي و خد 23 بس كانت كل اللجنة كدة فرحنا نشتكي للدكتور و خد اسامينا و شاف اسمي قالي اه انت باباك مستكبر يكلمنا قلتله لا ده هو بس مسافر علشان مزعلوش قالي ده انا لسة مقابله طلعت جري و كلمت بابا علشان يكلمه لحسن العملية تبوظ فكلمه عارفة اللجنة دي جبتها من الكنترول درجتها كام ؟؟؟؟؟؟
18 تخيلي ينقصني 5 درجات علشان بابا ما كلموش عايزاني اعمل ايه

موضوع: رد: وجه نظر طالب الأحد 06 يوليو 2008, 8:40 am

كان ممكن ترد عليه وتقولة انا حابب أععتمد على نفسى وأظن ما فيهاش حاجة ان الواحد يعتمد على نفسه ولا ايه؟
وابقى جرب كده يادكتور تحط نفسك مكان أى حد مالوش واسطة وشوف احساسك هيكون ايه؟
وان كان ع الدكتور اللى نقصك ده فالحمدلله احنا كده كده بننقص والدكاترة بقى انت عارف فى الشفوى دا بالذات انت وحظك

_________________

ان مرت الايام فلم تروني ....... فهذه مشاركاتي ........ فتذكروني
واذا غبت .... و تلاشى النداء........ اكون وقتها بحاجه للدعاء
فلا تنسوني من صالح دعائكم بظاهر الغيب

موضوع: رد: وجه نظر طالب الأحد 06 يوليو 2008, 9:28 am

انا مش هتكلم فى اللى فات

بالنسبه للجان الشفوى

لانى فعلا مش عايزة افتكر اللى حصل معايا امبارح

الحمدلله

انا كان حظى كويس فى الدكاترة

بس احساس الفشل صعب وملازمنى

وكمان احساس ان موجود فى ناس متوصى عليها ومرتاحه

وانا بحرق فى دمى واعصاااااااااااااااابى

الفكرة اللى حضرتك قلتها جميله

وعايزين ننفذها دايما

عايزين نبقى قريبين من دكاترتنا اكتر

نكسر حاجز الخوف اللى احنا عاملينه ده

ساعتها بس

هنقدر نتعامل مع الكل

مش دكاترتنا فى الكليه بس

نحاول نعمل ندوة كل فترة

لدكتور من دكاترتنا باذن الله فى خامسه

ونقرب منه

نتكلم فى كل شىء يخص الماده

يخص متاعبنا فيها

يخص احنا خايفين من ايه

ونذاكر ازاى

نتكلم ونعرفه ان لينا صوووووووووووت

يشوفنا ويتعرف عليناااااااا

ونخلى اتحاد الطلبه يساعدنا فى عمل الندوات دى

واحنا كمان ندعوهم بصورة لبقه

ومن رايى ان الموضوع مش بالصعوبه دى

فى عصر الجوده اللى احنا بدانا ندخل فيه بالفعل

هيكون سهل وباذن الله

يرحبوا بالفكرة

بس احنا نعمل اللى علينا

_________________
ليتنى أدرى كيف أعود كما أحب .........

وكيف أقتل تلك التى أعيشها اليوم وأصبح أخرى بريئه باسمه

آمله فى الغد ......

لا تحمل ذكرى ألم ولا تهاب جرح يومها ولا تيأس من غدها

موضوع: رد: وجه نظر طالب الأحد 06 يوليو 2008, 9:31 am

علي فكرة يا دكتورة انت فاهمة الموضوع غلط خالص احنا يا دكتورة مش بندخل اللجنة يسالونا ازيك و ازاي بابا و اخد الدرجة وخلاص
انا بتسال و علي اد اجابتي باخد الدرجة و لو اتجملت بيبقي بدرجة واحدة بالكتير احنا يا دكتورة مش في القصر العيني و ياما ولاد دكاترة متعينوش في الكلية

موضوع: رد: وجه نظر طالب الأحد 06 يوليو 2008, 9:43 am

يادكتور انت واخد الموضوع بحاسيسة ولو أخدت بال حضرتك هتلاقينى قولت ان فى ناس كويسة بالفعل وتستاهل

بس الاحساس نفسه وحش انك يكون محروق دمك وأعصابك طول السنة وتلاقي ناس ولا هاممها
وعموما رأى ده مجرد رأى لا هيقدم ولا هيأخر وياريت مايكونش حد زعلان منى

وعلى فكرة ما تفتكرش انى حظى وحش فى الشفوى بل بالعكس امتحان الشفوى دة انا بحبه جدا والحدمد لله دايما ربنا بيكرمنى فيه

وربنا يوفق الكل يارب ويدى كل واحد زى ما بيتمنى

_________________

ان مرت الايام فلم تروني ....... فهذه مشاركاتي ........ فتذكروني
واذا غبت .... و تلاشى النداء........ اكون وقتها بحاجه للدعاء
فلا تنسوني من صالح دعائكم بظاهر الغيب

موضوع: رد: وجه نظر طالب الأحد 06 يوليو 2008, 10:08 am

يا دكتورة والله انا فاهم قصد حضرتك و اللي خلاني ادخل و اتكلم اني حسيت ان الناس اللي عاملة الموضوع ناس محترمة و قابلة للنقاش و علي فكرة انا نسيت اقول لكم اني معاكم في الموضوع ده و هكون اول واحد مشارك فيه لما يبدا تنفيذه ان شاء الله لان ان كان الوسايط هما بالكتير 5 في الدفعة كلها فالاهم من كدة ان ماحدش يتظلم بانه يدخل لدكتور درجاته وحشة لان اللجنة دي علي الاقل بيبقي فيها 30 واحد

موضوع: رد: وجه نظر طالب الأحد 06 يوليو 2008, 11:05 am

انا بجد سعيييييييييييييييييييييد جدا عشان كل الناس اللى تفاعلو معايا
و بشكرهم كلهم من اول الدكتوره special sense و قوقه و expired و هويدا
و شكرا ل special sense لانها اول شخص شجعنى و بقلكو يا جماعه
احنا فعلا محتاجين ننتقل من مرحله اننا ناكل فى نفسنا لو حاجه مضايقانا
الى مرحله اننا نحاول نعمل حاجه
و انا بصراحه فعلا تعبت من انى اكون سلبى و لما الاقى حاجه قدامى مش عجبانى اسكت و خلاص
و اعتقد ان حتى ده مش فى الاسلام يعنى ...... اه لو لاقينا حاجه بنتظلم فيها نقول حسبى الله و نعم الوكيل ة اكيد ربنا مش هيظلمنا ........ بس ربنا مقالش اننا نقف نتفرج على اى حق بيضيع مننا
بالنسبه للدكتوره special sense حضرتك بتقولى بتشكى ان الدكاتره ممكن ميتجاوبوش معانا
ده حقيقى بس ليه احنا فعلا منعملش اللى علينا و نسيب الباقى على ربنا ؟؟؟؟
و بالنسبه لموضوع الواسطه ...... انا من الناس اللى الحمد لله مش بحقد على اى حد بيخش واسطه لانهم فى الاول و الاخر اصحابى ......... و انا مش بقول الكلام ده عشان هما عارفين انا مين ..... لا هما اكيد عارفين انى فعلا الحمد لله مش من الناس الحقوده و دى نعمه من ربنا الحمد لله
لانى زى ما قلت فى الاول متاكد ان لو حد تعب ربنا بيكرمه
و شكرا ليكم كلكممممممممممممممممم و شجعتونى و ربنا يوفقنا جميعا
و مستنى ردود كمان
انتقام

موضوع: رد: وجه نظر طالب الأحد 06 يوليو 2008, 1:33 pm

العفو بس هو الموضوع قريب وكلنا حاسين بيه وكلنا بنتكلم فيه بس مع اصحابنا ومش بنحاول نعمل حاجة وشكرا ليك انك بداته فعلا بس ياريت يكون حقيقة بقى وبالنسبة للوسطة انا مش متفقة مع كلام الدكتور خالص الى بيقول انه واسطة وبيدخل عادى لان دايما لجنة الوسطة بتكون ليهم بس وطبعا دكاترة بيبقوزى الفل ومبياسلوش غير العناوين وحتى لو نقصوهم درجة زى مبيقول ففى دكاترة تانين بينقصو بنص الدرجات وناس بتكون ممتازة بس مشكلتها انها داخلة بحظها بس انا مقتنعة جداااا ان ربنا مش بيضيع تعب حد واكيد كل واحد بنصيبه مش حقد ولا حاجة علىب توع الوسايط بس مسالة ان نفسيتنا تعبت ولو جربتو الاحساس ده هتعرفو

موضوع: رد: وجه نظر طالب الأحد 06 يوليو 2008, 2:07 pm

على فكره يا expired انت يا باشا مش محتاج واسطه دى مجرد تحصيل حاصل معاك

انما انت بسم الله ما شاء الله راجل محترم و مجتهد و تستاهل

فعشان كده ربنا ان شاء الله حيكرمك سواء بواسطه او من غير

بس بجد فيه ناس عكسك تمام و دول بجد لولا الواسطه كانوا...........!

موضوع: رد: وجه نظر طالب الأحد 06 يوليو 2008, 2:37 pm

[size=18]

expired كتب:

علي فكرة يا دكتورة انت فاهمة الموضوع غلط خالص احنا يا دكتورة مش بندخل اللجنة يسالونا ازيك و ازاي بابا و اخد الدرجة وخلاص
انا بتسال و علي اد اجابتي باخد الدرجة و لو اتجملت بيبقي بدرجة واحدة بالكتير احنا يا دكتورة مش في القصر العيني و ياما ولاد دكاترة متعينوش في الكلية

بصراحه أنا أول مره النهارده أدخل لجنه مش لجنتى لأن د/عبد الطيف كان عارف شكلى وفى المؤتمر عرف اسمى كمان
بس بصراحه سألنى أسئله زى أى دكتور تانى معتقدش انه سألنى أى أسئله تافهه يعنى وكان كل شويه يقولى أنا مش هديكى أكتر من حقك علشان ضميرى مش يأنبنى هو ميزته بس انه مش بيخرج عن الكتاب

بس والله والله والله وربنا يحاسبنى على يمينى أنا أول د/عبد اللطيف ماشفنى وقالى اعملى حسابك هتمتحنى عندى وأنا اترعبت وتمنيت انى مدخلش ليه وأدخل لجنتى حتى ناس كتير لو كانوا يعرفونى هيشهدوا انى كنت راحه جايه بين غرفه د/عبد اللطيف والغرفه اللى فيها لجنت كنت متردده قوى بس بصراحه مكنش ينفع مروحش ل د/عبد اللطيف كنت هستحقر نفسى انى محترمتهوش ومش روحتله
والحمد لله اللى يأكد صدق كلامى ان د/عادل كل لجنتى شكرت فيه والمنتدى امبارح قالوا انها احسن لجنه يعنى كان ممكن ممتحنش عند د/عبد اللطيف بس روحت احتراما له مش اكتر لأنى مش بحب اللى بيتوصوا عليه وبحس بتفرقه بس مكنتش أقدر اعما حاجه غيلا اللى عملتها؟ ولا ايه رأيكم؟
ياريت لو انا كده غلطت حد يقولى والله مش هزعل من صراحتكم لأنى بجد حاسه بتأنيب ضمير ناحينكم كلكم

وكويس انى لقيت الموضوع ده علشان أقولكم حسن نيتى[/size]

وتقبلوا اعتذارى

_________________

ان مرت الايام فلم تروني ....... فهذه مشاركاتي ........ فتذكروني
واذا غبت .... و تلاشى النداء........ اكون وقتها بحاجه للدعاء
فلا تنسوني من صالح دعائكم بظاهر الغيب

موضوع: رد: وجه نظر طالب الأحد 06 يوليو 2008, 4:27 pm

شفتي يا دكتورة انها بتبقي تدبيسة عارفة انا لجنتي امبارح كانت مين

د. احمد ابو زيد و د. عمر البنهاوي طبعا انتوا عارفين الاتنين و عارفين ان 30 عندهم سهلة جدا و خصوصا اني كنت مذاكر بس هاعمل ايه لو ماعملتش كده هتبقي كارثة
يا جماعة لازم تعرفوا ان فيه ناس كتير عندهم واسطة نفسهم ما حدش يوصي عليهم و لا حد يبقي عارفهم يحضروا المحاضرات اللي عايزنها بس و ميحضروش المحاضرات اللي ما بيستفيدوش منها بس ازاي ده صاحب بابا و ما يصحش و تلبس و تنزل من بيتك و في الاخر المحاضرة تتلغي يا فرحتي بالواسطة

موضوع: رد: وجه نظر طالب الأحد 06 يوليو 2008, 4:44 pm

انا مش هقول غير حاجة واحدة وبس

(ان الله لا يضيع اجر من احسن عملا )
وربنا سبحانه وتعالي بيدي كل واحد علي اد تعبه وبتوع الوسطة لو مكانوش تعبانين زينا ومذاكرين ربنا مش هيديهم غير حقهم واذا كانو بياخدو نهايات في الشفوي فاكيد في النظري ينزلوا
انا لا بحقد ولا زعلانة كل الحكاية ان انا مبحبش الظلم اللي بيقع علينا من الدكاترة في الشفوي يعني انا وبسمة اللي حصلنا امبارح ده عمره مكان هيحصل لاتنين متوصي عليهم وانا بضرب مثال مش اكتر وارجع واقول ان ده نصيب مكتوب عند ربناوانا كمان مش هاخد اكتر من حقي وبرده مش هاخد اقل
وعاوزة انبهكم لحاجة الناس اللي عندها واسطة هما ذات نفسهم مش غلطانين ولا عليهم لوم وانا بحترمهم كلهم
لان ممكن يكون فعلا زي دكتور expired وممكن يكونوا هما اللي عاوزين وفي الحالة دي بلتمسلهم العذر لان لو 3\4 الطلبة عندنا كان عندهم واسطة هيستغلوها من باب ان اشمعنا الناس اللي اقل مننا مستريحين
وخدوا بالكم انا قلت 3\4 وسايبة ربع لاني اعرف ناس كتير عندهم واسطة ومش بيستغلوها
والحمد لله انا منهم عندي وواسطة جوه الكلية كمان مش دكتور من كليه تانية والحمد لله الكل عارف اني لابستغلها ولا عاوزاها وكل امتحان شفوي بيجرالي حاجة واظن دي مش واحدة متوصي عليها
المهم انا مش عاوزة الموضوع ده يدايق حد اي نعم ساعة اللجنة الكل بيدايق لكن ده بيبقي بسبب حالةالضغط اللي بنبقي فيها كلنا مش اكتر لكن بعد ما بنرجع لحالتنا الطبيعية الكل مبيبقاش جواه غير كل خير بيتمناه لاي حد
_________________

موضوع: رد: وجه نظر طالب الأحد 06 يوليو 2008, 5:00 pm

سلامو عليكم جميعا
انا كنت عاوز اضيف حاجه بعد اذنكو يا دكاتره
انا كان هدفى الاساسي من الموضوع مش انى احرض حد على الواسطه او كده
بجد مش ده كان قصدى
انا معنديش اعتراض انى مثلا لو مش مذاكر و اخش لدكتور يسالنى اسئله و معرفهاش فهو له الحق طبعاااااااااااا انه ينقصنى براحته
انا اللى عاوز اقوله اننا ليه نكون الحمد لله ذاكرنا و تعبنا و ييجى دكتور للاسف معندوش قلب و انا اسف على التعبير ده .......... و يظلمنا و ميديناش حقنا
انا هنا عاوز اقول اننا عاوزين حقنا لكن مش عاوزين نلغى حق حد تانى و حتى لو كان له حد معرفه فى الكليه ...
ارجو ان رسالتى تكون وصلت
و بشكركو كلكو على تفاعلكو و ياااااااااااااااارب يكون الموضوع ده يفوقنا و نحاول نتحرك و نعمل حاجه
و ربنا معانا فى الكوميونتى

موضوع: رد: وجه نظر طالب الأحد 06 يوليو 2008, 5:05 pm

برده

موصلناش احنا

ناويين نعمل ايه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياريت منبكيش على اللبن المسكون

ونبص لقدام شويه

ونمنع نفسنا من الوقوع فى المطب ده تانى

هنعمل ايه؟؟؟؟؟؟؟؟؟؟؟؟؟؟؟؟؟؟؟

_________________
ليتنى أدرى كيف أعود كما أحب .........

وكيف أقتل تلك التى أعيشها اليوم وأصبح أخرى بريئه باسمه

آمله فى الغد ......

لا تحمل ذكرى ألم ولا تهاب جرح يومها ولا تيأس من غدها

موضوع: رد: وجه نظر طالب الأحد 06 يوليو 2008, 7:39 pm

انا معاكى يا دكتوره اننا مش المفروض نتكلم و خلاص
و ده اللى انا قلته فى اول الموضوع خالص
انا رايي اننا عاوزين ان شاء الله لما نخلص الامتحانات باذن الله او حتى فى اول السنه اللى جايه نحاول نعمل ندوه مع الدكاتره بتوع الاقسام الجديده
و نحاول نكلمهم .......... الله اعلم ما يمكن يسمعونا
او يطلع منهم حد يفهم وجهه نظرنا ....... و فى دكتوره اشتركت معانا و قالت على الاقل فعلا نكون قريبين منهم
و بكده ممكن نكون وصلنا صوتنا لمستوى اعلى ....... مش بس فضفضه يعنى بينا و بين بعض
و لو حضرتك عندك اقتراح اتفضلى
احنا عاملين الموضوع عشان لو حد عنده تصور احسن للفكره دى يقوله
و لا خاب من استشار

موضوع: رد: وجه نظر طالب الأحد 06 يوليو 2008, 7:58 pm

موضوع: رد: وجه نظر طالب الأحد 06 يوليو 2008, 8:09 pm

خلاص يبقى نبدا

من الصفر

الا وهو التعرف على الدكاترة

انا عن نفسى معرفش حتى رؤساء الاقسام اساميهم ايه

واكيد ناس كتير كده مننا

يبقى نستعين بناس زمايلنا

من الفرقه الخامسه

وحتى لو منعرفش حد من خامسه

نعمل موضوع فى منتداهم

ونسالهم عن الدكاترة

ونسال عن افضلهم

واكثرهم قابليه لتقبل الموضوع

لان الحكايه عايزة تبدا بدكتور واحد بس

وبعد كده هنقدر ندخل للدكاترة التانيين

وزمايلنا برده هيقولولنا

المدخل اللى يوصلنا لكل دكتور

ايه رايكوااااااااااااااااا

_________________
ليتنى أدرى كيف أعود كما أحب .........

وكيف أقتل تلك التى أعيشها اليوم وأصبح أخرى بريئه باسمه

آمله فى الغد ......

لا تحمل ذكرى ألم ولا تهاب جرح يومها ولا تيأس من غدها

موضوع: رد: وجه نظر طالب الأحد 06 يوليو 2008, 8:25 pm

السلام عليكم ورحمة الله وبركاته
اولا : اشكرك يا دكتور على طرح الموضوع
ثانيا : دى مشكله من مشاكل التعليم فى مصر ..وما اكثرها ..تعليم فاشل..فاشل ..فاشل
وبخصوص موضوع حضرتك ..انا فعلا بستعجب فى نفسى اوى بل وبضحك مستنكرة فى نفسى من الموضوع ده ..موضوع الاسئله التعجيزيه !!!!
هى ناقصه احباط وتعجيز ..احد الدكاترة وهو مشهوووور طبعا بالاسئله التعجيزيه ودرجاته فى منتهى السوء وكأنه بيدخل فى تحدى مع طلبه خبرتهم العلميه فى المادة دى سنه واحده فقط ..وهو كاااام سنه !!! لا ادرى لما هذا ؟!!!!!
بيعلمنا ولا بيتحدانا ؟ هم فهموه ايه بالضبط عن التدريس والتعليم ؟!!
وكان قال وهو فى الراوند انا بسال الطالب علشان ما يحسش انه خلاص امتلك المادة واعرفه انه فيه حاجات ما يعرفهاش علشان ما يتغرش !!!!! لو عايز يعرفنا حاجات مانعرفهاش يقولهالنا وهو بيسألنا من غير ما يحاسبنا عليها ..
وبيحاسبنا وكأنه هو اللى وصل "لمنتهى " العلم فى مادته !!! انا فعلا مستنكرة
ده على اعتبااااار اصلا ان اللى بندرسه ده تؤهلنا ان احنا دكاتره !!!!!!!!!غير اللى فىالبلاد المتقدمه اصلا اللى بيحصل هنا من تعليم وتأهيل

بيطبقوا الجودة على نظم الامتحانات بس..وطرق التدريس لا ..ليه علشان بالطبع مفيييييييش امكانيات !!! والطلبه هم الضحايا !!

الشفوى ده توفيق من ربنا ..لانه اولا بتتوزع غصب عنك على دكاتره قد لا تحب انت تتعرض لهم اصلا ..توفييييق ..ويجب الارتضاء به

وبالنسبه للوصايا ..فيه ناس عندها وصايا ومش بترضى تستخدمها ..او حتى بتكون عارفه دكاتره ودكاترة عارفاهم ويبقوا قاعدين قدامهم وممكن يدخلولهم ..بس مش بيرضوا
اصلهم بيبقوا مختارين اللى اعظم من ده .......
ربى وربكم وربهم جميعا اعظم من كل شىء واعدل من كل شىء

واللى يستخدم احد عباده كوصيه كمرحله مؤقته للحصول على بضع درجات

ففى مراااااااحل كتيييييير اوى فى الحياة صعبه محتاجه للملك الاعظم ..ربنا هو الوحيد على ازاله كل معسر

وعايزة اقول حاجه لزميلاتى :دكتور زلزول وبسمه فجر
بالنسبه للدكتور اللى ظلم ..
واى دكتور حتى ظالم او حد ظالم اعلموا انه له يوم ..وانه لو بيصعبوا ان شاء الله ربنا هيعسرله كل يسير ويصعبها عليه طالما هو بيصعب كده ومتجبر لو ووضع تحت ايده سيطرة
"من يسر على معسر يسر الله عليه فى الدنيا والاخرة " صدقت يا رسولنا الكريم
وطبعا العكس بالعكس

والضربه اللى ما تتصيبش بتقوى ..
الحمدلله انا ربنا وفقنى امبارح ودخلت للدكاتره كويسين ..وربنا يكملها على خير ان شاء الله
انا عايزة اتكلم كتييييييييييييير ..بس يلا كفايه كده
_________________
medicalclub.bb-fr.com/montada-f1/topic-t13558.htm
عند ضغطك على الرابط ..اطلب منك قراءه الفاتحه على ارواحهم ..ارواح الشهداء وكل عزيز غالى ..

موضوع: رد: وجه نظر طالب الأحد 06 يوليو 2008, 9:12 pm

شكرا يا دكتوره هويدا اقتراح حضرتك ممتاز جدا
و موضوع اننا نتعرف على اسماء الدكاتره من منتدى سنه خمسه فكره ممتازه و الله
و هتبقى فعلا خطوه كويسه ننتقل منها لمرحله اننا ممكن نقعد مع عدد اكبر من الدكاتره
و تكون مناقشه مفتوحه بينا و بينهم
ربنا يكرمك على الاقتراح الجميل ده
و الدكتوره " عازفه على اوتار الزمان " اشكرك اولا لانك دخلتى تشجعى موضوعنا ده
و انا شخضيا دخلت للدكتور اللى حضرتك اتكلمتى عنه ده
و بدعى ان ربنا ميحطش حد فى موقفى ده ابدا
اولا : انا دخلت لاقيته مكشر فى وشنا
و مفييييييييييييييش اى تعبير على وشه
ثانيا : هو سالنى فى اسئله غبيه كده و سبحان الله كنت تقريبا عارفها ....... بس اقول ايه غير ان ربنا مكتبليش انى اجاوبها ........ فى بعضها قلت نصه و بعضها غلطت فيه
و لما سالنى سؤال صعب و جاوبته حسيت انه زعل قوى و اتاثر انى جاوبته
em3

و كمان فعلا موضوع انه لدام بيسال اسئله صعبه ....... و بيقول يعنى انه عاوزنا نتعلم ..... طب ليييييييييييييييييه مبتجاوبهاش يا عم ؟؟؟؟؟؟؟؟؟؟؟؟؟؟؟؟
و لا هو يعنى الفكره كلها اننا نطلع مبنفهمش حاجه و حضرتك العالم
انا اعرف حديث عن الرسول عليه الصلاه و السلام فيما معناه " لا يدخل الجنه من كان فى قلبه مثقال ذره من كبر "
طبعا مبتمنالوش انه يخش النار ......... بس اشك ان فى قلبه مثقال ذره واحده بس من كبر ........ز ده فى قلبه كتير قوى
انا اتمنى انى مكونش زييه
em5

موضوع: رد: وجه نظر طالب الأحد 06 يوليو 2008, 9:33 pm

موضوع: رد: وجه نظر طالب الأحد 06 يوليو 2008, 10:23 pm

لا يادكتوة هو مش مكشر فى الامتحانات الشفوى بس كلام الدكتور اتقالنا ووجهولنا كانه بيقول مهما عملتو وذاكرتو مش حكاية مضايق من حاجة وهتعدى زائد ان قدامنا كانت الدرجات صفر بتتاخد فى الروندات ودرجات وحشة فى اخر السنة يعنى مش خيلات ولا افترى مننا كفاية الرعب الى بنبقى فيه لما نعرف احنا داخلين لمين!!!!!!!!!!!!!!!!!!ربنا ميحطناش تحت تحكم بنى ادم

موضوع: رد: وجه نظر طالب الأحد 06 يوليو 2008, 10:40 pm

[quote="قوقه&زعقوقه"]